Tag hospital

لاہور(وقت نیوز آن لائن)چین میں پُراسرار کورونا وائرس سے متاثرہ افراد کے علاج کے لیے دو روز میں تیار ہونے والا پہلا ہسپتال کھول دیا گیا ہے۔کورونا وائرس کا پہلا ہسپتال چین کے شہر ووہان کے قریب تعمیر کیا گیا ہے جہاں سے وائرس کے سب سے زیادہ کیسز رپورٹ ہوچکے ہیں۔

برطانوی جریدے ڈیلی میل کے مطابق چینی حکومت نے کورونا وائرس کے باعث متاثرہ مریضوں کے علاج کے لیے علیحدہ اسپتال تعمیر کرنے کا حکم دیا تھا جسے مسلسل دو دن میں 5 سو سے زائد مزدور اور متعدد بھاری مشینری کی مدد سے تیار کیا گیا۔

کورونا وائرس ہسپتال کو آئندہ ماہ 3 فروری کو کھولنے کا اعلان کیا گیا تھا لیکن دو دن میں تعمیری کام مکمل کر کے اسے مریضوں کے لیے کھول دیا گیا ہے۔
کورونا وائرس کے پہلے ہسپتال میں چینی شہر ہگانگ کے ڈیبی ماؤنٹین ریجنل میڈیکل سینٹر سے مریضوں کا پہلا دستہ منتقل کر دیا گیا ہے۔

ایک ہزار بستروں پر مشتمل اسپتال میں مریضوں کے علاج کے لیے تمام تر سہولیات میسر ہیں، اسپتال میں پانی، بجلی اور انٹرنیٹ کی سہولت بھی موجود ہے۔

اس کے علاوہ چین میں کورونا وائرس سے متاثرہ افراد کے لیے مزید دو اسپتال زیر تعمیر ہیں جن کا کام بھی آئندہ ہفتے تک مکمل کر لیا جائے گا۔

واضح رہے کہ پُراسرار کورونا وائرس نے چین کے بڑے حصے کو اپنی لپیٹ میں لے لیا ہے اور اس وقت موذی مرض سے ہلاک افراد کی تعداد 170 تک پہنچ گئی ہے۔

چین سے پھیلتے ہوئے پُراسرار کورونا وائرس کے کیسز سنگاپور، ویت نام، جاپان، جنوبی کوریا اور امریکا سمیت 16 ممالک میں رپورٹ ہو چکے ہیں۔

لاہور(عامر بٹ سے)لاہورہائیکورٹ نے وزیر صحت پنجاب ڈاکٹریاسمین راشد کو ہسپتالوں کافضلہ ٹھکانے لگانے کیلئے اقدامات کرنے کا حکم دیدیا، وزیرصحت یاسمین راشد نے عدالتی حکم پر عملدرآمد کی یقین دہانی کرادی۔

میڈیارپورٹس کے مطابق لاہورہائیکورٹ میں ہسپتالوں کا فضلہ نہ اٹھانے کیخلاف درخواست پر سماعت ہوئی،وزیر صحت یاسمین راشد،ایڈیشنل چیف سیکرٹری اورسیکرٹری خوراک عدالت میں پیش ہوئے۔چیف جسٹس لاہورہائیکورٹ مامون رشید شیخ نے درخواست پر سماعت کی ۔چیف جسٹس ہائیکورٹ نے کہا کہ ہسپتالوں میں مریضوں کیلئے ناکافی سہولیات ہیں ،چیف جسٹس مامون رشید نے استفسار کیا کہ فضلہ ٹھکانے لگانے کیلئے کیا اقدامات کئے جا رہے ہیں ؟۔فضلے کے بارے میں سپریم کورٹ کے فیصلے بھی موجود ہیں ۔

صوبائی وزیر صحت ڈاکٹر یاسمین راشد نے کہا کہ ہر ضلع میں فضلے کو ٹھکانے لگانے کیلئے انسینریٹرز نصب ہیں ،صرف ایک ضلع میں انسینریٹرز نہیں ہیں وہاں نصب کیا جارہا ہے ،یاسمین راشد نے کہاکہ کچھ ہسپتالوں میں فضلے کو ٹھکانے لگانے کیلئے نجی کمپنیزکو ٹھیکہ دیا گیا ہے ،ایسی سرنجیں لا رہے ہیں جو استعمال کے بعد خودبخود ناقابل استعمال ہو جائیں گی ۔

لاہورہائیکورٹ نے وزیر صحت پنجاب ڈاکٹریاسمین راشد کو ہسپتالوں کافضلہ ٹھکانے لگانے کیلئے اقدامات کرنے کا حکم دیدیا،وزیرصحت یاسمین راشد نے عدالتی حکم پر عملدرآمد کی یقین دہانی کرادی۔

جنیوا(ایمرا نیوز آن لائن)عالمی ادارہ برائے صحت نے ایک بیان میں کہا گیا ہے کہ چین میں کئی ماہ سے پراسرار فلو کی وجہ بننے والا ناقابلِ فہم مرض کی اصل وجہ کرونا وائرس ہی ہیں۔ڈبلیو ایچ او کے مطابق اگرچہ زیادہ تر مریضوں کے باہمی خاندان میں ہی اس کا پھیلاؤ دیکھا گیا ہے لیکن یہ چینی حدود سے باہر نکل کر باقی دنیا میں جاسکتا ہے اور اسی بنا پر عالمی ادارے نے دنیا بھر کے ہسپتالوں کو خبردار بھی کیا ہے۔

ہم جانتے ہیں کہ کرونا وائرس ایسے وائرس ہوتے ہیں جو سانس اور ناک سےجڑے پورے نظام کو کئی بیماریوں کا شکار بناتے ہیں۔ کرونا وائرس عام ٹھنڈ سے لے کر سارس جیسے جان لیوا امراض کی وجہ بنتے ہیں۔ تھائی لینڈ کے حکام نے کہا ہے کہ انہوں نے ایک چینی خاتون کو اس مرض سے متاثر ہونے کے بعد الگ تھلگ ایک قرنطینے میں رکھا ہے۔ یعنی چین سے باہر اس مرض کا یہ پہلا واقعہ بھی ہے۔

اس بنا پر عالمی ادارہ صحت نے وائرس کے بقیہ ممالک میں پھیلاؤ پر اپنی تشویش ظاہر کی ہے۔ چین میں 41 مریض سامنے آئے ہیں اور ایک موت کی تصدیق ہوچکی ہے۔ تاہم چینی حکام نے کہا ہےکہ انہوں نے اس مسئلے پر قابو الیا ہے اور اس سے زیادہ مریض سامنے نہیں آسکے ہیں۔

عالمی ادارہ برائے صحت نے اپنے ایک بیان میں کہا ہے کہ ایم آئی آر ایس کا مرض جان لیوا اور تشویش ناک ہے جو کرونا وائرس سے پھیلتا ہے۔ ڈبلیو ایچ او نے کہا ہے کہ انہوں نے دنیا بھر کے ممالک اور ہسپتالوں کو ہنگامی حالت اور احتیاطی تدابیر کی تفصیل جاری کردی ہے۔

کراچی(ایمرا نیوز آن لائن) شہر قائد میں ڈینگی سے متاثرہ مریضوں کی تعداد 10 ہزار سے تجاوز کرگئی۔ترجمان انسداد ڈینگی کنٹرول پروگرام کے مطابق کراچی میں 24 گھنٹوں کے دوران ڈینگی سے 252 افراد متاثر ہوئے جس کے بعد شہر میں اب تک ڈینگی سے متاثرہ افراد کی تعداد 10 ہزار 999 ہوگئی ہے۔

ترجمان نے بتایا کہ سندھ کے دیگر اضلاع میں ڈینگی سے متاثرہ افراد کی تعداد 785 تک جا پہنچی ہے۔ترجمان کا کہنا تھا کہ رواں سال سندھ میں ڈینگی سے انتقال ہونے والوں کی تعداد 32 ہوگئی ہے۔

پشاور(ایمرا نیوزآن لائن) پشاور کے علاقے ماشوخیل میں پولیو ویکسین سے بچوں کی طبیعت خراب ہونے کا ڈرامہ اور اس کی آڑ میں اسپتال کو آگ لگانے والے مزید 9 ملزمان کو گرفتار کرلیا گیا۔ایس پی پشاور صاحبزادہ سجاد کا کہنا ہے کہ مرکز صحت ماشوخیل میں توڑ پھوڑ کے الزام میں گرفتار کیے جانے والے 9 افراد میں اسکول پرنسپل کا بھائی بھی شامل ہے۔ایس پی پشاور کے مطابق گرفتار کیے گئے 9 ملزمان کو ویڈیو کی مدد سے گرفتار کیا گیا جن کے قبضے سے 2 کلاشنکوف اور 2 پستول برآمد ہوئے جب کہ گرفتار افراد کی تعداد 10 ہوگئی۔

صاحبزادہ سجاد کا کہنا ہے کہ گرفتار افراد میں 5 ایف آئی آر میں نامزد ہیں جب کہ مجموعی طور پر 12 افراد کے خلاف مقدمہ درج کیا گیا تھا۔یاد رہے کہ 22 اپریل کو پولیو کے قطرے پینے سے 100 سے زائد بچوں کی طبیعت خراب ہونے کا معاملہ سامنے آیا تھا جس پر مشتعل افراد نے بی ایچ یو ماشوخیل میں تھوڑ پھوڑ کی تھی تاہم بعدازاں ویڈیوز سامنے آنے کے بعد ڈرامہ رچانے والے ملزم کو گرفتار کرلیا گیا تھا۔

ضلعی انتظامیہ کی ابتدائی رپورٹ کے مطابق دارالقلم ماڈل اسکول ماشو خیل، حال مارک اسکول حسن گڑھی اور قدیم پرائمری اسکول میرہ کچوڑی میں پولیو کے قطرے پینے کے دوران بچوں میں ری ایکشن کی اطلاعات ملیں اور 767 بچے مختلف اسپتالوں میں لائے گئے تاہم ان کی حالت ٹھیک پائی گئی۔

عوام سے عملے کے بہتر رویے ، ڈیوٹی پر موجودگی کی کڑی نگرانی کررہا ہوں،ایم ایس جناح ہسپتال
لاہور(ایمرا نیوز آن لائن) ایم ایس جناح ہسپتال لاہور ڈاکٹرعاصم حمید نے کہا ہے کہ صحت کا محکمہ لوگوں کی خدمت کا شعبہ ہے۔ عوام کی خدمت انسان دوست رویے اور پروفیشنل طریقے سے کی جائے تو اس میں ثواب بھی ہے اور طب کے شعبے کا تقاضہ بھی۔ ہسپتال میں گروپنگ ، ما فیا اور سیاسی مداخلت کا خاتمہکردیا گیا ہے۔ ہسپتال کی انتظامیہ کو خاص طور پر اپنے سٹاف کے رویے کو بہتر اور ا±ن کی ڈیوٹی پر موجودگی کو یقینی بنانا ہو گا۔ان خیالات کا اظہارڈاکٹرعاصم حمیدنے گزشتہ روزآن لائن سے خصوصی گفتگوکرتے ہوئے کیا،انہوں نے کہا کہ جناح ہسپتال اگر کوئی ڈاکٹر ، پیرا میڈیکل سٹاف اور ہسپتال کا دیگر عملہ ڈیوٹی سے غائب پایا گیا تو اس کے خلاف تادیبی کارروائی ہو گی۔ انہوں نے کہا کہ میں ہسپتال کو خود مانیٹر کررہا ہوں اور عوام کے ساتھ اپنے سٹاف کے رویے کو بہتر بنانے اور سٹاف کی ڈیوٹی پر موجودگی کی کڑی نگرانی بھی کررہا ہوں۔انہوں نے کہا کہ کسی بھی قسم کی لاپرواہی برداشت نہیں کی جائے گی،ڈاکٹرعاصم حمیدنے بتایا کہ ہسپتال میں مریضوں اور ان کے لواحقین کے ساتھ سٹاف کا رویہ بہترکیا گیا ہے۔

میو ہسپتال کی بیشتر سی ٹی سکین مشینیں خراب، مریضوں کو پریشانی
لاہور(ایمرا نیوزآن لائن) شہر کے سب سے بڑے میو ہسپتال کی بیشتر سی ٹی سکین مشینیں خراب ہونے سے شہریوں کو شدید مشکلات کا سامنا، ہسپتال کی ایمرجنسی اور اولڈ ریڈیالوجی میں نصب مشینوں کی اب تک مرمت نا ہو سکی۔یہ بھی لازمی پڑھیں: یونائیٹڈ ورلڈ ریسلنگ نے بھارت کو دن میں تارے دکھا دیئے. شہر کے سب سے بڑے میو ہسپتال میں روزانہ مختلف شہروں اور صوبوں سے لوگ علاج کی آس لیے آتے ہیں، انتظامی غفلت کا یہ عالم ہے کہ ہسپتال کے شعبہ حادثات کے ساتھ لاکھوں کی لاگت سے بنائے گئے سی ٹی سکین ڈپارٹمنٹ میں مشین طویل عرصے سے بند ہے۔ جس سے ٹراما کے مریضوں کو مشکلات کا سامنا تھا اور ٹیسٹ کی سہولت حاصل کرنے کے لئے اولڈ ریڈیالوجی کا رخ کرنا پڑھتا تھا۔اب کئی ماہ سے اولڈ ریڈیالوجی میں نصب سی ٹی سکین مشین بھی خراب ہے جس سے مریضوں کا کوئی پرسان حال نہیں۔ ہسپتال میں صرف نیوسرجیکل ٹاور میں نصب سی ٹی سکین مشین لوگوں سہولیات فراہم کر رہی ہے جبکہ دیگر مشینوں کی مرمت نا ہونے سے آنے والے مریضوں کو شدید مشکلات کا سامنا ہے ۔

لاہور: (نیٹ نیوز/ایمرا نیوز) زیر حراست مولانا خادم حسین رضوی کو دل کی تکلیف ہوئی جس کے انھیں جناح ہسپتال منتقل کر دیا گیا جہاں ان کا علاج معالجہ جاری ہے۔مولانا خادم رضوی کو گزشتہ شام جناح ہسپتال کی ایمرجنسی میں لایا گیا جہاں ان کے ای سی جی، ایکسرے کے علاوہ بلڈ ٹیسٹ کیے گئے بعد ازاں خطرے سے باہر ہونے کے بعد انہیں سخت سکیورٹی حصار میں پرائیویٹ کمرہ نمبر 5میں منتقل کردیا گیا۔ڈاکٹرز کے مطابق مولانا خادم رضوی کا بلڈ پریشر ہائی تھا، بیماری کی نوعیت کا اندازہ بلڈ ٹیسٹ مکمل ہونے کے بعد لگایا جائے گا۔

اسلام آباد:(نیٹ نیوز/ایمرا نیوز) قومی احتساب بیورو (نیب) کی حراست میں موجود مسلم لیگ (ن) کے صدر اور قومی اسمبلی میں قائد حزب اختلاف شہباز شریف کا اسلام آباد کے پمز اسپتال میں طبی معائنہ ہوا، جس کے بعد ڈاکٹروں کی جانب سے سفر کی اجازت ملنے پر انہیں لاہور منتقل کردیا گیا۔واضح رہے کہ سابق وزیراعلیٰ پنجاب شہباز شریف آشیانہ ہاؤسنگ اسکینڈل کے سلسلے میں اِن دنوں نیب لاہور کی تحویل میں ہیں، انہیں قومی اسمبلی اجلاس میں شرکت کی غرض سے راہداری ریمانڈ پر اسلام آباد لایا گیا تھا۔ذرائع کے مطابق شہباز شریف کا طبی معائنہ پمز اسپتال کے ڈاکٹروں نے کیا اور انہیں سفر کی اجازت دی، جس کے بعد نیب ٹیم شہباز شریف کو لے لاہور پہنچ گئی۔واضح رہے کہ چند روز قبل شہباز شریف کے خون کی تجزیاتی رپورٹ میں کینسر کی علامات دوبارہ ظاہر ہونے کا انکشاف ہوا تھا، جس کے بعد پولی کلینک کے ڈاکٹروں نے ان کے خون کے نمونے حاصل کرنے کے علاوہ ان کاسی ٹی اسکین کیا تھا۔دوسری جانب ڈاکٹروں نے شہباز شریف کے طبی معائنے کے بعد کینسر ماہرین پر مشتمل بڑا بورڈ تشکیل دینے کی سفارش بھی کی تھی۔واضح رہے کہ شہباز شریف ماضی میں سرطان کے مرض سے صحت یاب ہوئے تھے۔طبی ماہرین کا کہنا ہے کہ سرطان کے مریضوں میں مرض دوبارہ ظاہر ہونے کے امکانات موجود ہوتے ہیں۔

بیجنگ (ایم نائن ٹو)چین میں ایک نئی صنعت ابھر کر سامنے آئی ہے جہاں وہ شادی شدہ جوڑے جو ایک دوسرے کے پیٹھ پیچھے دوسروں کے ساتھ ناجائز تعلقات قائم کرتے ہیں۔ ان میں سے متاثرہ فرد کئی ہزار ڈالر دے کر ناجائز تعلق قائم کرنے والے فرد کے محبوب سے چھٹکارا پا لیتے ہیں۔ ویئ قنگ لوو ہسپتال میں کالے کپڑے پہنے درمیانی عمر کی ایک عورت کو لایا گیا جس نے برطانوی نشریاتی ادارےکے نمائندے سے بات کرتے ہوئے بتایا کہ وہ شنگھائی کے سب سے مشہور محبوب بھگانے والے ہسپتال کیوں آئی ہیں۔ انھوں نے بتایا کہ ان کے شوہر کے ساتھ تعلقات مشکلات کے بعد اب بہتری کی جانب گامزن ہیں۔ مجھے لگتا تھا کہ ہماری شادی شدہ زندگی پہلے تھی لیکن اب مجھے اندازہ ہو رہا ہے کہ یہ زیادہ بہتر ہے اور یہ اصل زندگی ہے۔ کئی ہفتے تک ماہرانہ رائے دہی یعنی میرج کونسلنگ لینے کے بعد یہ خاتون اس نتیجے پر پہنچی ہیں۔ ان کونسلنگ کے مراحل میں انھیں زندگی کو مثبت انداز میں دیکھنے اور بہتر بیوی بننے کے بارے میں بتایا گیا۔ ویئ قنگ ہسپتال کی مشترکہ بانی منگ لی ہسپتال آنے والی خواتین کو ماہرانہ رائے دیتی ہیں تاکہ وہ کامیاب شادی شدہ زندگی گزار سکیں اور اس طرح اپنے شوہر کی توجہ اپنے تک محدود و مرکوز رکھیں لیکن کئی کیسز ایسے ہوتے ہیں جہاں شوہر اپنے بیویوں کے علاوہ اوروں کے ساتھ ناجائز تعلقات قائم کر لیتے ہیں۔ ایک خاتون نے نمائندے کو بتایا جب مجھے اپنے شوہر کے ناجائز تعلقات کا علم ہوا تو میں نے اُس سے سوالات کیے۔ ہماری لڑائیاں ہوئیں اور میں بار بار سوال کرتی رہی کہ اس نے ایسا کیوں کیا۔ شروع میں اس نے احساس ندامت دکھایا لیکن مسلسل لڑائی کے بعد اس نے مجھ سے بات کرنا ختم کر دی جس کے بعد میں نے ماہرانہ مدد لینے کا فیصلہ کیا۔ اس مدد کے لیے اس خاتون نے شنگھائی کے ویئی قنگ ہسپتال سے رجوع کیا اور انھیں پیسے دیے تاکہ وہ ان کے شوہر کی محبوبہ سےچھٹکارا دلا دیں۔ کئی ہزار ڈالر خرچ کرنے کے باوجود یہ خاتون سمجھتی ہیں کہ یہ طریقہ طلاق لینے سے بہتر حل تھا۔ ہسپتال کی بانی منگ لی اور ساتھی بانی شو ژن شنگھائی میں اپنا ہسپتال گذشتہ 17 سال سے چلا رہے ہیں اور اب تک دس لاکھ سے زیادہ گاہکوں کو مشورے فراہم کر چکے ہیں۔ شو ژن نے بتایا کہ شادیوں میں مختلف قسم کی مشکلات ہوتی ہیں۔ ان میں سے ایک ہے ناجائز تعلقات جو بہت سنگین مسئلہ ہے اور یہ نہ صرف خاندان بلکہ معاشرے کے لیے مشکلات پیدا کرتا ہے۔’انھوں نے بتایا ہمارے پاس 33 مختلف طریقے ہیں جس کے ذریعے ہم محبوب سے جان چھڑواتے ہیں۔ جو طریقے شو ژن نے نمائندے کو بتائے وہ یہ تھے: محبوبہ کو ترغیب دینا کہ وہ کسی اور شخص کی محبت میں مبتلا ہو جائے، شوہر کو دوسرے شہر میں نوکری کے لیے منتقل کر دیا جائے،والدین اور دوستوں کو راضی کیا جائے کہ وہ اس معاملے میں مداخلت کریں اور محبوبی کو شوہر کی بدکرداری اور بیماریوں کے بارے میں آگاہ کرنا تاکہ وہ اسے چھوڑ دے۔جب نمائندے نے شو ژن سے باقی 29 طریقوں کے بارے میں معلومات حاصل کرنا چاہی تو انھوں نے بتایا کہ وہ ہمارے کاروباری راز ہیں۔ ہم ان کے بارے میں میڈیا میں گفتگو نہیں کر سکتے۔