Tag islamabad

لاہور(سپورٹس ڈیسک/ایمرا نیوز) Steve Borden ڈبلیو ڈبلیوای اور ڈبلیو سی ڈبلیو کے بہت مشہور ریسلر ہیں، وہ 20 مارچ 1959 کو Omaha, Nebraska میں پیدا ہوئے.

انہیں ڈبلیو ڈبلیو ای میں Sting کے نام کے طور پر جانا جاتا ہے، وہ ایک ریسلر ہونے کے ساتھ ساتھ ایک اداکار ، bodybuilder بھی ہیں.انہوں نے WrestleMania 31 میں ڈبلیو ڈبلیو ای میں اپنا پہلا میچ کھیلا تھا. اس سے پہلے انہوں نے ڈبلیو سی ڈبلیو میں ریسلنگ کرتے تھے.انہوں نے اپنے کیئرئیر میں 15 ولڈ چیمپئن شپ جیتیں تھیں.

بہت کم لوگ جانتے ہیں کہ انہوں نے لگاتار نو سابق ڈبلیو ڈبلیو ای ورلڈ ہیو ویٹ چیمپئنز کو ڈبلیو سی ڈبلیو میں شکست دی تھی، جو ایک بہت بڑی بات ہے. آج کل وہ ڈبلیو ڈبلیوای Legends کے ساتھ منسلک ہیں.

لاہور(ایمرا نیوز) چیف جسٹس نے جعلی سوشل میڈیا اکاﺅنٹس بنانے والوں کے خلاف قانونی کارروائی کی ہدایت کر دی۔ سپریم کورٹ /چیف جسٹس سعید کھوسہ کا ٹوئیٹر یا سوشل میڈیا پر کوئی اکاﺅنٹ نہ ہے جعلی اکاﺅنٹس بنانے والوں کے خلاف قانونی کارروائی کریں گے۔

لاہور(شوبز ڈیسک/ایمرا نیوز) پاکستان کے سب سے بڑے اسپورٹس ایونٹ پاکستان سپر لیگکے ابتدائی تین ایڈیشن کا ترانہ گانے والے معروف گلوکار علی ظفر نے اس سال پی ایس ایل 4 میں اپنی آواز کا جادو ں نہیں جگایا جس کا لوگوں کو شدّت سے انتظار تھا۔پاکستان سپر لیگ( پی ایس ایل ) سیزن 4 کا آفیشل گانا علی ظفر کے بجائے اس بار اداکار و گلوکار فواد خان نے پیش کیا۔

بیک وقت اداکاری، گلورکاری، پروڈکشن اور اسکرپٹ رائٹنگ کے جوہر دکھانے والےعلی ظفر کا گایا ہوا پی ایس ایل 2017 ایڈیشن کا سب سے مشہور نغمہ ’ سیٹی بجے گی، اسٹیج سجے گا، تالی بجے گی اور اب کھیل جمے گا‘ آج تک سب کی زبان پر ہے۔شائقین کرکٹ اس انتظار میں تھےکہپی ایس ایل 2019 کے ایڈیشن کے لئے علی ظفر کیا نیا لاتے ہیں۔علی ظفر نے وجہ بتاتے ہوئے کہا کہ سیزن فور میں اپنی مصروفیات کے سبب وہ دستیاب نہیں تھے اور منتظمین کو وہ اس بات سے آگاہ کر چکے تھے۔علی ظفر کا کہنا تھا کہ پی ایس ایل اب ایک برانڈ ہے اور انہیں خوشی ہے کہ انہوں نے اسے تناور درخت بنانے میں اپنا کردار ادا کیا تاہم وہ سمجھتے ہیں کہ نئے لوگوں کو سامنے آنا چاہیے، تین سال انہوں نے اپنے کام کو ایمانداری اور پیشہ وار انہ انداز میں کیا۔واضح رہے علی ظفر’طیفہ ان ٹربل‘ کی بین الاقوامی سطح پر پزیرائی کے بعد اپنی نئی آنے والی فلم پر کام کر رہے ہیں ۔

میکسیکو(نیٹ نیوز/ایمرا نیوز) میکسیکو میں فیول پائپ لائن میں آگ لگنے سے بیس افراد ہلاک جبکہ54 زخمی ہوگئے۔غیر ملکی میڈیا کے مطابق پائپ لائن میں آگ فیول چوری کرنےکی کوشش کے دوران لگی۔

حکام کےمطابق سینٹرل میکسیکو میں ایندھن چوروں نےپائپ لائن سے چوری کے بعد لوکل ٹیپ لگا دیا جس سے ایندھن لیک ہونا شروع ہوگیا جس کے بعد مقامی لوگ ایندھن جمع کرنے کےلئے اکھٹا ہوگئے۔پائپ لائن پر اچانک آگ بھڑکنے سے 20افراد ہلاک اور 54 زخمی ہوئے۔

تھر پارکر(نیٹ نیوز/ایمرا نیوز) سندھ کے ضلع تھر پارکر کے علاقے مٹھی میں واقع سول اسپتال میں غربت، افلاس، بھوک اور پیاس کے ستائے مزید 4 بچے انتقال کر گئے۔محکمہ صحت کے ذرائع کے مطابق سول اسپتال مٹھی میں بچوں کی یہ اموات گزشتہ 24گھنٹوں کے دوران ہوئی ہیں۔ذرائع محکمہ صحت کا مزید کہنا ہے کہ انتقال کرنے والے بچوں میں دو نوزائیدہ ہیں جبکہ دو کی عمریں ایک دن ہیں۔ان اموات کے بعد ماہ رواں میں غذائیت کی کمی و دیگر امراض کے سبب ضلع تھر پارکر میں انتقال کرنے والے بچوں کی تعداد 44 تک جا پہنچی ہے۔

لاہور(نیٹ نیوز/ایمرا نیوز) اقوام متحدہ کے سیکریٹری جنرل اینٹونیو گوٹریس نے پاکستان اور بھارت کے درمیان مذاکرات پر زور دیاہے اور امید ظاہر کی ہے کہ دونوں ملکوں میں معنی خیز مذاکرات ہوں گے ۔اقوام متحدہ ہیڈکوارٹرز میں ایک پریس کانفرنس کے دوران اقوام متحدہ کے سیکریٹری جنرل اینٹونیو گوٹریس کا کہنا تھا کہ ‘مجھے امید ہے کہ بین الاقوامی معاملات میں اپنی اہمیت کے پیش نظر پاکستان اور بھارت معنی خیز مذاکرات کا راستہ اختیار کریں گے۔انہوں نے کہا کہ ہائی کمشنر فار ہیومن رائٹس نے حال ہی میں کشمیر کے حوالے سے ایک بہت تفصیلی رپورٹ تیار کی ہےلہذا اقوام متحدہ نے واضح طور پر اپنا کردار نبھایا ہے۔انہوں نے مزید کہا کہ ’میں اپنے دفتر کو دونوں ملکوں کے درمیان مذکرات کے آغاز کے سلسلے میں پیش کرتا رہا ہوں، لیکن اب تک کوئی کامیابی نہیں ہوئی‘۔واضح رہے وزیراعظم عمران خان کی جانب سے متعدد مرتبہ پاک بھارت امن اور مذاکرات کی بات کیے جانے کے باوجود بھارت کی جانب سے کوئی ردعمل سامنے نہیں آیا۔

ویتنام (نیٹ نیوز/ایمرا نیوز)ویتنام میں حد سے زیادہ شراب پینے والے ایک شخص کی جان بچانے کیلئے ایک انوکھا طریقہ استعمال کیا گیا۔ غیر ملکی خبر رساں ادارے کی رپورٹ میں بتایا گیا ہے کہ مریض کے جسم میں بیئر کے 15؍ ڈبے کی ڈرپ لگائی گئی جس سے اس کی جان بچانے میں مدد ملی۔ رپورٹ کے مطابق 48؍ برس کے گویان وان نیت کو 25؍ دسمبر کی رات اسپتال لایا گیا جہاں وہ حد سے زیادہ شراب نوشی کی وجہ سے بے ہوش ہو چکا تھا۔ تشخیص سے معلوم ہوا کہ اس کے جس میں میتھنول (الکحل کی ایک قسم) کی مقدار خطرناک حد تک جا پہنچی ہے اور یہ مجوزہ حد سے ایک ہزار گنا تک پائی گئی۔

مریض کو جب اسپتال لایا گیا تو ڈاکٹر لی وان کی سربراہی میں ایمرجنسی ٹیم نے اسے تقریباً ایک لٹر بیئر کی ڈرپ لگائی۔ جس کے بعد وقتاً فوقتاً اس کے جسم میں مزید بیئر شامل کی گئی۔ مجموعی طور پر مریض کے سسٹم میں بیئر کے 15؍ کین شامل کیے گئے۔ اس عمل کی وجہ سے جگر کے میتھنول کو پراسیس کرنے کی رفتار سست ہوگئی اور مریض کی جان بچ گئی۔ میتھنول کے زہر سے متاثرہ شخص کے سسٹم میں فارمل ڈی ہائیڈ (Formaldehyde)پراسیس ہو کر فارمک ایسڈ میں تبدیل ہوتی ہے جس کی وجہ سے مریض جاں بحق ہو سکتا ہے، تاہم اس پراسیس کو روکنے یا اس کی رفتار سست کرنے کیلئے مریض کے سسٹم میں بیئر شامل کی جاتی ہے کیونکہ انسانی جگر میتھنول کی بجائے ایتھنول کے جزیات توڑنے اور ہضم کرنے کو ترجیح دیتا ہے۔ گویان وان نیت کو 15؍ بیئر کین کی ڈرپ لگانے سے ڈاکٹروں کو اتنی مہلت مل گئی وہ اس کے جسم سے خطرناک الکحل مکمل طور پر نکال سکیں۔

اسلام آباد(نیٹ نیوز/ایمرا نیوز)علیمہ خان کا سلائی مشینوں کے ذریعے بڑی آمدنی کا دعویٰ ایف بی آر ریکارڈ سے مسترد،جس سال نیو جرسی کی جائداد خریدی ، علیمہ خان نے اس سال 49914روپے ٹیکس ادا کیا۔1995سے 2010ٹیکس ریکارڈ سے ظاہر ہوتا ہے کہ ان کے کاروبار سے آمدنی برائے نام ہی تھی۔ تفصیلات کے مطابق،علیمہ خان نے گو کہ نیو جرسی فلیٹوں کی ملکیت کا اقرار کرلیا ہے تاہم، ان کا کہنا ہے کہ ان کا ٹیکسٹائل کا کاروبار ہے، جس کی برآمدات سالانہ اربوں روپے ہے، البتہ اس مدت کے دوران ان کے کاروبار سے متعلق ایف بی آر کے ٹیکس ریکارڈ جس میں متحدہ عرب امارات اور امریکا میں لگژری جائدادیں خریدی گئیں ، ان کے دعویٰ کو رد کرتی ہیں۔1995سے 2010کے دوران جب یہ تمام غیر ملکی لگژری جائدادیں خریدی گئیں تو سال بہ سال ان کی آمدنی کی جانچ پڑتال اور صرف کاروبار جو ٹیکس ادا کیا گیا وہ اس وقت کاٹن کنکشن پرائیویٹ لمیٹڈ(سی سی ایل)کا 50فیصد شیئر تھا۔انہوں نے اپنی ذاتی آمدنی پر جو ٹیکس ادا کیے اس سے ظاہر ہوتا ہے کہ ان کے پاس بمشکل اتنا پیسہ تھا کہ وہ پاکستان میں بھی اچھی سرمایہ کاری کرسکتیں۔علیمہ خان نے نیو جرسی کی جائداد 5اگست ،2004کو خریدی تھی، جو کہ مالی سال 2004-2005کے دوران تھی۔اس دوران سی سی ایل کے کاروبار پر 1لاکھ 88ہزار 721روپے ٹیکس ادا کیا گیا۔اس کاروبار سے سالانہ منافع کو دو شیئر ہولڈرز کے درمیان تقسیم کیا جانا تھا ، یعنی علیمہ خان اور ان کے کاروباری شراکت دار، اس طرح علیمہ خان کا ذاتی ٹیکس جو کہ اس مالی سال کے دوران تھا وہ 49ہزار914روپے تھا۔ایس ای سی پی ریکارڈ کے مطابق، علیمہ خان کاٹن کنکشن پرائیویٹ لمیٹڈ(رجسٹریشن نمبر۔0020378)کی شیئر ہولڈر اور ڈائریکٹر رہیں ۔اس کے علاوہ وہ سارک بزنس ایسوسی ایشن برائے گھریلو ملازمین (گارنٹی)لمیٹڈ(رجسٹریشن نمبر۔0069841، تاریخ،26جون،2009)اور پاکستان کمپلائنس انی شیٹو(رجسٹریشن نمبر۔0045197، تاریخ،8اپریل،2003)کی ڈائریکٹر بھی تھیں۔فی الحال وہ کوٹ کوم سورسنگ پرائیویٹ لمیٹڈ(رجسٹریشن نمبر ۔0071323، تاریخ، 14جنوری،2010)کی سی ای او ہیں ، جس میں ان کے بیٹے شاہ ریز عظیم اور شیر شاہ خان ڈائریکٹرز ہیں۔ دستاویزات سے واضح ہے کہ 1990کی دہائی اور 2000کی دہائی میں علیمہ خان کا واحد کاروبار کاٹن کنکشن پرائیویٹ لمیٹڈ تھا۔کاٹن کنکشن پرائیویٹ لمیٹڈ(سی سی ایل)نے1995سے 2010کے دوران سال بہ سال جو ٹیکس ادا کیا اور ا ن سالوں میں علیمہ خان کا ذاتی ٹیکس کچھ اس طرح اد ا کیا گیا۔ٹیکس تفصیلات کو دیکھتے ہوئے قارئین یہ بات بھی ذہن میں رکھیں کہ کاروبار کا جو منافع ظاہر کیا گیا ہے وہ شیئر ہولڈرز کا مشترکہ منافع ہے ۔قارئین کو ان حالات میں فرق کرنا ہوگا کہ منافع کب ظاہر کیا گیا اور ایف بی آر کی ضروریات کے مطابق سالانہ ٹرن اوور کب ظاہر کیا گیا بجائے اس کے کہ منافع بتایا جاتا۔1994-95(سی سی ایل)، کل منافع /سی سی ایل کی آمدنی 6لاکھ96 ہزار107روپے ظاہر کی گئی ، جب کہ 1880روپے ٹیکس ادا کیا گیا۔1995-96(سی سی ایل)،کل منافع /سی سی ایل کی آمدنی6لاکھ 17ہزار591روپے ظاہر کی گئی اور 19149روپے ٹیکس ادا کیا گیا۔1996-97(سی سی ایل)کل منافع /سی سی ایل کی آمدنی1لاکھ75ہزار688روپے ظاہر کیا گیا، جب کہ ٹیکس 52452روپے ادا کیا گیا۔1997-98(سی سی ایل)کل منافع /سی سی ایل کی آمدنی79ہزار733روپے ، جب کہ 19452روپے ٹیکس ادا کیا گیا۔1998-99(سی سی ایل)سی سی ایل کی کل آمدنی 1لاکھ4ہزار335روپے ظاہر کی گئی ، جب کہ 49501روپے ٹیکس ادا کیا گیا۔تاہم، یو/ایس 50کے تحت 29690روپے کی ادائیگیوں اور یو /ایس 53کے تحت 254576روپے کی ادائیگیاں پہلے ہی ٹیکس حکام کو کردی گئی تھیںاور واپس کیا گیا کل منافع 292309روپے ظاہر کیا گیا۔1999-2000(سی سی ایل)اس مالی سال کے دوران ٹیکس فارمز کا طریقہ کار تبدیل کردیا گیا تھا ، منافع ظاہر کرنے اور منافع پر ٹیکس ادا کرنے کے بجائے کاروبار کا مکمل ٹرن اوور ظاہر کرنا اور اس پر بیان کئے گئے تناسب سے ٹیکس ادا کرنا تھا۔

ہوائی(نیٹ نیوز/ایمرا نیوز) ہوائی کے سمندر میں بہادر خاتون مہم جو نےخونخوار شارک کے ساتھ تیراکی کا خطرناک مظاہرہ پیش کیا۔یوں تو شارک کو کافی خونخوار اور خوف و دہشت کی علامت سمجھا جاتا ہے لیکن اس بہادر خاتون ڈائیور کے تو کیا ہی کہنے جس نے شارکس کیساتھ تیراکی کرکے خود کو خطروں کا کھلاڑی ثابت کردکھایا ہے۔

ہوائی کے گہرے سمندرمیں تیراکی کرتی اس نڈرخاتون ڈائیور نے 20فٹ لمبی اور 8فٹ چوڑی خطرناک شارک مچھلی کے ساتھ تیراکی کی۔بغیر کسی حفا ظتی انتظا م کے جا ن لیوا شا رک کے ساتھ غوطہ خوری کے ان یاد گار لمحا ت کو دیکھتے ہوئے ڈائیور کی بہادری کو داد تو دینی پڑے گی۔

روس(نیٹ نیوز/ایمرا نیوز) دنیا بھر میں سربراہان مملکت خیر سگالی کے طور پرایک دوسرے کو تحفے تحائف پیش کرتے رہتے ہیں۔ایسا ہی ایک تحفہ روسی صدر پیوٹن کو بھی ملا جس نے ان کے چہرے پر مسکراہٹ بکھیر دی۔

سربیا کے سرکاری دورے کے موقع پر روسی صدر پیوٹن نے سربیا کے صدر ایلکژینڈر ووکک (Aleksandar Vucic) سے ملاقات کی۔اس دوران سربیا کے صدر نے خیر سگالی کے طور انہیں ایک کتا تحفے میں پیش کیا۔اس موقع پر پیوٹن نہایت خوش دکھائی دیئے اور 4ماہ کے ننھے کتے کے پاس جا کر اسے پیار بھی کیا۔واضح رہے کہ روسی صدر پیوٹن کو اعلیٰ نسل کے کتے پالنے کا شوق ہے اور یہی وجہ ہے کہ انہیں ترکمانستان،جاپان،بلغاریہ اور کرغستان سے بھی کتوں کے تحفے مل چکے ہیں۔