Tag information news

(ایمرا نیوزآن لائن) دنیا میں اب تک کوئی ایسی کار متعارف نہیں کرائی گئی ہے جو کہ زمین پر چلنے کے ساتھ ہوا میں بھی اُڑنے کی صلاحیت رکھتی ہو۔

امریکی ریاست فلوریڈا میں حال ہی میں دنیا کی پہلی زمین پر چلنے کے ساتھ ہوا میں اُڑنے والی ’Fly And Drive Car‘ نمائش کے لیے پیش کی گئی ہے۔

اس کار کا نام ’پائنیر پرسنل ائیر لینڈنگ وہیکل‘ رکھا گیا ہے جسے ’ Pal-V‘ بھی کہا جا سکتا ہے، جدید ٹیکنالوجی کے طرز پر بنائی جانے والی یہ کار ریٹریکٹ ایبل ہیڈ اور ریئر پروپیلرز سے لیس ہے جو آسمان پر 12 ہزار 500 فٹ کی بلندی پر اُڑان بھر سکتی ہے۔ اس کار میں آٹو موبائل میں استعمال کیا جانے والا فیول ہی استعمال ہوگا اوریہ کار ہوا میں 200 میل فی گھنٹہ کی رفتار اور زمین پر 100 میل فی گھنٹہ کی رفتار سے دوڑنے کی صلاحیت ہے۔

ڈچ کمپنی کی جانب سے بنائے جانے والی اس گاڑی کی قیمت 5 لاکھ 99 ہزار ڈالرز ہے جسے 2021 میں فروخت کے لیے پیش کرنے کی توقع کی جا رہی ہے۔ اس گاڑی میں 2 افراد کے بیٹھے کی گنجائش ہے اور یہ 3 پہیے والی گاڑی سے گائروکاپٹر میں صرف 10 منٹ میں تبدیل ہو جاتی ہے۔

واضح رہے کہ اس سے قبل بھی گاڑیاں بنانے والی سویڈن کی نامور کمپنی ‘وولو’ کی ذیلی کمپنی ‘گیلے’ نے زمین پر چلنے اور فضا میں اڑنے والی گاڑی 2019 تک مارکیٹ میں پیش کرنے کا اعلان کیا تھا۔ اس کار کار کے تہ ہونے والے دونوں پروں پر الیکٹرک موٹر لگائی گئی ہیں جو اسے اڑنے میں مدد دیتی ہے۔

(ایمرا نیوزآن لائن) عام طور پر ہم نے یہی سنا ہے کہ 40 سال کی عمر تجاوز کرنے کے بعد انسان کے خون میں کولیسٹرول کی مقدار بڑھ جاتی ہے اور اس پر قابو پانے کے لیے انہیں کولیسٹرول کے ٹیسٹ کرانا بے حد ضروری ہیں۔

لیکن ماہرین کے حالیہ مطالعے نے یہ بات تجویز کی ہے کہ نوجوان یعنی 20 سال کی عمر سے لے کر 30 سال کے نوجوانوں کو بھی کولیسٹرول کا ٹیسٹ لازمی کرانا چاہیے۔

کوئنز یونیورسٹی اور جرمنی کے سائنسدانوں نے حال ہی میں ایک تحقیق کی ہے جس کے بعد ان کا کہنا ہے کہ نوجوانوں کو بھی کولیسٹرول کا ٹیسٹ کرانا چاہیے۔

ماہرین نے بتایا کہ تحقیق سے بات ثابت ہوئی ہے کہ نوجوانی میں کولیسٹرول کے ٹیسٹ کرانے کے بہترین نتائج سامنے آتے ہیں، اگر نوجوان 20 سال کے بعد سے ہی کولیسٹرول کا ٹیسٹ اور اس کی مقدار کا معائنہ کراتے ہیں تو ان میں امراض قلب کے خطرات بے حد کم ہو جاتے ہیں۔

ماہرین نے بتایا کہ 20 سے 30 سال کے افراد اگر اپنے خون میں کولیسٹرول کی مقدار کا ٹیسٹ کراتے رہیں گے تو وہ امراضِ قلب کے خطرات سے بچنے کے لیے کوئی نا کوئی اقدامات کر سکیں گے۔

ڈاکٹرز نے اس بات کی بھی وضاحت کی ہے کہ وہ لوگ جو صحت مند زندگی گزار رہے ہیں ان کے لیے بھی کولیسٹرول کی مقدار کا ٹیسٹ کرانا ضروری ہے کیونکہ ہو سکتا ہے کہ ان میں وراثتی اعتبار سے امراضِ قلب کے خطرات موجود ہوں۔

حالیہ تحقیق پریسٹیجیس میڈیکل جنرل دی لینسٹ میں شائع کی گئی ہے۔: واضح رہے کہ امراضِ قلب ایک جان لیوا بیماری ہے، انسان کے خون میں کولیسٹرول کی مقدار بڑھ جانے کی وجہ سے امراضِ قلب اور فالج جیسی بیماریوں کے خطرات بے حد بڑھ جاتے ہیں۔

(ایمرا نیوزآ ن لائن) جیسے جیسے انسان کی عمر بڑھتی جاتی ہے ویسے ویسے اسے صحت سے متعلق بے شمار مسائل کا سامنا بھی ہوتا ہے اور عمر کے ساتھ یادداشت بھی متاثر ہوتی ہے۔

ڈیمینشیا ایک ایسی بیماری ہے جس میں انسان کا حافظہ کمزور اور یادداشت آہستہ آہستہ ختم ہونے لگتی ہے لیکن ڈاکٹرز نے اس بیماری سے بچنے کے لیے حال ہی میں ایک تحقیق کی ہے۔

کینیڈا کی میک ماسٹر یونیورسٹی کے ایسوسی ایٹ پروفیسر نے بتایا کہ انسان اگر جسمانی طور پر پھرتیلا نہیں ہوگا تو اس کا تعلق بھی ڈیمینشیا کی بیماری سے ہے۔

ڈاکٹر نے کہا کہ ہماری حالیہ تحقیق کے مطابق ورزش کی شدت بے حد معنی رکھتی ہے، ہم نے بزرگوں کو ایک نئے ورزش پروگرام میں داخلہ دیا اور صرف 12 ہفتوں میں ہی ان بزرگوں کی یادداشتیں بہتر ہوگئیں لیکن یہ اس وقت ممکن ہوا جب انہوں نے (ہائی انٹنسیٹی) یعنی شدت والی ورزش کی جس کی وجہ سے انکی یادداشت بہتر ہوئی۔

ڈاکٹر کا کہنا تھا کہ اب ہمارا اگلا قدم یہ سمجھنا ہے کہ ورزش کس طرح دماغ کو تبدیل کرتی ہے، لہٰذا ہم نے دماغی صحت کی مشق کے حوالے سے کچھ تجاویز مرتب کی ہیں، جو کہ یہ ہیں۔

صحت مند دماغ کیلیے تربیت: جیسا کہ ہم سب جانتے ہیں کہ بڑھتی ہوئی عمرکو ڈیمینشیا پیدا ہونے کے کچھ خطرہ ہوتے ہیں، اس بیماری میں ہمارے طرزِزندگی بہت اہمیت کی حامل ہے۔ نئے شواہد کے مطابق بہتر طرزِزندگی، تعلیم اور صحت کا خیال ڈیمینشیا کی بیماری کے خطرات میں واضح کمی کرتا ہے۔ صحت مند دماغ کی تربیت کے لیے سب سے زیادہ مددگار جسمانی طور پر فعال رہنا ہے، جسمانی طور پر فعال یعنی ورزش کرتے رہنے سے ڈیمینشیا کے خطرات کم ہوجاتے ہیں۔

ورزش غذا کا کام کرتی ہے: ماہرین کا کہنا ہے کہ ورزش ایک ایسی چیز ہے جو کہ دماغ کو دوبارہ تخلیق کرنے کے مترادف ہے، ورزش کرنے سے دماغ میں نئے نیورونز بنتے ہیں جو کہ حافظے کو بہتر بناتے ہیں، ورزش کرنے سے جسم میں نئے خلیوں کی افزائش اور دماغ کی بہترین نشونما ہوتی ہے۔

ورزش کی شدت معنی رکھتی ہے: ماہرین کا کہنا ہے کہ ورزش کی شدت بے حد معنی رکھتی ہے، تحقیق سے یہ بات ثابت ہوئی ہے کہ اگر آپ ورزش کی شدت میں اضافہ کردیں گے تو اس کے صحت پر حیرت انگیز نتائج برآمد ہوں گے۔

ورزش کی شدت میں اضافہ کرنے کا مطلب یہ ہے کہ چہل قدمی سے زیادہ بہتر دوڑ صحت کے لیے مفید ہے۔

(ایمرا نیوزآن لائن) اس دور میں اسمارٹ فون کا استعمال بے حد عام ہوگیا ہے اور بالخصوص نوجوان نسل اسمارٹ فون کی لت میں مبتلا ہے۔

اسمارٹ فون کی لت یا عادت سے چھٹکارا حاصل کرنے کے لیے آئے روز نت نئے اقدامات کیے جارہے ہیں تاکہ نوجوان نسل کو تباہی سے بچایا جا سکے۔ اسے ضمن میں انڈونیشیا کے مغربی صوبے جاوا کے دارالحکومت بینڈونگ میں نوجوانوں کو اس عادت سے چھٹکارا دلانے کے لیے ایک انوکھی پیشکش کی گئی ہے۔

بینڈونگ کی مقامی حکومت نے اعلان کیا ہے کہ 12 ایلیمنٹری اور مڈل اسکول کے طلبہ کو چوزے (مرغی کے بچے) دیے گئے ہیں جن کو پالنے کے دوران یہ طلبہ مصروف رہیں گے اور وہ انٹرنیٹ و اسمارٹ فون کے استعمال سے بھی دور رہیں گے۔

شہر کے میئر اوڈڈ ڈینیل نے کہا اس منصوبے کو پیش کرنے کا مقصد یہ ہے کہ چوزوں کو پالنے اور ان کی پرورش کرنے سے طلبہ میں قیمتی صلاحیتیں اجاگر ہونے کے ساتھ ساتھ ان میں احساسِ ذمہ داری بھی پیدا ہوگا۔ میئر نے طلبہ کو اس حوالے سے انعام دینے کی بھی پیشکش کی ہے اور ان کا کہنا ہے کہ جو طلبہ اپنے چوزے کو بڑا کرکے اسے صحت مند مرغی بنائیں گے انہیں انعام دیا جائے گا۔

(ایمرا نیوزآن لائن) بھارتی ریاست گجرات کے 70 سالہ شہری کی آنکھ سے 7 سینٹی میٹر لمبا رینگنے والا کیڑا نکال لیا گیا۔

جسوبھائی پٹیل نامی شخص کو کئی سالوں سے آنکھوں میں خارش اور تکلیف کا سامنا تھا اور انہوں نے اس حوالے سے متعدد ڈاکٹرز سے بھی رجوع کیا لیکن کوئی ڈاکٹر ان کی تکلیف کی جڑ تک نہیں پہنچ سکا۔ 70 سالہ بھارتی شہری حال ہی میں ایک ڈاکٹر کے پاس گئے جہاں ڈاکٹر نے ان کی آنکھ کے پچھلے حصے میں ایک ایسی چیز دیکھی جس نے سب کو حیران کردیا۔

ڈاکٹر نے بتایا کے جسوبھائی کے آنکھ کے پچھلے حصے میں ایک رینگنے والا کیڑا پھل پھول رہا ہے جس کے بعد مقامی اسپتال کے ڈاکٹر نے ایک خوردبین کے ذریعے آنکھ کی جانچ کی جس سے معلوم ہوا کہ آنکھ کے پیچھے سفیدی والے حصے میں ایک رینگنے والا کیڑا ہے۔ ڈاکٹر نے بتایا کہ ہم نے متاثرہ شخص کو اینستھیسیا دینے کے بعد ان کی آنکھ کے اندر سے اس رینگنے والے کیڑے کو زندہ حالت میں باہر نکالا۔

ڈاکٹر نے بتایا کہ اگر اس کیڑے کو آنکھ سے نہیں نکالا جاتا تو یہ ان کی آنکھ کے لیے شدید نقصان کا باعث بنتا اور یہی وجہ ہے کہ تاخیر کیے بغیر اسے فوراً نکال لیا گیا۔ ڈاکٹر نے مزید بتایا اگر یہ کیڑا نہ نکالا جاتا تو یہ شخص ہمیشہ کے لیے اندھا بھی ہوسکتا تھا یا یہ کیڑا ان کے دماغ تک پہنچ جاتا جس کے بعد دماغ کی سرجری کرنے کی ضرورت پیش آتی۔

ڈاکٹر کا کہنا تھا کہ کیڑے کو آنکھ سے نکالنے میں 25 منٹ کا وقت لگا اور اسے نکالنا بے حد مشکل تھا، ڈاکٹروں کو شبہ ہے کہ جیسوبھائی پٹیل کی آنکھ میں یہ کیڑا کتے کے کاٹنے سے داخل ہوسکتا ہے تاہم اس معاملے کی جانچ کی جارہی ہے اور یہ ممکن ہے کہ یہ کیڑا ان کے خون میں داخل ہو گیا ہو اور خون کے ذریعے ہی آنکھ تک جا پہنچا۔ ڈاکٹر نے مزید کہا کہ کتے اور بلیوں کے اندر اس طرح کے کیڑے پائے جاتے ہیں۔

عمر کے ایک حصے میں پہنچ جانے کے بعد چہرے پر جھریاں نمایاں ہونا شروع ہوجاتی ہیں اور یہ جھریاں ہم سب کو نا پسند ہوتی ہیں۔

چہرے پر نمایاں ہونے والی جھریاں آپ کی عمر بتانے کے ساتھ ساتھ آپ کی صحت کے بارے میں بھی بتاتی ہیں۔

آج ہم آپ کو بتائیں گے کہ چہرے پر جھریوں کی جگہ صحت کے میں کیا بتاتی ہیں۔

ماتھے پر جھریاں: ہم میں سے اکثر لوگوں کے ماتھے پر اُفقی لکیریں (سیدھی) ہوتی ہیں جسے ’وری لائنز‘ بھی کہا جاتا، یہ لکیریں آپ کی صحت کے بارے میں یہ بتاتی ہیں کہ آپ روز مرّہ بے حد بے چینی اور تناؤ کا شکار رہتے ہیں۔ ماہرین کا کہنا ہے کہ یہ لکیریں اس وجہ سے بھی چہرے پر نمایاں ہوتی ہیں جب آپ اپنی غذا میں زیادہ مقدار میں شکر استعمال کر رہے ہیں اور ساتھ ہی کم مقدار میں پانی پی رہے ہیں۔ ان جھریوں سے بچنے کے لیے ضروری ہے کہ آپ اپنی خوراک کا خیال رکھیں اور بے چینی اور تناؤ کی کیفیت سے بچیں۔

بائیں آنکھوں کی بھنوؤں پر لکیریں: اگر آپ کی بائیں طرف کی بھنوؤں پر کم عرصے میں ہی جھریاں یا لکیریں واضح ہونا شروع ہوجائیں تو اس کا براہ راست تعلق تلّی کی صحت سے ہے، یعنی آپ کی تلّی کی کارکردگی ٹھیک نہیں ہے۔ ایسی حالت میں آپ کو پریشان ہونے کی ضرورت نہیں بلکہ اپنی تسلی کے لیے ڈاکٹر کے پاس جانا ہی بہتر رہے گا۔ جسم میں موجود تلّی کی صحت کو خشک میوے جات کا استعمال کر کے بہتر بنایا جاسکتا ہے۔

دائیں آنکھوں کی بھنوؤں پر لکیریں: اس جگہ پر جھریاں آنے کا مطلب یہ ہے کہ آپ کے جسم میں مضر مادّوں کا اضافہ ہورہا ہے جب کہ ہمارے جسم کا عضو جگر جِلد کی صحت کے لیے اہم کردار ادا کرتا ہے۔ اس لیے ضروری ہے کہ سب سے پہلے اپنے جگر کی صحت کو بہتر کیا جائے اور اس کے لیے ہری سبزیاں، پروٹین سے بھری غذا اور نمک، مرچ کا کم استعمال کر کے کیا جاسکتا ہے۔

آنکھوں کے کنارے پر جھریاں: عام طور اس جگہ جھریاں آنے کا تعلق مسکرانے سے ہے کیونکہ جب ہم مسکراتے ہیں تو آنکھیں سُکڑ جاتی ہیں لیکن اس کے علاوہ آنکھوں کے کونے پر جھریاں آنے کا ایک مطلب یہ بھی ہے کہ آپ کی نظر کمزور ہوسکتی ہے۔ کمزور نظر والے افراد اکثر اپنی آنکھوں کو سُکیڑ کر دیکھتے ہیں جس کی وجہ سے آنکھوں کے اردگرد جھریاں نمایاں ہو جاتی ہیں۔

آنکھوں کے نیچے جھریاں آنا: آنکھوں کے نیچے جھریاں آنا یا سوجن ہونے کا تعلق اس بات سے ہے کہ آپ بھرپور نیند نہیں لے رہے ہیں۔ اگر آپ بھرپور نیند لے رہے ہیں اور اس کے باوجود بھی آپ کی آنکھوں کے نیچے جھریاں ہیں تو اس کا تعلق آپ کے گردوں اور نظامِ روانی خون سے ہوسکتا ہے۔ اس سلسلے میں یوگا اور ورزش کرنا بہتر سمجھا جا سکتا ہے اس سے خون کی روانی بہتر ہوجاتی ہے۔

گال کے اطراف: اگر آپ کے گال کے اطراف کا رنگ تبدیل یا گہرا ہورہا ہے تو یہ پھیپھڑوں کی صحت کی نشاندہی کرتا ہے، اس حالت میں اگر آپ کو سانس لینے میں بھی مسئلہ ہورہا ہے تو ڈاکٹر کو دکھانا زیادہ بہتر ہوگا۔

گردن کی لکیریں: عام طور پر گردن پر لیکیریں آنا ایک قدرتی فطری عمل ہے کیونکہ یہ عمر برھنے کے ساتھ ساتھ نمایاں ہوتی ہیں لیکن کوئی شخص موٹاپے کا شکار ہوتا ہے یا اس کے تھائرائڈ گلینڈز میں کوئی مسئلہ ہوتا ہے تو ان کی گردن پر اس وجہ سے بھی لکیریں نمایا ہونا شروع ہوجاتی ہیں۔

نوٹ: یہ تمام معلومات تحقیق سے حاصل کی گئی ہیں۔ اگر آپ کسی بھی طبی مسئلے یا انفیکشن کا شکار ہیں تو کسی بھی قسم کے ٹوٹکے کے استعمال سے قبل اپنے معالج سے ضرور مشورہ کریں۔

(ایمرا نیوزآن لائن) صبح سویرے اسکول جانے والے طلبہ اکثر جلد بازی میں ناشتہ کیے بغیر ہی اسکول چلے جاتے ہیں اور کچھ بچوں کا صبح ناشتہ کرنے کا دل نہیں کرتا لیکن طلبہ کو اس بات کا اندازہ نہیں یہ عمل ان کی کارکردگی کو متاثر کرتا ہے۔ ہمیں یہ ایک عام سی بات لگتی ہے کہ ناشتے کے بغیر اسکول جانے سے کوئی خاص فرق نہیں پڑتا ہوگا لیکن برطانیہ میں کی گئی حالیہ تحقیق نے اس حوالے سے ایک انکشاف کیا ہے۔

تحقیق کے بعد ماہرین نے یہ نتیجہ اخذ کیا کہ وہ بچے جو صبح بغیر ناشتے کے اسکول جایا کرتے ہیں ان کے ’جی سی ایس ای‘ (جنرل سرٹیفیکیٹ آف سیکنڈری اسکول) گریڈز (نتائج) ان بچوں کے مقابلے میں کم ہوتے تھے جو کہ اسکول ناشتہ کر کے جایا کرتے تھے۔ ماہرین نے بتایا کہ سیکنڈری اسکول کے وہ طلبہ جو روزانہ ناشتہ کرکے اسکول جاتے تھے ان کے گریڈ ان بچوں کے مقابلے میں دو گنا زیادہ تھے جو کہ ناشتہ کیے بغیر اسکول آتے تھے۔

یہ تحقیق برطانیہ کی یونیورسٹی آف لیڈز کی جانب سے کی گئی جس کے بعد ماہرین نے بتایا کہ ناشتہ کیے بغیر اسکول جانےوالے بچوں کی تعداد میں روز بروز اضافہ ہوتا جارہا ہے۔ یارکشائر کے اسکولوں اور کالجوں میں طلبہ کا سروے کرنے والے ماہر تعلیم انگلینڈ کے ہر سرکاری اسکول میں طلبہ کو مفت ناشتے دینے کا مطالبہ بھی کیا ہے۔ فی الحال برطانیہ میں چیریٹیز میجک بریکفاسٹ اور فیملی ایکشن حکومت کے مالی تعاون سے معاشرتی اور معاشی طور پر پسماندہ علاقوں میں 1،800 سے زائد اسکولوں کے طلبہ کو ناشتہ فراہم کرتی ہے۔

یونیورسٹی آف لیڈز اسکول آف سائیکالوجی کی تحقیق کے سربراہ ڈاکٹر کیٹی ایڈولفس نے کہا ہمارے مطالعے سے پتا چلا ہے کہ دماغ کو کارکردگی کرنے کے لیے ایندھن یعنی غذا کی ضرورت ہوتی ہے اور اگر طلبہ بغیر ناشتے کے اسکول جائیں گے تو یہ طلبہ کے لیے نقصان کا باعث ہوگا۔ ڈاکٹر کیٹی ایڈولفس نے مزید بتایا کہ ہم اس حوالے سے پہلے بھی ایک تحقیق کر چکے ہیں جس سے یہ بات ثابت ہوئی تھی کہ ناشتہ کرکے جانے والے بچوں کی کارکردگی زیادہ بہتر ہوتی ہے جس سے ان کے امتحانی نتائج پر مثبت اثر پڑتا ہے۔

ماہرین نے بتایا کہ بچے جب ناشتہ کرکے آتے ہیں تو ان کے جسم کو وہ تمام غذائی اجزاء ملتے ہیں جس سے وہ بہتر کارکردگی دکھا سکتا ہے اور اس سے جلد چیزوں کو سمجھنے میں بھی مدد ملتی ہے۔

(ایمرا نیوزآن لائن) جس طرح گاڑی ایندھن کے بغیر نہیں چل سکتی بالکل اسی طرح انسان کے لیے بھی زندہ اور صحت مند رہنے کے لیے اچھی غذا کا استعمال لازمی ہے، مگر روز مرہ کی زندگی میں ہم بہت سی غذائیں ایسی کھا رہیں جو مضرِ صحت ہونے کے ساتھ ہماری زندگی کو کم کرنے کا سبب بھی بن رہی ہیں۔

وہ کونسی غذائیں ہیں جو آپ کو آہستہ آہستہ موت کی جانب لے جارہی ہیں جن سے آپ ناواقف ہیں ؟

نمک: غذائیں جو آہستہ آہستہ آپ کو ختم کر رہی ہیں انسانی غذا کا اہم اور بڑا حصہ نمکین غذاؤ ں پر مشتمل ہوتا ہے، نمک خون کی گردش میں مدد دیتا ہے، اس کے زیادہ استعمال سے بلڈ پریشر بڑھ سکتا ہے جس سے دل کے امراض کا خطرہ بڑھ جاتا ہے۔ نمک کو ہم یکسر نظر انداز بھی نہیں کر سکتے، اس لیے اس کا روزانہ مناسب مقدار میں استعمال لازمی ہے۔

چینی میٹھی غذاؤں کے زیادہ استعمال سے بہت سے طبی مسائل پیدا ہو سکتے ہیں جن میں شوگر کی بیماری، آنکھوں کا دھندلا جانا، دل کی بیماریوں سمیت موٹاپے کا باعث بھی بنتی ہے اور موٹاپا خود کئی بیماریوں کی جڑ ہے ۔

جنک فوڈ وقتی طور پر لذیذ، دل اور آنکھوں کو بھانے والی مرغن اور تلی ہوئی غذائیں دیر پا مضر صحت اثرات رکھتی ہیں، ماہرین غذا کے مطابق جنک فوڈ آپ کو بیمار یوں میں مبتلا کر سکتا ہے جن میں چینی ، نمک، مسالے ، رنگ اور کیمیکلز کا کھانے کو ذائقے دار بنانے کے لیے غیر معمولی مقدار میں استعمال کیا جاتا ہے، جس سے دل کی بیماریاں، وزن کا بڑھنا، کینسر ، اور وقت سے پہلے ہی معدہ کمزور ہونے کی شکایت ہو سکتی ہے، جنک فوڈ کا روزانہ استعمال آہستہ آہستہ زندگی میں کمی کا باعث بن رہا ہے۔

ڈبہ پیک جوس: ڈبوں میں ملنے والا جوس ہر گز قدرتی نہیں ہوتا بلکہ اس میں صرف پیکنگ پر پھلوں کی تصویر استعمال کر کے فلیور، بے انتہا مٹھاس اور اسے دیر پا تازہ رکھنے کی غرض سے استعمال کیے گئے کیمیکلز ملائے جاتے ہیں جو صحت کے لیے نہایت مضر صحت ثابت ہوتے ہیں۔

گندم : گندم وزن بڑھانے میں اہم کردار ادا کرتا ہے کیونکہ اس میں کاربوہائیڈ ریٹس بڑی مقدار میں پایا جاتا ہے جس سے خون میں شوگر لیول سمیت انسولین کی مقدار بھی بڑھ جاتی ہےجو شوگر کی بیماری کا سبب بنتی ہے۔

چاکلیٹس: کہتے ہیں کہ چاکلیٹ خود ایک علاج ہے ، ایتھلیٹ اور کھلاڑی ان چاکلیٹ ’ انرجی بارز ‘ کو وقتی طور پر انرجی کے حصول اور موڈ اچھا کرنے کی غرض سے استعمال کرتے ہیں، بچے اور خواتین بھی اسے بے حد پسند کرتی ہیں مگر یہ صحت مند غذا نہیں، چاکلیٹ میں غیر معمولی مٹھاس، فرکٹوز کارن سیرپ، پریزرویٹوز کیمیکل پائے جانے کے سبب یہ مضر صحت ہیں اور انرجی حاصل کرنے کے لیے اچھا آپشن نہیں ہیں۔

ڈیری پروڈکٹس: ہر کام مشینوں سے لینے والا آج کا انسانی جسم اب پہلے کے مقابلے میں لیکٹوز پائے جانے والی غذاؤں کو ہضم نہیں کر سکتا، بہت سے لوگ اب ڈیری پروڈکٹس کے استعمال کے بعد مائیگرین یا پیٹ درد کی شکایت کرتے ہیں، تازہ شفاف دودھ کے بجائے ڈیری پروڈکٹس کا استعمال کینسر، انفیکشن اور دمہ کا سبب بن سکتا ہے۔ دودھ کا استعمال کرنا چاہتے ہیں تو تازہ اور سادہ دودھ کو اپنی غذا کا حصہ بنائیں۔

ریفائن آٹا: سفید آٹا انسانی صحت کے لیے مضر صحت ہے، ریفائن آٹے میں و ٹامنز، پروٹین، فائبر موجود نہیں ہوتا جس کے استعمال سے قبض، وزن میں اضافہ، قوت مدافعت میں کمی اور تھائیرائیڈ کی شکایت ہو سکتی ہے۔

ماجرین: ناشتے کے لیے اہم جز سمجھے جانے والے ماجرین میں ہائیڈروجنیٹ ویجیٹیبل آئل استعمال کیا جاتا ہے جو اصلی نہیں ہوتا، ماہرین غذائیت کے مطابق ماجرین دل کی بیماریوں، شریانوں میں چربی جمنے، کولیسٹرول میں اضافے اور معدے کے کینسر کا سبب بن سکتا ہے۔

پروسیسڈ گوشت اور دیگر غذائیں: مارکیٹ میں ٹن کے ڈبوں میں پیک کیمیکل کے ذریعے محفوظ کی گئی غذائیں، پھل ، مشروبات ، ساسیجز، کھانوں میں استعمال ہونے والی چٹنیاں اور مسالے اور غیر موسمی سبزیاں با آسانی دستیاب ہیں، ان کا استعمال نہایت مضر صحت ہے ، ان کے استعمال سے شوگر، کینسر اور دل کی بیماریاں بڑھ سکتی ہیں۔

آرٹیفشل مٹھاس: شوگر کے مریضوں کے لیے آج کل مارکیٹ میں شوگر فری کے نام پر مٹھایاں، مشروبات سمیت ہر طرح کی غذائیں دستیاب ہیں جن کا استعمال نہایت مضر صحت ہے، ان میں موجود ’ایسپارٹم‘ اور ’نیوٹیم‘ پائے جانے کے باعث کیلوریز میں کمی ضرور آتی ہے مگر ان کا استعمال شوگر کے مریضوں کے لیے ہر گز مناسب نہیں۔

ماہرین غذا کےمطابق ان آرٹیفیشل غذاؤں میں عام غذاؤں سے زیادہ شوگر استعمال کی جاتی ہے، شوگر کے مریضوں کو آرٹیفیشل مٹھاس استعمال کرنے کے بجائے اپنی غذا میں اعتدال سے کام لینا چاہئے، قدرتی مٹھاس جیسے کہ شہد اور پھل کا استعمال کرنا چاہئے۔