Tag marriage

شنگھائی:(وقت نیوز آن لائن) بعض افراد کسی ناپسندیدہ شخص کے ساتھ زندگی گزارنے پر ہر قسم کی تکلیف کو ترجیح دیتے ہیں، ایسا ہی ایک واقعہ چین میں پیش آیا جب ایک شخص کو یہ احساس ہوا کہ وہ اپنی منگیتر کے ساتھ زندگی نہیں گزارسکتا، اس نے جان بوجھ کر چوری کی اور گرفتار ہوا تاکہ شادی سے فرار حاصل کرسکے۔

شنگھائی سے تعلق رکھنے والے ایک شخص (جس کا نام چین) بتایا جارہا ہے اسے احساس ہوا کہ وہ شادی کے بعد اپنی منگیتر کے ساتھ نہیں رہ سکتا لیکن اسے منع کرنے کی ہمت نہیں تھی، اس نے ایک ایسا ڈھونگ رچایا کہ اس کی منگیتر خود ہی شادی سے انکار کردے۔ چینی معاشرے میں معاشرتی اقدار کی بڑی اہمیت ہے جہاں مجرموں اور چوروں سے دور ہی رہا جاتا ہے۔

اس کے لیے چین شہر کی معروف جگہ پر واقع ایک ڈانس اسٹوڈیو گیا اور کسی خوف کے بغیر وہاں رکھا وائی فائی اسپیکر چرالیا جس کی قیمت 40 ہزار روپے بتائی جارہی ہے۔ وہ جان بوجھ کر سیکیورٹی کیمروں کے سامنے سے گزرا کیونکہ شناخت ہوکر گرفتار ہونا ہی اس کا اصل ہدف تھا۔

وہ گرفتار ہوا اور پولیس سے کہا کہ وہ اسپیکر چرانا چاہتا تھا لیکن ساتھ ہی اس نے پولیس اہلکاروں کو اصل کہانی سنادی۔ اس نے کہا’ میری دوست مجھ سے شادی کی خواہاں ہے لیکن میں اس سے شادی نہیں کرنا چاہتا، مجھے معلوم تھا کہ میں گرفتار ہوجاؤں گا۔‘

چین نے بتایا کہ اسے اسپیکر کی قیمت کا پتا تھا تاکہ اس کا کیس بن سکے لیکن چینی میڈیا کے مطابق اس جرم میں چین کو زیادہ دیر قید میں نہیں رکھا جاسکتا۔ آخری اطلاعات تک وہ پولیس کی تحویل میں ہی تھا اور یہ بھی معلوم نہ ہوسکا کہ اس خبر کے بات اس کی منگیتر نے کیا فیصلہ کیا؟

نیو یارک(ایمرا نیوز آن لائن)پاکستان سمیت دنیا بھر میں شادیوں پر بے تحاشا پیسے استعمال کیے جاتے ہیں تاہم کچھ لوگ سادگی کو ترجیح دیتے ہیں تاہم امریکا میں ایک جوڑے نے پیسے کم ہونے اور شادی کے اخراجات پورا کرنے کے لیے شادی میں شرکت کرنے والوں کو رقم دینا ہو گی۔

غیر ملکی خبر رساں ادارے کے مطابق ہم جب بھی کسی رشتے دار، دوست یا کسی کی بھی شادی بیاہ کی تقریبات میں شرکت کے لیے جاتے ہیں تو دلہا دلہن کے لیے تحائف تو ضرور ساتھ لیکر جاتے ہوں گے، نئے جوڑے کو نیک خواہشات کیساتھ ساتھ اپنی خوشی سے کچھ رقم بھی تھما دی جاتی ہے۔ لیکن کیا آپ نے کبھی یہ سنا ہے کہ دلہن خود اپنی شادی میں شرکت کرنے والوں سے رقم کا تقاضا کرے؟ یقیناً نہیں، لیکن امریکا میں دلہن نے اپنی شادی میں شرکت کرنے والوں کے لیے انٹری فیس مقرر کردی ہے۔

امریکی خبر رساں ادارے فوکس نیوز کے مطابق سوشل نیوز ویب سائٹ ریڈاِٹ پر ڈینٹی شیپ کے نام سے 19 سالہ صارف نے لکھا کہ ان کی کزن کی شادی اتوار کو ہو رہی ہے اور یہ اعلان کیا ہے کہ جو شادی میں شرکت کرنا چاہتا ہے اسے 50 ڈالر (تقریباً ساڑھے 7 ہزار روپے) دینا ہوں گے۔

ان کا کہنا تھا کہ رقم کی منتقلی کی سمارٹ فون ایپ وینمو کے ذریعے بھی انٹری فیس ادا کی جاسکتی ہے تاکہ انہیں فیس کی ادائیگی کے لیے قطار میں نہ کھڑا ہونا پڑے اور مہمان جو پہلے ہی رقم کی ادائیگی کردیں گے ان کے نام خصوصی مہمانوں کی فہرست میں شامل کر لیے جائیں گے۔

دلبرداشتہ لڑکی کا مزید کہنا تھا کہ جب انہوں نے شادی میں شرکت کے لیے فیس ادا کرنے سے انکار کیا تو انکی کزن، جس کی شادی ہونے جارہی تھی، نے خاندان کے بڑوں سے رابطہ کیا جس کے بعد ساری صورتحال ان کے لیے شرمندگی کا باعث بن گئی۔ وہ اپنی شادی پر خرچ کی گئی رقم کو اس طریقے سے واپس وصول کرنا چاہتی تھی۔

کزن کا کہنا تھا کہ میں اس طرح شادی میں شریک نہیں ہوسکوں گی کیونکہ میرے لیے اتنی رقم کا بندوبست کرنا مشکل ہوگا۔ کزن نے میری آنٹی سے رابطہ کیا اور انہوں نے مجھے بدتمیز اور گھٹیا کہا۔ میرے والدین نے میری انٹری کی رقم دینے کی پیشکش کی لیکن میں نے انکار کردیا۔

ممبئی (وقت نیوز آن لائن)
بھارتی اداکارہ انوشکا شرما نے ایک انٹرویو کے دوران خود ہی ویرات کوہلی سے شادی کرنے کی وجہ بتادی ہے، کہ انہوں نےبھارتی مایہ ناز کرکٹر سے شادی کرنے کا فیصلہ اسلئیے کیا ہے کیونکہ وہ ان سے بیے پناہ محبت کرتی ہیں اور یوں ہی ہمیشہ کرتی رہیں گی.

اداکارہ انوشکا شرما کا کہنا تھا کہ ویرات سے شادی کی ایک بڑی وجہ یہ ہے،کہ وہ بھی میری طرح ایماندار ہے اور اسکی یہ عادت مجھے ویرات کی زیادہ شے زیادہ عزت کرنے پر مجبور کرتی ہے ،مزید یہ کہ ہم دونوں زندگی کو ایمانداری کے ساتھ ساتھ بغیر دکھاوے کے حقیقت اور سچ پر مبنی گزارتے ہیں.

ہم دونوں عام لوگوں کی طرح زندگی گزارتے ہیں. ویرات کی ایک اور اچھی عادت یہ بھی ہے کہ ذاتی زندگی کے ساتھ ساتھ اپنی پروفیشنل لائف کی بہتری کیلئے ہر وقت کوشاں رہتے ہیں.

کراچی (ایمرا نیوزآن لائن) :سندھ میں ایک اور ہندو لڑکی کے اسلام قبول کرنے کا معاملہ سامنے آیا ہے۔ تفصیلات کے مطابق خیرپور میں جامعہ شاہ عبدالطیف سے کیمسٹری ڈیپارٹمنٹ کی لاپتہ ہونے والی ہندو طالبہ آرتی کماری نے اسلام قبول کرنے کے بعد اپنے دوست سے شادی کرلی۔ شاہ عبد الطیف یونیورسٹی کی کیمسٹری ڈیپارٹمنٹ کی ہندو طالبہ آرتی کماری نے الجامعتہ اسلامیہ مدارس خیرپور میں اسلام قبول کیا جس کے بعد اس کا اسلامی نام علیزہ فاطمہ رکھا گیا ۔اس معاملے پر سندھ حکومت نے بھی نوٹس لے لیا ہے۔ وزیر اعلیٰ سندھ سید مراد علی شاہ کے معاون خصوصی برائے انسانی حقوق ڈاکٹر کھٹو مل جیون نے ایس ایس پی خیرپور سے رپورٹ طلب کی۔ ڈاکٹر کھٹو مل جیون نے کل تک رپورٹ پیش کرنے کا حکم دیا۔ڈاکٹر کھٹو مل جیون کا کہنا تھا کہ تمام زاویوں سے تحقیقات کرکے رپورٹ دی جائے۔ قبل ازیں ہندو طالبہ آرتی کے والد جیون مل نے اے سیکشن تھانے پر بیٹی کے اغوا کی رپورٹ درج کروائی تھی۔یاد رہے کہ اس سے قبل بھی سندھ میں ہندو لڑکیوں کے اسلام قبول کرنے اور مسلمان لڑکوں سے شادی کرنے کے کئی واقعات رپورٹ ہوئے ہیں۔ حال ہی میں سندھ میں دو ہندو لڑکیوں نے اسلام قبول کیا تھا۔ بیٹیوں کے اسلام قبول کرنے کی اطلاع موصول ہوئی تو ان کے والد نے ہندو کونسل کے دیگر اراکین کے ہمراہ انہیں قتل کرنے کا منصوبہ بنایا اور ان کے اغوا اور جبری طور پر مذہب تبدیل کروائے جانے کی من گھڑت کہانی بنائی تاکہ انہیں بازیاب کروانے کی کوشش کے تحت انہیں قتل کیا جاسکے۔بعد ازاں مبینہ طور پر اغوا کی گئی دو بہنوں اور ان کے شوہروں نے اپنے تحفظ کے لیے اسلام آباد ہائی کورٹ میں درخواست دائر کی جس میں دونوں ہہنوں نے اقرار کیا کہ انہوں نے کسی دباؤ کے بغیر اسلام قبول کیا تھا۔ جس کے بعد اسلام آباد ہائیکورٹ نے گذشتہ روز نو مسلم بہنوں کو شوہروں کے ساتھ جانے کی اجازت دے دی تھی۔ واضح رہے کہ بدین میں بھی ایک ہندو لڑکی کے اسلام قبول کرنے کا معاملہ سامنے آیا تھا۔

بہاولپور (میڈیا 92 نیوز آن لائن ) سات بچوں کے باپ جمیل نے 20 سالہ کنوری لڑکی سے شادی رچا لی ، 60 سالہ بابا نے لڑکی کے سامنے خود کو غیر شادی شدہ بتایا تو لڑکی نے شادی کرکے بابا جی کے ساتھ نکاح کر لیا

جب جمیل اپنی نئی نویلی 20 سالہ دلہن کو لیکر گھر پہنچا تو ہنگامہ کھڑا ہو گیا ، بچوں نے دونوں کو گھر سے نکال دیا ،

60 سالہ بابا اور 20 سالہ دولہن کی شادی کی تصاویر سوشل میڈیا پر وائرل ہو رہی ہیں اور سوشل میڈیا صارفین اس پر مختلف تبصرے کررہے ہیں ،
مقامی اخبار میں چھپنے والی خبر میں دولہن اپنے خاوند کے ساتھ سیلفی کی تصاویر اور خبر کے چرچے جاری ہیں جبکہ دولہن کی تصاویر بھی ساتھ شئیر کی جا رہی ہے ،

More than 140 million underage girls are likely to get married between the years 2011-2020, the report states. Photo: File

A recent report issued by the World Health Organization states that more than 140 million underage girls are likely to get married between the years 2011-2020.

Titled, “Demographics of child marriages in Pakistan”, the report states that child marriage remains a serious concern in Pakistan, with 21 per cent of the girls getting married before reaching the age of 18 especially in the rural areas.

The formal marriage or informal marriage occurs before the age of 18 throughout the world, the report said. However, being forced into marriage before one was able to give consent, violates the basic human rights of boys and girls, it added.

The report further that the percentage of child marriage remained high in Sindh, with 72 per cent girls and 25 per cent boys becoming victims to this menace, however, the highest number of girl child marriages were recorded in the tribal areas of Pakistan, with 99 per cent girls married under this unlawful traditional practice.

ممبئی:(شوبز ڈیسک/ایمرا نیوز) کامیڈین کپل شرما نے اپنی شادی کی ویڈیو یوٹیوب پر جاری کردی جو دیکھتے ہی دیکھتے شائقین کی توجہ کا مرکزبن گئی۔رواں ماہ 12 دسمبرکو شادی کے بندھن میں بندھنے والے بھارت کے مقبول مزاحیہ اداکارکپل شرما نے اپنی شادی کی ویڈیویوٹیوب سمیت مختلف سوشل نیٹ ورکنگ ویب سائٹس پرجاری کردی، جو دیکھتے ہی دیکھتے وائرل ہوگئی۔

ویڈیو پر تبصرے کرتے ہوئے کپل کے چاہنے والوں نے اپنے پسندیدہ اسٹارکو نئی زندگی کی مبارکباد دینے کے ساتھ ہمیشہ خوش رہنے کی دعا دی۔ایک منٹ 17 سیکنڈ کی ویڈیو میں کپل اور گینی چھاتراتھ شادی کی مختلف رسوم ادا کرتے ہوئے نظر آرہے ہیں، دونوں دلہا دلہن کے لباس میں انتہائی خوبصورت لگ رہے ہیں جب کہ دونوں کے چہروں پر چھائی خوشی اور مسکراہٹ سے صاف ظاہر ہے کہ کپل اور گینی اپنی زندگی کی نئی شروعات کرکے انتہائی خوش ہیں۔ ویڈیو کے بیک گراؤنڈ میں پاکستان کی صوفی گلوکارہ عابدہ پروین کی آواز میں خوبصورت موسیقی نے ویڈیو کو مزید دلکش بنادیا ہے۔

ممبئی(شوبز ڈیسک/ایمرا نیوز) بالی وڈ اداکارہ پریانکا چوپڑہ اور امریکی گلوکار نک جونس یکم دسمبر کو عیسائی اور 2 دسمبر کو ہندو رسوم و رواج کے مطابق رشتہ ازدواج میں منسلک ہوئے، لیکن ابھی تک ان کی شادی کی تصاویر سامنے نہیں آسکیں، جن کا مداحوں کو بے صبری سے انتظار ہے، ہاں لیکن شادی کی مختلف رسومات کی تصاویر ضرور سوشل میڈیا پر شیئر کی جارہی ہیں۔

اس سے قبل جوڑے کی مہندی کی تصاویر منظرعام پر آئی تھیں اور اب سنگیت کی تصاویر اور ویڈیوز بھی سوشل میڈیا پر وائرل ہیں، جنہیں خوب سراہا جارہا ہے۔پریانکا چوپڑہ نے گذشتہ روز اپنے انسٹاگرام اکاؤنٹ پر شادی سے قبل منعقد ہونے والی سنگیت کی تصاویر اور ویڈیو شیئر کی۔پریانکا نے سنگیت کی محفل میں ابوجانی- سندیپ کھوسلا کا ڈیزائن کردہ لباس پہنا جبکہ دولہا نک جونس نے نیلے رنگ کا کرتا زیب تن کیا تھا۔

View this post on Instagram

It all began as a fierce song & dance competition between the families but ended, as always, as a huge celebration of love.  Nick and I were looking forward to the Sangeet (musical evening), another pre wedding ritual.. and to see what each side had put together. And what a performance it was. Each family telling our stories through song and dance, filled with lots of laughter and love. We were both filled with gratitude for the effort, the love and the laughter and will carry the memories of this special evening for the rest of our lives. It is an amazing start to a lifetime of togetherness for our families and friends…#grateful @nickjonas ?/?: @calebjordanlee @josevilla @josephradhik

A post shared by Priyanka Chopra (@priyankachopra) on Dec 2, 2018 at 4:57am PST

پریانکا اور نک جونس کی رسم سنگیت جودھپور کے عمید بھوان پیلس میں منعقد ہوئی تھی، جہاں دولہا نک جونس اپنے اہلخانہ کے ہمراہ اسٹیج پر پرفارم کرتے نظر آئے۔پریانکا نے تصاویر شیئر کرتے ہوئے ساتھ میں لکھا، ‘اس محفل کا آغاز دونوں خاندانوں کے درمیان گانوں اور رقص کے مقابلے سے ہوا، لیکن اختتام محبت کے جشن کے طور پر ہوا۔’اداکارہ نے مزید لکھا کہ سنگیت کی محفل میں دولہن اور دولہے کی ٹیم نے بہت انجوائے کیا۔اس موقع پر پریانکا کی والدہ مدھو چوپڑہ اور کزن اداکارہ پرینیتی چوپڑہ بھی اسٹیج پر نظر آئیں۔

لاہور(سپورٹس ڈیسک/ایمرا نیوز) پاکستان کے سابق انڈر 19 بلائنڈ کرکٹر مجیب الرحمان کی امریکی خاتون سے فیس بک دوستی شادی میں بدل گئی، بینائی سے قدرے محروم فیس بک پر دوستی کرنے والے جوڑے کی بہاولپور میں دھوم دھام سے شادی ہوئی۔بہاولپور کے سابق بلائنڈ کرکٹر مجیب الرحمان کی 4 ماہ پہلے انڈیانا امریکا کی 25 سالہ مانٹیگمری برٹینی لین سے فیس بک پر دوستی ہوئی، دونوں نے ایک دوسرے کو زندگی کے حقائق سے آگاہ کیا اور پھر شادی کا فیصلہ کر لیا۔برٹینی لین امریکا سے بہاولپور پہنچی جہاں مجیب الرحمان اور اُن کا نکاح ہوا، مجیب الرحمن نے بتایا کہ برٹینی لین نے 2016 میں اسلام قبول کرلیا تھا۔نکاح کے بعد دولہا نے اپنی دلہن کو انگوٹھی پہنائی اور ایک دوسرے کو مٹھائی کھلائی جس کے بعد دولہا دلہن کا فوٹو سیشن بھی ہوا ۔

ممبئی(شوبز ڈیسک/ایمرا نیوز) بالی ووڈ اداکارہ پریانکا چوپڑا اور گلوکار نک جونس اپنی شادی کی تیاریوں میں دپیکا اور نویر کے نقش قدم پر چلتے دکھائی دے رہے ہیں کیونکہ اب انہوں نے دیپ ویر کی طرح اپنی شادی میں بھی موبائل فون کے استعمال پر پابندی لگادی ہے۔ٹائمز آف انڈیا کی رپورٹ کے مطابق چند روز قبل شادی کے بندھن میں بندھنے والے اداکار رنویر سنگھ اور اداکارہ دپیکا پڈوکون نے اپنی شادی پر موبائل فون کے استعمال پر پابندی عائد کی تھی تاکہ شادی کی تصاویر سوشل میڈیا پر لیک نہ ہوجائیں اور اب دیسی گرل پریانکا نے بھی تصاویر لیک ہوجانے کے ڈر سے یہی طریقہ اپنایا ہے۔

بھارتی میڈیا کا کہنا ہے دونوں اسٹارز نے اپنی شادی کی تصاویر کے حقوق ایک بین الاقوامی میگزین کوتقریباً 33 کروڑ روپے میں فروخت کیے ہیں۔ لہٰذا شادی کی تقریب میں اس بات کا سختی سے خیال رکھاجائے گا کہ کوئی بھی مہمان اپنے موبائل سے تصاویر نہ کھینچ سکے۔اس سے قبل پریانکا چوپڑا اور نک جونس دپیکا اور رنویر کے ہی نقشے قدم پر چلتے ہوئے دو شادیاں کرنے کا اعلان بھی کر چکے ہیں۔ میڈیا رپورٹس کے مطابق یہ جوڑا 2 دسمبر کو ’ہندو‘ رسم و رواج کے مطابق شادی کرے گا اور اگلے ہی دن یعنی 3 دسمبر کو ان کی شادی ’عیسائی‘ رسم و رواج کے تحت ہوگی جبکہ دونوں شادیاں ایک ہی مقام پر منعقد کی جائیں گی۔واضح رہے پریانکا چوپڑا اورنک جونس کی شادی کی تقریبات کا آغاز آج سے ہوگیا ہے جوکہ 3 دسمبر تک جاری رہے گا جبکہ ان کی شادی بھارت کے شہر جودھ پور کے تاریخی مقام ’امید بھون‘ پیلس میں ہوگی۔