Tag muslims

مسجد نمرہ کے امام الشیخ محمد بن حسن نے خطبہ حج میں کہا ہے کہ مسلمان اپنے آپ کو سیاسی طور پر مضبوط کریں۔

مکہ مکرمہ (ایمرا نیوز آن لائن)
الشیخ محمد بن حسن نے مسجد نمرہ سے خطبہ حج دیتے ہوئے کہا کہ نجات کا راستہ صرف اللہ کی رسی کو مضبوطی سے تھامنے میں ہے، قرآن میں فرمایا گیا اللہ کی رسی کو مضبوطی سے تھام لیا جائے اور جدا جدا راستے نہ اختیار کیے جائیں، نبی کریم ﷺ نے مسلم امہ کو ایک جسم کی مانند قرار دیا، مومن اللہ اور اس کے رسول کی اطاعت کریں، ایک دوسرے کیلیے مغفرت کی دعا کریں، نماز قائم کریں اور برائی کو روکیں، اللہ نے انسانوں اور جنات کو اپنی عبادت کیلئے بنایا ہے۔

خطبہ حج میں کہا گیا کہ اسلام دین رحمت ہے، انسان ہو یا جانور، سب سے رحمت کا معاملہ کریں، امت کو چاہیے ایک دوسرے سے شفقت کا معاملہ رکھے اور نفرتیں ختم کرے، رحم دلی سے آپس میں تعاون اور بھائی چارہ قائم کرو، رسول ﷺ نے فرمایا ہے کہ تم زمین والوں پر رحم کرو اللہ تم پر رحم فرمائے گا، اپنے والدین کے ساتھ بھلائی کا راستہ اختیار کریں، والدین کے بعد دیگر رشتے داروں سے اچھا رویہ اختیار کریں۔

الشیخ محمد بن حسن نے کہا کہ مسلمان نماز قائم کریں اور اللہ کے راستے پر مضبوطی سے چلیں، اہل ایمان کو تقویٰ کا راستہ اختیار کرنا چاہیے، مسلمان اپنے آپ کو سیاسی طور پر مضبوط کریں، اللہ کی توحید اور وحدانیت کو مضبوطی سے پکڑنا چاہیے، مخلوق کو پیدا کرنے کا مقصد ہے اللہ کی عبادت کی جائے، جو اللہ سے ڈرتا ہے اللہ اسے دنیا و آخرت کے خوف سے نجات دلاتا ہے۔

خطبہ حج میں کہا گیا کہ اللہ کی رحمت بہت وسیع ہے، کائنات پر غور سے اللہ کی وحدانیت پر پختہ ایمان پیدا ہوتا ہے، اے عقل والو اللہ کی کائنات اور اس نظام پر بار بار غور کرو، امت مسلمہ نفرتوں کو مٹادے، نیکی میں تعاون کرے، امت مسلمہ میں جس قدر محبت ہوگی اسی قدر امن ہوگا، جو اپنے نفس کا تزکیہ کرتا ہے اللہ اسے پاکی عطا کرتا ہے، یہ ایام تشریق ہیں، ان ایام میں کثرت سے اللہ کا ذکر کرنا چاہیے.

اللہ تعالیٰ امت مسلمہ میں اتحاد و یگانگت پیدا فرمادے۔

ممبئی:(ایمرا نیوزآن لائن) بالی ووڈ کے شہنشاہ امیتابھ بچن اوراداکاررشی کپور نے ہرسال کی طرح رواں سال بھی امت مسلمہ کو رمضان کی مبارکباد دی ہے۔ماہ رمضان امت مسلمہ کے لیے رحمتیں اوربرکتیں لے کرآتا ہے، رحمتوں کے اس مہینے میں تمام مسلمان آپسی اختلافات بھلا کر ایک دوسرے کو رمضان کی مبارکباد دیتے ہیں۔ بالی ووڈ انڈسٹری میں ایک بڑی تعداد مسلم فنکاروں کی ہے، بالی ووڈ میں بھی ماہ رمضان کا بالکل اُسی طرح اہتمام کیا جاتا ہے جس طرح پوری دنیا میں کیا جاتا ہے۔ رحمتوں کے اس مہینے میں جہاں تمام مسلمان ایک دوسرے کو رمضان کی مبارکباد دیتے ہیں وہیں بالی ووڈ فنکار بھی امت مسلمہ کو رحمتوں اور برکتوں والے اس مہینے کی مبارکباد دیتے ہیں۔

بالی ووڈ کے شہنشاہ امیتابھ بچن رمضان کی آمد کے موقع پر امت مسلمہ کو کبھی بھی مبارکباد دینا نہیں بھولتے ہر سال کی اس سال بھی انہوں نے تمام مسلمانوں کومبارکباد دیتے ہوئے کہا رمضان کا مطلب محبت، امن اور ایک دوسرے کو سمجھنا ہے۔
امیتابھ بچن کی طرح بالی ووڈ اداکار رشی کپور بھی ہر سال امت مسلمہ کو رمضان کی مبارکباد دیتے ہیں رواں برس بھی انہوں نے مسلمانوں کو مبارکباددیتے ہوئے انہیں اپنا بھائی قرار دیا۔

کینیڈا(ایمرا نیوزآن لائن) کینیڈین وزیر اعظم جسٹن ٹروڈو نے حسب معمول ماہ رمضان کی آمد پر مسلمانوں کو مبارکباد پیش کرتے ہوئے اپنی نیک خواہشات کا اظہار کیا۔ایک ویڈیو پیغام میں مکمل اسلامی طریقے سے سلام کرتے ہوئے ٹروڈو نے کہا کہ رمضان کا مہینہ نعمتوں کا شکر ادا کرنایاد کرواتاہے اور ساتھ ہی ساتھ مستحق لوگوں کی مدد کا درس بھی دیتا ہے۔

اپنے پیغام میں ان کا کہنا تھا کہ کینیڈین مسلمان ہر روز ملک کی ترقی میں اپنا کردار ادا کرتے ہیں اس لیے یہ ضروری ہے کہ ان کے اس کام کو سراہا جائے۔پیغام کے اختتام پر اپنی اہلیہ اور فیملی کی جانب سے رمضان کی مباکباد دیتے ہوئے اپنی نیک تمناؤں کا اظہار کیا۔

سوئٹزر لینڈ (نیٹ نیوز/ایمرا نیوز) سوئٹزر لینڈ میں ایک مسلمان نوجوان نے اپنے دوست کے اچانک سامنے آنے پر ”اللہ واکبر“ کے الفاظ ادا کیے تو پولیس نے اس پر تیس ہزار روپے(210سوئس فرانک) جرمانہ عائد کردیا۔غیر ملکی میڈیا کے مطابق بائیس سالہ مسلمان نوجوان آرحان ای سوئٹزر لینڈ کے شہر شف ہاون کا ہی رہنے والا ہے، جہاں اس کی اچانک ملاقات اپنے دوست سے ہوگئی جسے دیکھتے ہی حیرانگی سے انہوں نے نعرہ تکبیر اللہ اکبر بلند کیا،جس پر پولیس نے دہشتگرد انہ حملے کے خوف سے ان پر جرمانہ عائد کردیا۔ یہ واقعہ گزشتہ برس مئی میں پیش آیا۔آرحان کا کہنا تھا کہ وہ اسی شہر میں پیدا ہوا،اسے پہلے کبھی ایسے تجربے کا سامنا نہیں ہوا۔ پولیس نے مسلح ہتھیاروں کے ساتھ ا ن کی تلاشی لی جب انہوں نے اپنے دوست کا سامنا کرنے پر حیرانگی سے ”اللہ اکبر“ کے الفاظ ادا کیے۔انہوں نے کہا کہ اچانک پولیس افسر نے مجھے بلایا اور پوچھا کہ اس اصطلاح یا الفاظ کا مطلب کیاہے جس پر انہوں نے پولیس افسر کو وضاحت سے بتایا کہ اس سے مرادکسی کو نقصان دینا نہیں بلکہ جب کسی سے ملاقات ہوتی ہے تو ا س وقت یہ بولتے ہیں اور تقریباً ہم ہر دوسرے جملے کے ساتھ ان الفاظ کو ادا کرتے ہیں جس پر پولیس حکام نے انہیں دھمکایا کہ اگر انہوں نے جرمانہ ادا نہ کیا تو انہیں جیل بھیج دیں گے، پولیس نے 150 سوئس فرانک کا جرمانہ کیا اور مزید ساٹھ فرانک کے ساتھ210فرانک جمع کرانے کا حکم دیا۔پولیس نے اپنے اقدام کا دفاع کرتے ہوئے کہا کہ ان کے یہ الفاظ لوگوں کو خوفزدہ کرسکتے تھے، پولیس نے ویسا ہی کیا جیسا اس صورت حال میں کیا جاسکتا ہے۔پولیس ترجمان کا کہنا تھا کہ ممکنہ طور پر لوگوں میں خوف وہراس پھیل سکتا تھا، یہی وجہ تھی کہ پولیس افسر کواس صورتحال کا معائنہ کرنا پڑا کیونکہ حالیہ سالوں میں دہشت گرد حملوں میں اس اصطلاح کا استعمال کیا گیا۔ایک اورپولیس افسر کا کہنا تھا کہ اظہار کا یہ انداز ایسا تھا جو جرمانے کا سبب بنا۔

پیرس ( ایم نائن ٹو ڈاٹ ٹی وی ) ڈونلڈ ٹرمپ کے مقبوضہ بیت المقدس (یروشلم) کو اسرائیل کا دارالخلافہ بنانے کے فیصلے پر دنیا بھر میں تنقید کا نشانہ بنایا جارہا ہے۔فرانسیسی خبر رساں ادارے اے ایف پی نے اپنی رپورٹ بتایا کہ دنیا بھر میں ڈونلڈ ٹرمپ کے فیصلے پر تنقید کی گئی۔
امن کا خاتمہ
امریکی صدر کے مذکورہ فیصلے پر فلسطینی صدر محمود عباس کا کہنا تھا کہ ڈونلڈ ٹرمپ کے اس فیصلے کے بعد، امریکا اب امن کی بحالی میں کردار ادا کرنے کا حق کھو چکا ہے۔اپنی تقریر میں انہوں نے کہا کہ ڈونلڈ ٹرمپ کے اقدامات ناقابل قبول ہیں جن کی وجہ سے خطے میں امن کو شدید نقصان پہنچے گا۔
دو ریاستی معاہدے کی تباہی
فلسطینی لبریشن آرگنائزیشن کے سیکریٹری جنرل کا کہنا تھا کہ ڈونلڈ ٹرمپ نے اسرائیل اور فلسطینی تنازع میں دو ریاستوں کے معاہدے کی امید کو تباہ کردیا۔صائب عریقات نے صحافیوں سے گفتگو کرتے ہوئے کہا کہ ڈونلڈ ٹرمپ نے دو ریاست کے معاہدے کو تباہ کردیا ہے۔
جہنم کا دروازہ کھول دیا گیا
حماس کا کہنا تھا کہ ڈونلڈ ٹرمپ کے فیصلے نے جہنم کے دروازے کو کھول دیا۔غزہ پٹی میں چلنے والی فلسطینی اسلامی تحریک کے حکام نے صحافیوں سے گفتگو کرتے ہوئے کہا کہ ‘خطے کے حوالے سے امریکی مفاد میں ڈونلڈ ٹرمپ کا یہ فیصلہ جہنم کے دروازے کھول دے گا۔
بین الاقوامی قوانین کی خلاف ورزی
اردن نے بھی ڈونلڈ ٹرمپ کے فیصلے کی مذمت کرتے ہوئے اسے بین الاقوامی قوانین اور اقوام متحدہ کے چارٹر کی خلاف ورزی قرار دے دیا۔اردن حکومت کے ترجمان محمد مومنی کا کہنا تھا کہ ڈونلڈ ٹرمپ کا مقبوضہ بیت المقدس کو اسرائیل کا دارالخلافہ تسلیم کرنے اور امریکی سفارتخانے کو مقبوضہ بیت المقدس منتقل کرنے کا فیصلہ بین الاقوامی قوانین اور اقوام متحدہ کے چارٹر کی خلاف ورزی ہے۔
غیر ذمہ دارانہ اور غیر قانونی
ترکی نے ٹرمپ کے مقبوضہ بیت المقدس کے حوالے سے فیصلے کو غیر ذمہ دارانہ اور غیر قانونی قرار دے دیا۔ترکی کے وزیر خارجہ مولود تشاويش اوغلو نے سماجی رابطے کی ویب سائٹ ٹوئٹر پر پیغام دیتے ہوئے کہا کہ ‘ہم امریکی انتظامیہ کے غیر ذمہ دارانہ بیان کی مذمت کرتے ہیں، یہ فیصلہ بین الاقوامی قوانین اور اس سے متعلقہ اقوام متحدہ کی قراردادوں کے خلاف ہے’۔
امن کے لیے نامناسب اقدام
برطانوی وزیر اعظم تھریسا مے کا کہنا تھا کہ برطانوی حکومت ڈونلڈ ٹرمپ کے فیصلے سے اختلاف رکھتی ہے۔اپنے بیان میں ان کا کہنا تھا کہ ہم امریکی سفارتخانے کی مقبوضہ بیت المقدس منتقلی اور بیت المقدس کو اسرائیل کا دارالخلافہ تسلیم کرنے کے فیصلے سے اختلاف رکھتے ہیں۔ان کا کہنا تھا کہ ڈونلڈ ٹرمپ کا یہ فیصلہ خطے میں امن کے لیے نامناسب اقدام ہے۔
افسوسناک فیصلہ
فرانسیسی صدر ایمانوئل میکرون نے ڈونلڈ ٹرمپ کے فیصلے کو افساس ناک قرار دیا اور تشدد کی فضاء سے بچنے کے لیے تمام ضروری اقدامات کرنے پر زور دیا۔ان کا کہنا تھا کہ ‘فرانس اور یورپ کو دو ریاستی معاہدے، جس میں اسرائیل اور فلسطین ساتھ ساتھ بین الاقوامی طور پر تسلیم کی گئی سرحد کے ساتھ امن کے ساتھ رہ رہے ہیں، کی حمایت کرتا ہے جس میں مقبوضہ بیت المقدس دونوں ریاستوں کا دارالخلافہ ہے۔
ڈونلڈ ٹرمپ کا تاریخی فیصلہ
ادھر اسرائیلی وزیر اعظم نیتن یاہو نے ڈونلڈ ٹرمپ کے فیصلے کو جرات مندانہ اور تاریخی قرار دیا۔نیتن یاہو کا کہنا تھا کہ ڈونلڈ ٹرمپ کے فیصلے سے یہودیوں، عیسائیوں اور مسلمانوں کے شہر میں موجود مقدس مقامات کی حیثیت میں کوئی تبدیلی نہیں آئے گی۔

(میڈیا نائن ٹو ڈاٹ ٹی وی )پوپ فرانسس نے میانمار سے بے گھر ہونے والے مسلمانوں پر ہونے والے ظلم پر معافی مانگتے ہوئے ان کو حقوق دینے کا مطالبہ کیا اور دو روز قبل لفظ روہنگیا کہنے سے انکار کے بعد پہلی مرتبہ ڈھاکا میں ایک اجتماع میں روہنگیا کا لفظ بھی ادا کیا۔پوپ فرانسس نے بنگلہ دیش میں موجود روہنگیا مسلمانوں کے ایک گروپ سے ملاقات کی اور ان کی دکھ بھری کہانی سنی اور ان کے ساتھ ہمدردی کا اظہار کیا۔انھوں نے دنیا کی بے حسی پر معذرت کرتے ہوئے انھیں روہنگیا کے نام سے مخاطب کیا۔پوپ فرانسس کا کہنا تھا کہ آج خدا کی موجودگی بھی روہنگیا کہے گی۔بنگلہ دیش کے سرحدی علاقے کوکس بازار میں قائم مہاجرکیمپ سے 12 مرد، 2 خواتین اور 2 کم سن لڑکیوں سمیت 16 روہنگیا افراد دارالحکومت ڈھاکا پہنچے جبکہ مہاجر کیمپ میں 6 لاکھ 20 ہزار سے زائد افراد موجود ہیں۔خیال رہے کہ میانمار میں بدترین فسادات کا شکار ہوکر ہجرت پر مجبور ہونے والے روہنگیا مسلمانوں کو میانمار کے مقامی بدھ مذہب کے پیروکار اور حکومت انھیں روہنگیا نہیں مانتی اور انھیں بنگالی مہاجرین کہا جاتا ہے۔میانمار انھیں مقامی بھی نہیں سمجھتا اور شہریت بھی دینے کو تیار نہیں جبکہ وہ کئی نسلوں سے میانمار میں رہتے ہیں۔ڈھاکا پہنچنے والے روہنگیا مسلمانوں کے گروپ کے تمام اراکین نے انفرادی طور پر پوپ فرانسس سے ملاقات کی اور بچوں اور جوانوں کو حوصلہ دیا۔پوپ فرانسس کا کہنا تھا کہ ‘ہوسکتا ہے کہ ہم آپ کے لیے زیادہ کچھ نہ کرسکیں لیکن آپ کا دکھ ہمارے دلوں میں ہے۔انھوں نے بھرائی ہوئی آواز میں کہا کہ ‘ان تمام افراد کی جانب سے جنھوں نے آپ کو سزا دی، جنھوں نے آپ کو دکھ پہنچایا اور دنیا کی بے حسی پر میں آپ سے معافی کا خواست گار ہوں۔پوپ فرانسس نے روہنگیا مہاجرین کے حقوق کو مسلمہ قرار دیتے ہوئے اس کو اجاگر کرتے رہنے کا اعادہ کیا اور بنگلہ دیش کو ان مہاجرین کی مدد پر بڑے دل کا مظاہرہ قرار دیتے ہوئے مزید مدد جاری رکھنے کی اپیل کی۔خیال رہے کہ پوپ فرانسس نے میانمار میں میزبان سے سفارتی اقدار کے خیال سے کھلے عام لفظ روہنگیا ادا کرنے احتراز برتا تھا جس کے بعد انسانی حقوق کی تنظیموں اور خود روہنگیا مسلمانوں کی جانب سے شدید مایوسی کا اظہار کیا تھا۔پوپ فرانسس کی جانب سے روہنگیا نہ کہنے کے معاملے پر روہنگیا مسلمان افراد ان سے ملنے ڈھاکا پہنچے اور انھیں ان کی شناخت کے اعتراف پر زور دیا۔32 سالہ روہنگیا مسلمان محمد ایوب کا کہنا تھا کہ ‘وہ دنیا کے رہنما ہیں اور انھیں وہ لفظ کہنا چاہیے کہ ہم روہنگیا ہیں۔ پوپ فرانسس نے ان افراد کی آمد پر شکریہ ادا کرتے ہوئے کہا کہ ‘آپ کی عزت افزائی کا شکریہ اور اس سے چرچ سے آپ کی محبت کا بھی اظہار ہوتا ہے۔