Tag nawaz sharif

لندن: سابق وزیراعظم نوازشریف کے مرض کی تشخیص کے لیے ان کا ’پی ای ٹی‘ اسکین آئندہ ہفتے ہوگا۔

سابق وزیراعظم نواز شریف کا لندن میں علاج جاری ہے جہاں آج ان کے مزید ٹیسٹ ہوں گے۔

ذرائع کے مطابق نواز شریف کا ’پی ای ٹی‘ اسکین آئندہ ہفتے ہوگا جس سے ان کے مرض کی تشخیص میں مدد ملے گی۔ فیملی ذرائع کا کہنا ہےکہ نواز شریف کی گزشتہ روز گھر میں دو تھراپیز کی گئیں،ماہر ڈاکٹروں کی ٹیم ان کی صحت کی بحالی کیلئے کوشاں ہے۔

دوسری جانب نواز شریف کے ذاتی معالج ڈاکٹر عدنان نے سوشل میڈیا پر جاری بیان میں بتایا کہ سابق وزیراعظم کا علاج کنگز کالج لندن کے ہیماٹولوجسٹ اور امراض قلب کے بہترین ڈاکٹرز کر رہے ہیں، ابتدائی طور پر تھرومو بائسیپینیا کی وجہ معلوم کرنے کی کوشش کی جا رہی ہے۔ ڈاکٹر عدنان نے بتایاکہ نواز شریف کے مرض کی تشخیص کے لیے اسکین اور بائیپسی کی جائے گی، مرض کی تشخیص ہی نواز شریف کے علاج کے لیے معاونت فراہم کرے گی۔

نوازشریف کیس: کب کیا ہوا؟
21 اور 22 اکتوبر کی درمیانی شب نواز شریف کی طبعیت خراب ہوئی اور اسپتال منتقل کیاگیا

25 اکتوبر، چوہدری شوگر ملز کیس میں طبی بنیاد پر نواز شریف کی ضمانت منظور ہوئی

26 اکتوبر،العزيزيہ ریفرنس میں انسانی بنیادوں پر نوازشریف کی عبوری ضمانت منظور ہوئی

26 اکتوبر، نواز شریف کو ہلکا ہارٹ اٹیک ہوا، وزیرصحت پنجاب یاسمین راشد نے تصدیق کی

29 اکتوبر، العزيزيہ ریفرنس میں طبی بنیاد پر نوازشریف کی2 ماہ کے لیے سزا معطل کردی گئی

نوازشریف سروسزاسپتال سےڈسچارج ہوئے، جاتی امرامیں آئی سی یوبناکرمنتقل کیا گیا

8 نومبر، شہباز شریف نے وزارت داخلہ کو نوازشریف کا نام ای سی ایل سے نکالنے کی درخواست دی

12 نومبر ، وفاقی کابینہ نے نوازشریف کو باہر جانے کی مشروط اجازت دی،

14 نومبر ، ن لیگ نے انڈيمنٹی بانڈ کی شرط لاہور ہائی کورٹ میں چیلنج کردی

16 نومبر، لاہور ہائی کورٹ نے نواز شریف کوعلاج کےلیےبیرون ملک جانے کی اجازت دے دی

19 نومبر ، نواز شریف علاج کیلئے لندن روانہ ہوگئے

20 نومبر ،لندن کے گائز اسپتال میں نواز شریف کا 4 گھنٹے تک طبی معائنہ کیا گیا۔

خیال رہے کہ نواز شریف اپنے بھائی شہباز شریف اور ذاتی معالج ڈاکٹر عدنان کے ہمراہ 19 نومبر کی شب لندن پہنچے تھے اور 20 نومبرکو ان کا 4 گھنٹے طویل طبی معائنہ لندن کے گائز اسپتال میں ہوا تھا۔

لاہور(میڈیانیوزآن لائن) ہائی کورٹ نے سابق وزیراعظم نواز شریف کو 4 ہفتوں کے لیے علاج کی غرض سے باہر جانے کی اجازت دیتے ہوئے حکومت کو ان کا نام ای سی ایل سے نکالنے کا حکم دیا تھا۔

حکومت نے عدالتی احکامات پر عمل کرتے ہوئے نواز شریف کو ایک بار بیرون ملک جانے کی اجازت دی جس کے بعد نواز شریف قطر ائیرویز کی ائیر ایمبولنس کے ذریعے لندن چلے گئے جہاں ان کا علاج جاری ہے۔ نواز شریف کو بیرون ملک جانے کی اجازت دینے کے فیصلے کو کرکٹر حفیظ اور شیف گلزار سمیت کئی شخصیات کی جانب سے تنقید کا نشانہ بنایا گیا۔

وزیراعظم عمران خان نے بھی اپنے بیان میں کہا کہ کابینہ کے کئی اراکین نے نواز شریف کو بیرون ملک جانے کی اجازت دینے کی مخالفت کی لیکن مجھے رحم آ گیا۔ اب وفاقی وزیر برائے انسانی حقوق شیریں مزاری نے بھی سوشل میڈیا پر اس حوالے سے بیان دیا ہے۔

شیریں مزاری نے ٹوئٹر پر جاری اپنے بیان میں کہا کہ وزیراعظم کی جانب سے 65 سال سے بڑی عمر کے بیمار مریض قیدیوں اور 65 سال سے بڑی عمر کی خواتین قیدیوں کی رہائی کا اقدام زبردست ہے۔

انہوں نے نواز شریف کو بیرون ملک جانے کے عدالتی فیصلے پر اظہار خیال کرتے ہوئے کہا کہ اگر عدالت امیروں کو فوری انصاف فراہم کر سکتی ہیں تو غریب مریضوں کو بھی انسانی ہمدردی کی بنیاد پر انصاف ملنا چاہیے۔ شیریں مزاری نے اپنے ٹوئٹ کے آخر میں یہ بھی لکھا کہ ’انصاف سب کے لیے‘

(ایمرا نیوزآن لائن) ہر کسی کا احتجاج کرنے کا انداز مختلف ہوتا ہے لیکن حال ہی میں مائیکرو بلاگنگ سائٹ ٹوئٹر پر ایک ویڈیو وائرل ہو گئی جس میں شیف گلزار اپنے سر پر جوتے مارتے دکھائی دے رہے ہیں۔

واضح رہے کہ چند روز قبل لاہور ہائی کورٹ نے نواز شریف کو علاج کے لیے بیرون ملک جانے کی اجازت دیتے ہوئے حکومت کو ان کا نام ای سی ایل سے نکالنے کا حکم دیا تھا۔
عدالت نے نواز شریف کو علاج کی غرض سے 4 ہفتوں کے لیے بیرون ملک جانے کی اجازت دی تھی لیکن ساتھ ہی یہ بھی کہا تھا کہ اگر نواز شریف کی طبیعت میں بہتری نہ آئی تو ان کی مدت میں توسیع کی جا سکتی ہے۔

اس فیصلے پر متعدد شخصیات کے ردِعمل بھی سامنے آئے اور پاکستانی کرکٹر محمد حفیظ نے بھی اس فیصلے پر اپنی رائے کا اظہار کیا تھا۔ اور اب معروف شیف گلزار نے بھی نواز شریف کے بیرون ملک جانے کے فیصلے پر احتجاج کا انوکھا انداز اپناتے ہوئے سر پر جوتے مار کر اپنے غصے کا اظہار کیا۔

شیف گلزار نے اپنی ویڈیو کے آغاز میں کہا کہ ’میں عام طور پر پاکستان میں ہونے والی سیاست کے حوالے سے کوئی گفتگو نہیں کرتا لیکن آج مجھے ایسا لگتا ہے کہ اس حوالے سے مجھے ضرور کچھ کہنا چاہیے۔‘

معروف شیف نے کہا کہ سب سے پہلے میں میاں صاحب کو علاج کے لیے بیرون ملک جانے اور ریلیف ملنے کے لیے مبارکباد پیش کرتا ہوں، تمام حکومتی اداروں کو بھی مبارکباد دیتا ہوں کہ انہوں نے اتنی جلدی انصاف کیا اور نواز شریف کو ریلیف دیا۔

انہوں نے اپنے ویڈیو پیغام میں مزید کہا کہ عوام اور میں اس بات کی خوشی منا رہے ہیں اور میری خوشی منانے کا انداز بالکل مختلف ہے۔ شیف گلزار نے ویڈیو پیغام میں ایک چپل ہاتھ میں پکڑی ہوئی تھی جس کے بعد انہوں نے کہا کہ میں اپنی خوشی کا اظہار چپل کو سر پر مار کے کرتا ہوں۔

شیف گلزار کو ویڈیو میں سر پر زور زور سے چپل مارتے دیکھا گیا، انہوں نے کہا کہ اب مجھے امید ہے کہ غریب لوگوں کو بھی جلد ریلیف ملے گا۔ انہوں نے کہا کہ جو لوگ اس وقت مہنگائی کی وجہ سے تنگ آ کر خودکشی کر رہے، اپنے بچوں کو بیچ رہے ہیں، ان لوگوں کو بھی ریلیف ملے گا۔

شیف گلزار اپنی ہر ایک بات کرنے کے بعد سر پر چپل مار رہے تھے۔ شیف گلزار نے مزید کہا کہ جو لڑکیاں اپنی عزت بیچ کر اپنے گھر کو چلا رہی ہیں ان کو بھی جلد ریلیف ملے گا، اس کے علاوہ پولیس کے ادارے میں جو ناانصافیاں ہوتی ہیں، لوگ پیسے دے کر چھوٹتے ہیں یا ازیت کا شکار ہو جاتے ہیں ان کو بھی شاید ریلیف مل جائے گا۔

ویڈیو کے آخر میں شیف گلزار نے کہا کہ اس خوشی سے مجھے ایک گانا یاد آگیا ہے کہ ’میں خوش ہوں میرے آنسؤوں پے نا جانا، میں دیوانہ میں دیوانہ‘ اور ساتھ ہی انہوں نے اللہ ہی حافظ ہے کہہ کر ویڈیو پیغام کا اختتام کیا۔ شیف گلزار کے اس انوکھے احتجاج کی وائرل ویڈیو پر ٹوئٹر صارفین نے بھی دلچسپ تبصرے کرنا شروع کردیئے۔ ایک صارف نے لکھا کہ ’میاں کے جانے پر یہ اپنے سر پرجوتے مار رہا، لیکن جب میاں واپس آئے گا ہو سکتا ہے گولی مار لے جوش میں آکر‘

معروف شیف گلزارحسین بھی ایک سرٹیفائیڈیوتھیاہیں۔انھوں نے اپنی ایک ویڈیوجاری کی ہےجس میں وہ میاں نوازشریف کےUKجانےپر شدید دُکھ میں مبتلاہیں اس حکومت سے سخت نالاں ہیں کہ اُنکوکیوں جانےدیاگیااِسی دُکھ کی وجہ سے وہ احتجاجاً اپنے سر پر جوتے ماررہے ہیں۔ میاں کے جانے پر یہ اپنے سر پرجوتے مار رہا، لیکن جب میاں واپس آئے گا ہو سکتا ہے گولی مارلے جوش میں آکر

ایک اور صارف نے لکھا کہ ’یہ جوتے اصل میں عمران خان کو ماریں، ڈیڑھ سال میں ملک برباد کر کے رکھ دیا کرائم ماسٹر نیازی گوگو نے‘ معروف شیف گلزارحسین بھی ایک سرٹیفائیڈیوتھیاہیں۔انھوں نے اپنی ایک ویڈیوجاری کی ہےجس میں وہ میاں نوازشریف کےUKجانےپر شدید دُکھ میں مبتلاہیں اس حکومت سے سخت نالاں ہیں کہ اُنکوکیوں جانےدیاگیااِسی دُکھ کی وجہ سے وہ احتجاجاً اپنے سر پر جوتے ماررہے ہیں۔ یہ جوتے اصل میں عمران خان کو ماریں ہیں ۔ڈیڑھ سال میں ملک برباد کر کے رکھ دیا کرائم ماسٹر نیازی گوگو نے .ایک اور صارف نے ویڈیو پر تبصرہ کرتے ہوئے لکھا کہ ’سب یوتھیو کا یہی حال ہے ویڈیو دیکھ کر خوشی ہوئی۔‘

(ایمرا نیوزآن لائن) چوہدری شوگر مل کیس کی سماعت احتساب لاہور کے جج امیر محمد خان کی سربراہی میں ہوئی۔

دوران سماعت عدالت نے نیب کے تفتیشی افسر نے استفسار کیا کہ ریفرنس کب فائل کیا جا رہا ہے؟ جس پر تفتیشی افسر نے جواب دیا کہ ابھی تحقیقات چل رہی ہے، مکمل ہونے پر فائل کر دیں گے۔ دوسری جانب مریم نواز کے وکیل نے ریفرنس دائر ہونے تک مریم نواز کی حاضری سے استثنیٰ کی درخواست دائر کی۔

ایڈوکیٹ امجد پرویز نے کہا کہ نواز شریف لاہور ہائی کورٹ کے حکم پر علاج کرانے بیرون ملک جا چکے ہیں، جس پر عدالت نے کہا کہ لاہور ہائی کورٹ میں نواز شریف کا نام ای سی ایل سے نکالنے کی حد تک تھا۔

امجد پرویز نے کہا کہ عدالت نے درست فرمایا ہے، عدالت کا حکم نامہ ساتھ لف ہے، نواز شریف کو عدالت نے 4 ہفتوں کے لیے بیرون ملک علاج کرانے کی اجازت دی، طبعیت بہتر نہ ہونے پر مزید مہلت مل سکتی ہے۔ جج نے استفسار کیا کہ مریم نواز کی حاضری سے استثنیٰ کی درخواست پر پراسیکیوشن کیا کہتی ہے؟

نیب پراسیکیوٹر نے کہا عدالت موقع دے تو درخواست کو تفصیلی پڑھ کر جواب جمع کراؤں گا۔ عدالت نے نیب ریفرنس فائل ہونے تک مریم نواز کو حاضری سے استثنیٰ دیتے ہوئے حکم دیا کہ ریفرنس فائل ہونے کے بعد مریم نواز ٹرائل کا سامنا کریں گی۔

اسلام آباد(ایمرا نیوز آن لائن )سابق وزیراعظم نواز شریف کے بیٹے حسین نواز نے والد کو زہر دیئے جانے سے متعلق اپنے بیان کی وضاحت کر دی ہے۔حسین نواز نے گزشتہ ماہ اپنے ایک بیان میں نواز شریف کو زہر دیئے جانے کا خدشہ ظاہر کیا تھا۔

حسین نواز نے نواز شریف کو زہر دیے جانے کا خدشہ ظاہر کردیااب اپنے بیان کی وضاحت دیتے ہوئے حسین نواز کا کہنا ہے کہ والد کے پلیٹیلیٹس میں کمی کی وجہ سے سلو پوائزن کا خدشہ ظاہر کیا تھا، سلو پوائزن کے خدشے کی تحقیقات ہونی چاہیے۔حسین نواز نے مزید کہا کہ میں کوئی سیاسی بات نہیں کرنا چاہتا، سب سے اہم چیز والد کی صحتیابی ہے۔انہوں نے کہا کہ والد کو علاج کے لیے امریکا جانا چاہیے، ضرورت ہےکہ تمام بیماریوں کا ایک چھت تلے علاج ہو۔

(ایمرا نیوزآن لائن))سابق وزیراعظم نواز شریف علاج کے لئے قطر ائیر ایمبولینس کے ذریعے براستہ دوحہ لندن روانہ ہوگئے، وزارت داخلہ نے ایک بار باہر جانے کی اجازت دے دی۔

قائد مسلم لیگ ن کو قافلے کی صورت میں ایئر پورٹ پہنچایا گیا، جس میں مریم نواز، کیپٹن ریٹائرڈ صفدر، خاندان کے دیگر افراد بھی شامل تھے، قافلے میں مسلم لیگ ن کے رہنماؤں اور کارکنوں نے بھی بڑی تعداد میں شرکت کی، کارکن قائد کو خدا حافظ کہنے کیلئے موجود رہے۔

صدر (ن) لیگ شہباز شریف اور ذاتی معالج ڈاکٹر عدنان بھی نواز شریف کے ہمراہ ہیں، شہباز شریف سابق وزیر اعظم کی صحت یابی تک ان کے ساتھ قیام کریں گے۔ سابق وزیراعظم کے ذاتی معالج ڈاکٹر عدن نے سماجی رابطے کی ویب سائٹ پر ٹویٹ کرتے ہوئے کہا نوا شریف دوہا کے راستے برطانیہ جائیں گے، ایئر بس اے 319-133LR A7MED کے زریعے سابق وزیراعظم نواز شریف شام ساڑھے چھ بجے لندن ہیتھرو ایئر پورٹ پر پہنچیں گے۔

یاد رہے اسلام آباد ہائی کورٹ نے نواز شریف کی طبی بنیادوں پر درخواستِ ضمانت منظور کرتے ہوئے ان کی سزا 8 ہفتوں کے لیے معطل کی تھی۔ حکومت نے نواز شریف کو 4 ہفتوں کے لیے ایک بار بیرون ملک جانے کی مشروط اجازت دی تھی جس کے لیے 80 لاکھ پاؤنڈ، 2 کروڑ 50 لاکھ امریکی ڈالر، 1.5 ارب روپے جمع کرانے کی شرط رکھی گئی تھی۔

لاہور ہائی کورٹ نے حکومتی شرائط معطل کرتے ہوئے سابق وزیراعظم نواز شریف کو 4 ہفتوں کے لیے بیرون ملک جانے کی اجازت دی اور صحت بہتر نہ ہونے پر اس مدت میں توسیع بھی ممکن ہے۔ واضح رہے کہ نواز شریف کو العزیزیہ ریفرنس میں 7 سال قید بامشقت اور ڈیڑھ ارب روپے اور ڈھائی کروڑ ڈالر جرمانے کی سزا سنائی گئی تھی، جس کے بعد سے وہ کوٹ لکھپت جیل لاہور میں قید تھے۔

اسلام آباد(ایمرا نیوزآن لائن) وفاقی وزیربرائے سائنس اینڈ ٹیکنالوجی فواد چوہدری نے ایک بار پھر سابق وزیراعظم نوازشریف کی بیرون ملک روانگی پر غم و غصے کا اظہار کرتے ہوئے تنقید کی۔

ٹوئٹر پر جاری بیان میں فواد چوہدری نے کہا کہ ’مجھے کیوں نکالا‘ سے ’خدا کیلئے مجھے نکالو‘کا سفراب اختتام کی طرف بڑھ رہا ہے، ایسی لیڈرشپ جب ووٹ کیلئے عزت مانگتی ہے تو دراصل جمہوری نظام کا مذاق بنتا ہے۔ انہوں نے کہا کہ (ن) لیگ کے ورکرز سے ہمدردی ہے جو نواز شریف کو لیڈر مان کر دن رات کھجل خراب ہوتے رہے، (ن) لیگ کی قیادت نے اپنے ورکروں کو دغادیا۔

دوسری جانب اسلام آباد میں پریس کانفرنس کرتے ہوئے وفاقی وزیر فواد چوہدری کا کہنا تھا کہ نواز شریف کا اس طرح جانا معاشرے کی ناکامی کا تاثر گہرا ہوا ہے، اس فیصلے پر سپریم کورٹ میں اپیل کرنے کے حوالے سے آج کابینہ کے اجلاس میں غور ہوگا، ہفتے کے دن ان کا فیصلہ ہوا جو پیر کو بھی ہو سکتا تھا۔

انہوں نے مزید کہاکہ ہم نواز شریف کی صحت کے لیے دعا گو ہیں مگر جس طرح بھیجا گیا وہ طریقہ کار غلط ہے، میں سمجھتا ہوں کہ نواز شریف کے فیصلے کے خلاف سپریم کورٹ جانا چاہیے، وہ سارے قیدی جو جیلوں میں ہیں کیا ان کا حق نہیں کہ ایک حلف نامہ دیں اور چلے جائیں۔

فواد چوہدری کا کہنا تھا کہ مہنگائی کی وجہ سے بجلی کی قیمتیں زیادہ ہیں،آج کابینہ اجلاس میں متبادل توانائی کی پالیسی منظوری کے لیے پیش کی جائے گی، نوجوان پاکستان کا اثاثہ ہیں وہ نوکریوں سے زیادہ کاروبار کی طرف جائیں۔

(ایمرا نیوز آن لائن )مقبوضہ کشمیر میں بھارتی فوجی محاصرے کا مسلسل 107 واں دن۔
بھارت کےیکطرفہ اقدامات کےخلاف کشمیری سراپا احتجاج ہیں۔
مقبوضہ وادی میں خوراک اور ادویات کی شدید قلت ،معمولات زندگی مفلو ج۔۔

لاہور(ایمرا نیوز آن لائن) مریم اورنگزیب نے قوم سے خصوصی دعا کی اپیل کرتے ہوئے کہا ڈاکٹرز نواز شریف کے جسم پر سوجن میں کمی لانے کی کوشش کر رہے ہیں، بیرون ملک علاج میں تاخیر جان لیوا ثابت ہو سکتی ہے۔

ترجمان مسلم لیگ نون مریم اورنگزیب نے اپنے بیان میں کہا شریف میڈیکل بورڈ کے ڈاکٹرز کا اجلاس ہوا، انہوں نے نواز شریف کا طبی معائنہ کیا، پلیٹ لیٹس کم ہونے کی تشخیص کے بغیر ادویات دے کر خطرہ مول لیا جا رہا ہے، طبی لحاظ سے بار بار اسٹیرائڈز کی ہائی ڈوز انتہائی خطرناک ہے، مرض کی تشخیص کے بغیر یہ خطرہ مول لیا جا رہا ہے۔

مریم اورنگزیب کا کہنا تھا پلیٹ لیٹس بڑھانے کی کوشش میں ہارٹ اٹیک کے خطرات بڑھ چکے ہیں، ‎ڈاکٹر نے واضح کیا ہے کہ جلد ہی نواز شریف کو بیرون ملک منتقل نہ کیا گیا تو معاملہ پاکستانی ڈاکٹرز کے ہاتھ سے نکل جائے گا، گردوں اور دیگر اعضاء کے متاثر ہونے کے خطرات میں کئی گنا اضافہ ہوچکا ہے۔

(ایمرا نیوزآن لائن) گزشتہ روز درخواست کے قابل سماعت ہونے یا نہ ہونے پر لاہور ہائیکورٹ نے دلائل سننے کے بعد فیصلہ دیا کہ شہباز شریف کی جانب سے دائر کی گئی درخواست قابل سماعت ہے۔

لاہور ہائیکورٹ کے دورکنی بینچ نے اپنے فیصلے میں کہا کہ نواز شریف کا نام ای سی ایل سے نکالنے کی درخواست پر سماعت یہیں ہوگی۔ فیصلہ سنانے کے بعد عدالت نے نوازشریف کا نام ای سی ایل سے نکالنے کے لیے حکومتی شرائط کے خلاف شہبازشریف کی درخواست کو آج سماعت کے لیے مقرر کیا۔ جسٹس باقر نجفی کی سربراہی میں دو رکنی بینچ درخواست پر سماعت کررہا ہے جس میں نیب پراسیکیوٹر اور شہبازشریف کے وکیل درخواست پر دلائل دے رہے ہیں۔

سماعت کے موقع پر (ن) لیگ کے صدر شہباز شریف، پرویز رشید، امیر مقام، ملک احمد خان اور عطا تارڑ بھی عدالت میں موجود ہیں۔ وفاقی حکومت اور نیب کا تحریری جواب لاہور ہائیکورٹ میں حکومت اور نیب کی جانب سے جوابات جمع کرائے گئے جس میں حکومت کا جواب 45 اور نیب کا جواب 4 صفحات پر مشتمل تھا۔ وفاقی حکومت اور قومی احتساب بیورو (نیب) نے اپنے تحریری جواب میں عدالتی دائرہ اختیار کو چیلنج کیا تھا، جواب میں کہا گیا ہے کہ لاہور ہائیکورٹ کو درخواست کی سماعت کا اختیار نہیں۔

حکومت نے نوازشریف کے بغیر بانڈ کے باہر جانے کی مخالفت کی: وفاقی حکومت نے تحریری جواب میں انڈیمنٹی بانڈ کے بغیر نوازشریف کانام ای سی ایل سے نکالنے کی مخالفت کی اور شہباز شریف کی درخواست مسترد کرنے اور انڈیمنٹی بانڈ کی شر ط لاگو رکھنے کی استدعاکی تھی۔ حکومت نے اپنے جواب میں کہا ہےکہ نواز شریف کے خلاف مختلف عدالتوں میں کیسز زیر سماعت ہیں، ان کا نام نیب کے کہنے پر ای سی ایل میں ڈالا گیا ہے۔

گزشتہ سماعت کی کارروائی: گزشتہ روز لاہور ہائیکورٹ میں شہبازشریف کے وکیل نے دلائل دیتے ہوئے کہا کہ سابق صدر پرویز مشرف کا نام ای سی ایل سے نکالنے کی مثال موجود ہے، ماڈل ایان علی کا نام بھی ای سی ایل سے نکالا گیا۔

شہبازشریف کے وکیل نے ایان علی اور مشرف کیس کا حوالہ دیا: اس پر عدالت نے ریمارکس دیے کہ آپ کیسے سمجھتے ہیں کہ اس کیس میں مشرف کیس کی مثال دی جاسکتی ہے ،آپ کا درخواست گزار تو سزا یافتہ ہے۔ عدالت نے وفاقی حکومت کے نمائندے ایڈیشنل اٹارنی جنرل سے سوال کیا کہ یہ درخواست کیسے قابل سماعت نہیں ؟ جس پر ایڈیشنل اٹارنی جنرل نے کہا کہ ہر کیس کو اس کے حالات کے مطابق دیکھا جائے گا، احتساب عدالت کے جج نے سزا دی اور اس کیخلاف اپیل اسلام آباد ہائیکورٹ میں زیر سماعت ہے۔

حکومت نے اپنے جواب میں استدعا کی ہےکہ نواز شریف سزا یافتہ ہیں اس لیے انہیں بغیر سیکیورٹی بانڈز کے اجازت نہیں دی جا سکتی لہٰذا سیکیورٹی بانڈ کی شرط کو لاگو رکھا جائے اور عدالت اس درخواست کو ناقابل سماعت قرار دے کر مسترد کرے۔ فریقین کے دلائل سننے کے بعد لاہور ہائیکورٹ نے فیصلہ سنایا کہ درخواست قابل سماعت ہے اور اس کی مزید سماعت ہفتے کو پھر ہوگی۔

کابینہ کی ذیلی کمیٹی کی مشروط اجازت: واضح رہے کہ وفاقی کابینہ کی ذیلی کمیٹی نے نواز شریف کو علاج کے غرض سے 4 ہفتوں کیلئے بیرون ملک جانے کی مشروط اجازت دینے کا اعلان کیا تھا۔ وزیر قانون فروغ نسیم کے مطابق ’نواز شریف کی بیرون ملک روانگی اس بات سے مشروط ہے کہ نواز شریف یا شہباز شریف 7 یا ساڑھے 7 ارب روپے کے پیشگی ازالہ بانڈ جمع کرادیتے ہیں تو وہ باہر جاسکتے ہیں اور اس کا دورانیہ 4 ہفتے ہوگا جو قابل توسیع ہے‘۔ نواز شریف کا نام ای سی ایل سے نکالنے کی مشروط اجازت کے خلاف مسلم لیگ ن کے صدر شہباز شریف نے لاہور ہائیکورٹ میں درخواست دائر کی۔