Tag international

اسلام آباد(وقت نیوز آن لائن)ماہرین اقتصادیات کہتے ہیں کہ ہمارے معاشی مسائل کی ایک وجہ برآمدات پر عدم توجہی ہے۔ بیشتر صورتوں میں اس کی وجہ ملکی پیداواری سرگرمیوں( مینوفیکچرنگ) کو اس امید پر تحفظ دینے کی کوششیں ہیں کہ ایک رو زملکی پیداوار بیرونی دنیا کا مقابلہ کرنے کے قابل ہوجائے گی۔ یہ ایسے ہی ہے جیسے ہمارے کرکٹر صرف ڈومیسٹک کرکٹ کھیلیں اور امید رکھیں کہ ایک روز وہ غیرملکی ٹیموں کو شکست دینے کے قابل ہوجائیں گے۔ بہت سے لوگ اب بھی اسی حکمت عملی پر یقین رکھتے ہیں۔

وقت اب بہت بدل چکا ہے۔ اشیاء کی تیاری کچھ ممالک بالخصوص چین کی شناخت بن چکی ہے۔ ترقی پذیر ممالک میں مقامی سطح پر اشیاء سازی کا محرک لیبر کا سستا ہونا تھا تاہم اب صورتحال بدل چکی ہے۔ اب اہمیت ہنرمند افرادی وسائل، قدرتی وسائل، ٹرانسپورٹ انفرا اسٹرکچر اور صارفین سے نزدیک تر ہونے کی ہے۔ یہی وجہ ہے کہ گلوبل ویلیوچین اب اشیا سازی سے خدمات کی طرف آرہی ہیں۔

بیشتر ممالک دورحاضر میں انفارمیشن اینڈ کمیونی کیشن ٹیکنالوجی ( آئی سی ٹی ) پر خصوصی توجہ دے رہے ہیں مگر پاکستان میں آئی سی ٹی کی مینوفیکچرنگ کم قیمت اور کم معیاری پرسنل کمپیوٹرز، موبائل فون وغیرہ کی سمبلنگ سے آگے نہیں بڑھ پائی۔ ویتنام اور فلپائن جیسے کامیاب ممالک نے آئی سی ٹی ڈیوائسز پر تمام ٹیکس ختم کردیے اور گلوبل ویلیو چین کا حصہ بننے کے لیے جدوجہد کی۔ پاکستان میں کوئی سپورٹ نہ ملنے کے باوجود آئی سی ٹی کی خدمات کا حجم وسیع ہورہا ہے۔

سٹیٹ بینک آف پاکستان کی سال 2018-19 کی پہلی سہ ماہی کی رپورٹ کے مطابق دو سال میں آئی سی ٹی سروسز کی برآمدات 16 فیصد اضافے سے 1088 ملین ڈالر تک پہنچ گئی تھیں۔ رواں مالی سال کی ابتدائی ششماہی ( جولائی تا دسمبر) کی اسٹیٹ بینک کی رپورٹ ظاہر کرتی ہے کہ گذشتہ مالی سال کے اسی عرصے کے مقابلے میں آئی سی ٹی سروسز کی برآمدات میں 4.5فیصد اضافہ ہوا۔

بیشتر ممالک میں کم قیمت آئی سی ٹی آلات کی دستیابی سے انٹرنیٹ تک رسائی بڑھی جس کے نتیجے میں ڈیجیٹیل اکانومی کی نمو ہوئی اور آئی سی ٹی سروسز کی برآمدات بڑھتی چلی گئیں۔ پاکستان میں یہ ماحول پیدا کرنے کے لیے کئی اقدامات کرنے کی ضرورت ہے۔ وزیراعظم کی ٹاسک فورس برائے آئی ٹی اینڈ ٹیلی کوم نے کئی مہینوں کی محنت کے بعد اس ضمن میں تجاویز تیار کی ہیں۔ مثال کے طور پر ٹیلی کوم سے متعلق تین اہم تجاویز میں: فائبرائزیشن، زیادہ سپکٹرم کی ریلیز، اور آئی سی ٹی پر ٹیکسوں میں کمی شامل ہیں۔

(میڈیا 92 نیوز آن لائن)
لاہور: پاکستان شکستوں کی بھول بھلیوں سے نکلنے کا راستہ تلاش کرنے لگا ایونٹ میں بقا کی موہوم سی امید لیے کھلاڑی جنوبی افریقہ کیخلاف میچ کی تیاری میں مصروف رہے۔

ہیڈ کوچ مکی آرتھر نئے معرکے سے قبل اعتماد بحال کرنے کیلیے کوشاں نظر آئے، پریکٹس سیشن میں بیٹسمین شارٹ گیندوں پر کارکردگی بہتر بنانے کیلیے سرگرم رہے، بولرز نے اپنی لائن و لینتھ پر کام کیا، اسپنرز نے بھی خود کو لارڈز کی کنڈیشنز سے ہم آہنگ کرلیا، پروٹیز کیخلاف گزشتہ 4ورلڈکپ مقابلوں میں صرف ایک فتح سمیٹنے والے گرین شرٹس کیلیے نیا چیلنج بھی آسان نہیں ہوگا۔

تفصیلات کے مطابق ورلڈکپ میں پاکستان اور جنوبی افریقہ اتوارکو ہوم آف کرکٹ لارڈز میں مقابل ہوں گے، ابھی تک دونوں ٹیموں کی کارکردگی ناقص رہی ہے، جنوبی افریقہ کے 6 میچز میں 3پوائنٹس ہیں، پاکستان نے 5 مقابلوں میں 3 پوائنٹس جوڑے ہیں، پروٹیز کا میگا ایونٹ میں سفر اصولی طور پر تمام ہوگیا۔

پاکستان کی سیمی فائنل میں رسائی کا امکان نہ ہونے کے برابر رہ گیا ہے، گرین شرٹس اگر اپنے چاروں میچ بھی جیت جائیں تو 11 پوائنٹس ہوں گے،اس کے بعد بھی پیش قدمی جاری رکھنے کا انحصار اس بات پر ہوگا کہ انگلینڈ، نیوزی لینڈ،آسٹریلیا اور بھارت جیسی مضبوط ٹیموں میں سے کوئی ایک مسلسل ناکامیوں سے دوچار ہوکر راستے سے ہٹ جائے، بظاہر ایسا ہوتا نظر نہیں آتا۔

گزشتہ روز لارڈز میں پریکٹس سیشن کے دوران پاکستانی کرکٹرز شکستوں کی بھول بھلیوں سے نکلنے کے راستے تلاش کرتے نظر آئے،ہیڈ کوچ مکی آرتھر نے بھارت کیخلاف میچ میں ناقص کارکردگی سے مزید متزلزل ہونے والا اعتماد بحال کرنے کیلیے لیکچر دیا، لارڈز کی کنڈیشنز اور پچ کی ممکنہ صورتحال سے بھی آگاہ کیا،بعد ازاں سخت مشقت سے کھلاڑیوں کا لہوگرمایا گیا، نیٹ میں بیٹنگ کرنے والوں کو تسلسل کیساتھ شارٹ گیندوں کا سامنا کرایا گیا۔

ٹاپ آرڈر بیٹسمینوں نے محمد عامر، وہاب ریاض، محمد حسنین، شاہین شاہ آفریدی اور مقامی بولرز کی پیس اور باؤنس پر اپنی تکنیک بہتر بنانے کیلیے کام کیا،فخرزمان، امام الحق اور بابر اعظم مشکل گیندوں پر اچھے اسٹروکس کھیل کر کوچز سے داد وصول کی، سرفراز احمد نے بھی طویل سیشن میں اپنا کھویا ہوا اعتماد حاصل کرنے کی کوشش جاری رکھی، محمد حفیظ اور حارث سہیل بھی نیٹ میں سرگرم رہے، بولنگ کوچ اظہر محمود پیسرز کی کارکردگی کا جائزہ لیتے ہوئے خامیوں سے آگاہ کرتے نظر آئے،اسپنرز شاداب خان، عماد وسیم الگ نیٹ میں اپنی لائن اور لینتھ درست کرنے کیلیے کوشاں رہے۔

یاد رہے کہ پاکستان اور جنوبی افریقہ کے مابین ابھی تک 78ون ڈے انٹرنیشنل میچ کھیلے گئے ہیں جن میں سے گرین شرٹس نے صرف 27جیتے اور 50میں مات کھائی،ایک مقابلہ بے نتیجہ رہا،گزشتہ سیریز میں جنوبی افریقہ نے مہمان پاکستان ٹیم کو 3-2 سے مات دی تھی،ورلڈکپ کے باہمی مقابلوں میں بھی پروٹیز کا پلڑا بھاری رہا ہے۔

دونوں ٹیمیں ابھی تک 4 بار مقابل ہوئی ہیں،پاکستان ٹیم نے صرف ایک بار کامیابی حاصل کی،ورلڈکپ 1992میں برسبین میں کھیلے جانے والے میچ میں پاکستان کو بارش زدہ میچ میں 20رنز سے مات ہوئی، 1996میں کراچی میں کھیلے جانے والے میچ میں گرین شرٹس عامر سہیل کی سنچری کی بدولت 6 وکٹ پر 242رنز بنانے کے بعد ہدف کا دفاع نہیں کرپائے اور 5 وکٹ سے مات کھائی،وقار یونس3اور ثقلین مشتاق 2وکٹیں لینے کے باوجود شکست کو نہ ٹال سکے۔

ورلڈکپ1999میں ناٹنگھم میں کھیلے جانے والے میچ میں پاکستان ٹیم نے معین خان کے 63 رنز کی مدد سے 7 وکٹ پر 220 رنز بنانے کے بعد 3 وکٹ سے ناکام ہوئی،لانس کلوزنر کے ناقابل شکست 46 رنز نے گرین شرٹس کو یقینی فتح سے محروم رکھا، اظہر محمود کی 3 اور شعیب اختر کی 2 وکٹیں کسی کام نہ آئیں، پروٹیز کیخلاف پاکستان کی اکلوتی فتح گزشتہ ورلڈکپ میں تھی، گرین شرٹس نے مصباح الحق(56) اور سرفراز احمد(49) کی بدولت 222 کا مجموعہ حاصل کیا،جواب میں ڈک ورتھ لوئیس میتھڈ پر جنوبی افریقی ٹیم 29 رنز سے ناکام ہوئی، ڈی ویلیئرز کے 77رنز بیکارگئے، محمد عرفان، راحت علی اور وہاب ریاض نے 3،3شکار کیے۔

لاہور(ایمرا نیوزآن لائن) آئی سی سی الیٹ پینل کے پاکستانی امپائرعلیم ڈار آج ون ڈے میچز کی ڈبل سینچری مکمل کرلیں گے۔علیم ڈارآئرلینڈ میں جاری ٹرائی سیریز میں ویسٹ انڈیز اور بنگلہ دیش کے درمیان میچ کو سپر وائز کرکے یہ سنگ میل عبور کریں گے، وہ یہ اعزاز حاصل کرنے والے پاکستان کے پہلے جبکہ دنیا کے تیسرے امپائر ہوں گے۔

ان سے قبل جنوبی افریقہ کے روڈی کرٹزن اور نیوزی لینڈ کے بلی باؤڈن یہ کارنامہ انجام دے چکے ہیں۔علیم ڈار نے 2000میں 32 سال کی عمر میں پاکستان اور سری لنکا کے خلاف گوجرانوالہ میں کھیلے گئے ون ڈے سے امپائرنگ کیریئر کا آغاز کیا ۔اُنہوں نے 2009 سے 2011تک مسلسل تین سال آئی سی سی کے بہتر ین امپائر کا اعزاز بھی حاصل کیا ۔

لاہور(ایمرا نیوزآن لائن) پاکستان سمیت دنیا بھر میں آج فائرفائٹرز کا دن منایا جارہا ہے۔پاکستان سمیت دنیا بھر میں 4مئی کادن فائر فائٹرز کی خدمات کے اعتراف کے طور پر منایا جاتا ہے جو اپنی جان پر کھیل کر دوسروں کی مدد کرتے ہیں ۔آگ کا استعمال زندگی کا ایک لازمی جزو ہے مگر یہی آگ بے قابوہو جائے تو قیمتی املاک کیساتھ انسانی جانوں کیلئے بہت بڑا خطرہ بن جاتی ہے۔ماہرین کا کہنا ہے کہ فائر فائٹرز کی مناسب تربیت سے آگ لگنے کے واقعات میں جانی اور مالی نقصان سے بچا جاسکتا ہے۔

میگا ایونٹ کیلیے منتخب ہونے والے پلیئرز اپنی اپنی ٹیموں کو چھوڑ کر نیشنل ڈیوٹی پر لوٹنے والے ہیں
نئی دہلی(ایمرا نیوز آن لائن) آئی پی ایل میں شریک انٹرنیشنل اسٹارز نے ورلڈ کپ میں شرکت کیلیے اپنا سامان باندھنا شروع کردیا میگا ایونٹ کیلیے منتخب ہونے والے پلیئرز اپنی اپنی ٹیموں کو چھوڑ کر نیشنل ڈیوٹی پر لوٹنے والے ہیں۔

سب سے پہلے رخصت ہونے والوں میں جونی بیئر اسٹو شامل ہیں جو سن رائزرز حیدرآباد کی جانب سے اپنے اس سیزن کے آخری میچ میں صفر پر آٹ ہوئے،اس سے قبل 9 اننگز میں وہ 445 رنز بناکر نمایاں رہے۔حیدرآباد کے ایک اور بیٹسمین ڈیوڈ وارنر آئندہ ہفتے آسٹریلوی ٹیم کو جوائن کریں گے۔ ماہرین کا خیال ہے کہ انٹرنیشنل اسٹارز کے آخری اسٹیج پر رخصت ہونے سے آئی پی ایل کی چمک دمک ماند پڑسکتی ہے.

جہانیاں(ایمرا نیوز آن لائن) پاکستان سمیت دنیا بھر میں صحت کا عالمی دن ” ورلڈ ہیلتھ ڈے “ 7اپریل اتوار کو بھرپور طریقے سے منایا جائے گا اس دن کے منانے کا مقصد دنیا بھر کے لوگوں کو صحت کی اہمیت سے آگاہ کرنا ہے۔ اس سلسلے میں جہانیاں سمیت ملک بھر میںوزارت صحت،محکمہ صحت پنجاب،پاکستان میڈیکل ایسوی ایشن،دیگر طبی تنظیموں اور این جی اوز کے زیر اہتمام خصوصی تقریبات کا اہتمام کیا جائے گاجس میں صحت مند زندگی گزارنے کی سنہری اصولوں بارے آگاہی دی جائے گی اور ماہرین اپنے مقالے پیش کریں گے مقررین صحت کے حوالے سے درپیش خطرات اور دیگر متعلقہ امور پر تفصیل سے روشنی ڈالیں گے جبکہ اخبارات خصوصی مضامین شائع کریں گے۔دنیا بھر میں صحت کا عالمی دن سب سے پہلے 1950ءمیں منایا گیا 1948ءمیں عالمی ادارہ صحت (WHO) کے ذیلی ادارے ہیلتھ اسمبلی نے ہر سال 7اپریل کو صحت کا عالمی دن منانے کی منظوری دی جس کے بعد دنیا بھر میں 7اپریل کو ” ورلڈ ہیلتھ ڈے “ منایا جاتا ہے۔

ولید بن طلال کا نیوزی لینڈ سانحہ میں شہدا کے ورثا کیلئے 10 لاکھ ڈالر امداد کا اعلان
کرائسٹ چرچ، ریاض (ایمرا نیوز آن لائن) سانحہ کرائسٹ چرچ میں شہید اردن کے شہری کی والدہ بیٹے کی جدائی کا غم برداشت نہ کرسکیں اور دل کا دورہ پڑنے سے انتقال کرگئیں۔نیوزی لینڈ میڈیا کے مطابق 38 سالہ کامل درویش کی تدفین میں شرکت کے لیے ان کی 64 سالہ والدہ جمعہ کے دن نیوزی لینڈ پہنچی تھیں لیکن نماز جنازہ سے قبل ہی دل کا دورہ پڑنے سے انتقال کرگئیں۔ اخبار کے مطابق اردن کے سفارتخانے نے فسلطینی نڑاد اردنی شہری کامل درویش کی والدہ کے انتقال کی تصدیق کی ہے۔ خاتون کی میت کو اردن منتقل کرنے کے انتظامات کیے جا رہے ہیں۔مقامی اخبار کے مطابق کامل درویش چھ ماہ قبل ہی نیوزی لینڈ آئے تھے۔ اردن میں ان کے تین بیٹے اور بیوہ موجود ہیں۔ ڈیری فارمنگ کے شعبے سے وابستہ کامل درویش اپنے بھائی کے ساتھ کام کرنے کے ارادے سے آئے تھے۔ شہادت سے قبل انہوں نے بیوی بچوں کے ویزے کے لیے درخواست بھی جمع کرائی تھی۔ادھر سعودی شہزادے ولید بن طلال نے نیوزی لینڈ سانحہ میں شہدا کے اہل خانہ کے لئے 10 لاکھ ڈالر امداد دینے کا اعلان کیا ہے۔ یہ بات الولید ادارہ برائے انسانی امداد نے ٹویٹر پر اپنے اکاو¿نٹ میں کہی۔ اکاؤنٹ سے ٹویٹ کیا گیا۔ شہزادہ ولید بن طلال نے امدادی رقم کے اعلان کے ساتھ لواحقین سے اظہار تعزیت اور متوفین کیلئے بلندی درجات کی دعا کی.

ریاض جیسے منصوبے کامیاب ہونے پر سعودی عرب کے تمام شہرو ںمیں نافذ کئے جائیں گے، سعودی ولی عہد
ریاض(ایمرا نیوز آن لائن)سعودی ولی عہد شہزادہ محمد بن سلمان نے کہا ہے کہ ریاض جیسے منصوبے کامیاب ہونے پر سعودی عرب کے تمام شہرو ںمیں نافذ کئے جائیں گے۔ ماہرین نے سبق ویب سائٹ سے گفتگو میں بتایا کہ وسیع البنیاد شجر کاری کی بدولت ریاض کا موسم تبدیل ہوجائیگا۔گرین ریاض منصوبے سے آکسیجن اور رطوبت کی مقدار بڑھے گی، کاربن ڈائی آکسائیڈ میں کمی واقع ہوگی،گردوغبار کی مقدار بھی محدود ہوجائیگی، آب و ہوا بہتر ہوگی۔ اس منصوبے کے تحت شہر کے طول و عرض میں 75 لاکھ پودے لگائے جائیں گے، 3330 پارک بنائے جائیںگے،43 تفریح گاہیں ہوںگی،1100کلومیٹر کی گرین بیلٹ قائم ہوگی۔272کلو میٹر کی وادیاں سبزہ زاروں میں تبدیل ہوںگی۔

سڈنی(ایمرا نیوز آن لائن)ملائیشیا نے انڈونیشیائی / شمالی کوریا نے شہری کے قتل کا مقدمہ خارج ہونے کے بعد رہا کر دیا ۔ غیر ملکی خبررساں ادارے کے مطابق سیٹھی عائسیاہ پر 2017 ءمیں کوالالمپور انٹرنیشنل ایئرپورٹ پر شمالی کوریا کے ایک شہری کو قتل کرنے کا مقدمہ تھا ۔ شاہ عالم عدالت نے خاتون کے خلاف مقدمہ کو اس کی درخواست پر خارج کیا تاہم استغاثہ نے یہ بتانے سے گریز کے خلاف مقدمہ کیوں خارج کیا گیا ۔ ملائیشیاءمیں انڈونیشیا کے سفیر ریوسری کیرانا نے صحافیوں کے ساتھ بات چیت کرتے ہوئے بتایا کہ ہم عدالت کے اس فیصلے سے بہت خوش ہیں اور عائسیاہ کو واپس انڈونیشیا بھیجنے کے انتظامات کئے جائیں گے ۔( جاوید)

ٹوکیو کا نکی 225 انڈیکس 128.84 پوائنٹ فیصد بڑھ کر 21431.49 پوائنٹ پر بند ہوا
ہانگ کانگ (ایمرا نیوز آن لائن)ایشین سٹاک مارکیٹس میں تیزی رہی جس کی وجہ وال سٹریٹ بزنس میں تیزی اور امریکا چین تجارتی کشیدگی میں کمی کا امکان ہے۔ٹوکیو کا نکی 225 انڈیکس جمعرات کو کو 128.84 پوائنٹ (0.60 فیصد) بڑھ کر 21431.49 پوائنٹ پر بند ہوا جبکہ ٹاپکس انڈیکس 6.95 پوائنٹ (0.43 فیصد) اضافے کے ساتھ 1613.47 پوائنٹ، ہانگ کانگ سٹاک 0.9 فیصد، شنگھائی انڈیکس 0.2 فیصد، سنگاپور 0.4 فیصد اور ولنگٹن سٹاک 0.3 فیصد، سیﺅل، تائپے اور منیلا 1 فیصد سے زائد پر بند ہوئے تاہم سڈنی سٹاک میں 0.2 فیصد کمی ریکارڈ کی گئی۔