Tag movie

لاہور(ایمرا نیوزآن لائن) سُپر ہیروز فلم ’ایونجرز اینڈ گیم‘ نے امریکی باکس آفس پر قبضہ جمالیا، مسلسل تیسرے ہفتے بھی پہلی پوزیشن برقرار جبکہ پوکیمون کی نئی فلم ’پکاچو‘ دوسرے نمبر پر اور ’دی ہسل‘ تیسرے نمبر پر رہی۔سُپر ہیروز فلم ’ایونجرز اینڈ گیم‘ نے ویک اینڈ کے تین دنوں میں 8 ارب 93 کروڑ روپے سے زائد کمائی کرلی، مجموعی طور پر فلم نے صرف امریکا میں ایک کھرب دو ارب چھیالیس کروڑ روپے سے زیادہ کا بزنس کرلیا۔

دنیا بھر میں تین کھرب چون ارب باسٹھ کروڑ روپے سے زیادہ آمدنی کر کے تاریخ رقم کردی۔ ’ ایونجرز اینڈ گیم‘ دنیا میں سب سے زیادہ کمائی کرنے والی فلم ’اواتار‘ کا ریکارڈ توڑنے کے در پہ پہنچ گئی، جس نے دنیا بھر سے تین کھرب پچانوے ارب تیرہ کروڑ روپے سمیٹے تھے۔

اس ہفتے ریلیز ہونے والی ایک اور سُپر ہیرو پوکیمون سلسلے کی فلم ’پوکیمون: ڈیٹیکٹیو پکاچو‘ نے بھی شاندار اوپننگ بزنس کیا ہے، صرف تین دنوں میں آٹھ ارب اکیس کروڑ روپے بٹور کر یہ دلچسپ فلم دوسرے نمبر پر آگئی ہے۔اسی ہفتے ریلیز ہونے والی فلم ’دی ہسل‘ ایک ارب اکانوے کروڑ سے زیادہ کا بزنس کر کے تیسرے نمبر پر رہی۔

لاہور(ایمرا نیوزآن لائن) ہالی وڈ فلم ‘آئی ٹی چیپٹر 2 ‘کاپہلا ٹریلر جاری کر دیا گیا ۔اینڈی موچیٹی کی ڈائریکشن میں بننے والی یہ فلم 2017میں ریلیز ہونے والی بلاک بسٹر فلم آئی ٹی کا سیکوئل ہے جس میں ایک بار پھر پر اسرار مسخرہ خوف و دہشت پھیلانے آرہا ہے۔فلم کی کاسٹ میں جیمز میک اووے،جسیکا چیسٹن،جے ریان،جیمز رینسون،بل ہیڈر اور اینڈی بین سمیت دیگر اداکار شامل ہیں۔فلم رواں سال6ستمبرکو امریکی سنیما گھروں کی زینت بنائی جائیگی۔

لاہور(ایمرا نیوزآن لائن) فواد خان اور ماہرہ خان کی فلم ’’دی لیجنڈ آف دی مولاجٹ ‘‘کی تشہیری مہم کی تیاریاں ایک بار پھر شروع کردی گئیں ہیں فواد خان اور ماہرہ خان کی فلم ’’دی لیجنڈ آف دی مولاجٹ ‘‘کی تشہیری مہم کی تیاریاں ایک بار پھر شروع کردی گئیں ہیں ۔

بتایاگیاہے کہ نئے سرے سے پوری کاسٹ کیساتھ تشہیری مہم ماہ صیام میں جاری رکھنے کی منصوبہ بندی کی جارہی ہے جس کیلئے تمام فنکاروں کی مصروفیات کومدنظر رکھ کر شیڈول ترتیب دیا جارہا ہے ۔ملٹی سٹاررز مووی ہونے کی بناپر فنکاروں کویکجا کرنا ایک مسئلہ بناہو اہے ۔فلم کی دیگر کاسٹ میں حمائمہ ملک، ریشم، بابر علی ، حمزہ علی عباسی، شفقت چیمہ اوردیگر فنکار شامل ہیں۔

لاہور(ایمرا نیوزآن لائن) مارول کامکس کی نئی سپر ہیرو ایکشن ایڈونچر فلم اسپائیڈر مین؛ فار فرام ہوم کا نیاٹریلر جاری کردیاگیا ۔جان واٹس کی ہدایتکاری میں بننے والی اس فلم میں اداکار ٹام ہالینڈ بحیثیت پیٹر پارکر/ اسپائیڈرمین مرکزی کردار میں جلوہ گر ہونگے جن کے علاوہ فلم کی دیگر کاسٹ میں مائیکل کیٹن،سیموئیل ایل جیکسن،میریسا ٹومی، ڈونلڈ گروور، مارٹن اسٹار، زینڈایااورٹونی ریولوری فلم کی دیگر کاسٹ میں نمایاں ہیں۔

کیون فیج اور ایمی پاسکل کی مشترکہ پرودیو کردہ اس فلم کی کہانی پیٹر پارکر نامی ایسے لڑکے گِرد گھوم رہی ہے جو غیرمعمولی صلاحیتوں کا مالک ہوتا ہے اور مکڑی کی طرح جال کے ذریعے بلند و بالا عمارتوں پر سیکنڈوں میں چڑھ جاتا ہے۔کولمبیا پکچرزاورمارول اسٹوڈیوزکی تیار کردہ ایکشن ایڈونچر فلم سونی پکچرز کے تحت5جولائی کو سنیماگھروں میں نمائش کیلئے پیش کی جائے گی۔

ممبئی (ایمرا نیوز آن لائن) بالی ووڈ کی خوبرو اداکارہ عالیہ بھٹ نے اپنے والد اور بالی ووڈ کے مشہور ہدایت کار مہیش بھٹ کے ساتھ فلم’ ’سڑک2“ سائن کی ہے،فلم اگلے برس 25مارچ کو سنیما گھروں میں نمائش کے لیے پیش کی جائے گی- فلم کے بارے میں بات کرتے ہوئے عالیہ نے کہا ہے کہ میں مہیش بھٹ کو بحیثیت والد جانتی ہوں لہٰذا بطور ہدایت کار مہیش بھٹ کے ساتھ کام کرنا ا?سان نہیں ہوگا۔

عالیہ نے مزیدکہا ہے کہ اس مرتبہ بالی ووڈ کے معروف اداکار سنجے دت عرف سنجو بابا نے مہیش بھٹ کو ’سڑک2‘ بنانے کے لیے قائل کیا ہے اور مہیش بھٹ 20سال بعد دوبارہ اس فلم کے ذریعے سے ہدایت کاری کی دنیا میں قدم رکھیں گے۔واضح رہے کہ سڑک 2مہیش بھٹ کی پرانی فلم سڑک کا سیکوئل ہے۔

لاہور(ایمرا نیوزآن لائن) ہالی ووڈ کرائم ڈرامہ فلم دی پوائزن روز(The Poison Rose)کا پہلاٹریلر جاری کردیا گیا ہے۔یہ فلم فرینسیسکو سنکوئیمانی کی ہدایتکاری میں بنائی گئی ہے۔ اس فلم کی کہانی ایک سابق فٹ بالر کے گرد گھوم رہی ہے ،جسے ٹیکساس میں واقع اسکے قصبے میں، ایک خاتون کی گمشدگی کی چھان بین کرنے کیلئے بھیجا جاتا ہے۔

فلم کی کاسٹ میں جوہن ٹریوولٹا،برینڈن فریسر،فیمکے جینسن،پیٹر اسٹورمیئر،رابرٹ پیٹرک اور کیٹ گراہم سمیت دیگر اداکار شامل ہیں۔جیف ایلیوٹ اور رچرڈ سیلویٹور کی مشترکہ پروڈیوس کردہ سنسنی خیز مناظر سے بھرپور یہ فلم 24مئی کو سینما گھروں میں نمائش کیلئے پیش کی جائے گی۔

اسلام آباد(ایمرا نیوز آن لائن )پاکستانی فلم رانگ نمبر 2 بیک وقت پاکستان سمیت بیرون ممالک میں بھی ریلیز کی جائے گی۔ذرائع ابلاغ کے مطابق یاسر نواز کی ہدایت کاری میں بننے والی محبت اور مزاح پر مبنی فلم رانگ نمبر 2 کی بیرون ممالک میں ریلیز کے لئے یاسر ندا حسن فلمز (وائے این ایچ ) نے ایروس انٹرنیشنل کمپنی سے اشتراک کر لیا ہے جبکہ پاکستان میں فلم کے ڈسٹریبیوٹر ڈسٹریبیوٹر کلب انٹرنیشنل ملٹی گروپ آف کمپنیز( آئی ایم جی سی) ہوں گے۔

فلم رواں سال عیدالفطر پر ریلیز کی جائے گی جو 2015 کی کامیاب فلم رانگ نمبر کا سیکوئل ہے جس میں اداکار سمیع خان، نیلم منیر، یاسر نواز، احمد حسن، ثنا فخر، جاوید شیخ، شفقت چیمہ اور دیگر اداکار شامل ہیں۔

لاس اینجلس: (ایمرا نیوزآن لائن)) ہالی وڈ میں فاسٹ اینڈ دی فیوریس سلسلے کی فلم ’’ہابس اینڈ شا‘‘ کا نیا ٹریلر جاری کر دیا گیا۔میڈیا رپورٹ کے مطابق ہابس اینڈ شا کو دی راک کی سیون بکس پروڈکشن اور یونیورسل سٹوڈیوز مشترکہ طور پر پروڈیوس کر رہے ہیں۔

اس نئی فلم کی ڈائریکشن ڈیڈپول 2 کے ڈائریکٹر ڈیوڈ لیٹچ نے دی ہے۔فلم کی کہانی میں بریکسٹن جینیاتی طور پر مختلف تبدیلیوں کے بعد سپرہیومین بن جاتا ہے اور وہ ڈیکارڈ شا کی بہن کا پیچھا کرتا ہے جس نے ایک ایسا وائرس چوری کر رکھا ہے جو آدھی دنیا کو موت کے گھاٹ اتار سکتا ہے، یہی سبب ہے کہ ہابس اور شا کو اس کے مدمقابل آنا پڑا ہے۔

ہوبس اینڈ شا فاسٹ اینڈ فیوریس سیریز میں 5 اور 6 حصے میں متعارف ہونے والے کردار ہیں جن کی جوڑی کو دی فیٹ آف دی فیوریس میں بہت زیادہ پسند کیا گیا تھا، مذکورہ فلم رواں سال 2 اگست کو ریلیز کی جائے گی۔

لاس اینجلس(ایمرا نیوز آن لائن) ایڈونچر اور کامیڈی فلموں کے دیوانوں کیلئے خوشخبری یہ ہے کہ ہالی ووڈ کمپیوٹر اینی میٹڈ فلم ٹوائے اسٹوری4کی نئی جھلکیاں جاری کردی گئیں۔جوش کولے کی ہدایتکاری میں بننے والی یہ فلم ٹوائے فلم سیریز کا چوتھا حصہ ہے جس میں شرارتی کردار ووڈی اور بز ایک مرتبہ پھر اپنی نٹ کھٹ حرکتوں سے مداحوں کو لطف فراہم کریں گے۔فلم میں آواز کا جادو جگانے والے فنکاروں میں ٹام ہینکس،ٹم ایلن،جون کسیک،بلیک کلارک،اینی پوٹس،مائیکل کیٹن اور بونی ہنٹ سمیت کئی اداکار شامل ہیں۔فلم 21جون کو سینما گھروں کی زینت بنے گی.

لاہور(ایمرا نیوزآن لائن) فلم شازام کا دوسرے ہفتے بھی باکس آفس پر جادو برقرار رہا، سپرہیرو فلم نے مزید چھتیس ارب روپے کا بزنس کرلیا۔شازام گزشتہ ایک ماہ میں وہ واحد فلم ہے جو نارتھ امریکن باکس آفس پر دوسرے ہفتے بھی سرفہرست ہے۔ہدایتکار ڈیوڈ ایف سینڈ برگ کی اس سنسنی خیز فلم کی کہانی ایک ایسے لڑکے کے گرد گھوم رہی ہے جسے اچانک جادوئی طاقت کے ذریعے بے پناہ طاقت مل جاتی ہے، لڑکا غیر معمولی طاقت کے ملتے ہی مضبوط جسامت والے نوجوان کا روپ دھار لیتا جسے اس کے دوست تک پہنچان نہیں پاتے۔

لڑکا خطرناک صلاحیتوں کا استعمال نہ جاننے پر اکثر مشکل میں گھِر جاتا، تاہم پھر اپنی طاقت کا اندازہ ہونے پر نوجوان دشمنوں کو منہ توڑ جواب دیتا ہے اور ان کا ڈٹ کر مقابلہ کرتا ہے۔پیٹر سیفران کی پروڈکشن میں بننے والے اس سپر ہیرو فلم میں مرکزی کردار ہالی ووڈ اسٹارزیچرے لیوی، عشر اینجل، مارک اسٹروگ، روز بٹلر اور ایڈم بروڈی سمیت کئی فنکار اہم ادا کیے۔اس ہفتے باکس آفس پر دوسرا نمبر فلم لٹل کا ہے، جارڈن ایک کھڑوس مالکن ہے جو جادوئی طور پر چھوٹی لڑکی میں بدل گئی ہے، اور اب ان ملازموں کے رحم و کرم پر ہے جو اس کا عذاب جھیلتے رہے۔لٹل نے ساڑھے پندرہ ملین ڈالر یعنی بائیس ارب روپے سے زائد کا بزنس کیا ہے۔ہیل بوائے سلسلے کی تیسری فلم ریلیز پر پچھلی دو فلموں کی طرح متاثر کن ثابت نہیں ہوئی، ہیل بوائے نے پہلے ہفتے بارہ ملین ڈالر یعنی سترہ ارب روپے کمائے ہیں۔