Tag pakistan news

گوجرانوالہ(ایمرا نیوز آن لائن) میں پہلی بار ماس ریسلنگ چیمپئن شپ کا انعقاد کیا گیا جس میں چاروں صوبوں سے شریک مرد وخواتین ریسلرز نے ٹانگوں اور بازوؤں کے زور سے حریف سے چھڑی چھیننے کے لیے داؤ پیچ آزمائے۔

گوجرانوالہ میں ہونے والی نیشنل ماس ریسلنگ کے مقابلوں کا آغاز چاروں صوبوں سمیت مختلف ریجن سے آئی ٹیموں نے مارچ پاسٹ کرتے ہوئے کیا، ساتھ ہی کرغستان سے آئی ننھی لڑکی نے رقص کر کے سماں باند ھ دیا۔

مرد کھلاڑیوں نے ایک دوسرے سے خوب زور آزمائی کرتے ہوئے اپنی مہارت اور جسمانی صلاحیتوں کے جوہر دکھاتے اور چھڑی چھیننے کے لیے خوب داؤ پیچ آزما ئے۔ مقابلوں میں خواتین کھلاڑیوں نے بھی بھرپور حصہ لیتے ہوئے ایک دوسرے سے خوب زور آزمائی کی۔

گوجرانوالہ ڈویژن کی ٹیم نے 9 گولڈ میڈلز کے ساتھ ماس ریسلنگ کا میدان مار لیا جب کہ پنجاب 2 میڈل کے ساتھ دوسری اور بہاولپور کی ٹیم ایک میڈل کے ساتھ تیسری پوزیشن حاصل کر سکی۔ ماس ریسلنگ میں شریک کھلاڑیوں کا کہنا تھا کہ حکومت دوسرے کھیلوں کی طرح اس کھیل پر توجہ دے تو کھلاڑی انٹر نیشنل مقابلوں میں حصہ لے کر اپنے ملک کا نام روشن کر سکتے ہیں۔

(ایمرا نیوزآن لائن) پاکستان کے نامور اداکار ہمایوں سعید، عائزہ خاز اور عدنان صدیقی کے ڈرامے ‘میرے پاس تم ہو’ اس وقت انٹرنیٹ پر سب سے زیادہ مقبول ہورہا پاکستان کے نامور اداکار ہمایوں سعید، عائزہ خاز اور عدنان صدیقی کے ڈرامے ‘میرے پاس تم ہو’ اس وقت انٹرنیٹ پر سب سے زیادہ مقبول ہورہا ہے۔

اس ڈرامے کی سامنے آئی ہر قسط کے بعد اس کے حوالے سے سوشل میڈیا پر بحت کا آغاز ہوجاتا ہے۔مزید پڑھیں: سپر ہٹ ڈرامے ‘میرے پاس تم ہو’ کو 4 ہدایت کاروں نے کیوں ٹھکرایا؟جبکہ مداح آنے والی اقساط کا بھی بےصبری سے انتظار کرتے نظر آرہے ہیں۔

جہاں ہر کوئی جاننا چاہتا ہے کہ اس ڈرامے میں آگے کیا ہوگا، وہیں ڈرامے میں اہم کردار نبھانے والے عدنان صدیقی نے ایک انٹرویو میں ڈرامے کی آخری قسط کے حوالے سے کئی انکشافات کردیے۔

ایک ویڈیو انٹرویو میں عدنان صدیقی کا کہنا تھا کہ ‘آخری قسط میں ایک سین آتا ہے جس میں وہ اپنے والد کی بات کررہا ہے، میں اس سین کو دیکھ کر رو پڑا، یقیناً اسے اپنے والد یاد آگئے ہوں گے، مجھے بھی آپنے والد یاد آگئے تھے’۔ہمایوں سعید کی تعریف کرتے ہوئے کہا کہ ‘جس طرح سے ہمایوں نے اپنے والد کا زکر کیا، ہمایوں نے بہترین انداز میں یہ سین نبھایا’۔

عدنان صدیقی نے یہ بھی بتایا کہ انہیں اس ڈرامے میں منفی کردار نبھانے کے لیے کافی گالیاں سننی بھی پڑھ رہی ہیں تاہم وہ خوش ہیں کہ لوگوں کو ان کی اداکاری پسند آرہی ہے۔واضح رہے کہ چند روز قبل اداکارہ حرا مانی نے ایک انٹرویو میں یہ بھی انکشاف کیا تھا کہ اس ڈرامے میں آگے جاکر دو قتل بھی ہوں گے۔

تاہم عدنان صدیقی کے اس انٹرویو کے بعد یہ بات ضرور واضح ہوجاتی ہے کہ ہمایوں سعید اور عدنان صدیقی دونوں اس ڈرامے کی آخری قسط تک ڈرامے کا حصہ رہیں گے۔

اس ڈرامے کی کہانی ہمایوں سعید کے کردار دانش کے گرد گھومتی ہے، جس کی بیوی مہوش (عائزہ خان) اسے چھوڑ کر عدنان صدیقی کے کردار ‘شہوار’ کی دولت اور شخصیت سے متاثر ہوکر ان کے پاس چلی جاتی ہے۔

ڈرامے میں حرا مانی بھی موجود ہیں جو دانش کے بیٹے رومی کی ٹیچر اور ان کے دوست متین صاحب کی بیٹی کا کردار نبھارہی ہیں۔

میرے پاس تم ہو کی اب تک 17 اقساط سامنے آچکی ہیں، 7 دسمبر کو سامنے آئی قسط میں ایک اور اداکار سویرا ندیم بھی اس ڈرامے کا حصہ بنیں، وہ شہوار کی اہلیہ ماہم کا کردار نبھارہی ہیں17ویں قسط میں مہوش شہوار سے شادی کرنے جارہی تھی تاہم آخری موقع پر ماہم گھر پہنچ گئیں جنہوں نے اس حرکت پر مہوش کو تھپڑ مار دیا۔

واضح رہے کہ میرے پاس تم ہو کی 15ویں قسط میں دانش نے بھی شہوار کو ان کے دفتر میں سب کے سامنے تھپڑ مارا تھا۔
اس وقت ڈرامے کا وہ سین بھی سوشل میڈیا پر زیر بحث رہا اور اب مہوش کو پڑنے والے تھپڑ پر بھی تبصرہ کیا جارہا ہے۔
انہیں ڈرامے کا یہ سین سب سے زیادہ پسند آیا۔

جہاں ہر کوئی جاننا چاہتا ہے کہ اس ڈرامے میں آگے کیا ہوگا، وہیں ڈرامے میں اہم کردار نبھانے والے عدنان صدیقی نے ایک انٹرویو میں ڈرامے کی آخری قسط کے حوالے سے کئی انکشافات کردیے۔
ایک ویڈیو انٹرویو میں عدنان صدیقی کا کہنا تھا کہ ‘آخری قسط میں ایک سین آتا ہے جس میں وہ اپنے والد کی بات کررہا ہے، میں اس سین کو دیکھ کر رو پڑا، یقیناً اسے اپنے والد یاد آگئے ہوں گے، مجھے بھی آپنے والد یاد آگئے تھے’۔ہمایوں سعید کی تعریف کرتے ہوئے کہا کہ ‘جس طرح سے ہمایوں نے اپنے والد کا زکر کیا، ہمایوں نے بہترین انداز میں یہ سین نبھایا’۔

عدنان صدیقی نے یہ بھی بتایا کہ انہیں اس ڈرامے میں منفی کردار نبھانے کے لیے کافی گالیاں سننی بھی پڑھ رہی ہیں تاہم وہ خوش ہیں کہ لوگوں کو ان کی اداکاری پسند آرہی ہے۔واضح رہے کہ چند روز قبل اداکارہ حرا مانی نے ایک انٹرویو میں یہ بھی انکشاف کیا تھا کہ اس ڈرامے میں آگے جاکر دو قتل بھی ہوں گے۔

تاہم عدنان صدیقی کے اس انٹرویو کے بعد یہ بات ضرور واضح ہوجاتی ہے کہ ہمایوں سعید اور عدنان صدیقی دونوں اس ڈرامے کی آخری قسط تک ڈرامے کا حصہ رہیں گے۔

اس ڈرامے کی کہانی ہمایوں سعید کے کردار دانش کے گرد گھومتی ہے، جس کی بیوی مہوش (عائزہ خان) اسے چھوڑ کر عدنان صدیقی کے کردار ‘شہوار’ کی دولت اور شخصیت سے متاثر ہوکر ان کے پاس چلی جاتی ہے۔ڈرامے میں حرا مانی بھی موجود ہیں جو دانش کے بیٹے رومی کی ٹیچر اور ان کے دوست متین صاحب کی بیٹی کا کردار نبھارہی ہیں۔

میرے پاس تم ہو کی اب تک 17 اقساط سامنے آچکی ہیں، 7 دسمبر کو سامنے آئی قسط میں ایک اور اداکار سویرا ندیم بھی اس ڈرامے کا حصہ بنیں، وہ شہوار کی اہلیہ ماہم کا کردار نبھارہی ہیں۔17ویں قسط میں مہوش شہوار سے شادی کرنے جارہی تھی تاہم آخری موقع پر ماہم گھر پہنچ گئیں جنہوں نے اس حرکت پر مہوش کو تھپڑ مار دیا۔

واضح رہے کہ میرے پاس تم ہو کی 15ویں قسط میں دانش نے بھی شہوار کو ان کے دفتر میں سب کے سامنے تھپڑ مارا تھا۔
اس وقت ڈرامے کا وہ سین بھی سوشل میڈیا پر زیر بحث رہا اور اب مہوش کو پڑنے والے تھپڑ پر بھی تبصرہ کیا جارہا ہے۔
انہیں ڈرامے کا یہ سین سب سے زیادہ پسند آیا۔

(میڈیا 92 نیوز آن لائن) لاہور ہائی کورٹ نے حکومت کی نظرثانی کمیٹی کو 7 روز میں مسلم لیگ (ن) کی نائب صدر مریم نواز کا نام ایگزٹ کنٹرول لسٹ (ای سی ایل) سے نکالنے کی نظرثانی درخواست پر قانون کے مطابق فیصلہ کرنے کا حکم دے دیا۔

صوبائی دارالحکومت کی عدالت عالیہ میں جسٹس علی باقر نجفی کی سربراہی میں 2 رکنی بینچ نے مریم نواز کی درخواست پر سماعت کی۔

اس موقع پر مریم نواز کے وکلا امجد پرویز اور اعظم نذیر تارڑ پیش ہوئے جبکہ وفاقی حکومت کی جانب سے ایڈیشنل اٹارنی جنرل اشتیار اے خان پیش ہوئے۔

سماعت کے دوران مریم نواز کے وکیل نے کہا کہ ان کی موکلہ پر کرپشن اور کرپٹ پریکٹرسز کا الزام لگا کر نام ای سی ایل میں ڈال دیا گیا۔

انہوں نے کہا کہ مریم نواز کا موقف سنے بغیر ان کا نام ای سی ایل میں شامل کیا گیا اور وفاقی حکومت نے ایگزٹ کنٹرول لسٹ آرڈیںننس کی خلاف ورزی کی ہے۔

اس پر جسٹس علی باقر نجفی نے کہا کہ آرڈیننس کے سیکشن 3 کے تحت آپ وفاقی حکومت کے سامنے نظرثانی کی اپیل دے سکتے ہیں، جس پر وکیل نے جواب دیا کہ مریم نواز نے ای سی ایل سے نام نکالنے کے لیے حکومت کو کوئی درخواست نہیں دی کیونکہ عدالت سے بہتر ہمارے پاس کوئی فورم نہیں۔

مریم نواز کے وکیل نے عدالت میں کہا کہ حکومتی وزرا بار بار کہہ رہے ہیں کہ وہ مریم نواز کو ملک سے باہر نہیں جانے دیں گے، حکومت خود مریم نواز کو باہر جانے نہیں دینا چاہتی تو حکومت کو کیسے درخواست دے دیں۔

اس پر عدالت نے ریمارکس دیے کہ سیاست میں تو مخالف جماعتیں ہوتی ہی ہیں، جس پر وکیل نے کہا کہ عدالتوں کے فیصلے موجود ہیں، عدالت وفاقی حکومت کو درخواست دیے بغیر نام ای سی ایل سے نکالنے کا حکم دے سکتی ہے۔

دوران سماعت جسٹس علی باقر نجفی نے ریمارکس دیے کہ آپ کو وفاقی حکومت کو درخواست دینی چاہیے تاکہ وہ اس کا فیصلہ کریں، جس پر وکیل امجد پرویز نے کہا کہ حکومت تو کہتی ہے کہ طوطے کی جان ہمارے پاس ہے، سرکار ماں ہوتی ہے لہٰذا سب کے مسائل حل ہونے چاہیں۔

اس پرعدالت نے کہا کہ ہم چاہتے ہیں کہ ادارے اپنے اپنے کام کریں، جس پر وکیل نے کہا کہ نواز شریف کی طبیعت ٹھیک نہیں ہے مریم نواز کو ان کے پاس جانا ہے اور مریم نوازحکومت کو کیسے درخواست دیں حکومت تو ان کے خلاف اقدامات کرنے کے لیے تیار بیٹھی ہے۔

وکیل کے جواب پر عدالت نے ریمارکس دیے کہ ہم اس درخواست کو زیرالتوا رکھ کر حکومت پر دباؤ نہیں رکھنا چاہتے، جس پر وکیل نے کہا کہ عدالت اس درخواست کو زیرالتوا رکھ لے اور حکومت کو مریم نواز کی نظرثانی کی درخواست پر فیصلہ کرنے کا حکم دے۔

اس پر حکومت کے وکیل نے کہا کہ عدالت حکومت کو 15 دن کا وقت دے۔

بعد ازاں عدالت نے حکومت کی نظرثانی کمیٹی کو 7 دن میں مریم نواز کا نام ایس سی ایل سے نکالنے کی نظرثانی درخواست پر قانون کے مطابق فیصلے کا حکم دے دیا۔

مریم نواز کی درخواست
خیال رہے کہ ہفتہ 7دسمبر کو سابق وزیر اعظم نواز شریف کی صاحبزادی مریم نواز نے اپنا نام ایگزٹ کنٹرول لسٹ سے نکال کر 6 ہفتوں کے لیے بیرون ملک جانے کی اجازت کے لیے لاہور ہائی کورٹ میں درخواست دائر کی تھی۔

مریم نواز نے امجد پرویز ایڈووکیٹ کے توسط سے ہائی کورٹ میں درخواست دائر کی تھی، جس میں وزارت داخلہ، وفاقی تحقیقاتی ادارے (ایف آئی اے)، قومی احتساب بیورو (نیب) کے چیئرمین اور ڈی جی نیب لاہور کو فریق بنایا گیا تھا۔

درخواست میں مریم نواز کی جانب سے موقف اپنایا تھا کہ العزیزیہ ریفرنس میں سزا کے باوجود بیمار والدہ کو چھوڑ کر بیرون ملک سے والد کے ساتھ واپس آئی لیکن میرا موقف سنے بغیر ہی نام ای سی ایل میں شامل کر دیا گیا۔

درخواست گزار کا کہنا تھا کہ ای سی ایل میں نام شامل کرنے کا میمورنڈرم غیر قانونی اور آئین کی خلاف ورزی ہے جبکہ نام ای سی ایل میں شامل کرنے کا میمورنڈم اعلیٰ عدلیہ کے فیصلوں کی بھی خلاف ورزی ہے۔

مریم نواز نے موقف اپنایا تھا کہ والدہ کی وفات کے بعد والد نواز شریف کی دیکھ بھال وہ ہی کرتی رہی ہیں اور وہ بیماری میں مجھ پر ہی انحصار کرتے ہیں۔

علاوہ ازیں مریم نواز نے پاسپورٹ واپس لینے کے لیے بھی لاہور ہائی کورٹ میں متفرق درخواست دائر کی تھی، جہاں لاہور ہائی کورٹ نے مریم نواز کی ضمانت منظور کرنے کے بعد انہیں پاسپورٹ جمع کرانے کا حکم دیا تھا۔

مریم نواز کی ضمانت
خیال رہے کہ 8 اگست 2019 کو چوہدری شوگر ملز کیس میں مسلم لیگ(ن) کی نائب صدر کو ان کے کزن یوسف عباس کے ساتھ گرفتارگیاتھا، بعد ازاں 25 ستمبر2019 کو احتساب عدالت نے انہیں عدالتی ریمانڈ پر جیل بھیج دیا تھا۔

مسلم لیگ (ن) کی نائب صدر نے 30 ستمبر کو اسی کیس میں ضمانت بعد ازگرفتاری کے لیے لاہور ہائی کورٹ سے رجوع کرلیا تھا۔

تاہم اکتوبر کے اواخر میں ان کے والد نواز شریف کی طبیعت اچانک خراب ہوگئی تھی جس کے باعث انہوں نے 24 اکتوبر کو بنیادی حقوق اور انسانی بنیادوں پر فوری رہائی کے لیے متفرق درخواست دائر کردی تھی۔

اس درخواست پر سماعت میں نیب کے ایڈیشنل پراسیکوٹر جنرل نے مریم نواز کی انسانی بنیادوں پر ضمانت کی مخالفت کی تھی اور کہا تھا کہ سپریم کورٹ کے فیصلے میں یہ بیان کردیا گیا ہے کہ انتہائی غیرمعمولی حالات میں ملزم کو ضمانت دی جاسکتی ہے۔

انہوں نے کہا تھا کہ مریم نواز کا کیس انتہائی غیرمعمولی حالت میں نہیں آتا۔

تاہم عدالت عالیہ نے مریم نواز کی درخواست ضمانت کو منظور کرتے ہوئے ان کی رہائی کا حکم دیا تھا لیکن انہیں اپنا پاسپورٹ اور ضمانتی مچلکے جمع کروانے کا کہا گیا تھا۔

بعد ازاں نیب نے لاہور ہائی کورٹ کی جانب سے مریم نواز کو دی گئی ضمانت کے خلاف سپریم کورٹ آف پاکستان سے رجوع کرلیا تھا۔

(ایمرا نیوزآن لائن) محکمہ موسمیات نے دسمبر کے تیسرے اور چوتھے ہفتے میں سردی کی شدید لہر آنے کا امکان ظاہر کیا ہے۔

محمکمہ موسمیات نے ماہ دسمبر میں موسم کا آؤٹ لُک جاری کردیا ہے جس کے مطابق ملک کے مغربی اورشمالی حصوں میں معمول سے زیادہ بارشوں کا امکان ہے جب کہ جنوبی حصوں میں معمول سے کم بارشیں ہوں گی۔ محکمہ موسمیات کا کہنا ہے کہ دسمبر میں مغربی ہواؤں کے تین سے چار سلسلے آئیں گے ، جن کی وجہ سے ملک کے مغربی، وسطی اور شمالی حصوں میں درمیانی بارش ہوں گی تاہم دوسرا اور چوتھا ہفتہ زیادہ نم آلود رہےگا۔

شمالی علاقہ جات کے موسم کے حوالے سے محکمہ موسمیات نے بتایا کہ شمالی بلوچستان ،کشمیر اور دیگر شمالی علاقہ جات میں برفباری کا امکان ہے جس سے درجہ حرارت معمول سے کم رہے گا۔ جنوبی حصوں میں درجہ حرارت معمول سے زیادہ رہنے کا امکان ہے جب کہ وسطی اورجنوبی پنجاب میں ہلکی اورشدید دھند پڑنے کا امکان بھی ہے تاہم بارشوں سے پنجاب کے میدانی علاقوں میں سموگ اور دھند کی شدت کم ہو جائےگی۔

(ایمرا نیوزآن لائن) قومی کرکٹ ٹیم کے اوپننگ بلے باز امام الحق کا کہنا ہے کہ وہ پنک بال کے ساتھ ڈے اینڈ نائٹ ٹیسٹ میچ کھیلنے کے منتظر ہیں۔

پاکستان ٹیم برسبین سے ایڈیلیڈ پہنچ چکی ہے جہاں وہ آسٹریلیا کے خلاف دوسرا ٹیسٹ میچ 29 نومبر سے کھیلے گی۔ ایڈیلیڈ میں میڈیا سے گفتگو کرتے ہوئے امام الحق نے کہا کہ ڈے اینڈ نائٹ ٹیسٹ میچ کرکٹ کے لیے بہت اچھا ہے کیونکہ یہ ایک انٹرٹینمنٹ ہے، کراؤڈ ٹیسٹ میچ دیکھنے کے لیے بہت آتا ہے۔

انہوں نے کہا کہ میں بھی منتظر ہوں کہ پنک بال کے ساتھ ڈے اینڈ نائٹ ٹیسٹ میچ کھیلوں کیوں کہ وکٹ بہت اچھی دکھائی دے رہی ہے اس لیے اچھا ٹیسٹ میچ ہو گا۔ امام الحق کا کہنا تھا کہ ہم پنک بال کے ساتھ کھیلنے کے عادی نہیں ہیں اور اس کے ساتھ کھیلنا چیلنج ہوتا ہے لیکن ہم پروفیشنل کرکٹرز ہیں، 100 فیصد کھیل پیش کرنے کی کوشش کریں گے۔ امام الحق نے مزید کہاکہ پروفیشنل کرکٹرز ہونے کے ناطے ہمیں مشکل نہیں ہونی چاہیئے اور ڈے اینڈ نائٹ ٹیسٹ سے قبل دو دن میں پنک بال کے ساتھ اچھی ٹریننگ مل جائے گی۔

ان کا کہنا تھا کہ کہ جب آپ اسکواڈ میں شامل ہوتے ہیں تو حتمی الیون میں شامل ہونے کے لیے ہر وقت تیار رہنا پڑتا ہے میں بھی تیار ہوں، اگر کھیلنے کا موقع ملتا ہے تو میں سو فیصد کھیل پیش کرنے کوشش کروں گا۔ انہوں نے کہا کہ ٹیسٹ کرکٹ مشکل ہوتی ہے اس کے لیے بہت مضبوط ہونا پڑتا ہے ہمیں خود پر اعتماد ہے، ہم اچھے طریقے سے کم بیک کریں گے۔

‏واضح رہے کہ امام الحق کے دوسرے ٹیسٹ میچ میں کھیلنے کے روشن امکانات ہیں، انہیں حارث سہیل کی جگہ ٹیم میں شامل کیا جائے گا جب کہ امام الحق شان مسعود کے ساتھ اوپننگ کریں گے اور کپتان اظہر علی ون ڈاؤن آئیں گے، بابر اعظم چوتھے نمبر پر بیٹنگ کریں گے۔

(ایمرا نیوزآن لائن) وزیراعلیٰ سندھ مراد علی شاہ نے کہا ہے کہ ایک دہشت گرد سے کہلوایا گیا کہ اس نے مجھ سے ملاقات کی ہے، اس معاملے کی انکوائری کا حکم دیا ہے۔

کراچی میں میڈیا سے گفتگو کرتے ہوئے مراد علی شاہ کا کہنا تھا کہ ایک دہشت گرد کے حوالے سے ویڈیو میں مجھ کو منسوب کیا گیا، میں ٹھیلے والے سے نا کبھی ملا ہوں اور نا ہی اسے جانتا ہوں، 2017 میں جب وہ گرفتار ہوا تھا تو وہ رینجرز کی تحویل میں تھا۔

مراد علی شاہ نے کہا کہ اس معاملے کی تہہ تک پہنچ گیا ہوں، میں نے اس حوالے سے آئی جی پولیس اور ایڈیشنل آئی جی کو بھی معاملے کی انکورائری کا حکم دے دیا ہے۔

وزیراعلیٰ ہاؤس کے سامنے جعلی نمبر پلیٹ والی گاڑی کے حوالے سے بات کرتے ہوئے مراد علی شاہ نے کہا کہ وزیراعلٰی ہاؤس کے سامنے سے غلط نمبر پلیٹ لگی گاڑی کی ایک ویڈیو وائرل ہوئی، ہر سرکاری گاڑی کا وزیراعلیٰ ہاؤس سے تعلق نہیں ہوتا۔ انہوں نے کہا کہ جس گاڑی پر یہاں آیا ہوں اس پر بھی رجسٹریشن نمبر درج ہے، انکوئری میں سامنے آیا کہ وہ گاڑی گورنر ہاؤس کی ہے۔

صوبائی کابینہ میں رد بدل کے حوالے سے پوچھے گئے سوال پر وزیراعلیٰ سندھ نے کہا کہ یہ میری صوابدید ہے جب بھی ضرورت پڑی کروں گا لیکن فی الحال کابینہ میں کوئی تبدیلی نہیں ہو رہی۔ سندھ سمیت ملک بھر میں ٹماٹروں کی بڑھتی ہوئی قیمت کے حوالے سے مراد علی شاہ نے کہا کہ اگر صرف سندھ میں ٹماٹر کی قیمت بڑھی ہے اور پورے ملک میں 17 روپےکلو میں ٹماٹر مل رہا ہے تو میں ذمے دار ہوں۔

ابو ظہبی(ایمرا نیوزآن لائن) مائیکرو سوفٹ کے بانی بل گیٹس نے پاکستان سے پولیو کے خاتمے کے لیے اپنا تعاون جاری رکھنے کے عزم کا اظہار کیا ہے۔

وزیراعظم کے معاون خصوصی صحت ڈاکٹر ظفر مرزا کی ابوظہبی میں مائیکرو سوفٹ کے بانی بل گیٹس سے ملاقات ہوئی جس میں ڈاکٹر ظفر نے بل گیٹس کو پولیو کے خاتمے اور حفاظتی ٹیکہ جات پروگرام کی تفصیلات بتائی۔

ڈاکٹر ظفر مرزا کا کہنا تھا کہ حفاظتی ٹیکہ جات کی کوریج کو 100 فیصد یقینی بنانے کیلئے پر عزم ہیں، وزیر اعظم عمران خان کی قیادت میں پولیو کے خاتمے کیلئے پر عزم ہیں، پاکستان کو پولیو فری بنانے کے لیے ایک مربوط اور جامع پلان تشکیل دےدیا ہے۔

انہوں نے مزید کہا کہ بین الاقوامی ترقیاتی ادارے پاکستان میں پولیوکے خاتمے کیلئے 2.06 بلین ڈالر دیں گے جب کہ حکومت پاکستان پولیو کے خاتمے کیلئے 150 ملین ڈالر فراہم کرے گی، اس کے علاوہ بل گیٹس پاکستان میں پولیوکے خاتمے کیلئے 1.08 بلین ڈالر فراہم کریں گے۔ اس موقع پر مائیکرو سوفٹ کے بانی کا کہنا تھا کہ بل گیٹس فاؤنڈیشن پاکستان سے پولیو کے خاتمے کیلئے اپنا تعاون جاری رکھے گی۔

(ایمرا نیوزآن لائن) پاکستان سول ایویشن اتھارتی کے ایک ائیرٹریفک کنٹرولر نے بھارت سے اومان جانے والے ایک طیارے کو حادثے سے بچا لیا۔

اطلاعات کے مطابق بھارت کے شہر جے پور سے مسقط جانے والے مسافر طیارے میں 150 مسافر سوار تھے اور کراچی ریجن کے اوپر سے گزر تے وقت خراب موسم میں پھنس گیا تھا۔ آسمانی بجلی گرنے کی وجہ سے جہاز 36 ہزار فٹ کی بلندی سے یکدم 34 ہزار کی بلندی پر آگیا اور دوران پائلٹ نے ایمرجنسی پروٹوکول کے تحت قریبی اسٹیشنز کو”مئےڈے” پیغام بھیج دیا۔

اس موقع پر پاکستان میں ہوا بازی کے نگران سرکاری ادارے سی اے اے کے ائیریفک کنٹرولر نے فوری طور پر مذکورہ پیغام کا جواب دیا اور جہاز کے کپتان کو پاکستانی فضا میں موجود شدید فضائی ٹریفک سے نکلنے میں مدد فراہم کی۔ سی اے اے ذرائع کے مطابق جے پور سے مسقط جانے والے جہاز کو شدید خراب موسم کا سامنا سندھ کے علاقے چھور میں کرنا پڑا۔ گزشتہ روز جنوب مشرقی سندھ میں شدید بارش کے دوران آسمانی بجلی گرنے سے 20 سے زائد افراد ا ہلاک ہوئے ۔

(ایمرا نیوزآن لائن) 2000ء سے 2015ء کے دوران غربت کو کم کرنے میں جن15 ممالک نے انقلابی اقدامات کیے ان میں پاکستان بھی شامل ہے۔

غربت کی شرح میں سالانہ کمی کے اقدامات کے حوالے سے دنیا کے114ممالک میں پاکستان 14ویں نمبر پر آگیا۔ 2001ء میں پاکستان کی 28.6 فیصد فیصد آبادی انتہائی غربت زدہ زندگی گزارتی تھی، جس میں سالانہ 1.8 فیصد کمی ہوئی اور یوں 4 کروڑ 14 لاکھ افراد میں سے 3 کروڑ 38 لاکھ افراد خط غربت سے نکل گئے اور 2015 ء میں صرف 76 لاکھ پاکستانی انتہائی غریب رہ گئے تھے۔

(میڈیا 92نیوزآن لائن) پاکستان کو عالمی ماحولیاتی فنڈ کی سربراہی مل گئی ہے جب کہ پاکستان کو روایتی ہتھیاروں کے کنوینشن کے رکن ممالک کے سالانہ اجلاس کی سربراہی بھی مل گئی ہے جس کے چیئرمین اقوام متحدہ میں پاکستان کے مستقل مندوب طاہر خلیل ہوں گے۔

اس کے علاوہ یونیسکو کے ایجوکیشن کمیشن کے صدر کی حیثیت سے بھی پاکستان کا انتخاب ہوا ہے۔ مشیر ماحولیات امین اسلم کا کہنا ہے کہ گرین کلائمیٹ فنڈ کی سربراہی ملنا بڑا اعزاز ہے، پاکستان ماحولیات کے سب سے بڑے عالمی فنڈ کو چیئر کرے گا۔

امین اسلم نے کہا کہ پاکستان کو فنڈز کے حصول میں آسانی ملے گی، ماحولیات کے لیے عالمی ممالک 100 ارب ڈالر کا فنڈ مختص کریں گے جب کہ پاکستان اب تک 140 ملین ڈالرز کا فنڈز لے چکا ہے۔ مشیر ماحولیات نے کہا کہ سربراہی ملنے سے مزید فنڈز کا حصول آسان ہو جائے گا، پاکستان 10 ارب درخت اگانے کے لیے بھی معاونت حاصل کر سکے گا۔