Tag highcourt

اسلام آباد(ایمرا نیوز آن لائن) بصارت سے محروم پاکستان کے پہلے سول جج شادی کے بندھن میں بندھ گئے پاکستان کے پہلے بصارت سے محروم سول جج شادی کے بندھن میں بندھ گئے بصارت سے محروم پاکستان کے پہلے سول جج یوسف سلیم نے زندگی کے نئے سفر کا آغاز کردیا۔

سوشل میڈیا پر سول جج یوسف سلیم کی شادی کی تصاویر وائرل ہونے پر صارفین نے خوشی کا اظہار کرتے ہوئے نیک تمنائیں پیش کیں۔

یوسف سلیم نے پنجاب یونیورسٹی سے قانون کی اعلیٰ تعلیم میں گول میڈل حاصل کیا تھا لیکن ٹاپ پوزیشن کے باوجود بصارت سے محرومی پر انہیں سول جج کے عہدے کے لیے اہل قرار نہیں دیا گیا تھا۔بعدازاں انہوں نے فیڈرل سول سروسز سسٹم کو چیلنج کیا اور پاکستان کی تاریخ کو تبدیل کردیا۔

سابق چیف جسٹس ثاقب نثار نے اس معاملے کا نوٹس لیا اور سلیم یوسف کے حق میں فیصلہ سنایا۔سلیم یوسف نے 26 جون 2018 کو پنجاب جوڈیشل اکیڈمی میں سول جج کی حیثیت سے حلف اٹھایا تھا۔

بھارت(ایمرا نیوز آن لائن)بھارت نے مندر کی تعمیر کے لیے ماہر آرکیٹیکٹر سے بھی رابطہ کرلیا۔ بھارتی حکومت نے سپریم کورٹ کے فیصلے کے بعد بابری مسجد کی جگہ فوری طور پر رام مندر کی تعمیر کا فیصلہ کرلیا۔بھارتی سپریم کورٹ کا بابری مسجد کی جگہ مندر تعمیر کرنے کا حکم بھارتی میڈیا کے مطابق بابری مسجد کی جگہ رام مندر کی تعمیر آئندہ سال شروع کیے جانے کا امکان ہے جس کے لیے مکر سنکرانتی کے تہوار کے موقع پر سنگ بنیاد کی تقریب رکھے جانے کی اطلاعات ہیں۔

بھارتی میڈیا کا کہنا ہے کہ حکومت کی جانب سے بابری مسجد کے کیس میں سپریم کورٹ کے فیصلے کی روشنی میں مندر کی تعمیر اور اس کے لیے ٹرسٹ کے قیام پر فوری عملدرآمد کیے جانے کا امکان ہے جس کے لیے حکومت تمام اسٹیک ہولڈرز سے رابطہ کرے گی تاکہ مندر کی تعمیر تیز رفتاری سے مکمل کی جاسکے۔بھارتی میڈیا کے مطابق سرکاری ذرائع کا کہناہےکہ رام مندر کی تعمیر کے لیے مکر سنکرانتی ایک اچھا وقت ہے جس کے لیے تمام ضروری کارروائی جلد ہی مکمل کرلی جائے گی۔

بھارتی میڈیا کے مطابق سرکاری ذرائع بتاتے ہیں کہ رام مندر کی تعمیر 2022 میں اترپردیش میں ہونے والے انتخابات میں اہم پیشرفت ہوسکتی ہے جب کہ اترپردیش کے وزیراعلیٰ یوگی ادتیاناتھ بھی اس پراجیکٹ میں حائل رکاوٹوں کو ختم کرکے اسے جلد شروع کرنے کے خواہش مند ہیں۔یو پی کے وزیراعلیٰ نے سپریم کورٹ کے فیصلے کا خیر مقدم کرتے ہوئے کہا ہے کہ 492 سال پرانا تنازع پر امن طریقے سے اب ختم ہوچکا ہے، اس سے بھارت کی جمہورت مستحکم ہوئی ہے۔بھارتی میڈیا کا مزید بتانا ہےکہ رام مندر کے 1989 کے نقشے کے لیے مندروں کی تعمیرکے ماہرین سے بھی رابطہ کرلیا گیا ہے۔

1528ء میں مغل دور حکومت میں بھارت کے موجودہ شہر ایودھیا میں بابری مسجد تعمیر کی گئی جس کے حوالے سے ہندو دعویٰ کرتے ہیں کہ اس مقام پر رام کا جنم ہوا تھا اور یہاں مسجد سے قبل مندر تھا۔برصغیر کی تقسیم تک معاملہ یوں ہی رہا، اس دوران بابری مسجد کے مسئلے پر ہندو مسلم تنازعات ہوتے رہے اور تاج برطانیہ نے مسئلے کے حل کیلئے مسجد کے اندرونی حصے کو مسلمانوں اور بیرونی حصے کو ہندوؤں کے حوالے کرتے ہوئے معاملے کو دبا دیا۔بی جے پی کے رہنما ایل کے ایڈوانی نے 1980 میں بابری مسجد کی جگہ رام مندر کی تعمیر کی تحریک شروع کی تھی۔1992 میں ہندو انتہا پسند پورے بھارت سے ایودھیا میں جمع ہوئے اور ہزاروں سیکیورٹی اہلکاروں کی موجودگی میں 6 دسمبر کو سولہویں صدی کی یادگار بابری مسجد کو شہید کر دیا جب کہ اس دوران 2 ہزار کے قریب ہلاکتیں ہوئیں، بی جے پی کے رہنما ایل کے ایڈوانی کو اس سلسلے میں عدالتی کارروائی کا سامنا ہے۔

حکومت نے مسلم ہندو فسادات کے باعث مسجد کو متنازع جگہ قرار دیتے ہوئے دروازوں کو تالے لگا دیے، جس کے بعد معاملے کے حل کیلئے کئی مذاکراتی دور ہوئے لیکن کوئی نتیجہ نہ نکل سکا تاہم بھارتی سپریم کورٹ نے 9 نومبر کو بابری مسجد کیس پر فیصلہ سناتے ہوئے مسجد ہندوؤں کے حوالے کردی اور مرکزی حکومت ٹرسٹ قائم کرکے مسجد کی جگہ مندر کی تعمیر کا حکم دے دیا جب کہ عدالت نے مسجد کے لیے مسلمانوں کو متبادل جگہ فراہم کرنے کا بھی حکم دیا ہے۔

لاہور (آن لائن)اوورسیز پاکستانیوں کیلئے قومی اور صوبائی اسمبلی کی نشستوں کا کوٹہ نہ رکھنے کیخلاف درخواست پر فل بنچ کی تشکیل کیلئے لاہور ہائیکورٹ سے رجوع کر لیا گیا ہے ۔ مقامی شہری انجینئر سید محمد الیاس نے لاہور ہائیکورٹ میں ایک متفرق درخواست دائر کی جس میں نشاندہی کی گئی کہ اوورسیز پاکستانیوں کے لیے قومی اور صوبائی اسمبلی کی نشستوں کا کوٹہ نہ رکھنے کے خلاف درخواست ہائیکورٹ میں زیر سماعت ہے. درخواست میں اعتراض اٹھایا گیا کہ اوورسیز پاکستانیوں کو قومی اور صوبائی اسمبلی کی نشستوں کا کوٹہ نہیں رکھا گیا حالانکہ 15 ملین اوورسیز پاکستانیوں کا پاکستان کی تقری میں اہم کردار رہا ہے۔ درخواست میں نکتہ اٹھایا گیا کہ قومی اور صوبائی اسمبلی کیلئے اقلیتوں کا کوٹہ ہے لیکن اوورسیز کو یہ حق نہیں دیا گیا۔ درخواست میں استدعا کی گئی ہے قومی اور صوبائی اسمبلی کی نشستوں کے لیے اوورسیز پاکستانیوں کا کوٹہ مختص کرنے کا معاملہ اہم نوعیت کا ہے اس لیے درخواست پر سماعت کیلئے پر فل بنچ تشکیل دیا جائے۔(ایم خالد)

اسلام آباد(ایمرا نیوز آن لائن )پاکستان تحریک انصاف کے رہنما عثمان ڈارنے کہا ہے کہ اسلام آباد ہائی کورٹ سے انصاف کی امید ہے ‘ بلاول باولاہوگیا ،اپنے ہی صوبے میں ٹرین مارچ کر رہا ہے۔جمعرات کو اسلام آباد ہائی کورٹ کے باہر میڈیا سے گفتگو کرتے ہوئے عثمان ڈار نے کہا کہ کرپشن کنگ کےخلاف کیس پیروی کے لیے ہائیکورٹ آیاہوں،اسلام باد ہائیکورٹ سے پہلے بھی انصاف ملا ہے ،مجھے امید ہے کہ آج بھی انصاف ملے گا،آصف علی زرداری کو باسٹھ ون ایف کے تحت اثاثے چھپانے پر نااہل کیا جائےگا،آصف علی زرداری بتائیں مہرین شاہ کون ہیں،مہرین شاہ اور محمد ادریس کے نام پر بیرون ملک گاڑیاں جائیدادوں کی خریداری ہوئی،مہرین شاہ محمد ادریس کے نام پر بے نامی جائیدایں بنائی گئی ہیں،آصف علی زرداری اخلاقی جرات کا مظاہرہ کرتے ہوئے بتائیں کے مہرین شاہ اور محمد ادریس کون ہیں،بلاول باولاہوگیا ہے اپنے ہی صوبے میں ٹرین مارچ کر رہا ہے۔( بشارت راجہ)

وفاقی حکومت ،محکمہ خزانہ اور چیئرمین اوگراکو بطور فریق نوٹسز جاری ،24 اپریل تک جواب طلب
کراچی (ایمرا نیوز آن لائن)پٹرولیم مصنوعات کی قیمتوں میں اضافہ کیخلاف سندھ ہائیکورٹ میں درخواست دائر کردی گئی۔نجی ٹی وی کے مطابق پٹرولیم مصنوعات کی قیمتوں میں اضافہ سندھ ہائیکورٹ میں چیلنج کر دیا گیا ہے ،درخواست میں وفاقی حکومت محکمہ خزانہ اور چیئرمین اوگراکو فریق بنایا گیاہے،عدالت نے تمام فریقین کو نوٹسز جاری کرتے ہوئے 24 اپریل تک جواب طلب کر لیا۔

پٹرولیم مصنوعات کی قیمتیں بڑھنے سے مہنگائی میں اضافہ ہوگا، درخواست گزار
لاہور(ایمرا نیوز آن لائن) پٹرولیم مصنوعات کی قیمتوں میں حالیہ اضافے کے خلاف ہائی کورٹ میں درخواست دائر کر دی گئی ،پٹرولیم مصنوعات کی قیمتوں میں حالیہ اضافے کے خلاف لاہور ہائی کورٹ میں جوڈیشل ایکٹویزم پینل کے سربراہ ایڈووکیٹ اظہر صدیق کی جانب سے دائر کی گئی ہے۔ جس میں وفاقی حکومت اور وزارت پٹرولیم سمیت دیگر کو فریق بنایا گیا ہے۔درخواست گزار نے موقف اختیار کیا ہے کہ بین الاقوامی مارکیٹ میں پٹرولیم مصنوعات کی قیمتوں میں اضافہ نہیں ہوا، اس کے باوجود حکومت نے پیٹرولیم مصنوعات کی قیمتیں بڑھادیں، اس سے مہنگائی میں اضافہ ہوگا۔ پٹرولیم مصنوعات کی قیمتوں میں حالیہ اضافہ آئین کے آرٹیکل 9, 14 اور 15 کی خلاف ورزی ہے، اس لئے اسے کالعدم قراد دیا جائے.

اسلام آباد:(نیٹ نیوز/ایمرا نیوز) ہائیکورٹ نے شہبازشریف کی بطور چیئرمین پبلک اکاؤنٹس کمیٹی تقرری کے خلاف درخواست خارج کردی۔اسلام آباد ہائیکورٹ میں مقامی وکیل ریاض حنیف کی جانب سے درخواست دائر کی گئی تھی جس میں شہبازشریف کی بطور چیئرمین پبلک اکاؤنٹس کمیٹی کے تقرر کو چیلنج کیا گیا تھا۔درخواست گزار نے اپوزیشن لیڈر پر نیب ریفرنس کو بنیاد بناتے ہوئے ان کی تقرری کو چیلنج کیا تھا۔اسلام آباد ہائیکورٹ کے چیف جسٹس اطہر من اللہ نے مختصر سماعت کے بعد درخواست پر فیصلہ محفوظ کیا تھا۔عدالت نے آج اپنا فیصلہ سناتے ہوئے درخواست کو ناقابلِ سماعت قرار دیتے ہوئے خارج کردیا۔دوسری جانب شہبازشریف نے عدالتی فیصلے پر رد عمل میں اطمینان کا اظہار کرتے ہوئے کہا کہ عدالت عالیہ کا شکریہ جس نے یہ فیصلہ دیا۔

لاہور:(نیٹ نیوز/ایمرا نیوز) ہائیکورٹ نے بسنت منانے کے اعلان پر پنجاب حکومت سے شق وار جواب طلب کرلیا۔لاہور ہائیکورٹ کے جسٹس امین الدین خان نے پنجاب حکومت کی جانب سے بسنت کے اعلان کے خلاف دائر صفدر شاہین پیرزادہ ایڈووکیٹ کی درخواست پر سماعت کی۔درخواست گزار نے مؤقف اپنایا کہ بسنت خونی کھیل کی شکل اختیار کرگیا تھا اس لیےپابندی لگائی گئی، تفریح اگر انسانی جانوں کے ضیاع کا باعث بنے تو اس کی اجازت خلاف آئین ہے۔درخواست گزار کی جانب سے پنجاب حکومت کے اعلان پر حکم امتناع جاری کرنے کی استدعا کی گئی جسے عدالت نے مسترد کردیا جب کہ پنجاب حکومت کو نوٹس جاری کرتے ہوئے شق وار جواب داخل کرنے کی ہدایت کردی۔واضح رہےکہ پنجاب حکومت نے گزشتہ روز کئی سال سے بسنت پر عائد پابندی اٹھانے کا اعلان کیا اور فروری میں بسنت منانے کا فیصلہ کیا گیا۔

اسلام آباد(نیٹ نیوز/ایمرا نیوز) اسلام آباد ہائیکورٹ نے وزیراعظم عمران خان کے مشیر برائے اوورسیز پاکستانی زلفی بخاری کانام ایگزٹ کنٹرول لسٹ (ای سی ایل) سے نکالنے کا حکم دے دیا۔جسٹس عامر فاروق اور جسٹس محسن اختر کیانی پر مشتمل اسلام آباد ہائیکورٹ کے ڈویژن بینچ نے فیصلہ سنایا۔زلفی بخاری نے اپنا نام ای سی ایل میں شامل کرنے کے اقدام کو اسلام آباد ہائیکورٹ میں چیلنج کرتے ہوئے نام ایگزٹ کنٹرول لسٹ سے خارج کرنے کی استدعا کی تھی۔فریقین کے دلائل مکمل ہونے پر فاضل بینچ نے 4 دسمبر کو فیصلہ محفوظ کیا تھا، جو آج سنایا گیا۔واضح رہےکہ زلفی بخاری وزیراعظم عمران خان کے قریبی ساتھیوں میں شمار کیے جاتے ہیں۔پی ٹی آئی کی حکومت سے قبل وہ عمران خان کے ہمراہ عمرے پر روانہ ہو رہے تھے کہ ان کا نام بلیک لسٹ میں ہونے کی وجہ سے امیگریشن حکام نے انہیں بیرون ملک جانے سے روک دیا تھا تاہم کچھ دیر بعد انہیں جانے کی اجازت دے دی گئی تھی۔زلفی بخاری کا نام آف شور کمپنیوں کے باعث پاناما لیکس میں بھی آیا ہے، جس پر نیب میں ان کے خلاف تحقیقات جاری ہیں اور اس سلسلے میں وہ کئی بار نیب میں پیش بھی ہوچکے ہیں۔یاد رہے کہ گزشتہ دنوں قومی احتساب بیورو (نیب) کے اسپیشل پراسیکیوٹر عمران شفیق نے وزیراعظم عمران خان کے مشیر زلفی بخاری کی دہری شہریت پر اسلام آباد ہائیکورٹ میں سخت مؤقف اپنایا تھا۔ذرائع نے بتایا کہ اسی روز مقدے کی سماعت کے بعد عدالت کے احاطے میں زلفی بخاری اور اسپیشل پراسیکیوٹر میں تلخ کلامی بھی ہوئی تھی جس کے بعد اسپیشل پراسیکیوٹر کو نیب ہیڈ کوارٹرز بلا کر استعفیٰ طلب کیا گیا تھا اور انہوں نے استعفیٰ دے دیا تھا۔

لاہور(عمر خالد)چیف جسٹس لاہورہائی ہائیکورٹ سید منصور علی شاہ نے ملازمین کی جانب سے دیئے گئے لنچ میں خطاب کرتے ہوئے کہا کہ یہ ادارہ آپ کی ماں ہے۔ اس کی دل وجان سے خدمت کریں ۔ ادارے پیار سے چلتے ہیں۔ ہائی کورٹ میں ملازمین کی تعداد لگ بھگ 2600 قریب ہیں۔ میرے لئے سب برابر ہے ۔ مجھے سب سے پیار ہے۔ میرے لئے وہ زیادہ پیارے ہیں جو ادارے سے پیار کرتے ہیں۔ فاضل چیف جسٹس نے کہا کہ ادارے اصولوں پر چلتے ہیں، ہائی کورٹ میں سب بھرتیاں میرٹ پر کی گئی ہیں ۔ اس بات پر لوگ آج تک مجھ سے ناراض ہیں لیکن مجھے اسکی کوئی پرواہ نہیں ہے۔ آپ سب خوش قسمت ہیں کہ آپ اس ادارے میں ہیں جو لوگو ں کے لئے آسانیاں پیدا کرتاہے۔ یہ کہانی روپے پیسے کی نہیں۔ بلکہ عوام کی خدمت کی ہے ۔میں آپ سے توقع کرتا ہوں کہ آپ عام آدمی سے اخلاق سے ملیں گے۔ آپ چہرے پر مسکراہٹ سے اسکا استقبال کریں تاکہ عام آدمی آپ کی تعریف کرے۔ اسی خدمت کے طرز پر آپ کو بہترین لباس میں ملبوس ہونا چاہئے۔ آپ کی تنخواہیں بہترین ہیں ۔فاضل چیف جسٹس نے کہا کہ قانون کے مطابق ملازمین کو کوٹہ کو بڑ ھائیں گے۔ ہمارے ساتھ ڈس ایبل ملازمین ہیں ہمیں ان کا خاص خیال رکھنا چاہئے۔ فاضل چیف جسٹس نے خواتین ملازمین کے لئے ڈے کئیر سنٹر کا اعلان بھی کیا ۔ انہوں نے کہا کہ ادارے میں جینڈر حساسیت بہت ضروری ہیں۔ انہوں نے کہا ہائی کورٹ کو کرپشن فری بنائیں اور خیانت کرنے والے پر اللہ کی لعنت ہو۔ انہوں نے کیا کہ ملازمین بشمول خواتین کے استعداد کار کو بڑھانے کیلئے غیر ملکی ٹریننگ کے دائرہ کار کو بڑھایا جائے گا۔ انہوں نے کہا کہ ملازمین اپنی صحت پر توجہ دیں۔ صاف ستھرا کھانا کھائیں۔ اس کے لئے کیفے ٹیریا بنایاگیا ہے۔ میں نے بطور چیف جسٹس کھانے کے اوقات مقرر کیا۔ ہم سب فیملی کی طرح ہیں۔ کیفے ٹیریا میں آئیں اور کھانا کھائیں۔ کیفے ٹیریا میں آپ کے ساتھ بیٹھ کر کھانا کھائوںگا۔ جنوری کے پہلے ہفتے میں کیفے ٹیریا کا افتتاح کیا جائے گا۔ ڈرائیورز کی سہولت کے لئے ان کو موٹر سائیکل دی نائب قاصد کو بھی موٹرسائیکل دینے کا پلان ہے۔ ملازمین کیلئے ہائوسنگ کالونی بنانے کی کو شش کی جارہی ہے۔ ہم پولیس کی مدد سے اپنے ادارے کی سکیورٹی کیلئے مارشلز تیار کریںگے۔ یہ لنچ ملازمین نے چیف جسٹس لاہورہائی ہائیکورٹ کی طرف سے ملازمین کی فلاح کے لئے اٹھائے گئے اقدامات کو مدنظررکھتے ہوئے ترتیب دیا۔ اس سے پہلے جسٹس یاور علی نے کہا جو کام کرنے کی رفتار ، کام کی لگن اور بڑوں کی قدر میں نے ہائی کورٹ کے ملازمین میں دیکھی وہ کسی ادارے میں نہیں دیکھی۔ انہوں نے چیف جسٹس کو انکی جانب سے ملازمین کی فلاح کے لئے اٹھائے گئے اقدامات پر خراج تحسین پیش کیا۔ لنچ کی تقریب میں جسٹس مامون رشید شیخ، جسٹس امیر بھٹی، جسٹس عبد السمیع خان، جسٹس عابد عزیز شیخ، جسٹس شا ہدکریم، جسٹس علی اکبر قریشی، جسٹس شاہد بلال حسن،جسٹس جواد حسن اور جسٹس سردار اہمد نعیم موجود تھے۔ رجسٹرارلاہورہائی کورٹ سید خورشید انور رضوی اور ڈی ڈی جی ڈائریکٹوریٹ آف ڈسٹرکٹ جوڈیشری محمد اکمل خان بھی تقریب میں موجود تھے۔تقریب کے آخر میں ہائی کورٹ ملازمین کی جانب سے فاضل چیف جسٹس کو تلوار پیش کی گئی۔