Tag hospitals

ملتان(ایمرا نیوز آن لائن)ملتان میں گندے نالے سے ملنے والی لڑکی کی سوختہ لاش کی شناخت نہ ہوسکی۔میڈیا کے مطابق ملتان کے علاقے پیر کالونی کے گندے نالے سے ایک 15 سالہ لڑکی کی لاش برآمد ہوئی جسے ریسکیو 1122 نے نشتر اسپتال کے سرد خانے میں منتقل کر دیا۔

ریسکیو ذرائع نے بتایا کہ لڑکی کو جلانے کے بعد نالے میں پھینکا گیا جس کی وجہ سے اس کی شناخت کرنا مشکل ہو گیا ہے تاہم کپڑوں سے اندازہ ہوا کہ لاش لڑکی کی ہے جس کی عمر تقریباً 15 سال کے لگ بھگ ہے۔

کراچی(ایمرا نیوز آن لائن) سابق وزیراعظم نوازشریف کا علاج کرنیوالے ڈاکٹر شمسی کا کہنا ہےکہ نواز شریف کی بیماری کی تشخیص ہوگئی جس کا نام اکیوٹ آئی ٹی پی ہے اور یہ بیماری عموماً چھوٹے بچوں کی ہوتی ہے ۔جیونیوز کے پروگرام ’نیا پاکستان شہزاد اقبال کے ساتھ: میں میزبان شہزاد اقبال سے گفتگو کرتے ہوئے مسلم لیگ (ن) کی ترجمان مریم اورنگزیب نے کہا کہ آزادی مارچ کیلئے ن لیگ کا پروگرام جاری رہے گا، نواز شریف کے ملک میں یا بیرون ملک علاج کی بحث قبل از وقت ہے۔انہوں نےکہا کہ امید ہے حکومت منگل کو اسلام آباد ہائیکورٹ میں بھی نواز شریف کی صحت سے متعلق اصل حقائق کے ساتھ عدالت کی مدد کرے گی، نواز شریف کا نام ای سی ایل میں ہے، انہیں علاج کیلئے فوری طور پر بیرون ملک جانے کی ضرورت پڑسکتی ہے،اسی تناظر میں شہباز شریف نے اپیل میں ملک اور بیرون ملک علاج دونوں آپشن رکھے ہیں۔

پروگرام میں گفتگو کرتے ہوئے نوازشریف کا علاج کرنے والے ڈاکٹر طاہر شمسی نے بتایا کہ نواز شریف کی بیماری کی تشخیص ہوگئی ہے جس کا نام اکیوٹ آئی ٹی پی ہے اور یہ عموماً چھوٹے بچوں کو ہوتی ہے لیکن بڑی عمر کے لوگوں کو بھی ہوجاتی ہے۔ان کا کہنا تھا کہ نوازشریف کو لاحق بیماری کی ریکوری دو قسم کی دواؤں سے ہوتی ہے، ایک اسٹیرائیڈز ہوتے ہیں جب کہ دوسرے آئی وی آئی جی کے نام سے انجکشنز ہوتے ہیں، یہ دوائیں ملنے کے بعد عمومی طور پر چار پانچ دن میں پلیٹ لیٹس کی ریکوری شروع ہوجاتی ہے۔پروگرام میں گفتگو کرتے ہوئے سینئر تجزیہ کار ارشاد بھٹی نے کہا کہ نواز شریف چوہدری شوگر ملز کیس میں جسمانی ریمانڈ میں ہیں لیکن انہیں ضمانت مل گئی، جسمانی ریمانڈ کے بعد عدالتی ریمانڈ ہوتا ہے اس کے بعد ضمانت ملتی ہے، عدالتیں بھی بڑی مہربان ہیں ریلیف پر ریلیف دے رہی ہیں۔

ارشاد بھٹی کا مزید کہنا تھا کہ پہلے عمران خان نے نواز شریف سے استعفیٰ مانگا اور اب مولانا فضل الرحمن جتھے لاکر وزیراعظم سے مستعفی ہونے کا مطالبہ کر رہے ہیں، یہ کوئی ملک ہے جہاں کوئی بھی جتھہ لاکر وزیراعظم سے استعفیٰ مانگنے لگ جاتا ہے، مولانا فضل الرحمن 15 لاکھ لوگ لاسکتے ہیں تو ان سے کشمیر آزاد کروالیں۔انہوں نے کہا کہ فضل الرحمن کا بیٹا اور پارٹی ارکان جس پارلیمنٹ میں بیٹھے ہیں اسے ہی جعلی کہہ رہے ہیں، یہ کیسا یزیدی نظام ہے جس میں فضل الرحمن صدر اور ان کا بیٹا ڈپٹی اسپیکر کا الیکشن لڑتا ہے، اپوزیشن کی رہبر کمیٹی میں یوسف رضا گیلانی بھی ہیں جو ترک خاتون اول کا ہار لے گئے تھے، اپوزیشن سے مذاکرات کرنے والے پرویز خٹک خیبرپختونخوا سے جتھے کے ساتھ اسلام آباد آئے تھے اب بھگتیں۔ارشاد بھٹی کا کہنا تھا کہ ہم سانحہ ماڈل ٹاؤن اور بلدیہ ٹاؤن فیکٹری کو رو رہے تھے کہ عمران خان کے دور میں سانحہ ساہیوال کے ملزم بری ہوگئے۔

کراچی (ایمرا نیوز آن لائن) کراچی میں ڈینگی کا جن بے قابو ہوتا جارہا ہے اور 24 گھنٹوں کے دوران مزید ایک شہری جان کی بازی ہار گیا۔ذرائع محکمہ صحت سندھ کے مطابق کراچی کے َنجی اسپتال میں 71 سالہ شخص ڈینگی کے باعث جان کی بازی ہار گیا جس کے بعد رواں سال سندھ بھر میں ڈینگی سے ہلاکتوں کی تعداد 22 ہوگئی۔انسداد ڈینگی سیل کے مطابق گذشتہ 24 گھنٹوں میں صوبے میں ڈینگی کے 226 نئے مریض سامنے آئے ہیں۔رواں ماہ سندھ میں ڈینگی سے متاثرہ افراد کی تعداد 3 ہزار 941 ہوگئی ہے جن میں سے 3 ہزار 678 افراد کا تعلق کراچی سے ہے۔

محکمہ صحت سندھ کے مطابق ِامسال اب تک 7 ہزار سے زائد افراد ڈینگی سے متاثر ہوچکے ہیں۔پنجاب میں بھی ڈینگی مچھر کے وار جاری ہیں ، محکمہ صحت پنجاب کے مطابق گزشتہ 24 گھنٹوں کے دوران صوبے میں ڈینگی کے 137 نئے مریض سامنے آئے ہیں۔صوبے کے مختلف اسپتالوں میں اس وقت ڈینگی سے متاثرہ 320 مریض زیرعلاج ہیں جب کہ رواں سال ڈینگی کےباعث 12 افراد ہلاک ہوچکے ہیں۔ڈینگی بخار کیسے پھیلتا ہے اور اس کی علامات کیا ہیں؟

دوسری جانب صوبہ پنجاب میں ڈینگی لاروا تلف کرنے اور افزائش روکنے کی کوششیں بھی جاری ہیں۔ڈینگی لاروا کی موجودگی پر 100 مقدمات درج کرکے 6 افراد کو گرفتار کیا جاچکا ہے جب کہ ایک ہزار سے زائد افراد کو وارننگ جاری کرنے کے ساتھ ڈینگی لاروا کی موجودگی پر 18 مقامات کو سیل کیا گیا ہے۔کوئٹہ میں ڈینگی سےمتاثرہ 4 افراد فاطمہ جناح اسپتال میں زیر علاج ہیں۔ اسپتال انتظامیہ کےمطابق رواں ماہ اب تک ڈینگی سے متاثرہ 17 افراد کو اسپتال لایا جاچکا ہے ۔خیبر پختونخوا میں بھی ڈینگی مچھر کے کاٹنے سے اب تک 5 ہزار سے زائد افراد متاثر ہو چکے ہیں۔

لاہور(ایمرا نیوز آن لائن) ڈینگی ، ملیریا اور چکنگونیا سے بچنے کے گھریلو نسخے مچھر کا کاٹنا ناصرف پریشان کُن ہوتا ہے بلکہ یہ خطرناک اور جان لیوا بھی ثابت ہوسکتا ہے، مچھر کے کاٹنے سے ڈینگی، ملیریا اور چکنگونیا جیسے امراض پیدا ہوتے ہیں جو جان بھی لے سکتے ہیں۔پاکستان سمیت دُنیا بھر میں آئے دِن مچھر کے کاٹنے سے ہونے والی اموات کے کیسز سامنے آرہے ہیں اور یہ وبا دِن بہ دِن پھیلتی جا رہی ہے۔مچھر سے بچنے کے لیے لوگ مہنگے مہنگے کیمیکلز وغیرہ کا استعمال کرتے ہیں، گھر میں اسپرےکرتے ہیں لیکن اِس سے کوئی خاصہ اثر نہیں ہوتا ہے، اب اِن جان لیوا مچھروں سے بچنے کے لیے گھریلو نسخوں کا استعمال کریں جس سے مچھر آپ کے قریب بھی نہیں آسکیں گے۔
مچھروں کو دور رکھنے کے گھریلو ٹوٹکے:
نیم کا تیل اور پتے:
نیم میں قُدرتی طور پر اینٹی بیکٹیریل کی خصوصیات پائی جاتی ہیں اور یہ کیڑے مکوڑے مارنے کی دوا میں بھی استعمال ہوتا ہے، لوگ اپنے گھروں میں نیم کے درخت بھی لگاتے ہیں تاکہ مچھروں سے بچا جا سکے، مچھروں سے بچنے کے لیے نیم کے تیل کا استعمال بھی کیا جاتا ہے اور اِس کے علاوہ جہاں مچھر ہوں وہاں نیم کو پتوں کو اگر جلایا جائے تو اِس سے بھی مچھر دور بھاگتے ہیں۔
لہسن:
لہسن کے جووں کے چھوٹے چھوٹے ٹکڑے کر کے اُن کو پانی میں اُبال لیں اِس کی بدبو سے مچھر دور بھاگ جائیں گے۔
لیوینڈر:
لیونڈر میں اینٹی فنگل اور اینٹی سیپٹیک کی خصوصیات موجود ہوتی ہے اور اِس کی خوشبو سے مچھروں کو دور بھگانے میں مدد کرتی ہے۔
تلسی کا تیل:
تلسی کا استعمال دوائوں میں کیا جاتا ہے ، اِس کا تیل کیڑوں اور مچھروں کو دور رکھنے کی صلاحیت رکھتا ہے، اِس کے علاوہ تلسی قوت ِ مدافعتبڑھاتی ہے اور نظامِ ہاضمہ کو بھی بہتر کرتی ہے۔
سونف میں اینٹی بیکٹیریل اور اینٹی آکسیڈینٹ کی خصوصیات موجود ہوتی ہیں ، سونف کا تیل مچھروں کو مارنے میں معاون ثابت ہوتا ہے۔
روز میری:
روزمیری کو اگر اُس جگہ ہر جلایا جائے جہاں مچھر موجود ہوں تو یہ وہاں سے مچھروں کو نِکالنے میں مددگار ثابت ہوتی ہے۔
مچھر کے کاٹنے کا علاج:
برف:
مچھر کے کاٹنے سے جلن اور سوزش ہوجاتی ہے اِس جلن سے نجات پانے کے لیے ضروری ہے کہ جس جگہ مچھر نے کاٹا ہو وہاں برف لگا لیں اِس سوزش اور جلن ختم ہوجائے گی۔
شہد:
شہد میں اینٹی بیکٹیریل اور اینٹی سوزش کی خصوصیات ہوتی ہے مچھر کے کاٹنے پر شہد لگالیا جائے تو اِس سے سوزش ختم ہوجاتی ہے۔
پیاز:
پیاز میں قُدرتی طور پر اینٹی فنگل ہوتی ہے یہ مچھر یا کسی بھی کیڑے کے ڈنک کو نِکالنےاورجلن کم کرنے میں استعمال ہوتی ہے۔

لاہور(ایمرا نیوز آن لائن)نمک کھانے میں ذائقہ بڑھانے کا سب سے اہم جُز سمجھا جاتا ہے، مگر نمک کے کھانے میں استعمال کرنے کے علاوہ کئی فوائد ہیں۔ماہرین کا کہنا ہے کہ قدرتی نمک نمکیات سے مالا مال ہوتا ہے جس میں پوٹاشیم، میگنیشیم اور کیلشیم شامل ہیں جو کہ جلد کے انفیکشن، ناخن کی مضبوطی اور دیگر مسائل کے لیے بے حد فائدے مند ہے۔آئیے ہم آپ کو نمک کو کھانے کے علاوہ استعمال کرنے کے بارے میں بتائیں۔
بالوں میں خشکی:
نمک بالوں کی جلد میں جمی ہوئی خشکی کو ختم کرنے میں نہایت ہی معاون سمجھا جاتا ہے، جب کہ یہ سر کی جلد میں موجود اضافی تیل اور نمی کو جذب کرتا ہے جو کہ سر میں انفیکشن اور خشکی کی وجہ بنتی ہے۔بالوں سے خشکی ختم کرنے کے لیے 2 سے 3 چمچ نمک کو سر پر چھڑکیں اور گیلے ہاتھوں سے سر کا مساج کریں۔ اچھی طرح مساج کرنے کے بعد سر کو ٹھیک طریقے سے دھو لیں۔ ایسا کرنے سے سر کی جلد میں جمی ہوئی خشکی جَلد ختم ہوجاتی ہے۔
دانتوں کی سفیدی:
نمک اور کھانے کا سوڈا دانتوں کی سفیدی کے لیے کرشماتی سمجھا جاتا ہے۔ نمک اور کھانے کا سوڈا دانتوں کے داغ کو ختم کرکے انہیں چمکدار بناتا ہے۔ نمک میں موجود فلورائڈ دانت اور مسوڑں کی صحت کے لیے بے حد مفید ہے۔دانتوں کو چمکدار بنانے کے لیے ایک چمچ نمک لیجیے اس میں 2 چمچے کھانے کا سوڈا شامل کر لیجیے۔ اس آمیزے کو برش پر لگا کر دانتوں کوصاف کیجیے، ایسا کرنے سے دانت چمکدار ہوجاتے ہیں۔
ماؤتھ واش:
نمک میں یہ خاصیت ہوتی ہے کہ یہ جراثیم کو مارتا ہے اور انفیکشن کو ٹھیک کرنے میں بھی مدد دیتا ہے۔ماؤتھ واش تیار کرنے کے لیے آدھا چمچ نمک لیجیے اور اس میں آدھا چمچ ہی کھانے کا سوڈا شامل کر لیجیے۔ اب اسے آدھے گلاس پانی میں گھول لیں اور اسے منہ میں اچھی طرح گھما کر کُلیاں کیجیے۔
چمکدار ناخن:
نمک ناخنوں کو مضبوط اور چمکدار بناتا ہے۔ ناخنوں کو چمکدار بنانے کے لیے ایک چمچ نمک، ایک چمچ کھانے کا سوڈا اور ایک چمچ لیمو کا رس لے لیجیے اب ان تمام چیزوں میں آدھا گلاس نیم گرم پانی شامل کرکے ایک کُھلے پیالے میں نکال لیں۔اب اس پیالے میں ناخنوں کو 10 منٹ تک ڈبو کر رکھیں اور ساتھ ہی کسی نرم برش سے ہلکے ہاتھوں سے ناخنوں کا اسکرب کریں۔ ایسا کرنے کے بعد ہاتھوں پر کوئی لوشن یا کریم لگا لیں ایسا کرنے سے ناخن مضبوط اور چمکدار ہوجاتے ہیں۔
نوٹ: یہ تمام معلومات تحقیق سے حاصل کی گئی ہیں۔ اگر آپ کسی بھی طبی مسئلے یا انفیکشن کا شکار ہیں اس کے استعمال سے قبل اپنے معالج سے ضرور مشورہ کریں۔

لاہور (ایمرا نیوز آن لائن) ایم ٹی آئی ایکٹ نامنظور،ینگ ڈاکٹرز پھرسڑکوں پر آنے کوتیار۔ گرینڈ ہیلتھ الائنس نے آج مال روڈ پر پنجاب اسمبلی سےگورنرہاؤس تک لانگ مارچ کرنے کا اعلان کردیا ۔ ڈاکٹرز بازوؤں پرسیاہ پٹیاں باندھ کر احتجاج میں شرکت کریں گے۔

گرینڈ الائنس کے عہدیداروں نے پریس کانفرنس کرتے ہوئے بتایا کہ حکومت کی نااہلی سےڈینگی نےوبا کی صورت اختیارکرلی،مریضوں سےمفت علاج کی سہولت چھینی جارہی ہے، حکومت نے ریلی روکنے کی کوشش کی توہسپتالوں میں ہڑتال کریں گے، اپنےموقف سے پیچھے نہیں ہٹیں گے ۔موجودہ صورت حال کی پیش نظر حکومت نےلانگ مارچ کےخوف سےاسمبلی اجلاس موخرکردیا۔

راولپنڈی (ایمرا نیوز آن لائن)صوبائی حکومت نے ملک میں پاک بھارت کشیدگی میں ممکنہ ہنگامی صورتحال کے پیش نظر راولپنڈی سمیت پنجاب کے تمام ہسپتالوں میں ایمرجنسی نافذ کر دی ہے صوبائی سیکریٹری پرائمری اینڈ سیکنڈری ہیلتھ کیئر ڈیپارٹمنٹ پنجاب نے تحریری حکمنامہ میں پنجاب بھر کی تمام ضلعی ہیلتھ اتھارٹیوں کے چیف ایگزیکٹو افسران کے علاوہ پنجاب کے تمام ڈسٹرکٹ و تحصیل ہیڈ کوارٹرز ہسپتالوں سمیت تمام سرکاری ہسپتالوں کے میڈیکل سپرنٹنڈنٹس کو ہدائیت کی ہے کہ وہ موجودہ کشیدہ صورتحال میں کسی بھی طرح کے ہنگامی حالات سے نمٹنے کے لئے ہمہ وقت تیار رہیں اس مقصد کے لئے تمام ماہرین امراض ،سینئر وجونیئرڈاکٹروں، نرسوں اور پیرا میڈیکل سٹاف کی چھٹیاں منسوخ کر تے ہوئے ہدائیت کی گئی ہے کہ ہسپتالوں کے تمام آپریشن تھیٹرزاور لیبارٹریوں کے علاوہ ٹراما اور برن یونٹس سمیت تمام شعبوں کو مکمل طور پر فعال رکھا جائے صوبائی حکومت کی ہدایات کے تحت تمام سرکاری ہسپتالوں کے ڈاکٹرز 24 گھنٹے آن کال رہیں گے ایمرجنسی وارڈز میںہر طرح کے سرجری و ایمرجنسی آلات اور جان بچانے والی ادویات کی موجودگی یقینی بنائی جائے اور اس حوالے سے پرائمری اینڈ سیکنڈری ہیلتھ کیئر ڈیپارٹمنٹ پنجاب کو فوری طور پر انتظامات اور ضروریات سے آگاہ کیا جائے ۔

اسلام آباد (ایمرا نیوز آن لائن)صوبہ خیبرپختونخوا کے تمام نجی اور سرکاری ہسپتالوں کے سربراہوں کو ہدایت کی گئی ہے کہ وہ متعلقہ ہسپتالوں میں کم از کم 60 بستر خالی رکھیں تاکہ ایمرجنسی کی صورت میں کبھی مشکل نہ پیش آئے ۔ اعلیٰ حکام سے جاری ایک اعلامیہ مہیں کہا گیا ہے کہ قومی کاز کے تحت تمام ہسپتالوں کے سربراہ اپنے اپنے ہسپتالوں میں 25 فیصد یا 60 بستر ہر وقت خالی رکھیں تاکہ ہنگامی صورت حال میں مسائل کا سامنا نہ کرنا پڑے ۔ صوبے کے تمام نجی اور سرکاری ہسپتالوں کو ہدایت کی گئی ہے کہ وہ عملدرآمد کی رپورٹ متعلقہ حکام کو فراہم کریں تاکہ فیصلہ پر عملدرآمد کو ہر حال میں یقینی بنایا جا سکے ۔کے پی کے ایک ایسا صوبہ ہے جہاں آئے روز دہشتگردانہ واقعات رونما ہو رہے ہین جبکہ ضرورت کے وقت سرکاری اور نجی ہسپتالوں میں مریض کے رش کے باعث مسائل دیکھنے پڑتے ہین اس لئے متعلقہ حکام نے اس کا نوٹس لے لیا ہے اور تمما صوبے کے نجی اور سرکاری ہسپتالوں کے سربراہوں کو ہدایت کی گئی ہے کہ ہسپتال کے اندر 60 بستر یا 25 فیصد بستر ہر وقت خالی رکھیں تاکہ ہنگامی حالات میں مسائل نہ دیکھنا پڑیں ۔( جاوید)

فیصل آباد(ایمرا نیوز آن لائن) پنجاب کے سرکاری ہسپتالوں میںایکسرے ، الٹرا ساﺅنڈ، ایم آر آئی اور آپریشن سمیت 561ٹیسٹوں کی فیسوں میں 100 فیصد اضافے کی تجویز پر گہری تشویشن کا اظہار کرتے ہوئے صدر انجمن تاجران سٹی فیصل آباد خواجہ شاہد رزاق سکا،جنرل سیکرٹری چوہدری محمود عالم جٹ اور سینئر تاجر رہنماﺅںمیاں شاہد گوگی ،مرزا طالب صدیق بیگ ،مرزا مظہر صدیق بیگ ،مرزا محمد شفیق ،میاں اشر ف مٹھو،حاجی شمشاد ،مرزا اشرف مغل ،شیخ سعید،راﺅ ہاشم علی ، خواجہ عماد خالد سکا،عبدالقیوم انور، میاں مبین شہزاد ، مظفر یوسف کھوکھر، شیخ وحید ببر،چوہدری محمد اکرم اوردیگرنے کہا ہے کہ ایسے معاشرے میں جہاں خطرناک بیماریو ں اور غربت کی شرح بڑھ رہی ہو۔غریب عوام جو نجی (پرائیویٹ )ہسپتالوں اور ڈاکٹروںکی بھاری فیسوں کا بوجھ نہیں اٹھا سکتے پنجاب حکومت کے اس اقدام سے صوبہ کے غریبوں سے ٹھوڑی بہت صحت ملنے والی سہولتیں چھننا کسی طرح بھی جائز نہیں صدر انجمن تاجران سٹی خواجہ شاہد رزاق سکانے کہا کہ ابھی تک عوام ادویات کی قیمتوں میں بے تحاشہ اضافے سے پریشان ہیںوزیر اعظم عمران خان صوبہ کے سرکاری ہسپتالوں میں ٹیسٹ اور آپریشن فیسوں میں اضافے کو روکنے اور سستی دواﺅں کے امکانات کا در کھلا رکھنے کا حکم دیںکیونکہ پنجاب حکومت کی یہ تجویز وفاقی حکومت کی پالیسیوں کے خلاف ہے جو صحت کارڈ تقسیم کرکے عوام کو علاج معالجے کی سستی سہولتیں فرا ہم کرنے کے عزم پر کار بند ہیں انہوںنے کہا کہ نئی حکومت کے قیام کے بعد جسطرح مہنگائی اور قیمتوں میں بے لگام اضافے کا رجحان سامنے آیا ہے اس سے عوامی سطح پر حکومت کے بارے میں منفی تاثر پھیل رہا ہے اب پنجاب حکومت کے ااقدام سے علاج مزید مہنگا ہو جائیگا تاجر رہنماﺅں نے وزیر اعظم عمران خان سے مطالبہ کیا ہے پنجاب حکومت کو ایسا کرنے سے روکا جائے بصورت دیگر غریب و متوسط طبقہ جن کےلئے علاج کی سہولتیں پہلے ہی ناپید ہیںائندہ انہیں سرکاری ہسپتالوں کے مہنے ٹیسٹ اور مارکیٹ سے مہنگی دوائیں خریدنے کی سکت نہ ہونے کی وجہ سے بے بسی و لاچاری کا سامنا ہوگا انہوں نے کہا کہ نئے پاکستان اور تبدیلی کا نعرہ لئے اقتدار میں آنے والی موجودہ حکومت سے عوام کو امید تھی کہ اس حکومت میں پرانی غلطیاں اور کوہتائیاں نظر نہیں آئیں گی لیکن عمران خان نے وزیر اعظم بنکر قوم کی تمام امیدوں پر پانی پھیر دیا ان حالات میں حکومت کو کم ازکم اتنا احساس کرنا چاہئے تھا کہ عام آدمی اور کم آمدنی والے طبقے کےلئے یہ اضافہ جان لیوا ثابت ہوگا اور پنجاب حکومت کے اس اقدام سےPTI حکومت کے خلاف عوام کا غصہ مزید بڑھے گااور عمران خان کی 22 سالہ جد وجہد کو بھی نقصان پہنچے گا ۔

لاہور (ایم نائن ٹو ڈاٹ ٹی وی) ہسپتالوں کی پارکنگ میں اوور چارجنگ کے خلاف پنجاب اسمبلی میں تحریک التوا جمع کرا دی گئی۔ تحریک التوا تحریک انصاف کے احمد خان بھچر کی جانب سے جمع کرائی گئی، تحریک التوا میں کہا گیا ہے کہ وزیراعلیٰ پنجاب نے سرکاری ہسپتالوں کی ایک روپے فیس تو ختم کردی مگر پارکنگ سٹینڈ مافیا شہریوں کو لوٹنے میں مصروف ہے۔ مریضوں اور انکے لواحقین سے پارکنگ فیس کی مد میں لاکھوں روپے لوٹے جا رہے ہیں۔ متن میں مزید کہا گیا ہے کہ اوور چارجنگ کی مد میں لوٹنے والے مافیا کے خلاف انتظامیہ بھی بے بس دکھائی دیتی ہے۔ ہسپتالوں کی پارکنگ سٹینڈ پر تعینات عملہ اوور چارجنگ کرنےسے بھی گریز نہیں کرتا جس کے باعث پارکنگ اسٹینڈ عملہ کا اور شہریوں کے درمیان جھگڑا معمول بن گیا۔ پارکنگ اسٹینڈ عملہ کے آگے ایم ایس صاحبان بھی بے بسی کی تصویر بنے ہوئے ہیں۔ موٹر سائیکل سواروں سے پارکنگ کے دس روپے کی بجائے ڈبل وصول کئے جاتے ہیں نہ دینے والوں کو پارکنگ سٹینڈ کا عملہ بدترین تشدد کا نشانہ بناتا ہے۔سروسز،میو اور جنرل ہسپتال وغیرہ میں اوور چارجنگ عروج پر ہے ۔ اوور چارجنگ اور عملہ کے رویے کے باعث شہریوں میں سخت تشویش پائی جاتی ہے۔تحریک التوا میں حکومت سے مطالبہ کیا گیا ہے کہ وہ حکومت مسئلے کا سخت نوٹس لے۔