Tag JahangirTomb

سری نگر(ایمرا نیوز آن لائن) مقبوضہ کشمیر میں بھارتی فورسز کے مظالم کا سلسلہ بدستور جاری ہے ، بدھ کو تازہ کارروائی میں مزید 2 نوجوانوں کو شہید کردیا گیا جبکہ مشترکہ مزاحمتی قیادت کی کال پر وادی میں مکمل ہڑتال رہی ۔کشمیری میڈیا کے مطابق بدھ کے روز الصبح قابض بھارتی فورسز نے مقبوضہ کشمیر کے ضلع بڈگام کے علاقے چدورا کا محاصرہ کیا ،جس کے دوران گھر گھر تلاشی لی گئی۔قابض فورسز نے سرچ آپریشن کے نام پر فائرنگ کر کے 2 نوجوانوں کو شہید کردیا ،جس کےخلاف لوگ سڑکوں پر نکل آئے اور احتجاج کیا۔دوسری جانب حریت رہنما سید علی گیلانی، میر واعظ عمر فاروق اور یاسین ملک نے بھارتی آئین کے آرٹیکل 35 اے کے خاتمے کی کوشش کےخلاف وادی بھر میں مکمل ہڑتال کی کال دی ہے۔واضح رہے کہ بھارتی سپریم کورٹ میں آرٹیکل 35 اے سے متعلق کیس زیر سماعت ہے، اس قانونی دفعہ کا تعلق مقبوضہ کشمیر کے عوام کی خصوصی شہریت سے متعلق ہے۔

اپوزیشن لیڈر شہباز شریف 18 فروری کو طلب
لاہور(ایمرا نیوز آن لائن)لاہور کی احتساب عدالت نے سابق آرمی چیف جنرل (ر) اشفاق پرویز کیانی کے بھائی کامران کیانی، پیراگون سٹی ہاؤسنگ سوسائٹی کے ڈائریکٹر ندیم ضیا اور آشیانہ اقبال ہاؤسنگ اسکینڈل میں دیگر ملزمان کو اشتہاری قرار دےدیا۔احتساب عدالت کے جج نجم الحسن نے قومی احتساب ادارے (نیب) کی درخواست پر 3 مشتبہ ملزمان کو 10 جنوری کو ’مفرور‘ قرار دیا تھا اور نیب کو ہدایت کی تھی کہ تینوں ملزمان کے اخبارات میں وارنٹ شائع کرنے کے بعد 11 فروری کو رپورٹ پیش کرے۔واضح رہے کہ نیب استغاثہ وارث علی جنجوعہ نے عدالت سے درخواست کی تھی کہ کرمنل پروسیجر کوڈ کی دفعہ 87 اور 88 کے تحت کارروائی کا آغاز کیا جائے تاکہ کامران کیانی اور دیگر کو ’مفرور‘ قرار دیا جاسکے۔نیب رپورٹ میں کہا گیا کہ ملزمان کے وارنٹ پیش نہیں کیے جاسکے ہیں کیونکہ ان کے گھروں پر تالا لگا ہے۔عدالت نے نیب کی درخواست اور رپورٹ پر تینوں ملزمان کو ’اشتہاری‘ قرار دے دیا۔عدالت نے قومی اسمبلی میں اپوزیشن لیڈر شہباز شریف کو مذکورہ کیس میں 18 فروری کو طلب بھی کرلیا ہے۔سماعت کے دوران نیب کی جانب سے تین ملزمان، وزیر اعظم کے سابق پرنسپل سیکریٹری فواد حسن فواد، لاہور ڈویلپمنٹ اتھارٹی کے سابق ڈائریکٹر جنرل احد خان چیمہ اور بسم اللہ انجینئرنگ کے شاہد شفیق کو عدالت میں پیش کیا گیا۔خیال رہے کہ نیب نے اپنے ریفرنس میں شہباز شریف پر وزیر اعلیٰ پنجاب کی حیثیت سے اختیارات کا ناجائز استعمال کرنے کا الزام لگایا ہے۔ان کا کہنا ہے کہ پنجاب لینڈ ڈویلپمنٹ کمپنی (پی ایل ڈی سی) نے بورڈ آف ڈائریکٹرز کی منظوری کے بغیر آشیانہ اقبال ہاؤسنگ اسکیم کے انفراسٹرکچر کی تعمیر کا ٹھیکہ 2013 میں ایم/ایس چوہدری عبدالطیف اینڈ سنز کو دیا تھا۔کونپرو سروسز پرائیوٹ لمیٹڈ نامی کمپنی نے فواد الحسن فواد کو رشوت دینے کی شکایت کی تھی۔نیب نے الزام لگایا کہ شکایت گزار کمپنی کامران کیانی کی ملکیت میں ہے۔ریفرنس میں کہا گیا کہ سابق وزیر اعلٰی نے قانونی اختیار کے بغیر پی ایل ڈی سی کو رہائشی منصوبہ ایل ڈی اے کے سپرد کرنے کا حکم دیا اور اس وقت احد چیمہ ایل ڈی اے کے ڈائریکٹر جنرل کی حیثیت سے سربراہی کر رہے تھے۔ان کا کہنا تھا کہ ایل ڈی اے نے پبلک پرائیوٹ پارٹنرشپ کے تحت یہ منصوبے کا آغاز کیا تاکہ بسم اللہ انجینئرنگ کو غیر قانونی فائدہ پہنچایا جاسکے۔نیب کا یہ بھی کہنا تھا کہ بسم اللہ انجینئرنگ سروسز پیراگون سٹی پرائیوٹ لمیٹڈ کی ذیلی کمپنی ہے۔

پاکستان سٹیزن پورٹل دنیا میں دوسری بہترین گورنمنٹ موبائل ایپلی کیشن قرار پائی‘ٹوئٹ
اسلام آباد(ایمرا نیوز آن لائن) وزیراعظم عمران خان نے کہا ہے کہ وزیراعظم آفس کے شکایات سیل نے ناقابل یقین کامیابی حاصل کی۔بدھ کو سماجی رابطے کی ویب سائٹ ٹوئٹرپرعمران خان نے کہا کہ وزیراعظم آفس کے شکایات سیل نے ناقابل یقین کامیابی حاصل کی، شکایات سیل نے لوگوں کے مسائل کے حل کیلئے براہ راست رابطہ قائم کیا۔دوسری جانب پاکستان سٹیزن پورٹل دنیا میں دوسری بہترین گورنمنٹ موبائل ایپلی کیشن قرار پائی۔

برسلز(ایمرا نیوز آن لائن )نیٹو سیکریٹری جنرل جان اسٹولٹن برگ نے کہا ہے کہ افغانستان میں صورتحال مشکل ہے لیکن امن کیلئے کوششیں بھی جاری ہیں۔ان خیالات کا اظہار انہوں نے برسلز میں شروع ہونے والی نیٹو وزرائے دفاع کی کانفرنس سے ایک دن قبل پریس کانفرنس سے خطاب کرتے ہوئے کیا۔نیٹو سیکریٹری جنرل جان اسٹولٹن نے خطاب میں بتایا کہ افغانستان میں ممکنہ امن معاہدے کیلئے امریکا ہم سے رابطے میں ہے۔انہوں نے کہا کہ گذشتہ ہفتوں کے دوران امریکا کے افغانستان کے لئے خصوصی نمائندے زلمے خلیل زاد سے تین ملاقاتیں ہوئی ہیں۔لیکن یہ کہنا ابھی قبل از وقت ہے کہ وہاں معاہدہ ہوچکا ہے۔سےکرٹری جنرل نیٹو نے کہا کہ نیٹو ایسے حالات پیدا کرنے کیلئے کوشاں رہے گا جس سے امن کیلئے معاہدے کی راہ ہموار ہوسکے۔انہوں نے مزید کہا کہ ہم(امریکہ اور اتحادی) افغانستان میں اکٹھے گئے تھے اور مستقبل کا فیصلہ بھی ہم مل کر کریں گے۔

آئندہ سماعت پرفریقین کے وکلادلائل کیلئے طلب
لاہور(ایمرا نیوز آن لائن)لاہور ہائیکورٹ نے قومی ایئر لائن (پی آئی اے)میںخواتین پائلٹس کی بھرتی کا عمل جاری رکھنے کا حکم دیدیا۔ بدھ کو لاہور ہائیکورٹ میں پی آئی اے میں خواتین پائلٹس کاکوٹہ نظراندازکرنے سے متعلق سماعت درخواست کی سماعت ہوئی،جسٹس مامون الرشیدکی سربراہی میں 2 رکنی بنچ نے سماعت کی،عدالت نے پی آئی اے کوخاتون پائلٹس کی بھرتی کاعمل جاری رکھنے کاحکم دیدیا اور آئندہ سماعت پرفریقین کے وکلادلائل کیلئے طلب کر لئے۔

لاش ٹراما سینٹرمنتقل ‘ملزمان فرار
کلر کہار(ایمرا نیوز آن لائن) تجارتی مرکزمیانی اڈہ پرتاجرکو دکان کے سامنے قتل کردیا گیا۔پولیس کے مطابق کلرکہارمیں تجارتی مرکزمیانی اڈہ پرتاجرمحمد ریاض کودکان کے سامنے قتل کردیا گیا۔ تاجرمحمد ریاض دکان کھول رہا تھا کہ نامعلوم افراد نے فائرنگ کردی۔پولیس کا کہنا ہے کہ مقتول کی لاش کوٹراما سینٹرکلرکہارمنتقل کردیا گیا، جس کی لوہے کی دکان تھی جبکہ فائرنگ کرنے والے ملزمان موقع واردات سے فرار ہونے میں کامیاب ہوگئے ،جن کی تلاش جاری ہے ۔

لاش پوسٹ مارٹم کیلئے ہسپتال منتقل
خودکشی بیماری کی وجہ سے کی‘کوئی ذمہ دار نہیں:مدثر
سرگودھا(ایمرا نیوز آن لائن) صوبہ پنجاب کے شہر سرگودھا میں پولیس ٹریننگ اسکول میں ایک زیر تربیت سپاہی نے مبینہ طور پر گولی مار کر خودکشی کرلی۔پولیس کے مطابق فیصل آباد کا رہائشی مدثر گذشتہ 3 ماہ سے پولیس ٹریننگ اسکول میں تربیت حاصل کر رہا تھا۔خود کو گولی مار کر خودکشی کرنے والے مدثر کی جیب سے کاغذ پر لکھی ہوئی ایک تحریر ملی ہے، جس میں درج ہے کہ میں بیماری کی وجہ سے خود کشی کر رہا ہوں اور میرے اس عمل کا کوئی ذمہ دار نہیں ہے ۔لاش کو پوسٹ مارٹم کے لیے ڈسٹرکٹ ہیڈکوارٹرز (ڈی ایچ کیو) ٹیچنگ اسپتال منتقل کردیا گیا، جہاں سے اسے ورثاءکے حوالے کردیا جائےگا۔دوسری جانب پولیس کا کہنا ہے کہ واقعے کی مختلف پہلوؤں سے تحقیقات کی جارہی ہیں۔

اسکیموں کا جائزہ جاری ہے ‘ریاض دنیا بھر میں پٹرول اور گیس کے ذخائر تلاش کرے گا
سعودی وزیر پیٹرولیم و توانائی خالد الفالح
ریاض(ایمرا نیوز آن لائن) سعودی فرماں روا شاہ سلمان بن عبدالعزیز کی کابینہ نے آئل ریفائنری سمیت پاکستان میں معاہدوں کا کلی اختیار وزراءکو تفویض کردیا۔شاہ سلمان بن عبدالعزیز کی زیرصدارت کابینہ کے اجلاس کے دوران کئی اہم فیصلے کیے گئے۔سعودی خبر رساں ایجنسی کے مطابق وزیر پیٹرولیم خالد الفالح پاکستان کےساتھ مفاہمتی یادداشتوں پر دستخط کریں گے جبکہ عجائب گھر اور آثار قدیمہ کے شعبوں میں پاکستان کےساتھ تعاون کی مفاہمتی یادداشت کا اختیار سیاحت و قومی ورثے کے سربراہ کو دیا گیا ہے۔بدھ کے روز اس ضمن میں سعودی وزیر پیٹرولیم و توانائی خالد الفالح نے کہا کہ سعودی عرب دنیا بھر میں پٹرول اور گیس کے ذخائر تلاش کرے گا ،جس کے لیے اسکیموں کا جائزہ لے رہے ہیں۔ان کا مزید کہنا تھا کہ مستقبل میں آرامکو بیرونی دنیا میں بھی اپنا کام پھیلائے گی۔واضح رہے کہ سعودی ولی عہد شہزادہ محمد بن سلمان 16 فروری کو وفد کے ہمراہ پاکستان پہنچ رہے ہیں، اس موقع پر پاکستان اور سعودی عرب کے درمیان آئل ریفائنری سمیت 20 ارب ڈالر کے معاہدے متوقع ہیں۔

اسلام آباد(ایمرا نیوز آن لائن )اسلام آباد ہائی کورٹ نے جدہ ٹاؤن ہاؤسنگ سوسائٹی کےمتاثرہ شہری کی درخواست پر گیلانی کارپوریشن اور سی ڈی اے جواب طلب کرتے ہوئے سماعت 27 مئی تک ملتوی کر دی ہے۔ جسٹس محسن اختر کیانی نے شہری حمید عباسی کی جانب سے دائر درخواست پر سماعت کی۔درخواست گزار کی جانب سے سپریم کورٹ کے سینئر وکیل مدثر عباسی ایڈووکیٹ پیش ہوئے اور عدالت کو بتایا کہ جی ٹی روڈ پر گیلانی کارپوریشن نے جدہ ٹاؤن نامی ہاؤسنگ سوسائٹی بنائی جس میں بڑی تعداد میں اوورسیز پاکستانیوں نے پلاٹوں کے حصول کی درخواستیں دیں۔ سوسائٹی نے کاغذی کارروائی کر کے دیار غیر میں مقیم پاکستانی محنت کشوں سے رقوم وصول کر لیں ،موقع پر جگہ کم اور رجسٹریاں زیادہ ہو گئیں ، جو زمین تھی اس میں سے بھی بیشتر زمین پر مقامی افراد نے قبضہ کر رکھا ہے۔ بعد ازاں متاثرین کی درخواست پر نیب نے بھی نوٹس لیا۔ درخواست گزار حمید عباسی نے 2010ء میں سپریم کورٹ میں از خو دنوٹس کے لئے درخواست دی جس پر نیب اور سی ڈی اے نے اپنے جوابات داخل کرائے۔ سیڈی اے کے جواب میں کہا گیا تھا کہ وہ خود پلاٹ بنا کر متاثرین کو الاٹ کریں گے جس پر عدالت عظمیٰ نے درخواست نمٹا دی مگر ابھی تک متاثرین کو آج تک کچھ نہیںملا۔ ان کا کہنا تھا کہ یہ دیار غیر میں بسنے والے پاکستانیوں کے خون پسینے کی کمائی پر ڈاکہ ڈالنے کا کیس ہے۔ اپنے پیاروں سے دور رہ کر روشن مستقبل کی آس میں سوسائٹی میں پلاٹ لینے والے آج در بدر کی ٹھوکریں کھا رہے ہیں۔ انہوں نے عدالت سے استدعا کی کہ فریقین سے جواب طلبی کر کے درخواست گزار کو اس کا حق دلایا جائے۔ مدثر عباسی ایڈووکیٹ کے دلائل سننے کے بعد فاضل عدالت نے فریقین کو نوٹس جاری کرتے ہوئے مزید سماعت 27 مئی تک ملتوی کر دی۔

لاہور(ایمرا نیوزآن لائن رپورٹ عمر خالد سے) قندھار سے آنے والی گرد آلود ہوائیں بلوچستان کے دارالخلافہ کوئٹہ پہنچ گئیں، وادی میں گرد آلود ہواؤں کے جھکڑ چلنے سے سردی بڑھ گئی۔چمن میں تیز ہوائیں چلنے سے کئی مقامات پر سائن بورڈ گر گئے۔کوئٹہ میں گزشتہ شام قندھار سے آنے والی گرد آلود سرد ہواؤں نے موسم کو مزید سرد کر دیا، ہوائیں چلنے سے شہر میں کاروبارِ زندگی بری طرح متاثر ہوا۔کئی علاقوں میں بجلی کے تار آپس میں ٹکرانے سے بجلی کے فیڈر ٹرپ ہو گئے اور شہر کے کئی علاقوں میں بجلی کی فراہمی معطل ہوگئی۔دوسری جانب سردی کی شدت میں اضافے سے مختلف علاقوں میں سوئی گیس کے پریشر میں بھی کمی آئی ہے۔چمن شہر میں رات ہوتے ہی تیز ہوائیں چلنا شروع ہو گئیں، طوفانی ہوائیں چلنے سے کئی علاقوں میں سائن بورڈز اور درخت گر گئے، جس کے باعث شہری گھروں میں محصور ہو گئے۔کان مہتر زئی، توبہ اچکزئی، توبہ کاکڑی میں برفباری سے رابطہ سڑکوں پر ٹریفک کی روانی متاثر ہوئی ہے۔
ہوائوں