Tag jail

میرپورخاص(ایمرا نیوزآن لائن) میرپورخاص ڈسٹرکٹ جیل میں ایچ آئی وی پازیٹو کے ایک اور کیس کی تصدیق ہوگئی ہے جبکہ تین قیدیوں کےسیمپلز تصدیق کے لئے کراچی روانہ کئے گئے ہیں۔محکمہ صحت کے ذرائع کے مطابق تینوں قیدیوں کے ایچ آئی وی وائرس میں مبتلا ہونے سے متعلق کراچی کی لیب سے تصدیق کا انتظار ہے۔اس سے قبل ڈسٹرکٹ جیل میں 6 ایچ آئی وی پازیٹو کیسز کا انکشاف ہوچکا ہے، اس طرح جیل میں ایسے مریضوں کی تعداد7 ہو گئی ہیں۔

ایڈیشنل ڈپٹی کمشنر عطاء اللہ شاہ نے چند روز قبل میرپورخاص ضلع میں 270 ایچ آئی وی پازیٹو کیسز کا انکشاف کیا تھا۔دستاویزات کے مطابق میرپورخاص ضلع میں گزشتہ چار سال کے دوران 273 ایچ آئی وی پازیٹو کیسز رجسٹرڈ کئے گئے جن میں سے 84 مریض انتقال کرچکے ہیں۔محکمہ صحت کے ذرائع کا کہنا ہے کہ میرپورخاص میں ایچ آئی وی اسکریننگ کا کوئی نظام نہ ہونے کے باعث ایسے مریضوں کی تعداد کہیں زیادہ ہوسکتی ہے۔

ینگون:(ایمرا نیوزآن لائن) میانمار کی حکومت نے روہنگیا مسلمانوں پر ظلم و ستم سے دنیا کو باخبر کرنے والے خبر رساں ادارے رائٹر کے 2 صحافیوں کو جیل سے رہا کردیا۔غیر ملکی خبر رساں ادارے کے مطابق میانمار حکومت نے روہنگیا مسلمانوں پر ظلم و ستم سے دنیا کو باخبر کرنے رائٹرز کے 2 صحافیوں کو رہا کردیا ہے، دونوں صحافیوں کو 17 اپریل کو صدارتی عام معافی کے اعلان کے بعد دوسرے بہت سے قیدیوں کے ہمراہ رہا کرنے کا اعلان کیا گیا۔

دونوں صحافیوں نے جیل سے رہائی کے بعد بھی صحافتی ذمہ داریاں جاری رکھنے کے عزم کا اظہار کیا ہے۔واضح رہے کہ رائٹرز کے دونوں صحافیوں کومیانمار کی حکومت نے روہنگیا مسلمانوں پر ظلم و ستم سے دنیا کو آگاہ کرنے کے جرم میں گزشتہ سال ستمبر میں 7 سال قید کی سزا سنائی تھی۔

لاہور(ایمرا نیوزآن لائن) ایفی ڈرین کیس میں ضمانت پر رہا ہونے والے مسلم لیگ نون کے رہنما حنیف عباسی کو شیخ زید اسپتال سے جیل منتقل کر دیا گیا ہے، ان کی آج رہائی کا امکان ہے۔حنیف عباسی کے بیٹے حماس عباسی کے مطابق ان کے والد کو شیخ زید اسپتال لاہور سے کیمپ جیل منتقل کر دیا گیا ہے۔انہوں نے امید ظاہر کی ہے کہ آج ان کے والد کی رہائی ممکن ہو جائے گی۔واضح رہے کہ ایفی ڈرین کیس میں لاہور ہائی کورٹ نے حنیف عباسی کی سزا معطل کر کے انہیں ضمانت پر رہا کرنے کا حکم دیا تھا۔

لاہور(نیٹ نیوز/ایمرا نیوز) پنجاب کے دارالخلافہ لاہور کی کوٹ لکھپت جیل میں سابق وزیر اعظم میاں نواز شریف سے آج ملاقات کا دن ہے۔نواز شریف سے ملاقات کرنے کے لیے مسلم لیگ نون کے مختلف رہنماؤں کی کوٹ لکھپت جیل آمد کا سلسلہ جاری ہے۔نواز شریف سے ان کے گھر والے آج کوٹ لکھپت جیل لاہور میں ملاقات کریں گے،نون لیگی کارکن بھی جیل کے باہر موجود ہیں۔کوٹ لکھپت جیل لاہورکے باہر سیکیورٹی کے حوالے سے پولیس کی بھاری نفری بھی تعینات کی گئی ہے۔جیل حکام کے مطابق قیدیوں سے ملاقات کا وقت صبح 9بجے سے دوپہر 2 بجے تک مقرر ہے، اس دوران سابق وزیر اعظم میاں نواز شریف سے صرف فہرست میں شامل افراد کو ہی ملاقات کی اجازت ہو گی۔اس سے قبل لاہور کی کوٹ لکھپت جیل میں گزشتہ روز نواز شریف کے 5 رکنی میڈیکل بورڈ نے گزشتہ روز نواز شریف کا کوٹ لکھپت جیل میں طبی معائنہ کیا، ایکسپرٹس ڈاکٹرز کی ٹیم نے ان مختلف ٹیسٹوں کے لیے نمونے بھی لیے۔نوازشریف کی طبیعت خراب ہونے پر جیل کے سپرنٹنڈنٹ نے طبی معائنے کے لیے خصوصی ٹیم کی درخواست کی تھی جس پر ان کا طبی معائنہ کیا گیا۔

کراچی(نیٹ نیوز/ایمرا نیوز) کراچی میں انسداد دہشت گردی کے محکمے نے کارروائی کر کے گرفتار ٹارگٹ کلر رئیس مما کے قریبی ساتھی کو گرفتار کرلیا ہے۔سی ٹی ڈی نے کراچی کے علاقے کورنگی میں کارروائی کی، جس کے دوران رئیس مما کا قریبی ساتھی گرفتار ہوا ہے۔پولیس کے مطابق گرفتار ملزم محمد مزمل عرف ہلکا کا تعلق سیاسی جماعت سے ہے، جو متعدد وارداتوں میں ملوث ہے، ملزم 2001ء میں یونٹ 74 کورنگی کا کارکن رہ چکا ہے ۔ملزم نے 2001ء میں سیکٹر انچارج کے کہنے پر اعجاز شاہ نامی شخص کی ریکی کی، ساتھیوں کے ساتھ مل کر ریکی کے بعد اعجاز شاہ کو فائرنگ کر کے قتل کیا۔ملزم قتل کے مقدمے میں پولیس کو مطلوب تھا، گرفتار ملزم سے ساتھیوں کے بارے میں مزید تفتیش جاری ہے۔ملزم مزمل عرف ہلکا نے پارٹی احکامات پر بھتہ خوری، جلاؤ، گھیراؤ اور ہنگامہ آرئی کا اعتراف کیا ہے۔اُدھر شرافی گوٹھ میں رینجرز اور پولیس کے مشترکہ مبینہ مقابلے کے دوران فائرنگ کے تبادلے کے بعد 4ملزمان کو گرفتار کر لیا گیا ہے۔گرفتار ملزمان سنگین نوعیت کے متعدد مقدمات مطلوب تھے جن کے قبضے سے دستی بم اور اسلحہ بمعہ گولیاں برآمد ہوا ہے۔ملزمان سلیم، کامران، اقبال اور ناظم سے کے خلاف پولیس نے مقدمات کا اندراج کر لیا اور تفتیش کا آغاز کر دیا ہے ۔

سرگودھا (نیٹ نیوز/ایمرا نیوز) سرگودھا پولیس نے ڈاکوؤں کے بین اضلاعی گروہ کے 4اراکین کو گرفتار کرلیا،گروہ کا سرغنہ ثقلین عرف وحشی پنجاب کے مختلف اضلاع کی پولیس کو مطلوب تھا ۔ڈی ایس پی بھلوال غلام عباس کے مطابق تھانہ بھیرہ پولیس نے 11سے زائد سنگین مقدمات میں ملوث ڈاکوؤں کے گروہ کو گرفتار کیا ہے ، جن سے لوٹی گئی 32لاکھ روپے کی نقدی، موبائل فون، موٹر سائیکلیں، مویشی اور ناجائز اسلحہ برآمد کرلیا ہے گیا۔ڈاکوؤں کا یہ گروہ پولیس کے لیے درد سر بنا ہوا تھا،گرفتار ملزمان میں چنیوٹ کا رہائشی ثقلین عرف وحشی، چنیوٹ کا ہی ظفر عباس، اسلام آباد کا شہزاد، ٹھٹی بالا کا راجہ اور سرگودھا کا خالد شامل ہے۔پولیس نے ملزمان کے قبضے سے جدید اسلحہ بھی برآمد کیا ہے،ڈی ایس پی صدر سرکل بھلوال نےدفتر میں اصل مالکان کو لوٹا گیا مال بھی واپس کیا۔

لاہور(نیٹ نیوز/ایمرا نیوز) لاہور کی احتساب عدالت نے نیب کو مسلم لیگ ن کے صدرشہباز شریف سے آمدن سے زائد اثاثوں کے کیس میں جیل میں تفتیش کی اجازت دیدی ۔نیب لاہور کی جانب سے احتساب عدالت میں درخواست دی گئی کہ وہ شہباز شریف سے جیل میں تفتیش کرنا چاہتے ہیں۔درخواست میں موقف اختیار کیا گیا تھا کہ شہباز شریف کے اثاثے ذرائع آمدن سے مطابقت نہیں رکھتے جبکہ آمدن سے زائد اثاثوں کےکیس میں شہبازشریف سے تفتیش بھی مکمل نہیں ہوئی ہے۔نیب حکام کی جانب سے عدالت سے درخواست کو منظور کرنے کی استدعا کی گئی، جس کے بعد عدالت نے نیب حکام کی درخواست منظور کرتے ہوئے شہباز شریف سے جیل میں تفتیش کرنے کی اجازت دیدی ہے ۔

لاہور:(نیٹ نیوز/ایمرا نیوز) جیل حکام نے شہبازشریف کو اہلخانہ سے ملاقات کی اجازت دے دی۔اپوزیشن لیڈر شہبازشریف کے اہلخانہ کی جانب سے جیل حکام سے ملاقات کی درخواست کی گئی تھی جسے منظور کرلیا گیا ہے۔ذرائع کاکہناہے کہ جیل حکام کی جانب سے اجازت ملنے کے بعد شہبازشریف کی اہلخانہ سے ملاقات کل ہوگی۔ذرائع نے بتایا کہ شہبازشریف کی ان کے اہلخانہ سے ملاقات کل دوپہر منسٹر انکلیو میں کرائی جائے گی۔مسلم لیگ (ن) کے صدر شہبازشریف اور ان کے بڑے بھائی نوازشریف کی ملاقات بھی منسٹر انکلیو میں بدھ کے روز ہوئی تھی جو تقریباً ڈیڑھ گھنٹہ جاری رہی۔واضح رہےکہ آشیانہ اقبال ہاؤسنگ کیس میں گرفتار شہبازشریف ان دنوں راہداری ریمانڈ پر ہیں اور قومی اسمبلی کے سیشن میں شرکت کے لیے پروڈکشن آرڈر پر اسلام آباد میں موجود ہیں۔

بر ازیل(نیٹ نیوز/ایمرا نیوز) بر ازیل کی جیل میں سالانہ مقابلہ حُسن کا انعقادکیا گیا جہاں قاتل حسینائیں دیگر خواتین پر سبقت لے گئیں۔برازیل کے شہر ریو ڈی جنیرو میں خواتین کی جیل میں 10 ویں سالانہ مقابلہ حُسن کا انعقاد کیا گیا جسے قاتل حسینہ نے جیت کر سر پر چمکتا تاج سجا لیا۔Miss Brasilia Penitentiary 2018 نامی اس مقابلے میں منشیات فر وشی ، قتل اور چوری کے الزام میں قید تقریباً400 سے زائدخواتین نے حصہ لیا اور کیٹ واک کی۔مقابلے میں 10 خواتین پر سبقت لے جاتے ہوئے قتل کے جرم میں ملوث اور جیل کاٹتی 25سالہ ورونیکا ویرون نے مقابلہ جیت کر ایک ہزار ڈالر کا انعام اور مس جیل کا ٹائٹل اپنے نام کرلیا۔اس مقابلے کا انعقاد برازیل کی وزا رتِ سما جی بہبو د و انسانی حقو ق کی جا نب سے کیا گیا تھا جس میں قیدی خواتین کو ان کی خو بصورتی، معلو مات عامہ اور جیل میں ساتھیوں سے ان کے رویے کی بنیا دپر جانچا گیا ۔

اسلام آباد(ایم نائن ٹو ڈاٹ ٹی وی )مصری پاپ گلوکارہ ”شئیمہ“ کو میوزک ویڈیو میں شرمناک انداز میں کیلاکھانے پر جیل بھیج دیا گیا۔ تفصیلات کے مطابق مصری گلوکارہ شئیمہ کو میوزک ویڈیو میں نیم برہنہ حالت میں ایک کلاس روم میں مردوں کے سامنے کیلے پر دودھ ڈال کر کھانے اور اس کے ساتھ ہلکا پھلا ڈانس کرنے پر شکایت موصول ہونے پر جیل بھیج دیا گیا ہے۔ شئیمہ کی شرمناک ویڈیو سامنے آنے پر اس کے خلافشکایات کے انبار لگنے پر 21سالہ گلوکارہ کو حراست میں لے لیاگیاجبکہ مقامی میڈیا نے بھی ویڈیو کو شدید تنقید کا نشانہ بنایا۔ گلوکارہ نے ویڈیو پرسوشل میڈیا پر معافی مانگتے ہوئے لکھاکہ ”نوجوانی میں ہی گلوکارہ بننے کے خواب سجانے والی نوجوان گلورہ ہونے کے ناطے انہیں ردعمل کا اندازہ نہیں تھا، میں ان تمام لوگوں سے معذرت چاہتی ہوں جنہوں نے ویڈیو دیکھی اور ناموزوں ہونے کی وجہ سے کوفت کا سامنا کرنا پڑا۔