Tag goverenment

لاہور(ایمرا نیوزآن لائن) ینگ ڈاکٹرز ایسوسی ایشن کا کہنا ہے کہ تین دن میں اگرحکومت نے مذاکرات نہ کیے تو آؤٹ ڈور کے ساتھ ساتھ اسپتالوں کے ان ڈور بھی بند کردیں گے۔ پنجاب اسمبلی کے اگلے سیشن پر صوبے بھر کے ڈاکٹرز اور پیرامیڈیکل اسٹاف دھرنا دیں گے۔

سروسز اسپتال لاہور میں پریس کانفرنس کرتے ہوئے ینگ ڈاکٹرز ایسوسی ایشن کے عہدے داروں کا کہنا تھا کہ اسپتالوں کی نجکاری مسترد اورسول سرونٹ ایکٹ ختم کرنے کی مخالفت کرتے ہیں۔عہدے داروں نے کہا کہ اسپتالوں کو ٹھیکیداروں سے نہیں چلایا جا سکتا، اسپتالوں کو کاروباری مراکز بنانے کے خلاف تمام تنظیمیں متحد ہیں۔ان کا کہنا تھا کہ ابھی تک حکومت نے باقاعدہ مذاکرات کی کوشش نہیں کی۔

پنجاب حکومت نے گریڈ 21 کے دو افسران کو گریڈ 22 میں ترقی دیدی
لاہور (ایمرا نیوز آن لائن) وفاقی حکومت نے پنجاب میں تعینات گریڈ 21 کے دو افسران کو گریڈ 22 میں ترقیاں دینے کی منظوری دے دی ہے۔ جس کا نوٹیفکیشن پیر کے روز جاری کر دیا جائے گا۔ ترقی پانے والے افسران میں ایڈیشنل چیف سیکرٹری پنجاب اور چیئرمین پی اینڈ ڈی حبیب الرحمان گیلانی شامل ہیں۔ (اے ملک)

اےف ڈی ای ورلڈ فوڈ پروگرام کے تعاون سے 22سرکاری سکولوں میں دوپہر کاکھانا مفت فراہم کرےگا
اسلام آباد(ایمرا نیوز آن لائن)وفاقینظا ما تعلیم( اےف ڈی ای) ورلڈ فوڈ پروگرام کے تعاون سے 22سرکاری سکولوں میں دوپہر کاکھانا مفت فراہم کرےگا ۔ میڈیا رپورٹس کے مطابق اس حوالے سے وزارت تعلیم کے جوائنٹ ایجوکیشن ایڈوائزر رفیق طاہر کا کہنا ہے کہ ڈبلیو ایچ او کے ساتھ انکی بات چیت آخری مراحل میں ہے اور پرامید ہے کہ دونوں تنظیمیں ایک معاہدے پر دستخط کر لیں گی ۔ انہوں نے کہا کہ ابتدائی طور پر وزارت اےک منصوبہ بنارہی ہے کہ وہ اےسے طالبعلموں کو دوپہر کا کھانا فراہم کریں گے جن کا اندراج آﺅٹ آف سکول بچوں کی مہم کے تحت کیا گیا تھا.

لاہور(ایمرا نیوزآن لائن) وزیر اعظم نے پنجاب حکومت کو گندم خریداری کیلئے موثر اقدامات کرنے کی ہدایات کردی ۔ پنجاب میں گندم کی کٹائی شروع ہونے میں دو ہفتے باقی ہیں جس کیلئے وزیر اعظم نے پنجاب حکومت کو ہدایات جاری کی ہیں کہ گندم کی خریداری کیلئے بہتر اقدامات کیے جائیں گے تاکہ کسان کو کسی قسم کی پریشانی کا سامنا نہ کرنا پڑے ۔وزیر اعظم نے پنجاب میں گندم خریداری کے حوالے سے انتظامات کے حوالے سے بریفنگ لینے کے بعد احکامات جاری کیے کہ تمام سٹیک ہولڈرز کے ساتھ میٹنگ کی جائے جس سے گندم کی خریداری کیلئے موثر اقدامات کیے جائیں اور گندم کی برآمد کیلئے لائحہ عمل تیار کیا جائے تاکہ پنجاب میں اضافی گندم کو بیرون ملک فروخت کیا جا سکے ۔ کسان کو گندم خریداری مراکز پر پہنچانے اور مراکز پر بہتر ماحول فراہم کیا جائے ۔صوبہ میں بڑی فصلوں جن میں گندم،چاول،گنا،مکئی کی پیداوار بڑھانے کیلئے اقدامات کیے جائیں کیونکہ پاکستان ایک زرعی ملک ہے اور زرعی پیداوار میں اضافہ سے ملکی معیشت کی مضبوطی میں مدد ملے گی۔ اس کیلئے پنجاب حکومت کو اقدامات اٹھانے کیلئے احکامات دئیے گئے ہیں تاکہ کم لاگت سے زیادہ پیداوار حاصل کی جا سکے ۔واضح رہے اس وقت صوبہ میں 35لاکھ ٹن سے زائد گندم پڑی ہے اور نئی گندم آنے سے ذخیرہ کرنے کے ساتھ ساتھ دیگر مسائل پیدا ہو جائیں گے ۔ محکمہ خوراک پنجاب کے پاس گندم محفوظ کرنے کیلئے 36اضلاع میں 6442 چھوٹے بڑے گودام موجود ہیں جن میں محض 21لاکھ76ہزار ٹن گندم محفوظ کی جا سکتی ہے ۔گزشتہ مالی سال میں پنجاب حکومت نے 36لاکھ23ہزار میٹرک ٹن گندم خریدی کی جبکہ رواں مالی سال 38لاکھ ٹن گندم خریداری کاہدف زیر غور ہے ۔گزشتہ سال خریداری کے بعد پنجاب میں 72لاکھ ٹن گندم ذخیرہ کر لی گئی تھی ۔

اسلام آباد(ایمرا نیوزآن لائن)وفاقی حکومت کی جانب سے چلائی جانے والی نئی ٹرینوں کے لئے مسافروں کوسفر کی بہترین سہولیات باہم فراہم کرنے کے لئے پاکستان ریلویز نے لمبے سفر کی 230 مسافر بردار ویگنز،800 ہائی کیپسٹی ویگنز اور20 بریک وینز خریدنے کا فیصلہ کیاہے ۔ ریلویز نے مالی سال 2019-20 کے لئے پبلک سیکٹر ڈویلپمنٹ پروگرام میں رولنگ سٹاک اور موجودہ منصوبوں کی تکمیل کے 5.118 ارب روپے ، نئے لوکو موٹو کی خریداری کے لئے 1.424 ارب روپے جبکہ مسافر بردار ویگنوں کی خریداری کے لئے 3.69 ارب روپے تجویز کئے ہیں۔ذرائع کے مطابق ریلویز آئندہ سال سے مسافربردار ویگنوں کی مقامی سطح پر پاکستان ریلویز کی فیکٹریوں میں تیاری کے منصوبہ پر غور کر رہی ہے ۔ذرائع کے مطابق ریلویز نے موجودہ حکومت کی جانب سے چلائی جانے والی20 نئی ٹرینوں کے بعد مسافروں کی طلب اور ان کو سفر کی بہترین سہولیات فراہم کرنے کے لئے بین الاقوامی فرموں سے اعلیٰ معیارکی 230 لمبے سفر کی مسافر بردار کوچز جن میں اکانومی کلاس کی 80 اور ائیرکنڈیشن کلاس کی 80 اور 30 عدد پالرکارز،20 عدد سامانوں کی ویگنز ،20 عدد بریک گاڑیاں اور 800 ہائی کیپسٹی کی ویگنز شامل ہیں جن میں 200 کورڈ ویگنز میں سے 40 ویگنز مکمل تیارحالت میں خریدی جائیں گی جبکہ 160 ویگنز اور 300 کنٹینرویگنز میں 70 مکمل تیار شدہ اور 230 کنٹینرز پاکستان میں پاکستان ریلویز کی فیکٹریوں میں تیار کئے جائیں گے ، سمیت 20 بریک وین خریدنے کے لئے ٹینڈرز طلب کئے ہیں ۔ذرائع کا کہنا ہے ریلویز نے مذکورہ ویگنز اور لوکو موٹو کی خریداری کیلئے بین الاقوامی ٹینڈرز جاری کردئیے ہیں ۔ ذرائع کے مطابق ریلوے کے پاس 458 لوکوموٹوز 1ہزار 819مسافر کوچز ہیں۔458 لوکوموٹوز میں سے 321 انجن آپریشنل ہیں 70 سے زائد انجنوں کو کارآمد بنایا جا سکتاہے ۔پانچ لوکو موٹوز کو پائلٹ پراجیکٹ کے تحت ٹھیک کیا جارہا ہے ۔ذرائع نے بتایا کہ پاکستان ریلوے کاملک بھرمیں ٹریک 11 ہزار881کلومیٹر پر مشتمل ہے ۔ ریلوے کا مجموعی آپریشنل روٹ 7 ہزار791کلومیٹر ہے ۔

29 مارچ کو وزیر اعظم 2 روزہ دورے کراچی جائیں گے ،گھوٹکی میں جلسہ سے خطاب کرینگے
امن وامان سے متعلق اجلاس،وزیراعلیٰ ،گورنر اور اتحادیوں سے ملاقاتیں کرینگے ،اہم اعلانات متوقع
اسلام آباد (ایمرا نیوز آن لائن)تحریک انصاف نے حکومتی کارکردگی کو اجاگر کرنے کیلئے ملک بھر میں جلسوں کا فیصلہ کیا ہے ،پہلے مرحلے میں رواں ماہ کے آخر میں سندھ کے علاقے گھوٹکی میں جلسہ کیا جائیگا جس سے وزیر اعظم عمران خان خطاب اور ترقیاتی منصوبوں سے متعلق اہم اعلان متوقع ہیں ۔تفصیلات کے مطابق وزیر اعظم عمران خان 29 مارچ کو2 روزہ دورے پر کراچی جائیں گے جہاں وہ امن وامان سے متعلق اجلاس کی صدارت کریں گے جبکہ وزیراعلیٰ سندھ اور گورنر سندھ سمیت پارٹی رہنماﺅں اور اتحادیوں سے ملاقات کریں گے ،وزیر اعظم شہری مسائل،کراچی پیکیج ودیگرامورکاجائزہ بھی لیں گے جبکہ کراچی کو صاف پانی کی فراہمی کیلئے اقدامات کا جائزہ لیں گے ،بعد ازاں وزیر اعظم 30 مارچ کوکراچی سے گھوٹکی روانہ ہوں گے اور جلسے سے خطاب کریں گے۔

اسلام آباد(نیٹ نیوز/ایمرا نیوز) بنیادی عوامی مسائل کے حل کے لیے حکومت نے نیشنل ایکشن پلان بنانے کا فیصلہ کرلیا ہے۔ذرائع کے مطابق عوام کے بنیادی مسائل کے حل کے لیے وزیراعظم عمران خان نے نیشنل ایکشن پلان کے لیے پارلیمانی کمیٹی بنانے کی ہدایت کردی۔ذرائع کا مزید کہنا ہے کہنیشنل ایکشن پلان میں پانی،زراعت،تعلیم اورصحت سمیت دیگر بنیادی عوامی مسائل شامل ہونگے جن کے حل کے لیے پلان بنانے کے ہدایت کی گئی ہے۔اس کے علاوہ یہ بھی کہا جارہا ہے کہ وزیراعظم عمران خان نے پلان پرعمل درامد کا ٹاسک اسپیکر قومی اسمبلی اسد قیصرکو دے دیا ہے، اسپیکر قومی اسمبلی اپوزیشن جماعتوں کو بھی اعتماد میں لیں گے۔دوسری جانب ذرائع کا یہ بھی کہنا ہے کہ پارلیمانی کمیٹی برائے قومی ایکشن پلان میں تمام جماعتوں کو شامل کیا جائے گا۔

لاہور:(نیٹ نیوز/ایمرا نیوز) مسلم لیگ (ن) کے تاحیات قائد اور سابق وزیراعظم نوازشریف نے کہا ہےکہ پنجاب کی اہل حکومت کی جگہ نااہل حکومت نے لے لی اور مسلم لیگ (ن) کے ترقیاتی کاموں پر اختلاف کرنے والے آج تعریف کررہے ہیں۔کوٹ لکھپت جیل میں ملاقات کے لیے آنے والے پارٹی رہنماؤں کے وفود سے گفتگو کرتے ہوئے میاں نوازشریف نے کہا کہ شہباز شریف کے ساتھ ناروا سلوک روا رکھا جارہا ہے، انہوں نے پنجاب میں دن رات کام کیا اور صلہ یہ ملا؟ پنجاب میں میٹرو 11 ماہ میں مکمل ہوئی اور کے پی کے میں اب بھی دھول اڑ رہی ہے۔انہوں نے کہا کہ مسلم لیگ (ن) کے ترقیاتی کاموں پر اختلاف کرنے والے آج تعریف کررہے ہیں، پنجاب کی اہل حکومت کی جگہ نااہل حکومت نے لے لی جب کہ کے پی کے کی نااہل حکومت کو دوبارہ اہل قرار دیا گیا۔ایک صحافی نے نوازشریف سے سوال کیا کہ آپ چپ کا روزہ کب توڑیں گے؟سابق وزیراعظم نے جواب دیا کہ کیسے سنے گا میری کہانی میری زبانی۔نوازشریف سے سوال کیا گیا کہ کیا آپ یا مریم نواز مارچ سے عوامی رابطہ مہم شروع کریں گے؟ اس پر انہوں نے کہا کہ یہ جیل سے باہر آنے کے بعد بتاؤں گا۔سابق وزیراعظم نے بتایا کہ جیل کے کمرے ٹھنڈے ہوتے ہیں، ہیٹر دیا گیا ہے وہ بھی اپنے مطابق چلتا ہے۔اس موقع پر جیل حکام نے کہا کہ جیل میں نواز شریف کو ہیٹر دے کر ہم نے مہربانی کی ہے، اس پر نوازشریف نے کہا کہ دیکھ لیں یہ ہیٹر دے کر میرے پر احسان کررہے ہیں۔اس دوران وفد میں شامل مسلم لیگ (ن) کے رہنما احسن اقبال نے اپنے قائد سے مکالمہ کیا کہ آپ کی گرفتاری کے بعد عوام کے پیغام آرہے ہیں، اس پر نوازشریف نے مسکراتے ہوئے تبصرہ کیا کہ کتنی دیر تک جیل میں پیغام آئیں گے۔گفتگو کے دوران ایک وکیل کی آمد ہوئی تو نوازشریف نے انہیں دیکھ کر کہا کہ تاریخوں پر تاریخیں ڈلوانے والے آگئے۔اس موقع پر خواجہ آصف نے سابق وزیراعظم سے سوال کیا کہ جیل میں بجلی نہیں جاتی؟نوازشریف نے جواب دیا کہ خواجہ صاحب، پتہ نہیں کس قسم کی بجلی آتی ہے، ہیٹر گرم نہیں ہوتا۔

اسلام آباد(نیٹ نیوز/ایمرا نیوز) چیف جسٹس پاکستان میاں ثاقب نثار نے کہا ہے کہ 4ماہ سے حکومت قائم ہے، ایک بل منظور نہیں کر سکے۔سپریم کورٹ آف پاکستان میں چیف جسٹس پاکستان نے اسلام آباد ہائی کورٹ میں ججز کی تعداد بڑھانے سے متعلق کیس میں ریمارکس دیتے ہوئے ہدایت کی کہ اٹارنی جنرل پتہ کرکے بتائیں کہ کیا قانون سازی ہونی ہے، ہائی کورٹ کا کام رکا ہوا ہے۔چیف جسٹس نے استفسار کیا کہ اٹارنی جنرل پتہ کرکے بتائیں کہ کیا قانون سازی ہونی ہے، ہائی کورٹ کا کام رکا ہوا ہے، مجھے درست طریقے سے پتہ چلنا چاہیے کہ کیا قانون سازی ہوئی ؟ماتحت عدلیہ کے ججز کی روٹیشن پالیسی پر حکومت کا مؤقف کیا ہے؟ایڈووکیٹ جنرل اسلام آباد نے عدالت کو بتایا کہ کابینہ نے سفارشات منظور کر لی ہیں۔ڈپٹی اٹارنی جنرل نایاب گردیزی کا کہنا تھا کہ روٹیشن پالیسی کے لیے ترامیم کا مسودہ تیار کر لیا ہے، پالیسی کی منظوری کے لیے ہائیکورٹ کے چیف جسٹس صاحبان سے بھی بات کی جائے گی۔چیف جسٹس ثاقب نثار نے کہا کہ بظاہر لگ رہا ہے کہ معاملے پر پیش رفت ہو رہی ہے،حکومت کہہ رہی ہے کہ سقم کو دور کرنے کے لیے ترمیم کی ضرورت ہے، عدالت ترامیم کو پارلیمنٹ میں پیش کرنے کا نہیں کہہ سکتی۔انہوں نے مزید کہا کہ حکومت نے جو مسودہ تیار کر لیا ہے وہ پارلیمنٹ میں پیش کرے، بار کی اہمیت اور محبت اپنی جگہ، عدالت آئین اور قانون کے مطابق فیصلہ کرتی ہے۔چیف جسٹس نے استفسار کیا کہ صوبے اگر اسلام آباد کی ماتحت عدلیہ کے لیے ججز نہ دیں تو کیا ہو گا؟چیف جسٹس نے اپنے ریمارکس میں مزید کہا کہ اسلام آباد کی ماتحت عدلیہ کے لیے ججز صوبوں سے آئیں گے، صوبے اسلام آباد کی ماتحت عدلیہ کے لیے ججز نہ دیں تو کیا ہو گا؟چیف جسٹس ثاقب نثار نے کہا کہ سپریم کورٹ ایک ادارہ ہے، میرے بعد بھی یہ ادارہ رہنا ہے، ایسی بات نہیں کہ میرے بعد کچھ نہیں ہو گا۔سپریم کورٹ نے حکم دیا کہ ہر میٹنگ میں اسلام آباد بار کو شامل رکھا جائے۔چیف جسٹس نے کہا کہ تمام چیف جسٹس کو بلا لیتا ہوں کہ اسلام آباد اور صوبوں کے ججز ایک دوسرے کی جگہ کام کرسکیں، صوبوں کےجج اسلام آباد میں کام کر سکیں۔انہوں نے کہا کہ ایف ایٹ کچہری کی پارکنگ کا معاملہ ہائی کورٹ کو بھیج دیتے ہیں، ڈسٹرکٹ بار کے وکلاء نے کچہری میں سرکاری و نجی اراضی پر قبضہ کیا ہے۔عدالت نے ڈسٹرکٹ کچہری کے ججز کی ہڑتال سے متعلق بار کی استدعا مسترد کر دی۔

نئی دہلی:(نیٹ نیوز/ایمرا نیوز) بھارتی سپریم کورٹ نے جنگی طیارے رافیل اسکینڈل سے متعلق کیس میں نریندر مودی حکومت کو کلین چٹ دے دی۔بھارتی سپریم کورٹ کے چیف جسٹس رنجان گوگی کی سربراہی میں تین رکنی بینچ نے رافیل ڈیل کے خلاف دائر درخواستوں کو خارج کرتے ہوئے قرار دیا کہ کوئی ثبوت نہیں ملا کہ عدالت اس معاملے میں مداخلت کرے۔عدالت نے قرار دیا کہ رافیل ڈیل کی تحقیقات کی ضرورت نہیں اور عدالت کا یہ اختیار نہیں کہ خفیہ معاہدوں کی چھان بین کرے اور عدالت جہازوں کی خریداری سے متعلق فیصلہ نہیں کرسکتی۔حکومت نے سپریم کورٹ کی مہارت پر سوال اٹھایا تھا کہ عدالت 59 ہزار کروڑ میں 36 طیاروں کی خریداری سے متعلق معاہدے پر فیصلہ نہیں کرسکتی۔یاد رہے اپوزیشن جماعت کانگریس نے رافیل ڈیل پر حکومت پر کڑی تنقید کی تھی جس کے بعد اس معاملے کی تحقیقات کے لیے سپریم کورٹ میں مختلف درخواستیں دائر کی گئیں۔کانگریس صدر راہول گاندھی نے کئی شہروں میں جلسے سے خطاب کرتے ہوئے وزیراعظم نریندر مودی کو تنقید کا نشانہ بنایا اور نعرہ لگایا کہ ‘ہمارا چوکیدار چور ہے’۔