Tag london

سیریز یا ٹورنامنٹ میں ڈینیئل ویٹوری کا بہترین اکانومی ریٹ بالنگ کا ریکارڈ توڑ ڈالا
سنچورین (ایمرا نیوز آن لائن)قومی ٹیم کے آل رانڈر عماد وسیم نے جنوبی افریقہ کے خلاف ٹی ٹونٹی سیریز میں بڑااعزاز اپنے نام کرلیا۔30سالہ عماد وسیم نے جنوبی افریقہ کے خلاف تین ٹی ٹونٹی میچز کی سیریز میں12اوورز میں51رنز دے کر17کی اوسط سے3شکار کیے اور اس دوران ان کا اکانومی ریٹ محض4.25رہا جو جنوبی افریقہ سرزمین پرسیریز یا ٹورنامنٹ میں 10سے زیادہ اوورز کرنے والے کسی بھی بالر کا بہترین اکانومی ریٹ ہے ، اس سے قبل سابق کیوی کپتان ڈینیئل ویٹوری نے ورلڈ ٹی ٹونٹی 2007کے دوران پروٹیز کے دیس میں محض5.33کی اوسط سے رنز دیئے تھے.

نئے کھلاڑیوں کے ورلڈ کپ پلان میں شامل ہونیکا انحصار آسٹریلیا کی سیریز پر ہوگا:سابق کپتان
لاہور (ایمرا نیوز آن لائن)پاکستان کرکٹ ٹیم کی انتظامیہ نے مئی میں شیڈول ورلڈ کپ سے قبل سینئرکھلاڑیوں کو آرام دے کر کچھ نئے کھلاڑیوں کو آزمانا دینے کا فیصلہ کیا ہے جس سے ورلڈ کپ کے لیے ٹیم کو حتمی شکل دی جا سکے گی ،ان میچز میں اگر کوئی نیا کھلاڑی بہترین پرفارمنس دکھانے میں کامیاب رہا تو اسے ورلڈ کپ کا ٹکٹ مل سکتا ہے۔ایک انٹرویو میں کپتان سرفراز احمد کا کہنا ہے کہ جو لڑکے ہمارے ورلڈ کپ پلان میں ہیں انہیں آئندہ ماہ آسٹریلیا کے ہوم سیریز میں کچھ نئے لڑکوں کے ساتھ موقع دیا جائے گا اور بعض سینئرز کو آرام دیا جاسکتا ہے۔ورلڈ کپ سے قبل انگلینڈ کی سیریز میں جس ٹیم کا انتخاب ہوگا وہی ٹیم ورلڈ کپ کھیلے گی، ورلڈ کپ کے 16 کھلاڑی ہی انگلینڈ کے خلاف پانچ ون ڈے میچوں میں شرکت کریں گے۔ہوسکتا ہے کہ کچھ نئے کھلاڑی ورلڈ کپ پلان میں شامل ہو جائیں لیکن اس بات کا انحصار آسٹریلیا کی سیریز میں ٹیم کی کارکردگی پر ہوگا۔سرفراز احمد کا کہنا تھا کہ ورلڈکپ کی کپتانی ملنے سے پہلے مطمئن تھا کیوں کہ کرکٹ بورڈ کے چیئرمین احسان مانی مجھے بتا چکے تھے کہ آپ ہی کپتان بنیں گے اور یہ اعزاز ملنے کے بعد مجھ پر ذمہ داری بڑھ گئی ہے۔اپنی کارکردگی کے حوالے سے سرفراز احمد نے کہا کہ وہ کوشش کریں گے کہ ورلڈ کپ میں پانچویں یا چھٹے نمبر پر آئیں،میگا ایونٹ میں اپنی کارکردگی کے ذریعے فرنٹ سے لیڈ کرنا چاہتا ہوں۔

ماڈل اپارٹمنٹ کرائے پر دینے کی خواہشمند تھی ، پولیس نے ملزم کو گرفتار کرلیا
ماسکو (ایمرا نیوز آن لائن)روس کی پولیس نے اپارٹمنٹ کرائے پر دینے کی خواہشمند ماڈل کرینہ شانکینہ کے ریپ اور قتل میں ملوث 31 سالہ شخص کو گرفتار کرلیا۔ پولیس کا کہنا تھا کہ 20 سالہ ماڈل کی لاش ان کے اپارٹمنٹ کے باتھ ٹب سے برہنہ حالت میں ملی تھی اور ابتدائی طور پر بتایا گیا کہ ماڈل کی ہلاکت پانی میں ڈوبنے کے باعث ہوئی۔رپورٹ کے مطابق ماڈل کی والدہ نے پولیس سے اپنی بیٹی کے لاپتہ ہونے سے متعلق رپورٹ درج کروائی تھی، جس کے بعد پولیس نے ماڈل کی لاش ان کے اپارٹمنٹ سے برآمد کی اور شواہد جمع کرکے، ہاتھوں کے نشان کی مدد سے، ایک شخص کو گرفتار کرلیا، جن کی شناخت ظاہر نہیں کی گئی۔رپورٹ کے مطابق مذکورہ شخص ایک اور خاتون سے شادی کے بغیر نجی تعلقات استوار کرنے کے لیے ماڈل کا اپارٹمنٹ کرائے پر حاصل کرنا چاہتا تھا، مذکورہ خاتون کی شناخت بھی ظاہر نہیں کی گئی ہے۔اس میں مزید بتایا گیا کہ کرینہ نے اپارٹمنٹ کرائے پر دینے کے لیے اشتہار دیا تھا اور ملزم مذکورہ اپارٹمنٹ دیکھنے کے لیے آیا تھا۔کرینہ نے مذکورہ شخص کو اپارٹمنٹ دکھایا اور اس دوران ملزم نے کرینہ پر حملہ کردیا۔واقعے کے حوالے سے پولیس کا کہنا تھا کہ ‘ملزم نے کرینہ کے ریپ کے بعد اسے قتل کرنے کا ارادہ کیا کیونکہ وہ خوف زدہ تھا کہ ماڈل ریپ سے متعلق پولیس کو شکایت کردے گی’۔پولیس کے مطابق ملزم نے کرینہ کو باتھ ٹب میں ڈالا اور پانی میں ڈبو دیا، جس کی وجہ سے وہ ہلاک ہوگئی، جس کے بعد ملزم اپارٹمنٹ سے فرار ہوگیا تاہم اس کے فنگر پرنٹس سے اسے گرفتار کرلیا گیا۔

ممبئی (ایمرا نیوز آن لائن)بولی وڈ ہدایت کار سورج برجاتیا نے 1989 میں سلمان خان کی فلم میں نے پیار کیا کی ہدایات دے کر بولی وڈ میں قدم رکھا، جس کے بعد سے وہ اور دبنگ اداکار سلمان خان کئی فلموں میں ایک ساتھ کام کرچکے ہیں۔ہم آپ کے ہیں کون اور ہم ساتھ ساتھ ہیں جیسی کامیاب فلمیں بھارتی سینما کو دینے کے بعد یہ دونوں اب دوبارہ ایک اور فیملی ڈرامہ پر مبنی فلم پر کام کررہے ہیں۔سلمان خان نے تو اب تک اس خبر کی تصدیق نہیں کی، تاہم ہدایت کار سورج پرجاتیا نے بھارتی میڈیا سے بات کرکے ہوئے خبر کی تصدیق کرتے ہوئے اعلان کیا کہ وہ سلمان خان کے ساتھ ایک فلم پر کام کررہے ہیں۔سورج پرجاتیا کا کہنا تھا کہ یہ ایک فیملی ڈرامہ پر مبنی فلم ہے، لیکن جوائنٹ فیملی نہیں، اس کی کہانی میاں بیوی کی زندگی پر مبنی ہے اور میں سلمان خان کے ساتھ فلم پر بات بھی کرچکا ہوں۔البتہ اب تک اس فلم کی پروڈکشن پر کام کا آغاز نہیں ہوا کیوں کہ سلمان خان اور سورج برجاتیا دونوں ہی اپنی دوسری فلموں میں مصروف ہیں۔سلمان خان اس وقت روہت شیٹھی کی ایک فلم پر کام کررہے ہیں جبکہ سورج پرجاتیا ہم چار فلم بنارہے ہیں۔

استنبول(ایمرا نیوز آن لائن)ترکی کے شہر استنبول میں 8 منزلہ رہائشی عمارت زمین بوس ہوگئی جس کے نتیجے میں 2 افراد جاں بحق اور 6 افراد زخمی ہو گئے۔استنبول کے کرتال ڈسٹرکٹ میں واقع اس رہائشی عمارت کے منہدم ہونے کی وجہ فوری طور پر سامنے نہیں آ سکی ہے۔استنبول کے گورنر علی یرلیکایا کے مطابق اس بلڈنگ میں 14 فلیٹس اور 43 افراد رجسٹرڈ تھے تاہم اس کی اوپر کی تین منزلیں غیر قانونی طور پر تعمیر کی گئی تھیں جبکہ گراﺅنڈ فلور پر بغیر لائسنس کے ایک ٹیکسٹائل ورکشاپ بھی قائم تھی۔ مذکورہ عمارت کے ملبے کو ہٹانے اور اس میں دبے افراد کو تلاش کرنے کے لیے ریسکیو اداروں کی کارروائیاں جاری ہیں، تمام زخمیوں کو طبی امداد کے لیے اسپتال منتقل کیا گیا ہے۔ترک صدر نے وزیر داخلہ اور ماحولیات کے وزیر کو متاثرہ عمارت کے فوری دورے کا حکم دے دیا ہے۔ ریسکیو ٹیموں نے 3 افراد کو ملبے سے صحیح سلامت نکالا ہے، مذکورہ عمارت کے ارد گرد کی سڑکوں کو ٹریفک کی آمد و رفت کے لیے بند کر دیا گیا ہے تاکہ وہ امداد کاموں میں تاخیر کا سبب نہ بنے.

لاہور (ایمرا نیوز آن لائن ) لاہور کے نواحی علاقے ہلوکی میں داماد میں فائرنگ کر کے ساس اور سالے کو قتل کر دیا ہے۔تفصیلات کے مطابق گھریلو جھگڑے کے باعث نوجوان شخص کی بیوی ناراض ہو کر میکے آ گئی تھی جسے منانے کیلئے وہ اپنے سسرال پہنچا لیکن گفتگو کے دوران تلخ کلامی ہو گئی اور اس نے طیش میں آ کر اندھا دھند فائرنگ کر دی جس کی زد میں آ کر سالہ اور سا س جاں بحق ہو گئے۔ ملزم موقع سے فرار ہونے میں کامیاب ہو گیا.

لاہور(ایمرا نیوز آن لائن)لاہور کی مقامی عدالت نے سابق پولیس انسپکٹر عابد باکسر کی درخواست ضمانت میں 14 فروری تک توسیع کردی،عدالت نے آئندہ سماعت پر تفتیشی افسر سے ریکارڈ بھی طلب کر لیا۔تفصیلات کے مطابق لاہور کی مقامی عدالت میں سابق پولیس انسپکٹر عابد باکسر کی درخواست ضمانت پر سماعت ہوئی،عدالت نے عابدباکسرکی درخواست ضمانت میں 14 فروری تک توسیع کردی اورآئندہ سماعت پرتفتیشی افسرسے ریکارڈطلب کرلیا۔واضح رہے کہ عابد باکسرپرقتل، فراڈ سمیت 4 مقدمات درج ہیں.

کراچی (ایمرا نیوز آن لائن)کراچی پولیس پیٹی بھائی کے قتل کیس میں ثبوت پیش کرنے میں ناکام ہو گئی ،عدالت نے پولیس اہلکار کے قتل کیس میں پھانسی کی سزا کیخلاف اپیل منظور کرتے ہوئے فضل اور فیاض کی سز کالعدم قراردیدی۔تفصیلات کے مطابق کراچی کی عدالت میں پولیس اہلکار کے قتل کیس میں قید دو ملزموں کی پھانسی کی سزا کیخلاف اپیل کی سماعت ہوئی، پولیس پیٹی بھائی کے قتل کیس میں ثبوت پیش کرنے میں ناکام ہو گئی۔ عدالت نے پولیس اہلکارکے قتل کیس میں پھانسی کی سزاکیخلاف ملزموں کی اپیل منظور کر لی ،عدالت نے ملزم فضل اورفیاض کی سزاکالعدم قراردےدی واضح رہے کہ ملزمان کیخلاف کھارادرمیں تعینات اہلکارکے قتل کاالزام تھا.

لاہور(ایمرا نیوزآن لائن رپورٹ عمر خالد سے) وزیراعلیٰ پنجاب عثمان بزدار نے دہشت گردی کیخلاف جنگ میں بے مثال کامیابیوں پر پاک فوج کو خراج تحسین پیش کیا ہے۔وزیراعلیٰ پنجاب سے کور کمانڈر لاہور لیفٹیننٹ جنرل ماجداحسان سے ملاقات ہوئی ،باہمی دلچسپی کے امور اور پاک فوج کی پیشہ ورانہ سرگرمیوں پر وزیراعلیٰ پنجاب عثمان بزدار نے تبادلہ خیال کرتے ہو ئے کہا ہے کہ ملک میں امن کا کریڈٹ پاک وطن کے بہادر سپوتوں کو جاتا ہے۔انہوں نے کہا کہ قوم نے بھی دہشت گردی کے خلاف جنگ میں لازوال قربانیاں دی ہیں،دہشت گردی کے خلاف جنگ میں شہید افسر اور جوان پوری قوم کے ہیرو ہیں۔انہوں نے کہا کہ امن کی بحالی سے سرمایہ کاری میں اضافہ ہو رہا ہے، ترقی اور خوشحالی کی منزل پائیدار امن سے ہی حاصل ہوگی، پاک افواج اندرونی اور بیرونی چیلنجز سے نمٹنے کی پوری صلاحیت رکھتی ہیں۔

لاہور(ایمرا نیوزآن لائن رپورٹ اظہر محمود سے) احتساب عدالت نے پنجاب کے سابق سینئر وزیرعلیم خان کو 15 فروری تک جسمانی ریمانڈ پر نیب کے حوالے کردیا۔نیب کی جانب سے آف شور کمپنی اور آمدن سے زائد اثاثوں کے الزام میں گرفتار سابق سینئر وزیرعبدالعلیم خان کو آج لاہورکی احتساب عدالت میں پیش کیاگیا۔لاہور کی احتساب عدالت میں علیم خان کے خلاف کیس کی سماعت کے دوران نیب حکام نے اثاثوں اور آمدن کے ذرائع کی تحقیقات کے لیے جسمانی ریمانڈ کی استدعا کی۔دوران سماعت نیب پراسیکیوٹر وارث جنجوعہ نے عدالت کو بتایا کہ علیم خان کا دوہزار دو میں 190لاکھ کا بانڈ نکلا،انہوں نے دوہزار اٹھارہ میں 871 ملین اثاثےظاہرکیے،ان کے اثاثےآمدن سےمطابقت نہیں رکھتے۔اس پر علیم خان کے وکیل نے کہا کہ نیب نے آج تک ایک ثبوت پیش نہیں کیا،نیب جن دستاویزات کی بات کر رہی ہے وہ ہم نے خود فراہم کیے۔ایک سو نو ملین باہر سے ان کے والد کو آمدن آئی، مگر بھیجنے والا کوئی نہیں جس پر عدالت نے ریمارکس دیئے کہ والد اگر فوت ہو چکے ہیں تو ان کا نام نہیں لینا چاہیے۔اے اینڈ اے سے والدہ کو 198 ملین 2012 میں آمدن آئی، نیب پراسیکیوٹر نے اپنی بات جاری کرتے ہوئے عدالت کو بتایا کہ باہر سے آنے والی آمدن کو تسلیم نہیں کرتے البتہ بانڈ کو تسلیم کرتے ہیں ، علیم خان اثاثوں اور آمدن کے متعلق مطمئن نہیں کر سکے۔نیب پراسیکیوٹر نے استدعا کی کہ اثاثوں اور آمدن کے ذرائع کی تحقیقات کے لیے جسمانی ریمانڈ دیا جائے۔عدالت نے علیم خان کے جسمانی ریمانڈ کی درخواست پر فیصلہ محفوط کر لیا۔
علیم خان کا عدالت میں بیان
سابق صوبائی وزیرعلیم خان نے عدالت میں بیان دیا کہ انہوں نے جو اثاثےظاہر کیے،انکےعلاوہ ایک روپیہ یا ایک انچ زمین ان کے پاس نہیں،نیب کو تمام تفصیلات فراہم کر چکے، اب جسمانی ریمانڈ کی کیا ضرورت؟انہوں نے کہا کہ جو دستاویزات مانگیں وہ فراہم کیں ،ایسا نہ کیا تو ذمے دار ہوں،کل گیاتوکہاگیاخط پرچیئرمین نیب ناراض ہیں اس وجہ سے گرفتار کیا گیا،حلفا کہتا ہوں میرے وکیل کے نیب کو بھجوائےگئےخط کاکوئی علم نہیں ۔واضح رہےنیب لاہور نے گذشتہ روز علیم خان کو آف شور کمپنی اسکینڈل اور آمدن سے زائد اثاثوں کی تفتیش کے لیے طلب کیا تھاجس کے لیے وہ نیب آفس پہنچے، جہاں انہیں حراست میں لے لیا گیا تھا۔گرفتاری کے بعد علیم خان نے سینئر صوبائی وزیر بلدیات کی وزارت سے استعفیٰ دے دیا تھا۔پاکستان تحریک انصاف کے سینئر رہنماعلیم خان کو نیب حکام سخت سیکیورٹی میں عدالت لائے۔ پولیس نے کنٹینر لگاکر عدالت جانے والے راستے بند کردیے۔