Tag pak vs south africa

کیپ ٹاؤن(سپورٹس ڈیسک/ایمرا نیوز) کیپ ٹاؤں میں پاکستان کی دوسری اننگ کا آغاز بھی مایوس کن رہا اور اوپنر امام الحق 6 رنز بنا کر ڈیل اسٹین کا شکار بنے۔اس سے قبل دوسرے ٹیسٹ میں میزبان جنوبی افریقا اپنی پہلی اننگ میں 431 رنز بنا کر آوٹ ہوگئی۔پاکستان کے خلاف جاری 3 ٹیسٹ میچوں کی سیریز کے دوسرے میچ میں جنوبی افریقا نے پاکستان کی پہلی اننگ کے اسکور 177 رنز کے جواب میں 431 رنز بنائے اور یوں اس کو پاکستان پر 254 رنز کی سبقت حاصل ہے۔جنوبی افریقا کی جانب سے کپتان ڈوپلیسی نے 103 رنز بنائے جبکہ مارکہم 78 ،بووما 75 اور ڈی کوک نے 59 رنز بنائے۔پاکستان کی جانب سے شاہین آفریدی اور محمد عامر نے چار چار کھلاڑیوں کو آؤٹ کیا جبکہ محمد عباس اور شان مسعود نے ایک ایک وکٹ حاصل کی۔

کیپ ٹاؤن(سپورٹس ڈیسک/ایمرا نیوز) کیپ ٹاؤن ٹیسٹ میںجنوبی افریقا کی ٹیم کی پاکستان کے خلاف بیٹنگ جاری ہے اور اس نے 3 وکٹ کے نقصان پر 129 رنز بنا لیے ہیں۔دوسرے دن کا کھیل جب شروع ہوا تو ہاشم آملہ کو 24 کے انفرادی اسکور پر محمد عباس نے بولڈ کیا۔تین ٹیسٹ میچز پر مشتمل سیریز کے دوسرے ٹیسٹ میں جنوبی افریقی کپتان فاف ڈپلوسی نے گزشتہ روز ٹاس جیت کر پاکستان کو پہلے بیٹنگ کی دعوت دی تو پوری ٹیم 177 رنز پر ڈھیر ہوگئی تھی۔دوسری جانب جنوبی افریقا نے پراعتماد انداز میں اپنی اننگ کا آغاز کیا اور پہلے دن کھیل کے اختتام تک 2 وکٹوں کے نقصان پر 123 رنز بنائے تھے۔واضح رہے کہ جنوبی افریقا نے پاکستان کو پہلے ٹیسٹ میں شکست دی تھی جس کے بعد میزبان ٹیم کو تین میچز پر مشتمل سیریز میں 0-1 کی برتری حاصل ہے۔

نیو لینڈز:(سپورٹس ڈیسک/ایمرا نیوز) جنوبی افریقا کے خلاف کیپ ٹاؤن ٹیسٹ میں پاکستان کی آدھی ٹیم 54 کے مجموعی اسکور پر پویلین لوٹ گئی۔ کیپ ٹاؤن ٹیسٹ میں جنوبی افریقی کپتان فاف ڈپلوسی نے ٹاس جیت کر پہلے سرفراز الیون کو بیٹنگ کی دعوت دی تو ایک مرتبہ پھر قومی ٹیم کا ٹاپ آرڈر ناکام ثابت ہوا اور وقفے وقفے سے وکٹیں گرتی چلی گئیں۔اوپننگ بلے بازوں نے ایک مرتبہ پھر مایوس کن آغاز کیا اور صرف 9 کے مجموعی اسکور پر فخر زمان اور پھر 13 کے مجموعے پر امام الحق پویلین لوٹ گئے۔ فخر زمان ایک رنز بنا کر ڈیل اسٹین اور امام الحق 8 رنز بنا کر فلینڈر کا شکار بنے۔ تیسرے آؤٹ ہونے والے تجربہ کار بیٹسمین اظہر علی تھے جو اولیویئر کی باؤنسی گیند پر سلپ پر کھڑے ہاشم آملہ کے ہاتھوں کیچ آؤٹ ہوئے۔جنوبی افریقا کی باؤنسی پچ پر تیز رفتار پروٹیز بولروں کے سامنے اسد شفیق کی مزاحمت بھی زیادہ دیر نہ چل سی اور 51 کے مجموعی اسکور پر وہ 20 رنز بنا کر آؤٹ ہوگئے جب کہ بابراعظم بھی 2 رنز کے مہمان ثابت ہوئے۔میزبان ٹیم کے خلاف تین ٹیسٹ میچز کی سیریز کے دوسرے میچ کے لیے قومی بیٹنگ لائن میں کوئی تبدیلی نہیں کی گئی تاہم فاسٹ بولر حسن علی کی جگہ محمد عباس کو ٹیم میں شامل کیا گیا ہے۔کپتان سرفراز احمد کا ٹاس ہارنے کے بعد کہنا تھا کہ اگر وہ ٹاس جیتنے میں کامیاب ہوتے تو پہلے بیٹنگ ہی کرتے۔پاکستان نے آج تک جنوبی افریقا کی سرزمین پر کوئی سیریز نہیں جیتی اور کیپ ٹاؤن میں پاکستان کا ریکارڈ بھی کچھ اچھا نہیں، اس گراؤنڈ پر دونوں ٹیموں کے درمیان تین ٹیسٹ سیریز ہوئیں اور تینوں میں جنوبی افریقا نے پاکستان کو شکست دی۔

کیپ ٹاؤن(سپورٹس ڈیسک/ایمرا نیوز) پاکستان اور جنوبی افریقا کے درمیان دوسرا ٹیسٹ آج سے کیپ ٹاؤن میں شروع ہوگا، سرفراز احمد کا کہنا ہے کہ ٹیم میں 6 بیٹسمین، 3 فاسٹ بولرز اور یاسر کے ساتھ ہم میدان میں اتریں گے ۔پہلے ٹیسٹ میں بیٹنگ لائن کی غیر ذمے دارانہ کارکردگی کے باوجود پاکستانی ٹیم دوسرے ٹیسٹ میں اپنی بیٹنگ لائن کو ایک اور موقع دینا چاہتی ہے تاہم سیریز میں واپس آنے کے لئے پاکستان کو دوسرے ٹیسٹ میں فاسٹ بولر محمد عباس کی خدمات حاصل ہونگی۔میچ سے قبل پاکستانی ٹیم میں ایک تبدیلی کی توقع کی جارہی ہے ، حسن علی کی جگہ محمد عباس کو حتمی گیارہ کھلاڑیوں میں شامل کیے جانے کا امکان ہے۔پاکستان نے آج تک جنوبی افریقا کی سرزمین پر کوئی سیریز نہیں جیتی اور کیپ ٹاؤن میں پاکستان کا ریکارڈ بھی کچھ اچھا نہیں رہا ہے۔اس گراؤنڈ پر دونوں ٹیموں کے درمیان تین ٹیسٹ کھیلے گئے اور تینوں میں جنوبی افریقا نے پاکستان کو شکست دی ہے۔

سینچورین(سپورٹس ڈیسک/ایمرا نیوز) پاکستان کے خلاف پہلے ٹیسٹ میں میزبان جنوبی افریقا اپنی پہلی اننگز میں 223 رنز بنا کر آوٹ ہوگئی اور اس کو پاکستان کے اسکور 181 رنز پر 42 رنز کی برتری حاصل ہے۔آج آوٹ ہونے والے پہلے کھلاڑی ڈیل اسٹین تھے جو 146 کے مجموعی اسکور پر محمد عامر کا شکار بنے، اس کے بعد 170 کے مجموعی اسکور پر تو ٹیمبا باووما 53 رنز بنا کر آؤٹ ہوئے۔جنوبی افریقا کی آٹھویں گرنے والی وکٹ مہاراج کی تھی جنہیں حسن علی نے 4 کے انفرادی اسکور پر پویلین کی راہ دکھائی۔ اس کے تھوڑی ہی دیر بعد شاہین آفریدی نے ربادا کو ڈریسنگ روم کی راہ دکھائی۔جنوبی افریقا نے دوسرے روز اپنی اننگ 127 رنز 5 کھلاڑی آؤٹ سے دوبارہ شروع کی تو ٹیمبا باووما 38 اور ڈیل اسٹین 13 رنز کے ساتھ کریز پر موجود تھے ، جبکہ جنوبی افریقا کو پاکستان کی پہلی اننگ کا اسکور برابر کرنے کے لیے مزید 54 رنز درکار ہیں اور اس کی 5 وکٹیں ابھی باقی ہیں۔پاکستان کی جانب سے محمد عامر اور شاہین شاہ آفریدی 2،2 جب کہ حسن علی نے ایک کھلاڑی کو پویلین کی راہ دکھائی۔سینچورین ٹیسٹ کے پہلے روز پاکستان کی پوری ٹیم 181 رنز بنا کر آؤٹ ہوگئی تھی اور بابر اعظم 71 رنز کی ذمہ دارانہ اننگز کے ساتھ نمایاں تھے۔پاکستان ٹیم اب تک جنوبی افریقا میں کوئی ٹیسٹ سیریز اپنے نام نہیں کرسکی اور گزشتہ 10 سال کے دوران پاکستان نے پروٹیز سرزمین پر کوئی ٹیسٹ میچ نہیں جیتا۔