Tag pakistan goverenment

(ایمرا نیوزآن لائن) وزیر ریلوے شیخ رشید نے اپوزیشن کو آڑے ہاتھوں لیتے ہوئے الزام عائد کیا ہے کہ منتخب حکومت کو گرانے کے لیے غیر جمہوری اور غیر پارلیمانی زبان استعمال ہو رہی ہے۔

راولپنڈی ریلوے اسٹیشن پر میڈیا سے بات کرتے ہوئے شیخ رشید کا کہنا تھا کہ آصف زرداری کی ضمانت ہوئی جو اچھی بات ہے، نیب کی ریکوری آ رہی ہے جو اچھی چیز ہے، اب ملک بہتری کی طرف جائے گا۔ شیخ رشید کا کہنا تھا حکومت نے معیشت کومستحکم کردیا ہے، تین ماہ میں مہنگائی میں بھی کمی آئے گی، بجلی گیس کے بل ٹھیک ہو جائیں گے۔

ریلوے کے حوالے سے بات کرتے ہوئے وفاقی وزیر نے ایک بار پھر 3 سال میں ریلوے کا خسارہ ختم کرنے کا دعویٰ کرتے ہوئے کہا کہ فری ٹریڈ پالیسی لا رہے ہیں اور 12 سے 15 فریٹ ٹرینیں چلا رہے ہیں۔ مارچ تک 5 کیسز میں پلی بارگین آجائے گی، بلاول بچپن سے ان پانچ کیسز میں ڈائریکٹر ہیں، پلی بارگین نہ ہوئی تو بلاول کا سیاسی مستقل ختم ہو جائے گا، شیخ رشید

شیخ رشید نے کہا کہ سرگودھا ڈویژن سے بھی آج ٹرین چلا رہے ہیں اور رائیونڈ اسٹیشن سے بھی ٹرین چلائیں گے۔ ان کا کہنا تھا ریلوے کے گریڈ ایک سے گریڈ 6 تک کے ملازمین کی مراعات کے لیے وزیراعظم سے بات کروں گا۔ گزشتہ روز اسلامک یونیورسٹی میں دو طلبہ تنظیموں کے درمیان ہونے والے تصام کے حوالے سے بات کرتے ہوئے شیخ رشید کا کہنا تھا اسلام آباد میں طلبہ تنظیموں کے درمیان تصادم کا واقعہ افسوسناک ہے۔

بھارت میں شہریت سے متعلق متنازع بل پر بات کرتے ہوئے وزیر ریلوے نے کہا کہ کشمیر کے علاوہ پورے بھارت میں مسلمانوں کے گردگھیرا تنگ کیا جا رہا ہے، ہندوستان کے مسلمان پوری دنیا کی طرف دیکھ رہے ہیں۔ شیخ رشید نے کہا کہ ہم ایٹمی طاقت ہیں اور مسلمانوں کی ذمہ داری اب ہم پر ہے۔

چیف الیکشن کمشنر کی تعیناتی کے حوالے سے پوچھے گئے سوال پر شیخ رشید نے کہا کہ تمام جماعتوں کا فرض ہے کہ مشترکہ الیکشن کمشنر لے کر آئیں۔ اپوزیشن کو تنقید کا نشانہ بناتے ہوئے وزیر ریلوے کا کہنا تھا منتخب حکومت کو گرانے کے لیے غیر جمہوری اور غیر آئینی زبان استعمال کی جا رہی ہے۔

روس(ایمرا نیوزآن لائن) نے پاکستان اسٹیل ملز کی بحالی اور اس کی پیداواری صلاحیت بڑھانے کے لیے تعاون کی پیشکش کردی۔

وفاقی وزیر برائےاقتصادی امور حماد اظہر اور روس کے وزیر تجارت ڈینس ویلنٹنووچ کی زیر صدارت پاکستان روس بین الحکومتی کمیشن کا اجلاس اسلام آباد میں ہوا۔

اجلاس کے بعد حماد اظہر کے ہمراہ مشترکہ نیوز کانفرنس سے خطاب کرتے ہوئے روسی وزیرتجارت نے کہاکہ ہم اسٹیل ملز کی بحالی اور اس کی پیداواری صلاحیت بڑھانے کے لیے پاکستان کو تعاون فراہم کریں گے۔ انہوں نے نارتھ ساؤتھ گیس پائپ لائن بچھانے سمیت پاکستان کے ساتھ مختلف شعبوں میں تعاون بڑھانے میں دلچسپی ظاہر کی۔

روسی وزیر کا کہنا تھا کہ روس جہاز سازی کے شعبے میں پاکستان کے ساتھ تعاون کا خواہاں ہے جب کہ زراعت کے شعبے میں بھی تعاون کے وسیع مواقع موجود ہیں، اس کے علاوہ روس پاکستان کے ساتھ ریلوے کے شعبے میں بنیادی ڈھانچے اور ریل گاڑیوں کی مقامی تیاری کے شعبے میں تعاون بڑھانا چاہتا ہے۔

اس موقع پر اقتصادی امور کے وزیر حماد اظہر نے کہا کہ پاکستان روس کے ساتھ تعلقات کو تزویراتی شراکت داری میں بدلنے کا خواہش مند ہے۔

‘روس کےساتھ ریلوےکے شعبے میں مل کرکام کرنےکیلئے تیار ہیں’: حماد اظہر نے کہا کہ روس کی کمپنیاں پاکستان میں تیل و گیس کے شعبے میں سرمایہ کاری کریں۔ پاکستان اسٹیل ملز کی بحالی میں روس کی جانب سے تعاون کی پیشکش کو سراہتے ہیں۔

ان کا کہنا تھا کہ پاکستان روس کے ساتھ ریلوے کے شعبے میں مل کر کام کرنے کے لیے تیار ہے اور کوئٹہ تفتان ریلوے سیکشن کی اپگریڈیشن پر بھی مل کر کام کرنے کو تیار ہیں۔ انہوں نے کہاکہ دونوں ممالک میں تجارت ، کاروباری تعلقات اور عوامی سطح پر رابطوں کے شعبوں میں تعاون بڑھانے کے بے پناہ مواقع موجود ہیں۔

(ایمرا نیوزآن لائن) چیئرمین پیپلز پارٹی بلاول بھٹو زرداری کا کہنا ہے کہ سابق صدر آصف علی زرداری شکاری ہیں اور کھلاڑی کا شکار کریں گے۔

سابق صدر آصف علی زرداری کی طبی بنیادوں پر ضمانت کے بعد میڈیا سے گفتگو کرتے ہوئے بلاول بھٹو زرداری کا کہنا تھا قومی احتساب بیورو (نیب) فریال تالپور کیس میں ہم پر دباؤ ڈالنا چاہتا ہے۔ بلاول بھٹو نے مزید کہا کہ حکومت اگر سمجھتی ہے کہ ہم ان کے ہتھکنڈوں سے ڈر جائیں گے تو یہ ان کی بھول ہے۔

سابق صدر کی ضمانت پر رہائی سے متعلق بات کرتے ہوئے بلاول بھٹو کا کہنا تھا کہ جن لوگوں نے بھی آصف زرداری کی رہائی کے لیے دعائیں کی ہیں ان کے شکر گزار ہیں، آصف علی زرداری صاحب کا جلد علاج ہو گا۔ حکومت کو تنقید کا نشانہ بناتے ہوئے چیئرمین پیپلز پارٹی کا کہنا تھا نالائق اور نااہل حکومت نے سیاست اور معیشت کو تباہ حال کر دیا ہے، زرداری صاحب شکاری ہیں اور کھلاڑی کا شکار کریں گے۔

(ایمرا نیوزآن لائن) وفاقی وزرات خزانہ کے مطابق ترقیاتی فنڈز کم خرچ ہونے سے مرکز اور صوبوں کے اکاؤنٹ سرپلس میں گئے۔

وزارت خزانہ کا اپنی ویب سائٹ پر جاری بیان میں کہنا ہے کہ رواں مالی سال کے پہلے 4 ماہ میں صوبوں نے مجموعی طورپر 202 ارب روپے کے ترقیاتی فنڈز کم خرچ کیے جس کے باعث صوبوں اور مرکز کے اکاؤنٹ سرپلس میں گئے۔

وزارت خزانہ کے مطابق اکاؤنٹس سرپلس ہونے سے مجموعی طور پرپاکستان کے معاشی اعشارے مثبت رہے لیکن معیشت سست روی کا شکار رہی۔ وزرات خزانہ نے بتایا کہ پنجاب کے 366 ارب روپے کے ریونیو میں سے 75 ارب 40 کروڑ روپے جبکہ سندھ میں 199 ارب روپے کے ریونیو میں سے 35 ارب 50 کروڑ سرپلس رہے۔

خیبرپختونخوا کے 141 ارب کے ریونیو میں 54 ارب روپے سرپلس رہے اور بلوچستان کے 86 ارب روپے ریونیو میں سے 37 ارب روپے خرچ نہیں کیے گئے۔ یاد رہے کہ گزشتہ دنوں تقریب سے خطاب میں وزیراعظم عمران خان نے کہا تھا کہ روپے کی قدر مستحکم ہوگئی، ملک میں استحکام آرہا ہے، 4 سال میں پہلی بار کرنٹ اکاؤنٹ سرپلس میں چلا گیا ہے۔

لاہور(ایمرا نیوزآن لائن) وزیر اعلیٰ پنجاب عثمان بزدار نے گزشتہ حکومت پر تنقید کرتے ہوئے کہا کہ ماضی کی غلط ترجیحات کے باعث پنجاب کے دور افتادہ علاقے ترقی سے محروم رہے۔

اپنے ایک بیان میں وزیراعلیٰ پنجاب عثمان بزدار نے کہا کہ حکومت نے وسائل کا رخ پسماندہ علاقوں کی ترقی کے لیے موڑ دیا ہے کیونکہ ماضی کی غلط ترجیحات کے باعث پنجاب کے دور دراز کے شہر ترقی سے محروم رہے۔ وزیر اعلیٰ پنجاب نے کہا کہ ترقیاتی منصوبے عوام کی حقیقی ضروریات کو مدنظر رکھ کر ترتیب دیئے گئے ہیں کیونکہ حکومت تمام علاقوں کی یکساں ترقی پر یقین رکھتی ہے۔

عثمان بزدار نے کہا کہ ترقی اور خوشحالی ہر شہر کے لوگوں کا بنیادی حق ہے اور ہم عوام کو زیادہ سے زیادہ سہولتیں ان کی دہلیز پر فراہم کریں گے۔ ان کا کہنا تھا کہ نیا پاکستان عام آدمی کا پاکستان ہے اور اس وقت پاکستان اپنی اصل منزل کی جانب رواں دواں ہے۔

لاہور(وقت نوزآن لائن) میں یتیم اور بے سہارا بچیوں کی پناہ گاہ کاشانہ ویلفیئرہوم کی سابق سپرنٹنڈنٹ افشاں لطیف نے لاہور ہائیکورٹ سے رجوع کرلیا۔

یاد رہے افشاں لطیف کی ویڈیو چند روز قبل منظر عام پر آئی تھی جس میں دارالامان کاشانہ میں مقیم بچیوں کو مبینہ ہراساں کرنے کا الزام لگایا گیا تھا۔ افشاں لطیف نے لاہورہائیکورٹ میں اپنی درخواست میں معاملے کی تحقیقات کے لیے جوڈیشل کمیشن بنانے کی استدعا کی ۔

عدالت نے ڈی سی اور ڈائریکٹر بیت المال کو 12 دسمبر کو طلب کر لیا۔ افشاں لطیف کا کہنا ہے کہ انصاف کے لیے انہوں نے ہر دروازہ کھٹکھٹا لیا لیکن جب کوئی شنوائی نہ ہوئی تو سوشل میڈیا کا رخ کیا۔ انہوں نے کہا کہ یہ ان کا نہیں دارالامان کی بچیوں کے مستقبل کا سوال ہے، انہوں نے سارا معاملہ سامنے رکھ دیا ہے امید ہے عدالت سے انصاف ملے گا۔

افشاں لطیف کے الزامات بے بنیاد ہیں: اجمل چیمہ اس معاملے پر سابق صوبائی وزیرسماجی بہبود اجمل چیمہ نے افشاں لطیف کے الزامات کو بے بنیاد قراردےدیا۔ انہوں نے کاشانہ اطفال لاہورکے معاملے کی مکمل تحقیقات کا مطالبہ کرتے ہوئے کہا ہے کہ وہ معاملے پرعدالت کا دروازہ کھٹکھٹائیں گے۔ انہوں نے کہا کہ افشاں لطیف نے بچیوں کی جبری شادی کرانے کے لیے ان پر دباؤ کا الزام لگایا تھا۔

(ایمرا نیوزآن لائن) معیشتوں کی درجہ بندی کرنے والے ادارے موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم کر دیا۔

موڈیز کی جاری کردہ رپورٹ کے مطابق پاکستان کی ریٹنگ بی تھری پر برقرار رکھی ہے تاہم پہلے مستقبل یعنی آؤٹ لُک منفی تھا جسے اب موڈیز نے مستحکم کردیا ہے۔ رپورٹ کے مطابق امریکی کاروباری اور مالیاتی کمپنی موڈیز نے ادائیگیوں کا توازن مزید بہتر ہونے کے پیشِ نظر آوٹ لُک بہتر کیا ہے۔

موڈیز کے مطابق اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگے گا مگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔

(ایمرا نیوزآن لائن) وزیراعظم عمران خان کے مشیر برائے صنعت و تجارت عبدالرزاق داؤد نے کہا ہے کہ رواں مالی سال کے پہلے 5 ماہ میں برآمدات میں 4.8 فیصد اضافہ ہوا ہے۔

اپنے بیان میں عبدالرزاق داؤد کا کہنا تھا کہ رواں مالی سال کے پہلے 5 مہینوں میں پاکستانی برآمدات کا حجم 9 ارب 55 کروڑ ڈالر رہا، گزشتہ سال اسی عرصے میں پاکستانی برآمدات کا حجم 9 ارب 11 کروڑ ڈالر تھا۔ انہوں نے کہا کہ رواں مالی سال کے پہلے 5 ماہ میں برآمدات میں 45کروڑ 70 لاکھ ڈالر کا اضافہ ہوا جو کہ 4.8 فیصد ہے۔

عبدالرزاق داؤد کا کہنا تھا کہ رواں مالی سال کے پہلے 5 ماہ میں درآمدات کا حجم 19 ارب 4 کروڑ ڈالر رہا جو کہ گزشتہ مالی سال کے پہلے 5 ماہ میں 23 ارب 59 کروڑ ڈالر تھا، گزشتہ مالی سال کے اسی عرصے کے مقابلے میں درآمدات میں 4 ارب 55 کروڑ ڈالر کی کمی ہوئی، مالی سال کے ابتدائی 5 ماہ میں گزشتہ مالی سال کی نسبت درآمدات 19.3 فیصد کم ہوئی۔

مشیر تجارت کے مطابق مالی سال کے ابتدائی 5 ماہ میں تجارتی خسارہ 9 ارب 50 کروڑ ڈالر رہا، گزشتہ سال اسی عرصے میں تجارتی خسارہ 14 ارب 48 کروڑ ڈالر تھا اور یہ گزشتہ سال کے اسی عرصے کے تجارتی خسارے میں 4 ارب 98 کروڑ ڈالر کی کمی ہوئی ہے جوکہ 34.42 فیصد ہے۔

انہوں نے بتایا کہ رواں مالی سال نومبر کے دوران برآمدات 2 ارب ڈالر سے زائد رہیں، گزشتہ مالی سال نومبر کے مقابلے میں رواں مالی سال نومبر کے دوران برآمدات میں 9.6 فیصد اضافہ ہوا ہے جبکہ رواں مالی سال نومبر کے دوران تجارتی خسارے میں بھی 17.53 فیصد کمی ہوئی ہے۔

خیال رہے کہ گزشتہ روز فیڈرل بورڈ آف ریونیو (ایف بی آر) کے چیئرمین شبر زیدی نے کہا تھاکہ نومبر میں 334 ارب روپے محصولات اکھٹے کیے ہیں جو کہ گزشتہ سال کے 5 ماہ میں اکھٹے کیے گئے ریونیو سے17فیصد زیادہ ہیں۔

(ایمرا نیوزآن لائن) پنجاب پولیس کو جدید ٹیکنالوجی سے لیس کرنے کے باوجود صوبے میں خواتین کے ساتھ عصمت دری اور قتل کے واقعات میں تشویشناک اضافہ دیکھا جارہا ہے۔

پنجاب پولیس کے ریکارڈ کے مطابق ان 5 برسوں میں خواتین پر تشدد، عصمت دری، قتل اور تیزاب پھینکنے کے 15 ہزار سے زائد کیسز رپورٹ ہوئے ہیں۔

پولیس ریکارڈ کے مطابق 2014 میں خواتین سے زیادتی کے 2 ہزار 281 ، 2015 میں 2 ہزار 618 اور 2016 میں 2 ہزار 746 کیسز رپورٹ ہوئے ہیں۔ اسی طرح 2017 میں 2 ہزار 998 جب کہ سال 2018 میں 2 ہزار 937 خواتین سے زیادتی اور قتل کے مقدمات مختلف تھانوں میں درج ہوئے۔

ریکارڈ کے مطابق 2019کے 10 ماہ کے دوران خواتین سے زیادتی کے تین ہزار 387 واقعات رپورٹ ہوئے جب کہ غیرت کے نام پر 149 خواتین کو بے دردی سے قتل کردیا گیا، اسی عرصے میں تیزاب پھینکنے کے 36 واقعات بھی رپورٹ ہوئے۔

(ایمرا نیوزآن لائن) وزیراعظم عمران خان کا کہنا ہے عمران خان اپنی کرسی بچانے کے لیے نہیں بلکہ تبدیلی لانے کے لیے آیا ہے۔

وزیراعظم عمران خان کا میانوالی میں اسپتال کا سنگ بنیاد رکھنے کی تقریب سے خطاب کرتے ہوئے کہنا تھا کہ 23 سال قبل جب سیاست شروع کی تو احساس ہوا کہ لوگوں کو سب سے زیادہ مشکل اسی بات کی ہوتی ہے کہ جب وہ بیمار ہوں تو اسپتال اور ڈاکٹرز نہ ہوں، مریضوں کو علاج کے لیے میانوالی سے لاہور اور راولپنڈی جانا پڑتا تھا۔

عمران خان نے کہا کہ اسپتال میانوالی کے لوگوں کے لیے شروعات ہے، میانوالی کے لیے صحت، پانی کی اسکیموں کے لیے بہت پیسہ رکھا ہے اور پھر بچوں کے لیے تعلیم کا بندوبست کرنا ہے۔ انہوں نے کہا کہ 2018 کے بعد جب پاکستان ملا تو دو بڑے مسئلے تھے، ہمیں تاریخی خسارہ ملا، بجلی میں ساڑھے 1200 ارب کا گردشی خسارہ ملا، ن لیگ گیس میں 154 ارب روپے کا خسارہ چھوڑ کر گئی۔ کرنٹ اکاؤنٹ کا ساڑھے 19 ارب ڈالر کا خسارہ تھا۔