Tag on social media

کراچی:(ایمرا نیوزآن لائن) نامور پاکستانی گلوکارواداکار علی ظفر اورگلوکارہ میشا شفیع کے درمیان جنسی ہراسانی تنازع پر شوبز کے دیگر فنکارکیا سوچتے ہیں آئیے دیکھتے ہیں۔علی ظفر اورمیشا شفیع کے درمیان جنسی ہراسانی تنازع میں ہر گزرتے دن کے ساتھ مزید شدت آتی جارہی ہے۔ اس معاملے پر جہاں سوشل میڈیا پر دونوں فنکاروں کے ہامیوں کے درمیان جنگ جاری ہے، وہیں شوبز سے تعلق رکھنے والے دیگر فنکاروں کی رائے بھی اس معاملے پر تقسیم ہوتی نظر آرہی ہے۔ کچھ فنکار میشا شفیع کو سپورٹ کررہے ہیں جب کہ کچھ فنکار علی ظفر اورلکس اسٹائل ایوارڈکا دفاع کرتے نظر آرہے ہیں۔نامور پاکستانی اداکارہ ریشم نے حال ہی میں اپنے انسٹاگرام پر علی ظفر کی ٹوئٹ کا اسکرین شاٹ شیئر کرکے علی ظفر کی حمایت کا اظہار کیا ہے۔ شیئر کی جانے والی پوسٹ میں علی ظفر کی جانب سے بتایا گیا ہے کہ عدالت میشا شفیع کا کیس برطرف کرچکی ہے۔ میں لوگوں کے سامنے یہ ثابت کروں گا کہ میشا جھوٹ بول رہی ہیں اور میرے خلاف سوشل میڈیا پر مہم چلارہی ہیں۔

ماڈل متھیرا نے بھی اس معاملے پر اپنی رائے کا اظہار کرتے ہوئے علی ظفر اورمیشا شفیع کی ویڈیو کا اسکرین شاٹ شیئرکرایا ہے جو اس دن کا ہے جس کے بارے میں میشا شفیع دعویٰ کررہی ہیں کہ علی نے ریہرسل کے دوران انہیں جنسی طور پر ہراساں کیا، متھیرا نے لکھا تعجب ہے کیوں لوگ کسی شخص اوراس کی فیملی کو نقصان پہنچا کر اُسے درد دیتے ہیں۔ یہ ویڈیو کلپ ان تمام لوگوں سے واضح درخواست ہے کہ مہربانی کرکے اپنے بدلے کے لیے ’’می ٹو‘‘کا غلط استعمال نہ کریں۔ متھیرا نے علی ظفر کومضبوط رہنے کا مشورہ دیتے ہوئے انہیں تسلی دی اور کہا جو لوگ جھوٹ بولتے ہیں ان کا جھوٹ زیادہ دیر تک نہیں چل سکتا۔خوبرو گلوکارہ آئمہ بیگ نے انسٹاگرام اسٹوری پر علی ظفر کی تصاویر شیئر کراتے ہوئے لکھا اس معاملے کو تھوڑا وقت دیں، اس کے ساتھ ہی انہوں نے لکھا ہر کسی کی فیملی ہوتی ہے کم سے کم حقائق سامنے آنے دیں۔

پاکستانی اداکار احسن خان نےاپنی انسٹا گرام کی طویل پوسٹ میں لکس اسٹائل ایوارڈز کی حمایت میں جنسی ہراسانی کے معاملے پر آواز بلند کرتے ہوئے کہا لکس اسٹائل ایوارڈ کے پلیٹ فارم نے ہمیشہ ہماری انڈسٹری کو سپورٹ کیا ہے۔ جب میں نے بچوں کے ساتھ جنسی ہراسانی کے معاملے پر ڈراما اڈاری میں کام کیا تھا تو مجھے اس معاملے پر آواز اٹھانے کے لیے بہترین اداکار کا ایوارڈ دیاگیا تھا۔ احسن خان نے مزید کہا کہ کسی بھی بارے میں فوراً اپنی رائے قائم کرلینا غلط ہے، ہمیں اپنے قانونی سسٹم پر بھروسہ کرنا چاہئے اور صرف الزام اور افواہوں کی بنیاد پر لوگوں کو برا بھلا کہنا بند کردینا چاہئے۔نامور پاکستانی اداکارہ میرا نے بھی ایک تقریب کے دوران اس معاملے پر اپنی رائے کا اظہار کرتے ہوئے کہا کہ میشاشفیع کے علی ظفر پر الزامات کا مقصد سستی شہرت کا حصول ہے۔

تاہم جہاں علی ظفر اور لکس اسٹائل ایوارڈز کی حمایت میں لوگ سامنے آرہے ہیں وہیں میشا شفیع کو سپورٹ کرنے والے بھی کم نہیں ہیں۔ نامور ہدایت کار جامی نے می ٹو مہم کی حمایت اور خواتین کے ساتھ یکجہتی کا اظہار کرتے ہوئے اپنا لکس اسٹائل ایوارڈ احتجاجاً گھر سے باہر رکھ دیاتھا۔

ممبئی: (ایمرا نیوزآن لائن) انوشکا شرما کچھ عرصے سے فلموں سے غائب ہیں، وہ زیادہ سے زیادہ وقت اپنے شوہر ویرات کوہلی کے ساتھ گزار رہی ہیں، اس لیے میڈیا میں ان کے حاملہ ہونے کی خبریں زیر گردش ہیں۔گزشتہ دنوں پریانکا چوپڑا اور دیپکا پڈوکون بھی ایسی خبروں کی زینت بنی رہیں جو جھوٹی ثابت ہوئیں۔ اب ایک اور اداکارہ کے حاملہ ہونے کی خبریں میڈیا میں زیر گردش ہیں اور وہ کوئی اور نہیں بلکہ انوشکا شرما ہیں۔ سوشل میڈیا پر ان کے بارے میں گرما گرم بحث جاری ہے۔

دراصل انوشکا شرما گزشتہ کچھ عرصے سے فلموں سے غائب ہیں اور وہ زیادہ سے زیادہ وقت اپنے شوہر ویرات کوہلی کے ساتھ گزار رہی ہیں۔ شاہ رخ کے ساتھ آئی فلم زیرو کے بعد سے انوشکا شرما کسی بھی فلم میں نظر نہیں آئی ہیں۔

میڈیا رپورٹس کے مطابق انوشکا شرما نے کوئی نیا پروجیکٹ بھی سائن نہیں کیا ہے۔ اس لیے انوشکا کے فینز اور میڈیا والے ان کے حاملہ ہونے کا اندازے لگانے لگے ہیں۔ قابل ذکر بات یہ ہے کہ نہ تو انوشکا اور نہ ہی ویرات کوہلی نے ایسی کوئی بات نہیں کہی ہے۔

کراچی:(ایمرا نیوزآن لائن) بالی ووڈ فنکاروں کی تو خود کو فٹ رکھنے کے لیے جم میں ورزش کرتے ہوئے ویڈیوز وائرل ہوتی رہتی ہیں تاہم اب پاکستانی فنکاروں نے بھی خود کو فٹ اور اسمارٹ رکھنے کے لیے ورزش کرنے کی ویڈیوز سوشل میڈیا پر شیئر کی ہیں۔

Jab biryani aur nihari khanay ka bohat shouq ho toh phir agli film tak fit honay kay liay yeh sab toh karna parta hai pic.twitter.com/Q6GXusrBQm

— Humayun Saeed (@iamhumayunsaeed) April 14, 2019

پاکستانی سپر اسٹار ہمایوں سعید بالی ووڈ کے کسی خان سے کم نہیں، 40 سال سے زائد کی عمر میں بھی ہمایوں سعید بالی ووڈ خانز کی طرح اسمارٹ نظر آتے ہیں، تاہم وہ خود کو فٹ رکھنے کے لیے سخت محنت کرتے ہیں۔ حال ہی میں انہوں نے جم میں ورزش کرتے ہوئے ویڈیو سوشل میڈیا پر شیئر کی ہے جس میں وہ فٹ رہنے کے لیے سخت محنت کرتے نظر آرہے ہیں اس کے ساتھ ہی انہوں نے مداحوں کو اپنے کھانے پینے کے شوق سے متعلق بتاتے ہوئے کہا جب نہاری کھانے کا بہت شوق ہو تو پھر اگلی فلم تک فٹ ہونے کے لیے یہ سب تو کرنا پڑتا ہے۔

Let’s start this challenge @iamhumayunsaeed 😂 https://t.co/5U4th7mVti

— Ali Zafar (@AliZafarsays) April 14, 2019

صرف ہمایوں سعید ہی خود کو فٹ رکھنے کے لیے ورزش نہیں کرتے بلکہ نامور اداکارہ ماورا حسین اورعلی ظفر نے بھی اپنی ورک آؤٹ کرتے ہوئے ویڈیوز شیئر کی ہیں اور بتایا ہے کہ وہ بھی ہمایوں سعید سے کم نہیں۔ ماورا حسین کی جانب سے شیئر کی جانے والی ویڈیو میں وہ بالکل اسی طرح ورزش کرتی نظر آرہی ہیں جیسے ہمایوں سعید کررہے ہیں۔علی ظفر بھی پیچھے نہیں رہے ہمایوں سعید اورماورا حسین کی دیکھا دیکھی انہوں نے بھی دونوں اداکاروں کے انداز میں ورزش کرنے کی ویڈیو سوشل میڈیا پر شیئر کرتے ہوئے بتایا کہ وہ بھی کسی سے کم نہیں اور وہ فٹ اور اسمارٹ رہنے کے لیے کڑی محنت کرتے ہیں۔

کیوبیک:(ایمرا نیوزآن لائن) اس وقت دنیا بھر میں ایک ویڈیو غیر معمولی طور پر مقبول ہورہی ہے جس میں ایک بڑی نسل ’کولی‘ کا کتا بجلی کی رفتار سے دوڑتا ہوا آتا ہے اور ایک نحیف اور چھوٹے کتے کو گویا لے اڑتا ہوا ریورس ہوئی گاڑی سے دور لے جاتا ہے۔

یہ واقعہ کینیڈا کے علاقے کوبیک میں پیش آیا جس میں دیکھا جاسکتا ہے کہ ایک چی ہوا ہوا کتا ریورس ہوتی ہوئی کار کے عین پیچھے تھا اور خاتون ڈرائیور کو گاڑی ریورس کرتے ہوئے اس کا احساس نہیں تھا۔ چند سیکنڈوں میں ایک بڑا کتا ایس یو وی کار کے پاس آتا ہے اور چھوٹے کتے کو اپنی گرفت میں لے کر آگے بڑھ جاتا ہے۔

اس واقعے کے بعد خاتون اپنی کار میں واپس آئیں اور دونوں کتوں کو گلے لگایا لیکن خاتون عقبی آئینے سے تمام معاملے کو سمجھ چکی تھیں اور اسی بنا پر انہوں نے بریک بھی لگائے تھے۔ کار ڈرائیور خاتون پہلے یہ سمجھیں کہ انہوں نے کتے کو کچل دیا ہے لیکن اس ضمن میں کتے کے بروقت ردِ عمل اور مدد کو پوری دنیا نے سراہا ہے۔