Tag Mian Nawaz Sharif

لاہور(میڈیا 92 نیوز آن لا ئن) سروسز اسپتال میں زیر علاج سابق وزیراعظم نواز شریف کے مرض کی تشخیص کرلی گئی جس کے بعد میڈیکل بورڈ نے ان کی صحت سے متعلق نیا فیصلہ کیا ہے۔

سابق وزیراعظم نواز شریف کو دو روز قبل طبیعت ناساز ہونے پر کوٹ لکھپت جیل سے سروسز اسپتال منتقل کیا گیا تھا۔ سپتال میں زیر علاج سابق وزیراعظم کے مختلف ٹیسٹ بھی کیے گئے تھے جن میں ان کے پلیٹلیٹس تشویشناک حد تک کم ہونے کا انکشاف ہوا تھا۔ تاہم وزیراعظم کی معاون خصوصی برائے اطلاعات فردوس عاشق اعوان نے نواز شریف کی طبیعت ناساز ہونے کو بہانہ قرار دیتے ہوئے کہا تھا کہ جب 67 برس کی عمر میں گھر کی نہاری اور ہریسہ کھا کر دوائیں کھائیں گے تو پلیٹلیٹس تو کم ہی ہوں گے۔

سروسز اسپتال کے پرنسپل پروفیسر محمود ایاز نے اپنے بیان میں بتایا تھا کہ نواز شریف کے خون کے کچھ ٹیسٹ ٹھیک نہیں ہیں۔ مرض کی تشخیص کرلی گئی. نواز شریف کا علاج کرنے والے میڈیکل بورڈ کے سربراہ پروفیسر محمود ایاز نے جیو نیوز سے گفتگو کرتے ہوئے بتایا کہ نواز شریف کے مرض کی ابتدائی طور پر تشخیص کر لی گئی ہے۔

پروفیسر محمود ایاز نے بتایا کہ نواز شریف کی تلی کے بے ترتیب کام کرنے سے پلیٹلیٹس ٹوٹ رہے ہیں۔ انہوں نے بتایا کہ نواز شریف کو ایک دوا شروع کرا دی گئی ہے جب کہ دوسری دوا پورے جسم کے اسکین کے بعد شروع کرائی جائے گے۔ ڈاکٹر محمود ایاز نے کہا امید ہے تین سے چار روز میں نواز شریف کی طبعیت میں بہتری آئے گی۔ میڈیکل بورڈ کا صحت سے متعلق نیا فیصلہ

دوسری جانب نواز شریف کےلیے قائم میڈیکل بورڈ کی میٹنگ ہوئی جس میں یہ بات سامنے آئی ہے کہ آئی ٹی پی کی دوائی کے بعد نواز شریف کے بلڈ سیلز بڑھ گئے اور ان کے پلیٹیلیٹس کی تعداد 20 ہزار تک پہنچ گئی۔ ذرائع کے مطابق ڈاکٹروں نے اس بات پر اتفاق کیا ہےکہ دوا کے ذریعے نوازشریف کے پلیٹیلیٹس بڑھنے کا انتظار کیا جائے گا۔

ذرائع نے بتایاکہ میڈیکل بورڈ نے نوازشریف کی صحت سے متعلق نیا فیصلہ کیا ہے جس کے تحت سابق وزیراعظم کی قوت مدافعت بڑھانے کے لیے انہیں انجیکشن لگائے جائیں گے جنہیں منگوالیا گیا ہے۔ واضح رہےکہ کوٹ لکھپت جیل میں قید میاں نوازشریف کی طبعیت 21 اکتوبر کو خراب ہوئی اور ان کے پلیٹیلیٹس میں اچانک غیر معمولی کمی واقع ہوئی، اسپتال منتقلی سے قبل سابق وزیراعظم کے خون کے نمونوں میں پلیٹیلیٹس کی تعداد 16 ہزار رہ گئی تھی جو اسپتال منتقلی تک 12 ہزار اور پھر خطرناک حد تک گرکر 2 ہزار تک رہ گئی تھی۔

نوازشریف کو پلیٹیلیٹس انتہائی کم ہونے کی وجہ سے 3 میگا یونٹس پلیٹیلیٹس لگائے گئے جب کہ ان کے علاج و معالجے کے لیے ایک ڈاکٹر اسلام آباد اور ایک کراچی سے بلایا گیا۔ سابق وزیراعظم کے طبی معائنے کے لیے 6 رکنی میڈیکل بورڈ بنایا گیا ہے جس کے سربراہ سمز کے پرنسپل پروفیسر محمود ایاز ہیں۔ دیگر ارکان میں ڈاکٹر کامران خالد، ڈاکٹر عارف ندیم ،ڈاکٹر فائزہ بشیر، ڈاکٹر خدیجہ عرفان اور ڈاکٹر ثوبیہ قاضی شامل ہیں۔ میڈیکل بورڈ سینئر میڈیکل اسپیشلسٹ، گیسٹرو انٹرولوجسٹ، انیستھیزیا اسپیشلسٹ اور فزیشن پر مشتمل ہے۔ یاد رہے کہ سابق وزیراعظم نواز شریف چوہدری شوگر مل کیس میں نیب کی حراست میں ہیں جب کہ احتساب عدالت کی جانب سے انہیں العزیزیہ ریفرنس میں7 سال قید کی سزا سنائی گئی ہے۔

لاہور / اسلام آباد(ایمرا نیوز آن لائن)مسلم لیگ ن کے قائد و سابق وزیراعظم نواز شریف کی حالت تشویشناک ہوگئی، انکے پلیٹ لٹس 29ہزار سے پھر 7 ہزار تک گر گئے، پلیٹ لٹس کے مزید پانچ یونٹ لگائے گئے ، ان سے اہلخانہ نے ملاقاتیں کیں تاہم عیادت کیلئے ہنگامی ملاقات کرنے والی مریم نوازکی اپنی طبیعت بھی ناساز ہوگئی اور انہیں والد کے برابر والے کمرے میں داخل کردیا گیا۔مسلم لیگ ن کے قائد نواز شریف کی حالت تشویشناک ہوگئی۔ پی کے ایل آئی لاہور میں آج نواز شریف کے پورے جسم کو اسکین ہوگا جبکہ کراچی سے بلائے گئے بون میرو ٹرانسپلانٹ کے ماہر ڈاکٹر طاہر شمسی نے نواز شریف کے ٹیسٹ کئے اور کہا کہ پلیٹ لٹس گرنے کی وجہ خلیے کی توڑ پھوڑ ہے جو داوؤں سے ٹھیک ہوجائے گی۔

ادھر حکومت نے نواز شریف کا علاج کسی بھی ڈاکٹر یا اسپتال سے کرانے کی پیشکش کردی ہے اور وزیراعلیٰ پنجاب عثمان بزدار نے ملک کے کسی بھی حصے سے ڈاکٹر لانے کیلئے اپنا طیارہ مختص کردیا ہے ، قبل ازیں وزیراعظم عمران خان نے گورنر اور وزیراعلیٰ پنجاب کو فون کرکے ہدایت دیں کہ نواز شریف کو بہترین طبی سہولتیں دی جائیں۔وزیر صحت پنجاب یاسمین راشد نے کہا کہ نواز شریف نے بیرون ملک علاج کا نہیں کہا، جانا چاہیں تو ہمیں اعتراض نہیں۔تفصیلات کے مطابق مسلم لیگ ن کے قائد وسابق وزیر اعظم نواز شریف کی حالت تشویشناک ہو گئی، انکے پلیٹ لٹس 29ہزار سے پھر 7 ہزار تک گر گئے۔ پلیٹ لٹس کے مزید پانچ یونٹ لگائے گئے۔گزشتہ روز نواز شریف کی ہمشیرہ کوثر بی بی، شہباز شریف، والدہ بیگم شمیم اختر، جنید صفدر، لیگی رہنمائوں خواجہ آصف، احسن اقبال، ایازصادق، خرم دستگیر، برجیس طاہر و دیگر نے عیادت کی جبکہ سینئر سیاستدان جاوید ہاشمی اور صابر شاہ کو ملنے سے روک دیا گیا۔

لندن سے دوسری بیٹی اسماء کو بھی بلا لیا گیا۔ میڈیکل بورڈ کی معاونت کیلئے کراچی سے بون میرو ٹرانسپلانٹ کے ماہر ڈاکٹر طاہر شمسی کو بلا یا گیا ہے۔سروسز اسپتال میں زیر علاج نواز شریف کی طبیعت گزشتہ روز 4میگا یونٹ لگنے کے بعد سنبھلی تھی اور پلیٹ لیٹس 29 ہزار ہوگئے تھے مگر بدھ کو دوبارہ خون کے نمونے لئے گئے تو پلیٹ لٹس ایک بارپھر 7ہزار تک کم ہو چکے تھے۔

اسلام آباد (ایمرا نیوز آن لائن)وزیر اعظم عمران خان نے کہا ہے کہ اپوزیشن مائنس ون کے ایجنڈے پرکام کر رہی ہے لیکن میں واضح الفاظ میں کہتا ہوں کہ پاکستانی عوام نے ہمیں پانچ سال کیلئے منتخب کیا ہے ’منتخب وزیراعظم ہوں‘ اپوزیشن کے مطالبے پر استعفیٰ نہیں دیں گے۔وزیر اعظم عمران خان نے کہا کہ فوج میرے پیچھے کھڑی ہے‘ پاک فوج اس وقت منتخب حکومت کی ہر پالیسی کے ساتھ ہے‘ ہمیں ایک دوسرے پر اعتماد ہے‘ ہم مل کر ملک کو مشکل صورتحال سے نکالیں گے ‘جنرل قمر جاوید باجوہ مجھ سے پوچھ کر تاجروں سے ملے۔انہوں نے کہا کہ حکومت اس طرح چھوڑ کر نہیں جائیں گے‘مولانا کسی اور کے ایجنڈے پر کام کررہے ہیں ‘تفصیلات نہیں بتا سکتا‘ ان کے دھرنے پر بھارت خوشیاں منا رہاہے ‘مولانا کی سمجھ نہیں آتی کبھی مذہبی کارڈ استعمال کرتے ہیں‘ کبھی کچھ کہتے ہیں اور کبھی کچھ‘ان کا چارٹرآف ڈیمانڈ واضح نہیں ‘آزادی مارچ سے کشمیر کاز کو نقصان اور دشمن ممالک کو فائدہ پہنچے گا۔

حکومتی مذاکراتی کمیٹی (آج) فضل الرحمان سے ملاقات کرے گی‘ اپوزیشن کا ایک ہی مسئلہ ہے ، این آر او، اگر ان کو این آراو اورگرفتار رہنماؤں کوباہر جانے کی اجازت دے دوں تو زندگی اور حکومت آسان ہوجائے مگرحکومت کسی قسم کااین آراونہیں دے گی‘ کرپٹ عناصر کےخلاف کارروائی جاری رہے گی۔وزیر اعظم نے کہا کہ نوازشریف کے مستقبل کافیصلہ عدالتیں کریں گی، ان کی صحت کا معاملہ میرے ہاتھ میں نہیں‘ کشمیر کی صورتحال کشیدہ ہے ‘بھارت پلوامہ جیسا ایک اور ڈرامہ رچا سکتا ہے، آرمی چیف سے کہا ہے فوج کو مکمل طور پر تیار رکھیں‘ بھارت کو جارحیت کا منہ توڑ جواب دیا جائے گا‘معیشت بہتری کی جانب گامزن ہے، روپے کی قدر مزید مستحکم ہوگی‘مہنگائی اور بیروز گاری سنجیدہ مسئلہ ہے ‘اس پر کام کررہے ہیں۔

بدھ کو یہاں سینئر صحافیوں اور اینکرز سے گفتگو کرتے ہوئے عمران خان نے کہا کہ ہمارے دھرنے اور فضل الرحمان کے مارچ میں بڑا فرق ہے‘میں چار حلقوں کے ثبوت لیکر پھرتا رہا، ہر دروازہ کھٹکھٹایا جس کے بعد احتجاج کا فیصلہ کیا۔انہوں نے کہاکہ مولانا کے آزادی مارچ کے پیچھے غیر ملکی قوتوں کے ہونے کے ثبوت تو نہیں لیکن افغانستان ‘کشمیر سمیت خطے کی صورتحال اور ٹائمنگ سے لگتاہے کہ ان کے پیچھے ضرور کوئی بیرونی طاقتیں ہیں ‘فضل الرحمان کے مارچ پر بھارت میں جشن منایا جارہا ہے‘اپوزیشن کے دھرنے سے پاکستان کے دشمن ممالک کو فائدہ پہنچے گا۔ بھارت اب کشمیر میں بری طرح پھنس چکا ہے، شروع میں ہمیں کشمیر کے معاملے پر عالمی سپورٹ نہیں ملی لیکن آج کشمیر کامسئلہ عالمی سطح پر اجاگر ہوچکا ہے۔

ایک سوال پر وزیر اعظم نے کہا کہ اسرائیل چاہتا ہے کہ سعودی عرب اور ایران میں جنگ ہو ‘ہم ایران اور سعودی وزرائے خارجہ کی اسلام آباد میں ملاقات کی کوشش کر رہے ہیں، کوشش ہے دونوں ممالک کے درمیان تناؤ کم ہو، سعودی عرب اور ایران کی لڑائی ہمارے لیے بھی خطرناک ہوسکتی ہے۔ ایک سوال پر انہوں نے کہا کہ پہلی دفعہ منتخب حکومت اور فوجی قیادت ایک پیج پر ہیں‘ پاک فوج اس وقت منتخب حکومت کی ہر پالیسی کے ساتھ کھڑی ہے‘ نئے بلدیاتی نظام کے تحت اختیارات کو نچلی سطح پر منتقل کریں گے۔نوازشریف کی طبیعت کے حوالے سے وزیراعظم نے کہا کہ شہباز شریف کہتے ہیں نواز شریف کو کچھ ہوا تو ذمہ دار عمران خان ہوں گے، نوازشریف کی صحت کا معاملہ میرے ہاتھ میں نہیں اور نہ ہی میں کوئی عدالت یا ڈاکٹر ہوں، نوازشریف کے بیرون ملک علاج کا فیصلہ عدالت نے کرنا ہے، اور اگر مریم نواز نے ملاقات کرنی ہے تو وہ فیصلہ بھی عدالت کرے گی، میں نے وزیراعلیٰ پنجاب کو ہدایت کردی ہے کہ نوازشریف کو بہترین سہولیات فراہم کریں۔انہوں نے کہا کہ بھارت میں فضل الرحمان کے دھرنے کو بھرپور کوریج دی جارہی ہے‘ مولانا اور دیگر جماعتوں کو صرف میں ہی برا لگتا ہوں‘مولانا کے جائز مطالبات ضرور سنے جائیں گے۔وزیراعظم نے کہا کہ وہ کابینہ کی کارکردگی دیکھ رہے ہیں، ضرورت پڑی تو تبدیل کریں گے۔

سروسز اسپتال لاہور کے پرنسپل پروفیسر ایاز محمود کا کہنا ہے کہ نواز شریف کے خون کے نمونوں سے متعلق ٹیسٹ تسلی بخش نہیں ہیں۔

پرنسپل سمز پروفیسر ایاز محمود نے بتایا کہ نواز شریف کے کچھ ٹیسٹ تسلی بخش ہیں اور کچھ نہیں، جو ٹیسٹ تسلی بخش نہیں ان کو دوبارہ کروا رہے ہیں۔ پروفیسر ایاز محمود نے کہا کہ نواز شریف کے خون سے متعلقہ ٹیسٹوں کی رپورٹس تسلی بخش نہیں ہیں۔

دوسری جانب اسپتال ذرائع کا کہنا ہے کہ نواز شریف کے پلیٹلیٹس اس وقت 10 ہزار کے قریب ہیں، نواز شریف کو پلیٹلیٹس لگانے کے لیے خون کے نمونے لیے جا رہے ہیں۔ ذرائع کا کہنا ہے کہ نواز شریف کا بلڈ گروپ او پازیٹو ہے اور نواز شریف کو پلیٹلیٹس لگانے کے لیے نوجوانوں کا خون بہتر رہے گا۔

خیال رہے کہ سابق وزیراعظم نواز شریف کو گزشتہ روز طبیعت خراب ہونے پر کوٹ لکھپت جیل سے سروسز اسپتال منتقل کیا گیا تھا۔ وزیراعلیٰ پنجاب عثمان بزدار نے بھی سابق وزیراعظم نواز شریف کو مکمل طبی سہولیات فراہم کرنے کی ہدایت کی ہے۔

(میڈیا 92 نیوزآن لا ئن) گزشتہ روز نواز شریف کو طبیعت ناساز ہونے پر نیب حکام نے انہیں سروسز اسپتال لاہور منتقل کیا تھا جب کہ ان کے ذاتی معالج ڈاکٹر عدنان کا کہنا تھا کہ نواز شریف کے پلیٹلیٹس 12 ہزار سے بھی کم رہ گئے ہیں۔

دوسری جانب سابق وزیراعظم نواز شریف کے صاحبزادے حسین نواز نے سوشل میڈیا پر ایک رپورٹ پوسٹ کرتے ہوئے والد کو زہر دیئے جانے کا خدشہ بھی ظاہر کیا تھا۔ مسلم لیگ ن کے صدر شہباز شریف نے بھی نواز شریف کی صحت کے حوالے سے جاری بیان میں کہا تھا کہ اگر نواز شریف کو کچھ ہوا تو عمران خان کو قتل کا ذمے دار ٹھہرائیں گے۔

اب ترجمان وزیراعلیٰ پنجاب کی جانب سے جاری بیان میں بتایا گیا ہے کہ وزیراعلیٰ عثمان بزدار نے سروسز اسپتال کی انتظامیہ کو ہدایت کی ہے کہ نواز شریف کو علاج و معالجے کی بہترین سہولیات فراہم کی جائیں۔

وزیراعلیٰ پنجاب نے ہدایت کی ہے کہ علاج کے حوالے سے سابق وزیراعظم نواز شریف کے ذاتی معالج سے بھی مشاورت کی جائے۔ عثمان بزدار نے امید ظاہر کی ہے کہ نواز شریف کے ذاتی معالج بھی اس حوالے سے تعاون کریں گے۔

ISLAMABAD: Pakistan Muslim League-Nawaz (PML-N) leader Hanif Abbasi was shifted from Rawalpindi’s Adiala jail to Attock jail on Saturday.
The incarcerated PML-N leader was shifted to Attock jail on the directives of DIG Rawalpindi after a photo surfaced of him with Nawaz Sharif and others inside Adiala jail before the former premier’s release.
Inspector General (IG) Prisons Punjab on Thursday ordered an inquiry into the matter and a notification issued from his office said, “As it is evident from media reports that at the time of release of NAB convicts, Mian Nawaz Sharif, Captain (retd) Mohammad Safdar and Maryam Nawaz on September 19, pictures of ANF prisoner Hanif Abbasi with Nawaz Sharif and others were taken and telecast on number of TV channels as well as circulated on social media.”
“ANF prisoner namely Hanif Abbasi was seen in the office of Superintendent of Central Jail, Rawalpindi, which caused adverse impression and bad name for the Prisons Department and the Government of Punjab,” it added.
The notification further said the competent authority had constituted an inquiry committee comprising DIG Prisons Malik Shaukat Feroze and AIG Judicial Malik Safdar Nawaz to probe into the matter and find out how Abbasi was allowed to enter the Admin Block and office of jail superintendent.
IG Prisons orders inquiry into Nawaz, others’ pictures inside Adiala prison
On July 22, Abbasi was sentenced to life imprisonment by a special anti-narcotics court in the ephedrine quota case.
Abbasi faced charges of misusing 500kg of the controlled chemical ephedrine, which he obtained for his company, Gray Pharmaceutical, in 2010. The court, in its verdict announced after six years, ruled that 363kg of ephedrine quota could be accounted for, adding that Abbasi failed to provide evidence of the use of remaining quantity of the drug.
The court acquitted seven other accused in the case, giving them the benefit of doubt.
Search operation in Adiala jail
Later during the day, the inquiry committee conducted a search operation in Adiala jail.
Jail sources said that a search operation is under way in all barracks.