Tag khawaja saad rafique

لاہور(ایمرا نیوز آن لائن)پیراگون ہاﺅسنگ سکینڈل کیس میں خواجہ برادران کے جوڈیشل ریمانڈ میں 24 جنوری تک توسیع کردی۔عدالت نے آئندہ سماعت پر خواجہ برادران کیخلاف محکمہ مال کے گواہان کو طلب کرلیا۔

تفصیلات کے مطابق احتساب عدالت میں پیراگون ہاﺅسنگ سکینڈل ریفرنس کی سماعت ہوئی،خواجہ سلمان رفیق کو عدالت میں پیش کردیا گیا جبکہ خواجہ سعد رفیق اسلام آبادمیں ہونے کی وجہ سے پیش نہ ہوئے۔

عدالت نے کہا کہ قیصر امین کاوعدہ معاف گواہ بننے کا بیان نیب خواجہ برادران کے وکلا کو فراہم کردے ،پراسیکیوٹر نے استدعا کی کہ عدالت قیصرامین بٹ کے علاوہ دیگرگواہوں کو طلب کرلے،قیصرامین بٹ تندرست ہوتے ساتھ ہی عدالت میں پیش ہو جائیں گے ،احتساب عدالت نے نیب پراسیکیوٹر کی استدعا کو منظورکرلی۔

عدالت نے خواجہ برادران کے جوڈیشل ریمانڈ میں 24 جنوری تک توسیع کردی اورآئندہ سماعت پر خواجہ برادران کےخلاف محکمہ مال کے گواہان طلب کرلئے۔

اسلام آباد(ایمرا نیوز آن لائن)حکومت نے قومی اسمبلی اور قائمہ کمیٹی کے اجلاسوںمیں شرکت کے آصف زرداری اور سعد رفیق کے پروڈکشن آرڈرز روک دیئے جبکہ9،10اور 11جولائی کو بلائے گئے قائمہ کمیٹیوں کے تمام اجلاس بھی منسوخ کردیئے گئے ہیں۔ذرائع کے مطابق چیئرمین قائمہ کمیٹی آبی وسائل یوسف تالپور نے 10 اور 11 جولائی کے اجلاس میں شرکت کیلئے آصف زرداری کے پروڈکشن آرڈر جاری کرنے کی سمری پر دستخط کئے تھے تاہم اسمبلی سیکرٹریٹ نے پروڈکشن آرڈر جاری نہ کرتے ہوئے معاملہ وزارت قانون کو بھیج دیا ۔سپیکر آفس نے اسمبلی سیکرٹریٹ کے متعلقہ افسران کو پروڈکشن آرڈر فوری طور پر جاری نہ کرنے کی ہدایات جاری کی ہیں۔ سعد رفیق کے پروڈکشن آرڈر کا معاملہ بھی موخر کر دیا گیا اور مذکورہ ارکان کی سیاسی سرگرمیوں کو جواز بنایا گیا ۔ متعلقہ حکام نے پروڈکشن آرڈر سمری پر نوٹ لکھا کہ مذکورہ ارکان پارلیمنٹ میں آکر سیاست کرتے ہیں۔ دوسری جانب سپیکرقومی اسمبلی اسد قیصر نے صرف قومی اسمبلی اجلاس کے دوران قائمہ کمیٹیوں کے اجلاس منعقد کرنے کی ہدایت کر دی ۔ قومی اسمبلی سیکرٹریٹ سے جاری بیان کے مطابق سپیکرقومی اسمبلی نے کفایت شعاری پالیسی کے تحت یہ ہدایات جاری کی ہیں ۔ادھرچیئرمین قائمہ کمیٹی یوسف تالپور نے اس معاملے پر اسمبلی سیکرٹریٹ حکام سے احتجاج کرتے ہوئے کہا کہ ضوابط کے مطابق پروڈکشن آرڈر جاری کرنے میں چیئرمین قائمہ کمیٹی بااختیار ہے اور سپیکر روک نہیں سکتے ۔ روزنامہ 92 نیوز کو ذرائع نے بتایا کہ ایک رائے آرہی تھی کہ دہشتگردی اور کرپشن کے مقدمات میں گرفتار ارکان اسمبلی کے پروڈکشن آرڈر جاری نہیں کئے جا نے چاہئیں اس لئے پروڈکشن آرڈرز کیلئے جتنی بھی درخواستیں آئیں وہ لاڈویژن کو بھیج دی گئی ہیں۔ قومی اسمبلی کے قاعدہ 108میں گرفتار رکن کے حوالے سے کوئی پابندی نہیں دی گئی ۔

اسلام آباد(نیٹ نیوز/ایمرا نیوز) اسلام آباد کی احتساب عدالت نے سابق وزیر ریلوے اور مسلم لیگ نون کے رہنما خواجہ سعد رفیق کے راہداری ریمانڈ میں پانچ روزکی توسیع کردی۔احتساب عدالت کے جج محمد بشیر نےخواجہ سعد رفیق سے استفسارکیا کہ کب تک قومی اسمبلی کا اجلاس چلے گا؟خواجہ سعد رفیق نے انہیں جواب دیا کہ 25 ، 26 تاریخ تک اجلاس چلے گا،جبکہ منی بجٹ 23 تاریخ کو آ رہا ہے، اجلاس آگے چلے گا۔جج محمد بشیر نے ان سے پوچھا کہ پتہ کر کے بتا سکتے ہیں کہ قومی اسمبلی کا اجلاس کب تک چلے گا؟سعد رفیق نے انہیں جواب دیا کہ ابھی یہ اسپیکر قومی اسمبلی بھی نہیں بتا سکتے کہ اجلاس کب تک چلے گا۔جج محمد بشیر نے کہا کہ ابھی 21 جنوری تک راہداری ریمانڈ میں توسیع کر دیتے ہیں۔واضح رہے کہ نون لیگی رہنما خواجہ سعد رفیق پیراگون ہاؤسنگ اسکیم کے اسکینڈل میں نیب کی حراست میں ہیں۔انہیں اسپیکر قومی اسمبلی کی جانب سے پروڈکشن آرڈرز پر اسمبلی اجلاس میں شرکت کے لیے طلب کرنے پر عدالت کی جانب سے راہداری ریمانڈ ملا ہوا ہے جس میں آج توسیع کی گئی۔

لاہور(نیٹ نیوز/ایمرا نیوز) مسلم لیگ (ن) کے سینئر رہنما خواجہ سعد رفیق نے کہا ہےکہ عمران خان کو حکمران بنانے والے خود پچھتا رہے ہیں، انصاف اور احتساب کے نام پر انتقام ہو رہا ہے جوزیادہ دیر نہیں چلے گا۔خواجہ سعد رفیق نے لاہور کی نیب عدالت میں پیشی کے موقع پر میڈیا سے گفتگو کرتے ہوئے کہا کہ نالائقوں کے حوالے پاکستان کردیا ہے،منی بجٹ آرہا ہے جو مہنگائی کا طوفان لا رہا ہے۔خواجہ سعد رفیق نے مزید کہا کہ سول آمریت کی حکومت سے عوام کی جان جلد چھوٹے گی، یہ نااہل حکمران ہے جو اس وقت بھکاری بنا ہوا ہے، پاکستان کا وزیر اعظم کشکول لے دنیا میں گھوم رہا ہے۔سابق وفاقی وزیر کا کہنا تھا کہ ملک میں انصاف اور احتساب کے نام پر انتقام ہورہا ہے جو زیادہ دیر نہیں چلے گا، یہ وقت بدلے اور بہت جلد بدلے گا، ہمارے ہاتھ صاف ہیں، ضمیر مطمئن ہے۔

لاہور:(نیٹ نیوز/ایمرا نیوز) ہائیکورٹ نے مسلم لیگ (ن) کے رہنما خواجہ سعد رفیق اور ان کے بھائی سلمان رفیق کی پیراگون ہاؤسنگ اسکینڈل کیس میں درخواست ضمانت میں 5 دسمبر تک توسیع کرتے ہوئے چیئرمین نیب کو ہدایت کہ ہے کہ وہ تبدیلی تفتیش کی درخواست پر جلد از جلد قانون کے مطابق فیصلہ کریں۔لاہور ہائیکورٹ کے جسٹس طارق عباسی کی سربراہی میں 2 رکنی بنچ نے خواجہ برادران کی پیراگون ہاؤسنگ اسکینڈل میں ضمانت قبل از گرفتاری کی درخواست پر سماعت کی۔ درخواست گزاروں نے مؤقف اختیار کیا کہ کسی قسم کی کرپشن نہیں کی، نیب کی تفتیش میں مکمل تعاون کیا، درخواست ضمانت قبل از گرفتاری منظور کی جائے۔عدالت نے نیب کے وکیل سے استفسار کیا ‘کیا گرفتاری سے متعلق دستاویزات خواجہ برادران کو دے دی ہیں جس پر وکیل نے جواب دیا جب گرفتار کیا جائے گا، تب دستاویزات دی جائیں گی۔عدالت نے اظہار برہمی کرتے ہوئے کہا کیا وہ دستاویزات عدالت کو بھی نہیں دکھائی جا سکتیں جس پر وکیل کا کہنا تھا کہ گرفتاری کے جواز سے متعلق دستاویزات نیب آفس میں ہیں۔عدالت نے سوال پوچھا کہ کیا خواجہ سعد رفیق اور سلمان رفیق عدالت میں موجود ہیں جس پر عدالت کو بتایا گیا کہ وہ موجود ہیں، درخواست گزاروں نے کہا کہ خدشہ ہےکہ نیب کی جانب سےگرفتار کر لیا جائے گا۔عدالت نے فریقین وکلا کے دلائل سننے کے بعد خواجہ برادران کی درخواست ضمانت میں 5 دسمبر تک توسیع کردی جب کہ عدالت نے چیئرمین نیب کو بھی ہدایت کی کہ خواجہ برادران کی تبدیلی تفتیش کی درخواست پر جلد از جلد قانون کے مطابق فیصلہ کریں۔نیب پراسیکیوٹر کا مؤقف ہے کہ خواجہ سعد رفیق کے خلاف تین انکوائریز زیر التوا ہیں جن میں پیرا گون، آشیانہ اقبال اور پاکستان ریلوے میں کرپشن سے متعلق انکوائریز شامل ہیں۔ نیب کی جانب سے خواجہ سعد رفیق کے وارنٹ گرفتاری جاری کیے جا چکے ہیں اور اس حوالے سے نیب پراسیکیوٹر نے عدالت کو بھی آگاہ کر رکھا ہے۔

لاہور (میڈیا نائن ٹو ڈاٹ ٹی وی )خواجہ سعد رفیق کی ٹربیونل کے فیصلے کے خلاف اپیل کی جلد سماعت کے لیے سپریم کورٹ لاہور رجسٹری میں درخواست دائر کر دی گئی۔ ٹربیونل نے خواجہ سعد رفیق کے حلقے میں دھاندلی کے الزامات پر دوبارہ الیکشن کروانے کا حکم دیا تھا۔تفصیلات کے مطابق آئینی درخواست حلقہ 125 سے ایم این اے کے امیدوار حامد خان نے ایڈووکیٹ محمد حسین کی وساطت سے دائر کی درخواست میں موقف اختیار کیا گیا ہے حلقہ این 125 سے خواجہ سعد رفیق کامیاب ہوئے تاہم۔حلقہ میں دھاندلی کے اقدام کو ٹریبونل کے روبرو چیلنج کیا گیا ٹربیونل نے خواجہ سعد رفیق کے حلقے میں دھاندلی کے الزامات پر دوبارہ الیکشن کروانے کا حکم دیا تھا۔ خواجہ سعد رفیق نے ٹربیونل کے فیصلے کے خلاف سپریم کورٹ سے 11 مئی 2015 سے حکم امتناعی حاصل کررکھا ہے درخواست گزار وکیل نے درخواست میں استدعا کی ہے کہ سپریم کورٹ خواجہ سعد کی اپیل کا جلد فیصلہ کرے۔