Tag modi

نئی دہلی (وقت نیوز آن لائن)بھارت میں متنازعہ شہریت قانون کیخلاف ریاستوں کی بغاوت کا سلسلہ جاری ہے،مغربی بنگال کی اسمبلی اور ریاست تلنگانہ نے متنازعہ شہریت بل کیخلاف اسمبلی میں قراردادپیش کرنے کا اعلان کردیا´

بھارتی میڈیا کے مطابق مغربی بنگال کی اسمبلی میں شہریت قانون کیخلاف آج قراردادپیش کی جائے گی ،295 رکنی اسمبلی میں ترنمول کانگریس کو اکثریت حاصل ہے جس کی وجہ سے قراردادآسانی سے منظور ہو جائے گی ۔

بھارتی میڈیا کا مزید کہنا ہے کہ ریاست تلنگانہ میں بھی متنازعہ شہریت قانون کیخلاف قرارداد منظور کی جائے گی ،تلنگانہ کے وزیراعلیٰ چندرشیکھرراﺅ نے قراردادمنظور کرنے کا اعلان کردیا،اسمبلی کے بجٹ سیشن میں شہریت قانون کیخلاف قرارداد منظور کی جائے گی،وزیراعلیٰ چندرشیکھرراﺅکاکہنا ہے کہ شہریت قانون میں مسلمانوں کو شامل نہ کرنے پر تکلیف پہنچی ہے ۔

لاہور(وقت آن لائن)بھارتی فلموں کے نامور اداکار نصیرالدین شاہ نے بھارت کی موجودہ صورتحال کے بارے میں کہا ہے کہ اگر 70 سال سے بھارت میں رہنا مجھے ہندوستانی ثابت نہیں کرتا تو مجھے نہیں معلوم مجھے کیا کرنا چاہیئے۔

مسلم مخالف متنازع شہریت قانون اور بی جے پی کے کارکنوں کی جانب سے دہلی کی جواہر لعل نہرویونیورسٹی کے طلبا پر وحشیانہ تشدد کے باعث بھارت کی اندرونی صورتحال انتہائی خراب ہے۔ پورے بھارت میں مودی کی پالیسیوں کے خلاف مظاہرے پھوٹ پڑے ہیں جب کہ بالی ووڈ اداکار بھی متنازع قانون اورطلبا پر تشدد کے خلاف کھل کر اپنی آواز اٹھارہے ہیں۔

حال ہی میں بھارت کے لیجنڈری اداکار نصیرالدین شاہ نے اس معاملے پر اپنی رائے دیتے ہوئے مودی حکومت کو شدید تنقید کا نشانہ بنایا۔ نصیر الدین شاہ نے کہا آخر کیوں میرا پاسپورٹ، ووٹرز شناختی کارڈ، ڈرائیونگ لائسنس اور آدھار کارڈ میرے بھارتی شہری ہونے کے لیے کافی نہیں ہے۔ میرے پاس پیدائش کا سرٹیفیکٹ نہیں ہے تو کیا اس کا مطلب ہے کہ ہم سب بھارتی شہریت سے خارج ہیں؟

نصیرالدین شاہ نے کہا کہ مجھے اس بات کی یقین دہانی کی ضرورت نہیں کہ مسلمانوں کو پریشان ہونے کی ضرورت نہیں، میں پریشان نہیں ہوں۔ اگر میری یہاں(بھارت میں) 70 سالوں سے موجودگی مجھے ہندوستانی ثابت نہیں کرتی تو مجھے نہیں معلوم خود کو ہندوستانی ثابت کرنے کے لیے مجھے کیا کرنا ہے۔ میں موجودہ حالات سے خوفزدہ نہیں ہوں بلکہ غصہ ہوں۔

لاہور(ایمرا نیوز)معروف امریکی جریدے نے اپنے نئے شمارے کے سرورق پر بھارتی وزیر اعظم کی تصویر متنازع عنوان کے ساتھ شائع کی ہے، سرورق پر مودی کی تصویر کے ساتھ’’India’s Divider in chief‘‘ یعنی ’’بھارت کا منقسم اعلیٰ‘‘ کے الفاظ تحریر ہیں.

امریکی میگزین ’ٹائم‘ کے سرورق پر موجود شہ سرخی جریدے میں موجود ایک مضمون سے متعلق ہے، جس میں مصنف نے بھارتی سیاست پر اپنے خیالات کااظہار کیا ہے، مضمون کی شہ سرخی بھی دلچسپ ہے جس میں مصنف نے سوال پوچھا ہے کہ کیا دنیا کی سب سے بڑی جمہوریت مزید پانچ سال مودی حکومت کو برداشت کرے گی؟

مضمون میں سابق بھارتی وزیر اعظم جواہر لعل نہرو کے سیکولر نظریات اور مودی کے نظریات سے موازنہ بھی کیا گیا ہے۔ اس کے ساتھ مودی کے بطور وزیر اعلیٰ گجرات میں ہوئے فسادات کا تذکرہ بھی مضمون کا حصہ ہے۔

بھارت میں ان دنوں لوک سبھا انتخابات کا عمل جاری ہے، ایسے موقع پر میگزین کے متنازع ٹائٹل نے سوشل میڈیا پر بحث چھیڑ دی ہے، جس میں اس عنون پر تنقید کی گئی ہے تو اس کی حمایت میں بھی بہت سے لوگوں نے اظہار خیال کیا ہے۔

اسی شمارے کے ایک اورمضمون میں مودی کی اب تک کی کامیابیوں کا ذکر کرتے ہوئے اُنہیں اقتصادی اصلاحات کے لئے بھارت کی بہترین امید قرار دیا گیا ہے۔

نئی دہلی:(ایمرا نیوزآن لائن) بھارتی الیکشن کمیشن نے وزیراعظم نریندر مودی کی زندگی پر بنائی جانے والی فلم ‘نریندرا مودی’ کی ریلیز پر انتخابات کے اختتام تک پابندی عائد کردی۔بھارتی میڈیا کے مطابق نریندر مودی کی زندگی پر بنائی گئی بائیو پک فلم کل 11 اپریل کو ریلیز ہونا تھی لیکن الیکشن کمیشن کی جانب سے انتخابات سے قبل فلم کو ریلیز کرنے پر پابندی عائد کردی گئی ہے۔بھارتی الیکشن کمیشن کے نوٹیفکیشن کے مطابق نریندر مودی کی بائیوپک بھارتی انتخابات سے قبل ریلیز نہیں کی جائے گی، انتخابات مکمل ہونے کے بعد ہی فلم کی نمائش کی حتمی تاریخ کا اعلان کیا جائے گا۔واضح رہے کہ اپوزیشن جماعت کانگریس نے فلم کی ریلیز کے خلاف الیکشن کمیشن میں دائر درخواست میں مؤقف اختیار کیا تھا کہ فلم کی ریلیز الیکشن کمیشن کے قوانین کی خلاف ورزی ہے اور یہ انتخابات پر اثر انداز ہوسکتی ہے۔یاد رہے کہ اپوزیشن جماعت کانگریس کی جانب سے فلم کی ریلیز روکنے کے لئے سپریم کورٹ اور الیکشن کمیشن میں درخواستیں دائر کی گئی تھیں۔بھارتی سپریم کورٹ نے یہ کہہ کر کانگریس کی درخواست مسترد کردی تھی کہ ایسے غیر مناسب مسائل پر عدالت کا وقت ضائع نہ کیا جائے۔بھارتی سپریم کورٹ کا مزید کہنا تھا کہ فلم کی ریلیز اور ٹائٹل کا انتخاب کرنے کا فیصلہ الیکشن کمیشن کا ہوگا۔واضح رہے کہ بھارت میں نریندر مودی کے حوالے سے دو رائے پائی جاتی ہیں، ایک رائے انہیں بھارت کا ابھرتا ہوا معاشی چہرہ قرار دیتا ہے جب کہ دوسرا حلقہ انہیں عوام سے جھوٹے وعدے کرنے والا شخص قرار دیتا ہے۔
مودی کی زندگی پر بننے والی فلم پر پابندی

پاکستان اور بھارت کے درمیان دوبارہ کشیدگی کے امکانات بہت زیادہ ہیں، بھا رت با لا کو ٹ میں نا کا می اور اپنے دو طیا رے ما رگرا ئے جا نے کے بعد سبکی کا شکا ر ہے ، مودی اپنی اس خفت کو مٹنے کے لیے کچھ بھی کر سکتا ہے ، مس ایڈوانچر کی صورت میں خطہ ایٹمی جنگ کی لپیٹ میں آ سکتا ہے،کوگلمین
واشنگٹن(ایمرا نیوز آن لائن) امریکی ماہرین نے خبردار کیا ہے کہ بھارت کی جانب سے پاکستانی طیارہ گرانے اور بالاکوٹ میں دہشت گردوں کے ٹھکانوں کو نشانہ بنانے کے ثبوت پیش کرنے میں ناکامی کے سنگین سیاسی اثرات مرتب ہو سکتے ہیں۔مائیکل کوگلمین ایک ماہر ہیں اور واشنگٹن کے وڈ رو ولسن سینٹر سے منسلک ہیں جس نے 2019 کی پاک بھارت صورتحال پر ایک دستاویز جاری کی تھی۔اپنے تعارفی نوٹ میں واشنگٹن کے ادارے نے خبردار کیا کہ حالیہ پاک بھارت کشیدگی نے دنیا کو خبردار کردیا ہے کیونکہ جوہری صلاحیت کے حامل دونوں ملکوں نے بحران کے دوران کشیدگی بڑھانے کے حوالے سے اپنے عزائم کا اظہار کر چکے ہیں۔کوگلمین نے خبردار کیا کہ بھارت کی جانب سے اپنے دعوے ثابت کرنے میں ناکامی کے سنگین اثرات مرتب ہو سکتے ہیں۔امریکی ماہر نے یہ انکشاف ایک ایسے موقع پر کیا ہے کہ جب ایک دن قبل ہی وزیر خارجہ شاہ محمود قریشی نے انکشاف کیا تھا کہ بھارت پا کستان نپرایک اور جارحیت کی منصوبہ بندی کر رہا ہے۔انہوں نے اپنی ٹوئٹ میں لکھا کہ کچھ ٹھوس شواہد ہیں جو بھارت کے دو بنیادی دعوو¿ں کی نفی کرتے ہیں جو بھارت نے پاکستان کے ساتھ محاذ آرائی کے حوالے سے کیے تھے، بالاکوٹ میں دہشت گرد اہداف کو نشانہ بنانا اور پاکستان کا طیارہ مار گرانا، اس کے انتخابات سے قبل سنگین سیاسی اثرات مرتب ہو سکتے ہیں۔کوگلمین نے ساتھ ساتھ کرسٹوفر کیری کی ٹوئٹ کی جانب سے بھی اشارہ کیا جو نیویارک کی اسٹیٹ یونیورسٹی میں پولیٹیکل سائنس کے اسسٹنٹ پروفیسر ہیں اور انہوں نے لکھا کہ کچھ لوگ کہتے ہیں کہ امریکا جانتا ہے کہ وہ ایک ایف16 سے محروم ہو گیا ہے لیکن وہ اپنے تجارتی فائدے اور فخر کے سبب یہ تسلیم کرنے سے انکاری ہے، میں یہ کہنا چاہتا ہوں کہ امریکی بیورو کریسی میں پاکستان کے متعدد دشمن ہیں اور شاید (کیپیٹول) ہل میں اور زیادہ ہیں اور میرے خیال میں اگر پاکستان ایف16 سے محروم ہوتا تو امریکی بخوشی اس خبر کو لیک کر دیتے۔کوگلمین نے اس پر ٹوئٹ پر تبصرہ کرتے ہوئے کہا کہ میں اس سے اتفاق کرتا ہوں، اگر پاکستان کا ایف16 طیارہ گرایا گیا ہوتا تو امریکی حکومت میں سے کوئی بخوشی اس خبر کو لیک کر دیتا۔انہوں نے امریکی صحافی کے انکشاف کی جانب بھی اشارہ کیا کہ بھارتی وزیر اعظم نریندر مودی کے پاس کچھ ہے جسے وہ ووٹنگ سے محض کچھ دیر قبل استعمال کریں گے۔کوگلمین نے مزید کہا کہ بالاکوٹ کی کارروائی اور اس کے نتیجے میں جو کچھ ہوا، اسے عوام نے جس طرح لیا، وہ بھارت کے نزدیک مطلوبہ سے بہت کم تھا۔بھارتی میڈیا رپورٹ کر رہے ہیں کہ پاکستان نے اپنا نقصان چھپانے کے لیے اردن سے ایف16 طیارہ لیا جس پر کوگلمین نے کہا کہ یہ ممکن نہیں کیونکہ اردن پاکستان کو غیر قانونی طور پر ایف16 بیچنے کے لیے امریکی جانب سے ملنے والی سالانہ 1.275ارب ڈالر کی امداد کو خطرے میں نہیں ڈال سکتا۔اس بحث کا آغاز اس وقت ہوا تھا جب امریکی فارن پالیسی میگزین نے اپنی رپورٹ میں انکشاف کرتے ہوئے بھارت کے اس دعوے کو مسترد کردیا تھا کہ اس نے 27فروری کو پاکستان کا ایک ایف16 طیارہ گرایا ہے جہاں ایک دن قبل بھارت نے پاکستان کے بالا کوٹ میں جارحیت کرتے ہوئے شدت پسندوں کے کیمپ تباہ کرنے کا دعویٰ کیا تھا لیکن وہ بھی غلط ثابت ہوا تھا۔وڈ رو ولسن سینٹر کی جانب سے جاری دستاویزات میں امریکی ماہرین نے کہا کہ پاکستان اور بھارت کے درمیان دوبارہ کشیدگی کے امکانات بہت زیادہ ہیں۔ایک ماہر نے کہا کہ بہت کچھ بھارت میں انتخابات پر منحصر ہے، اگر حکمران جماعت دوبارہ منتخب ہو جاتی ہے تو حالات مزید سنگین ہو جائیں گے۔انہوں نے خبردار کیا کہ اگلی کشیدگی مزید بدترین ثابت ہو سکتی ہے کیونکہ دونوں فریقین بخوشی کشیدگی بڑھانے کے عزائم ظاہر کر چکے ہیں۔کوگلمین نے خبردار کیا کہ اگر بھارت میں ایک اور دہشت گرد حملہ ہوتا ہے تو اس کے نتیجے میں بھارت کا ردعمل انتہائی تباہ کن ہو سکتا ہے، اگر ایسا ہوا تو آپ کو جوہری جنگ کے منظر نامے کے بارے پریشانی شروع ہو جانی چاہیے۔وڈ رو ولسن کے ایک اور ماہر آرون ڈیوڈ ملر نے ہنری کسنجر کے اس مشہور مزاحیہ جملے کا حوالہ دیا کہ اسرائیل کی کوئی خارجہ پالیسی نہیں، صرف ڈومیسٹک پالیسی ہے، اور میں کشمیر پر یہ کاننے پر مجبور ہوں کہ وہ پاکستان اور بھارت دونوں کا ساتھ دیں گے۔ان دستاویزات میں سے ایک میں سابق بھارتی سیکریٹری خارجہ اور امریکی سفیر نیروپوما رائے کا حوالہ دیا گیا جنہوں نے کہا تھا کہ اکثر بھارتی اپنے ملک کو دہشت گردی سے متاثرہ سمجھتے ہیں اور بھارت میں کوئی بھی حکومت اس مشہور رائے اور تاثر کے خلاف نہیں جا سکتی جہاں بھارت کا میڈیا بھی اس تاثر کو ہوا دے رہا ہے۔پاکستان کے سابق سیکریٹری خارجہ سلمان بشیر نے خبردار کیا کہ مسائل کے حل کے لیے طاقت کا استعمال خطرناک ہو سکتا ہے۔ انہوں نے کہا کہ طاقت کے استعمال سے صورتحال مزید کشیدہ ہو گی، پاکستان کا یہ ماننا ہے کہ ہماری امن کی خواہش کو ہماری کمزوری تصور نہیں کیا جائے۔

اسلام آباد(ایمرا نیوزآن لائن) سندھ کے علاقے ڈہر کی سے مبینہ طور پراغوا کی جانے والی لڑکیاں خان پورمیں منظرعام پر آگئیں، دونوں لڑکیوں نے دعویٰ کیاہے کہ انہوں نے مرضی سے اسلام قبول کرلیا،لڑکیوں کی درگاہ بھرچونڈی شریف میں قبول اسلام کی ویڈیو سوشل میڈیاپروائرل ہوگئی،لڑکیوں نے قبول اسلام کے بعد خانپور میں نکاح کر لیا،نومسلم لڑکیوں کا اسلامی نام آسیہ اور شازیہ رکھا گیا ہے ، دونوں لڑکیوں نے لاہور ہائی کورٹ بہاولپور بنچ میں تحفظ کی رٹ دائر کر دی ،ادھر ڈہرکی میں دونوں لڑکیوں کے اہلخانہ سراپا احتجاج ہیں، لواحقین نے لڑکیوں کے مبینہ اغوااوراسلام قبول کر کے نکاح کے خلاف تھانہ ڈہرکی کے سامنے احتجاج کیااوردھرنا دیا،لواحقین نے سوال اٹھایا کہ اگر ان کی بچیوں نے اسلام قبول کر کے پسند کی شادی کر لی تو انہیں عدالت میں پیش کیوں نہیں کیا جا رہا؟وزیراعظم عمران خان کے نوٹس کے بعد ڈہرکی پولیس نے لڑکیوں کے اغوا کا مقدمہ پانچ افراد کے خلاف درج کر تے ہوئے نکاح میں شریک ایک شخص کو گرفتارکرلیا،پولیس کے مطابق ڈہرکی تھانے میں دونوں لڑکیوں کے مبینہ اغوا کا مقدمہ درج کرایا گیا تھا تاہم 22 مارچ کو دونوں لڑکیوں نے منظر عام پر آکر نکاح کرلیا تھا،پولیس کا کہنا ہے کہ دونوں بہنوں نے میڈیا کے سامنے اپنی مرضی سے نکاح کا اعتراف کیا ،وزیراعظم عمران خان نے معاملے کا نوٹس لیتے ہوئے وزیراعلیٰ پنجاب عثمان بزدار اور وزیراعلیٰ سندھ سید مراد علی شاہ کو دونوں بہنوں کی بازیابی اور معاملے پر مشترکہ حکمت عملی اختیار کرنے کی ہدایت کی تھی،وزیر مملکت برائے داخلہ شہریار آفریدی نے بھی واقعہ کا نوٹس لیتے ہوئے آئی جی سندھ سے رپورٹ مانگ لی۔وزیر خارجہ نے کہا پاکستان میں اقلیتوں کا تحفظ ہماری اولین ذمہ داری ہے ، ہم میں اتنا حوصلہ ہے کہ ہم اپنی اقلیتوں کا تحفظ کرسکتے ہیں اگر سندھ میں ان کے ساتھ زیادتی ہوئی تو ہم ان کا مکمل تحفظ کریں گے ،دوسری جانب بھارتی وزیر سشما سوراج نے بذریعہ ٹویٹ بھارتی ہائی کمیشن سے معاملے کی رپورٹ طلب کی تو وفاقی وزیر اطلاعات فواد چودھری نے انہیں بھرپور جواب دیتے ہوئے کہا کہ یہ ہمارا اندرونی معاملہ ہے ، یہ مودی کا بھارت نہیں جہاں اقلیتوں سے ناروا سلوک کیا جاتا ہے ، یہ عمران خان کا نیا پاکستان ہے ، یہاں اقلیتوں کو مساوی حقوق حاصل ہیں،ہم امید کرتے ہیں کہ آپ بھارتی اقلیتوں کے حقوق کے معاملہ پر بھی ایسا ہی ردعمل دیں گی ، فواد چودھری نے کہا پاکستان میں اقلیتیں ہمارے جھنڈے کا سفید رنگ ہیں اور ہمیں اپنے تمام رنگ عزیز ہیں اور اپنے پرچم کی حفاظت ہمارا فرض ہے ۔اس پربھارتی وزیر خارجہ سشما سوراج نے سوشل میڈیا پر فواد چودھری کو مخاطب کرتے ہوئے کہا کہ میں نے تو اسلام آباد میں تعینات بھارتی ہائی کمشنر سے کم عمر ہندو لڑکیوں کے اغوا اور انہیں زبردستی اسلام قبول کرانے سے متعلق رپورٹ طلب کی تھی،صرف اتنی سے بات آپ کو پریشان کرنے کے لیے کافی ہے ،ایسا کرنے سے ظاہر ہوتا ہے کہ آپ کا ضمیر گناہگار ہے ،فواد چودھری نے ایک بار پھر بھارتی وزیر خارجہ کو جواب دیتے ہوئے لکھا کہ مجھے خوشی ہے کہ بھارتی انتظامیہ میں بھی ایسے لوگ موجود ہیں جو دوسرے ممالک کی اقلیتوں کے حقوق کا خیال رکھتے ہیں، مجھے امید ہے آپ کا ضمیر آپ کو اس بات کی اجازت دے گا کہ آپ اپنے گھر میں بھی اقلیتوں کے لیے کھڑی ہوں گی، گجرات اور جموں کا اب بھی آپ کے ضمیر پر گہرا اثر ہو گا۔بعدازاں لاہور میں پریس کانفرنس کے دوران سندھ سے ہندو لڑکیوں کی مبینہ طور پر زبردستی شادی کے واقعہ پر بات کرتے ہوئے فواد چودھری نے کہا وزیر اعظم نے اس کا نوٹس لیتے ہوئے وزیر اعلی پنجاب سے جواب طلب کیا ہے کیونکہ دونوں بچیوں کو رحیم یار خان منتقل کیا گیا اور اب اطلاع ملی ہے کہ انکو گوجرانوالہ بھیج دیا گیا ہے ،ذمہ داروں کا تعین کر کے کارروائی کی جائے گی،سندھ میں ہندو اقلیت کی خواتین کے مذہب تبدیل کرنے کی خبریں آ رہی ہیں،اس پر قانون بنائیں گے ،سشما سوراج کے ٹوئٹ پر کہوں گا کہ یہ ہمارا اندرونی معاملہ ہے ،اقلیتیں پاکستان میں بھارت سے کہیں زیادہ محفوظ ہیں،ہندو بچیوں کے معاملے پر ایکشن لیا تو کیا بھارت بھی یہ دعویٰ کرسکتاہے ،سشما سوراج گجرات اور مقبوضہ جموں و کشمیر میں سینکڑوں لوگوں کے قتل عام کا جواب دیں،گائے گوشت حلال اور ہولی پرمسلمان بچوں کو مارا گیا ،آغاز اپنے گھر سے شروع کریں، جموں کشمیر اور اقلیت کاحق دیں ظلم بند کریں۔ادھر ہندو لڑکیوں کے مبینہ اسلام قبول کرنے سے متعلق وزیر اعظم کی جانب سے نوٹس لیے جانے کے بعد سندھ کے صوبائی وزیر اویس شاہ وزیر اعلیٰ سندھ کی ہدایت پر ڈہرکی پہنچ گئے ،ڈہرکی پہنچنے کے بعد صوبائی وزیر نے لڑکیوں کے والدین سے ملاقات کی اور انہیں انصاف کی یقین دہانی کرائی۔

بھارتی وزیر اعظم نے سیاسی بچانے کیلئے خطے کا امن داﺅ پر لگا دیا، وفد سے گفتگو
اسلام آباد(ایمرا نیوز)سابق صدر آصف زرداری نے کہا ہے کہ پاکستان پرامن ملک ہے لیکن کسی بھی جارحیت کے خلاف جواب دینے کی بھرپور صلاحیت رکھتے ہیں، عالمی برداری امن دشمن نریندر مودی کے خلاف اقدامات کرے۔سابق صدر سے پیپلز پارٹی جنوبی پنجاب کے تنظیمی وفد نے ملاقات کی۔ زرداری کا کہنا تھا کہ بھارت کسی بھی جارحیت یا دراندازی کرنے سے قبل جواب اور انجام ذہن میں رکھے ، بھارتی وزیراعظم کا دھمکی آمیز لہجہ حواس باختگی کا ثبوت ہے ،مودی نے اپنی سیاست بچانے کیلئے خطے کا امن دا ﺅپر لگا رکھا ہے۔ انہوں نے مزید کہا جنوبی پنجاب کو الگ صوبہ بنانے کا مشن پایہ تکمیل تک پہنچا کر دم لیں گے۔

رافیل طیاروں سے متعلق دستاویزات چوری ہوگئیں جو اس بات کا ثبوت ہے کہ دستاویزات میں جو لکھا تھا وہ درست ہے، راہول گاندھی
نئی دہلی(ایمرا نیوز آن لائن)بھارتی اپوزیشن جماعت کانگریس کے صدر راہول گاندھی نے مطالبہ کیا ہے کہ رافیل طیاروں کے معاہدے کی دستاویزات چوری ہونے کی تحقیقات وزیراعظم نریندر مودی سے کی جائے۔بھارتی سپریم کورٹ میں رافیل طیاروں کے معاہدے میں مبینہ بے ضابطگی سے متعلق زیرسماعت کیس میں حکومت نے گزشتہ روز موقف اختیار کیا تھا کہ معاہدے کی دستاویزات وزارت دفاع کے دفتر سے چوری ہوچکی ہیں جس کی تحقیقات کی جارہی ہے۔راہول گاندھی نے پریس کانفرنس کرتے ہوئے مودی حکومت کو آڑے ہاتھوں لیا اور کہا کہ حکومت کہہ رہی ہے کہ رافیل طیاروں سے متعلق دستاویزات چوری ہوگئیں جو اس بات کا ثبوت ہے کہ دستاویزات میں جو لکھا تھا وہ درست ہے۔راہول گاندھی نے کہا کہ دستاویزات میں صاف لکھا ہے کہ رافیل طیاروں کی ڈیل کے لیے نریندر مودی اور وزیراعظم آفس براہ راست بات چیت کر رہے ہیں اور نریندری مودی نے اپنے دوست انیل امبانی کو فائدہ پہنچانے کے لیے رافیل ڈیل کا بجٹ بڑھایا۔کانگریس کے صدر کا کہنا تھا کہ اب تو مذاکراتی ٹیم نے بھی کہا ہے کہ نریندر مودی بائی پاس سرجری کر رہے تھے اور رپورٹ کے مطابق مودی نے صاف کہا کہ کنٹریکٹ انیل امبانی کو دیا جائے۔راہول گاندھی نے کہا کہ وزیراعظم نریندر مودی کا براہ راست نام سامنے آرہا ہے اس کے بارے میں بھی انکوائری کی جائے کہ پیسہ کہاں گیا، سب سچائی سامنے آ جائے گی۔راہول گاندھی نے سوال کیا کہ نریندر مودی خود تحقیقات کیوں نہیں کرا رہے، مودی کہیں کہ وہ ملک کے چوکیدار ہیں اور وہ تحقیقات کرائیں گے۔کانگریس کے صدر نے کہا کہ یہ کرپشن کا کیس ہے تو کرمنل انویسٹی گیشن کیوں نہ کی جائے، تحقیقات سب کے خلاف ہوسکتی ہے تو مودی کے خلاف کیوں نہیں ہوسکتی۔یاد رہے کہ بھارتی وزیراعظم نریندر مودی نے ستمبر 2016 میں فرانسیسی حکومت کے ساتھ 36 رافیل طیاروں کے معاہدے پر دستخط کیے تھے۔اخبار ‘دی ہندو’ نے رافیل طیاروں کے معاہدے میں بے ضابطگیوں سے متعلق معاملے کو اٹھایا اور اس پر متعدد رپورٹس شائع کیں۔ بھارت میں اس معاملے نے اس وقت زور پکڑا جب ستمبر 2018 میں سابق فرانسیسی صدر فرانسوا اولاند نے انکشاف کیا کہ بھارت نے 11 کھرب روپے مالیت کے 36 رافیل لڑاکا طیاروں کی خریداری کے لیے بزنس مین انیل امبانی کی دیوالیہ کمپنی کو پارٹنر بنانے کی تجویز دی تھی۔

45 ممالک کی بحریہ پاکستان میں اکٹھی ہوئیں مگر بھارت شامل نہیں ‘پاک بحریہ
اسلام آباد(ایمرا نیوز آن لائن) بحری مشق امن 19 نے آپریشنل مقاصد کے کامیاب حصول کےساتھ ساتھ بھارتی وزیراعظم نریندر مودی کی پاکستان کو تنہا کرنے کی پالیسی بھی بحیرہ عرب میں غرق کر دی ہے۔تفصیلات کے مطابق امریکہ، روس، چین، برطانیہ، آسٹریلیا، جنوبی افریقہ، برازیل جیسی دنیا کی بڑی بحری طاقتوں سمیت 45 ممالک کی بحری فورسز کی بھرپور شرکت کےساتھ ”امن 19“ کا کامیاب اختتام دراصل پاکستان کا دنیا کےساتھ ” امن کے لئے ایک “ کے سفر کا نیا آغاز ہے۔امن 19 نے اپنے آغاز سے ہی دنیا بھر بلکہ مشرقی ہمسائے میں بھی زبردست توجہ حاصل کیئے رکھی۔ بھارت میں قومی میڈیا اور سوشل میڈیا میں امن 19 کے تمام مراحل اور سرگرمیاں مسلسل زیر بحث رہی ہیں ،جس میں اس بات کا ذکر نمایاں رہا کہ دنیا کے 45 ممالک کی بحریہ پاکستان میں اکٹھی ہیں مگر اس میں بھارت شامل نہیں۔بھارتی وزیراعظم نریندر مودی کے ناقدین نے سوشل میڈیا پر اس صورتحال کو مودی کی پاکستان کو تنہا کرنے کی خارجہ پالیسی کی ناکامی قرار دیتے ہوئے کڑی تنقید کی ہے۔بھارتی میڈیا میں ٹائمز آف انڈیا، زی نیوز انڈیا سے لے کر بھارت کے صف اول کے ذرائع ابلاغ کی شہ سرخیاں پاکستان کی بحری مشق امن 19 میں پینتالیس ممالک کی شرکت اور بھارت کو تنہا کرنے کا اشارہ دیتی رہیں۔دوسری جانب واشنگٹن پوسٹ، یو ایس نیوی ٹائمز سمیت یورپ، روس، چین، ملائیشیا، عرب ممالک غرض دنیا بھر کے ذرائع ابلاغ نے امن 19مشق کے ’امن کے لیے متحد‘ کے نظریے کو بہت اہمیت دی ہے۔امن 19 سفارتی محاذ پر بھی پاکستان کے لئے انتہائی سود مندثابت ہوئی ہے۔ پاکستان کی مہمان بننے والی فورسز کے کم و بیش تین ہزار سے زائد نیوی افسران و اہلکار نیول چیف ایڈمرل ظفر محمود عباسی کی قیادت میں پاک بحریہ کی زبردست میزبانی کے مداح ہو کر رخصت ہوئے ہیں جس کا نہ صرف مختلف ایونٹس کے دوران میڈیا نمائندوں کےساتھ گفتگو میں برملا اظہار کیا جاتا رہا ہے بلکہ غیر ملکی مہمانوں نے اپنے سوشل میڈیا پیجز پر بھی پاکستان اور پاک بحریہ کی مثبت تصویر کشی کی۔یقینی طور پر امن مشق کے ذریعے پاکستان کو ہزاروں غیر رسمی و غیر روایتی سفیروں کی فوج دستیاب ہو گئی ہے جو اپنے اپنے ممالک میں پاکستان کا مثبت تشخص اجاگر کرنے میں یقینا کنجوسی نہیں دکھائیں گے۔پاکستان میں برطانوی ہائی کمشنر تھامس ڈریو بھی ایسے ہی مداحوں میں سے ایک ہیں جنہوں نے سوشل میڈیا پر پاک بحریہ کی میزبانی کا پرجوش خیرمقدم کیا۔ شاید یہ صورتحال بھی پڑوسی ملک میں جلن اور حسد کو مزید ہوا دینے کا باعث بن رہی ہے جس کی جھلک مسلسل دکھائی دے رہی ہے۔