Tag londen

لندن(وقت آن لائن)شوگر کے مریضوں کو خون میں شکر کی مقدار جانچنے کے لیے ایک بوند خون درکار ہوتا ہے جو انگلی پر باریک سوئی مار کر حاصل کیا جاتا ہے اوراسے ایک خاص پٹی پر لگا کر شکر کی مقدار جانی جاتی ہے۔لیکن جدید ٹیکنالوجی کی مدد سے اس روایتی اور تکلیف دہ طریقے سے نجات دلانے کے لیے ایک بہترین حل تلاش کرلیا گیا ہے۔متعدد ٹیکنالوجی کمپنیاں خون میں شکر کی مقدار جاننے کے لیے ایک ایسے طریقے پر کام کر رہی ہیں جس میں خون کا نمونہ دیے بغیر شکر کی مقدار معلوم کی جاسکتی ہے۔

جاپانی کمپنی کیوسیرا بھی اسی طرح کی ٹیکنالوجی پر کام کر رہی ہے جب کہ کمپنی نے اعتراف کیا ہے کہ وہ بلڈ شوگر کی پیمائش کرنے کے لیے فی الحال تیار نہیں ہے۔یہ نئی ٹیکنالوجی مصنوعی ذہانت (آرٹیفیشل انٹیلیجنس) کا استعمال کرتے ہوئے خون میں شکر کی مقدار بتائے گی، اس ٹیکنالوجی پر ابھی مزید کام ہورہا ہے جسے ’کنزیومر الیکٹرانک شو 2020‘ میں پیش کیا گیا ہے۔

کنزیومر الیکٹرانک شو میں پیش کی جانے والی ’گلوٹریک‘ جو کہ ایک اسمارٹ واچ ہے، یہ خون میں موجود شکر کی مقدار بتاتی ہے۔اس واچ کو ہانک کانگ کی ایڈکیئر کی جانب سے بنایا گیا ہے، یہ واچ دل کی دھڑکن کو جانچنے کے بعد آرٹیفیشل انٹیلیجنس کا استعمال کرتے ہوئے خون میں موجود شکر کی مقدار بتاتی ہے۔اس واچ کی پشت پر ایسے سینسرز نصب کیے گئے ہیں جو ہر 15 منٹ بعد صحت سے متعلق ڈیٹا کا ریکارڈ بناتا ہے جب کہ اس واچ میں ایک عدد فنگر سینسر بھی موجود ہے جس کے ذریعے آپ ریڈنگز حاصل کر سکتے ہیں۔

اس پورے مرحلے میں صارف کو خون کی شکر کی مقدار کو معلوم کرنے میں ایک منٹ کا وقت لگے گا۔اس ڈیوائس کو ان افراد کے لیے ڈیزائن کیا گیا ہے جو ’پری ڈائبیٹک‘ ہیں اور وہ یہ نہیں چاہتے کہ انگلی پر سوئی مار کر خون میں موجود شکر کی مقدار کو معلوم کریں۔یہ ڈیوائس ایسے لوگوں کے لیے نہیں بنائی گئی ہے جو پہلے ہی ذیابطیس کا شکار ہیں کیونکہ ذیابیطس میں مبتلا مریضوں کو خون میں موجود شکر کی مقدار کو باقاعدگی سے جاننا ہوتا ہے۔

اس ڈیوائس کو پری ڈائیبیٹک یعنی ایسے لوگوں کے لیے بنایا گیا ہے جنہیں ذیابیطس ہونے کا خدشہ ہوتا ہے۔یہ ڈیوائس متوقع طور پر اسی سال جاپان کی مارکیٹ میں پیش کی جائے گی فی الحال یہ آزمائشی مرحلے میں ہے۔

لاہور(ایمرا نیوز آن لائن)وفاقی وزیر سائنس و ٹیکنالوجی فواد چوہدری کا کہنا ہے کہ لندن کے اسپتال کے انتہائی نگہداشت یونٹ میں کھاؤ پیو بیماری کا علاج انتہائی انہماک سے جاری ہے۔سماجی رابطے کی ویب سائٹ ٹوئٹر پر

وفاقی وزیر سائنس و ٹیکنالوجی فواد چوہدری نے سوشل میڈیا پر وائرل شریف فیملی اور لند ن میں مقیم دیگر نون لیگی لیڈران کے ہمراہ مقامی ہوٹل میں کھانے کے وقت لی گئی تصویر پر دلچسپ و طنزیہ تبصرہ کیا ہے۔

لندن کے ھسپتال کے انتہائ نگہداشت یونٹ میں ہونیوالی ملاقات کے مناظر۔۔۔ کھاؤ پیو بیماری کا علاج انتہائ انہماک سے جاری ہے اور سارے مریض بہتر محسوس کر رہے ہیں۔

فواد چوہدری نے تصویر شیئر کرتے ہوئے ٹوئٹ کیا کہ لندن کے اسپتال کے انتہائی نگہداشت یونٹ میں ہونیوالی ملاقات کے مناظرمیں کھاؤ پیو بیماری کا علاج انتہائی انہماک سے جاری ہے اور سارے مریض بہتر محسوس کر رہے ہیں۔

واضح رہے کہ لندن کے ایک ریسٹورنٹ میں لی گئی تصویر میں سابق وزیر اعظم نواز شریف اپنے بیٹوں حسن اور حسین نواز کے علاوہ اپنے بھائی اور مسلم لیگ نون کے صدرشہباز شریف کے ساتھ موجود ہیں ، اس کے علاوہ تصویر میں سابق وفاقی وزیر خزانہ اسحاق ڈار بھی موجود ہیں ۔

تہران(ایمرا نیوز آن لائن) ایران نے یوکرین میزائل سے تباہ ہونے والے طیارے کے بلیک باکس تک رسائی دے دی۔یوکرین کے وزیر خارجہ ویدیم پرسٹاکیو نے پریس کانفرنس کرتے ہوئے کہا کہ ہمارے تفتیش کاروں نے تباہ ہونے والے طیارے کے بلیک باکس تک رسائی حاصل کرلی ہے، ایران نے یوکرین کی 50 رکنی ٹیم کو بلیک باکس اور جائے حادثہ تک رسائی دی۔

ایران نے یوکرین کے طیارے کو مار گرانے کا اعتراف کر لیا ایران میں مسافر طیارہ تباہ ہونے سے 176 افراد ہلاک انہوں نے کہا کہ ہم جہاز کے ٹکڑوں کے ساتھ لاشوں کا بھی کیمیکل تجزیہ کررہے ہیں۔وزیر خارجہ کا کہنا تھا کہ ایران کی جانب سے مکمل تعاون کیا جارہا ہے، ہم کسی نتیجے تک پہنچنا چاہتے ہیں اور ہم اب تک کسی نتیجے پر نہیں پہنچے ہیں جب کہ ہم کسی بھی امکان کو رد بھی نہیں کررہے ہیں۔

واضح رہے کہ ایران میں 8 جنوری کو یوکرین کا طیارہ تباہ ہوا جس میں سوار تمام 176 افراد ہلاک ہوئے، ابتدا میں ایران نے واقعے کو حادثہ قرار دیا تاہم بعد میں امریکا اور دیگر یورپی ممالک کی جانب سے دعویٰ کیا گیا کہ ایران نے مسافر طیارے کو میزائل سے نشانہ بنایا۔

ایران نے یورپی ممالک کےدعوؤں کی کئی بار نفی کی تاہم اندرونی تحقیقات کے بعد ایران نے یوکرین کے طیارے کو غلطی سے مار گرانے کا اعتراف کرلیا اور اس پر معذرت بھی کی ہے۔

اسرائیل(ایمرا نیوز آن لائن)اسرائیل نے سیز فائر معاہدے کی خلاف ورزی کرتے ہوئے ایک بار پھر غزہ پر فضائی حملہ کر دیا۔اسرائیل کی جانب سے غزہ میں ہونے والی فضائی کارروائیوں کے بعد مصر کی کوششوں سے دو روز قبل حماس اور اسرائیل کے درمیان سیز فائر معاہدہ طے پایا تھا۔

غزہ میں اسرائیلی جارحیت؛34 افراد کی شہادت کےبعد مصرکی کوششوں سے جنگ بندی لیکن اب اطلاعات ہیں کہ اسرائیل نے سیز فائر معاہدے کی خلاف ورزی کرتے ہوئے ایک بار پھر غزہ پر راکٹوں سے حملہ کیا ہے۔

غیر ملکی خبر ایجنسی کے مطابق اسرائیلی نے راکٹوں کے ذریعے بیت لاھیا میں ایک عمارت کو نشانہ بنایا۔خبر ایجنسی کے مطابق غزہ کے شمالی علاقے میں حماس کے زیر استعمال عمارت کو نشانہ بنایا گیا، حماس کی حکومت میں یہ نیول پولیس کا کمپاؤنڈ تھا۔

اسلام آباد (ایمرا نیوز آن لائن)آپ نے عموماً چارکول کو خوبصورتی نکھارنے اور بیوٹی پروڈکٹس میں استعمال کرنے کے بارے میں تو سنا ہی ہوگا لیکن کیا آپ نے کبھی چارکول سے بنی کافی کے بارے میں سنا ہے؟عام طور پر لوگوں کو بلیک کافی بے حد پسند ہوتی ہے مگر یہ بلیک کافی اپنے نام کی طرح بالکل کالے رنگ کی نہیں ہوتی بلکہ اس بلیک کافی کا مطلب یہ ہوتا کہ اس میں دودھ اور کریم شامل نہ ہو۔لیکن ہم آج آپ کو ایک ایسے کیفے کے بارے میں بتائیں گے جہاں ملنے والی کافی کو چارکول سے تیار کیا جاتا ہے اور یہ کافی گہرے کالے رنگ کی ہوتی ہے۔

نیویارک سٹی کے ’راؤنڈ کے‘ کیفے میں آپ کو ایسی بلیک کافی ملے گی جو کہ اپنے نام کی طرح دکھنے میں بالکل گہرے کالے رنگ کی ہوتی ہے۔اس کیفے کے مالک اوکیون بیون کا ماننا ہے کہ کافی کو بالکل اس کے نام کی طرح بنایا جائے اور انہوں نے ایک ایسی کافی تیار کی جو بے حد مقبول ہوگئی۔کیفے کے مالک نے مختلف ایکٹیویٹد چارکول کو جانچنا شروع کیا جس کے بعد انہوں نے کافی میں کالا رنگ دینے کے لیے ناریل کے چھلکے کی راکھ کا انتخاب کیا۔

یہ ناریل کی راکھ کافی کو نہ صرف گہرا کالا رنگ دیتی ہے بلکہ یہ کافی کو ایک خاص ذائقہ بھی دیتی ہے۔نیویارک میں واقع یہ کیفے 2017 سے اس میٹ بلیک کافی کو بنانے کی وجہ سے بے حد مقبول ہے، کچھ لوگوں کو اس کافی کا رنگ تھوڑا عجیب لگتا ہے لیکن اب یہ مقبول ترین ڈرنک میں سے ایک بن چکی ہے۔اس کافی کو بنانے کے لیے 90 فیصد ڈچ کاکاؤ، اسپریسوشاٹ، ناریل کی راکھ، بادام کا دودھ اور معمولی برف ملا کر تیار کیا جاتا ہے۔

کیفے کے مالک نے بتایا کہ لوگ جب بھی اس کیفے میں آتے ہیں تو وہ کافی کے رنگ کو دیکھ کر حیران اور پریشان ہوجاتے ہیں لیکن جب وہ اس کافی کو پیتے ہیں تو اس کے مزیدار ذائقے سے خوب لطف اندوز ہوتے ہیں کیونکہ اس کا ذائقہ روایتی کافی سے مختلف ہوتا ہے۔نیویارک شہر میں یہ کیفے اپنی منفرد کافی کی وجہ سے بے حد مقبول ہے اور یہاں کی میٹ بلیک کافی کے ایک کپ کی قیمت 6 ڈالرہے۔

برطانیہ(ایمرا نیوز آن لائن)برطانیہ کے شہزادہ چارلس کے پسندیدہ سرکاری مکانات میں سے ایک مکان میں لگی 6 کروڑ 46 لاکھ 79 ہزار 950 ڈالرز مالیت کی پینٹنگز جعلی نکلیں۔ڈم فریز ہاؤس ’دی پرنس فاؤنڈیشن‘ کا صدر مقام ہے جہاں ان قیمتی فن پاروں کو عوامی نمائش کے لیے لگایا گیا تھا لیکن جعل سازی کا آرٹ اسکینڈل سامنے آنے کے بعد اِن پینٹنگز کو ہٹا دیا گیا ہے۔دی میل آن سنڈے کے مطابق وہاں لگی بہت سی پینٹنگز میں سے دو فن پارے جس میں سے ایک 5 کروڑ 43 لاکھ 31 ہزار 158 ڈالر زکی پکاسو کی پینٹنگ تھی جب کہ دوسری 1 کروڑ 55 لاکھ 23 ہزار 188 ڈالرز کی مصور ڈالی کی پینٹنگ تھی، ان دونوں کو بھی جعلی قرار دے دیا گیاہے۔
دیوالیہ بزنس مین جیمس اسٹنٹ کی طرف سے 17 پینٹنگز قرض پر دی گئی تھیں۔پرنس فاؤنڈیشن کے ترجمان نے اس بات کی تصدیق کی ہے کہ ڈم فریز ہاؤس وقتاً فوقتاً افراد اور دیگر تنظیموں کے قرض پر فن پاروں کو قبول کرتا رہتا ہے۔ان کا کہنا تھا کہ یہ انتہائی افسوسناک ہے کہ ان مخصوص پینٹنگز کی صداقت کے حوالے سے شکوک و شبہات سامنے آئے ہیں اور اب انہیں نمائش سے بھی ہٹا دیا گیا ہے۔

جعلی آرٹ بنانے کے مقدمے میں 6 ماہ قید کی سزا کاٹنے والے امریکی فنکار ٹونی ٹیٹرو کا کہنا ہے کہ یہ تصاویر انہوں نے بنائی تھیں اور مسٹر اسٹنٹ کو فروخت کر دیں تھیں۔مسٹر ٹیٹرو قانونی طور پر ایک ایسے مصور ہیں جو کہ صارفین کے گھروں اور دفاتر کے نجی استعمال کے لیے ماسٹر پیس کی نقل تیار کرتے ہیں، اور مسٹر اسٹنٹ نے ان سے 11 ماسٹر پیس کی نقل حاصل کی تھیں۔ٹیٹرو نے مزید بتایا کہ آپ میری بنائی ہوئی تصویروں سے اپنے دوستوں کو متاثر تو لیکن اسکروٹنی کے ماہر اسے کبھی پاس نہیں کریں گے۔تاہم جعل سازی کے اس اسکینڈل کے حوالے سے اسٹنٹ نے اصرار کیا ہے کہ میرا کوئی سامان جعلی نہیں ہے۔

لندن(ایمرا نیوز آن لائن) لندن میں مہاراجہ آف منی پور کے نمائندوں نے بھارت سے آزادی کا اعلان کرتے ہوئے منی پور ریاست کونسل کے قیام کا اعلان کر دیا۔وزرا نے پریس کانفرنس کرتے ہوئے کہا بھارتی تسلط غیر قانونی ہے، انہوں نے منی پور کے مہاراجہ کی دستخط شدہ دستاویز بھی دکھائیں جس میں انہیں منی پور کا مسئلہ حل کرنے کا اختیار دیا گیا تھا۔

جلاوطن حکومت سینٹرل لندن میں ہوگی، منی پور کونسل کے نمائندوں نے اقوام متحدہ اور عالمی برادری سے اپیل کی ہے کہ ان کی جلا وطن حکومت کو تسلیم کیا جائے۔ 1949 میں بھارت نے منی پور پر غاصبانہ قبضہ کرلیا تھا جس کے بعد سے وہاں آزادی کی تحریک جاری ہے۔

واضح رہے کہ 5 اگست کو بھارت کی جانب سے کشمیر کی جداگانہ شناخت ختم کرنے پر بھارت میں جبری طور پر شامل کی گئی ریاستوں میں تشویش کی لہر دوڑ گئی تھی جن میں ایک منی پور کی ریاست بھی شامل ہے جسے بھارتی حکومت نے 1949 میں اپنی قسمت کا فیصلہ خود کرنے کا اختیار دیا تھا تاہم اب کشمیر کے معاملے پر بھارتی نیت واضح ہونے پر ریاست منی پور کی جانب سے آزادی کا اعلان کر دیا گیا ہے۔

برطانیہ(ایمرا نیوز آن لائن)پارلیمنٹ کی منظوری کے بعد برطانیہ میں 12 دسمبر کو عام انتخابات کا اعلان کیا گیا ہے۔برطانوی وزیراعظم بورس جانسن کی جانب سے الیکشن کی درخواست پر ہونے والی ووٹنگ کے حق میں 438 ووٹ ڈالے گئے جب کہ مخالفت میں صرف 20 ووٹ پڑے۔برطانوی ایوان نمائندگان (ہاؤس آف کامنز) سے پاس کردہ بل منظوری کے لیے ہاؤس آف لارڈز بھیجا جائے گا اور اس بات کا امکان ہے کہ یہ بل رواں ہفتے کے آخر تک قانون کا حصہ بن جائے۔

وزیراعظم بورس جانسن نے کہا تھا کہ عوام کو اس بات کا موقع ضرور ملنا چاہیے کہ وہ اپنے مستقبل اور بریگزٹ کے حوالے سے فیصلہ کر سکیں۔یورپی یونین نے بریگزٹ کی تاریخ میں 3 ماہ توسیع کی منظوری دے دی بورس جانسن پرامید ہیں کہ نئے انتخابات کے ذریعے انہیں عوام دوبارہ سے مینڈیٹ دیں گے تاکہ وہ بریگزٹ ڈیل اور پارلیمانی ڈیڈلاک کو ختم کر سکیں۔ برطانوی وزیراعظم نے کہا کہ یہ وقت ہے کہ ہم آپس میں بیٹھیں اور بریگزٹ کو مکمل کریں۔

دوسری جانب برطانوی پارلیمنٹ میں قائد حزب اختلاف اور لیبر پارٹی کے سربراہ جیریمی کاربن کا کہنا ہے کہ یہ الیکشن ملک کو تبدیل کرنے کے لیے ہماری نسل کے پاس ایک موقع ہے تاکہ عوام کے ضائع کئے گئے حقوق انہیں دوبارہ دلائے جا سکیں۔جیریمی کاربن نے کہا کہ ان کی جماعت ملک میں حقیقی تبدیلی کے لیے بامقصد اور فطری الیکشن مہم چلائے گی۔خیال رہے کہ برطانوی وزیراعظم بورس جانسن کی درخواست پر یورپی یونین نے بریگزٹ ڈیل میں جنوری 2020 تک توسیع کی منظوری دیدی ہے۔

لندن (ایمرا نیوز آ ن لائن)گھر کے سوئمنگ پول میں مگرمچھ کی انٹری امریکی ریاست کے ایک گھر کے سوئمنگ پول میں مگرمچھ کی انٹری، گھر کے مکین خوفزدہ ہوگئے، ریسکیو اہلکار نے باآسانی دیوہیکل مگرمچھ کو قابو کرلیا۔گولف کورس ہوں یا رہائشی گھر، سڑکیں ہو ں یا پارکنگ لوٹ، امریکا میں مگرمچھ کہیں بھی انٹری دینے سے نہیں گھبراتے، حال ہی میں 9 فٹ کا دیوہیکل مگر مچھ امریکی ریاست فلوریڈا کے ایک گھر میں جا گُھسا اور سوئمنگ پول میں ڈُبکیاں لگاتا دِکھائی دیا۔

دیوہیکل مگر مچھ کو اپنے گھر میں دیکھ کر گھر کے مکین خوفزدہ ہوگئے اور مگرمجھ کو پکڑنے کے لیے ریسکیو اہلکار کو طلب کرلیا۔ریسکیو اہلکار ناصرف مگرمچھ کی موجودگی میں پول میں کُود گیا بلکہ مگرمچھ کے ساتھ خُوب کھیلا بھی اور باآسانی مگرمچھ کو کندھے پر اُٹھائے ٹرک میں ڈال دیا۔ریسکیو اہلکار کی بہادری کو دیکھ کر گھر کے خوفزدہ مکین حیران رہ گئے۔