Tag media92news

ابو ظہبی:(نیٹ نیوز/ایمرا نیوز) متحدہ عرب امارات نے اسٹیٹ بینک کے اکاؤنٹ میں تین ارب ڈالرجمع کرانے کا اعلان کردیا۔متحدہ عرب امارات نے اسٹیٹ بینک کے اکاؤنٹ میں تین ارب ڈالرجمع کرانے کا اعلان کردیا جس کے بعد اسٹیٹ بینک کے ذخائر 11 ارب ڈالر سے بڑھ جائیں گے۔ابوظہبی فنڈ برائے ترقی کے مطابق رقم آئندہ چند دنوں میں جمع کروا دی جائے گی، رقم جمع کرانے کا مقصد پاکستان کی مالیاتی صورتحال میں بہتری لانا ہے جب کہ رقم سے پاکستان کے زرمبادلہ کے ذخائر بہتر ہوں گے۔دوسری جانب ابوظہبی فنڈ برائے ترقی پاکستان میں پہلے سے 8 منصوبوں کی فنڈنگ کر رہا ہے اور8 منصوبوں کی مجموعی لاگت ڈیڑھ ارب درہم ہے۔

گوجرانوالہ(نیٹ نیوز/ایمرا نیوز) پنجاب کے شہر گوجرانوالہ کے کسٹم اینٹی اسمگلنگ اسکواڈ نے ایک کارروائی کرکے دو ہزار کلو گٹکے سے بھرا ٹرک قبضے میں لے لیا۔گوجرانوالہ اینٹی اسمگلنگ اسکواڈ نے یہ کارروائی گجرات میں کی ہے جس کے دوران 2ہزار کلو بھارتی گٹکے سے بھرا ٹرک پکڑا گیا ہے۔اسسٹنٹ کلکٹر علی محتشم کے مطابق اس بھارتی گٹکے کی مالیت 50لاکھ روپے سے زائد ہے جو بھارت سے اسمگل کر کے لایا گیا تھا۔اس کارروائی کے دوران ملزمان فرار ہو گئے، کسٹم اینٹی اسمگلنگ اسکواڈ نے اسمگل کیا گیا گٹکا تحویل میں لے کر تحقیقات کا آغاز کر دیا ہے۔

(شوبز ڈیسک/ایمرا نیوز)
ہالی ووڈ کرائم ڈرامہ فلم’ڈسٹرائر‘ کا نیاٹریلر جاری کردیا گیا ہے۔کیرن کساما کی ہدایتکاری میں بننے والی اس فلم کی کہانی ایک ایسی خاتون پولیس جاسوس کے گرد گھوم رہی ہے جسے امن قائم کرنے کیلئے ایک انتہائی اہم مشن پر بھیجا جا تا ہے۔
فلم کی کاسٹ میں نکول کڈمین ،ٹوبی کیبل،تاتیانا مسلانے،سباسٹین اسٹن،ٹوبی ہس اور بریڈلے وٹفورڈ سمیت دیگر اداکار شامل ہیں۔فریڈ برجر اور فل ہے کی مشترکہ پروڈیو س کردہ سنسنی خیز مناظر سے بھرپوریہ فلم 25دسمبر کو سینما گھروں میں نمائش کیلئے پیش کی جائے گی۔

اسلام آباد(نیٹ نیوز/ایمرا نیوز) صدر مملکت ڈاکٹر عارف علوی کا کہنا ہے کہ دنیا مسائل اور مظالم تخلیق کر کے بھول گئی،میری خواہش ہے کہ پاکستان کے نوجوان سافٹ ویئر میں دنیا میں ماہر بنیں۔صدر مملکت نے پاکستان نیوی انجینئرنگ کالج کے تیسویں سالانہ کانووکیشن سے خطاب کرتے ہوئے مزید کہا کہ ترقی یافتہ ممالک دیواریں کھڑی کرتے ہیں اور غریب ممالک میں مظالم بڑھاتے ہیں۔ان کا مزید کہناہے کہ اب وہ زمانہ ہے کہ پاکستان میں بیٹھ کر کہیں بھی ملازمت تلاش کی جا سکتی ہے۔ڈاکٹر عارف علوی نے یہ بھی کہا کہ جب پاکستان کی سرحد پر ظلم بڑھا تو ہم نے افغان بھائیوں کے لیے سرحد کھولی۔

روس(نیٹ نیوز/ایمرا نیوز) روس کے صدر پیوٹن نے دوسری شادی کا شوشا چھوڑ دیا،صحافی کے سوال پر پیوٹن پہلے مسکرائے اور پھر دوبارہ سےشادی کرنے کا اشارہ بھی دے دیا۔گزشتہ روز ماسکو میں ہونے والی سالانہ کانفرنس میں ایک صحافی کے سوال پر پیوٹن کا کہنا تھا کہ شاید وہ دوبارہ شادی کرسکتے ہیں لیکن یہ نہیں کہہ سکتے کہ وہ کس سے شادی کریں گے.واضح رہے66 سالہ پیوٹن نے اپنی اہلیہ لیوڈ ملا سے 2013 میں علیحدگی کااعلان کیا تھا۔ان کی شادی 1983 میں انجام پائی تھی۔ان کی دو بیٹیاں ہیں جن کی عمر بھی اب تیس کی دہائی میں ہے اور ان کا سیاست سے دور دور تک کوئی لینا دینا نہیں ہے۔پہلی بیوی کو طلاق دینے کے بعد مقامی میڈیا میں یہ خبریں بھی سامنے آ چکی ہیں کہ پیوٹن کے الینا نامی سابق اولمپیئن سے تعلقات ہیں تاہم پیوٹن نے یہ افواہ غلط قرار دی تھی۔

اسلام آباد(نیٹ نیوز/ایمرا نیوز) قومی اسمبلی کا اجلاس پارلیمنٹ ہاؤس میں جاری ہے جس میں شرکت کیلئے قائد حزب اختلاف اور مسلم لیگ نون کے قائد شہباز شریف اور رکن قومی اسمبلی خواجہ سعد رفیق پارلیمنٹ ہاؤس پہنچ گئے۔سعد رفیق سے قبل شہباز شریف پارلیمنٹ ہاؤس پہنچے جنہوں نے پارلیمنٹ آمد پر خواجہ سعد رفیق کا استقبال کیا،اس موقع پر مسلم لیگ نون کی ترجمان مریم اورنگزیب اور دیگر لیگی رہنما بھی ان کے ہمراہ تھے۔سابق وزیر ریلوے خواجہ سعد رفیق اپنی گرفتاری کے بعد پہلی بار قومی اسمبلی کے اجلاس میں شریک ہو رہے ہیں۔واضح رہے کہ مسلم لیگ نون کے رکن قومی اسمبلی خواجہ سعد رفیق کو آج قومی اسمبلی کے اجلاس میں شرکت کیلئے پہلے ہی لاہور سے پارلیمنٹ لاجز اسلام آباد پہنچا دیا گیا تھا۔پارلیمنٹ لاجز میں سعد رفیق کی رہائش گاہ کو سب جیل قرار دیا گیا ہے، گزشتہ روز اسپیکر قومی اسمبلی اسد قیصر کی جانب سے پروڈکشن آرڈر جاری ہونے پر سعد رفیق کو لاہور سے اسلام آباد لایا گیا۔سعد رفیق کے پروڈکشن آرڈر جاری ہونے کے بعدنیب نے ان کاراہداری ریمانڈ بھی حاصل کر لیا تھا۔اسپیکر قومی اسمبلی اسد قیصر نے خواجہ سعد رفیق کو قومی اسمبلی کے اجلاس میں شرکت کے لیے طلب کیا ہے۔اسپیکر اسد قیصر نے گزشتہ روز قومی اسمبلی کے موجودہ اجلاس میں شرکت کےلیے سعد رفیق کے پروڈکشن آرڈر قواعد 2007ء کے قاعدہ 108 کے تحت جاری کئے، قاعدہ 108 کے تحت اسپیکر کسی بھی زیر حراست رکن اسمبلی کو طلب کر سکتے ہیں۔

اسلام آباد(نیٹ نیوز/ایمرا نیوز) وزیراعظم عمران خان نے کہا ہے کہ جس بڑے ڈاکو سے پیسہ پکڑیں گے ،وہ تعلیم پر خرچ کریں گے، تمام یونیورسٹیوں کو معیاری بنانا ہماری اولین ترجیح ہے،یقین دلاتا ہوں کہ ہائیر ایجوکیشن کو بھرپور تعاون فراہم کیا جائے گا۔وزیراعظم عمران خان نے اسلام آباد نیشنل یونی ورسٹی کے انعقاد کی افتتاحی کانفرنس سے خطاب کرتے ہوئے کہا کہ عوام کو باشعور بنا رہے ہیں ،وزیر اعظم ہاؤس کو یونیورسٹی کا درجہ دینے کا مقصد حکمراں اور عوام کا فاصلہ کم کرنا ہے ۔انہوں نے کہا کہ مجھ میں تبدیلی برطانیہ جانے اور وہاں کے لوگوں کا طرز زندگی دیکھنے کے بعد آئی، ٹین ڈاوننگ اسٹریٹ میں سادہ سے عمارت میں ٹونی بلیئر کا گھر تھا جبکہ ہمارے حکمران عالیشان محل میں رہتے ہیں،متعدد اسلامی ممالک کا مجموعی جی ڈی پی سے برطانیہ کا جی ڈی پی زیادہ ہے ۔

ممبئی(شوبز ڈیسک/ایمرا نیوز) چینی گلوکارہ نے ہندی گانے میں اپنی آواز کا جادو جگاتے ہوئے سُر بکھیرے تو بالیووڈ مسٹر پرفیکشنسٹ عامر خان حیران رہ گئے۔چین کے دورے پر عامر خان کو اس وقت ایک چینی خاتون نے حیران کر دیا جب نامور بالی وڈ فلم’ سیکرٹ سپر اسٹار ‘ـکا مشہور گیت ‘’تیری ہی بولی بولوں گی ‘گاتے ہوئے ایسے سُر لگائے کا عامر خان بھی دنگ رہ گئے ۔عامر خان نے چینی خاتون کی گائیکی کی تعریف کرتے ہوئے کہا کہ اس نے ایک مشکل گیت نہایت عمدگی سے گا یا ہے ۔یہ دلچسپ ویڈیو سوشل میڈیا پر بھی خوب مقبول ہو رہی ہے جسے لاتعداد افراد یکھ کر داد دے چکے ہیں۔

پرتھ(سپورٹس ڈیسک/ایمرا نیوز) پرتھ ٹیسٹ میں بھارتی کپتان ویرات کوہلی اور آسٹریلوی قائد ٹم پین میں تلخ کلامی کے بعد سے دوسرے کھلاڑیوں کی جانب سے کوہلی پر تنقید کا سلسلہ شروع ہو گیا۔ایسے میں پاکستانی لیجنڈ فاسٹ بولر شعیب اختر بھارتی کپتان کی حمایت میں سامنے آگئے۔سماجی رابطہ ویب سائٹ ٹوئٹر سے پیغام جاری کرتے ہوئے انہوں نے کہا کہ ’ ویرات کوہلی جدید عظیم کھلاڑیوں میں سے ایک ہیں ، کوہلی کے رویے پرتبصرہ کرنے والوں کو تھوڑی گنجائش نکالنی چاہئے۔‘انہوں نے کہا کہ ’کھیل کے میدان میں جارحانہ رویہ کرکٹ کا حصہ ہوتا ہے، خاص طور سے جب میچ آسٹریلیا یا نیو زی لینڈ کے ساتھ ہو ۔‘واضح رہے حال ہی میں بھارت کے سینئر اداکار نصیرالدین شاہ نے ویرات کوہلی کو ’بدترین رویے والا کھلاڑی‘ قرار دیا تھا۔بعد ازاں سابق آسٹریلوی فاسٹ بولر مچل جانسن نے بھی کوہلی کو بے ادب اور بے وقوف قرار دے دیا۔

ممبئی(شوبز ڈیسک/ایمرا نیوز) کترینہ کیف کے اپنی آنے والی فلم ‘بھات’ میں نئے سٹائل نے دھوم مچا دی ہے. کترینہ کو زیادہ تر سیدھے بالوں کے ساتھ دیکھا گیا ہے. لیکن اب ان کو پہلی مرتبہ curls میں دیکھا جائے گا اور ان کے نئی انداز کو دیکھنے کے لیے شائقین بے صبری سے انتظار کررہے تھے. حال ہی میں، اداکارہ نے انکشاف کیا کہ وہ نئی انداز میں سے متعلق بہت پریشان تھیں. لیکن ان کے سٹائلسٹ آدونا نے ان کو قائل کیا.

اسی بارے میں بات چیت کرتے ہوئے، اداکارہ نے اطلاع دی ہے کہ جب آپ کچھ نیا کرتے ہیں تو وہ اسی طرح سوچتے ہیں.
اس نے مزید کہا کہ ان کے بال curls برداشت نہیں کرتے تھے کیونکہ وہ سیدھے ہیں لیکن میرے سٹائلسٹ نے کہا، صرف ایک بار کوشش کریں. اور میں تیار ہوگئی اور آخر ان کا فیصلہ درست تھا،اور اب یہ بہت اچھا لگ رہا ہے.

فلم ‘بھات’ کے ہدایت کار سید عباس ظفر ہیں، اس فلم میں سلمان خان، دشا پتیانی، تبو اور سنیل گروور اہم کردار ادا کررہے ہیں.