Tag Hyderabad

مردان(ایمرا نیوز آن لائن)خیبر پختون خوا کے ضلع مردان میں مکان کی چھت گرگئی جس کے نتیجے میں 3 بچے جاں بحق اور 2 شدید زخمی ہو گئے، مرنے والے بچوں میں دو بھائی شامل ہیں۔ریسکیو ذرائع کے مطابق گا ﺅں بٹ سیری میں بارشوں کے باعث کچے مکان کی چھت گر گئی۔ واقعے میں ملبے تلے دب کر 3 بچے موقع پر جاں بحق ہو گئے جبکہ 2 بچے زخمی ہوئے ہیں۔زخمیوں کو ڈی ایچ کیو اسپتال منتقل کیا گیا ہے، جہاں کے ڈاکٹروں کا کہنا ہے کہ زخمی بچوں کی حالت خطرے سے باہر ہے۔

پاکستان ایک اہم ملک ہے اور ہم پاکستان کے ساتھ بہتر تعلقات چاہتے ہیں ،
امرےکی نمائندہ خصوصی برائے افغانستان
واشنگٹن(ایمرا نیوز آن لائن)امریکی نمائندہ خصوصی برائے افغانستان زلمے خلیل زاد نے کہا ہے کہ افغان امن مذاکرات کو تیز کرنے میں مدد کرنے کےلیے پاکستان نے افغان لیڈر ملا برادر کو ان کی درخواست پر رہا کیا تھا۔خیال رہے کہ اس سے قبل امریکی محکمہ خارجہ نے کہا تھا کہ طالبان کے بانی رہنماو¿ں میں شامل ملا عبدالغنی برادر کی رہائی کابل کی جانب سے طویل عرصے سے کیے جانے والے مطالبے کی تکمیل ہے۔ غےر ملکی خبر رساں ادارے کے مطابق جنوبی ایشیا اور مشرق وسطیٰ کے لیے تقریباً ایک ماہ کے طویل امن مشن سے رواں ہفتے واپس آنے والے زلمے خلیل زاد کا کہنا تھا کہ انہوں نے طالبان کے ساتھ افغانستان سے امریکی فورسز کی واپسی کے لیے شرائط پر تبادلہ خیال کیا لیکن اس معاملے پر ابھی کوئی معاہدہ نہیں ہوا۔واشنگٹن میں امن کے امریکی ادارے میں خطاب کرتے ہوئے انہوں نے اس بات کو تسلیم کیا کہ گزشتہ ماہ دوحہ میں امریکا اور طالبان ایک فریم ورک معاہدے پر پہنچ گئے تھے لیکن حتمی نتائج تک پہنچنے کے لیے مزید بات چیت کی ضرورت ہے۔ امریکا-طالبان مذاکرات کو آسان بنانے میں پاکستان کے کردار سے متعلق ایک سوال کے جواب میں زلمے خلیل زاد کا کہنا تھا کہ اسلام آباد نے ایک تعمیری کردار ادا کیا اور ’ان کی درخواست‘ پر ملا برادر کو رہا کیا۔امریکی نمائندہ خصوصی کا کہنا تھا کہ انہوں نے ملا برادر کی رہائی کی درخواست کی تھی کیونکہ ان کا ماننا تھا کہ افغان امن کے آغاز میں سینئر طالبان رہنما بھی تعمیری کردار ادا کرسکتے ہیں۔امن مذاکرات کے فروغ میں اسلام آباد کے کردار کو سراہتےہوئے زلمے خلیل زاد کا کہنا تھا کہ ’پاکستان ایک اہم ملک ہے اور ہم پاکستان کے ساتھ بہتر تعلقات چاہتے ہیں‘۔اپنے خطاب کے دوران انہوں نے اپنے اس انتباہ کو دہرایا کہ افغانستان میں 40 سال پرانی جنگ کے خاتمے کے لیے ایک سے زائد ملاقات ہوں گی۔ زلمے خلیل زاد کا کہنا تھا کہ افغانستان میں سابق حکومتیں، آیا وہ طالبان کی تھی یا کسی اور کی، وہ اس لیے ناکام ہوئیں کیونکہ انہوں نے اپنے نظریات نافذ کرنے کی کوشش کی۔انہوں نے کہا کہ دوحہ میں انہوں نے اس فرق کا مشاہدہ کیا کہ یہ احساس ہے کہ یہ نقطہ نظر کام نہیں کرے گا، ساتھ ہی انہوں نے کہا کہ طالبان سمیت تمام فریقن اب ایک دوسرے کو جگہ دینے کو تیار ہیں۔خیال رہے کہ پاکستان کی جانب سے بھی یہ کہا گیا تھا کہ امریکا اور طالبان کے درمیان گزشتہ ماہ ہونے والے مذاکرت تمام فریقین کے لیے ایک ’بڑی سفارتی فتح‘ ہے۔

ہزاروں افغان شہریوں نے خود کو پاکستانی ظاہر کے کے شناختی کارڈ حاصل کیے ، جعلی شناخت کے یہ کیسز نادرا سسٹم نے اس وقت پکڑے جب کارڈز بلاک کیے جانے پر لوگوں نے نادرا سے شناختی کارڈ کے حصول کے لیے رابطہ کیا، چیئرمین نادرا عثمان یوسف کی سینیٹ کی قائمہ کمیٹی برائے داخلہ کو برےفنگ
اسلام آباد(ایمرا نیوز آن لائن)نیشنل ڈیٹا بیس اینڈ رجسٹریشن اتھارٹی (نادرا) نے ایسے 10ہزار پاکستانیوں کا سراغ لگایا جنہوں نے امداد حاصل کرنے کے لیے اپنا اندراج افغان مہاجر کی حیثیت سے کروا رکھا ہے۔ اقوامِ متحدہ کا ہائی کمیشن برائے مہاجرین نے رضاکارانہ واپسی کی اسکیم کے تحت اپنے آبائی وطن واپس جانے والے ہر افغان مہاجر کے لیے 400 ڈالر کی رقم مختص کررکھی ہے جو تقریباً 55 ہزار پاکستانی روپے کے لگ بھگ ہے۔یہ انکشاف چیئرمین نادرا عثمان یوسف مبین نے سینیٹ کی قائمہ کمیٹی برائے داخلہ کے اجلاس میں بلاک کیے جانے والے قومی شناختی کارڈز (سی این آئی سی) کے معاملے پر بریفنگ دیتے ہوئے کیا، اجلاس کی صدرت کمیٹی چیئرمین سینیٹر رحمٰن ملک نے کی۔ چیئرمین نادرا نے بتایا کہ جعلی شناخت کے یہ کیسز نادرا کے سسٹم نے اس وقت پکڑے جب کارڈز بلاک کیے جانے پر لوگوں نے نادرا سے شناختی کارڈ کے حصول کے لیے رابطہ کیا۔انہوں نے وضاحت کی کہ 5 اقسام کے شناختی کارڈ مشتبہ ہونے پر بلاک کیے گئے ہیں۔چیئرمین نادرا نے مزید بتایا کہ رضاکارانہ واپسی اسکیم کے تحت تقریباً 10 لاکھ افغان مہاجرین افغانستان واپس جاچکے ہیں اور ہر جانے والے فرد حتیٰ کہ نومولود کو بھی اقوامِ متحدہ کا ہائی کمیشن 400 ڈالر کی رقم دیتا ہے۔ واضح رہے کہ بلوچستان میں رہنے والے پختونوں کو نادرا کی جانب سے شناختی کارڈ جاری کرنے سے انکار پر یہ معاملہ مسلم لیگ (ن) کے سینیٹر یعقوب خان نے سینیٹ میں اٹھایا تھا۔ کمیٹی کو بریفنگ دیتے ہوئے چیئرمین نادرا کا مزید کہنا تھا کہ ’پاکستان میں ایک زمانے میں 24 لاکھ افغان مہاجرین رجسٹرڈ تھے‘ جن کے علاوہ مزید 15 لاکھ غیر رجسٹرڈ افغان بھی ملک میں رہائش پذیر تھے۔انہوں نے بتایا کہ افغان شہریوں کی ایک بڑی تعداد نے پاکستانی خاندانوں سے تعلق ظاہر کر کے سرکاری اہلکاروں کی ملی بھگت سے قومی شناختی کارڈ حاصل کرلیے تھے۔حالانکہ جن پاکستانی خاندانوں کا استعمال کیا گیا وہ خود بھی مشتبہ تھے تا ہم کچھ حقیقی پاکستانی خاندانوں نے بذاتِ خود انہیں اپنا حصہ ظاہر کر کے شناختی کارڈ کے حصول میں معانت کی۔عثمان مبین کا مزید کہنا تھا کہ مسلم لیگ (ن) کے دورِ حکومت میں ایک پارلیمانی کمیٹی نے ایسے پاکستانی جن کی شناخت مشتبہ تھی، کی تصدیق کے لیے ایک طریقہ کار وضع کیا تھا جس کے تحت کی گئی قومی تصدیقی مہم کے دوران نادرا میں ایک لاکھ 65 ہزار مشتبہ کیسز سامنے آئے۔مذکورہ پارلیمانی کمیٹی کی تجاویز کی روشنی میں حکومت نے حکم جاری کیا تھا کہ ہر ضلع کا ڈپٹی کمشنر اس قسم کے کیسز کی تصدیق کے لیے بنائی جانے والی کمیٹی کی سربراہی کرے گا، پارلیمانی کمیٹی نے یہ فیصلہ کیا تھا کہ ہر مشتبہ درخواست گزار کو تصدیق کے لیے 7 شناختی دستاویزات میں سے کم از کم ایک دستاویز متعلقہ ضلعی کمیٹی کے سامنے پیش کرنی ہوگی۔اس موقع پر کمیٹی چیئرمین نے بتایا کہ حتیٰ کہ ایران سے تعلق رکھنے والی دہشت گرد تنظیم کا سابق سربراہ عبد المالک رگی بھی خود کو پاکستانی خاندان کا حصہ ثابت کر کے شناختی کارڈ حاصل کرنے میں کامیاب ہوگیا تھا۔ سینیٹ کمیٹی میں سیکیورٹی نہ ہونے کے سبب ایران اور عراق سے لوٹنے والے سینکڑوں زائرین کے پاک ایران سرحد تفتان پر پھنسے ہونے کا معاملہ بھی موضوعِ بحث بنا۔جس پر سینیٹر رحمٰن ملک نے کہا کہ ایف سی بلوچستان (ساو¿تھ ریجن) کے آئی جی میجر جنرل سعید احمد ناگرا اور ڈائریکٹر ایف آئی اے نے انہیں پھنسے ہوئے زائرین کے محفوظ سفر کی یقین دہانی کروائی ہے۔انہوں نے وفاقی اور صوبائی حکومت کو ہدایت کی کہ زائرین کی فوری طور پر محفوظ واپسی کے انتظامات کیے جائیں اور اس حوالے سے ایک مفصل رپورٹ بھی پیش کی جائے ۔

19 جنوری 2018 کو سی ٹی ڈی مقابلے کے فوری بعد اسپتال میں زخمی عمیر نے میڈیا کو سارے حقائق بتائے تھے
لاہور(ایمرا نیوز آن لائن) سانحہ ساہیوال میں جاں بحق ہونے والے شہری خلیل کے بیٹے اور واقعے کے عینی شاہد عمیر نے واقعے کی تحقیقات کرنے والی مشترکہ تحقیقاتی ٹیم (جے آئی ٹی) کو ریکارڈ کروائے گئے اپنے تحریری بیان میں کہا تھا کہ پولیس اہلکاروں نے تین بار ا±ن کی گاڑی پر فائرنگ کی جبکہ اس بات میں کوئی صداقت نہیں کہ ان کی گاڑی کے اندر سے یا باہر سے کسی موٹر سائیکل سے پولیس پر فائرنگ ہوئی۔ساہیوال سانحے کے حوالے سے حاصل ہونے تحریری بیان کے مطابق مقتول خلیل کے 12 سالہ زخمی بیٹے عمیر نے بتایا کہ ‘وہ اپنی والدہ نبیلہ، والد خلیل، بڑی بہن اریبہ اور چھوٹی بہنوں منیبہ اور ہادیہ کے ساتھ صبح 8 بجے گھر سے نکلے، تاہم گاڑی جب قادر آباد پہنچی تو پیچھے سے کسی نے فائر کیا، جس سے گاڑی فٹ پاتھ سے ٹکرا کر رک گئی’۔عمیر کے مطابق ‘پولیس کے دو ڈالے تیزی سے گاڑی کے پاس آکر رکے اور نقاب پوش اہلکاروں نے فائرنگ کرکے سب سے پہلے ذیشان انکل کو مارا، جس کے بعد پولیس اہلکاروں نے فائرنگ روک دی اور فون پر بات شروع کر دی’۔ واقعے کے عینی شاید بچے نے بتایا، ‘ابو نے پولیس والوں سے کہا کہ جو چاہے لے لو، لیکن ہمیں نہ مارو، معاف کر دو، لیکن فون بند ہونے کے بعد اہلکار نے ساتھیوں کو اشارہ کیا اور انھوں نے دوبارہ فائرنگ شروع کر دی، جس سے ابو، ماما اور بہن جاں بحق ہو گئی، فائرنگ کے دوران پاپا نے مرنے سے پہلے منیبہ کو اور ماما نے مجھے اور ہادیہ کو اپنے گھٹنوں میں چھپا لیا تھا۔عمیر نے بتایا کہ ‘فائرنگ کے بعد پولیس اہلکاروں نے مجھے اور دونوں بہنوں کو نکال کر دوبارہ گاڑی پر فائرنگ کی، بعدازاں پولیس والے ہم تینوں کو ڈالے میں ڈال کر لے گئے اور ویرانے میں پھینک دیا۔12 سالہ عمیر نے مزید بتایا، ‘میں اور منیبہ گولی لگنے کی وجہ سے درد سے کراہتے رہے کہ ایک انکل نے ہمیں اٹھا کر پیٹرول پمپ پر چھوڑ دیا، اس کے بعد پولیس والے واپس آئے، ہمیں اپنی گاڑی میں بٹھایا اور اسپتال چھوڑ دیا۔عمیر کے مطابق ‘یہ جھوٹ ہے کہ گاڑی سے دہشت گردی کا کوئی سامان برآمد ہوا یا اندر سے کسی نے فائرنگ کی، جبکہ فائرنگ کا حکم دینے والے موقع پر موجود اہلکاروں سے رابطے میں تھے۔ اس طرح عمیر کا بیان ساہیوال واقعے کے بعد گرفتار سی ٹی ڈی اہلکاروں کے بیان سے متصادم ہے، جنہوں نے دورانِ تفتیش اس بات سے انکار کردیا تھا کہ گاڑی پر فائرنگ ان کی جانب سے کی گئی۔سی ٹی ڈی کے گرفتار اہلکاروں صفدر، رمضان، سیف اللہ اور حسنین نے دوران تفتیش کے آئی ٹی کو بتایا تھا کہ گاڑی میں سوار افراد موٹرسائیکل سوار ساتھیوں کی فائرنگ سے مارے گئے۔ذرائع کے مطابق جب جے آئی ٹی نے ملزمان سے سوال کیا کہ گولی چلانے کا حکم کس نے دیا تھا؟ جس پر ملزمان نے فائرنگ میں پہل کرنے سے انکار کرتے ہوئے موقف اختیار کیا تھا کہ ‘ہمیں کسی نے حکم نہیں دیا تھا، ہم نے صرف جوابی فائرنگ کی تھی۔

اسلام آباد(ایمرا نیوزآن لائن رپورٹ اظہر محمود سے) وفاقی وزیر اطلاعات فواد چوہدری نے کہا ہے کہ تحریک انصاف کے دھرنے کی وجہ سے عوام میں سیاسی شعور پیدا ہوا،دھرنے نے معجزہ دکھایا، اسے منفی کہنے والے سیاسی بلوغت سے محروم ہیں، ہمارا نظام عدل یہ ہے کہ 15 مرغیاں چوری کرنے والا جیل میں ہے اور 1500 ارب چوری کرنے والا پبلک اکاؤنٹس کمیٹی کا چیئرمین ہے، 300ارب کی چوری کرنے والے باپ بیٹی کی ضمانت ہو گئی یہ ہے، افسوس حکومت متوسط طبقے کو ریلیف نہیں دے سکے، ہمارے پاس پیسہ نہیں، 17 سو ارب روپے دفاع پر لگاتے ہیں۔ اسلام آباد میں تقریب سے خطاب کرتے ہوئے فواد چوہدری نے کہا کہ عمران خان کی سیاست کی بدولت نواز شریف اورآصف زرداری کا اصل چہرہ عوام کے سامنے آیا، عمران خان کی جدوجہد کی بدولت ہی نواز شریف اور آصف زرداری کی سیاست قصہ پارینہ بن چکی ہے۔انہوں نے کہا کہ سیاسی طور پر تحریک انصاف کو کسی قسم کا کوئی چیلنج نہیں، ہمیں اقتدار میں آتے ہی سب سے اہم چیلنج معیشت کا تھا۔ان کا کہنا تھا کہ جس طرح ڈاکو ڈاکے کے بعد اپنی عیاشیوں پر پیسے لٹاتا ہے، پچھلے حکمرانوں نے بھی ملک کے ساتھ ایسا ہی کیا، ن لیگ اور پیپلز پارٹی نے پاکستانی کی معیشت کا بیڑا غرق کیا۔فواد چوہدری نے کہا کہ دھرنے کی وجہ سے عام لوگوں میں شعور اور حقوق کی فراہمی کی بات ہوئی، دھرنے کے بعد عوام میں سیاسی شعور پیدا ہوا۔انہوں نے مزید کہا کہ اس سے پہلے صرف دو سیاسی جماعتوں میں لوگ پھنسے ہوئے تھے، عمران خان غریب عوام کی آواز بنے اور اسٹیٹس کو شکست دی۔انھوں نے کہا کہ ملکی سیاست میں عمران خان اور ذوالفقار علی بھٹو نے اہم کردار ادا کیا۔ دھرنے نے نئے پاکستان کی بنیاد رکھی، دھرنے کی سیاست نے مڈل کلاس نوجوان کو نیا پیغام دیا، کرپشن کا خاتمہ سب سے زیادہ نوجوانوں میں مقبول ہوا اور تحریک انصاف ایک بہت بڑی قوت بن کر سامنے آئی۔انہوں نے تسلیم کیا کہ مڈل کلاس اس وقت تکلیف میں ہے، سیلری کلاس پر ٹیکس لگے ہیں، ان کیلئے گیس مہنگی ہو گئی ہے۔

لاہور(ایمرا نیوزآن لائن رپورٹ عمر خالد سے) لاہور کی سیشن عدالت کے باہر فائرنگ کا واقعہ پیش آیا ہے جس کے نتیجے میں پیشی کے لیے آیا ہوا ایک شخص جاں بحق ہو گیا۔ذرائع کے مطابق سیشن کورٹ کے باہر نامعلوم ملزمان کی فائرنگ سے بلال نامی شخص جاں بحق ہوا ہے جس کے خلاف ایک لڑکی کے اغوا کا مقدمہ درج ہے۔بلال اپنے کیس کی پیشی کے سلسلے میں سیشن کورٹ آیا تھا کہ نامعلوم ملزمان کی فائرنگ کا نشانہ بن گیا، جو فائرنگ کرنے کے بعد باآسانی فرار ہو گئے۔پولیس کے مطابق بلال مغلپورہ کا رہائشی تھا جس کی لاش پوسٹ مارٹم کے لیے اسپتال منتقل کی گئی ہے۔پولیس نے بلال کے قاتلوں کی گرفتار کے لیے تفتیش شروع کر دی ہے۔

لاہور(ایمرا نیوز آن لائن) ’کنگ آف غزل‘ جگجیت سنگھ کی آج 78 ویں سالگرہ منائی جارہی ہے، جگجیت سنگھ نے اپنی آواز سے لوگوں کے دل جیت لیے تھے.جگجیت سنگھ کا تعلق بھارت کے شہر راجستھان سے ہیں،مرحوم جگجیت سنگھ 8 فروری 1941ء کو راجستھان میں پیدا ہوئے. جگجیت سنگھ کی غزلوں نے نا صرف بھارت بلکہ پوری دنیا میں مقبولیت حاصل کی، اور آج بھی ان کی گائی ہوئی غزلیں لوگوں کے دلوں میں زندہ ہیں.

جگجیت سنگھ نے اپنے فنی سفر کا آغاز 1966ء میں کیا تھا، اور اس کے بعد جگجیت سنگھ کی غزلوں کا جادو پوری دنیا میں پھیل گیا.بھارت کے تیسرے بڑے سول اعزاز پدما بھوشن سے بھی نوازا گیا ہے۔ جگجیت سنگھ نے فنی زندگی میں بے تحاشا کامیابیاں حاصل کیں، لیکن ذاتی زندگی ان کے لیے اچھی ثابت نہیں ہوئی، ان کے بیٹے کی ایک حادثے میں موت ہوگئی تھی، اور ان کی اہلیہ نے بھی خودکشی کرلی تھی.جگجیت سنگھ 10 اکتوبر 2011 کو انتقال کرگئے تھے، اور دنیا بھر میں اپنے مداحوں کو اُداس کرگئے. جگجیت سنگھ کی غزلیں آج کل کے نوجوان بہت شوق سے گاتے ہیں اور ان کو خراج تحسین پیش کرتے ہیں.

پاکستانی کرکٹر شعیب ملک کی اہلیہ6 گرینڈ سلام ڈبلز ٹائٹل جیتنے والی ثانیہ مرزا کی سوانح حیات پہلے ہی منظرعام پر آچکی ہے، فلم کی عکس بندی کا آغاز جلد ہونے امکان
ممبئی (ایمرا نیوز آن لائن) بھارتی ٹینس اسٹار اورپاکستانی کرکٹر شعیب ملک کی اہلیہ ثانیہ مرزا کی زندگی پر فلم بنانے کی تیاریاں مکمل کرلی گئیں۔ٹینس اسٹار ثانیہ مرزا کی زندگی پر بننے والی فلم کی عکس بندی کا آغاز جلدکر دیا جائے گا۔6 گرینڈ سلام ڈبلز ٹائٹل جیتنے والی ٹینس اسٹار ثانیہ مرزا کی سوانح حیات پہلے ہی منظرعام پر آچکی ہے، اب پروڈیوسر رونی اسکریو والا نے کئی ماہ تک رابطوں کے بعد معاملات طے کر لیے ہیں۔فلم میں ثانیہ مرزا کی جدوجہد، کیریئر میں اتارچڑھا اور شعیب ملک سے شادی سمیت ان کی زندگی سے جڑی مختلف حقیقتوں کو عکس بند کیا جائے گا۔ ثانیہ مرزا نے کہا ہے کہ اپنی زندگی کو پردہ اسکرین پر دیکھنا ان کے لیےحیرت انگیز تجربہ ہوگا۔واضح رہے کہ اس سے قبل بھی بھارتی اسپورٹس شخصیات کی زندگی پر کئی فلمیں بنائی جاچکی ہیں، میری کوم، دنگل، گولڈ ، بھاگ ملکھا بھاگ اور ایم ایس دھونی فلموں میں اسپورٹس اسٹارز کی زندگی کا احاطہ کیا گیا تھا۔

ٹیمیں ایف بی آر، ایکسائز اور اسٹیٹ بینک سے ریکارڈ جمع کریں گی جس کے بعد طلبی کے نوٹس جاری کیے جائیں گے
اسلام آباد (ایمرا نیوز آن لائن)جعلی بینک اکانٹس کیس کی تحقیقات کیلئے نیب کی مشترکہ تحقیقاتی ٹیمیں کراچی روانہ ہوگئی ہیں ٹیمیں ایف بی آر، ایکسائز اور اسٹیٹ بینک سے ریکارڈ جمع کریں گی جس کے بعد طلبی کے نوٹس جاری کیے جائیں گے. جعلی بینک اکانٹس کیس میں اہم پیش رفت ہوئی ہے اور نیب کی مشترکہ تحقیقاتی ٹیمیں ڈی جی نیب عرفان منگی کی قیادت میں تحقیقات کے لئے کراچی روانہ ہوگئی ہیں.نیب راولپنڈی سے محمد یونس اورگل آفریدی سی آئی ٹی کی سربراہی جبکہ ڈپٹی ڈائریکٹر محبوب عالم اور محسن علی راولپنڈی کی ٹیم کی سربراہی کررہے ہیں.نیب کی چار ٹیمیں ایف بی آر، ایکسائز، اسٹیٹ بینک سے ریکارڈ جمع کریں گی اور انورمجید کی تمام ملز سے متعلق بھی ریکارڈ حاصل کیا جائےگا، ریکارڈ کے بعد طلبی کے نوٹس جاری کیے جائیں گے. ذرائع نے بتایا ڈیڑھ ارب روپے سے زائد کک بیکس کی رقم منتقلی پرافسران سے بھی پوچھ گچھ ہوگیم اور تمام ٹیمیں ڈی جی نیب عرفان منگی کوتحقیقات سے آگاہ رکھیں گی.دوسری جانب نیب نے سربمہر پیشرفت رپورٹ سپریم کورٹ میں جمع کرادی ہے ، رپورٹ میں بتایا گیا ہے کہ تحقیقات کیلئے 4 مزید مشترکہ تحقیقاتی ٹیمیں بنادی گئیں اور سیکرٹریٹ نیب کے پرانے دفتر میں قائم کردیاگیا ہے. رپورٹ میں کہا گیا ہے کہ تحقیقاتی ٹیموں کی سربراہی ڈی جی نیب راولپنڈی کررہے ہیں، چیئرمین نیب تمام معاملے کی نگرانی خود کریں گے، عدالتی فیصلے پر مکمل عملدرآمدکیا جائے گا.

کراچی کا دولہا مہنگی گاڑی کی بجائے اپنی دولہن کو آن لائن ٹیکسی سروس اوبر میں رخصت کروا کر گھر لے آیا جس کے چارجز صرف 163 روپے بنے
کراچی (ایمرا نیوز آن لائن)ہر جوڑے کی خواہش ہوتی ہے کہ اس کی شادی یادگار ہو جس کے لیے دلہا دلہن نت نئے انداز اپنانے کے ساتھ ساتھ شادی کی تقریبات کے انتظامات میں ہمیشہ ہی منفرد انداز اپنائے نظر آتے ہیں۔آج کل شادیوں کا سیزن چل رہا ہے اوت گزرتے وقت کے ساتھ ساتھ جہاں شادی کے ایونٹس میں اضافہ ہو گیا ہے وہیں فیشن سمیت اور کئی چیزوں میں بھی لوگوں کے رحجان بدل رہے ہیں۔ہر جوڑے کی خواہش ہوتی ہے کہ ان کی شادی پر دلہن اور دولہے کی انٹری سمیت ہر چیز منفرد ہو۔ شادی کا دن سب کے لیے بہت خاص ہوتا ہے لیکن کچھ لوگ اپنی شادی کے دن کو یادگار بنانے کے لیے ایسا کام کرتے ہیں جو ہمیشہ یاد رہتا ہے۔اسی طرح کئی دولہے اپہنی دلہن کو لے جانے کے لیے مہنگی مہنگی گاڑیاں بھی لاتے ہیں تاکہ ہر کوئی اس کی تعریف کرے۔تاہم کچھ ایسے لوگ بھی ہیں جو ان کاموں پر خرچ نہیں کرتے۔کراچی میں ایک دولہا صرف 163روپے میں اپنی دلہن کو رخصت کر کے لیا گیا۔اسی حوالے سے ایک اوبر ڈرائیور نے اپنا تجربہ سوشل میڈیا پر شئیر کیا ہے اور لوگوں کو بتایا کہ جہاں لوگ رخصتی کے موقع پر گاڑیوں پر اتنا پیسہ خرچ کرتے ہیں وہیں کچھ ایسے لوگ بھی ہیں جو اوبر گاڑی پر ہی اپنی بیگم کو رخصت کر کے لے جاتے ہیں۔اوبر ڈرائیور کا مزید کہنا تھا کہ ایک بار وہ اپنی سواریوں کو پک کرنے گیا تو یہ دیکھ کر حیران رہ گیا کہ اس کی سواریوں میں دولہا دلہن شامل ہیں۔اوبر ڈرائیور کا کہنا تھا کہ وہ یہ دیکھ کر حیران رہ گیا کہ اس سواری کے صرف 163 روپے چارجز بنے۔اوبر ڈرائیور کا کہنا تھا کہ وہ دو بار اپنی اوبر ایکس میں دلہنوں کو رخصت کروا چکا ہے۔اوبر ڈرائیور کی جانب سے اس پوسٹ نے لوگوں کو حیرت میں مبتلا کر دیا ہے اور کچھ صارفین کا کہنا ہے کہ واقعی شادی پر فضول خرچی سے بچنے کا یہ ایک اچھا راستہ ہے۔