Tag indian actress

لاہور (ایمرا نیوز آن لائن) گزشتہ روز بھارتی پنجاب کے معروف گلوکار ” گِپی گریوال “ پاکستان پہنچے جہاں انہوں نے ننکانہ صاحب گرودوارہ میں حاضری دی اور اپنی مذہبی رسومات ادا کیں تاہم اب ان کا ایک انٹرویو بھی یوٹیوب پر وائرل ہو گیاہے جس میں انہوں نے پاکستانی اداکارہ مہوش حیات کے ساتھ کام کرنے کی خواہش کا اظہار کر دیاہے ۔
تفصیلات کے مطابق میزبان نوجوان نے گِپی گریوال سے سوال کیا کہ اگر آپ کو کسی پاکستانی اداکارہ کے ساتھ کام کرنے کا موقع ملے تو وہ کونسی ہوں گی ؟ جس پر جواب دیتے ہوئے گلوکار و اداکارنے کہاکہ میں نے حال ہی میں ایک پاکستان کی فلم دیکھی ہے ” پنجاب نہیں جاﺅں گی ‘ ‘ اس میں مہوش حیات نے بہت اچھی اداکاری کی ہے ، مجھے ان کا کام بہت پسند آیا اورا س لیے میں چاہوں گا کہ میں ان کے ساتھ ہی کام کروں۔
انٹرویو میں پاکستان سے متعلق دنیا کو پیغام دینے کا سوال کیاگیا تو گلوکار کا کہنا تھا کہ جب آپ باہر بیٹھ کے چیزیں سنتے ہیں تو وہ کچھ اور ہوتی ہیں جب میں یہاں خود آیا اور چیزیں دیکھیں تو بات کوئی اور تھی۔انہوں نے کہا کہ میں تمام لوگوں کو یہی کہوں گا کہ مجھے یہاں سے اتنا پیار ملا اور اب میں یہاں ایک دو مہینے کے اندر اندر اپنے بچوں اور فیملی کو بھی لاو¿ں گا، میرا یہاں بہترین استقبال ہوا۔گلوکار کا کہنا تھا کہ میں اپنی زندگی میں پوری دنیا گھوما ہوں، میں کہیں بھی جانے کے لیے اتنا پ±رجوش نہیں ہوا جتنا پاکستان آنے کے لیے ہوا ہوں۔

لندن(ایمرا نیوز آن لائن)ٹی وی چینل پر پروگرام کے دوران ہیئر اسٹائلسٹ نے ماڈل کو بتائے بغیر 12 انچ تک بال کاٹ دیئے جسے دیکھنے کے بعد ماڈل صدمے سے بے ہوش ہو گئیں۔عام طور پر خواتین منفرد اور خوبصورت ہیئر اسٹائلز کے لیے اکثر اپنے بالوں کی ٹریمنگ اور کٹنگ کرواتی نظر آتی ہیں لیکن سوشل میڈیا پر بال کٹنے پر بے ہوش ہوتی خاتون کی ویڈیو بے حد وائرل ہوگئی۔ترکی کے ایک ٹی وی پروگرام میں کچھ ہیئر اسٹائلسٹ اپنی ماڈلز کے بال تراش رہے تھے اور اُن میں سے بلال ایگن نامی ہیر اسٹائلسٹ نے اپنی ماڈل ایلیاڈا کے بال بغیر بتائے کاٹ دیئے۔

ہئیر اسٹائلسٹ نے ماڈل کے 12 انچ تک بال کاٹ دیئے جسے دیکھ کر وہ ہکا بکا رہ گئیں اور شو سے جاتے ہوئے نہ صرف رونے لگیں بلکہ صدمے سے بے ہوش ہو کر گرپڑیں۔ماڈل کے اچانک بے ہوش ہونے پر پروگرام میں موجود تمام افراد حیران رہ گئے جب کہ ان کی یہ ویڈیو سوشل میڈیا پر بھی وائرل ہو گئی۔ اس ویڈیو کو دیکھ کر صارفین نے نہ صرف ماڈل سے ہمدردی کا اظہار کیا بلکہ ہیئر اسٹائلسٹ پر تنقید کرتے ہوئے کہا کہ زیادہ تر ہیئر اسٹائلسٹ ایسا ہی کرتے ہیں۔ واضح رہے کہ تُرکش پروگرام میں ماڈلز کے اِن بالوں کو کینسر سے متاثرہ مریضوں کو عطیہ کیا جانا تھا۔

دبئی(ایمرا نیوز آن لائن)اداکارہ میرا نے دبئی میں منعقد ایک فیشن شو میں شرکت کی جہاں بالی وڈ اداکارہ جیکولین بھی موجود تھیں۔پاکستان کی نامور اداکارہ میرا اور بالی وڈ اداکارہ جیکولین فرنینڈس نے ایک ساتھ فیشن شو میں شرکت کر کے سب کی توجہ اپنی جانب مبذول کروا لی۔رواں برس فلم ’باجی‘ میں اداکاری کے شاندار جوہر دکھانے والی اداکارہ میرا نے دبئی میں منعقد ایک فیشن شو میں شرکت کی جہاں بالی وڈ اداکارہ جیکولین فرنینڈس نے بھی بطور شو اسٹوپر واک کی۔

اس موقع پر دونوں حسیناؤں نے ایک دوسرے سے ملاقات کی اور فیشن شو پارٹی کو خوب انجوائے کیا۔پارٹی کی تھیم سفید تھی جس کے باعث دونوں نے ہی سفید رنگ کے ملبوسات کا انتخاب کیا۔فیشن شو میں اداکاراؤں نے ڈیزائنرز سمیت مخلتف شوبز شخصیات کے ساتھ تصاویر بنوائیں، اس کے علاوہ ایک دوسرے کے ساتھ خوب رقص بھی کیا۔

دونوں شوبز اسٹارز کی ایک ساتھ لی گئی تصاویر اور رقص کی ویڈیو سوشل میڈیا پر بھی وائرل ہو چکی ہیں جس میں کیپٹن نوید بھی دکھائی دے رہے ہیں۔ یاد رہے کہ گزشتہ ماہ میرا دبئی کے نجی اسپتال میں زیر علاج تھیں جہاں ان کا کامیاب آپریشن کیا گیا تھا۔

لاہور(شوبز ڈیسک/ایمرا نیوز)
کنگنا رناوت:

کنگنا رناوت کافی سالوں سے بالی ووڈ میں کام کر رہی ہیں، وہ اپنی اداکاری کی وجہ سے دنیا بھر میں مشہور ہیں، لیکن بہت کم لوگ یہ بات جانتے ہوں گے کہ وہ بالی ووڈ میں ایک فلم کرنے کے 15 کروڑ لیتی ہیں.
ڈیپکا پڈوکون:

کچھ ہی دن پہلے ریویر سنگھ سے شادی کرنے کے بعد ڈیپکا ایک نئے رشتے سے منسلک ہوگئیں ہیں،لیکن وہ بالی ووڈ میں اپنی اداکاری کا لوہا منوا چکی ہیں، لیکن وہ بالی ووڈ میں سب سے زیادہ پیسے لینے والی اداکاروں میں بھی ان کا نام آتا ہے، وہ ایک فلم کرنے کا 14 کروڑ لیتی ہیں.
پریانکا چوپڑا:

پریانکا چوپڑا بھی کچھ دن پہلے شادی کے بندھ میں منسلک ہوئیں ہیں. پریانکا نے بالی ووڈ کے ساتھ ساتھ ہالی ووڈ میں بھی اپنی اداکاری کے جوہر دیکھائے ہیں. اس وجہ سے وہ ایک فلم کرنے کے 13 کروڑ لیتی ہیں.
کرینہ کپور خان:

کرینہ کپور نے حال ہی میں چھوٹے نواب صاحب سے شادی کی تھی، لیکن وہ شادی کے بعد فلموں میں بہت کم کام کرتیں ہیں،لیکن فلموں میں بہت کم کام کرنے کے باوجود وہ ایک فلم کرنے کے 11 کروڑ لیتی ہیں.
سونم کپور:

جیسا کہ آپ جانتے ہیں سونم کپور انیل کپور کی بیٹی ہیں جہنوں نے حال ہی میں شادی کی ہے، انہوں نے بہت سی بڑی بالی ووڈ فلموں میں کام کیا ہے اور وہ اپنے والد انیل کپور کے نقشے قدم پر چل رہی ہیں، لیکن آپ کو یہ معلوم نہیں ہوگا کہ وہ ایک فلم کرنے کا 10کروڑ لیتی ہیں.

ممبئی(M92) پاکستان اور بھارت کے تعلقات زیادہ تر کشیدہ ہی رہتے ہیں ایسا بہت کم ہوتا ہے جب دونوں ممالک کے سیاستدان ایک دوسرے کے بارے میں محبت سے بات کریں۔ہندو انتہا پسند تنظیموں اوربھارتی سیاستدان توشاید پاکستان اورپاکستانیوں کے لیے محبت کی بات نہ کریں لیکن بھارتی فنکاروں اورکھلاڑیوں کے دل میں پاکستان اورپاکستان سے جڑے لوگوں کے لیے بہت محبت ہے۔ گزشتہ برس کشمیرمیں قائم اڑی کیمپ پر ہونے والے حملے کے باعث جہاں ہندو انتہا پسند جماعتوں نے پاکستانی فنکاروں کے ساتھ ناروا سلوک کیا اور انہیں بھارت سے بے دخل کردیا وہیں شوبز سے تعلق رکھنے والے کئی فنکاروں نے پاکستانی آرٹسٹوں کی نہ صرف حمایت کی بلکہ ان کے لیے انتہاپسندوں کے سامنے کھڑے بھی ہوگئے۔
انتہاپسندوں کی پاکستانیوں سے نفرت کے برعکس کئی بھارتی فنکارائیں پاکستانیوں کی محبت میں گرفتارہوچکی ہیں جس کی مثال بھارتی ٹینس اسٹار ثانیہ مرزا اور اداکارہ سشمیتا سین ہیں جو پاکستانی کرکٹرز شعیب ملک اوروسیم اکرم پر نہ صرف اپنا دل ہاربیٹھیں بلکہ ثانیہ تو ’’پاکستانی بھابھی‘‘ کا اعزاز بھی حاصل کرچکی ہیں۔
سشمیتا سین اور وسیم اکرم:
دنیا بھرکواپنی خوبصورتی کے سحرمیں مبتلا کرنے والی سابق ملکہ حسن اورنامور بالی ووڈ اداکارہ سشمیتا سین اپنا دل سابق پاکستانی کرکٹر کے آگے ہاربیٹھیں اورکیوں نہ ہاریں، پاکستان کے بہترین کھلاڑی ہونے کے علاوہ وسیم اکرم پر کشش شخصیت کے مالک بھی ہیں۔ سشمیتا سین اور وسیم اکرم کی ملاقات 2008 میں ایک ریئلیٹی شو کے دوران ہوئی تھی ۔ شو کے دوران دونوں ایک دوسرے کے نزدیک آگئے اور سشمیتا سین وسیم اکرم کو اپنا دل دے بیٹھیں۔
دونوں کی نزدیکیوں کی خبریں بھارت سمیت پاکستانی میڈیا کی بھی توجہ کا مرکزبن گئیں تاہم بعض وجوہات کی بنا پردونوں کے درمیان علیحدگی ہوگئی ۔ وسیم اکرم آسٹریلیا سے تعلق رکھنے والی خوبصورت خاتون شنیرا تھامسن سے شادی کرچکے ہیں لیکن سشمیتا سین ابھی بھی غیرشادی شدہ ہیں اورگود لی ہوئی دو بچیوں کی پرورش کررہی ہیں۔
عبدالرزاق اور تمنا بھاٹیا:
بالی ووڈ اورساؤتھ انڈین فلموں کی نامور اداکارہ تمنا بھاٹیا اور سابق پاکستانی کرکٹر عبدلرزاق کے درمیان نزدیکیوں کی خبروں نے بھی دونوں طرف کے میڈیا میں خوب ہنگامہ مچایا تھا۔ دونوں کے بارے میں یہاں تک کہا جانے لگا تھا کہ دونوں بہت جلد شادی کے بندھن میں بندھ جائیں گے۔ تمنا اوررزاق کئی مواقعوں پرایک ساتھ دیکھے گئے جب کہ دبئی میں ایک جیولری کی دوکان پردونوں کی ایک ساتھ موجودگی نے بھی میڈیا پرخوب ہنگامہ مچایا تھا تاہم دونوں نے اپنے درمیان تعلقات کی تردید کرتے ہوئے کہا تھا کہ ہم صرف دوست ہیں اور یہاں جیولری شاپ کی افتتاحی تقریب میں مدعو ہیں۔
شعیب اختر اور سونالی باندرا:
راولپنڈی ایکسپریس کے نام سے مشہورسابق پاکستانی کرکٹرشعیب اخترکے چاہنے والے پوری دنیا میں موجود ہیں۔ شعیب اخترکی پرکشش شخصیت کے سحرمیں زیادہ ترخواتین گرفتارہوتی ہیں جن میں سرفہرست بالی ووڈ کی خوبرواداکارہ سونالی باندرا ہیں۔ شعیب اختراورسونالی باندرے ایک دوسرے سے کرکٹ میچ کے دوران ملے تھے اورسونالی پہلی نظر میں ہی شعیب اختر پر دل ہار بیٹھیں تھیں۔ بھارتی میڈیا کے مطابق شعیب بھی اپنے دل میں سونالی کے لیے نرم گوشہ رکھتے تھے ایک بارانہوں نے مذاق میں کہا تھا اگرسونالی نے ان کے ساتھ شادی کرنے سے انکارکیا تو وہ انہیں اغوا کرلیں گے۔
زینت امان اورعمران خان:
70 کی دہائی کی ناموراداکارہ اورسابق مس ایشیا پیسیفک زینت امان بھی اپنا دل پاکستان کے لیجنڈ کرکٹر عمران خان پر ہارچکی تھیں۔ زینت امان کی پسندیدگی کسی سے ڈھکی چھپی نہیں تھی تاہم عمران خان نے زینت امان کے بجائے جمائمہ گولڈ اسمتھ سے شادی کی۔
شعیب ملک اور ثانیہ مرزا:
کہتے ہیں سچی محبت اورعشق صرف فلموں اورناولوں میں ہی پایاجاتا ہے حقیقت میں محبت جیسی کوئی چیز نہیں ہوتی لیکن قومی کرکٹر شعیب ملک اور ثانیہ مرزا کی محبت نے اس بات کو غلط ثابت کردیا۔ دونوں اپنی محبت کے درمیان حائل ہونے والی تمام رکاوٹوں کو پار کرکے نہ صرف شادی کے بندھن میں بندھے بلکہ ایک خوشگوار ازدواجی زندگی گزارر ہے ہیں۔ ایک دوسرے کی محبت میں گرفتار یہ جوڑی ان تمام لوگوں کے لیے مثال ہے جو صرف پاکستان اور بھارت کے درمیان کشیدگی اور نفرت دیکھنا چاہتے ہیں۔ پاکستان کے مختلف اور اہم مواقعوں پر ثانیہ پاکستان آکراس بات کا ثبوت دیتی ہیں کہ انہوں نے پاکستانی کرکٹر کے ساتھ پاکستان سے بھی بے حد محبت کی ہے جب کہ شعیب ملک بھی ثانیہ سے بے انتہا محبت کرتے ہیں۔

ممبئی(M92) نامور بالی ووڈ اداکارہ سنی لیون کی حال ہی میں جاری ہونے والی تصاویر اور ویڈیوز سوشل میڈیا پر وائرل ہوگئیں تصاویر میں سنی لیون خاتون کے بجائے مرد کے روپ میں نظرآرہی ہیں۔بالی ووڈ کی خوبرو اداکارہ سنی لیون فلموں میں بے باک اوربولڈ کردار کرنے کے لیے مشہورہیں جس کی وجہ سےانہیں اسی قسم کے کردارموصول ہوتے ہیں لیکن ان کی حال ہی میں جاری ہونے والی تصاویر نے ثابت کردیا کہ سنی بولڈ کردارکرنے کے علاوہ بھی بہت کچھ کرنے کی صلاحیت رکھتی ہیں۔
سنی لیون نے گزشتہ روز سماجی رابطے کی ویب سائٹ ٹوئٹر پر اپنی ویڈیو اور چند تصاویر شیئر کی ہیں جنہیں دیکھ کرکوئی بھی یقین نہیں کرسکتا کہ یہ سنی لیون ہیں کیونکہ سنی تصاویر میں مرد کے روپ میں نظرآرہی ہیں۔صارفین خوبصورت، حسین اور دلکش چہرے والی سنی لیون کی جگہ ایک مرد کو دیکھ کر حیرت زدہ رہ گئے، تصاویر کے ساتھ سنی نے پیغام درج کیاہے ’’میری ٹیم نے مجھے ایک مرد کا روپ دیاہے، میں بالکل اپنے بھائی اور والد کی طرح نظرآرہی ہوں‘‘۔
دراصل سنی نے عورت سے مرد بننے کے لئے کوئی پلاسٹک سرجری نہیں کرائی بلکہ یہ روپ انہوں نے اپنی اگلی فلم’’تیرا انتظار ‘‘کے گانے’’باربی گرل‘‘کے لیے اپنایا ہے۔ اداکارہ نے ٹوئٹر پر ایک ویڈیو بھی شیئر کی ہے جس میں ان کے میک اپ اسٹائلسٹ نے انہیں مہارت کے ساتھ ایک خاتون سے مرد میں تبدیل کردیا۔
واضح رہے کہ فلم’’تیرا انتظار‘‘میں سنی لیون اور ارباز خان مرکزی کردارادا کرتے نظر آئیں گے فلم رواں ماہ 24 نومبر کو ریلیزکی جائے گی۔

ممبئی(M92)بھارتی اداکارہ کاجول نے انکشاف کیا کہ ان پہلا پیار اجے دیوگن نہیں بلکہ ان کی پہلی کار تھی کیونکہ پہلا پیار ہمیشہ رہتا ہے۔کاجول پانچ اگست 1974 کو ہندوستانی ریاست مہارشٹرا کے شہر ممبئی میں پیدا ہوئیں۔ ان کی والدہ اداکار تنوجا مراٹھی تھی اور نانی شوبھنا سمرتھ بھی اداکارہ تھیں۔ کاجول کے والد شومُو مکھرجی فلمساز تھے اور ان کی چھوٹی بہن تنیشا بھی اب فلموں میں کام کر رہی ہیں ۔ کاجول نے اپنے فلمی سفر کا آغاز 1992 میں فلم ‘بے خودی’ سے کیا جس میں انہوں نے رادھا کا کردار ادا کیا تھا۔ اس فلم کو باکس آفس پر کوئی خاص کامیابی نہ مل سکی تھی۔اداکارہ نے 24 فروری 1999میں کاجول نے اداکار اجے دیوگن کو زندگی کا ساتھی بنا لیا ۔ان کی ایک چھوٹی بیٹی ہے جس کا نام نيسا ہے اور ایک بیٹا جس کا نام یُگ ہے۔ وہ اجے دیو گن اور اپنے 2 بچوں کے ساتھ خوش وخرم زندگی گزار رہی ہیں۔