Tag lolly wood

(ایمرا نیوز آن لائن)اداکارہ منشا پاشا نے سماجی کارکن جبران ناصر کے ساتھ منگنی کرنے کا فیصلہ کرلیا۔
کچھ دنوں قبل گردش کرنے والی خبر کی اب تصدیق ہوگئی ہے کہ اداکارہ منشا پاشا، جبران ناصر کے ساتھ منگنی کر رہی ہیں۔
اداکار کے قریبی ذرائع نے سماء ڈیجیٹل کو بتایا کہ یہ جوڑی 22 دسمبر کو منگنی ہوگی جبکہ منگنی کی تقریب کا ایک دعوت نامہ بھی سوشل میڈیا پر جاری ہے۔
منشا پاشا نے کئی ڈاموں کے ساتھ فلم ‘چلے تھے ساتھ’ کے ساتھ فلمی دنیا میں قدم رکھا جبکہ رواں برس ریلیز ہونے والی فلم ‘لال کبوتر’ میں انہوں نے مرکزی کردار ادا کیا تھا۔
یہ فلم وینکورانٹرنیشنل ساؤتھ ایشین فلم فیسٹیول میں بہترین فیچر فلم کا ایوارڈ حاصل کرنے میں کامیاب رہی۔

(ایمرا نیوزآن لائن) سماجی رابطوں کی ایپ ٹک ٹاک پر ویڈیوز بناکر مقبول ہونے والی حریم شاہ کو بھی ایک ایونٹ کے دوران جنسی طور پر ہراساں کیا گیا جس کی ویڈیو انہوں نے سوشل میڈیا پر شیئر بھی کردی۔حریم شاہ نے سماجی رابطے کی ویب سائٹ ٹوئٹر پر ایک ویڈیو شیئر کی، جس کے ساتھ انہوں نے اپنی ٹوئٹ میں بتایا کہ انہیں ایک ایونٹ میں نامناسب انداز میں ہاتھ لگایا گیا۔

دنیا بھر میں خواتین کے ساتھ ہوئی ذیادتیوں کے خلاف سامنے آئی مہم ‘می ٹو’ کا سہارا لیتے ہوئے حریم شاہ نے لکھا کہ ‘ایک تقریب کا حصہ بنی جہاں بڑی تعداد میں موجود میرے مداحوں کا ہجوم ارد گرد جمع ہوگیا، ان میں سے ایک نے مجھے نامناسب انداز میں ہاتھ بھی لگایا’۔

ٹک ٹاک اسٹار نے مزید لکھا کہ ‘کیسے کیسے بےشرم لوگ ہیں اس دنیا میں’۔ویڈیو کے سامنے آتے ہی حریم کی ٹوئٹ پر صارفین نے ملا جلا ردعمل دیا۔متعدد مداحوں نے ان کا سپورٹ کرتے ہوئے انہیں ہراساں کرنے والے نوجوان کو تنقید کا نشانہ بنایا۔
جبکہ کچھ نے ان کے لباس کے انتخاب پر بھی تنقید کی۔

واضح رہے کہ حریم شاہ جنہیں انسٹاگرام پر ہزاروں کی تعداد میں صارفین فالو کررہے ہیں، وہ کئی نامور شخصیات کے ساتھ ٹک ٹاک ویڈیوز بنا کر شیئر کرچکی ہیں۔انہیں مقبولیت اس وقت ملی جب رواں سال ان کی ایک ویڈیو پنجاب کے صوبائی وزیر فیاض الحسن چوہان کے ہمراہ سامنے آئی۔

بعدازاں حریم شاہ اور ان کی دوست صندل خٹک خبروں میں اس وقت سامنے آئیں جب معروف اینکر مبشر لقمان نے ان دونوں خواتین پر اپنے نجی جہاز میں بغیر اجازت بیٹھنے اور قیمتی سامنا چوری کرنے کا الزام عائد کیا۔اس کے بعد حریم شاہ کی دفترخارجہ اور اعلیٰ سطح اجلاس کے لیے مختص کمرے میں بھی ویڈیوز سامنے آئیں، جس کے بعد انہیں سوشل میڈیا پر شدید تنقید کا نشانہ بنایا گیا۔جس کے بعد حریم شاہ نے ایک ویڈیو کے ذریعے وزیر اعظم عمران خان کی کرسی پر بیٹھنے پر معافی بھی مانگی تھی۔

(ایمرا نیوزآن لائن) بالی وڈ کی معروف اور کامیاب ترین فلم ’دبنگ‘ کا سیکیوئل ’دبنگ تھری‘ جلد سینما گھروں کی زینت بننے والا ہے لیکن سوشل میڈیا صارفین ’بائیکاٹ دبنگ تھری‘ کا ہیش ٹیگ کیوں استعمال کر رہے ہیں؟ بالی وڈ اداکار سلمان خان کے دنیا بھر میں بے شمار مداح ہیں اور لوگ انہیں بے حد پسند کرتے ہیں اور ان کی آنے والی ہر فلم اور گانے کو دیکھنے کے لیے بیتاب ہوتے ہیں۔

سلمان خان کی کامیاب ترین فلموں میں سے ایک ’دبنگ‘ تھی جس کا سیکیوئل جلد نمائش کے لیے پیش کر دیا جائے گا لیکن سوشل میڈیا پر صارفین کے مطابق سلمان خان کی آنے والی فلم ’دبنگ تھری‘ میں ہندوؤں کے جذبات کو مجروح کیا گیا ہے۔ صارفین کا کہنا ہے کہ اس فلم کے ایک گانے ’ہُڑہُڑ دبنگ‘ میں ہندو درویش ’سادھو‘ کی طرح لباس پہنے کچھ لوگ گٹار بجاتے ہوئے رقص کرتے دکھائی دے رہے ہیں۔

صارفین کے مطابق یہ گانا ان کے لیے ہندو ثقافت کی تذلیل ہے، یہی وجہ ہے کہ مداحوں کی جانب سے اس فلم پر پابندی لگانے کا مطالبہ کیا جا رہا ہے۔ بھارت میں لوگ اس حوالے سے نفرت ظاہر کرنے کے مختلف انداز اپنا رہے ہیں اور ٹوئٹر پر ’دبنگ تھری‘ پر پابندی لگانے کے حوالے سے ملے جلے تبصرے کیے جا رہے ہیں۔

لاہور(ایمرا نیوز آن لائن)پاکستانی فلم اور ڈرامہ انڈسٹری کے اداکار شاز خان نے فلم ساز جامی کی فلم مور میں اداکاری دکھا کر شہرت حاصل کی تھی اور اب انہوں نے اپنی آنے والی فلم کے لیے خوب محنت کر کے اپنے آپ کو فائٹر میں تبدیل کر کے سب کو دنگ کر دیا ہے۔اداکار شاز خان اپنی آنے والی فلم ’دی مارشل آرٹسٹ‘ میں ایک ایم ایم اے فائٹر کا کردار نبھائیں گے جس کے لیے وہ کیلی فورنیا میں ٹریننگ حاصل کر رہے ہیں۔شاز خان نے اپنی چند تصاویر سوشل میڈیا ایپ انسٹاگرام پر شیئر کی ہیں جس میں انہوں نے اپنے کردار کی جھلک دکھائی، اور ان تصاویر میں وہ ایک فائٹر دکھائی دے رہے ہیں۔

اداکار اس فلم میں اپنے کردار کے لیے کیلی فورنیا میں معروف کوچ ایم ایم اے چیمپئن رافائل کورڈیرو کی سربراہی میں مارشل آرٹس کی ٹریننگ حاصل کر رہے ہیں۔’دی مارشل آرٹسٹ‘ فلم کا اسکرپٹ اداکار شاز خان نے خود ہی لکھا ہے اور اس فلم کی کہانی ایک مارشل آرٹسٹ پر مبنی ہے جو کہ کیلی فورنیا سے لڑتا ہے اور اچانک اسے پاکستان آنا پڑتا ہے۔اداکار نے فلم کے اسکرپٹ کے حوالے سے سوشل میڈیا پر ایک تصویر بھی شیئر کی تھی جس میں انہوں نے فلم کا اسکرپٹ مکمل ہونے کے بارے میں بتایا تھا۔شاز خان وقفے وقفے سے اس فلم کے حوالے سے اپنی ٹریننگ کی تصاویر سوشل میڈیا پر اپنے مداحوں کے ساتھ شئیر کر رہے ہیں مگر فلم کی مزید تفصیلات کے حوالے سے انہوں نے فی الحال کچھ نہیں بتایا۔

‘دی مارشل آرٹسٹ‘ فلم کی ریلیز کے حوالے سے بھی ابھی کوئی معلومات سامنے نہیں آ سکی ہیں۔واضح رہے کہ اداکار شاز خان پاکستانی فلم ’دوبارہ پھر سے‘ اور ’پرواز ہے جنون‘ جیسی فلموں میں اداکاری کر چکے ہیں، فلموں کے علاوہ شاز خان متعدد ٹی وی ڈراموں میں بھی کام کر چکے ہیں۔

لاہور(ایمرا نیوز آن لائن)معروف اداکار احسن خان فلم چُھپن چُھپائی کے بعد اب مضبوط سماجی پیغام پر مبنی فلم ’پردے میں رہنے دو‘ میں اداکاری کے جوہر دکھائیں گے۔احسن خان پاکستان شوبز انڈسٹری کے بہترین اداکاروں میں سے ایک ہیں اور اب اداکار جلد ہی رومانوی کامیڈی فلم میں پرفارم کرتے نظر آئیں گے۔فلم ’پردے میں رہنے دو‘ کی کہانی رومانوی اور کامیڈی ہوگی جب کہ فلم کے ہدایت کار محسن علی اور پروڈیوسر زید شیخ ہیں، فلم میں اداکار احسن خان مرکزی کردار کی حیثیت سے اداکاری کرتے دکھائی دیں گے۔

اداکار احسن خان کے مطابق ’یہ ایک رومانوی اور کامیڈی فلم تو ہوگی لیکن اس کی کہانی میں ایک بہت بڑا سماجی پیغام بھی چھپا ہوا ہے، اور مجھے لگتا ہے کہ ٹیلی ویژن یا فلم پر اس سے پہلے کبھی بھی اس طرح کے سماجی پیغام کو نہیں چھوا گیا۔‘احسن خان کا کہنا ہے کہ جب ہدایت کار محسن نے مجھے فلم کی کہانی کے بارے میں بتایا تو مجھے یہ بے حد پسند آئی جب کہ فلم کے اسکرپٹ نے میرا دل موہ لیا، مجھے اس فلم کا نظریہ پسند ہے اور مجھے اس میں بہت مزہ آنے والا ہے۔اداکار احسن خان نے سالگرہ کا دن کینسر کے ننھے مریضوں کے نام کر دیا

’ایور ریڈی پکچرز‘ کے بینرز تلے بننے والی فلم ’پردے میں رہنے دو‘ کی مکمل کاسٹ اور ریلیز کے حوالے سے فی الحال کوئی اعلان نہیں کیا گیا ہے۔اداکار کا کہنا ہے کہ فلم کی مکمل کاسٹ کا جلد اعلان کیا جائے گا جب کہ فلم کی عکس بندی چند ماہ بعد شروع کی جائے گی۔یاد رہے کہ اداکار احسن خان کو سلور اسکرین پر آخری مرتبہ 2017 میں ایک کامیڈی تھرلر فلم ’چھپن چھپائی‘ میں دیکھا گیا تھا جس میں ان کے مدمقابل خوبرو اداکارہ نیلم منیر تھیں۔

’ڈرامہ ’الف‘ ٹیلی ویژن کے استعمال کی مثال قائم کرے گا‘ اداکار احسن خان فلم ‘پردے میں رہنے دو’ کے علاوہ اداکارہ عائشہ عمر کے ساتھ فلم ’رہبرا‘ میں بھی جلد نظر آئیں گے۔واضح رہے کہ اداکار احسن خان حال ہی میں نشر کیے جانے والے جیو ٹی وی کی ڈرامہ سیریل ’الف‘ میں بھی معاون کردار کرتے دکھائی دے رہے ہیں جنہیں مداحوں کی جانب سے بے حد پسند کیا جا رہا ہے۔

لاہور (ایم نائن ٹو) پاکستانی سماج کے کئی اہم مسائل کو اجاگر کرتا اور ان مسائل کو حل کرنے کے لیے خواتین کے کردار کی اہمیت کو بیان کرنے والا نیا ڈرامہ سیریل ’کہاں ہو تم‘ جلد ہی نجی ٹی وی اے پلس سے نشر کیا جائے گا۔’کہاں ہو تم‘ میں نوجوان اداکارہ سنبل اقبال اہم اور منفرد کردار ادا کرتی نظر آٗئیں گی، جس سے متعلق ان کا دعویٰ ہے کہ اس سے قبل انہوں نے ایسا کوئی کردار ادا نہیں کیا۔

’کہاں ہو تم‘ میں سنبل اقبال ایک ایسی عورت کا کردار ادا کرتی نظر آئیں گی، جو اپنے ارد گرد کے بدتر ماحول کو بہتر بنانے کے لیے کوشاں ہوتی ہے۔’کہاں ہو تم‘ میں سنبل اقبال ’نور‘ کے کردار میں نظر آئیں گی، جو لاہور کے ایک ایسے علاقے میں جنم لیتی ہیں، جہاں کئی خرابیاں موجود ہوتی ہیں، تاہم اسے اس کی والدہ ان برائیوں سے محفوظ رکھنے کے لیے اہم اقدامات کرتی ہے، تاکہ وہ ایک بہتر زندگی گزار سکے۔بدقسمتی سے ڈرامے میں نہ صرف نور کے اپنے والد بلکہ ہونے والے شوہر بھی مسترد کردیتے ہیں۔اپنے کردار اور ڈرامے سے متعلق سنبل اقبال نے ڈان امیجز کو بتایا کہ ’کہاں ہو تم‘ میں کئی سماجی مسائل اور سوالات کو اٹھایا گیا ہے۔سمبل اقبال نے انکشاف کیا کہ انہوں نے ’کہاں ہو تم‘ میں پہلی بار بولڈ اداکاری کی، انہوں نے اس سے قبل ایسی اداکاری نہیں کی۔خیال رہے کہ ’کہاں ہو تم‘ ڈرامہ رومانوی ہے، مگرساتھ ہی ڈرامے میں لاہور کے خوبصورت ماضی، وہاں کے طوائف خانوں اور دیگر موضوعات کو بھی اچھے طریقے سے دکھایا گیا ہے۔ڈرامے کی خاص بات یہ ہے کہ اس میں سنبل اقبال 2 گانوں پر پرفارمنس بھی کرتی نظر آئیں گی۔ڈرامے کی کاسٹ میں فیصل رحمٰن، عفن وحید، عابد علی اور دیگر اداکار شامل ہیں۔