Tag jang news

ٹوکیو(ایمرا نیوز آن لائن)جاپان کی ایک دیرینہ کہانی کہ اورنج جوس نلکے سے پانی کی طرح نکلتا ہے اُس وقت سچ ثابت ہو گئی جب ایک سپر سٹور میں نصب 2 نلکوں سے جوس نکلنے لگا۔

میڈیا رپورٹس کے مطابق جاپان کے مغربی شہر ایہیمے میں سجنے والے اورنج میلے میں ایک سپر سٹور کے دو نلکوں سے اورنج جوس نکلنا شروع ہو گیا ہے، دور دراز سے آنے والے سیاح پہلے تو بہت حیران ہوئے تاہم بعد میں خوب سیر ہو کر جوس پیا۔

نلکوں سے اورنج جْوس نکلنے کی کہانی کا آغاز ایہیمے شہر سے ہوا جو جاپان میں اورنج اور دیگر تْرش پھل سب سے زیادہ پیدا کرنیوالے علاقوں میں شمار ہوتا ہے ۔ سیاحوں نے تازہ جوس نلکوں سے نکلنے کی خوب ویڈیوز بنائیں۔ سپرسٹورکے نلکے اصل میں انتظامیہ کی طرف سے دی گئی فری آفرکا حصہ تھے۔

اسلام آباد(ایمرا نیوز آن لائن)ایل این جی ریفرنس میں ن لیگی رہنما شاہد خاقان عباسی کے جوڈیشل ریمانڈ میں 4 فروری تک توسیع، سماعت 4 فروری تک ملتوی کر دی گئی۔
ایل این جی ریفرنس، سابق وزیراعظم شاہد خاقان عباسی و دیگرملزمان کو عدالت پیش کیا گیا، ن لیگی رہنما مفتاح اسماعیل حاضری سےاستثنیٰ کے باعث پیش نہ ہوئے۔عدالت نے چیئرپرسن اوگراعظمیٰ عادل، سابق چیئرمین سعید احمد کو حاضری یقینی بنانے کیلئے ایک کروڑ کے مچلکے جمع کرانے کا حکم دیا، فاضل جج نے ریمارکس دیئے کہ ایک مفرورملزم کی وجہ سے فرد جرم عائد نہیں کر سکتے، رپورٹ آ جائے پھر کارروائی آگے بڑھے گی۔ انہوں نے نیب سے مفرورملزم شاہد اسلام کے وارنٹ گرفتاری کی رپورٹ بھی طلب کر لی۔ عدالت نے ن لیگی رہنما شاہد خاقان عباسی کے جوڈیشل ریمانڈ میں 4 فروری تک توسیع کرتے ہوئے ایل این جی ریفرنس کی سماعت 4 فروری تک ملتوی کر دی۔

کراچی(ایمرا نیوزآن لائن) اسٹیٹ بینک نے پانچ ہزار روپے کے نوٹ پر پابندی کی تردید کردی۔

مرکزی بینک کے ترجمان کی جانب سے جاری بیان میں کہا گیا ہےکہ پانچ ہزار روپے کے نوٹ پر پابندی عائد نہیں کی جارہی ہے اور پانچ ہزار کے نوٹ کو بند کرنے کی کوئی تجویز بھی زیر غور نہیں ہے۔

(میڈیا 92 نیوز آن لائن) کرتار پور راہداری پر بھارت سے آئے سکھ یاتریوں کی کلیئرنس کے عمل میں تیزی لانےکے لیے 80 امیگریشن کاؤنٹرز قائم کر دیئے گئے ہیں۔

گزشتہ ہفتے پاکستان اور بھارت کے درمیان کرتارپور راہداری کے معاہدے پر دستخط ہوئے تھے، جس کے تحت بھارت کے سکھ یاتری بغیر ویزے پاکستان میں موجود اپنے چند مقدس مقامات کا دورہ کر سکیں گے۔

کرتارپور راہداری معاہدے کے مطابق روزانہ 5 ہزار سکھ یاتری اس راہداری کا استعمال کرتے ہوئے گوردوارہ دربار صاحب کا دورہ کرسکیں گےجہاں گرو نانک نے اپنی زندگی کے آخری 18 سال گزارے تھے۔

میڈیا رپورٹس کے مطابق وزارت داخلہ کی جانب سے بھارت سے آئے یاتریوں کی سہولت کے لیے تین داخلی راستے بنائے گئے ہیں۔ فیڈرل انویسٹی گیشن ایجنسی (ایف آئی اے) یاتریوں کی کلیئرنس لسٹ اُن کی آمد سے 10 روز قبل بھارتی حکام کو بھیجے گی ۔ میڈیارپورٹس کے مطابق پاکستان رینجرز کےزیر نگرانی خصوصی بسوں میں یاتریوں کو گوردوارہ دربار صاحب لے جایا جائے گا جبکہ گوردوارے میں داخل ہونے سے قبل اُن کے پاسپورٹ اسکین کیے جائیں گے۔

پاکستان اور بھارت دونوں ممالک سے آئے یاتریوں کو گوردوارہ دربار صاحب میں داخلےسے قبل بائیو میٹرک اسکریننگ کروانی ہوگی۔ اس کے علاوہ زیارت کے لیے آئے یاتری واپسی کے لیے اُسی گیٹ کا استعمال کریں گےجہاں سے وہ تصدیق کے بعد اندر آئے تھے۔

رپورٹ کے مطابق وزارت داخلہ نے راہداری پر کارروائیوں میں آسانی پیدا کرنے کے لیے 169 انسپکٹر اور سب انسپکٹر ، کانسٹیبل اور خواتین کانسٹیبل کے علاوہ دو اسسٹنٹ ڈائریکٹر اور ایک ڈپٹی ڈائریکٹر مقرر کیا ہے۔ کرتارپور راہداری پر زیارت کے لیے آئے یاتریوں سے 20 ڈالر سروس چارجز لیے جائیں گے۔

یہ بھی پڑھیے: کرتار پور: سکھ یاتریوں کیلئے ہدایت نامہ جاری پاکستان امیگریشن حکام ہر بھارتی یاتری کو ایک ’بار کوڈ‘ والا کارڈ جاری کریں گے، بھارتی یاتریوں کی آمد صبح 8سے دن 12بجے تک ہوگی اور غروب آفتاب تک سب یاتریوں کو واپس جانا ہوگا۔

وزیر اعظم عمران خان 9نومبر کو کرتارپور راہداری کا افتتاح کریں گےجبکہ بابا گرو نانک کے 550 ویں جنم دن کی تقریبات کا آغاز 12 نومبر سے کیا جائے گا۔

( میڈیا 92 نیوز آن لا ئن) سانحہ ساہیوال کیس میں تمام ملزمان کی بریت پر شدید مایوسی کا اظہار کیا جا رہا ہے اور سابق پاکستانی کرکٹر شاہد آفریدی نے بھی اس فیصلے پر اپنا ردعمل ظاہر کیا۔

شاہد آفریدی نے مائیکرو بلاگنگ ویب سائٹ ٹوئٹر پر ساہیوال کے ہیش ٹیگ کے ساتھ حضور پاک صلی اللہ علیہ والہ وسلم کی ایک حدیث لکھی: ’تم سے پہلے لوگ تباہ ہوگئے تھے کیوں کہ وہ غریبوں کو قانونی سزا دیتے تھے اور امیروں کو معاف کرتے تھے۔ اللہ کی قسم اس کے ہاتھ میں میری جان ہے! اگر فاطمہ (رسول اکرم صلی اللہ علیہ والہ وسلم کی صاحبزادی) نے ایسا کیا (چوری کی)، میں اس کا ہاتھ کاٹ دوں گا۔‘

نبی (ﷺ) نے کہا ،

“تم سے پہلے لوگ تباہ ہوگئے تھے کیوں کہ وہ غریبوں کو قانونی سزا دیتے تھے اور امیروں کو معاف کرتے تھے۔ اللہ کی قسم اس کے ہاتھ میں میری جان ہے! اگر فاطمہ (رسول اللہ صلی اللہ علیہ وسلم کی بیٹی) نے ایسا کیا (چوری کی ) ، میں اس کا ہاتھ کاٹ دوں گا ”

شاہد آفریدی نے حدیث نبوی صلی اللہ علیہ والہ وسلم لکھنے کے بعد ہیش ٹیگ میں ساہیوال لکھا جس سے یہ بات ظاہر ہوتی ہے کہ انہوں نے سانحہ ساہیوال کے کیس کے فیصلے پر یہ ٹوئٹ کیا ہے۔

سانحہ ساہیوال کیس کا فیصلہ: واضح رہے کہ گزشتہ روز لاہور میں انسداد دہشت گردی کی خصوصی عدالت نے گزشتہ روز سانحہ ساہیوال کیس کا فیصلہ سناتے ہوئے تمام ملزمان کو شک کا فائدہ دے کر بری کردیا تھا۔ عدالت نے مقدمے میں مقتول ذیشان کے بھائی اور خلیل کے بچوں سمیت 49 گواہان کے بیانات قلمبند کیے تاہم تمام گواہان نے عدالت کے روبرو ملزمان کو شناخت کرنے سے انکار کردیا۔ مقدمے میں وکلا اور سرکاری گواہوں کے بیانات پر 9 ماہ بعد جرح مکمل ہونے کے بعد عدالت نے فیصلہ سناتےہوئے تمام 6 ملزمان کو شک کا فائدہ دیتے ہوئے بری کردیا۔

سانحہ ساہیوال کا پس منظر: یاد رہے کہ 19 جنوری کی سہ پہر سی ٹی ڈی نے ساہیوال کے قریب جی ٹی روڈ پر ایک گاڑی پر اندھا دھند فائرنگ کی جس کے نتیجے میں خلیل، اس کی اہلیہ، بیٹی اور محلے دار ذیشان گولیاں لگنے سے جاں بحق ہوئے جب کہ کارروائی میں تین بچے بھی زخمی ہوئے۔

واقعے کے بعد سی ٹی ڈی کی جانب سے متضاد بیانات دیے گئے، واقعے کو پہلے بچوں کی بازیابی سے تعبیر کیا بعدازاں ویڈیو منظر عام پر آنے کے بعد مارے جانے والوں میں سے ایک کو دہشت گرد قرار دیا گیا۔ تاہم میڈیا پر معاملہ آنے کے بعد وزیراعظم نے واقعے کا نوٹس لیا اور سی ٹی ڈی اہلکاروں کو حراست میں لے کر تحقیقات کے لیے جے آئی ٹی تشکیل دی گئی۔

( میڈیا 92 نیوز آن لا ین) خواتین اور مردوں کو آئے دن بالوں سے جُڑے بے شمار مسائل کا سامنا رہتا ہے اور سردیوں کا موسم آتے ہی سر میں خشکی جیسے مسائل بہت زیادہ بڑھ جاتے ہیں جو خواتین اور مرد دونوں کے لیے پریشانی کا باعث بنتے ہیں۔

آج ہم آپ کو ادرک کے استعمال کے ذریعے بالوں سے جُڑے مسائل ختم کرنے سے متعلق بتائیں گے۔ ادرک ایک ایسی سبزی ہے جو کہ خون کی روانی کو بہتر کرنے میں بے حد معاون سمجھی جاتی ہے، یہی وجہ ہے کہ خون کی روانی بہتر ہوگی تو بالوں کی نشونما بھی اچھی ہو گی۔ ادرک میں اینٹی اسیپٹک اجزاء پائے جاتے ہیں جو کہ سر میں خشکی اور دیگر انفیکشنز کو ٹھیک کرنے میں مددگار ثابت ہوتی ہے۔ بالوں کے مسائل کو حل کرنے کے لیے ادرک کافی مفید سمجھی جاتی ہے، ادرک سے بالوں کے مسائل حل کرنے کے طریقے۔

بالوں میں خشکی کا حل:

ادرک میں اینٹی سیپٹک اجزاء پائے جاتے ہیں جو کہ انفیکشن جیسے سر میں خشکی کو ٹھیک کرتی ہے۔۔۔۔فوٹو:فائل
اگر آپ کے سر کی جلد میں خشکی جمی ہوئی ہوتی ہے جو کہ ختم کرنا بہت مشکل ہوتا ہے تو یہ ٹوٹکا ضرور کریں۔

1۔ 4 سے 5 قطرے سرسوں کا تیل لیجیے، اس میں 2 چمچ ادرک کا پیسٹ شامل کیجیے اور اس کے ساتھ ہی 1 چمچ لیموں کا رس بھی ملا لیجیے۔

2۔ ان تمام چیزوں کو اب اچھی طرح سے ملا لیں۔

3۔ اب اپنے بالوں کو چند حصوں میں تقسیم کر دیجیے، اور ان حصوں کی جڑوں میں اچھی طرح سے اس پیسٹ کو لگا لیں۔

4۔ اس پیسٹ کو تقریباً 15 منٹ کے لیے سر میں لگا رہنے دیں اور 15 منٹ بعد سر کو اچھی طرح سے دھو لیں۔

بالوں کی نشونما:

1۔ اگر آپ اپنے بال لمبے اور گھنے کرنا چاہ رہے ہیں تو ایک چمچ زیتون کا تیل لیجیے، اس میں ایک چمچ ناریل کا تیل اور آدھا چمچ بادام کا تیل بھی شامل کر لیجیے۔

2۔ ان تینوں اجزاء کو ملانے کے بعد اس میں 2 چھوٹے چمچ ادرک کا پیسٹ بھی شامل کرلیں اور اسے اچھی طرح ملا لیں۔

3۔ اس آمیزے کو سر میں 20 منٹ تک لگائیں اور 20 منٹ بعد سر کو اچھی طرح سے دھو لیں، یہ عمل ہفتے میں ایک بار کریں، بہت جلد آپ کو خشکی جیسے مسائل سے نجات مل جائے گی۔

نوٹ: یہ تمام معلومات تحقیق سے حاصل کی گئی ہیں۔ اگر آپ کسی بھی طبی مسئلے یا انفیکشن کا شکار ہیں تو کسی بھی قسم کے ٹوٹکے کے استعمال سے قبل اپنے معالج سے ضرور مشورہ کریں۔

( میڈیا 92 نیوز آن لا ئن) سابق وزیراعظم نواز شریف کے مرض کی تشخیص ہو گئی ہے اور ڈاکٹرز کے مطابق انہیں اکیوٹ آئی ٹی پی کا مرض لاحق ہے۔

ماہر امراض ہیماٹالوجسٹ پروفیسر طاہر سلطان شمسی کا کہنا ہے کہ نواز شریف کی بیماری تشخیص ہو گئی ہے اور ان کو لاحق بیماری کا نام اکیوٹ آئی ٹی پی ہے جب کہ نواز شریف کے مرض کا علاج کرنے والے میڈیکل بورڈ کے سربراہ پروفیسر محمود ایاز کا کہنا ہے کہ نواز شریف کے مرض کا علاج پاکستان میں موجود ہے۔

اکیوٹ آئی ٹی پی کیا ہے؟ طب کی زبان میں اس بیماری کو Immune thrombocytopenic purpura (آئی ٹی پی) کہتے ہیں۔ اکیوٹ آئی ٹی پی دو طرح کا ہوتا ہے، ایک عارضی یا کم مدتی اور دوسرا طویل دورانیے کا۔ اکیوٹ آئی ٹی پی عام طور پر 6 ماہ تک رہتا ہے۔

یہ مرض عموماً چھوٹی عمر کے بچوں کو ہوتا ہے جو کہ آئی ٹی پی کی ایک عام قسم ہے جب کہ اکیوٹ آئی ٹی پی اکثر وائرل انفیکشن کے بعد ہوتا ہے۔ عام طور پر انسان کے جسم کی قوت مدافعت انفیکشنز سے لڑنے میں مددگار ثابت ہوتی ہے لیکن آئی ٹی پی کے دوران قوت مدافعت بری طرح متاثر ہوتی ہے جس کی وجہ سے پلیٹلیٹس بار بار ٹوٹتے رہتے ہیں۔

اکیوٹ آئی ٹی پی کا علاج:پروفیسر طاہر شمسی کا کہنا ہے کہ نواز شریف کی بیماری کا علاج اسٹیرائیڈ اور آئی وی آئی جی انجیکشن کے ذریعے ہو سکتا ہے۔ ان کے مطابق یہ ادویات ملنے کے بعد مریض کے پلیٹیلیٹس بننا شروع ہو جاتے ہیں، آئی وی آئی جی انجیکشن ملنے کے 10 سے 12 روز بعد مریض کے پلیٹیلیٹس تقریباً نارمل ہو جاتے ہیں۔

(میڈیا 92 نیوز آن لا ئن ) بیرون ملک میں مقیم پاکستانیوں کی واٹس ایپ پروفائلز ہیک کرکے رشتہ داروں سے ایمرجنسی کے نام پر بھاری رقوم اینٹھنے والا گروہ سرگرم ہوگیا ہے۔

یہ ملزمان مختلف بینکوں اور موبائل فون اکاؤنٹس کے ذریعے شہریوں سے دھوکا دہی کر رہے ہیں۔ وفاقی تحقیقاتی ادارے کو اس سلسلے میں کافی شکایات موصول ہورہی ہیں۔ ڈائریکٹر ایف آئی اے سندھ سلطان خواجہ کے مطابق ملزمان نے تازہ ترین واردات کراچی کے رہائشی طارق فواد خواجہ کے ساتھ کی ہے۔

ڈیفنس کے رہائشی طارق خواجہ کے مطابق ان کے واٹس ایپ پر کسی شخص نے اُن کے امریکا میں مقیم کزن احمد اعجاز کی پروفائل منسلک کرکے امریکا کے فون نمبر 7787691269 سے رابطہ کیا۔ بھیجے گئے پیغام میں مذکورہ شخص نے احمد اعجاز کی واٹس ایپ پروفائل کی تصویر لگائی اور احمد اعجاز بن کر اُن کے نام سے پیغام لکھ کر بات کی اور کہا کہ وہ کال نہیں کرسکتے میسیج لکھ کر بات کریں۔

واٹس ایپ پر ایمرجنسی کے نام رقوم اینٹھنے والا گروہ سرگرم
پیغام میں کہا کہ وہ کسی سنگینی یا مصیبت میں پھنس گئے ہیں لہذا فوری طور پر ان کے لیے ایک پاکستانی بینک اکاؤنٹ میں 2 لاکھ روپے بھیج دیں تاکہ وہ مصیبت سے چھٹکارہ حاصل کرسکیں۔ طارق خواجہ کے مطابق وہ فون کال کرکے احمد اعجاز کو درپیش صورتحال کی تصدیق کرنا چاہ رہے تھے کہ لاہور سے ان کی والدہ نے فون کرکے تصدیق کی کہ احمد اعجاز نے اُنہیں بھی میسج بھیجا ہے اور وہ واقعی کسی مصیبت میں ہیں انہیں فوری طور پر پیسے بھیج دیں۔

طارق خواجہ کے مطابق انہوں نے میسج بھیج کر استفسار کیا کہ رقم کس اکاؤنٹ میں منتقل کرنی ہے؟ جواب میں ایم سی بی بینک کا اکاؤنٹ نمبر فراہم کیا گیا لیکن آن لائن خلل کی وجہ سے اس کھاتے میں رقم ٹرانسفر نہیں کی جاسکی تو مذکورہ شخص نے میزان بینک کی اچھرہ لاہور برانچ کا اکاؤنٹ نمبر دیا۔

طارق کے مطابق انہوں نے فوری طور پر 2 لاکھ روپے مذکورہ اکاؤنٹ میں ٹرانسفر کردیئے۔ تھوڑی دیر بعد مذکورہ شخص نے مزید ایک لاکھ روپیہ بھیجنے کا کہا تو اُنہیں تشویش ہوئی اس دوران انہوں نے اپنے دیگر رشتے داروں سے تذکرہ کیا تو انہوں نے بھید کھولا کہ کوئی نوسرباز اعجاز کی تصویر کا استعمال کرتے ہوئے دھوکا دہی کرکے پیسے بٹور رہا ہے رقم ٹرانسفر نہ کریں۔

واٹس ایپ پر ایمرجنسی کے نام رقوم اینٹھنے والا گروہ سرگرم
طارق خواجہ کے مطابق ان کے خالہ زاد بھائی عبدالحمید نے بھی اسی ہمدردی کے جذبے کا شکار ہوکر اُسی بینک اکاؤنٹ میں دو لاکھ روپے منتقل کردئیے تھے تاہم انہوں نے اپنے بینک سے رابطہ کرکے رقم کی منتقلی روک دی اور پیسے واپس اپنے کھاتے میں ٹرانسفر کرا لیے۔

طارق خواجہ کے مطابق 4 ستمبر کو انہوں نے بھی رات11 بجے اپنے بینک میں شکایت درج کرائی اور رقم واپسی کی کوشش کی مگر پتہ چلا کہ جس اکاؤنٹ میں پیسے ٹرانسفر کیے گئے اس کے مالک رانا بلال ہیں اور انہوں نے پیسے فوری طور پر نکلوا لیے ہیں۔ بینک سے نمبر لے کر جب رانا بلال سے رابطہ کیا گیا تو انہوں نے ایک نئی کہانی سنائی اور بتایا کہ انہیں احمد کی تصویر لگے واٹس ایپ نمبر سے کسی شخص کا فون آیا تھا کہ یہ پیسے غلطی سے اُن کے بینک اکاؤنٹ میں ٹرانسفر ہوگئے ہیں۔

مذکورہ شخص نے انہیں اپنی بیوی کے آپریشن جیسے انتہائی ایمرجنسی ظاہر کی اور درخواست کی کہ مذکورہ رقم اکاؤنٹ سے نکال کر ان کے جیز موبائل کے 9 ہندسوں کے اکاؤنٹ میں جمع کرادیں۔ جس پر انہوں نے وہ رقم اُس موبائل اکاؤنٹ میں جمع کرادی۔

واٹس ایپ پر ایمرجنسی کے نام رقوم اینٹھنے والا گروہ سرگرم
ایف آئی اے حکام کے مطابق اس سلسلے میں تحقیقات شروع کردی گئی ہیں۔ اس انکوائری کے تفتیشی افسر انسپکٹر فرید کے مطابق انہوں نے بینکوں کو خطوط لکھ کر اسٹیٹمنٹ مانگ لی ہیں اور متعلقہ افراد کو تفتیش میں شامل کیا جارہا ہے۔

(میڈیا 92 نیوز آن لائن) اعتماد لاطینی لفظ ہے جس کا مطلب ایمان یا یقین ہے، خود اعتمادی ہر چیز کی بنیاد ہے، ہمارے اندر بے شمار خصوصیات ہوں لیکن اگر ہم اپنے اندر خود اعتمادی پیدا نہیں کر سکتے تو ان تمام خصوصیات کا کیا فائدہ؟

چیزوں کا چناؤ ہماری زندگی میں بہت اہم کردار ادا کرتا ہے، ایک تحقیق کے مطابق انسان میں اپنے جذبات اور نظریات کو قابو کرنے کی صلاحیت موجود ہوتی ہے جس کا مطلب یہ ہے کہ ہم اپنے اندر ذاتی طور پر خود اعتمادی بھی پیدا کر سکتے ہیں۔ تحقیق کے مطابق جب انسان میں خود اعتمادی آتی ہے تو اس کے اندر خود کو آگے بڑھانے کی صلاحیت بھی آ جاتی ہے اور زندگی کی ہر مشکل کا ڈٹ کر سامنا بھی کرتا ہے۔

اپنے اندر خود اعتمادی کو بڑھانا چاہتے ہیں تو یہ ضرور پڑھیں۔ :صلاحیتوں کو بہتر کرنے پر بھروسہ :انسان کی سوچ ہمیشہ لچکدار ہونی چاہیے، اگر آپ اپنی سوچ کو محدود کر لیں گے اور بس یہی سوچیں گے کہ آپ اس کام کو بہتر نہیں کر سکتے یا آپ کی خود اعتمادی سے آپ کو کوئی فائدہ حاصل نہیں ہو رہا تو اس طرح کی سوچ کے ساتھ آپ کبھی بھی اپنے اندر خود اعتمادی پیدا نہیں کر سکیں گے۔ اس کے برعکس اگر ہم ایک ایسی سوچ کے بارے میں بات کریں جو لچکدار ہو تو ایسی سوچ کا حامل انسان مشکلات کا سامنا کرنے کی صلاحیت رکھتا ہے اور مشکل حالات کا سامنا کرنے کو اپنی نشونما سمجھتا ہے۔

ناکامی کو سمجھنے کی کوشش :اگر آپ چاہتے ہیں کہ آپ میں بھی خود اعتمادی آجائے تو سب سے پہلے ناکامی کو سمجھنے کی کوشش کیجیے۔ رائٹ برادرز جہاز اڑانے میں کامیاب ہونے سے قبل متعدد بار ناکام ہوئے تھے۔ بجائے اس کے کہ آپ اپنی ناکامی سے مایوس ہوں، آپ کو اس ناکامی کی وجہ تلاش کر کے اسے بہتر کرنے کی کوشش کرنی چاہیے۔

اپنے آپ کو کسی دوسرے کی جگہ پر رکھ کر کبھی نا سوچیں :کسی دوسرے کی کامیابی یا ناکامی سے کبھی بھی اپنا موازنہ نا کیجیے بلکہ دوسروں کی کامیابی کو سراہ کر آپ کے پاس جو کچھ ہے اس سے کامیابی کے راستے تلاش کیجیے۔ آپ اس دنیا میں کسی سے موازنہ کرنے نہیں آئے، نا آپ کسی سے کم تر ہیں اور نا ہی آپ کسی سے برتر ہیں تو اس بات کو ہمیشہ اپنے دماغ میں رکھیں۔ مثبت سوچ اگر آپ اپنے آپ کو پُر اعتماد دیکھنا چاہتے ہیں تو منفی سوچ سے دور رہیے، ہمیشہ یہ سوچیں کے آپ سب کچھ کر سکتے ہیں، آپ میں تمام تر صلاحیتیں موجود ہیں، ایسا کرنے سے آپ خود اعتمادی کو بڑھا سکتے ہیں۔

کراچی(میڈیا 92 نیوز آن لا ئن) محکمہ کے ایم سی کا ایک ایسا لاڈلہ ملازم سامنے آیا ہے جوکہ پولیس پر حملوں ، قتل، اقدام قتل اوردہشت گردی کے مقدمات میں اشتہاری ہونے کے باوجود 14ویں گریڈ تک ترقی کرگیا۔

ایس ایس پی کورنگی فیصل عبداللہ چاچڑ کے مطابق ایم کیو ایم لندن سے تعلق رکھنے والے دہشت گرد عدنان عرف ملا نے دوران تفتیش 1996 میں ایس ایچ او ذیشان کاظمی پر حملے کا انکشاف کیا ہے جس میں 2 پولیس اہلکار شہید ہوگئے تھے جب کہ ملزم نے سعودآباد میں ایس ایچ او ناصر لودھی کو جان سے مارنے کی نیت سے بھی حملہ کیا جس میں وہ محفوظ رہے۔ ایس ایس پی نے بتایا کہ2016 میں ملزم نے کھوکھراپار میں مخالف پارٹی کے عہدیدار کوفائرنگ کرکے قتل کیا اور سعوآباد کے علاقے میں بھی مخالف پارٹی کے 2 افراد کو فائرنگ کرکے زخمی کردیا تھا۔

ایس ایس پی کے مطابق 1997 میں سیاسی اثر ورسوخ کی بنیاد پر ملزم کے ایم سی میں نائب قاصد بھرتی ہوا اور حیرتناک طور پر مفروری کے دوران ہی ترقی کرتا ہوا 14 گریڈ تک ترقی کردیا، ملزم 2002 سے 2012 تک مانسہرہ اور راولپنڈی میں مفرور رہا اور مفرورری کے دوران اس نے مانسہرہ میں بھی خاتون سے شادی کی جب کہ ملزم کی پہلی بیوی کراچی میں مقیم ہے، ملزم اپنی رہائش گاہ تبدیل کرتا رہتا تھا۔ ایس ایس پی نے مزید بتایا کہ کورنگی سے گرفتار ٹارگٹ کلر عدنان عرف ملا نے دوران تفتیش پولیس اہلکاروں اور سیاسی مخالفین کے قتل کا اعتراف کرلیا ہے۔