Tag match

لاہور(حافظ عمر سعید سے) پاکستان اور بنگلادیش کے درمیان تیسرا اور آخری ٹی ٹوئنٹی بارش کے باعث تاخیر کا شکار ہوگیا ہے۔

پاکستان اور بنگلادیش کی کرکٹ ٹیموں کے درمیان سیریز کا تیسرا اور آخری ٹی ٹوئنٹی میچ لاہور کے قذافی اسٹیڈیم لاہور میں کھیلا جانا ہے تاہم بارش کے باعث میچ کا ٹاس اب تک نہیں ہوسکا ہے۔

پہلے میچ میں گرین شرٹس نے مہمان سائیڈ کو 5 وکٹوں سے شکست دی تھی اور دوسرا میچ 9 وکٹوں سے باآسانی اپنے نام کیا تھا، عالمی رینکنگ میں پہلی پوزیشن برقرار رکھنے کے لیے پاکستان کو تیسرا ٹی ٹوئنٹی جیتنا بھی ضروری ہے۔

لاہور(میڈیا 92نیوزآن لائن )پاکستان نے بنگلادیش کو ٹی ٹوئنٹی سیریز کے دوسرے میچ میں 9 وکٹ سے شکست دیکر سیریز میں فیصلہ کن برتری حاصل کرلی۔
قذافی اسٹیڈیم لاہور میں کھیلے گئے دوسرے ٹی ٹوئنٹی میچ میں بنگلادیش کے کپتان محمد اللہ نے پاکستان کے خلاف ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں 6 وکٹ کے نقصان پر 136 رنز بنائے جس کے جواب میں پاکستان نے مطلوبہ ہدف 17ویں اوور میں ایک وکٹ کے نقصان پر پورا کیا۔قومی ٹیم کی جانب سے بابراعظم اور احسان علی نے اننگز کا آغاز کیا، احسان کھاتہ کھولے بغیر ہی پویلین لوٹ گئے جس کے بعد محمد حفیظ نے کپتان کے ساتھ ملکر ذمہ داری سے اسکور کو آگے بڑھایا، اس دوران دونوں بلے بازوں نے اپنی نصف سنچریاں اسکور کیں۔ بابراعظم 66 اور محمد حفیظ 67 رنز پر ناقابل شکست رہے۔

بنگلادیش کی جانب سے تمیم اقبال اور محمد نعیم نے اننگز کا آغاز کیا، نعیم دوسرے ہی اوور میں شاہین آفریدی کا شکار بن گئے، وہ کھاتہ کھولے بغیر پویلین واپس لوٹے، محمد متھن کی جگہ ٹیم میں شامل ہونے والے مہدی حسن 9 رنز بنانے کے بعد آؤٹ ہوئے۔

وکٹ کیپر بیٹسمین لٹن داس 8 رنز بنانے کے بعد شاداب خان کا شکار بنے اور عفیف حسین نے 21 رنز کی اننگز کھیلی تاہم اوپننگ بلے باز تمیم اقبال نے ذمہ دارنہ بیٹنگ کا مظاہرہ کرتے ہوئے نصف سنچری اسکور کی، وہ 53 گیندوں پر 65 رنز کی اننگز کھیل کر رن آؤٹ ہوئے۔

بنگلادیشی کپتان محمد اللہ کی اننگز بھی 12 رنز تک ہی محدود رہی۔ پاکستان کی جانب سے محمد حسنین نے 2 جب کہ شاہین آفریدی، شاداب خان اور حارث رؤف نے ایک ایک وکٹ حاصل کی۔

لاہور(حافظ عمر سعید)صد رمملکت عارف علوی اپنی اہلیہ ثمینہ علوی کے ہمراہ پاکستان اور بنگلہ دیش کے درمیان ہونے والا دوسرا ٹی ٹوئنٹی میچ دیکھنے کیلئے قذافی اسٹیڈیم پہنچ گئے۔چیئرمین پی سی بی احسان مانی اور بنگلہ دیشی کرکٹ بورڈ کے سربراہ نظم الحسن بھی صدر کے ہمراہ ہیں۔

ذرائع کے مطابق صدر عارف علوی اپنی ا ہلیہ کے ساتھ قذافی اسٹیڈیم پہنچے ہیں جہاں وہ پی سی بی چیئرمین احسان مانی، بی سی بی سربراہ نظم الحسن اور دیگر اعلیٰ حکام کے ساتھ بیٹھ کر میچ دیکھیں گے۔

یاد رہے کہ بنگلہ دیشی ٹیم گیارہ سال بعد پاکستان میں کرکٹ کھیلنے کیلئے آئی ہے۔ گزشتہ روز پاکستان اور بنگلہ دیش کے درمیان پہلا ٹی ٹوئنٹی میچ ہوا تھا جس میں پاکستان نے بنگال ٹائیگرز کو شکست سے دوچار کردیا تھا۔

لاہور(ایمرا نیوزآن لائن) کرکٹ کے میگا ایونٹ آئی سی سی ورلڈکپ 2019ء میں پاک بھارت میچ کے تمام ٹکٹس گھنٹوں میں ہی فروخت ہوگئے۔انٹرنیشنل کرکٹ کونسل (آئی سی سی) کے شیڈول میگا ایونٹ کے لئے روایتی حریف پاکستان اور بھارت کی ٹیموں کے درمیان اولڈ ٹریفورڈ میں 16 جون کو شیڈول میچ کھیلا جائے گا، جس کے تمام ٹکٹس صرف 48گھنٹوں میں ہی فروخت ہوگئے۔میڈیا رپورٹس کے مطابق کرکٹ شائقین روایتی حریف پاک بھارت کے میچ کو فائنل سے بھی زیادہ اہمیت دے رہے ہیں۔ یہ میچ دیکھنے کے خواہشمندوں کی تعداد 4لاکھ سے تجاوز کرچکی ہے جبکہ اسٹیڈیم میں صرف 26 ہزار لوگوں کے بیٹھنے کی گنجائش ہے۔

واضح رہے کہ کرکٹ ورلڈ کپ , 2019 30مئی سے 14جون تک انگلینڈ اور ویلز میں کھیلا جائے گا ۔10ملکی ایونٹ میں انگلینڈ، آسٹریلیا، جنوبی افریقہ، پاکستان، بھارت ویسٹ انڈیز، نیوزی لینڈ، افغانستان، بنگلہ دیش اور سری لنکا کی ٹیمیں شامل ہیں۔ ٹورنامنٹ کے مختلف میچز ڈے اینڈ نائٹ ہوں گےجبکہ ٹورنامنٹ میں مجموعی طور پر48 میچ کھیلے جائیں گے۔میڈیا رپورٹس کے مطابق ان میچز میں زیادہ توجہ کا مرکز ہمیشہ کی طرح پاکستان اور بھارت کا 16 جون کو کھیلا جانے والا مقابلہ بنے گا۔ ٹکٹوں کی فروخت شروع ہوئی تو روایتی حریفوں میں مقابلے کے تمام ٹکٹ چند گھنٹوں میں ہی فروخت ہوگئے۔واضح رہے کہ میزبان انگلینڈ اور جنوبی افریقہ ٹورنامنٹ کا پہلے میچ اوول کے میدان پر 30 مئی کو کھیلا جائے گا جبکہ پاکستان کا پہلا میچ ویسٹ انڈیز کے خلاف ہے جو 31 مئی کو ٹرینٹ برج پر کھیلا جائے گا۔

پاکستان کا اس کے بعد 3 جون کو انگلینڈ، 7 جون کو برسٹل اور 12 جون کو آسٹریلیا سے میچ ہوگا۔پاکستان اور بھارت کا ٹاکرا 16 جون کو ہوگا، اس کے بعد جنوبی افریقہ کے خلاف 23 جون، نیوزی لینڈ کے خلاف 26 جون اور افغانستان کے خلاف 29 جون کو پاکستانی ٹیم مدمقابل ہوگی۔پاکستان اپنا آخری لیگ میچ 5 جولائی کو لارڈز کے تاریخی میدان میں کھیلے گا۔

انگلینڈ(ایمرا نیوزآن لائن) پاکستان کرکٹ ٹیم آج دورہ انگلینڈ میں پہلا ٹور میچ کینٹ کے خلاف کھیلے گی۔انگلینڈ کے خلاف اہم ترین سیریز اور مشن ورلڈ کپ کے لئے قومی کرکٹ آج سے اپنی مہم کا آغاز کینٹ کائونٹی کے خلاف پریکٹس میچ سے کرے گی،کینٹ میں کئی روز سے پریکٹس میں مصروف قومی کھلاڑی پہلے ایک روزہ پریکٹس میچ کے لئے تازہ دم ہیں۔

کینٹ کائونٹی کے خلاف میچ پاکستانی وقت کے مطابق سہ پہر 3 بجے شروع ہوگا۔ہیڈ کوچ مکی آرتھر کا کہنا ہے کہ انگلینڈ کے خلاف تیاری کا بھرپور موقع مل رہا ہے، پہلے ٹور میچ میں بہترین کمبی نیشن میدان میں اتاریں گے ۔

شارجہ (ایمرا نیوزآن لائن) پاکستان اور آسٹریلیا کے درمیان پہلا ون ڈے آج کیھلا جائے گا، جو پاکستانی وقت کے مطابق شام چار بجے شروع ہوگا.
نئی سیریز میں نئے کپتان کے ساتھ پاکستانی کرکٹ ٹیم کو عالمی چیمپئن آسٹریلیا کے خلاف نئی آزمائش سے گذرنا ہوگا۔ پاکستان اور آسٹریلیا کے درمیان پانچ ون ڈے میچوں کی سیریز کا پہلا میچ جمعے سے شارجہ اسٹیڈیم میں شروع ہورہا ہے۔ یہ سیریز ورلڈکپ کی تیاریوں کو حصہ ہے۔ پاکستانی ٹیم انتظامیہ نے کھلاڑیوں کو ذہنی طور پر مضبوط بنانے کے لئے اسپورٹس سائیکولوجسٹ کی خدمات حاصل کی ہیں۔ گرین شرٹس نے آسٹریلیا کے خلاف آخری سیریز 17سال قبل جیتی تھی۔ 2002میں پاکستان نے آسٹریلیا کو اس کی سرزمین پر دو ایک سے شکست دی تھی۔ دونوں ملکوں کے درمیان آخری سیریز جنوری2017 میں ہوئی تھی جس میں آسٹریلیا نے چار ایک سے کامیابی حاصل کی تھی۔ متحدہ عرب امارات میں آسٹریلیا، پاکستان سے کوئی سیریز نہیں ہارا۔2009 میں آسٹریلیا نےتین دو،2012 میں دو ایک اور2014میں تین صفر سے پاکستان کو شکست دی۔ پاکستان کے ریگولر کپتان سرفراز سمیت چھ کھلاڑی سیریز میں آرام کررہے ہیں۔ شعیب ملک کو ایسے وقت میں کپتانی ملی ہے جب ان کیکارکردگی اور فارم پر بہت سارے سوالات اٹھائے جارہے ہیں۔ دو ماہ قبل جنوبی افریقا کے خلاف سیریز میں پاکستان کو تین دو سے شکست ہوئی تھی۔ توقع ہے کہ بائیں ہاتھ کے اوپنر شان مسعود میچ میں اپنے ون ڈے کیریئر کا آغاز کریں گے جبکہ لیگ اسپنر یاسر شاہ کو سیریز میں کردار اہم ہوگا۔ شعیب ملک کا کہنا ہے کہ مسلسل کرکٹ کھیلنے کی وجہ سے کھلاڑی تھکاوٹ کا شکار ہوگئے تھے کھلاڑیوں کو آرام دینے کا فیصلہ ان کی مشاورت سے کیا گیا ہے۔ وہ آرام کے مستحق ہیں۔ آسٹریلوی ٹیم میں ہم کسی کھلاڑی سے پریشان نہیں ہیں ،کسی ایک کھلاڑی کو فوکس نہیں کررہے ان کے پاس اچھے کھلاڑی ہیں۔ لیکن ہمارے پاس ایسے کھلاڑی ہیں جو آسٹریلیا کو شکست دینے کی صلاحیت رکھتے ہیں۔ آسٹریلوی ٹیم بھارت کو ہوم گرائونڈ پر شکست دے کر متحدہ عرب امارات پہنچی ہے۔ شعیب ملک کا کہنا ہے کہ ورلڈ کپ سے قبل پاکستانی ٹیم نے دس ون ڈے اور ایک ٹی ٹوئنٹی میچ کھیلنا ہے ۔ کھلاڑیوں سے کہا جارہا ہے کہ وہ اس سیریز پر توجہ مرکوز رکھیں لیکن کوئی بھی کھلاڑی اچھی کارکردگی دکھا کر ٹیم میں واپس آسکتا ہے۔ آسٹریلوی ٹیم کبھی آسان نہیں ہوتی موجودہ ٹیم حال ہی میں بھارت سے سیریز جیت کر آئی ہے۔ سلیکشن کمیٹی نے نئے کھلاڑیوں کو آزمانے کے لئے زبردست فیصلہ کیا ہے۔ جو بھی کھلاڑی آسٹریلیا کی سیریز میں کارکردگی دکھائے گا اسے ورلڈ کپ کا ٹکٹ مل سکتا ہے۔ آسٹریلیا کے کپتان ایرون فنچ کا کہنا ہے کہ بھارت سے جیت کر آرہے ہیں اور اسی تسلسل کو برقرار رکھنا چاہتے ہیں۔ ایشیائی ملکوں کی پچز ایک جیسی ہوتی ہیں۔ پاکستان ٹیم کسی بھی طرح آسان حریف نہیں ہے۔ گلین میکس ویل اب ٹھیک ہیں اور ٹریننگ میں شرکت کی ہے۔ شعیب ملک نے کہا کہ اہم کھلاڑیوں کے نہ ہونے سے کوئی بھی ٹیم مشکل میں آسکتی ہے۔ آسٹریلیا ہمیشہ جارحانہ کھیلتی ہے۔ ورلڈ کپ میں بھی آسٹریلیا حریف ٹیموں کے لئے خطرہ ہے۔ شعیب ملک کی کپتانی میں پاکستان نے 38 ایک روزہ میچ کھیلے، جس میں سے 25 میں وہ فتح یاب ہوئے جبکہ 13 میں انہیں شکست کا سامنا کرنا پڑا ۔ پاکستان اور آسٹریلیا کے درمیان 98ون ڈے انٹر نیشنل میچ ہوئے ہیں۔ پاکستان نے32اور آسٹریلیا نے62جیتے، ایک میچ ٹائی رہا ،دو میچ نتیجہ خیز ثابت نہ ہوسکے۔

لاہور(سپورٹس ڈیسک/ایمرا نیوز) ہولک ہگن کو کھیل کی تاریخ میں سب سے بڑا پیشہ ور کشتی ستاروں میں سے ایک سمجھا جاتا ہے. انہوں نے اپنی کامیابی کو 1980 کے دہائی تک برقرار رکھا تھا، اور 1990 سے ابھی تک ان کی مقبولیت بڑھتی جا رہی ہے. ڈبلیو ڈبلیو ای کی تاریخ کا سب سے بڑا میچ Hulk Hogan اور The Ultimate Warrior کے درمیان ہوا جو کینیڈا میں ہوا تھا.

یہ اس وقت کے سب سے زیادہ اعلی کشتی واقعات میں سے ایک تھا، اور اب بھی بہت سے پیشہ ورانہ کشتی کے شائقین کی طرف سے یاد کیا جاتا ہے. اس میچ کی دھوم پوری دنیا میں مچی ہوئی تھی ، کیونکہ دونوں پہلوانوں کی لائن پر چیمپئن شپ کی بیلٹ تھیں، اور اس طرح میچ نے “The Ultimate Challenge” میں تبدیل ہوگیا. Ultimate Warrior نے یہ اہم ترین میچ جیت لیا، انہوں نے ایک خوفناک دائو کے ذریعے ہگن کو ہرا دیا.

اس میچ کے بعد ہگن نے sportsmanship کا مظاہرہ کرتے ہوئے Ultimate Warrior سے ہاتھ بھی ملایا. اس میچ کے بارے میں یہ بھی کہا جاتا ہے کہ یہ ڈبلیو ڈبلیوای کی تاریخ کا اصل میچ بھی تھا.