Tag kids

اسپین:(ایمرا نیوزآن لائن) اسپین میں کئے گئے ایک مطالعے سے انکشاف ہوا ہے کہ حاملہ خواتین مدتِ حمل کے ابتدائی دنوں میں اگر گری دار خشک میوے مثلاً بادام، پستے اور اخروٹ کھائیں تو اس سے بچے کی ذہانت (آئی کیو) میں اضافہ ہوسکتا ہے۔اس سروے سے انکشاف ہوا ہے کہ حمل ٹھہرنے کی پہلی سہ ماہی (ٹرائی میسٹر) اگر کوئی خاتون ہفتے میں دو سے تین اونس گری دار پھل کھائے تو امکان ہے کہ اس سے بچے کا آئی کیو بہتر ہوتا ہے۔اس سے قبل بھی گری دار پھلوں کے بہت سے فوائد سامنے آئے ہیں جو ذیابیطس، امراضِ قلب اور بلڈ پریشر وغیرہ سے محفوظ رکھنے میں مدد فراہم کرتے ہیں۔ بعض مطالعوں سے یہ بھی معلوم ہوا ہے کہ اگربڑھاپے میں ذہنی کمزوری سے بچنا ہے تو بھی بادام، پستے اور اخروٹ کا استعمال مفید ثابت ہوتا ہے۔ لیکن اب ان پھلوں کے زچہ اور بچہ پربہتر اثرات سامنے آئے ہیں۔

بارسلونا انسٹی ٹیوٹ آف گلوبل ہیلتھ کی جورڈی ہلویز اور ان کے ساتھیوں نے 2208 خواتین اور ان کے بچوں کا 8 سال تک مطالعہ کیا اور ان میں غذا ، ذہانت اور دورانِ حمل والدہ کی غذائی عادات کو نوٹ کیا گیا ۔ پھر پیدا ہونے والےبچے کا ڈیڑھ سال، 5 سال اور 8 سال کی عمر میں ذہنی صلاحیت کا جائزہ بھی لیا گیا۔اس سروے سے معلوم ہوا کہ جن بچوں کی ماں نے حمل کی پہلی سہ ماہی میں گری دار پھل کھائے تھے وہ اسے نظر انداز کرنے والی ماؤں کے بچوں کے مقابلے میں قدرے زیادہ ذہین تھے۔

تاہم اس پورے سروے میں ماہرین نے ماں کی عمر، تعلیم، معاشی اور سماجی حیثیت اور سگریٹ نوشی وغیرہ کو بھی شامل کیا اور ان کے منفی اثرات کو بھی الگ کرکے دیکھا۔ماہرین نے دیکھا کہ جن بچوں کی ماؤں نے ابتدائی ایام میں 75 گرام خشک میوے کھائے تھے ان کے بچوں میں توجہ، ارتکاز اور آئی کیو میں بہتری دیکھی گئی ۔ ماہرین نے اس کی وجہ اومیگا تھری فیٹی ایسڈ کو قرار دیا ہے جو ماں کی خوراک سے بچے کے وجود کا حصہ بن جاتی ہے اور یوں بچے کی دماغی بڑھوتری اور ذہانت میں اضافہ کرتی ہے۔

اسلام آباد (ایمرا نیوز آن لائن ) پاکستان سے خواتین اور بچوں کو جنسی استحصال کیلئے بیرونی ممالک میں غیر قانونی طریقے بھیجا جاتا ہے ۔انسانی سمگلنگ جیسے گھناونے جرم کو روکنے کیلئے سرکاری اور نجی شعبوں کے متعلقہ محکموں کو مل کر کا م کر نا ہو گا۔ ان خیالات کا اظہار مقررین نے اقوام متحدہ کے ادارہ برائے منشیات و جرائم، یو این او ڈی سی اور امریکہ کے ڈپارٹمنٹ آف اسٹیٹ کے ادارے یوایس جے کی معاونت سے ہونے والی دوسری بین الاقوامی کانفرس سے خطاب کرتے ہوئے کیا۔یو این او ڈی سی پاکستان آفس گزشتہ 35 سال سے مشترکہ مشکلات پر قابو پانے اور بین الاقوامی ذمہ داریوں کی تکمیل میں معاونت کے مقصد کے تحت حکومت پاکستان کی مدد کر رہا ہے۔

اس کانفرنس کا مقصد اہم حکومتی اداروں اور نجی شعبے کے درمیان اشتراک عمل میں بہتری لانا تھا۔ نجی شعبے کے فریقوں میں سول سوسائٹی، غیرسرکاری تنظیمیں اور نجی کارپوریشنیں شامل ہیں۔ یہ ایک حقیقت ہے کہ پاکستان میں خواتین اور بچوں کی جنسی استحصال کے لئے سمگلنگ کی جاتی ہے جو بعض اوقات زبردستی شادیوں کی صورت میں بھی ہوتی ہے۔ انسانی سمگلنگ کو کم سے کم کرنے میں مدد دینے کے لئے یو این او ڈی سی اور ایف آئی اے کئی سالوں سے مل کر کام کر رہے ہیں۔ بطور پارٹنرز یو این او ڈی سی اور ایف آئی اے اس امر سے بخوبی آگاہ ہیں کہ انسانی سمگلنگ سے نمٹنے کے لئے سرکاری اور نجی دونوں شعبوں کے متعلقہ فریقوں کو ساتھ لے کر چلنا ضروری ہے۔ اس مقصد کے لئے اسلام آباد میں ایک کانفرنس کا اہتمام کیا گیا جس میں متعدد سینئر حکومتی افسران، قانون نافذ کرنے والے اداروں کے افسران کے علاوہ سول سوسائٹی، نجی شعبے کی تنظیموں، غیرسرکاری تنظیموں، میڈیا اور اقوام متحدہ کے دیگر اداروں کے ارکان کو شرکت کی دعوت دی گئی تاکہ انسانی سمگلنگ سے نمٹنے کی کوششوں کو اجاگر کیا جا سکے اور اس سلسلے میں اشتراک عمل کو فروغ دیا جا سکے۔ ایف آئی اے کے آڈیشنل ڈائریکٹر جنرل امیگریشن جناب احمد مکرم نے اپنے ابتدائی کلمات میں یو این او ڈی سی کی کوششوں اور امریکی ڈپارٹمنٹ آف سٹیٹ کی طرف سے فراہم کی جانے والی معاونت کو سراہا۔

انہوں نے کہا کہ ان کوششوں کی بدولت پاکستان میں انسانی سمگلنگ کے خلاف قانون کا نفاذ ہوا ہے۔ انہوں نے مزید کہا کہ اس طرح کی مشترکہ سرگرمیوں سے اس مسئلے کے بارے میں متعلقہ فریقوں کے درمیان ابلاغ بہتر بنانے اور آگاہی بڑھانے میں مدد ملتی ہے۔ یہ سرگرمیاں متاثرہ افراد کے اعتراف میں مدد دیتی ہیں اور انسانی سمگلنگ سے متاثرہ افراد کے تحفظ سے متعلق خدمات کو بہتر بنانے اور دستیاب خدمات تک رسائی وسیع بنانے میں بھی مدد ملتی ہے۔یو این او ڈی سی ویانا کے کرائم پریونشن اینڈ کریمنل جسٹس آفیسر جناب ڈیوور روس نے متعلقہ فریقوں کی شرکت پر ان کا شکریہ ادا کیا۔ نجی اور سرکاری شعبے کے درمیان اشتراک عمل کی اہمیت پر زور دیتے ہوئے انہوں نے کہا کہ ہر طرح کی انسانی سمگلنگ کی روک تھام اور اس کے خاتمہ میں حکومتوں اور نجی شعبے کے درمیان اشتراک عمل وقت کا تقاضا بن چکا ہے اور انہی اجتماعی کوششوں کے ذریعے ہی ہم اس لعنت کو شکست دے سکتے ہیں اور اپنی اس دنیا کو زیادہ محفوظ بنا سکتے ہیں۔ انہوں نے مزید کہا کہ یو این او ڈی سی، سول سوسائٹی اور نجی شعبے کی تنظیموں سے امید کرتا ہے کہ وہ انسانی سمگلنگ کی روک تھام کے بارے میں آگاہی بڑھانے میں اپنا کردار ادا کریں۔ آڈیشنل ڈائریکٹر امیگریشن ایف آئی اے جناب مفخر عدیل نے بین الاقوامی و قومی اقدار اور مروجہ طریقوں پر روشنی ڈالی اور ان جرائم پر قابو پانے کے لئے ایف آئی اے کی شبانہ روز کوششوں کے بارے میں آگاہ کیا۔ یو این او ڈی سی کے کنسلٹنٹ جناب نوید احمد شنواری نے انسانی سمگلنگ کے خاتمہ میں سول سوسائٹی، این جی اوز اور نجی شعبے کے کردار، ذمہ داریوں اور مختلف سرگرمیوں پر ایک پریزنٹیشن دی۔ انہوں نے بتایا کہ اس لعنت سے نمٹنے کے لئے ہر شعبہ اپنی اپنی جگہ کوششیں کر رہا ہے لیکن ایک کلی سوچ کے تحت اس مسئلے سے نمٹنے کے لئے متعلقہ فریقوں کے درمیان کوآرڈینیشن نہیں ہو رہی۔ امریکی سفارتخانہ اسلام آباد کی محترمہ لوسی کوبرن نے ایک پریزنٹیشن دی جبکہ انسانی سمگلنگ کی نگرانی اور روک تھام کے لئے امریکی سٹیٹ ڈپارٹمنٹ کے ادارے سے محترمہ سمانتھا نوویک اور محترمہ اینڈریا بیلنت نے بھی اس کانفرنس میں شرکت کی۔ متعدد شرکاءنے اس موقع پر انسانی سمگلنگ اور اس سے نمٹنے میں نجی شعبے کے کردار کو بہتر طور پر سمجھنے کے لئے سرکاری پارٹنرز کے ساتھ مل کر کام کرنے کا عزم ظاہر کیا۔ کانفرنس کے آخر میں یو این او ڈی سی اور ایف آئی اے کی جانب سے امید کا اظہار کیا گیا کہ انسانی سمگلنگ کی روک تھام سے نمٹنے کے لئے مل کر کام کیا جائے گا اور پالیسی اور اس پر عملدرآمد میں پائی جانے والی خامیوں کو دور کرنے میں متعلقہ فریقوں کی مدد کی جائے گی۔ کانفرنس کا انعقاد انسانی سمگلنگ کی نگرانی اور خاتمہ کے لئے امریکی سٹیٹ ڈپارٹمنٹ کے ادارے کی جانب سے مالی معاونت کی بدولت ممکن ہوا۔

لاہور(ایمرا نیوزآن لائن) سیکس ابیوز ایک انٹرنیشنل ایشو ہے،یہ صرف پاکستان ہی نہیں بلکہ دنیا کے ہر ملک میں آئے روز بڑھتا جا رہا ہے۔امریکہ سمیت دنیا بھر کے کئی ممالک میں اس قسم کے کیسز درج ہوتے ہیں۔ہمارا ہمسائیہ ملک انڈیا تو سیکس ابیوز کے حوالے سے ساری دنیا میں سرفہرست ہیں۔وہاں ہر منٹ میں سات سے دس بچوں کے ساتھ سیکس ابیوز ہوتا ہے جبکہ ریپ کرنے کی ریشو بھی فی منٹ کے حساب سے کہیں زیادہ ہے۔ایک تازہ ترین رپورٹ میں انکشاف کیا گیا ہے کہ پاکستان میں بھی سیکس ابیوز کی شرح میں اضافہ دیکھنے کو ملا ہے۔2017میں سیکس ابیوز کے حوالے سے 3445کیسز رجسٹرڈ ہوئے تھے جبکہ گزشتہ برس یہ تعداد 3832تھی۔جبکہ سینکڑوں کیسز ایسے ہیں جو کہ رجسٹرڈ ہی نہیں ہو پاتے۔رپورٹ کے مطابق سیکس ابیوز کا شکار ہونے والے بچوں کی عمر 5 سال سے لے کر 16سال کے درمیان تھی۔سیکس ابیوز کے زیادہ تر کیسز پنجاب،سند ھ اور پھر کے پی کے میںپیش آئے ہیں۔ان کیسز میں 360بچوں کا زبردستی ریپ کیا گیا،236بچے ابھی تک لاپتا ہیںاور167بچے کے ساتھ اجتماعی زیادتی کی گئی۔بچوں کے ساتھ زیادتی ایسا ناسور ہے جو آئے روز بڑھتا جا رہاہے۔ہم چاہ کر بھی اس پر کنٹرول نہیں کر پارہے۔قصور میں 200بچوں کا سکینڈل منظر عام پر آنے سے سبھی گھبرا گئے تھے اور اپنے بچوں کی حفاظت کے لیے بھی چوکنے ہو گئے تھے ۔قصور کا زینب قتل کیس بھی اس حوالے سے ایک ٹیسٹ تھا کہ بچوں کے ساتھ زیادتی کرنے والے خبردار ہو جائیں مگر پھر بھی یہ گھلونا کام ختم ہونے کو نہیں آ رہا۔کئی رپورٹس میں اس بات پر بھی زور دیا جاتا ہے کہ ڈیپ ویب پر دھندہ کرنے والے افراد اس کام پر جتے ہوئے ہیں جبکہ کوئی کچھ اور کہتا ہے۔بہرحال یہ کچھ بھی ہو ہمیں اس کے خلاف کھڑا ہونا ہو گااور اپنے بچوں کی حفاظت خود کرنا ہوگی گی وگرنہ یہ درندے ہماری معصوم کلیوں اور پھولوں کو یوں ہی مسلتے رہیں گے۔

زیادتی کا آغازعموما گھروں سے ہوتا ہے ‘قریبی عزیزواقارب بچوںپر جسمانی تشدد کرتے ہیں‘بچوں کو اچھے برے میں فرق کی آگاہی ناگزیر ہے‘ بچے والدین کو بتانے میں ہچکچاہٹ کا شکار ہرگز نہ ہوں ‘والدین اور اساتذہ حکومت کا ساتھ دیں اور مہم کو آگے بڑھائیں
وفاقی وزیر انسانی حقوق ڈاکٹرشیریں مزاری
اسلام آباد (ایمرا نیوز آن لائن ) وزارت انسانی حقوق نے اسلام آباد سے ملک بھر میں بچوں پر تشدد اور زیادتی کی روک تھام کیلئے آگاہی مہم کا آغا زکردیا۔ وزیر انسانی حقوق ڈاکٹرشیریں مزاری نے اسلام آباد میں کالج میں بچوں پرتشدد اور زیادتی کی روک تھام کیلئے مہم کا آغاز کرتے ہوئے کہا ہے کہ بچوں اور والدین کو ملکر اس مہم میں حصہ لیتے ہوئے ایسے گھنونے جرم کو روکنا ہوگا۔شیریں مزاری نے کہا کہ بچوںپر تشدد اور زیادتی کا آغازعموما گھروں سے ہوتا ہے اور انکے قریبی عزیزواقارب بچوںپر جسمانی تشدد کرتے ہیں ، جس کے بعد گلی محلے میں ایسے حرکات سے بچوں کو مشکلات کا سامنا ہوتا ہے، وفاقی وزیر کا کہناتھا کہ بچوںکو تشدد اور زیادتی سے روکنے میں انکے والدین اور اساتذہ کا بڑاکردا ر ہے ، وفاقی حکومت نے اس سلسلے میں قانون سازی کررکھی ہے، جس کے بعد وزارت انسانی حقوق ملک بھر میں بچوںکیلئے آگاہی مہم کا آغاز کررہی ہے، جس میں تعلیمی اداروں سمیت دیگر ذرائع سے انہیں تشدد اورزیادتی سے بچاﺅ سے جائے گا۔پاکستان میں گزشتہ عرصے کے دوران بچوں کے ساتھ جسمانی تشدد اور زیادتی کے واقعات میں اضافہ ہوا ہے ، ہمارے معاشرے میں بچے اس حوالے سے والدین یا اساتذہ کو بتاتے ہوئے شرم محسوس کرتے ہوئے اس لیے حکومت نے متعلقہ اداروں کے ساتھ ملکر مختلف طریقوں سے انہیں سمجھانے کیلئے ویڈیوز اور دیگر ذرائع کو استعمال کرینگے ۔ حکومت چاہتی ہے کہ ہمارے بچے اپنی حفاظت خود کرسکیں اور انکو پتہ ہوکہ کیا ٹھیک ہے اور کیا غلط ہورہا ہے ۔ انہوںنے بچوں سے کہا کہ وہ ایسے واقعات سے متعلق اپنے والدین کو بتانے میں ہچکچاہٹ کا شکار نہ ہوں بلکہ اپنے رشتہ داروں سے متعلق بھی اپنے والدین کو بتائیں۔ہمارے عہد کے بچے ان چیزوں سے اگرچہ باخبر ہوگئے ہیں تاہم ان کو مزید آگاہی اور تعلیم دینے کی ضرورت ہے۔ڈاکٹر شیریں مزاری نے اپنے خطاب میں والدین اور اساتذہ سے درخواست کی کہ وہ اس سلسلے میں حکومت کا ساتھ دیں اور مزید بہتر انداز میں اس مہم کو آگے بڑھائیں۔وفاقی وزیر برائے انسانی حقو ق نے کہا کہ اٹھارویں ترمیم کے بعد صوبوں کو اختیارات منتقل ہونے کے بعدصوبائی سطح پر بھی انسانی حقو ق کے اداروں کے ساتھ ملکر کا م کررہے ہیں، وفاقی حکومت نے اس سلسلے میں ہیلپ لائن بھی قائم کررکھی ہے،ا ور متاثرہ خاندان کو وکیل بھی مہیا کررہی ہے۔ حکومت اس سلسلے میں کسی قسم کی کوتائی برداشت نہیں کرے گی۔وفاقی حکومت نے چائلڈ پروٹیکشن لاءکے سلسلے میں کمیشن آف دی چائلڈ بنارہے ہیں، جو آئندہ چند ماہ میں مکمل ہوجائے گا اور اپنا کام شروع کردے گا۔تقریب میں والدین سمیت بچوںنے بھی شرکت کی۔تقریب کے دوران بچوں پر تشدد اور زیادتی کی روک تھام کے حوالے سے آگاہی ویڈیوز بھی دکھائی گئی۔ شمیم محمود

(نیٹ نیوز/ایمرا نیوز) کوئٹہ کے ضلع کچھی کےعلاقے لنڈی کھوسہ میں وبائی امراض پھوٹ پڑے جس کے باعث کئی بچے جلدی امراض کاشکارہوگئے ۔ کوئٹہ میں جلدی وبائی امراض کاشکار ہونے والے بچوں کےچہرےاورجسم پر دانےاورنشان بن گئے، ان امراض کاشکار زیادہ تر بچوں کی عمریں تین سے دس سال تک بتائی جارہی ہیں۔وزیراعلی بلوچستان جام کمال نےلنڈی کھوسہ میں جلدی وبائی امراض کانوٹس لےلیاہے۔وزیر اعلیٰ بلوچستان کے نوٹس پرڈاکٹروں کی ایک ٹیم صورتحال کاجائزہ لینےکےلئے لنڈی کھوسہ پہنچ گئی اور علاج کےلئےمفت طبی کیمپ قائم کر دیئے۔والدین کی بڑی تعداد جلدی امراض کاشکار بچوں کو لےکرمفت طبی کیمپ پہنچ گئی جہاں ڈاکٹروں کی ٹیم نے بچوں کامعائنہ اور علاج شروع کردیا۔

(ایمرا نیوز)
CRISTIAN FERNANDEZ

اس بچے کے بارے میں سب سے خطرناک چیز یہ ہے کہ یہ بچہ ایک نفسیاتی پنروتھن ہے ، اس بچے نے اپنے 2 سالہ بھائی کو
سلاخوں کے ساتھ باندھ کر سڑکوں پر گھوما کر ہلاک کر دیا. اس کو 2011 میں گرفتار کیا گیا تھا.یہ بچہ ڈیوول کاؤنٹی کی تاریخ میں سب سے کم عمر قاتل ہے.

AMARDEEP SADA

یہ بچہ بھی ایک نفسیاتی مریض ہے اور ایک سیرئل قاتل بھی جو نوجوان بچوں کو قتل کرنے سے خوش ہوتا ہے. 2007 میں، انہوں نے مبینہ طور پر اپنے چھ ماہ کے کزن کے سر کو ایک پتھر پر مار کر ہلاک کردیا تھا . اس نے اس کے بعد اپنے پڑوسی کے بچے کو اپنی بچی اس کے بعد اپنی بہن کو بھی اپنے ظالمانہ رویے کا شکار بنایا . شاید سب سے زیادہ حیران کن بات یہ ہے کہ 2006 میں ان جرائم کا ارتکاب کیا جس وقت اس کی عمر صرف 8 سال تھی.

BEVER BROTHERS

آپ نے شاید منڈینج برادران کے بارے میں سنا ہے جو 1990 کے دہائیوں میں اپنے والدین کو قتل کیا تھا. شاید آپ بیور برادران کے بارے میں نہیں سنا ہوگا. یہ دو ظالم بھی اسی خاندان سے آئے تھے جو ٹوکن تیر، اوکلاہوما میں رہتے تھے. رابرٹ بیور 18 سالہ کا ہے اور ان کے چھوٹے بھائی مائیکل 16 کا ہے. ان کے دو چھوٹے بھائی تھے جن میں عمریں 12 اور 7 سال تھیں جن میں تین بہنیں بھی شامل ہیں جن کی عمریں 13، 5، اور 2 سال تھیں. ظاہر ہے کہ وہ کچھ خوفناک کچھ کرنا چاہتے تھے کہ یہ خطرناک ہے کولمبین واقعہ تاکہ وہ ایک منصوبہ بندی کریں. 22 جولائی، 2015 کو، ان بھائیوں نے لوہے کے بھاری ڈنڈے مار کر اپنے والدین، ان کے چھوٹے چھوٹے بھائیوں اور ان کی 5 سالہ بہن دونوں کو مار ڈالا. ان کی 13 سالہ بہن زندہ رہنے میں کامیاب رہی. کم از کم رابرٹ اور مائیکل نے 2 سالہ بہن کو چھوڑ دیا تھا. اچھی خبر یہ ہے کہ یہ دو خطرناک بھائیوں کو کبھی آزاد نہیں کیا جائے گا.

لتھوینیا:(نیٹ نیوز/ایمرا نیوز) دنیا کے بعض حصوں میں ایک سے چار سال تک کے بچوں میں اموات کی بڑی وجہ پانی میں غرقابی ہے اور اسی لیے قیمتی جانوں کو بچانے کی غرض سے ایک انوکھا پلاسٹک کالر بنایا گیا ہے جو پانی میں جاتے ہی گاڑیوں کے ایئر بیگ کی طرح کھل جاتا ہے، انہیں ہوا بھری گیندیں کہنا زیادہ مناسب ہوگا یہ کالر گردن کے چاروں طرف غباروں کی طرح کھل کر بچے کو سطح آب تک لے آتا ہے۔پاکستان کے مقابلے میں امریکا اور یورپ میں ہر گھر میں نہانے کے ٹب اور سوئمنگ پول ہونے کی وجہ سے بچوں کے ڈوبنے کا خطرہ قدرے زیادہ ہوجاتا ہے اور اسی لیے جدید کالر بنایا گیا ہے جسے ’دی بڈی لائف کالر‘ کا نام دیا گیا ہے۔ اسے لتھووینیا کے ایک انجینئر نے ڈیزائن کیا ہے اور اس کا وزن صرف 120 گرام ہے۔اگر اسے پہننے کے بعد بچہ پانی میں گرجائے تو عین اسی وقت سینسر تبدیلی کو محسوس کرلیتے ہیں اور صرف تین سیکنڈ میں کالر میں چھپے ایئربیگ کو کھول دیتے ہیں جو بچے کی گردن پانی سے باہر رکھ کر اسے سانس لینے اور دیکھنے میں مدد دیتے ہیں۔ اس کے اندر نمی کو محسوس کرنے والا ایک سینسر بھی نصب ہے۔اب یہ کالر اسمارٹ میڈک کمپنی کے تحت فروخت کے لیے پیش کردیا گیا ہے اور یقینی طور پر یہ آلہ حادثاتی طور پر پانی میں گرنے والے بچوں کو بچانے میں انتہائی مددگار ثابت ہوگا۔

میکسیکو(میڈیا نائن ٹو ڈاٹ ٹی وی) لاطینی امریکی ملک میکسیکو میں دس ماہ کا ایک بچہ ایسی بیماری کا شکار ہے جس کی وجہ سے وہ ہمیشہ بھوکا ہی رہتا ہے اور بہت زیادہ غذا کی وجہ سے 10 مہینے کی عمر میں ہی اس کا وزن 9 سال کے لڑکے جتنا ہوگیا ہے۔غیر ملکی میڈیا کے مطابق میکسیکو سے تعلق رکھنے والے لوئس مینول کی عمر 10 ماہ ہے لیکن حیران کن طور پر اس کا وزن 30 کلو گرام ہے جو عام طور پر 9 سال کے بچے کا ہوتا ہے۔
طبی ماہرین کا کہنا ہے کہ لوئس کو دراصل ’’پریڈر ویلی سنڈروم‘‘ کا مرض لاحق ہے۔ یہ بیماری جینیاتی خرابی کی وجہ سے بہت ہی کم لوگوں میں پائی جاتی ہے اور اس میں زیادہ بھوک لگنے کا احساس ہوتا ہے اور اس سے بچے کی افزائش ’رکنے کے ساتھ ساتھ اور اس کے پٹھے بھی نہیں بن پاتے۔
پریڈر ویلی سنڈروم کا شکار بچے بڑھتے وزن کے باعث نہ صرف اپنی عمر سے بڑے بچوں کی طرح نظر آتے ہیں بلکہ ان میں دل کا دورہ پڑنے کے بھی امکانات ہو سکتے ہیں۔
بچے کے والدین کا کہنا ہے کہ وہ غربت کا شکار ہونے کی وجہ سے بچے کا علاج کرانے سے قاصر ہیں اس لئے انہوں نے لوئس کے علاج کےلیے چندہ مہم شروع کی ہوئی ہے۔