Tag new movie

لاس اینجلس:(ایمرا نیوزآن لائن) ہالی ووڈ کی نئی ایکشن تھرلر فلم جان وِک چیپٹر3 کی نئی جھلکیاں جاری کردی گئیں ۔ فلم2015کی ایکشن فلم ‘جان وِک ‘کا تیسرا حصہ ہے.میڈیا رپورٹ کے مطابق ہالی وڈ کی نئی ایکشن تھرلر فلم جان وِک چیپٹر3 کا نیا ٹریلر جاری کہا گہا ہے۔ فلم 2015 کی ایکشن فلم جان وِک کا تیسرا حصہ ہے جس کی کہانی نشانے بازی کے ایک ماہر کے گِرد گھومتی ہے۔نشانے باز ایک ہائی پروفائل قتل کرنے کے بعد اپنی جان بچانے کیلئے بھاگ دوڑ کرتا ہے۔ فلم میں مرکزی کردار معروف ایکشن ہیرو کیانو رِیوز نبھا رہے ہیں۔ فلم 17مئی کو سینما گھروں کی زینت بنے گی۔

ممبئی(ایمرا نیوزآن لائن) بالی ووڈ کی ہر دل عزیز اداکارہ مادھوری ڈکشٹ نے اپنی نئی آنے والی فلم ’کلنک‘ سے متعلق اہم انکشافات کیے ہیں۔بھارتی اخبار ’ہندوستان ٹائمز‘ کے مطابق اداکارہ مادھوری ڈکشٹ نے اپنی اگلی فلم ’کلنک‘ میں ایک بہترین ڈانسر کا کردار ادا کیا ہے، اس حوالے سے اہم انکشافات کرتے ہوئے مادھوری نے بتایا کہ انہوں نے اس فلم میں ڈانسر کا کردار ادا کر کے لوگوں کے دقیانوسی خیالات کو غلط قرار دے دیا کہ ایک اداکارہ ماں بننے کے بعد ایسے کردار نہیں کرسکتی۔

مادھوری ڈکشٹ نے مزید وضاحت کرتے ہوئے کہا کہ فلمی شائقین سمیت کچھ لوگوں کا شاید یہ ماننا ہے کہ ایک اداکارہ شادی کے بعد اور خصوصاً ماں بننے کے بعد ویسے کردار ادا نہیں کرسکتی جیسے وہ شادی سے قبل بخوبی ادا کرلیتی تھی، لیکن انہوں نے لوگوں کے ان خیالات کو غلط اور بے بنیاد قرار دیتے ہوئے بتایا کہ انہوں نے اپنی اگلی فلم میں ایک ڈانسر کا کردار ادا کیا ہے۔ اس کے علاوہ انہوں نے بتایا کہ فلم ’کلنک‘ بہت خاص ہے جس میں وہ سنجے دت کےمد مقابل کام کرتی نظر آئیں گی۔ یاد رہے کہ مادھوری اور سنجے دت 90 کی دہائی کے بعداب ایک مرتبہ پھر ایک ساتھ کام کرتے دکھائی دیں گے۔

میڈیا رپورٹس کے مطابق ہدایت کار ابھیشیک ورمان کی فلم کلنک میں مادھوری سے قبل ’بہار بیگم‘ کا کردار لیجنڈ اداکارہ سری دیوی کو دیا گیا تھا لیکن اُن کی اچانک موت ہوجانے کے بعد یہ کردار مادھوری کو دےدیا گیا۔واضح رہے کہ بھارتی فلم انڈسٹری کی دلکش اداکارہ مادھوری ڈکشٹ 90 کی دہائی کی سب سے مقبول ترین اداکارہ رہی ہیں اور آج بھی اپنی شاندار اور منفرد اداکاری کے باعث وہ لوگوں کے دلوں پر راج کررہی ہیں۔ مادھوری ڈکشٹ اور سنجے دت کے علاوہ فلم میں ورن دھون، عالیہ بھٹ، سوناکشی سنہا اور دیگر کام کرتے نظر آئیں گے جبکہ فلم 17 اپریل کو سنیما گھروں کی زینت بنے گی۔

ممبئی(شوبز ڈیسک/ایمرا نیوز) ایکشن سے بھرپور ہالی ووڈ تھرلر فلم’کولڈ پرسوئٹ‘کا نیا ٹریلر جاری کردیا گیاہے۔ہالی ووڈ تھرلر، ایکشن فلم کولڈ پرسوئٹ (Cold Pursuit) کا نیا ٹریلر جاری کردیا گیا ہے،ہنس پیٹر مولینڈ کی ہدایتکاری میں بننے والی اس فلم کی کہانی شمالی امریکی قصبے میں رہائش پذیر ایک ایسے شخص کے گرد گھوم رہی ہے جو اپنے بچے کے قتل کے بعد ڈرگ مافیا کے خلاف میدان میں آجاتا ہے۔

فلم کی کاسٹ میں لیام نیسن،لاؤرا ڈرن،ایمی روسم،ٹام بیٹ مین،جولیا جونز اور ولیم فورسیتھ سمیت دیگر اداکار شامل ہیں۔مائیکل شیم برگ اور فن جرڈرم کی مشترکہ پروڈیوس کردہ ایکشن اور سنسنی سے بھرپور یہ فلم 8فروری کو سینما گھروں کی زینت بنے گی۔

ممبئی(شوبز ڈیسک/ایمرا نیوز) بھارتی میڈیا رپورٹس کے مطابق نئی بالی ووڈ فلم ایک لڑکی کو دیکھا تو ایسا لگا کے ٹائٹل سانگ کی ویڈیو جاری کردی گئی ہے۔

سونم کپور اور راج کمار راؤ پر فلمائے گئے گانے ایک لڑکی کو دیکھا تو ایسا لگا نامی گانے 1994میں ریلیز ہونے والی انیل کپور اور منیشا کورالا کی فلم1942’اے لو اسٹوری کے گانے ایک لڑکی کو دیکھاتو ایسا لگا کا ری میک ہے جسے درشن راول اور روچک کوہلی کی آواز میں ریکارڈ کیا گیا ہے۔گانے کی لیرکس گرپیت سائنی نے ترتیب دیئے ہیں۔بالی ووڈ کے نامور اداکار انیل کپور اور اُنکی صاحبزادی سونم کپور حقیقی زندگی کے بعد فلمی دنیا میں بھی باپ بیٹی کے کردار میں نظر آئیں گے۔شیلے چوپڑا کی ہدایتکاری اور ودھو ونود چوپڑا کی پروڈیوس کردہ فلم ‘ایک لڑکی کو دیکھا تو ایسا لگا میں انیل کپور اور سونم کپورپہلی بار سلور اسکرین پرساتھ جلوہ گر ہو نگے ۔فلم کی دیگر کاسٹ میں جوہی چانولہ اور راج کمار راؤ بھی شامل ہیں۔فلم رواں سال یکم فروری کو سینما گھروں میں نمائش کیلئے پیش کی جائیگی۔

(شوبز ڈیسک/ایمرا نیوز)
ہالی وڈ کی بلا ک بسٹرسپر ہیرو ایکشن فلم “ایکس مین”کے مداح تیار ہو جائیں کیونکہ اس سلسلے کی نئی فینٹسی تھرلر فلم”ایکس مین- ڈارک فیونکس”کا نیاٹریلر جاری کر دیا گیا ۔سائمن کینبرگ کی ہدایتکاری میں بننے والی اس فلم میں نامور ہالی وڈ اداکار جیمز میکوؤے، جینیفر لارنس، مائیکل فیسبینڈر، نکولس ہالٹ، روز برائن، سوفی ٹرنر، کوڈی اسمتھ اورٹیر شیریڈن اہم کرداروں میں جلوۂ گر ہو رہے ہیں ۔ہچ پارکر،سائمن کینبرگ،لارن ڈونراور برائن سنگر کی مشترکہ طور پر پروڈیوس کردہ اس فلم کی کہانی گزشتہ حصوں کی طرح غیر معمولی طاقتوں اور صلاحیتوں کے مالک میوٹنٹس کے گِرد گھوم رہی ہے جن میں ایک ٹیم کا جھکاؤ برائی کی جانب ہوتا ہے ۔

دوسری ٹیم اچھائی کیلئے مشکلات کا ڈٹ کا مقابلہ کرتی نظر آرہی ہے تاہم اس فلم میں غیر معمولی طاقت کی حامل میوٹنٹ جین گرے کی طاقت سے دنیا کیلئے مشکلات پیدا ہوتی دکھائی دینگی جوپوری دنیا کو تباہ کرنے کی صلاحیت رکھتی ہے ۔مارول انٹرٹینمنٹ کی تیار کردہ غیر معمولی ایکشن مناظر سے بھرپور یہ فینٹسی تھرلر فلم رواں سال ٹوینٹیتھ سنچری فاکس کے تحت آئندہ سال14فروری کو سنیماگھروں میں دھوم مچانے آرہی ہے۔

ممبئی(شوبز ڈیسک/ایمرا نیوز) کریتی سینن نے اپنی آنے والی فلم ‘Arjun Patiala’ کی ریلیز ہونے کی تاریخ کا اعلان کردیا. ‘، جس میں diljit dosanjh اور ورون شرما بھی کام کررہے ہیں.فلم ” بریوری کی بارفی ” کے اداکار سوشل میڈیا پر انکشاف کیا ہے کہاگلے سال 3 مئی کو وہ بڑی اسکرین پر دھوم مچائیں گے.اس نے ٹویٹ کیا، تیار،ہوجائو ہم 3 مئی کو آرہے ہیں. اس فلم کی پہلی جھلک بھی سوشل میڈیا پرجاری کردی گئی ہے.

diljit اور ورون اس فلم میں پولیس افسران کا کردار ادا کررہے ہیں. دوسری طرف ‘ہاؤس فل 4’ کے اداکار اس فلم میں سکوپ بھوکھے رپورٹر کا کردار ادا کریں گے.یہ فلم روہت جگگراج کی ہدایت میں بنی ہے .

ممبئی(شوبز ڈیسک/ایمرا نیوز) قیاس آرائیاں جاری تھیں کہ بالی وڈ اداکارہ انوشکا شرما اور اداکار سلمان خان ایک بار پھر مقبول ہدایت کار سنجے لیلا بھنسالی کی فلم میں جلوہ گر ہوں گے، تاہم اداکارہ نے اس کی تردید کردی۔بھارتی میڈیا رپورٹس کے مطابق قیاس آرائیاں تھیں کہ انوشکا شرما کو سنجے لیلا بھنسالی نے اپنی فلم میں کاسٹ کرلیا ہے جس میں وہ ایک بار پھر سلمان خان کے ساتھ کام کریں گی۔ تاہم اداکارہ کی جانب سے سنجے لیلا کی فلم سائن کرنے کے حوالے سے تمام رپورٹس کو بے بنیاد قرار دے دیا گیا۔

انوشکا شرما کی ٹیم نے اس حوالے سے ٹوئٹر پر وضاحت پیش کی کہ ’انوشکا، سنجے لیلا بھنسالی کے ساتھ کام کرنے کی خواہاں ہیں لیکن فی الحال ان رپورٹس میں کوئی سچائی نہیں کہ انہوں نے ان کی کوئی فلم سائن کی ہے، گزارش ہے کہ ایسی خبروں کو پھیلانے سے گریز کریں‘۔ واضح رہے کہ انوشکا شرما اور سلمان خان نے 2016 میں فلم ’سلطان‘ میں ساتھ کام کیا تھا جسے فلم بینوں نے قابل ستائش قرار دیا تھا۔انوشکا اس وقت 21 دسمبر کو ریلیز ہونے والی اپنی فلم ’زیرو‘ کی تشہیر میں مصروف ہیں جس میں وہ کترینہ کیف اور شاہ رخ خان کے ساتھ مرکزی کردار نبھا رہی ہیں۔

ممبئی:(شوبز ڈیسک/ایمرا نیوز) بالی ووڈ اداکارعمران ہاشمی کی فلم ’چیٹ انڈیا‘ کا ٹریلرریلیزہوتے ہی شائقین کی توجہ کا مرکز بن گیا۔فلم ’جنت‘،’’بادشاہو‘ اور’اظہر‘ جیسی فلموں میں اداکاری کے جوہردکھانے والے اداکار عمران ہاشمی کی اگلی فلم ’چیٹ انڈیا‘ کا انتظار شائقین بے چینی سے کررہے تھے، تاہم اب شائقین کا انتظار ختم ہوا، فلم کا پہلا ٹریلرریلیز کردیا گیا جس میں عمران ہاشمی اپنی پچھلی فلموں سے بالکل مختلف کردار میں نظر آرہے ہیں۔

فلم کی کہانی تعلیمی نظام میں موجود نقل مافیا کے گرد گھومتی ہے جس نے تعلیمی نظام کا بیڑہ غرق کردیا ہے۔ عمران ہاشمی ٹریلر میں نقل مافیا کے سرگرم کارکن کے طور پرنظرآئیں گے۔ فلم کی کہانی سومک سین نے لکھی ہے جب کہ عمران ہاشمی کی پروڈکشن کمپنی ایلپسس انٹرٹینمنٹ نے فلم کو پروڈیوس کیا ہے۔ اس فلم کے ذریعے عمران ہاشمی پروڈکشن کے شعبے میں ڈیبیو کرنے جارہے ہیں۔فلم میں اپنے کردارکے حوالے سے عمران ہاشمی کا کہنا ہے کہ فلم کی کہانی بے حد جاندارہے، میں نے اپنے کیریئرمیں ایسا کردار پہلے کبھی ادا نہیں کیا۔ فلم ’چیٹ انڈیا‘ اگلے ماہ 25 جنوری 2019 کو نمائش کے لیے پیش کی جائے گی۔

لاہور(شوبز ڈیسک/ایمرا نیوز) ہالی ووڈ بلاک بسٹر سپر ہیرو تھرلرفلم ان بریک ایبل سلسلے کی تیسری اور آخری فلم گلاس کا ٹریلر جاری کردیا گیا ہے۔

ایم نائٹ شیامالن کی ڈائریکشن میں بننے والی اس فلم میں ایک ایسے الجھے ہوئے شخص پر مبنی ہے جس کے 24مختلف روپ ہوتے ہیں۔فلم کی کاسٹ میں جیمز میک اوے،بروس ویلس،سیمیول جیکسن،اینیا ٹیلر،اسپینسر ٹریٹ اور چارلین ووڈرڈ سمیت دیگر اداکار شامل ہیں۔جیسن بلم اور ایم نائٹ شیامالن کی مشترکہ پروڈیوس کردہ سنسنی خیز مناظر سے بھرپور یہ فلم 18جنوری 2019 کو سینما گھروں کی زینت بنے گی۔

(نیٹ نیوز/ایمرا نیوز)
بلاک بسٹر گاڈزیلا سیریزکی نئی ایکشن ڈرامہ فلم”گاڈزیلا؛کنگ آف دی مونسٹرز”کانیا ٹریلر جاری کردیا گیا.ہدایتکارمائیکل ڈاؤٹری کی اس فلم میں اداکاربریڈلے وائٹ فورڈ،ملی بوبی براؤن،وارا فرمیگا،کیلی شینڈلر اور چارلس ڈینس اہم کردار ادا کر رہے ہیں۔

مینامی ایچکاوا اور ٹیاچی یویڈاکی مشترکہ پروڈیوس کردہ اس فلم کی کہانی گاڈزیلا نامی دیوہیکل مونسٹر پر مبنی ہے جو ایک بار پھر انسانی دنیا میں تباہی مچانے آپہنچی ہے ۔جاپانی سنیما اور لیجنڈنری پکچرز کے تحت بننے والی خوف اور دہشت سے بھرپور ایکشن ڈرامہ مونسٹر فلم گاڈزیلا ؛ کنگ آف دی مونسٹرز آئندہ سال مارچ میں سنیماگھروں کی زینت بنائی جائیگی۔