Tag opc

لاہور(میڈیا نائن ٹو ڈاٹ ٹی وی)اوورسیز پاکستانیز کمیشن(اوپی سی)پنجاب کی مدد سے اوورسیز پاکستانیوں کی1کروڑ54 لاکھ روپے مالیت کی 4 جائیدادیں گزشتہ ایک ہفتے کے دوران ناجائز قابضین سے واگزار کرالی گئی ہیں۔وائس چیئرپرسن اوپی سی ،شاہین خالد بٹ اورکمشنر افضال بھٹی نے اس ضمن میں تفصیل بتاتے ہوئے کہاکہ لاہوراورفیصل آباد کے اضلاع میںواقع اوورسیز پاکستانیوں کی ان جائیدادوں پر غیر قانونی طورپر قبضہ کیا گیاتھا۔ اوپی سی نے متعلقہ ڈسٹرکٹ اوورسیز پاکستانیز کمیٹیوں کی مدد سے ان جائیدادوں سے قبضہ ختم کراکے انہیں اصل مالکان کے حوالے کیا۔ انہوں نے کہا کہ اوورسیز پاکستانی اپنے مسائل کے حل کیلئے ہمہ وقت اوپی سی سے رابطہ کرسکتے ہیں،ان کی شکایات کا ترجیجی بنیادوں پر ازالہ کیاجائے گا۔

تحریر:۔شاہین خالد بٹ
وائس چیئرپرسن اوورسیز پاکستانیز کمیشن پنجاب

سمندر پار مقیم افراد کا کسی بھی ملک کی معیشت کی مضبوطی میں کردار خصوصی اہمیت کا حامل ہوتا ہے اور ان کی طرف سے بجھوائی جانے والی رقوم سے ملکی اقتصادیات مستحکم بنیادوں پراستوار ہوتی ہے۔پاکستان جیسے ترقی پذیرملک میں سمندر پارافراد کی اہمیت دو چندہوتی ہے۔اگر ہم گرشتہ سال کی تر سیلات زر پر نظر ڈالیں تو ہمیں خوشگوارحیرت ہو گی کہ اوورسیز پاکستانیوں نے20ارب روپے سے زائد رقم ملک بجھوائی۔ میں اس بات کو واضح کرنا ضروری سمجھتاہوں کہ اوورسیز پاکستانی تارکین وطن نہیں۔وہ وطن سے دور ضرورہیں لیکن ان کے دل سے وطن کی محبت کسی طور کم نہیںہوئی۔ ان کے جسم تو سمند رپار ہیں لیکن دل یہیں ہیں۔پاکستان کے مسائل اوران کے حل میں ان کی بھر پور شمولیت ہے۔ وہ پاکستان کے بارے میں اتنے ہی متفکر رہتے ہیںجتنے یہاں موجود پاکستانی،امریکہ میں اپنے36 سالہ قیام کے پیش نظرمیں یہ بات پورے وثوق سے کہہ سکتاہوں کہ اوورسیز پاکستانیوں کے دل میں ہر وقت ملک کا ہی خیال رہتا ہے۔70 فیصد اوورسیز پاکستانیوں کے اہل خانہ تو پاکستان میں ہی رہتے ہیںاور وہ چند سال بعد یہاں چکرلگاتے ہیںلیکن جو پاکستانی دہائیو ں سے بیرون ملک مقیم ہیںان کے دل سے بھی وطن کی محبت رتی بھر کم نہیںہوئی۔پاکستان میں ہونے والے ہر منفی واقعے مثلا دہشت گردی یا دیگر مذاہب کے ساتھ بدسلوکی کے اثرات سب سے پہلے اوورسیز پاکستانی اپنے جسم اور روح پر برداشت کرتے ہیں۔ پاکستان میں ہونے والی جدید ترقی بھی اوورسیز پاکستانیوں کی مرہون منت ہے۔ تعلیم ،بزنس، تعمیرات اور سماجی رجحانات میں ہونے والی مثبت تبدیلیاں بھی اوورسیز پاکستانیوں کی وجہ سے ہیں۔
جس شخصیت نے سب سے پہلے اوورسیز پاکستانیوں کی اہمیت کو تسلیم کرتے ہوئے ان کے مسائل کے حل کیلئے عملی کوششوں کا آغاز کیا وہ وزیر اعلیٰ پنجاب محمد شہباز شریف ہیں ۔طویل عرصے جلا وطنی کی بدولت وہ اوورسیز پاکستانیوں کے مسائل کی شدت اور گہرائی سے نجوبی آگاہ ہیں اور اسی احساس کے پیش نظر انہوں نے اوورسیز پاکستانیز کمیشن(او پی سی) پنجاب کے نام سے ایک ایسا ادارہ قائم کیا جس نے مختصر عرصے میں ایک موثر فورم کی حیثیت اختیار کرلی ہے۔چیئر مین ہونے کی حیثیت سے وزیراعلیٰ نے اس ادارے کا انتظام وا نصرام چلانے کیلئے نہایت باریک بینی سے مخلص،محنتی،قابل اوراوورسیز پاکستانیوں کے مسائل کا ادراک رکھنے والے افراد پرمشتمل ٹیم تشکیل دی اور وزیراعلیٰ کے ویثر ن کے مطابق الحمداللہ آج او پی سی پنجاب کو سمندرپار مقیم ہزاروںپاکستانیوں کے مسائل کو حل کرنے کا ا عزاز حاصل ہوا ہے۔اوورسیز پاکستانیوں کی خدمت کے جذبے کے تحت قائم کئے جانے والے اس ادارے نے مختصر عرصے میں جو معتبرمقام حاصل کیا ہے وہ وزیر اعلیٰ پنجاب کی شفقت اور مسلسل ر ہنمائی کے بغیر ممکن نہ تھا اورگزشتہ ڈھائی سال میںیہ ادارہ اوورسیز پاکستانیوں کو درپیش مسائل اور مشکلات کے حل کیلئے پوری تندہی سے کوشش کررہا ہے۔
زمین یا جائیداد پر ناجائرقبضے کا مسئلہ ہو یا وراثتی جائیداد کی تقسیم ،کاروباری معاہدے کی خلاف ورزی ہو یا پولیس کے معاملات،ریونیو کے مسائل ہوں یا انوسٹمنٹ کے بارے میںرہنما ئی، او پی سی ہر طرح سے سمندرپار پاکستانیوں کی مدد کیلئے مصر وف عمل ہے۔ اوورسیز پاکستانیز کمیشن پنجاب کا قیام دیارغیر میں بسنے والے پاکستانیوں کے مسائل کے حل کیلئے وزیراعلیٰ پنجاب محمد شہباز شریف کی ایک شاندار کاوش ہے اوراس ضمن میں یہ بات قابل ذکر ہے کہ وزیراعلی پنجاب محمد شہباز شریف خود اس کمیشن کی کارکردگی کا جائزہ لیتے ہیں۔ او پی سی پنجاب کی کوششوں سے ابتک ایک نجی ہاﺅسنگ سکیم میں 170گھروں اور پلاٹوں کا قبضہ ان کے مالک اوورسیز پاکستانیوں کے حوالے کردیاگیا ہے۔ہمارے لیے یہ بات قابل فخرہے کہ ہم ابتک موصول ہونے والی دس ہزار سے زائد شکایات میں سے 50 فیصد کا ازالہ کر چکے ہیں۔
او پی سی میں مسائل کے حل کیلئے ایک سٹیٹ آف دی آرٹ سسٹم اپنا یا گیاہے۔پنجاب انفارمیشن ٹیکنا لوجی بورڈکی معاونت سے کمپلینٹ ویب پورٹل قائم کی گئی ہے۔ جہاں اوورسیز پاکستانی دنیا بھر سے اپنی شکایات کا اندرج کراسکتے ہیں۔اوپی سی شکایات متعلقہ اضلاع تک پہنچا کر ان کی بھر پور الیکٹرانک مانیٹرنگ کویقینی بناتاہے جہاں چیئرپرسنزکی قیادت میں ڈسٹرکٹ اوورسیز کمیٹیاں ان شکایات کے حل کیلئے تندہی سے کام کررہی ہیں۔
ادارے کی کارکردگی سے متاثرہوکرآزادجموں و کشمیر حکومت نے بھی سمندر پار مقیم بھائیوں کے مسائل کے حل کیلئے OPCپنجاب کا ماڈل اپنایاہے۔ جس میں OPC پنجاب نے پوری معاونت کی اور آزاد کشمیرکے افسران کیلئے اپنے ادارے میں تربیت کاخصوصی اہتمام کیا تھا۔ اوور سیز پاکستانیز کمیشن غیر ملکی شہریت کے حامل طالبعلموں کے تعلیمی مسائل کو بھی حل کررہا ہے۔ ادارے کی بھر پور کوششوں سے صوبے کے میڈیکل کالجوں میں اوورسیز پاکستانیوں کے بچوں کیلئے اوپن میرٹ کی بنیاد پر 76 نشستیں مختص کردی گئی ہیں۔ پاکستان میں سرمایہ کاری کے لئے اوور سیز پاکستانیوں کی حوصلہ افزائی اور رہنمائی کی جارہی ہے۔اوپی سی ،وفاقی حکومت کے ادارے اوورسیز پاکستانیز فاﺅنڈیشن کے ساتھ باہمی اشتراک کے ذریعے سمندرپار پاکستانیوں کو متعدد سہولیات کی فراہمی یقینی بنارہا ہے ۔جن میں اوورسیز پاکستانیوں کی انشورنس، ان کے بچوں کی بہتر تعلیم ،رہائشی سہولیات اور فلاح وبہبود کے دیگر کئی منصوبے شامل ہیں۔
ہمیںاس بات کا مکمل ادارک ہے کہ پورے ملک میں صرف پنجاب ہی میں اس طرح کا ادارہ قائم کیاگیا ہے اس لئے وزیراعلیٰ محمد شہباز شریف کی ہدایات کے مطابق ہم صرف پنجاب سے تعلق رکھنے والے اوورسیز پاکستانیوں کے مسائل ہی حل نہیں کرتے بلکہ دیگر صوبوں کے اوورسیز پاکستانیوں کی شکایات وصول کرکے ان کے ازالے کیلئے وفاقی حکومت سے مسلسل رابطے میں بھی رہتے ہیں۔اوورسیز پاکستانیوں کے مسائل کے فوری حل کیلئے وفاقی حکومت کے اداروں کے ساتھ مو¿ثر اشتراک کار بھی جاری ہے اور ٹیکس معاملات میں تارکین وطن کی معاونت کیلئے ایف بی آر میں فوکل پرسن کی نامزدگی عمل میں لائی گئی ہے ۔مزید براں وفاقی حکومت کے دیگراداروں، اوورسیز پاکستانیز فاﺅنڈیشن ،وفاقی محتسب ،نیب اور چیف کمشنر اسلام آباد کے ساتھ بھی اشتراک کار بڑھایاگیا ہے تاکہ تارکین وطن کی وفاقی اداروںسے متعلق شکایات کا جلدازجلد ازالہ یقینی بنایا جاسکے۔ ہماری تجویز پران میں سے متعدداداروں نے اوپی سی پنجاب کے ساتھ تعاون کو فروغ دینے کیلئے فوکل پرسن بھی مقررکردیے ہیں۔
او پی سی پنجاب اگرچہ ایک صو بائی ادارہ ہے لیکن اوورسیز پاکستانیوں کے مسائل کے حل کے ضمن میں اس کے اقدامات اور مثبت کردار کی پورے ملک میں تعریف کی جارہی ہے۔یہ حقیقت اس وقت کھل کرہمارے سامنے آتی ہے جب ہم کسی ملک میں روڈ شو منعقد کرتے ہیں اور وہاں موجود دیگر صوبوں سے تعلق رکھنے والے بھائیوں سے ملاقات ہوتی ہے۔ان تمام کا یہ مشترکہ موقف ہوتا ہے کہ اوورسیز پاکستانیز کمیشن قائم کر کے وزیراعلیٰ پنجاب نے دیگرتمام صوبوں پرسبقت حاصل کرلی ہے اور خواہش کرتے ہیںکہ دوسرے صوبوں میں بھی ایسے ادارے قائم ہوں۔ او پی سی وزیراعلیٰ پنجاب کے ایک ایسے خواب کی تعبیر ہے جو انہوں نے سمندرپار مقیم پاکستانیوں کی فلاح و بہبود کیلئے دیکھاتھا۔اوورسیز پاکستانیوں کیلئے اس ادارے کے دروازے ہمیشہ کھلے ہیں اور اس ادارے کے افسران و سٹاف ان کی خدمت کیلئے ہمہ وقت مصر وف عمل ہیں۔اوورسیز پاکستانی اپنے مسائل کے حل کیلئے کسی بھی وقت ہمار ی ویب سائیٹwww.opc.punjab.gov.pk یا ہیلپ لائن+92.42.111-672-672 پر24/7اپنی شکایات درج کراسکتے ہیں۔بذات خود 1 -کلب روڈ جی او آر ون لاہور تشریف لاکریا اضلاع میں موجود ڈسٹرکٹ اوورسیز پاکستانیز کمیٹیوں سے رابطہ کر کے بھی شکایات رجسٹرڈکرائی جا سکتی ہے۔اوورسیز پاکستانیز کمیشن کے مستعد افسران و سٹاف سمندر پار مقیم پاکستانیوں کی خدمت کیلئے چشم براہ ہے۔
٭٭٭٭

لاہور(ایم نائن ٹو ڈاٹ ٹی وی)اوورسیز پاکستانیز کمیشن (او پی سی)پنجاب کی کاوشوں سے اوورسیز پاکستانیز فاﺅنڈیشن (او پی ایف)ہاﺅسنگ سکیم کی 30کروڑ روپے مالیت کی 75 کنال اراضی غیر قانونی قبضہ سے واگزار کرالی گئی ہے۔ وائس چیئرپرسن او پی سی شاہین خالد بٹ نے اس حوالے سے بتایا کہ اوپی ایف نے موضع رکھ رائے ضلع لاہور میں اوورسیز پاکستانیوں کیلئے ہاﺅسنگ سکیم بنانے کی غرض سے 75 کنال 12 مرلہ اراضی خریدی تھی تاہم ادائیگی کے باوجود سابق مالک اوپی ایف کو زمین کا قبضہ نہیں دے رہا تھا۔ اوپی ایف کی طرف سے شکایت کے اندراج کے بعد اوپی سی نے متعلقہ محکموں کی مدد سے کارروائی کے بعد زمین سے ناجائز قبضہ ختم کروایا۔وائس چیئرپرسن نے بتایا کہ اوپی سی سمندرپارمقیم پاکستانیوں کے مسائل کے حل کیلئے بھرپور کو ششیں کررہاہے اور ابتک موصول ہونے والی شکایتوں میں سے 50 فیصد کا ازالہ کیاجاچکاہے ۔

لاہور(ایم نائن ٹو ڈاٹ ٹی وی) اوورسیز پاکستانیز کمیشن (اوپی سی)پنجاب کی کاوشوں سے سمندرپارمقیم پاکستانی کی 2 کروڑ روپے مالیت کی حویلی ناجائز قابضین سے واگزار کرالی گئی ہے۔ وائس چیئرپرسن اوپی سی ،شاہین خالد بٹ نے اس ضمن میں بتایا کہ مکہ معظمہ ،سعودی عرب میں میقم ذوالفقار علی نے کمیشن کو شکایت درج کرائی کہ بعض افرادنے ان کی سبزکوٹ، تحصیل پسر ورضلع سیالکوٹ میں واضع 25 مرلہ کی حویلی پر قبضہ کر لیا ہے، جس کو واگزار کرایا جائے۔ یہ شکایت مزید کارروائی کیلئے ڈسٹرکٹ اوورسیز پاکستانیز کمیٹی سیالکوٹ کو بجھوائی گئی جس کے ارکان کی کوششوں سے یہ حویلی ناجائز قابضین سے واگزار کرا کے اصل مالک کے حوالے کر دی گئی۔ شاہین خالد بٹ نے بتایا کہ او پی سی کی بدولت ابتک ہزاروں اوورسیز پاکستانیوں کے مسائل حل کئے جا چکے ہیں۔

لاہور(M92)اوورسیز پاکستانیز کمیشن(اوپی سی)پنجاب کی مدد سے اوورسیز پاکستانیوں کی 15کروڑ روپے مالیت کی 11جائیدادیں گزشتہ ایک ہفتے کے دوران ناجائز قابضین سے واگزار کرالی گئی ہیں۔ یہ بات وائس چیئرپرسن ،اوپی سی،شاہین خالد بٹ اورکمشنر افضال بھٹی نے کمیشن کے افسران کے ہفتہ وار اجلاس کی صدارت کرتے ہوئے بتائی۔شاہین خالد بٹ اور افضال بھٹی نے بتایاکہ لاہور،گجرات ، راولپنڈی، ملتان، سیالکوٹ اور رحیم یار خان کے اضلاع میں واقع اوورسیز پاکستانیوں کی ان جائیدادوں پر غیر قانونی طورپر قبضہ کیا گیاتھا۔ اوپی سی نے متعلقہ ڈسٹرکٹ اوورسیز پاکستانیز کمیٹیوں کی مدد سے ان جائیدادوں سے قبضہ ختم کراکے انہیں اصل مالکان کے حوالے کیا۔ ڈائریکٹر جنرل سید جاوید اقبال بخاری، ایڈیشنل ڈائریکٹرجنرل آغامحمدیوسف،ڈائریکٹرز اسدنعیم،راجہ زبیر ،عشرت اللہ نیازی ،کوآرڈینیٹر حاجی محمد نوازاور دیگر سینئرافسران اجلاس میں شریک تھے۔