Tag media92news

Brock Lesnar ریسلنگ کی دنیا کا ایک بہت بڑا نام ہے، انہوں نے ڈبلیو ڈبلیو ای اور یوایف سی میں اپنا لوہا منوایا ہے، جس کی وجہ سے وہ پوری دنیا میں بے حد مشہور ہیں، لیکن کیا آپ جانتے ہیں Brock Lesnar کو ایک خطرناک بیماری ہے جس کی وجہ سے وہ رنگوں کی پہنچان نہیں کر سکتے. ہر 12 مردوں میں رنگ کی آنکھیں متاثر ہوتی ہیں، اور جانور ان میں سے ایک ہے.

تاہم، جب آپ اس بات پر غور کرتے ہیں کہ جانوروں کی بادشاہی میں زیادہ سے زیادہ مبتلا جانوروں کو مکمل طور پر مکمل رنگ سپیکٹرم کی حامل نہیں ہوتی، تو اس طرح احساس ہوتا ہے.

رنگ کی اندھیری سے متاثر ہونے والے زیادہ تر لوگ چیزوں کو واضح طور پر دوسروں کے طور پر دیکھ سکتے ہیں لیکن وہ سرخ، سبز یا نیلے رنگ کی روشنی کو دیکھنے کے قابل نہیں ہیں. بروک رنگ کا اندھاپن، سرخ / سبز رنگ کی اندھیری کا سب سے عام شکل ہے، جس کا مطلب یہ ہے کہ وہ رنگوں کو ملنے کے قابل بناتی ہے جس میں پورے رنگ کا حصہ سبز یا سرخ ہوتا ہے.

کراچی(نیٹ نیوز/ایمرا نیوز) کراچی سمیت سندھ بھر میں آج مسلسل چھٹے روز بھی گیس نایاب ہے جس کی وجہ سے سی این جی اسٹیشنز بند اور گھریلو صارفین کو ملنے والی گیس کا پریشر بھی کم ہے۔شہر قائد میں گیس پریشر میں کمی کے باعث گھریلو صارفین شدید مشکلات کا شکار ہیں جب کہ ٹرانسپورٹر کی غیرمعینہ مدت تک ہڑتال کے باعث سی این جی بسز بھی سڑکوں پر نہ ہونے کے برابر ہیں۔اسکول، کالجز، یونیورسٹی اور دفاتر جانے والے افراد کو پبلک ٹرانسپورٹ کی کمی کے باعث شدید مشکلات کا سامنا ہے۔دوسری جانب سی این جی کی بندش کے باعث سی این جی اسٹیشنز بھی بند ہیں، سوئی سدرن حکام کا کہنا ہے آج بھی سی این جی اور گیس سپلائی معمول پر آنے کا امکان نہیں۔ادھر پیپلز پارٹی نے گیس کی فراہمی روکنے پر آج سے وفاق کے خلاف احتجاج کا اعلان کیا گیا ہے۔

نئی دہلی:(نیٹ نیوز/ایمرا نیوز) بھارتی سپریم کورٹ نے جنگی طیارے رافیل اسکینڈل سے متعلق کیس میں نریندر مودی حکومت کو کلین چٹ دے دی۔بھارتی سپریم کورٹ کے چیف جسٹس رنجان گوگی کی سربراہی میں تین رکنی بینچ نے رافیل ڈیل کے خلاف دائر درخواستوں کو خارج کرتے ہوئے قرار دیا کہ کوئی ثبوت نہیں ملا کہ عدالت اس معاملے میں مداخلت کرے۔عدالت نے قرار دیا کہ رافیل ڈیل کی تحقیقات کی ضرورت نہیں اور عدالت کا یہ اختیار نہیں کہ خفیہ معاہدوں کی چھان بین کرے اور عدالت جہازوں کی خریداری سے متعلق فیصلہ نہیں کرسکتی۔حکومت نے سپریم کورٹ کی مہارت پر سوال اٹھایا تھا کہ عدالت 59 ہزار کروڑ میں 36 طیاروں کی خریداری سے متعلق معاہدے پر فیصلہ نہیں کرسکتی۔یاد رہے اپوزیشن جماعت کانگریس نے رافیل ڈیل پر حکومت پر کڑی تنقید کی تھی جس کے بعد اس معاملے کی تحقیقات کے لیے سپریم کورٹ میں مختلف درخواستیں دائر کی گئیں۔کانگریس صدر راہول گاندھی نے کئی شہروں میں جلسے سے خطاب کرتے ہوئے وزیراعظم نریندر مودی کو تنقید کا نشانہ بنایا اور نعرہ لگایا کہ ‘ہمارا چوکیدار چور ہے’۔

لاہور:(نیٹ نیوز/ایمرا نیوز) جیل حکام نے شہبازشریف کو اہلخانہ سے ملاقات کی اجازت دے دی۔اپوزیشن لیڈر شہبازشریف کے اہلخانہ کی جانب سے جیل حکام سے ملاقات کی درخواست کی گئی تھی جسے منظور کرلیا گیا ہے۔ذرائع کاکہناہے کہ جیل حکام کی جانب سے اجازت ملنے کے بعد شہبازشریف کی اہلخانہ سے ملاقات کل ہوگی۔ذرائع نے بتایا کہ شہبازشریف کی ان کے اہلخانہ سے ملاقات کل دوپہر منسٹر انکلیو میں کرائی جائے گی۔مسلم لیگ (ن) کے صدر شہبازشریف اور ان کے بڑے بھائی نوازشریف کی ملاقات بھی منسٹر انکلیو میں بدھ کے روز ہوئی تھی جو تقریباً ڈیڑھ گھنٹہ جاری رہی۔واضح رہےکہ آشیانہ اقبال ہاؤسنگ کیس میں گرفتار شہبازشریف ان دنوں راہداری ریمانڈ پر ہیں اور قومی اسمبلی کے سیشن میں شرکت کے لیے پروڈکشن آرڈر پر اسلام آباد میں موجود ہیں۔

لاہور:(سپورٹس ڈیسک/ایمرا نیوز) پاکستانی کرکٹرز کامران اکمل، عمر اکمل اور عدنان اکمل کی والدہ رضائے الہی سے انتقال کرگئیں۔عدنان اکمل نے اپنی والدہ کی وفات کی خبر ٹوئٹر پر دی اور لوگوں سے ان کی مغفرت کے لیے دعا کی درخواست کی۔

Unfortunately my mother is no more this sad happening took place this morning plz remember her is ur prayers . May Allah grant her a high rank in Jannah Ameen

— Adnan Akmal (@adnanakmal79) December 14, 2018

وکٹ کیپر بلے باز کامران اکمل ملتان میں جاری نیشنل ٹی ٹوئنٹی کپ کے دوران لاہور وائٹس اور راولپنڈی ریجن کے درمیان کھیلے جارہے میچ کے سلسلے میں گراؤنڈ میں موجود تھے جب انہیں ڈریسنگ روم میں بلا کر یہ خبر دی گئی۔جس کے بعد لاہور وائٹس اور راولپنڈی ریجن کی ٹیمیں ملتان کرکٹ اسٹیڈیم کے ڈریسنگ روم میں جمع ہوئیں اور اکمل برادران سے تعزیت کا اظہار کیا۔نیشنل ٹی ٹوئنٹی کپ میں عدنان اکمل لاہور بلیوز کی نمائندگی کر رہے ہیں، جس کا آج سہ پہر 3 بجے اسلام آباد ریجن کے ساتھ میچ شیڈول تھا۔تاہم ملتان کرکٹ اسٹیڈیم میں آج ہونے والے دونوں میچز 15 اوورز تک محدود کردیئے گئے۔کامران اکمل کے جانے کے بعد سلمان بٹ نے لاہور وائٹس کے کپتان کی ذمہ داریاں سنبھالیں۔

کراچی:(نیٹ نیوز/ایمرا نیوز) خلاء سے متعلق معاملات میں دلچسپی رکھنے والے افراد آج شہاب ثاقب کا نظارہ کرسکیں گے۔انٹرنیشنل میٹرولوجیکل آرگنائزیشن کے مطابق شہاب ثاقب کو ‘ٹون میٹیورائڈ’ کا نام دیا گیا ہے۔واضح رہے کہ شہاب ثاقب سیارچوں کے ٹوٹے ہوئے ذرات ہوتے ہیں، جو زمین کے ماحول میں آتے ہوئے آکسیجن کے باعث جلنے لگتے ہیں۔انٹرنیشنل میٹرولوجیکل آرگنائزیشن نے بتایا ہے کہ دبئی کے وقت کے مطابق آج شام ساڑھے 4 بجے شہاب ثاقب نظر آسکتے ہیں۔جبکہ پاکستان میں جہاں روشنی کی آلودگی نہ ہو، وہاں آسمان پر شہاب ثاقب کا نظارہ ممکن ہوگا اور تقریباً 60 سے 120 شہاب ثاقب نظر آسکتے ہیں۔امریکی خلائی تحقیقاتی ادارے ‘ناسا’ نے بھی اپنے ٹوئٹر پیغام میں خلاء میں دلچسپی رکھنے والوں کو شہاب ثاقب کے نظارے کے لیے تیار رہنے کو کہا۔انٹرنیشنل میٹرولوجیکل آرگنائزیشن کے مطابق شہاب ثاقب سے زمین کو کوئی خطرہ نہیں۔

لاہور:(نیٹ نیوز/ایمرا نیوز) قومی احتساب بیورو (نیب) نے پنجاب کے سابق وزیر قانون اور (ن) لیگ کے رہنما رانا ثناءاللہ کے خلاف بھی جانچ پڑتال شروع کردی۔ترجمان نیب کے مطابق رکن قومی اسمبلی رانا ثناءاللہ پر فیصل آباد میں انڈرپاس کا نقشہ تبدیل کرانے کا الزام ہے، ان پر نقشہ تبدیل کرکےمن پسند افراد کو فائدہ پہنچانےکا الزام ہے۔ترجمان نیب کا کہنا ہےکہ رانا ثناءاللہ کے خلاف نیب میں درخواست دائر ہونے پر جانچ پڑتال کا آغاز کیا گیا۔واضح رہےکہ نیب نے مسلم لیگ (ن) کی ترجمان اور سابق وزیر اطلاعات مریم اورنگزیب کے اثاثوں کی بھی چھان بین کا فیصلہ کیا ہے۔اس حوالے سے ترجمان نیب نے بتایا تھا کہ مریم اورنگزیب کے خلاف ایک شکایت کنندہ کی شکایت پر جانچ پڑتال کی جائے گی تاہم ترجمان نیب نے شکایت کنندہ کا نام بتانے سے گریز کیا۔

اسلام آباد:(نیٹ نیوز/ایمرا نیوز) چیف جسٹس نے پاکستان کڈنی اینڈ لیور ٹرانسپلانٹ اسپتال سے متعلق کیس میں پنجاب حکومت پر برہمی کا اظہار کرتے ہوئے ریمارکس دیے کہ پنجاب حکومت سست روی کا شکار ہے اور کوئی کام نہیں ہو رہا جب کہ ہیلتھ کئیر کے سارے کام پنجاب میں رکے ہوئے ہیں۔سپریم کورٹ میں چیف جسٹس پاکستان کی سربراہی میں پاکستان کڈنی اینڈ لیور ٹرانسپلانٹ اسپتال سے متعلق کیس کی سماعت ہوئی۔سماعت کے آغاز پر چیف جسٹس نے کہا کہ ہم نے گزشتہ سماعت پر پوچھا تھا ٹرسٹ کا کیا کرنا ہے، 22 ارب روپے خرچ کردیے، ساری رقم ایک ٹرسٹ کو دے دی، 2 مرتبہ ایڈووکیٹ جنرل نے کہا یہ قانون تبدیل کررہے ہیں۔ایڈیشنل سیکریٹری نے عدالت کو بتایا کہ اس قانون میں تبدیلی کررہے ہیں، کابینہ کو مکمل پروپوزل بنا کر بھیجی گئی ہے۔چیف جسٹس نے پاکستان کڈنی اینڈ لیور ٹرانسپلانٹ کے انچارج ڈاکٹر سعید اختر سے پوچھا کہ کتنے سال سے اسپتال کے انچارج ہیں؟ اس پر سعید اختر نے بتایا کہ پاکستان کڈنی اینڈ لیور ٹرانسپلانٹ اسپتال میں 3 سال ہوگئے ہیں، اس پر جسٹس ثاقب نثار نے کہا کہ 3 سال سے آپ 20 لاکھ تنخواہ لے رہے ہیں، سعید اختر نے کہا کہ پی کے ایل آئی سے کوئی تنخواہ نہیں لی، ہم نے 21 کڈنی ٹرانسپلانٹ کیے ہیں،کینسر کے علاج بھی کیے ہیں۔جسٹس ثاقب نثار نے کہا کہ بنیادی طور پر یہ لیور کا ٹرانسپلانٹ تھا، گردوں کے آپریشن تو دوسری جگہوں پر بھی ہو رہے ہیں، آپ شہبازشریف کے بڑے قریب تھے، اگرآپ کہیں تو آپ کو بتادوں گا کہ کیسے آپ شہبازشریف سے ملے تھے، ہمیں یہ سمجھائیں کہ پی کے ایل آئی کے لیے ٹرسٹ کی ضرورت کیا ہے؟ ٹرسٹ تو ایک خاص تعلق کی وجہ سے سابق وزیراعلیٰ نے بنایا تھا، کیا ٹرسٹ نے کبھی اپنا مالی حصہ ڈالا ہے؟چیف جسٹس پاکستان نے مزید کہا کہ جون میں ایک لیور ٹرنسپلانٹ کا بھی آپریشن نہیں ہوسکا، 34 ارب روپے میں 5 اسپتال بن جاتے ہیں، یہ کیس براہ راست نیب یا اینٹی کرپشن کو دینا چاہیے، 22 ارب روپے لگا دیے لیکن لیور ٹرنسپلانٹ کا ایک آپریشن نہیں ہوا، ابھی بھی جون تک یہ لوگ آپریشن کے لیے تیار نہیں ہیں، کام ایک نہیں ہوا، اربوں روپے تنخواہوں کی مد میں چلے گئے۔
پنجاب حکومت پر اظہارِ برہمی ،جسٹس ثاقب نثار نے پنجاب حکومت پر بھی برہمی کا اظہار کرتے ہوئے کہا کہ پنجاب حکومت سست روی کا شکار ہے، کوئی کام نہیں ہو رہا، ہیلتھ کئیر کے سارے کام پنجاب میں رکے ہوئے ہیں، صوبے میں ابھی تک ہیلتھ کئیر بورڈ نہیں بنا، بات کرو تو سرخیاں لگ جاتی ہیں۔عدالت نے حکم دیا کہ صوبائی حکومت پی کے ایل آئی کا کنٹرول سنبھالنے سے متعلق 2 ہفتے میں سمری پر فیصلہ کرے۔عدالت نے پی کے ایل آئی انتظامی کمیٹی میں سرجن جنرل آف پاکستان کو بھی شامل کرنے کا حکم دیا۔بعد ازاں عدالت نے پاکستان کڈنی اینڈ لیور ٹرانسپلانٹ اسپتال کیس کی سماعت 2 ہفتوں کے لیے ملتوی کردی۔

کیلیفورنیا:(نیٹ نیوز/ایمرا نیوز) جاپان اور امریکا کے ماہرین نے دریافت کیا ہے کہ اگر کسی شخص کے جسم میں موجود، قدرتی جسمانی گھڑی درست طور پر کام کرنے کے قابل نہ رہے تو وہ موٹاپے سے لے کر کینسر تک، مختلف اقسام کی بیماریوں میں مبتلا ہوسکتا ہے۔واضح رہے کہ کم و بیش تمام جانداروں میں قدرتی طور پر ایک نظام موجود ہوتا ہے جو انہیں صبح کے وقت تازہ دم اور بیدار کرتا ہے جبکہ رات کے وقت نیند کا باعث بن کر انہیں آرام کرنے پر مجبور کرتا ہے۔ عام طور پر اسے ’’جسمانی گھڑی‘‘ (باڈی کلاک) کہا جاتا ہے جبکہ سائنسی طور پر اس کا نام ’’سرکاڈیئن ردم‘‘ (circadian rhythm) ہے۔ حالیہ برسوں میں یہ بھی دریافت ہوچکا ہے کہ سرکاڈیئن ردم ہمارے جسم میں خودکار طور پر انجام پانے والے تمام کاموں پر کسی نہ کسی صورت اثر انداز ہوتا ہے۔اگر جسمانی گھڑی ٹھیک کام کررہی ہو تو یہ خودکار نظام بھی درست طور پر کام کرتے ہیں، جس کے نتیجے میں ہم صحت مند رہتے ہیں۔

اس کے برعکس اگر یہ گھڑی خراب ہوجائے تو ہمارے لیے، سونے جاگنے کے خراب معمولات سمیت، صحت کے متعدد مسائل پیدا ہوجاتے ہیں۔’’پروسیڈنگز آف دی نیشنل اکیڈمی آف سائنس‘‘ کے تازہ شمارے میں آن لائن شائع ہونے والے ایک تحقیقی مقالے میں بتایا گیا ہے کہ خلوی مرکزے (سیلولر نیوکلیئس) کے اندر پایا جانے والا ایک پروٹین ’’ایچ این ایف 4 اے‘‘ (HNF4A)، اگر درست طور پر کام کررہا ہو تو جسمانی گھڑی بھی ٹھیک رہتی ہے۔ لیکن اگر یہ پروٹین خراب ہوجائے یا اپنا کام صحیح طرح سے کرنے کے قابل نہ رہے تو صحت کے کئی ایک مسائل اور ان گنت بیماریاں ہمیں گھیر سکتی ہیں جن میں موٹاپا اور چھاتی کا سرطان (بریسٹ کینسر) بطورِ خاص تشویشناک ہیں۔ اس تحقیق میں جاپان کی ناگویا یونیورسٹی کے علاوہ امریکا کے اسکرپس انسٹی ٹیوٹ اور یونیورسٹی آف سدرن کیلیفورنیا سے تعلق رکھنے والے ماہرین شریک تھے۔یاد رہے کہ آج کے زمانے میں موٹاپے کو بھی خطرناک امراض میں شامل کیا جاچکا ہے کیونکہ اس کے نتیجے میں کولیسٹرول اور بلڈ پریشر سے لے کر دل کی کئی بیماریاں بھی لاحق ہوسکتی ہیں۔ ایچ این ایف 4 اے پروٹین کے حوالے سے یہ تحقیق چوہوں پر کی گئی ہے لیکن ماہرین کا کہنا ہے کہ اس پروٹین کے یہی اثرات انسانوں پر بھی واقع ہوتے ہیں۔ایچ این ایف 4 اے پروٹین کیوں خراب ہوجاتا ہے؟ ماہرین نے اس کا ذمہ دار ہمارے جدید طرزِ حیات (لائف اسٹائل) کو قرار دیا ہے: دن میں غیر ضروری طور پر سونے، پوری پوری رات جاگنے اور ایک سے دوسرے براعظم تک تیز رفتار سفر وغیرہ کے باعث جسمانی گھڑی میں اچانک آنے والی تبدیلیوں کے باعث یہ پروٹین خرابی کا شکار ہوتا ہے۔اس ضمن میں ہم اتنا ضرور کرسکتے ہیں کہ اپنے سونے جاگنے کے معمولات کو منظم رکھیں تاکہ ہماری جسمانی گھڑی متاثر نہ ہو اور اپنا کام درست طور پر کرتی رہے۔ بصورتِ دیگر، ہمیں انواع و اقسام کی بیماریوں کےلیے تیار رہنا چاہیے۔

بیجنگ:(نیٹ نیوز/ایمرا نیوز) چینی سوشل میڈیا میں ایک شخص کا تذکرہ عروج پر ہے جس نے ایک خوبصورت لڑکی کو کتابوں کی ایک دکان میں دیکھا اور نظریں ملائیں۔ اب اس شخص نے اپنی نوکری چھوڑ کر روز دکان میں اس امید پر آنا شروع کردیا ہے کہ کبھی نہ کبھی تو وہ خاتون اس دکان کا رخ کریں گی۔

26 سالہ شخص نے بتایا کہ ستمبر کا کوئی دن تھا جب وہ کتابوں کی دوکان میں گئے اور انہیں اپنے خوابوں کی شہزادی ایک لڑکی نظر آئی جس سے ان کی 10 سیکنڈ تک آنکھیں ملیں اور وہ اسے دل دے بیٹھے اور وہ کہتے ہیں کہ پہلی نظر میں ہونے والی محبت بھی بہت طاقتور ہوتی ہے۔ اب انہیں یقین ہے کہ ایک نہ ایک روز وہ دوبارہ اس لڑکی سے ضرور ملیں گے۔لڑکی کی تلاش میں انہوں نے ملازمت چھوڑدی ہے اور بیجنگ کے مشہور بک اسٹور میں روز صبح 11 بجے پہنچ جاتے ہیں اور شام سات بجے دوکان بند ہونے کے بعد وہاں سے نکلتے ہیں۔ انہیں امید ہے کہ وہ ایک روز لڑکی سے ملیں گے اور اسے اپنا حال ضرور سنائیں گے۔ صرف اسی پر بس نہیں اس نے اپنی یادداشت کی بنا پرہاتھوں سے بنا لڑکی کا ایک خاکہ بھی بنایا ہے اور وہ اسے ہر آنے جانے والے کو دیتے ہیں۔ اس کے علاوہ نظر ملاکر مسکرانے پر لڑکی کی جانب سے جذباتی طور پر ٹھیس لگانے پر اس پر غائبانہ طور پر مقدمہ کرنے کی کوشش بھی کرچکے ہیں۔