Tag media92news

پرتھ(سپورٹس ڈیسک/ایمرا نیوز) پرتھ ٹیسٹ میں آسٹریلیا نے دوسرا ٹیست جیت کرچار میچز کی سیریز ایک ایک سے برابر کردی ۔ بھارت نے 112 رنز سےسے دن کا آغاز کیا مگرپوری ٹیم صرف 140 رنز پر ڈھیر ہوگئی۔پرتھ ٹیسٹ کے دوسرے دن کا پہلا ہی سیشن بھارتی ٹیم کے لئے نائیٹ مئیر بن گیا،بھارت کو جیت کےلئے مزید 175 رنز بنانے تھے جبکہ آسٹریلیا کو پانچ وکٹیں درکار تھیں۔آسٹریلوی بولرز نے بھارتی کھلاڑیوں ڈرایا ، دھمکایا اور پویلین پہنچایا ،287 رنز کے تعاقب میں بھارت نے 112 رنز پانچ کھلاڑی آؤٹ سے اننگز بڑھائی َ پہلا نقصان صرف سات رنز کےاضافے پر ہی اٹھانا پڑا۔ صرف 140 رنز پرپوری ٹیم پویلین پہنچ گئی ۔اسٹارک اور لائن نے تین تین وکٹیں حاصلکیں اور یوں کینگروز نے میچ 146 رنز سے جیت لیا۔اس طرح چار ٹیسٹ کی سیریز ایک ایک سے برابر ہوگئی،تیسرا ٹیسٹ 26 دسمبر سے میلبرن میں ہو گا ۔

(نیٹ نیوز/ایمرا نیوز)
دفتر خارجہ کے ترجمان ڈاکٹر فیصل کا کہنا ہے کہ بھارتی جاسوس حامد نہال انصاری کو سزا مکمل ہونے پر رہا کیا گیا ہے۔انہوں نے مزید کہا کہ حامد نہال انصاری غیر قانونی طور پر پاکستان میں داخل ہوا تھا، اسے بغیر دستاویزات اور جاسوسی کے الزامات پر سزا ہوئی تھی۔ترجمات دفتر خارجہ نے مزید کہا کہ بھارتی جاسوس حامد انصاری پاکستان مخالف سرگرمیوں میں ملوث تھا،اب سزا مکمل ہونے پر اسے بھارت واپس بھیجا جا رہا ہے۔واضح رہے کہ حامدنہال انصاری نامی بھارتی جاسوس کو 3 سال کے بعد سزا مکمل ہونے پر رہا کیا گیا ہے، نومبر 2012ءمیں یہ شخص دہلی سے کابل پہنچا تھا۔وہ کابل سے براستہ سڑک جلال آباد سے ہوتا ہوا طورخم بارڈر سے حمزہ نام کی جعلی دستاویزات پر پاکستان میں داخل ہوا، جہاں سے بس کے ذریعے راولپنڈی پہنچا، جس کے بعد کوہاٹ روانہ ہوا اور جعلی دستاویزات پر ہی اس نے ہوٹل میں قیام کیا۔حامد انصاری کو 14 نومبر 2012ءکو مشکوک سرگرمیوں کی وجہ سے حراست میں لیا گیا،جنوری 2014ء میں بھارتی ہائی کمیشن کو حامد انصاری کی گرفتاری کے حوالے سے مطلع کیا گیا۔جاسوسی اور بغیر دستاویزات سفر کرنے کے جرم میں سزا پانے والے بھارتی قیدی حامد نہال انصاری کو مردان جیل سے رہا کر دیا گیا ہے، جس کے بعد اسے واہگہ بارڈر پر بھارت کے حوالے کیا جائے گا۔

(نیٹ نیوز/ایمرا نیوز)
پشاور سے اسلام آباد تک موٹروے ٹریفک کے لیے کھول دی گئی ہے، پشاور تا اسلام آباد موٹر وے شدید دھند کے باعث بند کی گئی تھی۔
اس سے قبل وسطی اور جنوبی پنجاب، خیبر پختون خوا کے کئی علاقے شدید دھند کی لپیٹ میں ہونے کے باعث پشاور سے رشکئی تک موٹرو ے ایم ون بند کی گئی۔
بہاولپور اور ترنڈہ محمد پناہ میں بھی شدید دھند سے معمولات زندگی متاثر ہوئے، جہاں حد نگاہ 50میٹر رہ گئی۔
ترجمان موٹر وے نے ہدایت جاری کی تھی کہ دھند کے دوران غیر ضروری سفر سے گریز کیا جائے، ڈرائیور حضرات فوگ لائٹس استعمال کریں اور مشکل صورت حال میں شہری ہیلپ لائن 130پر رابطہ کرسکتے ہیں۔

لاہور(شوبز ڈیسک /ایمرا نیوز)فلم، ریڈیو، ٹی وی کے اداکار علی اعجاز77برس کی عمرمیں لاہور میں انتقال کرگئے، وہ عارضہ قلب میں مبتلا تھے۔
اداکارعلی اعجاز کو دل کا دورہ پڑا جو جان لیوا ثابت ہوا، وہ مزاحیہ ہیرو کے طور پر بہت مقبول ہوئے،انہوں نے 1961ء میں فلم انسانیت سے فنی کیریئر کا آغاز کیا۔
علی اعجاز کی مشہور فلموں میں سالا صاحب اور دبئی چلو کا شمار ہوتا ہے جبکہ مشہور ٹی وی ڈراموں میں خواجہ اینڈ سنز، کھوجی اور شیدا ٹلی شامل ہیں۔
اداکار علی اعجاز مرحوم کی 1979 ءمیں نمائش کے لیے پیش کی گئی سماجی فلم دبئی چلو سپرہٹ رہی۔
علی اعجاز کی پنجابی فلموں مفت بر اور دادا استاد نے بھی کامیابی کے جھنڈے گاڑے، پیار دا بدلہ، بھائیاں دی جوڑی، یملا جٹ، بد نالوں بدنام برا ،عشق میرا ناں، سادھو اور شیطان، لیلیٰ مجنوں، ظلم کدی نئیں پھلدا ، سدھا رستہ، بادل، سوہرا تے جوائی، مسٹر افلاطون، نوکر تے مالک، ووہٹی دا سوال اے، باؤ جی، دشمن پیارا، اندھیر نگری، دھی رانی، چور مچائےشور، عشق میرا ناں، بھروسہ، اتھرا پتر، آپ سے کیا پردا، عشق سمندر مشہور پنجابی فلموں میں شامل ہیں۔
اداکار ننھا اور علی اعجاز کی جوڑی 80ء کی دہائی میں مقبولیت کی بلندیوں پر رہی، حکومت نےانہیں 14اگست 1993ءکو صدارتی تمغہ برائے حسن کارکردگی سے نوازا۔
اداکار علی اعجاز انتقال کر گئے
اداکار علی اعجاز کی خدمات کے اعتراف میں انہیں نگارا ایوارڈ بھی عطا کیا گیا،انہوں نے پاکستان ٹیلی وژن کے ڈرامہ سیریل لاکھوں میں تین میں کام کر کے بھی شہرت سمیٹی۔
اداکار علی اعجاز نے89 فلموں میں اداکاری کے جوہر دکھائے،اپنی مزاحیہ اداکاری کے علاوہ سنجیدہ کرداروں میں بھی اپنے فن کا لوہا منوایا۔
علی اعجاز نے معمر شہریوں کے حقوق کیلئے علی اعجاز فاؤنڈیشن کےنام سےاین جی او بھی بنائی، وہ عمر کے آخری حصے میں حکومت اور معاشرے کی بے اعتناعی کا شکوہ کرتے رہے، اداکاری سے کنارہ کشی کے بعد ان کا زیادہ وقت ادبی کتب کے مطالعے میں گزرا۔
علی اعجاز مرحوم نے سوگواروں میں بیوہ کشور اور 2 بیٹے بابر اور یاسر چھوڑے ہیں، ان کا جنازہ ان کی رہائش گاہ 41 ڈی نیو مسلم ٹاؤن لاہور سے اٹھایا جائے گا۔
علی اعجاز کی نمازجنازہ بعد نماز ظہر ادا کی جائے گی جبکہ انہیں مقامی قبرستان میں سپردخاک کیا جائے گا۔
اداکار علی اعجاز کو 12 برس قبل فالج ہوا تھا، وہ قلب کے عارضے میں مبتلا تھے اور کچھ عرصے سے مقامی نجی اسپتال میں زیر علاج تھے۔

حال ہی میں ایک اور ویڈیو اورنگ آباد سے وائرل ہوئی جس میں بالی ووڈ کی مشہور ادکارہ زرین خان نے ایک تقریب میں شرکت کی تھی، تقریب میں عوام کی بڑی تعداد ان کو دیکھنے کے لیے آئی تھی، زین خان کو بتا تھا اتنی بڑی تعداد میں اُن کے ساتھ کوئی غلط واقعہ رونما ہو سکتا تھا اس لیے وہ کافی متحرک تھیں.

شائقین زرین خان کی ایک جھلک دیکھنے کے لیے بے چین تھے، پھر اچانک تقریب میں بدنظمی پھیل گئی اور دیکھتے ہی دیکھتے صورتحال خراب ہوگئی،اس موقع پر ایک شخص نے زین خان کو غلط طریقے سے چھوڑنے کی کوشش کی جس پر اداکارہ نے اس شخص نے تھپڑ ریسد کردیا،یہ صورتحال دیکھ کر ان کے گارڈز زین خان کو وہاں سے لے گئے یاد رہے زرین خان کچھ مہینے پہلے اپنے فلم 1921 کی تشہیری مہم کے سلسلے میں ایک تقریب میں شرکت کی تھی، جس میں زرین خان کے مخالف بھی وہاں پہنچ گئے جس کی وہاًں بدنظمی کا واقعہ پیش آیا.

لاہور(سپورٹس ڈیسک/ایمرا نیوز)
ولیم سکاٹ گولڈ برگ (دسمبر 27، 1 9 66 کا پیدائش) ایک امریکی پیشہ ور پہلوان، اداکار، فٹ بال کھلاڑی، اور مخلوط مارشل آرٹسٹ کے رنگ کا مبصر ہے. وہ اپنے وقت کے لئے WWE اور ورلڈ چیمپئن شپ کشتی (WCW) میں انگوٹی کے نام گولڈ برگ کے تحت جانا جاتا ہے. گولڈ برگ نے مختلف ٹیلی ویژن کے شوز اور فلموں پر ظاہر ہونے سے اپنے عالمی ناظرین کو وسیع کر دیا، ان کی پہلی اہم کرداروں میں سے ایک یونیورسل فوجی: ری ریٹ، 1999 میں اس کے بعد جین کلاڈ وان ڈیم کے ساتھ یونیسیول فوجی ‘رومیو’ کھیل رہا تھا. خاندان کے گائے میں خود کو کھیلنے کے لئے شو میزبان سے مختلف کرداروں میں حاضر ہونا

1999 میں، ڈبلیو سی ڈبلیو سٹارڈڈ میں برٹر ہارٹ نے گولڈ برگ کے خلاف اپنی ڈبلیو سی ڈبلیو ورلڈ ہیوی ویٹ چیمپئن شپ کا دفاع کیا. میچ کے دوران، ہارٹ ایک تھسٹسٹ کک سے سر پر مارا گیا تھا – جس نے نتیجے میں شدید سنجیدگی کا سامنا کیا اور اسے ہٹ-مین اختتام کا آغاز بن گیا.

بہت سے دعوی کرتے ہیں کہ کک گولڈبرگ کی طرف سے بوٹ گیا تھا. اس واقعے کے بعد، ہار نے اپنے سر کو کچھ اور زخم لگائے اور اس نے اسے قابو پانے سے ایک دن بلایا. بہت سے لوگ محسوس کرتے ہیں کہ ہارٹ اور گولڈ برگ نے زخم کے بارے میں جاننے کے باوجود کسی بھی احتیاطی تدابیر نہیں لینے کی وجہ سے ان کی چوٹ کے لئے مجبور کیا.

لندن:(نیٹ نیوز/ایمرا نیوز) ایپل اور گوگل پلے اسٹور پر ایسی کئی ایپس موجود ہیں جن سے آپ اپنے بچوں اور شریکِ حیات کے اسمارٹ فون کی جاسوسی کرسکتے ہیں۔ گھریلو تشدد روکنے اور انسانی حقوق کی تنظیموں نے ان ایپس کے پھیلاؤ پر اپنی تشویش کا اظہار کیا ہے۔ان میں سے بعض ایپ تو صرف فون کی سرگرمی اور جگہ کو نوٹ کرتی ہیں لیکن کچھ بدنام ایپس نہ صرف کال ریکارڈ کرنے، ٹیکسٹ معلوم کرنے میں مددگار ہوتی ہیں بلکہ سوشل میڈیا پر سرگرمی بھی نوٹ کرسکتی ہیں۔

یہ ایپ براؤزنگ ہسٹری کا بھی پتا لگاسکتی ہیں۔ان میں سے ایک ایپ کا نام ایم اسپائی (mSpy) ہے جس کی قیمت پاکستانی 26 ہزار روپے (149.99 برطانوی پاؤنڈ) سالانہ ہے۔ کمپنی کے مطابق اسے بچوں کی فون سرگرمی کو نوٹ کرنے کے لیے استعمال کیا گیا تھا جس میں وہ بچے کے ٹیکسٹ پیغامات، کال، جی پی ایس محلِ وقوع ، واٹس ایپ اور دیگر سرگرمیوں کو نوٹ کرسکتے ہیں۔ایم اسپائی کی خاص بات یہ ہے کہ خاموشی سے انسٹال ہونے کے بعد ایپ اسمارٹ فون پر کہیں نظر نہیں آتی اور بہت خاموشی سے کام کرتی رہتی ہے۔ یہی وجہ ہے کہ مغربی ممالک اور یورپ میں لوگ اسے اپنی بیوی یا گرل فرینڈ کی سن گن کے لیے استعمال کررہے ہیں۔ایک برطانوی صارف نے کہا کہ ایپ واٹس ایپ کے ڈیلیٹ ہونے والے پیغامات بھی دکھاتی ہے اور اسی وجہ سے یہ بہت مؤثر بھی ہے۔ اس کے علاوہ سالانہ چار ہزار روپے فیس لینے والی ایسی ایپس بھی ہیں جو آپ کو کئی لحاظ سے دوسروں کی جاسوسی کرنے میں مدد دیتی ہے۔بچوں کو محفوظ بنانے والی ایپس زیادہ مقبول ہیں لیکن ان میں جاسوسی کا عنصر غالب ہوتا ہے اور ان کے فون میں خفیہ ایپ اتار کر ان کی نگرانی کی جاتی ہے لیکن یہ بات یہاں ختم نہیں ہوتی بلکہ درجنوں ایسی ایپس بن چکی ہیں جو بالکل مفت میں دستیاب ہیں اور ان سب کو دوسروں کی نگرانی کے لیے استعمال کیا جاسکتا ہے۔

ٹوکیو:(نیٹ نیوز/ایمرا نیوز) ناشتے میں اگر کوئی آئسکریم کھانے کی پیش کش کرے تو انسان سوچنے پر مجبور ہوجاتا ہے کہ بھلا ناشتے میں آئسکریم کب کھائی جاتی ہے لیکن اب ماہرین کا کہنا ہے کہ ناشتے میں آئسکریم کھانے سے انسان کی ذہانت میں اضافہ ہوتا ہے۔جاپان سے تعلق رکھنے والے سائنسدان کا کہنا ہے کہ ناشتے میں باقاعدگی سے آئسکریم کھانے والے افراد دیگر لوگوں کے مقابلے میں زیادہ ذہین اور حاضر دماغ ہوتے ہیں۔

پروفیسر یوشی ہیکو کوگا کے مطابق ناشتے میں آئسکریم کھانے سے جسم میں ایلفا ویوز میں اضافہ کرتا ہے جس کا تعلق انسان کی دماغی پھرتیوں سے ہوتا ہے جس کا مطلب یہ ہے کہ جس شخص کے دماغ کی ایلفا ویوز کی فریکوئنسی زیادہ ہوگی وہ اتنا ہی زیادہ حاضر دماغ اور ذہین ہوگا۔پروفیسر یوشی ہیکو کوگا نے ٹوکیو کی “کیورین یونیورسٹی” میں طالبعلموں کے 2 گروپوں پر ریسرچ کی جن میں سے ایک گروپ کو روزانہ ناشتے میں آئسکریم کھلائی گئی جب کہ دوسرے گروپ کو ناشتے میں دیگر اشیا کھلائی گئیں جس کے بعد دونوں گروپوں میں شامل طالبعلموں کی ذہنی صلاحیت کا کمپیوٹر پر جائزہ لیا گیا۔ دونوں گروپوں کی ذہنی صلاحیت اور پھرتیوں کا جائزہ لینے کے بعد اس نتیجے پر پہنچا گیا کہ صبح ناشتے میں آئسکریم کھانے والے افراد ذہنی دباؤ کا شکار نہیں ہوتے اور وہ عام فرد کے مقابلے میں زیادہ ذہین ہوتے ہیں۔اسی کے ساتھ پروفیسرکوگا نے اپنی تحقیق میں شامل افراد کو صبح ناشتے میں ٹھنڈا پانی دیا جس کے بعد ان کی ذہنی صلاحیتوں کا جائزہ لیا گیا توان کی بھی حاضردماغی اور ذہنی صلاحیت میں اضافہ نوٹ کیا گیا۔ اپنی ریسرچ میں پروفیسر یوشی ہیکوگوکا کا کہنا ہے کہ ناشتے میں آئسکریم کھانے کے صحت پر ہونے والے نقصانات سے متعلق مزید تحقیق کی ضرورت ہے البتہ یہ ضرور ہے کہ ناشتے میں آئسکریم کھانے سے ذہنی صلاحیت نکھرتی ہے۔

برکشائر:(نیٹ نیوز/ایمرا نیوز) برطانیہ میں ایک دلچسپ واقعہ پیش آیا جس میں طوطے نے مالک کی عدم موجودگی میں آواز کی ہدایت پر کام کرنے والے ایمیزون اسسٹنٹ ’ایلیکسا‘ پر بول کر کئی چیزیں گھر پر منگوانے کی کوشش کی۔واضح رہے کہ ترقی یافتہ ممالک میں گوگل اور ایمیزون اسسٹنٹ قریباً ہر گھر میں ہوتے ہیں اور انہیں کئی کاموں کے ساتھ ساتھ شاپنگ کے لیے بھی استعمال کیا جاتا ہے۔ اپنے مالک کو ایسا کرتے دیکھ کر خود افریقی گرے طوطے ’روکو‘ نے آرڈر دے کر اپنے لیے اسٹرابری، تربوز اور پانی گرم کرنے والی دستی مشین منگوالی۔ تاہم مالک نے پہلے ہی آرڈر پر لاک لگایا ہوا تھا اور یہ اشیا نہ خریدی جاسکیں۔یہ طوطا اپنے مالک کے ساتھ برکشائر کے ایک محلے میں رہتا ہے اور انسانوں کی نقل کا ماہر ہے۔ اس سے پہلے وہ الیکسا سے اپنے پسندیدہ گانے سنتا ہوا پایا گیا اور اس کے بعد کئی مرتبہ اس نے لطیفوں کی فرمائش بھی کی تھی۔ لیکن پہلی مرتبہ ہوا کہ اس نے پورے دن مختلف اشیا منگوائیں اور اپنا آرڈر لکھوایا جس میں بلب اور پتنگیں بھی شامل ہیں۔طوطے کے مالک نے کہا کہ وائس اسسٹنٹ پر جیسے ہی اس کی پسندیدہ دھن لگتی ہے طوطا ناچنے لگتا ہے۔ اس نسل کے طوطے بہت ذہین ہوتے ہیں اور انسانی نقل میں ان کا کوئی ثانی نہیں ہوتا۔ اس سے قبل برطانیہ میں ہی ایک فائر فائٹر نے جب ایک طوطے کو بچانے کی کوشش کی تو اسے گالی دے کر پیچھے ہٹنے لگا تھا جس پر فائر فائٹر نے اسے ’آئی لو یو‘ کہا تھا۔ اس کے باوجود طوطا وہاں سے اڑ کر دوسرے گھر کی چھت پر جابیٹھا تھا۔

ممبئی:(شوبز ڈیسک/ایمرا نیوز) بالی ووڈ اداکار رنویر سنگھ نے اپنی دلہن دپیکا کو ایوارڈ کی تقریب کے دوران رلادیا۔بھارتی میڈیا رپورٹس کے مطابق شادی کے بندھن میں بندھنے والے دپیکا اوررنویر ایک دوسرے سے محبت کے اظہار کے بنا نہیں رہ پاتے اوراب ایک بار پھرایوارڈ کی تقریب کے دوران جب رنویرنے اہلیہ سے محبت کا اظہارکیا تو وہ روپڑیں۔

اداکارنے کہا کہ فلموں میں شاید مجھے کبھی ملکہ نہیں ملی تھی پر حقیقت کی زندگی میں مجھے میری ملکہ مل گئی۔ میں دپیکا سے بہت محبت کرتا ہوں، پچھلے 6 سال کے دوران اگرمیں نے اپنی زندگی میں کچھ حاصل کیا ہے تووہ سب دپیکا کی وجہ سے ہی ہے کیونکہ دپیکا نے مجھ پر اپنی توجہ مرکوز رکھی۔اداکارکی باتیں سن کراداکارہ اپنے جذبات پر قابو نہیں رکھ سکیں اورمحبت کے اظہار میں وہ خود ہی روپڑیں۔ دوسری جانب اسی ایوارڈ کی تقریب میں اداکاررنویرسنگھ نے فلم ’پدماوت‘ کے لیے بہترین اداکارکا ایوارڈ اپنے نام بھی کیا۔