Tag media92news

لاہور(شوبز ڈیسک/ایمرا نیوز) لالی ووڈ پر راج کرنے والی بھولی بھالی خوبرو اداکارہ بابرہ شریف نے اپنی زندگی کی64 بہاریں دیکھ لیں۔10 دسمبر1954 کو پیدا ہونے والی بابرہ شریف نے اداکاری کا سلسلہ 1973میں ڈرامہ کرن کہانی سے شروع کیا۔بابرہ شریف نے پاکستانی فلم انڈسٹری میں فلم انتظار سے فنی سفر کا آغاز کیا جس کے بعدبھول ،حقیقت اور شمع میں اداکاری کے جوہر دکھائے۔

فلم میرا نام ہے محبت میں شاندار اداکاری نے بابرہ کو شہرت کی بلندیوں پر پہنچا دیا۔بابرہ نے اپنے 30سالہ کیریئر کے دوران سوسے زائد فلموں میں اداکاری کے جوہر دکھائے۔ان میں پیار کا وعدہ،منزل،تیرے بنا کیا جینا،دامن ،لاجواب،اور یہ زمانہ اور تھا شامل ہیں ۔انہوں نے اپنے فلمی کیریئر کے دوران 8مرتبہ نگا ر ایوارڈ حاصل کیا۔

(نیٹ نیوز/ایمرا نیوز)
بلاک بسٹر گاڈزیلا سیریزکی نئی ایکشن ڈرامہ فلم”گاڈزیلا؛کنگ آف دی مونسٹرز”کانیا ٹریلر جاری کردیا گیا.ہدایتکارمائیکل ڈاؤٹری کی اس فلم میں اداکاربریڈلے وائٹ فورڈ،ملی بوبی براؤن،وارا فرمیگا،کیلی شینڈلر اور چارلس ڈینس اہم کردار ادا کر رہے ہیں۔

مینامی ایچکاوا اور ٹیاچی یویڈاکی مشترکہ پروڈیوس کردہ اس فلم کی کہانی گاڈزیلا نامی دیوہیکل مونسٹر پر مبنی ہے جو ایک بار پھر انسانی دنیا میں تباہی مچانے آپہنچی ہے ۔جاپانی سنیما اور لیجنڈنری پکچرز کے تحت بننے والی خوف اور دہشت سے بھرپور ایکشن ڈرامہ مونسٹر فلم گاڈزیلا ؛ کنگ آف دی مونسٹرز آئندہ سال مارچ میں سنیماگھروں کی زینت بنائی جائیگی۔

ممبئی(نیٹ نیوز/ایمرا نیوز) بھارت کے امیر ترین بزنس مین مکیش امبانی کی بیٹی ایشا امبانی کی شادی سے قبل تقریبات شروع ہوگئی ہیں، گزشتہ روز بھارتی شہر ادے پور میں ان کی سنگیت کی رسم منعقد کی گئی جس میں بالی ووڈ فلم انڈسٹری سے کئی میگا اسٹارزاور دیگر شخصیات نے شرکت کی۔

بھارتی اخبار این ڈی ٹی وی کی رپورٹ کے مطابق ایشا امبانی کی سنگیت کی رسم میں بالی ووڈ کے کئی بڑے ناموں کے علاوہ سابق امریکی وزیر خارجہ جون کیری اور ان کی اہلیہ ہیلری کلنٹن کو مدعو کیا گیا، دوران تقریب شاہ رخ خان اُن کی اہلیہ گوری خان، سابقہ مس ورلڈ ایشوریہ رائے ان کے شوہر ابھیشک بچن اور ہیلری کلنٹن کا شاندار رقص شرکاء کی توجہ کا مرکز بنا رہا۔ میڈیا رپورٹس کے مطابق شاہ رخ خان نے گوری خان کے ہمراہ فلم یہ جوانی ہے دیوانی کے گانے ’دلی والی گرل فرینڈ‘ پر ایسا رقص کیا کہ دیکھنے والے دیکھتے رہ گئے، اس کے بعد مس ورلڈ ایشوریہ رائے نے اپنے شوہر اور اداکار ابھیشیک بچن کے ساتھ فلم گرو کے گانے ’تیرے بنا‘ پر شاندار ڈانس کیا۔

اس کے علاوہ ایشا امبانی کے سنگیت میں سابق امریکی وزیر خارجہ جون کیری اور ان کی اہلیہ ہیلری کلنٹن کے بھنگرے نے بھی سوشل میڈیا پر کافی مقبولیت حاصل کی۔ اس موقع پر ہیلری کلنٹن نے مخصوص بھارتی لباس زیب تن کیا اور انہیں کی طرح پر جوش انداز میں بھنگڑا ڈالتی نظر آئیں۔ واضح رہے ایشا امبانی کی شادی بھارت کے ارب پتی صنعتکار کے بیٹے آنند پیرامل سے 12 دسمبر کو ان کی رہائش گاہ ممبئی میں ہوگی۔

لاہور: (نیٹ نیوز/ایمرا نیوز) شہد کی مکھیوں اور اُنکے کاٹنے سے سب ہی کو ڈر لگتا ہے لیکن اس تصویر میں نظر آنیوالے اس نوجوان کی ہمت کی داد دینا پڑے گی جس نے اپنا چہرہ ڈھک کر خوف کو شکست دیدی۔

میڈیا رپورٹ کے مطابق درجنوں نہیں بلکہ ہزاروں شہد کی مکھیوں سے طویل دورانئے تک اپنا چہر ہ ڈھک کر نوجوان نے نہ صرف دیکھنے والوں کو دنگ کردیا بلکہ گنیز ریکارڈ بھی توڑ ڈالا۔ بھارتی ریاست کیرالہ سے تعلق رکھنے والے 22سالہ نیچر نامی نوجوان نے دنیا کو حیران کرنے کی ٹھانی اور اپنے چہرے پر 60 ہزار شہد کی مکھیاں 4گھنٹے تک کچھ اس انداز میں بٹھا لیں کہ اُسکا پورا چہرہ اور سر شہد کی مکھیوں سے ڈھک گیا جبکہ اس دوران جانباز سانس روکے بالکل سیدھا بیٹھا رہا۔

آکلینڈ:(سپورٹس ڈیسک/ایمرا نیوز) سری لنکا کے خلاف 2 ٹیسٹ میچز پر مشتمل سیریز کے لیے نیوزی لینڈ ٹیم کا اعلان کردیا گیا۔نیوزی لینڈ اور سری لنکا کے درمیان سیریز کا پہلا میچ ہفتے سے ویلنگٹن میں کھیلا جائے گا جس کے لیے کین ولیمسن کی قیادت میں کیویز ٹیم کا اعلان کردیا گیا۔پاکستان کے خلاف کیویز ٹیسٹ اسکواڈ کا حصہ بننے والے ایش سوڈھی اور سومر ویل کو ریلیز کر دیا گیا جب کہ اسپنر اعجاز پٹیل ٹیم میں جگہ برقرار رکھنے میں کامیاب رہے۔ سری لنکا کے خلاف دو ٹیسٹ میچز کی سیریز کے لیے ول ینگ کو ٹیم میں شامل کیا گیا ہے۔یاد رہے کہ نیوزی لینڈ نے متحدہ عرب امارات میں پاکستان کے خلاف 3 ٹیسٹ میچز کی سیریز 1-2 سے اپنے نام کی تھی۔

نیویارک:(نیٹ نیوز/ایمرا نیوز) کمپیوٹر سیکیورٹی ماہرین نے کہا ہے کہ نیورل نیٹ ورک پر مبنی مصنوعی ذہانت (آرٹیفشل انٹیلی جنس یا اے آئی) سسٹم فنگرپرنٹ سیکیورٹی سسٹم کو بھی ناکام بناسکتی ہے جو اب تک دنیا میں سب سے قابلِ اعتبار سیکیورٹی نظام تصور کئے جاتے رہے ہیں۔نیویارک یونیورسٹی میں وقع ٹینڈن اسکول آف انجینیئرنگ کےفلپ بونٹریگر اور ان کے ساتھیوں نے نہ صرف اس نظام کو دھوکہ دینے میں کامیابی حاصل کی ہے بلکہ مشین لرننگ الگورتھم سے جعلی فنگرپرنٹس بھی تشکیل دیئے ہیں جنہیں ’ماسٹرپرنٹس‘ کا نام دیا گیا ہے۔دنیا بھر میں لاکھوں کروڑوں جگہوں اور آلات میں یہ فنگر پرنٹ پر مبنی سیکیورٹی نظام روزانہ استعمال ہورہے ہیں ۔ جس طرح تمام تالوں کو کھولنے والی کوئی ’ماسٹرکی‘ ہوتی ہے عین اسی طرح فنگرپرنٹس ڈیٹا بیس کو پڑھ کر ڈیپ لرننگ اور مصنوعی ذہانت کا نظام ’ڈیپ ماسٹر پرنٹس‘ بناتا ہے اور نظری طور پر اس سے بہت سے بند تالے کھولے جاسکتے ہیں۔اس کی وجہ یہ ہے کہ فنگرپرنٹ پڑھنے والی مشینیں انگلیوں کے نشانات کی پوری تفصیل کی بجائے جزوی پرنٹ پر ہی اکتفا کرتی ہیں اور اسی کے ذریعے نظام کھلتے اور بند ہوتے ہیں۔ کسی فنگر پرنٹ نظام میں انگلی یا انگوٹھے کا جزوی اور تھوڑا حصہ ہی دیکھتے ہوئے وہ نظام کام کرنے لگتا ہے اور ان لاک ہوجاتا ہے۔ماہرین نے پہلے مصنوعی فنگر پرنٹ کی مکمل تصاویر بنائیں جس کے دو مقصد تھے۔ اول ماسٹر پرنٹس بناکر انہیں حقیقی فنگرپرنٹ سیکیورٹی نظام یا آلات پر استعمال کیا جانا تھا جسے بعد میں آزمایا جائے گا۔ دوم یہ فنگر پرنٹس معیاری نشانات پر مبنی ہیں انہیں سیکیورٹی نظام کے ڈیٹا بیس سے ہیک بھی کیا جاسکتا ہے جو عین ممکن بھی ہے۔ماہرین کا اعتراف ہے کہ فنگر پرنٹ ایک ایسا مؤثر طریقہ ہے جو بہت کامیابی سے استعمال ہورہے ہیں۔ مگر اکثر نظام یہ جانتے ہی نہیں کہ یہ اصلی فنگر پرنٹس ہیں یا کسی نے جعلی انداز میں تیار کئے ہیں۔ اسی بنا پر ماسٹرپرنٹس سے کئی آلات کو کھولا جاسکتا ہے۔

بوسٹن:(نیٹ نیوز/ایمرا نیوز) سائنسدانوں نے بھڑ (واسپ) کے زہر میں ایسی طاقت ور اینٹی بایوٹک خاصیت دریافت کی ہے جو تیزی سے بدلتے اور ہماری موجودہ ادویہ کو ناکام بنانے والے ایک بیکٹیریا کا مقابلہ کرسکتی ہے۔میسا چیوسیٹس انسٹی ٹیوٹ آف ٹیکنالوجی (ایم آئی ٹی) کے سائنس دانوں نے جنوبی امریکی ممالک مثلاً برازیل اور پیراگوئے میں پائی جانے والی ایک بِھڑ ’پولی بیا پولسٹرا‘ کے زہر کا مطالعہ کیا۔

معلوم ہوا کہ اس کا زہر خاص پیپٹائڈز پر مشتمل ہوتا ہے اور ایک پیپٹائڈ صرف 12 امائنو ایسڈ طویل ہے اور شاید اسے تجربہ گاہ میں تیار کرنا یا مزید بہتر بنانا ممکن ہے۔تجربہ گاہ میں اس پیپٹائڈ میں تبدیلی کرکے اس کی درجنوں اقسام بنائی گئیں یعنی امائنو ایسڈ کی ترتیب کو الٹ پلٹ کر بدلا گیا۔ اس کے بعد انہیں بیکٹیریا کو تباہ کرنے کے لیے استعمال کیا گیا۔ پہلے چوہوں کو سوڈوموناس ایروگِنوسا بیکٹیریا سے بیمار کیا گیا اور اس پر پیپٹائد آزمائے گئے۔ حیرت انگیز طور پر کئی پیپٹائڈز نے اس بیکٹیریا سے لاحق ہونے والے سانس اور پیشاب کی نالی کا انفیکشن کم کردیا۔ جب ایک چوہے کو بھِڑ کے زہر میں موجود پیپٹائڈ کی زیادہ خوراک دی گئی تو صرف چار دن میں انفیکشن جڑ سے ختم ہوگیا۔اس کے بعد ایک تجرباتی ڈش میں انسانی گردوں کے خلیات کو انفیکشن دے کر اس پر زہر کے پیپٹائڈز ڈالے گئے تو اس سے بھی انفیکشن ختم ہوگیا۔ دلچسپ بات یہ ہے کہ اس عمل میں کوئی خاص ضمنی (سائیڈ) اثرات رونما نہیں ہوئے۔ اس طرح امید پیدا ہوئی ہے کہ ایک خطرناک انفیکشن کے خلاف دم توڑتی اینٹی بایوٹکس کے قطار میں ایک طاقتور دوا حاصل ہوسکے گی۔

بیجنگ:(نیٹ نیوز/ایمرا نیوز) کارخانہ فطرت میں حشرات الارض اور جانور خود کو شکاریوں سے بچانے کے لیے طرح طرح کے روپ دھارتے ہیں۔ کبھی ایک سُنڈی (کیٹرپلر) خود کو کھینچ کر سانپ کی شکل اختیار کرلیتی ہے تو کوئی کیڑا خشک تنکے کی طرح دکھائی دیتا ہے۔ اس فہرست میں ایک پتنگا (موتھ) بھی شامل ہے جس پر خشک پتے کا گمان ہوتا ہے۔اس پتنگے کا پورا نام ’یوروپیا میٹی کیولوڈینا‘ ہے جو مصیبت کے وقت مردہ بے جان پتے کا روپ اختیار کرلیتا ہے۔

دشمنوں کا نوالہ بننے سے خود کو بچاتے وقت رک کر بیٹھ جاتا ہے اور گمان ہوتا ہے کہ کوئی مردہ پتا بے حس پڑا ہوا ہے۔ یوروپیا میٹی کیولوڈینا کی دو انواع ہیں جو بارانی جنگلات میں عام پائی جاتی ہیں۔ اس کے خمیدہ پتے جیسی شکل دیکھ کر ہر کوئی حیران رہ جاتا ہے۔اس کی ایک اور قسم بھی ہے جس کے پر روپ دھارنے سے قبل ستواں ہوتے ہیں لیکن پتے جیسا بنتے ہی اس کی رنگت بھی کچھ بدل جاتی ہے اور یہاں تک کہ اس پر مردہ پتے جیسی شکنیں بھی نمودار ہوجاتی ہیں جنہیں دیکھ کر انسان عش عش کر اٹھتا ہے۔ اگر کوئی اس کی پہلی صورت سے واقف نہ ہو تو یقین کرنا محال ہوتا ہے کہ یہ کوئی جانور ہے۔یہ پتنگا زیادہ تر وقت نم دار زمینوں پر گزارتا ہے اور اس کی بڑی مقدار چین اور تائیوان میں پائی جاتی ہے۔

ممبئی:(شوبز ڈیسک/ایمرا نیوز) چھوٹے نواب سیف علی خان کی بیٹی سارا علی خان اپنی نئی فلم ’کیدرناتھ‘ کی کامیابی پربہت خوش ہیں اورآگے مزید اچھا کام کرنے کا وعدہ کرتی نظرآتی ہیں۔بالی ووڈ اداکارہ سارا علی خان حال ہی میں ریلیزہونے والی اپنی فلم ’کیدرناتھ‘ کو مداحوں کی جانب سے پسند کرنے پربے حد خوش ہیں۔

انہوں نے اپنی خوشی کا اظہار کرتے ہوئے کہا کہ جو لوگ ان کے کام کی تعریف کررہے ہیں اس سے وہ بہت خوش ہورہی ہیں۔ اداکارہ نے کہا کہ انہیں اب اندازہ ہوگیا ہے کہ مداحوں نے انہیں پسند کرلیا ہے اوراب میں سب سے وعدہ کرتی ہوں کہ آنے والے پراجیکٹس میں مزید محنت سے کام کروں گی۔اداکارہ نے ایک بار پھربالی ووڈ میں چھائی اقرباپروری سے متعلق کہا کہ یہ ایک متنازعہ معاملہ ہے لیکن اس سب کے باوجود اگر مجھے پسند کیا گیا ہے تومیں بہت خوش ہوں۔واضح رہے کہ ابھیشیک کپورکی ہدایت کاری میں بننے والی فلم ’کیدر ناتھ‘ میں سارہ علی خان ’مکو‘ اور سوشانت سنگھ راجپوت نے ’منصور‘ کا کردار ادا کیا ہے۔

کراچی:(سپورٹس ڈیسک/ایمرا نیوز) بنگلہ دیش نے پاکستان کو84 رنزسے شکست دے کر ایشیا ایمرجنگ کپ 2108 کے سیمی فائنل کا ٹکٹ حاصل کرلیا، پاکستان پہلے ہی فائنل فور میں جگہ بنا چکا ہے۔گروپ ’بی‘ کے راؤنڈ مقابلوں میں دیگردونوں ٹیمیں ناکام رہیں،ہانگ کانگ اور یو اے ای کا میچ بارش کی نذر ہوجانے پر دونوں ٹیموں کو 1،1پوائنٹ مل گیا، نیشنل اسٹیڈیم پر پاکستان کے خلاف بنگلہ دیش نے 5 وکٹوں پر 309 رنز کا پہاڑ کھڑا کیا،مصدق حسین 85 رنز کے ساتھ ناٹ آؤٹ رہے،ذاکر حسن نے 65 اور یاسر علی نے 56 رنز اسکور کیے، خوش دل شاہ نے 3 اور محمد موسیٰ نے 2 کھلاڑیوں کو چلتا کیا، جواب میں پاکستان ٹیم46.5 اوورز میں225 رنز پر ہی ہمت ہار گئی، خوش دل شاہ نے بولنگ کے بعد بیٹنگ میں بھی عمدہ کارکردگی پیش کرتے ہوئے61 رنزجوڑے، ذیشان ملک نے 47 اور کپتان محمد رضوان نے 46 رنز کے ساتھ مزاحمت کی،نعیم حسن نے 3، مصدق حسین اور شفیع الاسلام نے 2،2 وکٹیں حاصل کیں۔

ساؤتھ اینڈ پر کھیلے جانے والے میچ میں بارش کی مداخلت سے قبل ہانگ کانگ نے یو اے ای کے خلاف 31 اوورز میں 4 وکٹوں پر 87 رنز اسکور کیے تھے، پی سی بی کی جانب سے مناسب انتظام نہ ہونے کی وجہ سے گراؤنڈ میں کپڑوں کی مدد سے پچ پر جمع پانی خشک کرنے میں مصروف رہے جبکہ آف فیلڈ میں جگہ جگہ پرموجود پانی کو خشک کرنے کا کوئی انتظام نہیں تھا، دونوں ٹیموں کے کھلاڑی میدان سے پانی خشک ہونے کے منتظر رہے ۔تاہم امپائرز نے وکٹ کا معائنہ کے بعد کھیل کے قابل نہ ہونے کے سبب میچ ڈرا ہونے کا اعلان کردیا،کراچی میں ہونے والے گروپ ’بی‘ کے راؤنڈ مقابلوں میں پاکستان اور بنگلہ دیشں کو 3 میں سے 2 میچز میں کامیابی ملی ، ایک میں ناکام رہے، یو اے ای کی ٹیم کو ایک میچ میں کامیابی ، ایک میں شکست ہوئی جبکہ ایک میچ فیصلہ کن ثابت نہ ہوسکا، جیت کو ترس جانے والی ہانگ کانگ کی ٹیم دو میچز ہاری جبکہ تیسرا ہارجیت کے بغیر ختم ہوا، دوسری جانب گرو پ اے سے بھارت اور سری لنکا کی سیمی فائنل میں رسائی پالی،سیمی فائنلز 13 دسمبر کو سری لنکا کے شہر کولمبو میںکھیلیں جائیں گے۔