Tag increased

سندھ(ایمرا نیوزآن لائن) سندھ میں ایچ آئی وی پازیٹیو اور ایڈز کے مریضوں کی تعداد میں اضافہ ہو رہا ہے، صوبے میں 17 ہزار سے زائد مریض ایڈز اور ایچ آئی وی وائرس کا شکار ہیں جبکہ ایک لاکھ سے زائد مشتبہ کیس بھی ہیں۔محکمہ ایڈز کنٹرول پروگرام سندھ کی نااہلی کے باعث سندھ میں ایڈز اور ایچ آئی وی کے مریضوں کی تعداد میں تیزی سے اضافہ ہو رہا ہے۔سب سے ایچ آئی وی کے شکار کراچی، لاڑکانہ، حیدرآباد اور سانگھڑ میں بنے ہیں۔

محکمہ صحت کی رپورٹ کے مطابق سندھ بھر مین ایچ آئی وی کے 17 ہزارسے زائد کیسز پازیٹیو آئے ہیں، جن میں لاڑکانہ میں اب تک ایڈز کے 90، ایچ آئی وی کے 2016 مریض سامنے آئے ہیں جن میں بچے اور خواتین بھی شامل ہے۔حیدرآباد میں ایڈز اور ایچ آئی وی کے 583، سانگھڑ میں 199، میرپورخاص میں 165، سکھر میں157 جبکہ دادو، شکار پور، مٹیاری، کشمور، تھر پارکر، کندھ کوٹ، شہید بے نظیر آباد سمیت سندھ بھر کے ہر ضلع میں ایچ آئی وی اور ایڈز کے مریضوں کی بڑی تعداد موجود ہے ۔

ماہرینِ طب کا کہنا ہے کہ انتقالِ خون، استعمال شدہ سرنج کا دوبارہ استعمال اور ہم جنس پرستی ایچ آئی وی پھیلنے کی بڑی وجہ ہیں تاہم آگہی اور احتیاطی تدابیر اختیار کر کے اس موذی بیماری سے بچا جا سکتا ہے ۔

لاڑکانہ: (ایمرا نیوزآن لائن) رتو ڈیرو میں دو روز کے دوران ایچ آئی وی سے متاثر ہونے والے نئے 121 کیسز رپورٹ ہوئے، متاثرہ افراد کی تعداد 337 ہوگئی۔ سندھ ہیلتھ کیئر کمیشن نے مختلف اضلاع میں 107 اتائیوں کے کلینکس سیل کر دیئے۔لاڑکانہ رتوڈیرو میں دو روز کے دوران ایچ آئی وی سے متاثرہ 121 نئے کیسز سامنے آگئے.

وائرس سے متاثرہ افراد کی تعداد 337 ہوگئی۔ گزشتہ 13 دنوں میں7 ہزار 534 افراد کی اسکریننگ کی گئی جس میں ایچ آئی وی سے متاثرہ 270 بچے اور 67 بالغ افراد کی تعداد سامنے آئی۔ادھر سندھ ہیلتھ کیئر کمیشن نے اتائیوں سے نمٹنے کیلئے مختلف ٹیمیں بنا دیں، سندھ کے مختلف اضلاع میں 107 اتائیوں کے کلینکس کو سیل کر دیا گیا، ایک ہفتے میں لاڑکانہ میں 71، حیدر آباد میں 7، میرپور خاص میں 20، گھوٹکی میں 5 اور کراچی لیاری میں 4 کلینکس سیل جبکہ لاڑکانہ اور حیدر آباد میں 31 کلینکس کو وارننگ نوٹس جاری کئے گئے۔

اسلام آباد: (ایمرا نیوزآن لائن) پاکستان آئی ایم ایف کے درمیان قرضے پروگرام کا مسودہ آخری مراحل میں داخل ہو گیا۔ ذرائع کا کہنا ہے یکم جولائی سے بجلی مرحلہ وار مہنگی جبکہ 700 ارب روپے کے ٹیکس لگیں گے۔ذرائع کے مطابق آئی ایم ایف سے قرض کے حوالے سے مسودہ آخری مرحلہ میں داخل ہو گیا ہے، پاکستان آئی ایم ایف سے 7 سے 8 ارب ڈالر سے زائد قرض حاصل کرے گا۔ 3 سالہ پروگرام پر معاہدہ آج طے پا جائے گا جس کے تحت یکم جولائی سے بجلی مہنگی ہوگی، بجلی کی قیمتوں میں اضافہ 2 مراحل میں ہوگا۔

یکم جولائی سے 700 ارب سے زائد کے ٹیکس لگیں گے۔ گیس کی قیمتیں دوسرے مر حلے میں بڑھائی جائیں گی۔ذرائع کے مطابق ترقیاتی بجٹ گزشتہ سال کی سطح پر منجمد کیا جائے گا، خسارے میں چلنے والے اداروں کی نجکاری کی جائے گی، ایکسچینج ریٹ طے کرنے میں اسٹیٹ بینک خود مختار ہوگا، بجٹ خسارہ کم کر کے 3 سال میں 6.8 فیصد سے 4 فی صد تک لایا جائے گا، مالی نظم و ضبط پر عمل اور غیر ترقیاتی اخراجات محدود رکھے جائیں گے۔

لاڑکانہ: (ایمرا نیوزآن لائن) رتو ڈیرو میں ایچ آئی وی متاثرہ افرد کی تعداد 287 ہوگئی جس میں 220 بچے بھی شامل ہیں، سندھ ایڈز کنٹرول پروگرام نے تصدیق کر دی۔رتو ڈیرو کے گرد و نواح میں ایچ آئی وی پھیلنے کے بعد لگائے جانے والے اسکریننگ کیمپ میں عوام کی اسکریننگ کا عمل تاحال جاری ہے، انچارج سندھ ایڈز کنٹرول پروگرام ڈاکٹر سکندر میمن کے مطابق اب تک 6200 افراد کی اسکریننگ مکمل ہوئی ہے جس میں سے 287 افراد میں ایچ آئی وی کی تشخیص ہو گئی، جن میں 220 بچے اور 67 بڑے شامل ہیں، جس کے بعد 82 متاثرہ بچوں کے علاج کا آغاز کر دیا گیا۔

ڈاکٹر سکندر میمن کے مطابق اسکریننگ کا عمل تاحال جاری ہے، ایک سوال کے جواب میں ڈاکٹر سکندر میمن نے بتایا کے ایڈز پھیلانے کے الزام میں گرفتار ڈاکٹر مظفر بضد ہیں کہ ان کا ایچ آئی وی ٹیسٹ نہ ہو جبکہ قانون بھی کہتا ہے کہ اگر کوئی ٹیسٹ نہ کروانا چاہے تو اسے مجبور نہیں کیا جاسکتا تاہم ابھی تک کسی اتھارٹی نے ہمیں ڈاکٹر مظفر کا ٹیسٹ کرنے کے لیے نہیں کہا، جب کوئی کہے گا تو دیکھیں گے کہ قانون کیا کہتا ہے۔

اسلام آباد(ایمرا نیوز آن لائن) سونے کی قومی درآمدات میں مارچ 2019ء کے دوران 187 فیصد کانمایاں اضافہ ہوا ہے۔ ادارہ برائے شماریات پاکستان ( پی بی ایس) کے اعداد وشمار کے مطابق مارچ 2019ء کے دوران سونے کی درآمدات 221 ملین روپے تک بڑھ گئیں جبکہ فروری 2019ء کے دوران 77 ملین روپے کا سونا درآمد کیا گیا تھا۔اس طرح فروری 2018ء کے مقابلہ میں مارچ 2019ء کے دوران سونے کی ملکی درآمدات میں 144 ملین روپے یعنی 187 فیصد کا نمایاں اضافہ ریکارڈ کیا گیا ہے۔

اسلام آباد(ایمرا نیوز آن لائن)رواں مالی سال2018-19ء کے پہلے دس مہینوں میں جولائی تا اپریل کے دوران فیڈرل بورڈ آف ریونیو( ایف بی آر) کے ٹیکس محصولات میں3.09 فیصد کااضافہ ہوا ہے۔ ایف بی آرکے اعدادوشمارکے مطابق جاری مالی سال میں اپریل2019ء کے اختتام پر فیڈرل بورڈ آف ریونیو نی2.981 کھرب روپے کے ٹیکس وصول کئے ہیں جبکہ گذشتہ مالی سال کے ابتدائی دس ماہ کے دوران ایف بی آرکے ٹیکس محصولات کا حجم 2.922 کھرب روپے رہا تھا۔ اس طرح گذشتہ مالی سال کے مقابلہ میں رواں مالی سال کے دوران ٹیکسز کی وصولی کے حجم میں59 ارب روپے یعنی3 فیصد سے زائد کا اضافہ ریکارڈ کیا گیا ہے۔

لاڑکانہ:(ایمرا نیوزآن لائن) رتوڈیرو میں ایڈز کے مریضوں کی تعداد پینسٹھ تک پہنچ گئی، متاثرہ افراد میں بڑی تعداد بچوں کی شامل ہے۔ اب تک دو ہزار افراد کی سکریننگ کی جا چکی ہے، کیمپوں میں اسکریننگ کا عمل جاری ہے۔ استعمال شدہ سرنجوں سے متاثرین کو موت کے دہانے پر پہنچانے والے ملزم ڈاکٹر مظفر کی رجسٹریشن تیرہ سال پہلے ختم ہونے کا انکشاف بھی ہوا ہے۔لاڑکانہ میں خوف و ہراس، 65 افراد ایڈز کا شکار ہو گئے، ایڈز میں مبتلا افراد کی خبر کے بعد پورے سندھ میں ہلچل مچ گئی۔

رتوڈیرو میں پانچ مقامات پر اسکریننگ جاری ہے۔ انچارج سندھ ایڈز کنٹرول پروگرام ڈاکٹر سکندر میمن کے مطابق اب تک دو ہزار افراد کی اسکریننگ کی جا چکی ہے۔ ادھر سندھ حکومت بھی ایڈز کی خبر نشر ہونے کے بعد ہوش میں آگئی۔ متعلقہ حکام نے غیر رجسٹرڈ لیبارٹری مالکان اور اتائیوں کے خلاف کارروائی شروع کررکھی ہے۔یہ انکشاف بھی ہوا ہے کہ استعمال شدہ سرنجیں لگانے میں ملوث ملزم ڈاکٹر مظفر کی رجسٹریشن تیرہ سال پہلے ختم کر دی گئی تھی۔

ملزم ڈاکٹر مظفر 3 روزہ جسمانی ریمانڈ پر پولیس کی حراست میں ہے جس سے استعمال شدہ سرنجوں کے بارے میں مزید تحقیقات کی جا رہی ہیں۔رتو ڈیرو میں استعمال شدہ سرنجوں کے استعمال سے 22بچوں سمیت 40 افراد میں ایڈز کی تصدیق ہوئی تھی۔ ضلعی انتظامیہ کے مطابق بچوں سمیت متاثرہ افراد کا چانڈکا میڈیکل ہسپتال لاڑکانہ میں مکمل علاج جاری ہے۔

اسلام آباد(ایمرا نیوز آن لائن) رواں مالی سال 2018-19ء کے پہلے 9 ماہ کے دوران لیدر گارمنٹس کی ملکی برآمدات میں 18.30فیصد کا اضافہ ریکارڈ کیا گیا ہے۔ادارہ برائے شماریات پاکستان (پی بی ایس)کی رپورٹ کے مطابق گزشتہ مالی سال 2017-18ء میں جولائی تا مارچ کے دوران 6لاکھ 12 ہزار درجن لیدر گارمنٹس برآمد کئے گئے جن کی کل مالیت 23ہزار 782 ملین روپے تھی جبکہ رواں مالی سال 2018-19ء کے اسی عرصہ کے دوران لیدر گارمنٹس کی ملکی برآمدات 7 لاکھ 24ہزار درجن تک بڑھ گئیں جن کی کل مالیت 25 ہزار 184ملین روپے تک پہنچ گئی۔اس طرح گزشتہ مالی سال 2017-18ء کے پہلے 9 ماہ کے مقابلہ میں رواں مالی سال2018-19ء کے اسی عرصہ کے دوران لیدر گارمنٹس کی ملکی برآمدات میںایک لاکھ 12ہزار درجن یعنی 18.30فیصد کا اضافہ ریکارڈ کیا گیا ہے۔

کراچی: (ایمرا نیوزآن لائن) اسٹاک ایکسچینج میں مثبت رجحان کے سبب آج 231 پوائنٹس کا اضافہ ہوا اور100 انڈیکس 37 ہزار کی حد عبور کر گیا۔سٹاک ایکس چینج میں آج کاروبار کے آغاز پر تیزی کا رجحان دیکھنے میں آیا جب 231 پوائنٹس اضافے کے سبب 100 انڈیکس 37 ہزار 27 پوائنٹس کی سطح پرپہنچٓ گیا۔گذشتہ روز بھی سٹاک مارکیٹ میں مثبت رجحان دیکھنے میں آیا تھا،انڈیکس میں 291پوائنٹس اور سرمایہ میں 26 ارب سے زائد کا اضافہ ہوا تھا جبکہ 207 کمپنیوں کے حصص میں بڑھاوا اور 108 کمپنیوں کے حصص میں کمی دیکھنے میں آئی تھی۔ تجزیہ کاروں کے مطابق سٹاک مارکیٹ میں حالیہ تیزی سرمایہ کاروں کا مارکیٹ پر اعتماد کا اظہار ہے جس سے ملکی معیشیت کی مثبت سمت میں پیش رفت کا امکان ہے۔

لاہور(ایمرا نیوزآن لائن) ملک بھر میں سونے کی فی تولہ قیمت میں 300 روپے کا اضافہ کردیا گیا ہے۔سندھ صرافہ بازار جیولرز ایسوسی ایشن کےمطابق 300 روپے اضافےکے بعد ملک میں ایک تولہ سونے کی قدر 68 ہزار 900 روپے ہوگئی ہے۔دس گرام سونےکی قدر 258 روپے اضافے سے 59 ہزار 71 روپےہوگئی ہے، جبکہ عالمی عالمی مارکیٹ میں سونےکی قیمت 4 ڈالر اضافے سے 1277ڈالر فی اونس ہوگئی ہے۔