Tag good

اسپین:(ایمرا نیوزآن لائن) اسپین میں کئے گئے ایک مطالعے سے انکشاف ہوا ہے کہ حاملہ خواتین مدتِ حمل کے ابتدائی دنوں میں اگر گری دار خشک میوے مثلاً بادام، پستے اور اخروٹ کھائیں تو اس سے بچے کی ذہانت (آئی کیو) میں اضافہ ہوسکتا ہے۔اس سروے سے انکشاف ہوا ہے کہ حمل ٹھہرنے کی پہلی سہ ماہی (ٹرائی میسٹر) اگر کوئی خاتون ہفتے میں دو سے تین اونس گری دار پھل کھائے تو امکان ہے کہ اس سے بچے کا آئی کیو بہتر ہوتا ہے۔اس سے قبل بھی گری دار پھلوں کے بہت سے فوائد سامنے آئے ہیں جو ذیابیطس، امراضِ قلب اور بلڈ پریشر وغیرہ سے محفوظ رکھنے میں مدد فراہم کرتے ہیں۔ بعض مطالعوں سے یہ بھی معلوم ہوا ہے کہ اگربڑھاپے میں ذہنی کمزوری سے بچنا ہے تو بھی بادام، پستے اور اخروٹ کا استعمال مفید ثابت ہوتا ہے۔ لیکن اب ان پھلوں کے زچہ اور بچہ پربہتر اثرات سامنے آئے ہیں۔

بارسلونا انسٹی ٹیوٹ آف گلوبل ہیلتھ کی جورڈی ہلویز اور ان کے ساتھیوں نے 2208 خواتین اور ان کے بچوں کا 8 سال تک مطالعہ کیا اور ان میں غذا ، ذہانت اور دورانِ حمل والدہ کی غذائی عادات کو نوٹ کیا گیا ۔ پھر پیدا ہونے والےبچے کا ڈیڑھ سال، 5 سال اور 8 سال کی عمر میں ذہنی صلاحیت کا جائزہ بھی لیا گیا۔اس سروے سے معلوم ہوا کہ جن بچوں کی ماں نے حمل کی پہلی سہ ماہی میں گری دار پھل کھائے تھے وہ اسے نظر انداز کرنے والی ماؤں کے بچوں کے مقابلے میں قدرے زیادہ ذہین تھے۔

تاہم اس پورے سروے میں ماہرین نے ماں کی عمر، تعلیم، معاشی اور سماجی حیثیت اور سگریٹ نوشی وغیرہ کو بھی شامل کیا اور ان کے منفی اثرات کو بھی الگ کرکے دیکھا۔ماہرین نے دیکھا کہ جن بچوں کی ماؤں نے ابتدائی ایام میں 75 گرام خشک میوے کھائے تھے ان کے بچوں میں توجہ، ارتکاز اور آئی کیو میں بہتری دیکھی گئی ۔ ماہرین نے اس کی وجہ اومیگا تھری فیٹی ایسڈ کو قرار دیا ہے جو ماں کی خوراک سے بچے کے وجود کا حصہ بن جاتی ہے اور یوں بچے کی دماغی بڑھوتری اور ذہانت میں اضافہ کرتی ہے۔

کراچی(ایمرا نیوزآن لائن) محکمہ موسمیات نے کراچی کے روزے داروں کو آئندہ چند روز میں ہلکی بارش کی نوید سنا دی، رمضان کے پہلے عشرے کے دوران موسم خوشگوار رہنے کا امکان ہے۔محکمہ موسمیات کے مطابق کراچی میں آئندہ 24 گھنٹوں کے دوران مطلع جزوی ابر آلود رہنے کا امکان ہے۔محکمہ موسمیات کا کہنا ہے کہ کراچی میں رواں ہفتے بادل چھائے رہیں گے، بادلوں کے باعث مختلف علاقوں میں بوندا باندی بھی ہو سکتی ہے، رواں ہفتے تیز سمندری ہوائیں بھی چلتی رہیں گی۔

محکمہ موسمیات کے مطابق آج شہر قائد میں زیادہ سے زیادہ درجہ حرارت 32 سے 34 ڈگری سینٹی گریڈ کے درمیان رہنے کا امکان ہے۔شہر میں جنوب مغربی علاقوں سے ہوائیں 10 کلو میٹر فی گھنٹہ کی رفتار سے چل رہی ہیں جبکہ ہوا میں نمی کا تناسب 64 فیصد ہے۔

لاہور:(ایمرا نیوزآن لائن) دورۂ انگلینڈ کے ابتدائی معرکوں میں پاکستانی ہتھیاروں کی جانچ مکمل ہو گئی جب کہ بیشتر تیر نشانے پر بیٹھنے سے مینجمنٹ نے سکھ کا سانس لے لیا۔میزبان ٹیم سے سیریز اور ورلڈکپ کی تیاریوں کیلیے قبل ازوقت انگلینڈ پہنچنے والی پاکستان ٹیم فٹنس اور دیگر مسائل سے پیچھا چھڑانے میں ناکام رہی ہے، شاداب خان خطرناک وائرس کا شکار ہونے کی وجہ سے زیر علاج ہیں، محمد حفیظ ہاتھ کا کامیاب آپریشن کرانے کے بعد بحالی فٹنس کیلیے کوشاں ہیں، شعیب ملک پہلا پریکٹس میچ کھیلنے کے بعد نجی مسائل کی وجہ سے 10دن کی رخصت پر چلے گئے۔ اس کے باوجود پاکستان نے تینوں پریکٹس میچز میں اچھی کارکردگی کا مظاہرہ کرتے ہوئے کامیابی حاصل کی۔

سب سے خوش آئند بات یہ ہے کہ آسٹریلیا سے سیریز میں آرام کرنے والے کھلاڑی بھی تسلسل کے ساتھ پرفارم کررہے ہیں، فخرزمان نے کینٹ سے میچ میں76رنز بنانے کے بعد نارتھمپٹن شائر کیخلاف سنچری جڑ دی،دونوں ایک روزہ میچز کے بعد لیسٹر شائر سے ٹی ٹوئنٹی میں بھی انھوں نے 30گیندوں پر52کی اننگز کھیلی، چیمپئنز ٹرافی کے ہیرو کی حالیہ فارم پاکستان کیلیے باعث اطمینان بات ہے۔بابر اعظم پہلے میچ میں ڈبل فیگر تک نہیں پہنچ پائے، دوسرے میں 68پر ناقابل شکست رہے۔ ٹی ٹوئنٹی میں انھوں نے صرف 63گیندوں پر 101کی اننگز کھیلی،عماد وسیم نے پہلے ون ڈے میں جارحانہ 117رنز بناکر ٹیم کا ٹوٹل 7وکٹ پر 358تک پہنچانے میں اہم کردار ادا کیا تھا،حارث سہیل نے بھی 75کی اننگز کھیلی۔نارتھمپٹن شائر کیخلاف امام الحق 71رنز بنانے میں کامیاب ہوئے،حیران کن طور پر ٹی ٹوئنٹی میچ میں بھی ان کو شامل کیا گیا جبکہ عابد علی کوابھی تک صرف پانی پلانے تک محدود رکھا گیا ہے۔ آصف علی تیسرے میچ میں موقع ملنے پر 22کی اننگز کھیل سکے،مجموعی طور پر بیٹنگ لائن کی کارکردگی حوصلہ افزا ہے۔بولرز میں حسن علی،فہیم اشرف،شاہین شاہ آفریدی،محمد عامر اور محمد حسنین پیس اور باؤنس کا فائدہ اٹھاتے نظر آئے،جیند خان نے ایک میچ میں حصہ لیا اور 79رنز دے کر ایک شکار کیا، شاداب خان کی بیماری کے سبب اچانک اسکواڈ میں شامل کیے جانے والے یاسر شاہ کو ایک میچ میں 90اور دوسرے میں 61رنزکی پٹائی برداشت کرنا پڑی،وہ ٹی ٹوئنٹی میچ کیلیے ٹیم میں جگہ بنا سکے۔

محدود اوورز کی کرکٹ میں یاسر کی فارم منیجمنٹ کیلیے باعث تشویش ہے تاہم عماد وسیم نے بہت کفایتی بولنگ کرتے ہوئے وکٹیں بھی حاصل کی ہیں،خدشہ یہی ہے کہ محمد حفیظ 5مئی کو انگلینڈ سے واحد ٹی ٹوئنٹی کے بعد 2ون ڈے میچز کیلیے بھی دستیاب نہیں ہوں گے،شعیب ملک بھی پہلے ایک روزہ میچ سے قبل ٹیم کو جوائن نہیں کرسکیں گے۔اس صورت میں پاکستان کو یاسر شاہ کا جوا کھیلنے یا پھر حارث سہیل اور فخرزمان جیسے پارٹ ٹائم بولرز کا سہارا لینا ہوگا۔دریں اثناء انگلینڈ سے واحد ٹی ٹوئنٹی میچ کیلیے گرین شرٹس گزشتہ روز بذریعہ بس 3گھنٹے کا سفر طے کرکے لیسٹر سے کارڈف پہنچ گئے، پلیئرزجمعے کو صبح ساڑھے 9سے ساڑھے 12بجے تک پریکٹس سیشن میں صلاحیتیں نکھارنے کی کوشش کریں گے۔

کراچی(ایمرا نیوز) کراچی میں ترقیاتی منصوبوں کیلئے 162 ارب روپے پیکیج کا اعلان
واٹر سیوریج کے 7 جبکہ پبلک ٹرانسپورٹ کے 10 منصوبوں سمیت 18 ترقیاتی منصوبے شامل
حیدرآباد میں یونیورسٹی اور تھرپارکر میں ایک ارب کے آراو پلانٹس ،ایک ارب کے صحت کارڈز ، دو موبائل ہسپتال ، چار ایمبولینسز کا بھی اعلان
کراچی کے ساتھ10سالوں میں جو سلوک کیا وہ سب کے سامنے ہے، عمران خان
وفاق سندھ کی ترقی کیلئے صوبائی حکومت کو ہر تعاون فراہم کرے گی ،کراچی کو اوپر لیکر جانا ہے ،بلند وبانگ عمارتیں تعمیر کرینگے،کراچی کے مسائل کے حل کیلئے گورنر سندھ سے مسلسل رابطے میں ہوں،جو بھی وعدے کئے بھول نہیں سکتا ،تقریب سے خطاب
وزیر اعظم پاکستان عمران خان نے کراچی میں ترقیاتی منصوبوں کیلئے 162 ارب روپے کے پیکج کا اعلان کردیا ہے۔پیکج میں پبلک ٹرانسپورٹ کے 10 اور واٹر سیوریج کے 7 منصوبوں سمیت 18 منصوبے شامل ہیں۔گورنر ہاؤس سندھ میں کراچی ٹرانسفارمیشن کمیٹی کے اجلاس کے بعد تقریب سے خطاب کرتے ہوئے وزیر اعظم عمران خان نے کہا کہ کراچی کیلئے 162 روپے روپے کا پیکج دے رہے ہیں،پبلک پرائیوٹ پارٹنر شپ اور اپنے وسائل سے تیار کردہ اس پیکج میں پبلک ٹرانسپورٹ کے 10 اور واٹر سیوریج کے 7 منصوبوں سمیت 18 منصوبے شامل ہیں، وزیراعظم نے حیدر آباد میں یونیورسٹی کا اعلان کرتے ہوئے کہا کہ حیدرآباد میں یونیورسٹی اور تھرپارکر میں ایک ارب کے آراو پلانٹس لگائیں گے،حیدر آبادکی یونیورسٹی کو وفاقی حکومت دیکھے گی۔انہوں نے کہا کہ کراچی کی ترقی پاکستان کی ترقی کیلئے ضروری ہے، کراچی کے حالات ٹھیک کرنا صوبائی حکومت کا کام ہے۔کراچی کی ذمہ داری سندھ حکومت کی ہے لیکن سندھ حکومت اندرونِ سندھ سے کامیاب ہوتی ہے، انہوں نے جو کراچی کے ساتھ سلوک کیا وہ سب کے سامنے ہے۔وزیراعظم نے کہا کہ پینے کے پانی کے منصوبے کے فور میں جو مسائل ہیں وہ ہم سب جانتے ہیں، اتنے پھیلتے ہوئے شہر کو پانی اور سیوریج سمیت دیگر سہولیات نہیں دی جاسکتیں، کراچی میں پانی کے پراجیکٹ کے لیے شہر کو پانی بچانے کیلئے پوری مہم چلانا پڑے گی، کبھی پاکستان میں پانی بچانے کی کوئی مہم نہیں چلی۔بعدازاں باغ قاسم کی افتتاحی تقریب سے خطاب کرتے ہوئے وزیر اعظم عمران خان نے کہا کہ پارک دیکھ کر حیران رہ گیا ہوں کراچی کیلئے ضرور ہے کہ ہریالی والے علاقوں کو بچائیں اور مزید علاقوں کو ہریالی والا بنائیں کراچی میں نوجوانوں کیلئے کھیلوں کے گراؤنڈ ہونے چاہئیں جاوید میانداد جن گراؤنڈز پر کھیلے آج ان گراؤنڈز پر قبضہ ہوچکا ہے انہوں نے کہا کہ ہم نے کراچی کو اوپر کی طرف لے جانے کا فیصلہ کیا ہے جس کے لیے سول ایوی ایشن کو کہا ہےکہ ائیرپورٹ اور اطراف کے ایسے علاقوں کی نشاندہی کریں جہاں بلند عمارتیں نہیں بن سکتیں اس کے علاوہ جتنی چاہیں بلند عمارتوں کی اجازت ہونی چاہیے۔شہروں کو اوپر جانے دینا ہے اور بلڈنگز جتنی اونچی جاسکے جانے دینی ہیں جہاز سے ایسا نظر آتا ہے کہ کراچی پر جیسے کنکریٹ کی سلیب رکھی ہو اس لئے بجائے اس کہ کے بلڈنگز کا پھیلاؤ ہو انہیں اونچا کیا جائے تاکہ جگہ بچ سکے۔انہوں نے کہا کہ کراچی میں دستیاب جگہ بچانے کے لیے کثیرالمنزلہ عمارتوں کی ضرورت ہے، شہر اب صرف کنکریٹ لگتا ہے یہاں گرین ایریاز ختم ہوچکے ہیں اور کراچی پھیلتا جارہا ہے،کراچی میں ہریالی کم ہونے سے گرمی کی حدت میں اضافہ ہوا ہے. عمران خان نے کہا کہ سندھ کے جنگلات پر بھی قبضہ ہوا ہے پاکستان دنیا کے ان ممالک میں آٹھویں نمبر پر ہے جو گلوبل وارمنگ سے متاثر ہوئے ہیں اگر ابھی سے درخت لگانے شروع نہ کئے تو آگے جاکر مسائل کا سامنا کرنا پڑے گا سبز علاقوں کو بچانا چاہیے اور جن علاقوں میں ہریالی ہے وہاں مزید درخت لگانے چاہیے اور ان علاقوں میں پارک بنانے چاہیے۔انہوں نے کہا کہ ہمیں فیصلہ کرنا ہےکہ کراچی ایک خاص ایریا سے زیادہ نہیں پھیلے گا،اس کیلئے کراچی کا ماسٹر پلان بہت اہم ہے، جب تک پورا ماسٹر پلان نہیں بنتا عبوری فیصلے کرنا ہیں،کئی چیزیں شہر میں روکنی ہیں، اگر ایسا نہ کیا تو شہر کہیں سے کہیں پہنچ جائے گا، اس طرح کے شہر میں سب کچھ مشکل ہوجاتا ہے، اس لیے بہت ضروری ہےکہ شہر کا ماسٹر پلان جلد بنایا جائے۔شہر میں سب سے زیادہ کچی آبادیاں ہیں، ہمیں شہر کو محدود کرکے کچی آبادیوں کو ترقی دینا ہے۔انہوں نے کہا کہ بہت ضروری ہے کہ کراچی کے کام اب عملدر آمد کی طرف جائیں، گورنر سندھ کو کہا ہےکہ جو مدد چاہیے، ہم حاضر ہیں۔کراچی کیلئے میں گورنرسندھ سے مستقل رابطے میں ہوں۔( اشفاق خان یوسفزئی )

اسلام آباد(ایمرا نیوزآن لائن) وزیراعظم عمران خان نے کہا ہے کہ ہمیں جب اقتدار ملا تو معاشی ، اقتصادی حالات بہت خراب تھے ۔سابقہ حکومت نے ڈالر کی قیمت مستحکم رکھنے کیلئے ایک سال میں 7 ارب ڈالر مارکیٹ میں ڈ الے جس سے زر مبادلہ کے ذخائر کم ہوئے ، ادائیگیوں کا توازن خراب ہوا ، اقتصادی اور معاشی صورتحال بے قابو ہوئی۔ اب ہم نے اپنے دوستوں کے تعاون سے حالات پر قابو پا لیا ہے اب اگر آئی ایم ایف کے پاس گئے تو پہلے کی طرح سخت اور ناقابل قبول شرائط کاسامنا نہیں ہوگا۔ ملک بھر کے اخبارات کے ایڈیٹرز سے وزیراعظم ہائوس میں تبادلہ خیال کے دوران وزیراعظم نے کہا تین ہفتے انتظار کریں، ممکن ہے میں قوم کو بہت بڑی خوشخبری سنائوں ۔ ایگزون نے تیل کی تلاش کا جو کام شروع کیا تھا تیل کا بہت بڑا ذخیرہ مل سکتا ہے جس سے پاکستان کے اقتصادی اور معاشی مسائل حل ہو جائیں گے ۔ میں نے چیئر مین جوائنٹ چیف آف سٹاف اور تینوں مسلح افواج کے سربراہوں سے ملاقات کی ہے کیونکہ بھارت میں جوں جوں انتخابی مہم زور پکڑ رہی ہے اورنریندر مودی کی مقبولیت گر رہی ہے ،بھارتی مہم جوئی کا خطرہ تاحال موجود ہے ۔ اسلئے ہمیں ہر طرح کے حالات کا سامنا کرنے کیلئے تیار رہنا چاہیے ۔ہم نے کل ملاقات کے دوران انہی معاملات پر سوچ بچار کی ۔ ہم کسی کو بتا نہیں سکتے کہ سابقہ حکومتوں کی وجہ سے ملکی معاشی صورتحال کیا ہے ۔اسی لیے فی الحال ہماری ترجیح اوّل معاشی بہتری ہے ۔ ریاست مدینہ پر کام ہو رہا ہے ۔ سود بھی نا انصافی اور استحصال کو جنم دیتا ہے ۔مناسب وقت پر سود کو بھی ڈیل کریں گے جس کیلئے اداروں کو مضبوط کر رہے ہیں ۔ ایف بی آر کی ریفارمز پر زور لگا رہے ہیں۔ ایف بی آر میں پالیسی اور کولیکشن (وصولی ) کو الگ الگ کر رہے ہیں۔ ایف بی آر نے پیسہ اکٹھا کرنے کے شوق میں انڈسٹری تباہ کر دی اور برآمدات کم ہو گئیں۔ ایف بی آر سے لوگ ڈرتے ہیں، صرف سات آٹھ لاکھ ٹیکس نا دہندگان سے 21 کروڑ کا ملک نہیں چل سکتا۔ معاشی بحران ہو تو بزنس متاثر ہوتا ہے ۔2010ء میں برطانیہ میں ڈیوڈ کیمرون نے اقتدار سنبھالا تو برطانوی معیشت معمولی خسارے کا شکار تھی اس کے باوجود ڈیوڈ کیمرون نے صحت، تعلیم اور روز گار کے پروگرام پر کٹ لگایا۔ جب ایل این جی مہنگی خرید کر سستی فروخت کی جائیگی ،پی آئی اے میں سیاسی بنیادوں پر لوگ بھرتی کیے جائینگے اور یہی حال دوسرے اداروں کا ہو تو لوگوں کی خون پسینے کی کمائی گردشی قرضوں پر لگے گی۔ بجلی کے شعبے میں40 ارب روپے کی چوری بند کی ہے اور گیس چوری بھی بند کر رہے ہیں۔ نواز شریف نے ساڑھے بارہ سو ارپ کا خسارہ چھوڑا۔ 100 ارب روپے کے چیک بائونس ہو گئے ۔ مرکزاور صوبے میں حکمران ورکرز ویلفیئرز کے فنڈز کھا گئے ۔ہماری معیشت کا 60 سے 80 فیصد حصہ کالا دھن پر مشتمل ہے ۔ ایسی صورت میں ملک کیسے چل سکتا ہے ۔ 40 میں سے صرف دو کمپنیاں98 فیصد ٹیکس دیتی ہیں، باقی صرف دو فیصد ٹیکس دیتی ہیں۔ سب سے زیادہ کالا دھن کا پیسہ رئیل سٹیٹ میں جا رہا ہے جبتک ہم بلیک اکانومی کو آفیشل اکانومی میں تبدیل نہیں کرتے اقتصادی اور معاشی ترقی ممکن نہیں۔ ہم تجربہ کار ، پڑھے لکھے ورکرز بیرون ملک بھیجیں گے تاکہ زیادہ سے زیادہ ترسیلات زر موصول ہوں۔ ہم غربت کم کرنے کے منصوبے پر کام کر رہے ہیں۔ ایک تاریخی منصوبہ لیکر آ رہے ہیں جس سے روزگار کے مواقع بڑھ جائیں گے ۔ ہماری ہائوسنگ سکیم کا منصوبہ بھی معیشت کی مضبوطی اور روزگار کی فراہمی کا منصوبہ ہے جس سے 40 صنعتوں کا پہیہ چلے گا۔ یو اے ای نے ابتداہی میں مؤخر ادائیگی پر تیل فراہم کرنے سے معذرت کر لی تھی۔ ہم نے درخواست کی تھی لیکن ان کا کہنا تھا کہ ہمارے قوانین اجازت نہیں دیتے ۔ جبتک سمگلنگ کا خاتمہ نہیں ہوتا ہماری انڈسٹری بین الاقوامی ممالک کا مقابلہ نہیں کر سکتی۔ لوگوں کی صحت ہماری ترجیحات میں سرفہرست ہے ۔ لیکن حالت یہ ہے 70 فیصد کھلا دودھ ناقص اورمضر صحت ہے ، پاکپتن میں ہم نے سروے کرایا تو 100 فیصد دودھ مضر صحت تھا جس سے سٹینڈرڈ گروتھ ہوتی ہے ۔ ایک سوال پر انہوں نے کہا پاکستان میں جہادی گروپ حکومتوں نے تیار کیے ۔ کچھ حالات ایسے تھے لیکن کوئی بھی ریاست مسلح عسکریت پسند تنظیموں کی اجازت نہیں دے سکتی۔ حالات بدل گئے ہیں۔ ان تنظیموں کی وجہ سے دنیا بھر میں کہیں بھی دہشتگردی کا واقعہ ہو الزام پاکستان پر آتا ہے ۔ پلوامہ میں کوئی پاکستانی ملوث نہیں تھا لیکن جیش محمد کا نام آیا توپاکستان پر الزام لگ گیا۔ ہم نیشنل ایکشن پلان پر کام کر رہے ہیں اور جس طرح تحریک لبیک پاکستان کو ’’مینج‘‘ کیا ہے دوسری جماعتوں کو بھی کریں گے ۔ ہم سیاحت سے بہت کچھ کما سکتے ہیں لیکن اگر ہم باہر والوں کیلئے قابل قبول ہی نہیں تو سیاح کہاں سے آئیں گے ۔ یہ دلچسپ بات ہے کہ بھارت اور ایران میں دہشتگردی کے واقعات ہوئے تو دونوں ممالک نے پاکستان پر الزام لگایا۔ ہر معاشرے میں انتہا پسند ہوتے ہیں لیکن اکثریت اعتدال پسند ہوتی ہے ، پاکستان میں انتہا پسندی کی ایک وجہ یہ بھی ہے کہ ہم نے اس ملک کو اسلام کے نام پر بنایا لیکن دین کو مذہبی جماعتوں اور مدارس کے حوالے کر دیا چونکہ حکمرانوں خواہ وہ ذوالفقار علی بھٹو، ایوب خان ہوں یا دیگر ان کی سوچ مغربی تھی بھٹو نے سیکولر ازم کا نعرہ لگا کر لوگوں کو بدظن کیا اور پھر مذہبی طبقے سے کمپرومائز کر لیا۔ نیوزی لینڈ میں نعیم رشید کی بیوہ نے جس طرح سے اسلام کی تعلیمات کو سادہ الفاظ میں پیش کر کے پوری دنیا کو متاثر کیا ، رحمدلی کا درس دیا، وہ ہمارے علماء نے نہیں کیا۔ بلوچستان میں دہشتگردی قابل فہم ہے ، اندازہ تھا پلوامہ اور بھارتی طیارے گرانے کے واقعات کے بعد یہاں دہشتگردی ہو سکتی ہے ۔پاکستان اور افغانستان میں حالات ایسے نہیں کہ افغان صدر اشرف غنی سے بات کر سکوں ۔ میں چاہتا ہوں افغان ٹرانزٹ ٹریڈ کی کسٹم کلیئرنس پاکستان میں ہو تاکہ سمگلنگ کا خاتمہ ہو سکے ۔انہوں نے کہا بلاول بھٹو زرداری نے نیب کے بارے میں کچھ کہا ہے اس سے ہمارا کوئی لینا دینا نہیں۔ چودھری نثار 2016ء میں کہہ چکے تھے کہ جن اکائونٹس سے ایان علی کو پیسوں کی ادائیگی ہوئی اسی سے بلاول کے ٹکٹ خریدے گئے ۔جن لوگوں نے قومی دولت لوٹی ہے انہیں عبرتناک سزا ملنی چاہیے ۔نیب طاقتور لوگو ں کو پکڑے ، چھوٹے چھوٹے معاملات میں نہ پڑے کیونکہ اس کے پاس اتنی افرادی قوت نہیں۔ نیب کی وجہ سے ہماری گورننس مشکل کا شکار ہے ۔ بلاول بھٹو بیرونی دنیا کی ہمدردیاں حاصل کرنے کیلئے کالعدم جماعتوں کیخلاف باتیں کر رہے ہیں۔

لاہور(ایمرا نیوزآن لائن) ذیابیطس دنیا کی خطرناک ترین بیماریوں میں سے ایک ہے، بہت سے پاکستانی ذیابیطس کی بیماری کا شکار ہیں. ایک تحقیق کے مطابق حیران کن بات یہ ہے ہر چوتھا پاکستانی 20 سال کے بعد ذیابیطس کا شکار ہوجاتا ہے، اور 7pc پاکستانیوں کو یہ پتا ہی نہیں ہے کہ ان کو ذیابیطس کی بیماری ہے. ذیابیطس ایک خطرناک بیماری ہے اس کا اگر بروقت علاج نہ کیا جائے تو یہ بیماری کسی کی جان بھی لے سکتی ہے.لیکن ذیابیطس کے مریضوں کے لیے اچھی خبر آگئی ہے، پاکستانیوں نے ذیابیطس کے مریضوں کے لیے ایک ایسا سوفٹ ویئر بنایا ہے.جس کو دیکھ کر سب حیران رہ گئے ہیں.
https://emra.tv/2019/02/01/کترینہ-کیف-اب-کس…-فلمیں-کرنا-چاہت/
میڈیکل ورک، ایک ڈیجیٹل ہیلتھ کیریئر سٹارٹ اپ ہے جو ٹیکنالوجی کی طاقت سے غیر منسلک بیماریوں کو بہتر انتظام مہیا کرتی ہے. یہ ایک گلوبل گلوکوز ماپنے والا آلہ ہے جس کو ایک Android سمارٹ فون میں بدل دیا گیا ہے.
سافٹ ویئر کے علاوہ تمام ڈیٹا مینجمنٹ اور تجزیہ 100٪ پاکستان ہیں.

اسلام آباد(نیٹ نیوز/ایمرا نیوز) سپریم کورٹ نے 5 ہزار سے زائد فیسیں وصول کرنے والے نجی اسکولوں کی فیسوں میں 20 فیصد کمی کا تحریری حکم نامہ جاری کردیا۔عدالتی فیصلے کے مطابق پانچ ہزار سے فیس پر بیس فی صد کمی کے حکم کا اطلاق ملک بھر کے تمام اسکولوں پر ہوگا جبکہ فیس میں کمی کرنے سےاساتذہ کی تنخواہ پر کوئی اثر نہیں پڑے گا۔عدالتی حکم مییں یہ بات واضح کی گئی ہے کہ پانچ ہزار سے کم فیس لینے والے اسکولوں پر اس حکم کا اطلاق نہیں ہوگا۔عدالت کا کہناہے کہ اسکول مالکان اساتذہ کی تنخواہوں میں کمی نہیں کریں گے جبکہ اسکالر شپس اور اسکول کی سہولتوں پر بھی فرق نہیں پڑے گا۔ والدین کو تضحیک آمیز خطوط لکھنے والے اسکولوں کو توہین عدالت کے نوٹس جاری کیے جائیں گے۔وہ اسکول وضاحت کریں کہ کیوں نہ ان کے خلاف توہین عدالت کی کارروائی کی جائے۔سپریم کورٹ نے فیصلے میں ہدایت کی ہے کہ طلبہ اور والدین کم فیس جمع کرائیں اور والدین اسکول کی فیس مقررہ وقت تک ادا کریں۔تحریری فیصلے میں سپریم کورٹ نے حکم دیا ہے کہ ایف آئی اے اسکولوں کے قبضے میں لئے گئے ریکارڈ کاپی کرکے واپس کرے۔سپریم کورٹ کے فیصلے میں مزید کہا گیا ہے کہ لاء اینڈ جسٹس کمیشن نے تعلیمی اصلاحات پر رپورٹ اپنی ویب سائیٹ پر نمایاں کی ہے جس پر متعلقہ افراد کی تجاویز آرہی ہیں۔

اسلام آباد(نیٹ نیوز/ایمرا نیوز) ڈائریکٹر جنرل آف پرائیویٹ اسکولز ڈاکٹر منسوب حسین صدیقی نے سپریم کورٹ آف پاکستان کے احکامات کے تحت تمام پرائیویٹ اسکول انتظامیہ کو جون جولائی کی فیس نہ لینے کے احکامات جاری کردیئے ۔ڈائریکٹر جنرل آف پرائیویٹ اسکولز نکی جانب سے جاری کردہ نوٹیفیکیشن میں پرائیویٹ اسکولز کو پچھلے جون جولائی کی فیسیں ایڈجسٹمنٹ کرنے کے بھی احکامات جاری کئے گئے ہیں۔نوٹیفکیشن میں یہ بھی کہا گیا ہے کہ اگر کوئی پرائیویٹ اسکول انتظامیہ ان احکامات کو نظر انداز کرتے ہوئے زبردستی جون جولائی کی فیسیں لیں گی تو ان کا اسکول رجسٹریشن منسوخ کردیا جائے گا۔

لندن (میڈیا نائن ٹو ڈاٹ ٹی وی ) پاکستانی نژاد برطانوی باکسر عامر خان نے کہا ہے کہ فریال سے علیحدہ ہوکر میں نے غلطی کی، جسے اب سدھارنے کی پوری کوشش کر رہے ہیں، میں اپنی اولاد کو ایسے اکیلا نہیں چھوڑ سکتا، اس وقت فریال کو میری بے انتہا ضرورت ہے، ماضی میں جو کچھ بھی ہوا وہ سب غلط فہمیوں کا نتیجہ تھا۔ تفصیلات کے مطابق اہلیہ فریال کے ساتھ تعلقات کے معاملے پر عامر خان نے پہلی بار ایک انٹرویو میں کھل کر اعتراف کرتےہوئے انہوں نے کہا کہ اگر پوری صورتحال کو دیکھیں تو یہ بالکل احمقانہ تھی۔عامر کے مطابق ٹیکسٹ میسجز کے ذریعے جس طرح سے بات شروع ہوئی وہ انداز ہی غلط تھا، میں نے اپنی زندگی سوشل میڈیا پر ڈال دی اور ایسی باتوں کا تصور کیا، جوغلط تھیں۔انہوں نے کہا میں نہیں جانتا کہ میرے ہاں دوسری بار بھی بیٹی ہوگی یا بیٹا لیکنمیری فیملی میری ذمہ داری ہے اور میں اپنی اولاد کو ایسے اکیلے نہیں چھوڑ سکتا۔عامر نے کہا کہ اس وقت فریال کو میری بے انتہا ضرورت ہے۔ ماضی میں جو کچھ بھی ہوا وہ سب غلط فہمیوں کے باعث تھا۔’خیال رہے کہ گزشتہ دنوں عامر اور ان کی اہلیہ فریال مخدوم کے درمیان کافی غلط فہمیاں اور تنازعات منظر عام پر آئے تھے جس پر عامر نے اہلیہ سے علیحدگی کا اعلان کردیا تھا تاہم حال ہی میں دونوں کے درمیان صلح ہوچکی ہے۔