Tag murder

لاہور(ایمرا نیوزآن لائن) لاہور کے نواحی علاقے فیروزوالہ میں دیرینہ دشمنی پر فائرنگ کے تبادلے میں چار افراد زندگی کی بازی ہار گئے۔فیروزوالہ پولیس کے مطابق یوسی 108 گجرپورہ کا چیئرمین محمد افضل اپنے گن مین محمد جمیل کے ہمراہ بلکھے گاؤں کے قریب سے گزر رہا تھا کہ موٹرسائیکل سواروں نے فائرنگ کر دی، گولیاں لگنے سے محمد افضل اور گن مین محمد جمیل موقع پر دم توڑ گئے۔

پولیس کے مطابق گن مین جمیل نے بھی فائرنگ کی جس سے ایک حملہ آور عدیل جاں بحق ہو گیا جبکہ فائرنگ کی زد میں آکر ایک راہگیر اجمل بھی زندگی کی بازی ہار گیا۔پولیس کے مطابق فائرنگ ریاض سندھی گروپ اور صاحب گروپ میں دریائے راوی سے ریت نکالنے کے تنازع پر ہوئی۔

مقتول یوسی چیئرمین محمد افضل کا تعلق صاحب گروپ سے جبکہ حملہ آور عدیل کا تعلق ریاض سندھی گروپ تھا، پولیس نے لاشیں قبضے میں لے کر پوسٹمارٹم کے لیے اسپتال منتقل کر دیں۔آئی جی پنجاب عارف نواز نے واقعے کا نوٹس لیتے ہوئے ڈی پی او شیخوپورہ سے رپورٹ طلب کر لی ہے۔

فیصل آباد(ایمرا نیوز آن لائن)ہوٹل پر کام کرنے والے نوعمر لڑکے کی پراسرار ہلاکت، ساتھی کی حالت تشویشناک، پولیس نے نعش کے پوسٹ مارٹم کے بعد مرگ اتفاقیہ رپٹ درج کرلی۔ تھانہ لنڈیانوالہ کے علاقہ 570 میں قائم سلیم ہوٹل کے دو ملازمین 16 سالہ شاہ زیب ولد ہدایت علی سکنہ لنڈیانوالہ اور 22 سالہ شہباز علی ولد منشاءپیر کی رات مذکورہ ہوٹل کا شٹر بند کر کے اندر سو گئے، منگل کی صبح جب مالک نے ہوٹل کھولا تو شاہ زیب مردہ حالت میں پایا گیا اس کے دوسرے ساتھی شہباز علی کو نیم بے ہوشی کے عالم میں پایا گیا اس کے دوسرے ساتھی شہباز علی کو نیم بے ہوشی کے عالم میں ہسپتال منتقل کیا گیا جہاں اس کا علاج جاری ہے۔ پولیس کا کہنا ہے کہ پوسٹ مارٹم رپورٹ کے بعد اصل حقیقت کا علم ہوگا جس کے بعد مزید قانونی کارروائی کی جائے گی۔

کراچی(ایمرا نیوزآن لائن) کراچی میں یونیورسٹی روڈ پر فائرنگ کرکے رکشہ میں سوار 19 ماہ کے شیرخوار احسن کو قتل کرنے کے مقدمہ میں سچل تھانے کے 4 پولیس اہلکاروں کو گرفتارکرکے اسلحہ برآمد کرلیا گیا ہے۔ایڈیشنل آئی جی کراچی ڈاکٹر امیر شیخ نے بتایا کہ یہ تاثر غلط ہے کہ مقدمہ والدین کی مرضی کے بغیر اور نامعلوم ملزمان کے خلاف درج کیا گیا۔ علاقے کی سی سی ٹی وی فوٹیج بھی حاصل کی جارہی ہے جن کی بنیاد پر تحقیقات آگے بڑھائی جائیں گی۔

کراچی پولیس چیف کے مطابق سچل تھانے میں ایف آئی آر نمبر 2019/211 دو موٹرسائیکلوں پر سوار 4 پولیس اہلکاروں کے خلاف درج کی گئی ہے۔ایس ایچ او سچل پولیس اسٹیشن جاوید ابڑو کے مطابق واقعےمیں براہ راست فائرنگ پولیس کانسٹیبل امجد نے سرکاری اور چھوٹے ہتھیار نائن ایم ایم پستول سے کی۔ پولیس کے مطابق اس واقعے کے دوران ملزم کے ساتھ موجود تین دیگر اہلکاروں عبدالصمد، خالد اور پیارو کو بھی گرفتارکرلیا گیا ہے۔پولیس کے مطابق گرفتار چاروں پولیس اہلکاروں کا سرکاری اسلحہ بھی قبضے میں لے لیا گیا ہے، ملزمان کو اس مقدمہ کے تحت عدالت میں پیش کرکے جسمانی ریمانڈ لیا جائےگا۔

واضح رہےگذشتہ رات گلستان جوہر میں یونیورسٹی روڈ پر19 ماہ کے شیرخوار احسن کو رکشہ میں گولی لگی تھی جو اسپتال لائے جانے کے دوران جاں بحق ہوگیا۔واقعے کا مقدمہ متوفی کے والد کاشف راجہ نے چار موٹر سائیکل سوار پولیس اہلکاروں کے خلاف درج کرایا تھا۔

کراچی(ایمرا نیوزآن لائن) کراچی سے ماڈلنگ کے لیے لاہور آنے والی بائیس سالہ لڑکی کو قتل کردیا گیا۔پولیس کے مطابق تین نامعلوم ملزمان 22سالہ لڑکی کی لاش سرکاری اسپتال چھوڑ کر فرار ہوگئے، لڑکی کی شناخت اقرا سعید کے نام سے ہوئی ہے جو ماڈلنگ کی غرض سے لاہور آئی تھی ۔پولیس کا کہنا ہے کہ شبہ ہے کہ لڑکی کو نشہ آورچیز کھلا کرقتل کیا گیا تاہم تین ملزمان کے خلاف قتل کامقدمہ درج کرلیا گیا۔پولیس نے مزید بتایا کہ مقتول لڑکی کے والد کو کراچی سے لاہور بلایا لیا گیا۔

ملزم نے معصوم بچے کو اغواءکے بعد قتل کیا‘جس کی لاش تین روز بعد ملی
شیخوپورہ (ایمرا نیوز آن لا ئن )صفدرآباد میں انسانیت سوز واقعہ ،سگے ماموں نے چار بہنوں کے اکلوتے بھائی 8 سالہ حقیقی بھانجے علی شیر کو اغواء کے بعد قتل کرکے نہر میں پھینک دیا۔ معصوم بچہ کی لاش تین روز بعد میلی برجی کے قریب نہر سے مل گئی ۔تفصیلات کے مطابق صفدرآباد کے نواحی گاؤں اصغر آباد کے رہائشی محنت کش وقاص کے 8 سالہ بیٹے علی شیر کو گوجرانوالہ سے آئے ہوئے اس کے سگے ماموں علی رضا تین روز قبل گھر سے اغواء کرکے لیجا کر قریبی نہر میں علی رضا کو گلہ دبا کر قتل کردیا اور نعش نہر میں پھینک کر فرار ہوگیا مقتول بچے علی شیر کی لاش آج صفدرآباد کے قریبی گاؤں میلی برجی کے قریب نہر سے لاش مل اطلا ع ملتے ہی مقامی پولیس موقع پر پہنچ گئی اور علی شیر کی لاش کو قبضہ میں لیکر ضروری کاروائی شروع کردی معصوم علی شیر چار بہنوں کا اکلwوتا بھائی ہے علی شیر کے والد وقاص کے مطابق چار روز قبل علی شیر سکول میں سالانہ رزلٹ میں دوسری جماعت سے اوّل پوزیشن بھی حاصل کی۔

جہلم: چکوہا میں باپ نے غیرت کے نام پر بیٹی کو قتل کردیا
جہلم(ایمرا نیوز آن لائن) چکوہا میں باپ نے غیرت کے نام پراپنی ہی بیٹی کو قتل کردیا۔جہلم میں ماڈل تھانہ دینہ کی حدود چکوہا میں باپ نے غیرت کے نام پراپنی ہی بیٹی کو قتل کردیا۔ پولیس کا کہنا ہے کہ ملزم ملک رفیق چکوہا کے علاقہ ڈھوک آئمہ کا رہائشی ہے، لاش کو قبضے میں لے کرپوسٹ مارٹم کے لیے ڈی ایچ کیو جہلم روانہ کردی گئی۔پولیس نے ماڈل تھانہ دینہ میں سفاک ملزم کے خلاف مقدمہ درج کرلیا ہے جب کہ گرفتاری کے لیے چھاپے مارے جارہے ہیں۔

عدالت کا ملزموں کے بیان قلمبند کرنے کافیصلہ، پی ٹی وی،پارلیمنٹ حملہ کیس، شاہ محمود قریشی،اسدعمر اور جہانگیر ترین کی حاضری سے استثنیٰ کی درخواست منظور،آئندہ سماعت پر علیم خان طلب
اسلام آباد(ایمرا نیوز آن لائن)پی ٹی وی ،پارلیمنٹ حملہ کیس میں انسداد دہشتگردی عدالت نے شاہ محمود قریشی،اسد عمر ،جہانگیر ترین کی حاضری سے استثنیٰ کی درخواستیں منظورکرلیں ،عدالت نے آئندہ سماعت پرپی ٹی آئی رہنما اور رکن پنجاب اسمبلی علیم خان کو طلب کرلیا۔تفصیلات کے مطابق انسداد دہشتگردی عدالت میں پی ٹی وی ،پارلیمنٹ حملہ کیس کی سماعت ہوئی،پی ٹی آئی اعجاز چودھری اورسیف اللہ نیازی عدالت میں پیش ہوئے جبکہ شاہ محمود قریشی ،اسد عمر ،جہانگیر ترین اور دیگرنے حاضری سے استثنیٰ کی درخواست دیدیں جو عدالت نے منظور کرلی۔عدالت نے آئندہ سماعت پر پی ٹی آئی رہنما اور رکن پنجاب اسمبلی علیم خان کو طلب کر لیا،عدالت نے پیشی کے انتظامات کیلئے تھانہ سیکرٹریٹ اور ایس ایچ او کو نوٹس جاری کردیااور سماعت2 مئی تک ملتوی کردی.

نوشہرہ(ایمرا نیوز آن لائن)پبی کے علاقے میں مسلح افراد نے گھر میں گھس کر فائرنگ کرکے میاں بیوی سمیت 5 افراد کو قتل کردیا، ملزمان واردات کے بعد فرار ہونے میں کامیاب ہو گئے۔ میڈیا رپورٹس کے مطابق نوشہرہ میں پبی کے علاقے میں مسلح افراد نے گھر میں گھس کر فائرنگ کرکے میاں بیوی سمیت 5 افراد کو قتل کردیا،جاں بحق ہونے والوں میں 3 بچے بھی شامل ہیں ،جاں بحق ہونے والے تمام افراد کا قتل ایک ہی خاندان سے ہے ،ملزمان واردات کے بعد فرار ہونے میں کامیاب ہو گئے۔پولیس نے لاشیں قبضے میں لے کر ہسپتال منتقل کردیں اور مقدمہ درج کرکے تفتیش شروع کردی۔

ماڈل اپارٹمنٹ کرائے پر دینے کی خواہشمند تھی ، پولیس نے ملزم کو گرفتار کرلیا
ماسکو (ایمرا نیوز آن لائن)روس کی پولیس نے اپارٹمنٹ کرائے پر دینے کی خواہشمند ماڈل کرینہ شانکینہ کے ریپ اور قتل میں ملوث 31 سالہ شخص کو گرفتار کرلیا۔ پولیس کا کہنا تھا کہ 20 سالہ ماڈل کی لاش ان کے اپارٹمنٹ کے باتھ ٹب سے برہنہ حالت میں ملی تھی اور ابتدائی طور پر بتایا گیا کہ ماڈل کی ہلاکت پانی میں ڈوبنے کے باعث ہوئی۔رپورٹ کے مطابق ماڈل کی والدہ نے پولیس سے اپنی بیٹی کے لاپتہ ہونے سے متعلق رپورٹ درج کروائی تھی، جس کے بعد پولیس نے ماڈل کی لاش ان کے اپارٹمنٹ سے برآمد کی اور شواہد جمع کرکے، ہاتھوں کے نشان کی مدد سے، ایک شخص کو گرفتار کرلیا، جن کی شناخت ظاہر نہیں کی گئی۔رپورٹ کے مطابق مذکورہ شخص ایک اور خاتون سے شادی کے بغیر نجی تعلقات استوار کرنے کے لیے ماڈل کا اپارٹمنٹ کرائے پر حاصل کرنا چاہتا تھا، مذکورہ خاتون کی شناخت بھی ظاہر نہیں کی گئی ہے۔اس میں مزید بتایا گیا کہ کرینہ نے اپارٹمنٹ کرائے پر دینے کے لیے اشتہار دیا تھا اور ملزم مذکورہ اپارٹمنٹ دیکھنے کے لیے آیا تھا۔کرینہ نے مذکورہ شخص کو اپارٹمنٹ دکھایا اور اس دوران ملزم نے کرینہ پر حملہ کردیا۔واقعے کے حوالے سے پولیس کا کہنا تھا کہ ‘ملزم نے کرینہ کے ریپ کے بعد اسے قتل کرنے کا ارادہ کیا کیونکہ وہ خوف زدہ تھا کہ ماڈل ریپ سے متعلق پولیس کو شکایت کردے گی’۔پولیس کے مطابق ملزم نے کرینہ کو باتھ ٹب میں ڈالا اور پانی میں ڈبو دیا، جس کی وجہ سے وہ ہلاک ہوگئی، جس کے بعد ملزم اپارٹمنٹ سے فرار ہوگیا تاہم اس کے فنگر پرنٹس سے اسے گرفتار کرلیا گیا۔

شیخوپورہ(نیٹ نیوز/ایمرا نیوز) پنجاب کے شہر شیخوپورہ میں 2مختلف مقامات پر معمرخاتون اور ایک نوجوان کو قتل اور ایک خاتون کوزخمی کر دیا گیا۔پولیس نے دونوں واقعات کے مقدمات درج کر کے ملزمان کی تلاش شروع کر دی۔پہلا واقعہ شیخوپورہ کے علاقے کوٹ عبدالمالک کی چٹھہ کالونی میں پیش آیا، جہاں 2نامعلوم افراد نے محنت کش زاہد کے گھر کے دروازے پر دستک دی۔زاہد کی معمروالدہ بانو بی بی نے دروازہ کھولا تو ملزم گھر میں گھس گئے، بانو بی بی کےپہچان لینے پر ملزمان نے ڈنڈے مار کر انہیں ہلاک کر دیا۔زاہد کی اہلیہ عطیہ آگے بڑھی تو ملزم نے اسے بھی ڈنڈے مار کر زخمی کر دیا اور فرار ہو گئے۔پولیس نے مقدمہ درج کر کے ملزمان کی تلاش شروع کر دی ہے۔ادھر شیخو پوری کے علاقے لاہور روڈ کی آبادی سگیاں میں بھی نامعلوم موٹرسائیکل سوار ملزمان نے فائرنگ کر کے فضیل نامی نوجوان کوقتل کر دیا اور فرار ہو گئے ۔