Tag icc cricket

جوہانسبرگ(میڈیا 92 نیوز آن لائن)اسپیڈ میٹر کی غلطی یا حقیقت، سری لنکا کے انڈر 19 فاسٹ بولر ماتھیشا پاتھیرانہ نے مبینہ طور پر تیز ترین ڈلیوری کا ریکارڈ توڑ دیا۔انڈر 19 ورلڈ کپ میں بھارت سے میچ کے چوتھے اوورکی پانچویں ڈلیوری انھوں نے انتہائی فاسٹ کی جو وائیڈ قرار پائی،اس وقت اسکور بورڈ کے ساتھ لگے اسپیڈ میٹر پر 175 کلومیٹر فی گھنٹہ کا ہندسہ جگمگایا۔اب سوشل میڈیا پر یہ ویڈیو شیئر کرتے ہوئے بحث کی جا رہی ہے کہ رفتار کا اندازہ لگانے میں اسپیڈمیٹر سے غلطی ہوئی یا حقیقت میں ماتھیشا پاتھیرانا نے شعیب اختر کی تیز ترین ڈلیوری کا ریکارڈ توڑ دیا جو انھوں نے 161.3 کلومیٹر فی گھنٹہ کی رفتار سے کی تھی۔ آئی سی سی کا اس حوالے سے آخری اطلاعات تک ردعمل سامنے نہیں آیا تھا۔

بنگلا دیش(ایمرا نیوز آن لائن)بنگلا دیش کے خلاف تین میچوں پر مشتمل ٹی ٹوئنٹی سیریز کے لیے قومی ٹیم کا اعلان کر دیا گیا ہے۔کراچی میں قومی ٹی ٹوئنٹی ٹیم کے ہمراہ پریس کانفرنس کرتے ہوئے چیف سلیکٹر مصباح الحق نے قومی ٹیم کا اعلان کیا۔مصباح الحق نے بتایا کہ ہم نے آسٹریلیا میں نئے کھلاڑیوں کو موقع دیا، بنگلا دیش کے خلاف بھی تجربہ کار اور نوجوان کھلاڑیوں پر مشتمل کمبی نیشن بنایا ہے۔مصباح الحق نے کہا کہ ہم کچھ پول پر کام کر رہے تھے، ہمیں محمد حفیظ کی ضرورت محسوس ہو رہی تھی، حفیظ اب بھی پاکستان ٹیم کے لیے اچھا پرفارم کر سکتا ہے۔

قومی ٹیم کے ہید کوچ نے کہا کہ شاداب خان پر کام ہو رہا ہے جب کہ عثمان قادر کو بیک اپ کے لیے رکھا گیا ہے۔بابراعظم، حارث سہیل، افتخار احمد، عماد وسیم، محمد حسنین، محمد رضوان، شاداب خان، شاہین شاہ آفریدی، شعیب ملک، حارث رؤف، خوشدل شاہ، عثمان قادر، احسان علی، محمد حفیظ، عماد بٹ، محمد موسی خان اور عرفان علی۔قومی ٹیم کے ہیڈ کوچ نے کہا کہ پی ایس ایل کے بعد قومی ٹیم کی نئی شیپ نظر آئے گی، جو پرفارم کرے گا وہ ٹیم میں رہے گا۔ایک سوال کے جواب میں مصباح الحق نے کہا کہ جب ٹیم کی سلیکشن ہوتی ہے تو کامران اکمل اور سلمان بٹ سمیت ہر کھلاڑی پر بات ہوتی ہے۔

مصباح الحق نے کہا کہ ورلڈ کپ تک ہم ایک وننگ کمبی نیشن بنانا چاہتے ہیں، ہر کھلاڑی کی پرفارمنس دیکھ رہے ہیں، کوشش ہے کہ ٹیم کو جیت راہ پر لے کر جائیں۔ایک اور سوال کے جواب میں مصباح الحق نے کہا کہ محمد عامر اور وہاب ریاض جیسے سینئرز ٹیم میں ہوں تو نوجوانوں کو موقع دینا دشوار ہو جاتا ہے، مختلف کھلاڑیوں کو موقع دے رہے تھے اس لیے سینئر کھلاڑی ٹیم میں نہیں تھے۔سرفراز احمد سے متعلق سوال پر چیف سلیکٹر نے کہا کہ سرفراز احمد بہت بہتری لائے ہیں، پی ایس ایل سامنے ہے پرفارم کریں گے تو کسی بھی وقت واپس آسکتے ہیں۔

لاہور(ایمرا نیوز آن لائن) پاکستانی اسٹار بابر اعظم دوسری مرتبہ آئی سی سی ون ڈے ٹیم آف دی ایئر میں شامل ہونے پر خوشی سے سرشار ہیں،انھیں2017 میں بھی یہ اعزاز مل چکا۔2019ء میں بابراعظم نے 20 ون ڈے انٹرنیشنل میچز میں 60.66 کی اوسط اور 92.30 کے اسٹرائیک ریٹ سے 1092 رنز اسکور کیے۔ اس دوران انھوں نے 3 سنچریاں اور 6 ففٹیز بنائیں، بابر نے اپنی پہلی سنچری (115رنز) ٹرینٹ برج میں انگلینڈ کیخلاف اسکور کی ، انھوں نے نیوزی لینڈ سے میچ میں101رنز ناٹ آؤٹ جبکہ نیشنل اسٹیڈیم کراچی میں سری لنکا کے خلاف 115 رنز کی اننگز بھی کھیلی۔

آئی سی سی نے ون ڈے ٹیم آف دی ایئر کے سلسلے کا آغاز 2004 میں کیا تھا،اب تک مختلف ادوار میں 8 پاکستانی کرکٹرز یہ اعزاز اپنے نام کرچکے ہیں، 2005 میں انضمام الحق اور رانا نوید الحسن، 2009 اور 2011 میں عمرگل،2012 میں شاہد آفریدی اور سعید اجمل، 2013 میں سعید اجمل، 2014 میں محمد حفیظ جبکہ 2017 میں بابر اعظم اور حسن علی آئی سی سی ون ڈے ٹیم آف دی ایئر کا حصہ رہ چکے ہیں۔

پی سی بی کی جانب سے جاری کردہ بیان میں بابراعظم نے کہاکہ میں انٹرنیشنل کرکٹ کونسل اور جیوری کا شکرگزار ہوں جس نے میری کارکردگی کو سراہتے ہوئے ون ڈے ٹیم آف دی ایئر میں شامل کیا، ساتھی کھلاڑیوں اور مداحوں نے بھی ہمیشہ مجھے بیحد سپورٹ کیا۔انھوں نے کہا کہ ان اعزازات سے کھلاڑیوں کو میدان میں مزید بہتر کارکردگی دکھانے کا حوصلہ ملتا ہے، میں پُرامید ہیں کہ آئندہ سال آئی سی سی کی جانب سے اعلان کردہ ون ڈے ٹیم آف دی ایئر میں مزیدکئی پاکستانی کھلاڑی بھی شامل ہونگے،بابر اعظم نے آئی سی سی ویمنز ٹی ٹوئنٹی ٹیم آف دی ایئر 2019 میں جگہ بنانے پر ندا ڈار کو بھی مبارکباد دی۔دوسری جانب چیف ایگزیکٹیو پی سی بی وسیم خان نے کہاکہ بابر اعظم اور ندا ڈارنہ صرف قومی کرکٹ کا اثاثہ ہیں بلکہ یہ آئندہ نسلوں کیلیے رول ماڈل کی حیثیت بھی رکھتے ہیں۔

سڈنی(سپورٹس رپورٹر) آسٹریلیا کے خلاف دوسرے ٹی 20 میچ میں پاکستان نے ٹاس جیت کر بیٹنگ کا فیصلہ کیا ہے۔پاکستان اور آسٹریلیا کے خلاف کھیلے جانے والے دوسرے ٹی ٹونٹی کرکٹ میچ میں پاکستان نے پہلے کھیلتے ہوئے 7.5کے رن ریٹ سے 150رنز 6کھلاڑی آﺅٹ پر اپنی اننگز پوری کر لی۔

سیریز کا پہلا میچ بارش کے باعث بے نتیجہ ختم ہوا لیکن اس میں پاکستانی بلے بازوں بابر اعظم اور افتخار احمد کے سوا کوئی بھی کھلاڑی جم کرمقابلہ نہیں کر سکا اور خزاں کے پتوں کی طرح ایک ایک کر کے کھلاڑی آﺅٹ ہوتے رہے ۔

پاکستان کی طرف سے بابر اعظم نے 50اور افتخار احمد نے 62رنز بنائے افتخار احمد کی جارحانہ بیٹنگ کی وجہ سے پاکستانی ٹیم اتنا سکور بنا سکی۔

بنگلا دیش (ایمرا نیوز آن لائن)کرکٹ کی تاریخ کے ہزارویں ٹی ٹوئنٹی انٹرنیشنل میچ میں بھارت کو بنگلا دیش کے ہاتھوں 7 وکٹوں سے شکست ہوگئی۔نئی دلی میں کھیلے گئے 3 ٹی ٹوئنٹی میچز کی سیریز کے پہلے میچ میں بنگلادیش نے بھارت کو ہرا کر 20 اوورز کے میچ میں حریف ٹیم کے خلاف پہلی فتح حاصل کی۔بنگلا دیشی کپتان محمود اللہ نے ٹاس جیت کر میزبان ٹیم کو بیٹنگ کی دعوت دی تو مہمان ٹیم کو پہلی کامیابی پہلے ہی اوور میں روہت شرما کی وکٹ کی صورت میں حاصل ہوئی۔

بھارت کے دوسرے اوپنر شیکھر دھون 41 رنز بنا کر رن آؤٹ ہوئے جب کہ دیگر بلے بازوں میں رشبھ پنت 27 اور شریاس آئیر 22 رنز بنا کر نمایاں رہے۔بھارتی ٹیم مقررہ 20 اوورز میں 6 وکٹ کے نقصان پر 148 رنز بنانے میں کامیاب رہی جب کہ بنگلا دیش کی جانب سے شفیع الاسلام اور امین الاسلام نے 2،2 وکٹیں حاصل کیں۔149 رنز کے ہدف کے تعاقب میں بنگلا دیش کے اوپنر لٹن داس صرف 8 کے مجموعی اسکور پر آؤٹ ہوگئے، دوسری وکٹ پر محمد نعیم اور سومیا سرکار نے 48 رنز جوڑے تاہم محمد نعیم 26 رنز بناکر آؤٹ ہوئے جب کہ سومیا سرکار نے 39 رنز کی اننگز کھیلی۔

وکٹ کیپر مشفق الرحیم نے شاندار بیٹنگ کی، اُنہوں نے 19ویں اوور میں کفیل احمد کو مسلسل 4 چوکے بھی رسید کیے اور ناقابل شکست 60 رنز کی اننگز کھیلی جب کہ کپتان محمود اللہ بھی 15 رنز بنا کر ناٹ آؤٹ رہے۔یوں بنگال ٹائیگرز نے آخری اوور میں 3 وکٹوں کے نقصان پر ہدف حاصل کرلیا اور بھارت کو پہلی شکست سے دوچار کیا۔بہترین اننگز کھیلنے پر وکٹ کیپر بلے باز مشفق الرحیم کو میچ کے بہترین کھلاڑی کا اعزاز دیا گیا۔واضح رہے کہ دونوں ٹیموں کے درمیان ہونے والا یہ میچ آئی سی سی ٹی ٹوئنٹی انٹرنیشنل کا ہزارواں میچ تھا جس میں بنگلا دیش نے بھارت کو مات دے کر تین میچوں کی سیریز میں ایک صفر کی برتری حاصل کرلی ہے۔

سڈنی (ایمرا نیوز آن لائن) پاکستان اور آسٹریلیا کے درمیان تین ٹی ٹوئنٹی میچوں کی سیریز کا پہلا میچ بارش کے باعث بغیر کسی نتیجے کے ختم ہو گیا۔سڈنی کرکٹ گراؤنڈ میں کھیلے گئے میچ میں آسٹریلوی کپتان ایرون فنچ نے پاکستان کیخلاف ٹاس جیت کر مہمان ٹیم کو بیٹنگ کی دعوت دی تھی۔

پاکستان کی جانب سے بابراعظم اور فخر زمان نے اننگز کا آغاز کیا لیکن پہلے اوور کی دوسری ہی گیند پر فخر زمان بغیر کوئی رن بنائے مچل اسٹارک کی بال پر کیچ آؤٹ ہو گئے۔فخرزمان کے بعد بلے باز حارث سہیل آئے لیکن غیر ذمہ داری کا مظاہرہ کرتے ہوئے وہ بھی 4 رنز بنا کر رچرڈ سن کی بال پر کیچ آؤٹ ہوگئے۔ قومی ٹیم کے وکٹ کیپر بلے باز محمد رضوان نے 33 گیندوں پر 31 رنز کی اننگز کھیلی۔ٹاس ہونے کے بعد ہی بارش ہوگئی جو کچھ ہی دیر میں تھم گئی تاہم میچ کا آغاز مقررہ وقت پر کیا گیا۔

بعدازاں میچ کے دوران ایک بار پھر بارش شروع ہوگئی جس کے باعث میچ روک دیاگیا، جب میچ کا دوبارہ آغاز ہوا تو امپائر نے میچ کو 15 اوورز تک محدود کر دیا۔بارش رکنے کے بعد میچ کا دوبارہ سے آغاز ہوا تو آصف علی اپنے اسکور میں صرف ایک رن کا اضافہ کرنے کے بعد 11 رن بنا کر آؤٹ ہو گئے جب کہ عماد وسیم بھی پہلی ہی گیند پر بغیر کوئی رن بنائے پویلین لوٹ گئے۔مقررہ 15 اوورز میں قومی ٹیم نے 5 وکٹوں کے نقصان پر 107 رنز بنائے تاہم ڈک ورتھ لوئس میتھڈ کے تحت آسٹریلیا کو جیت کے لیے 119 رنز کا ہدف ملا۔

بابراعظم 38 گیندوں پر 5 چوکوں اور دو چھکوں کی مدد سے 59 رنز بنا کر نمایاں بلے باز رہے جب کہ آسٹریلیا کی جانب سے مچل اسٹارک اور رچرڈسن نے دو دو کھلاڑیوں کو آؤٹ کیا۔آسٹریلیا کی جانب سے ڈیوڈ وارنر اور کپتان ایرون فنچ نے اننگز جارحانہ آغاز کیا اور 3 اعشاریہ ایک اوور میں بغیر کسی وکٹ کے نقصان کے 41 رنز بنائے تھے کہ میچ ایک بار پھر بارش کے باعث روک دیا گیا۔مسلسل بارش کے باعث امپائرز نے میچ ختم کرنے کا اعلان کر دیا اور اس طرح دونوں ٹیموں کو ایک ایک پوائنٹ مل گیا۔

واضح رہے کہ قومی ٹی ٹوئنٹی ٹیم بابر اعظم کی قیادت میں 3 میچز کی سیریز کھیلنے کے لیے آسٹریلیا میں موجود ہے جہاں پہلا ٹی ٹوئنٹی آج کھیلا جارہا ہے جب کہ دوسرا 5 اور آخری 8 نومبر کو کھیلا جائے گا۔آسٹریلیا سے 3 ٹی ٹوئنٹی میچوں کی سیریز کے بعد قومی ٹیم کینگروز سے اظہر علی کی قیادت میں 2 ٹیسٹ میچز بھی کھیلے گی۔

اسلام آباد (ایمرا نیوز آن لائن) بگ بیش میں کھیلنا فائدہ مند ثابت ہوگا، پاکستان ویمن کرکٹ ٹیم کی آل راؤنڈر ندا ڈار کا کہنا ہے کہ بگ بیش میں کھیلنا صرف ان کے لیے ہی نہیں بلکہ پاکستان ویمن کرکٹ کی دیگر کھلاڑیوں کے لیے بھی فائدہ مند ثابت ہوگا۔ندا ڈار نے گزشتہ دنوں بگ بیش ٹیم سڈنی ٹھنڈرز سے معاہدہ سائن کیا ہے جس کے بعد ندا ڈار لیگ میں شرکت کرنے والی پہلی پاکستانی خاتون کرکٹر بن گئی ہیں۔

جمعرات کو جیو سے خصوصی گفتگو میں ندا ڈار نے کہا کہ بگ بیش ہو یا کوئی اور ٹورنامنٹ وہ بطور پاکستان کی نمائندہ وہاں شرکت کرتی ہیں اور اس ٹورنامنٹ میں بھی ان کی کوشش ہوگی کہ بہتر سے بہتر پرفارم کرکے پاکستان کا نام روشن کریں۔ندا ڈار کا کہنا تھا کہ بگ بیش میں کھیلنا ان کا خواب تھا، آسٹریلیا میں ٹاپ لیول کی کرکٹ ہوتی ہے، ٹاپ پلیئرز سے سیکھنے کو ملے گا، بڑے کھلاڑیوں کا مائینڈ سیٹ اور گیم پلان پتہ چلتا ہے۔

ندا ڈار نے کہا کہ ورلڈ ٹی ٹوینٹی بھی آسٹریلیا میں ہونا ہے، یہ لیگ کھیلنے سے جو کچھ بھی سیکھوں گی وہ ساتھی کرکٹرز کے ساتھ بھی شیئر کریں گی۔ایک سوال پر ندا ڈار نے کہا کہ بگ بیش ٹیم نے جو ان پر اعتماد کیا ہے اس پر پورا اترنے کی وہ پوری کوشش کریں گی۔دوسری جانب پاکستان کرکٹ بورڈ نے ندا ڈار کو بنگلہ دیش کے خلاف سیریز سے ریلیز کردیا ہے، پی سی بی کا کہنا ہے کہ تمام صورتحال کا جائزہ لینے کے بعد ندا ڈار کو بنگلہ دیش کی سیریز چھوڑ کر بگ بیش لیگ کھیلنے کی اجازت دی گئی ہے۔واٖضح رہے کہ بنگلہ دیش ویمن کرکٹ ٹیم پانچ ایک روزہ میچز کی سیریز کے لیے اس ماہ کے آخر میں لاہور پہنچ رہی ہے۔