Tag india news

بھارت (ایمرا نیوزآن لائن) میں اپنی نوعیت کا ایک انوکھا واقعہ پیش آیا جہاں بیوی شوہر کی جانب سے انڈے نہ کھلانے پر آشنا کے ساتھ رفو چکر ہوگئی۔

بھارتی خبر رساں ادارے کے مطابق اترپردیش کے ضلع گورکھ پور میں یہ واقعہ پیش آیا جہاں بیوی نے انڈے کھانے کی ضد کی لیکن شوہر نے اسے انڈے کھلانے سے انکار کیا جس پر بیوی شوہر کو چھوڑ کر بھاگ نکلی۔

پولیس کے مطابق 4 ماہ قبل آشنا کے ساتھ بھاگنے والی خاتون جب واپس آئی تو اس نے بتایا کہ اس کے شوہر نے اسے انڈے کھانے سے منع کیا جس پر وہ بہت مایوس ہوئی۔

خاتون نے بتایا کہ شوہر کے انڈے کھانے سے منع کرنے پر ان دونوں کے درمیان جھگڑا ہوا جس کے بعد وہ گھر چھوڑ کر گئی۔ خاتون کے شوہر کا کہنا تھا کہ وہ ایک مزدور ہے اور روزانہ اپنی فیملی کے لیے انڈے نہیں خرید سکتا۔

شوہر نے الزام لگایا کہ اس کی بیوی انڈوں کی شوقین ہے اور اس کے دوست نے اس کمزوری کا فائدہ اٹھایا اور اسے روزانہ انڈے لاکر دینا شروع کردیے جس کے باعث وہ اس کے ساتھ بھاگ نکلی۔

کراچی (ایمرا نیوزآن لائن) وفاقی وزیر برائے امور کشمیر علی امین خان گنڈا پور نے کہا ہے کہ کشمیر پر دنیا خاموش ہے اور جو ممالک بھارت کے ساتھ ہیں وہ سن لیں کہ بھارت سے جنگ ہوئی تو ایک میزائل بھارت پردوسرا حمایت کرنے والے ملک پر جائے گا تو تیار ہیں۔

گزشتہ روز کشمیر پر یوم سیاہ کی تقریب سے خطاب کرتے ہوئے وفاقی وزیر برائے امور کشمیر نے کہا کہ آج پوری دنیا کے مسلمان ممالک بھی اپنے مقاصد کی خاطر کشمیریوں کا ساتھ نہیں دے رہے لیکن میں واضح کرناچاہتا ہوں کہ دنیا مکافات عمل ہے جو ہمارا ساتھ آج نہیں دے گا کل ہم بھی مشکل وقت میں اس کا ساتھ نہیں دینگے۔

انہوں نے کہا کہ ہندوستان کے حمایتیوں کو باور کرانا چاہتاہوں کہ اگر ہماری کشیدگی جنگ تک گئی تو ایک میزائل بھار ت پر جائے گا اور دوسرا آپ پر بھی جاسکتا ہے اس کیلئے تیار رہیں۔

اسلام آباد(ایمرا نیوزآن لائن) پاکستانی حکام نے بھارت سے دیوالی کے موقع پر بھیجی گئی مٹھائی شکریے کے ساتھ احتجاجاً قبول کرنے سے انکار کردیا ہے۔

یہ مٹھائی اسلام آباد میں بھارتی ہائی کمیشن کی جانب سے وزارت خارجہ سمیت بعض دیگر اہم وزارتوں اور اداروں کو بھجوائی گئی تھی۔

دیوالی کے موقع پر بھارتی حکام کی جانب سے مٹھائی بھیجنے کی روایت دیرینہ ہے لیکن موجودہ صورتحال میں مقبوضہ کشمیر میں انسانی حقوق کی خلاف ورزیاں، کرفیو کا نفاذ کر کے شہریوں کو محصور کرنا ،مواصلاتی نظام منجمد اور لائن آف کنٹرول پر بلا اشتعال فائرنگ سے معصوم لوگوں کی ہلاکتیں جو اب معمول بن چکا ہے۔

(میڈیا 92 نیوز آن لا ئن ) بھارت کی پیرا ملٹری فورس سے استعفیٰ دینے والی ڈپٹی کمانڈنٹ کرونا جیت نے الزام عائد کیا ہے فورس میں شامل خواتین اہلکاروں کے ساتھ جنسی زیادتی کی جاتی ہے۔

انڈو تبت بارڈر پولیس (آئی ٹی بی پی) کی مستعفی ہونے والی ڈپٹی کمانڈنٹ کرونا جیت کور نے ایک انٹرویو میں بتایا کہ 5 سال قبل ہی پیرا ملٹری فورس میں شمولیت اختیار کی تھی اور نارتھ ویسٹ فرنٹیئر چندی گڑھ میں تعینات تھیں۔

کرونا جیت کور نے بتایا کہ انہیں مئی جون میں ایک ماہ کے لیے اترکھنڈ کی آٹھویں بٹالین میں تعینات کیا گیا جہاں سے انہیں اگلے مورچوں پر بھیجا گیا، ان میں سے ایک ملیاری پوسٹ تھی جہاں 9 اور 10 جون کی درمیانی شب بٹالین میں شامل ایک کانسٹیبل زبردستی ان کی بیرک میں گھسا اور ان سے جنسی زیادتی کی کوشش کی۔ مستعفی ہونے والی ڈپٹی کمانڈنٹ نے کہا کہ اگر ایک کانسٹیبل، ڈپٹی کمانڈنٹ کا ہاتھ پکڑ کر یہ حرکت کر سکتا ہے تو آپ اس فورس میں شامل دیگر خواتین کی عزت کے بارے میں بخوبی اندازہ لگا سکتے ہیں۔

انہوں نے یہ الزام بھی عائد کیا کہ پیرا ملٹری فورس میں خواتین کو محض جنسی تسکین کے لیے بھرتی کیا جاتا ہے۔ کرونا جیت کور کے مطابق اس واقعے کے بعد نہ تو بٹالین کے کمانڈنٹ افسر اور نہ ہی فورس کے اعلیٰ افسران نے کوئی اطمینان بخش کارروائی کی جس پر انہوں نے جوشیما پولیس اسٹیشن میں ایف آئی آر درج کروائی اور اب معاملہ عدالت میں ہے۔

سابق ڈپٹی کمانڈنٹ کا الزام ہے کہ انہیں ڈی آئی جی نے بھی دھمکیاں دیں اور ایک ماہ طویل رخصت پر بھیجے جانے سے پہلے مختلف طریقوں سے ہراساں کیا گیا۔ کرونا جیت کور کے مطابق فورس میں ہونے کی وجہ سے انہیں فورس کے نظم و ضبط میں رہنا تھا اور ایسے میں سچائی سامنے نہیں آسکتی تھی اسی لیے استعفی دیا۔

(میڈیا 92 نیوز آن لا ئن) بھارتی ریاست آسام میں بھارتیہ جنتا پارٹی( بی جے پی) حکومت نے کسی بھی شہری کے 2 سے زائد بچے ہونے پر اس کیلئے سرکاری ملازمت کے دروازے بند کرنے کا فیصلہ کیا ہے۔

آسام میں برسراقتدار بی جے پی حکومت نے فیصلہ کیا ہے کہ یکم جنوری 2021 کے بعد سے دو سے زائد بچوں والے افراد سرکاری ملازمت کے اہل نہیں ہوں گے۔

آسام کے وزیراعلیٰ کے ترجمان کے مطابق یہ فیصلہ گذشتہ روز ہونے والی ریاستی کابینہ کے اجلاس میں کیا گیا جس کا مقصد ریاست میں تیزی سے بڑھتی ہوئی آبادی کو کنٹرول کرنا ہے۔ واضح رہے کہ بی جے پی کی جانب سے آسام میں 2016 میں حکومت بنائے جانے کے بعد سے آبادی میں کمی کیلئے مختلف منصوبے بنائے جارہے ہیں۔

گذشتہ دنوں آسام کی وزیر برائے صحت و تعلیم ہمانتا َبسوا نے مطالبہ کیا تھا کہ دو بچوں کی پالیسی کا اطلاق انتخابی قوانین پر بھی کیا جائے اور خلاف ورزی پر ممبر اسمبلی کی رکنیت ختم کرنے کے ساتھ ساتھ اسے الیکشن میں حصہ لینے کیلئے نااہل قرار دیا جائے۔

بی جے پی حکومت کی جانب سے اس سے قبل ریاست کی آبادی کم کرنے کیلئے دیگر ہتھکنڈے بھی استعمال کیے جاتے رہے ہیں جن کا سب سے زیادہ نشانہ مسلمان بن رہے ہیں۔ رواں سال اگست میں ریاستی حکومت نے 19 لاکھ سے زائد افراد کو شہریت سے خارج کردیا تھا جن میں اکثریت مسلمانوں کی تھی۔

بی جے پی حکومت کا کہنا ہے کہ یہ سب افراد بنگلادیشی ہیں اور غیر قانونی طور پر آسام میں مقیم ہیں۔ 2012 تک کے اعداد و شمار کے مطابق ریاست آسام کی آبادی تقریباً تین کروڑ 94 لاکھ تھی۔