Tag man

شنگھائی: (ایمرا نیوزآن لائن) چینی نشانہ باز اور تاش کے پتوں سے کرتب دکھانے میں ماہر نوجوان نے ساٹھ سیکنڈ میں 20 تربوزوں پر تاش کے پتوں سے یوں نشانہ لگایا کہ پتے نہ صرف تربوز میں اٹک گئے بلکہ آسانی سے اسے کاٹ بھی دیا۔میڈیا رپورٹ کے مطابق اس دوران اس چینی نوجوان نے تاش کے پتوں سے ہی غبارے پھوڑنے کا بھی ایسا شاندار مظاہرہ کیا کہ دیکھنے والے تعریف کرنے پر مجبور ہو گئے۔اس چینی نوجوان کی مہارت دیکھ کر لوگ بہت متاثر ہوئے اور نوجوان کی تعریف میں زمین آسمان ایک کر دیا، متعدد لوگ یہ فن سیکھنے کے بھی خواہاں نکلے۔ واضح رہے کہ کارڈز سے پھلوں سمیت مختلف اشیا کاٹنے کو ایڈونچر کے شوقین کئی مہینوں کی طویل پریکٹس کے بعد سیکھ پاتے ہیں۔

زغرب: (ایمرا نیوزآن لائن) کروشیا سے تعلق رکھنے والے 27سالہ ٹومیسلوو لوبنجک کا شمار بھی ایسے منچلوں میں کیا جاسکتا ہے جس نے گاڑی کو دھکا لگا کر عالمی ریکارڈ بنا ڈالا ہے۔میڈیا رپورٹ کے مطابق ٹومیسلوو نے 730 کلو وزنی سمارٹ کار کو 24 گھنٹے میں 100 کلو میٹر تک دھکیل کر یہ کارنامہ سر انجام دیا۔ اس دوران اس نوجوان نے ہر گھنٹے بعد صرف 3 منٹ کا بریک لیا۔اس شاندار ریکارڈ کو گنیز بک آف ورلڈ ریکارڈ نے تسلیم کرلیا ہے اور آئندہ ایڈیشن میں شامل کر دیا جائے گا۔

بیجنگ:(ایمرا نیوزآن لائن) چین میں دونوں ٹانگوں سے محروم 70 سالہ باہمت شخص نے اپنی محنت اور مستقل مزاجی سے دنیا کو حیران کردیا ہے۔ انہوں نے 19 سال کی مسلسل محنت سے 17 ہزار درخت لگا کر ایک بنجر مقام کو سرسبز جنگل میں تبدیل کردیا ہے۔ما سین شیاؤ سابقہ فوجی ہیں اور گھٹنوں سے نیچے تک دونوں ٹانگوں سے محروم ہیں۔ ریٹائرہونے کے بعد وہ بیمار ہوگئے اور 1985 میں ان کی دائیں اور 2005 میں ان کی بائیں ٹانگ کاٹ دی گئی جبکہ مزید سات بڑے آپریشن بھی کئے گئے جس کے بعد وہ ملازمت کے قابل نہیں رہے اور پینشن کی آمدنی سے وہ بمشکل اپنی دوا خرید سکتے تھے۔ واضح رہے کہ 1974 میں میں ان کے خون میں سمیت (زہریلا پن) پیدا ہوگیا تھا جس سے وہ بار بار آپریشن سے گزرے۔2000 کی ابتدا میں انہوں آمدنی کے لیے درختوں کی افزائش شروع کی اور ایک بنجرعلاقے پر پورا جنگل کاشت کردیا۔ لیکن جنگل کو پھلتا پھولتا دیکھ کر ما سین شیاؤ نے اپنا ارادہ بدل دیا اور اسے اب آنے والی نسلوں کے لیے وقف کرنے کا فیصلہ کیا ہے۔’ میں ان درختوں کو نہ کاٹوں گا اور نہ ہی فروخت کروں گا۔ جب تک میری آخری سانسیں برقرار ہیں میں شجرکاری کرتا رہوں گا۔ آخر میں یہ سبز دولت مستقبل کے لوگوں کے لیے چھوڑ جاؤں گا،‘ سین شیاؤ نے بتایا۔اب بھی وہ صبح 5 بجے اٹھتے ہیں اور پنیریاں اور دیگر سامان لے کر گھر سے نکل جاتے ہیں۔ پھاؤڑے اور دستانے پہن کر وہ زمین کھودتے ہیں اور ان میں پودے لگاتے ہیں۔ پھر وہ رینگ رینگ کر اپنے ہر پودے کے پاس جاکر اسے پانی دیتے ہیں۔ اس دوران وہ اکثر چوٹ کھاتے ہیں اور اب انہیں یاد ہی نہیں کہ وہ ٹانگوں سے معذوری کی بنا پر کتنی مرتبہ گر کر حادثوں کے شکار ہوچکے ہیں۔اگرچہ شروع میں انہوں نے اپنی طرف سے ادھار میں پودے اور سامان لینا شروع کیا تھا لیکن 2008 میں ذرائع ابلاغ میں تشہیر کے بعد بہت سے لوگ ان کے ساتھ شامل ہوتے گئے اور یوں شجرکاری کا سلسلہ مزید پھیلتا چلاگیا۔انہوں نے تائی ہینگ پہاڑیوں پر 17 ہزار سے زائد درخت لگائے ہیں جس میں انہیں 19 برس لگے ہیں۔ اپنے خاندان کی جانب سے مخالفت کے باوجود وہ روز شجرکاری کرتے ہیں اور ان کا بنایا ہوا جنگل تیزی سے پھیلتا جارہا ہے۔

دنیا کے پہلے کھربوں پتی شخص کہلانے کی دوڑ میں جیف بیزوس، ایلن مسک اور رچرڈبرنسن شامل
کراچی(ایمرا نیوزآن لائن) ماہرین نے کہا ہے کہ دنیا کے پہلے کھربوں پتی شخص کہلانے کی دوڑ میں جیف بیزوس، ایلن مسک اور رچرڈ برنسن شامل ہیں. غیر ملکی میڈیا کے مطابق ممکنہ امکان ہے کہ 2040 تک دنیا میں پہلا کھربوں پتی شخص سامنے آجائے، جس کا خلا میں غیر معمولی رجحان ہوگا.

لاہور(ایمرا نیوز)

لاہور(ایمرا نیوزآن لائن) پاکستان اور اسرائیل کے تعلقات ایک دوسرے کے ساتھ کچھ اچھے نہیں ہیں لیکن اب ان تعلقات میں ایک اچھی پیشرفت ہوئی ہے اور وہ یہ ہے کہ اب ایک پہلے پاکستانی یہودی کو پہلی بار اسرائیل کے سفر کی اجازت مل گئی ہے. جی ہاں یہ خبر بلکل درست ہے. اس پاکستانی یہودی کا نام فشل خالد ہے اور یہ پہلا پاکستانی ہے جو اسرائیل کا سفر کرسکتا ہے.اس شخص کا تعلق کراچی سے ہے. اس کے والد مسلمان اور ماں یہودی ہیں.انہوں نے اپنی مرضی سے یہودیت اختیار کی ہے.اس کے چار بھائی ہیں اور وہ چاروں مسلمان ہیں فشل نے ایپ کے ذریعے وزارت امور خارجہ کو اجازت نامے کے لئے درخواست دی۔ گزشتہ دو جنوری کو وزارت امور خارجہ نے ٹیلی فون کال کےذریعے آگاہ کیا کہ وہ پاکستانی پاسپورٹ پر مقبوضہ بیت المقدس جا سکتے ہیں۔لیکن اس موقع پر یہ سوال کھڑا ہوتا ہے فشل خالد پاکستانی پاسپورٹ پر اسرائیل کیسے جا سکتا ہے؟ جبکہ پاسپورٹ پر قطعی طور پر درج ہے کہ پاکستانی پاسپورٹ کا حامل اسرائیل نہیں جا سکتا۔

جاپان(نیٹ نیوز/ایمرا نیوز) جاپان میں دنیا کے معمر ترین شخص مسازو نوناکا 113 سال کی عمر میں انتقال کرگئے۔غیر ملکی خبر رساں ادارے کے مطابق جاپانی شہری ماسازو نوناکا کا نام گنیز بک آف ورلڈ ریکارڈ میں شامل تھا جس کے مطابق ماسازو نوناکا جولائی 1905 میں پیدا ہوئے تھے۔گنیز بک نے گزشتہ سال اسپین کے شہری فرانسسکو نونیز الیورا کے انتقال کے بعد ماسازو نوناکا کو دنیا کا سب سے معمر ترین شخص قرار دیا تھا۔معمر ترین شخص مسازو نوناکا ہوکئیڈو میں اپنے گھر میں علی الصبح مردہ حالت میں پائے گئے۔اہل خانہ کے مطابق اُن کی موت طبعی طور پر ہوئی۔نوناکا کی پوتی نے میڈیا سے گفتگو کرتے ہوئے بتایا کہ انہیں کسی قسم کی کوئی تکلیف نہیں تھی اور وہ معمول کے مطابق رات کو سوئے تھے اور صبح ہمیں کسی قسم کی خدمت کا موقع دیئے بغیر ہمیشہ کے لیے چھوڑ گئے۔

چین(نیٹ نیوز/ایمرا نیوز) یوں تو دنیا میں کرتب دکھانے کے شوقین منچلوں کی کمی نہیں لیکن ان میں سے کچھ ایسے حیرت انگیز کارنامے پیش کرتے ہیں کہ دیکھنے والوں کو اپنی آنکھوں پر یقین کرنا مشکل ہوجائے۔ویڈیو میں نظرآنے والے اس چینی شخص کا شمار بھی ایسے ہی افراد میں کیا جا سکتا ہے جو مختلف چیزوں کا نشانہ لگانے کا شاندار مظاہرہ کر رہا ہے۔

چین سے تعلق رکھنے والے اس شخص نے اپنی مہارت کا عملی ثبوت دیتے ہوئے کئی فٹ اونچائی پر اُڑتے غبارے کا نشانہ لگانے، فٹبال گاڑی میں ڈالنے، قطار میں کھڑے تین دوستوں پر دور سے رنگ ڈالنے سمیت حیرت انگیز ٹرک شاٹس پیش کئے کہ دیکھنے والے بھی حیران رہ گئے۔سوشل میڈیا پرشیئر کی گئی چینی شخص کی ویڈیو وائرل ہو گئی ہے جسے اب تک لاکھوں افراد دیکھ چکے ہیں۔

بیجنگ:(نیٹ نیوز/ایمرا نیوز) نت نئے آلات اور فون خریدنے کا جنون ایک نوجوان کو عمربھر کے لیے گردے کا مریض بنا کر معذور کرگیا۔ چین سے آنے والی خبر کے مطابق ایک نوجوان نے آئی فون خریدنے کے لیے اپنا گردہ بیچا جس کے کچھ عرصے بعد وہ گردوں کی بیماری میں مبتلا ہوکر ڈائلیسِس کا محتاج ہوکر رہ گیا ہے۔آٹھ سال قبل چینی نوجوان ژیاؤ وینگ کی عمر 17 برس تھی جب آئی فون فور ریلیز ہوا اور اس غریب نوجوان نے اسے خریدنے کے لیے بلیک مارکیٹ میں اپنا گردہ فروخت کیا تھا۔ اس کے بعد سے وہ آٹھ برس سے گردے کے مریض ہوچکے ہیں اور ڈائلیسِس مشین سے اپنا خون صاف کروارہے ہیں۔

2011 میں آئی فون فور کا شہرہ تھا جو اسٹیٹس کی علامت بن چکا تھا۔ تاہم یہ فون اسکول کے ایک غریب طالب علم ژیاؤ وینگ کی پہنچ سے باہر تھا جس کے بعد اس نے گردہ بیچ کر فون خریدنے کا فیصلہ کیا۔ انسانی اعضا کے ایک اسمگلر کے ہاتھوں اس نے 3200 ڈالر میں اپنا صحت مند عضو فروخت کردیا لیکن اس کے بعد اس کی زندگی تباہ ہوکر رہ گئی ۔اسے کہا گیا کہ تھا کہ وہ ایک گردے پر زندہ رہ سکتا ہے لیکن گردہ فروش اسمگلر اسےجہاں لے گئے وہاں کے غیرقانونی آپریشن تھیئٹر میں صفائی کا انتظام نہ تھا اور اس کے زخم میں انفیکشن ہوگیا ۔ وینگ نے یہ خبر گھر والوں کو نہیں دی تھی اور یہ ہوا کہ آخر کار اس کی خراب صحت سب کے سامنے عیاں ہوگئی۔انفیکشن پھیل کر اس کے دوسرے گردے کو متاثر کرگیا اور وہ مستقل ڈائلائسِس کا محتاج ہوچکا ہے۔ لیکن کمزوری کی وجہ سے وہ بستر سے اٹھ بھی نہیں سکتا اور بہت مشکل سے دوچار ہے۔ تاہم اس کے والدین نے گردے فروخت کرنے میں معاون مڈل مین کو تلاش کرکے اس پر مقدمہ کردیا جس نے 3 لاکھ 20 ہزار ڈالر ہرجانے کے طور پر دیئے جو اب اس نوجوان کے علاج پر خرچ ہورہے ہیں۔چینی سوشل میڈیا پر یہ خبر آنے کے بعد لوگوں نے زیادہ تر اس نوجوان کو قصور وار ٹھہرایا ہے ۔ ان کا کہنا ہے کہ انسانی اعضا برقی مصنوعات سے زیادہ اہم ہوتے ہیں جن کی قدر کی جانی چاہیے۔

لاہور (میڈیا نائن ٹو ڈاٹ ٹی وی ) شہر میں چوری اور ڈکیتی کی متعدد وارداتوں میں شہری لاکھوں کی نقدی، زیورات اور دیگر قویمتی اشیاءسے محروم ہوگئے۔ تفصیلات کے مطابق سبزہ زار کے علاقہ ندیم ٹاؤن میں ایک خاتون ڈاکو اور اس کا ساتھی ایک گھر میں گھس گئے، شگفتہ نامی خاتون کے اہل خانہ کو یرغمال بنا کر 30 لاکھ کی نقدی، زیورات اور دیگر قیمتی سامان لوٹ کر فرار ہوگئے۔دوسری جانب ڈاکوؤں نے ڈیفنس بی میں اویس کی دکان سے 50 ہزار کی نقدی، مسلم ٹاؤن میں شوکت سے ڈیڑھ لاکھ نقدی، چوہنگ میں حمزہ سے 90 ہزار نقد، ہنجروال میںا حمد سے سوا لاکھ روپے، لیاقت آباد میں شوکت سے ایک لاکھ 10 ہزار روپے، مغل پورہ میں عاصم سے 80 ہزار روپے، اچھرہ میں سیف سے 36 ہزار، ہربنس پورہ میں اکبر سے 30 ہزار اور کاہنہ میں نثار سے 27 ہزار نقد اور قیمتی سامان لوٹ لیا۔ گارڈن میں خالد کی گاڑی جبکہ شاہدرہ میں اقبال، لوہاری میں احمد، قلعہ گجر سنگھ میں عالی، ساندہ میں شاہ زیب، ٹاؤن شپ میں عدیل، کوٹ لکھپت میں اصغر، کاہنہ میں اسد، شیراکوٹ میں وارث کی موٹرسائیکل چوری کرلی گئیں۔