Tag Pak Army

(ایمرا نیوزآن لائن) پاک فضائیہ کے نمبر 11ملٹی رول اسکواڈرن نے سومیانی فائرنگ رینج میں منعقدہ انٹر اسکواڈرن آرمامنٹ مقابلے جیت لیے۔

ان مقابلوں کی اختتامی تقریب پاک فضائیہ کے ایک آپریشنل ایئربیس پر منعقد ہوئی جس کے مہمانِ خصوصی پاک فضائیہ کے سربراہ ایئر چیف مارشل مجاہد انور خان تھے۔ اس موقع پر خطاب کرتے ہوئے ایئر چیف نے کہا کہ پاک فضائیہ اپنی جنگی صلاحیتوں کو بڑھانے کے لیے جدیدیت اور خود انحصاری کی راہ پر گامزن ہے۔

پاک فضائیہ کے سربراہ ایئر چیف مارشل مجاہد انور خان ونگ کمانڈر مدثر ارشد کو آمامنٹ کمپی ٹیشن ٹرافی دیتے ہوئے۔
انہوں نے مزید کہا کہ پاک فضائیہ مادر وطن کے فضائی دفاع کے لیے ہمہ وقت تیار ہے اور ہمیشہ پورے عزم اور حوصلے کے ساتھ قوم کی آواز پر لبیک کہتی ہے۔

ایئر چیف نے کشمیر کی صورتحال پر روشنی ڈالتے ہوئے کہا کہ ہم اپنے کشمیری بھائیوں کے حقِ خودارادیت کی جدوجہد میں ان کے ساتھ کھڑے ہیں، انہوں نے اس بات کا اعادہ کیا کہ کشمیر میں انسانی مظالم کو فوری طور پر ختم ہونا چاہیے۔

پاک فضائیہ کے سربراہ نے مزید کہا کہ ہم اس صورتحال پر پوری طرح نظر رکھے ہوئے ہیں اور اپنی فضائی سرحدوں کی حفاظت سے ہرگز غافل نہیں ہوسکتے۔

مقابلے کے شرکاء کا پاک فضائیہ کے سربراہ ایئر چیف مارشل مجاہد انور خان کے ساتھ گروپ فوٹو
10 اکتوبر کو شروع ہونے والے ان مقابلوں میں تمام جنگی جہازوں سے منسلک پائلٹس نے اپنی بہترین پیشہ ورانہ صلاحیتوں کا مظاہرہ کرتے ہو ئے اپنے اہداف کو ٹھیک ٹھیک نشانہ بنایا۔ نمبر 11 ملٹی رول اسکواڈرن کو بہترین کارکردگی کی بنا پر ان مقابلوں کا فاتح قرار دیا گیا۔

پہلی مرتبہ متعارف کروائی گئی بیسٹ آرمامنٹ ٹرافی مشترکہ طور پر نمبر 2 اسکواڈرن اور نمبر 8 اسکواڈرن کو عطا کی گئی، جبکہ مینٹیننس ٹرافی نمبر 14 اسکواڈرن نے حاصل کی۔

ونگ کمانڈر نعمان اکرم کو انفرادی طور پر بہترین نشانہ بازی کا مظاہرہ کرنے پر شیر افگن ٹرافی سے نوازا گیا۔ ان مقابلوں میں پاک فضائیہ کی تمام فائٹر اسکواڈرنز کی کارکردگی کو جانچا گیا، جہاں JF-17 نے اپنی نمایاں کار کردگی کی بدولت پاک فضائیہ میں اپنی حیثیت صفِ اوّل کے لڑاکا طیارے کے طور پر منوا لی ہے۔

( میڈیا 92 نیوز آن لا ئن ) پاک فضائیہ کے سربراہ ائیر چیف مارشل مجاہد انور خان نے موآئی ائیر بیس، نیروبی کینیا کے دورے کے دوران میجر جنرل فرانسس اوگولا، کمانڈر کینیا ائیر فورس سے ملاقات کی۔

ملاقات کے دوران باہمی تعاون اور پیشہ وارانہ دلچسپی کے اُمورپر تبادلہ خیال کیا گیا۔ کینیا فضائیہ کے کمانڈر نے پاک فضائیہ کی اعلیٰ پیشہ ورانہ مہارت کی تعریف کی۔ پاک فضائیہ کے سربراہ نے کینین فضائیہ کو فوجی تربیت اور ہوابازی کے شعبہ جات میں تعاون کی پیش کش کی۔

سربراہ پاک فضائیہ کی کینیا کی فوجی اور سول قیادت سے ملاقاتیں: معزز شخصیات نے دونوں فضائی افواج کے مابین دوستانہ تعلقات کو مزید فروغ دینے کے عزم کا اعادہ کیا۔ قبل ازیں ا ئیر چیف کی بیس آمد پر کینیا فضائیہ کے ایک چاق وچوبند دستے نے انہیں سلامی پیش کی۔ انہوں نے کینیا ائیر فورس کے زیرِ استعمال مختلف طیاروں کا معائنہ بھی کیا۔

سربراہ پاک فضائیہ کی کینیا کی فوجی اور سول قیادت سے ملاقاتیں: قبل ازیں ائیر چیف نے کینیا کے اعلیٰ سول اور دفاعی عہدیداران سے ملاقاتیں کیں جن میں مس ریچل عمامو (ڈیفنس کیبنٹ سیکریٹری)، جنرل سیمسن ماتھیتھی (چیف آف کینین ڈیفنس فورسز) اور لیفٹینینٹ جنرل والٹر راریا (کمانڈر کینین آرمی) شامل تھے۔ ان ملاقاتوں کے دوران دو طرفہ تعاون اور پیشہ وارانہ دلچسپی کے اُمورپر گفتگو کی گئی۔

راولپنڈی:(ایمرا نیوزآن لائن) پاک فوج کے 4 میجر جنرلز کو لیفٹیننٹ جنرل کے عہدے پر ترقی دے دی گئی، ترقی پانے والوں میں میجر جنرل ساحر شمشاد مرزا، میجر جنرل نعمان محمود، میجر جنرل اظہر عباس اور میجر جنرل فیض حمید شامل ہیں۔پاک فوج کے شعبہ تعلقات عامہ کی جانب سے جاری اعلامیے میں کہا گیا ہے کہ آرمی چیف کے حکم پر 4 میجر جنرلز کو ترقی دے کر لیفٹیننٹ جنرل تعینات کر دیا گیا۔ میجر جنرل ساحر شمشاد مرزا اور میجر جنرل نعمان محمود کو ترقی پانے والوں میں شامل ہیں جبکہ میجر جنرل اظہر عباس اور میجر جنرل فیض حمید کو بھی ترقی دی گئی ہے۔

راولپنڈی(ایمرا نیوزآن لائن) فوجی شرٹ اور ٹوپی پہن کر میچ دیکھنے کی عوامی خواہش مسلح افواج عوام کی محبت اور سپورٹ کو سراہتی ہیں:ترجمان
سوشل میڈیا پر پی ایس ایل کیلئے فوجی ٹوپیاں پہن کر سٹیڈیم جانے کی مہم جاری ہے ، ڈی جی آئی ایس پی آر میجر جنرل آصف غفور نے بھی پیغام جاری کر دیا۔ اپنے ٹویٹ میں انہوں نے کہا پیارے پاکستانیو!آپ کی خواہش ہے کہ فائنل فوج کی شرٹ اور ٹوپی پہن کر دیکھیں،مسلح افواج آپ کی محبت اور حمایت کو قدر کی نگاہ سے دیکھتی ہیں۔ انہوں نے کہا کہ کھیل سیاست سے ماورا ہوتے ہیں، ہمارا یقین ہے کہ ہمارا تعلق صرف اس اظہار تک محدود نہیں ۔انہوں نے کہا عوام روشنیوں کے شہر میں میچ سے لطف اندوز ہوں،پاک فوج عوام کی محبت اور سپورٹ کو سراہتی ہے ۔علاوہ ازیں صارفین سوشل میڈیاپرپاکستانی مسلح افواج سے اظہاریکجہتی کرتے نظرآرہے ہیں۔صارفین کا کہنا ہے جو بھی میچ دیکھنے جائے وہ ملٹری کیپس اورشرٹس پہنے ۔ایک صارف نے لکھا پاکستانی بھائیوں کے پا س یہ اچھاموقع ہے جسے ضائع نہ کریں۔ایک اورصارف نے لکھا کہ آسٹریلیاکیخلاف میچ میں بھارتی کھلاڑیوں نے فوجی ٹوپیاں پہنیں،اس لئے اب تمام شائقین فوجی ٹوپیاں پہن کر سٹیڈیم پہنچیں،ایک صارف کے مطابق ملٹری کی ٹوپیاں پہن کر بھارت کوجواب دینا چاہتے ہیں ہم صاف دل کے مالک ہیں،ایک اورصارف لکھتاکہ ملٹری کیپس پہننے سے بھارت اورآئی سی سی کوکراراجواب ملے گا۔پاک فوج سے اظہاریکجہتی کیلئے شائقین نے ابھی سے تیاریاں کرلی ہیں،جسے وہ تصاویرکی صورت میں سوشل میڈیاپرشیئربھی کررہے ہیں۔

ڈیرہ اسماعیل خان(نیٹ نیوز/ایمرا نیوز) ڈیرہ اسماعیل خان کے دور افتادہ علاقے چودہوان میں پاک آرمی کی جانب سے فری میڈیکل کیمپ لگایا گیا جس میں 2ہزار مریضوں کا فری چیک اپ کیا گیا اور انہیں مفت ادویات فراہم کی گئیں۔ڈیرہ اسماعیل خان کے علاقے چودہوان میں پاک آرمی کے تعاون سے فری میڈیکل کیمپ میں ماہر ڈاکٹروں نے مختلف بیماریوں میں مبتلا 2000 سے زائد مریضوں کا معائنہ کیا اور مفت ادویات دیں۔چودہوان تحصیل کلاچی کی پسماندہ یونین کونسل ہے، جہاں نبیادی مراکز صحت پر سہولتیں دستیاب نہیں ہیں جس کی وجہ سے مریضوں کو ڈسٹرکٹ ہیڈ کوارٹر اسپتال ڈیرہ اسماعیل خان آنا پڑتا ہے۔پاک آرمی کی جانب سے منعقدہ اس کیمپ میں علاقے کے غریب اور نادار مریضوں کا علاج کیا گیا۔

راولپنڈی(میڈیا نائن ٹو ڈاٹ ٹی وی) ڈیرہ اسماعیل خان کے علاقے کولاچی میں آپریشن کے دوران پاک فوج کے میجر اسحاق شہید ہوگئے۔ڈی جی آئی ایس پی آر میجر جنرل آصف غفور کے مطابق سیکیورٹی فورسز نے دہشت گردوں کی موجودگی کی اطلاع پر ڈیرہ اسماعیل خان کے علاقے کولاچی میں آپریشن کیا۔ فائرنگ کے تبادلے میں دھرتی کے ایک اور سپوت میجر اسحاق نے جام شہادت نوش کیا۔ شہید میجر اسحاق کی عمر 28 سال اور خوشاب سے تعلق تھا۔ ان کے پسماندگان میں بیوہ اور ایک سال کا بچہ شامل ہے۔
میجر اسحاق کی نماز جنازہ ان کے آبائی علاقے میں ادا کردی گئی جس میں آرمی چیف جنرل قمر جاوید باجوہ اور دیگر اعلیٰ حکام نے شرکت کی۔ ڈی جی آئی ایس پی آر کے مطابق دہشت گردوں کے حملے پاک فوج کے حوصلے پست نہیں کرسکتے اور ہم مادر وطن کی حفاظت کا مقدس فریضہ سرانجام دیتے رہیں گے۔

راولپنڈی(M92)چیف آف آرمی سٹاف جنرل قمر جاوید باجوہ نے برطانیہ میں منعقدہ مشقوں کیمبرین پٹرول میں سونے کا تمغہ جیتنے والی پاکستان آرمی کی ٹیم کی شاندار کار کردگی کو سراہا ہے ۔آئی ایس پی آر کے مطابق چیف آف آرمی سٹاف جنرل قمر جاوید باجوہ نے برطانیہ میں منعقدہ مشقوں کیمبرین پٹرول میں سونے کا تمغہ جیتنے والی پاکستان آرمی کی ٹیم سے ملاقات کی۔ایکسرسائز کیمبرین پٹرول برطانیہ میں منعقد ہوئی جس میں مجموعی طورپر 131ٹیموں نے حصہ لیا ۔یہ مشق فوجی اہلکاروں کیلئے سخت ترین پٹرولنگ ٹیسٹ سمجھا جاتا ہے۔ ۔پاکستان نے اس مقابلے میں مسلسل تیسری مرتبہ اور مجموعی طورپر چوتھی مرتبہ سونے کا تمغہ جیتا ہے ۔آرمی چیف نے گولڈ میڈل جیتنے والی ٹیم کی شاندار کار کر دگی کو سراہا ۔

بنوں(M92) نورل کے علاقے میں سیکیورٹی فورسز کے قافلے پر بم حملے میں 3 اہلکاروں سمیت 5 افراد زخمی ہوگئے۔ ذرائع کے مطابق بنوں کے علاقے نورل میں سیکیورٹی فورسز کے قافلے کے قریب ہونے والے دھماکے میں 3 اہلکاروں سمیت 5 افراد زخمی ہوگئے ہیں۔ ذرائع کے مطابق سیکیورٹی فورسز کا قافلہ شمالی وزیرستان سے بنوں آرہا تھا کہ نورل میں اسے ریموٹ کنٹرول بم سے نشانہ بنایا گیا۔ حملے میں 3 سیکیورٹی اہلکاراور 2 عام شہری زخمی ہوگئے۔ بم سڑک کنارے کھڑی ایک موٹرسائیکل میں نصب تھا اور قافلے کے قریب آتے ہی دھماکا کردیا گیا۔
دھماکے کی اطلاع ملتے ہی فورسز اور امدادی ٹیمیں جائے وقوعہ پہنچیں۔ زخمیوں کو سی ایم ایچ بنوں منتقل کردیا گیا ہے جن میں سے 3 کی حالت تشویشناک بتائی جاتی ہے۔ سیکیورٹی فورسز نے علاقے کو گھیرے میں لے لیا ہے اور جائے وقوعہ سے شواہد اکٹھے کرکے تحقیقات شروع کردی گئی ہیں۔