Tag pakistan

عملدرآمد کیلئے تین رکنی کمیٹی بھی تشکیل
نئی دہلی(ایمرا نیوز آن لائن )بھارتی سپریم کورٹ نے بابری مسجد کیس میں مصالحت کاری کے حق میں فیصلہ سنا دیا ہے اور 3 رکنی ثالثی کمیٹی بھی تشکیل دیدی ہے۔تفصیلات کے مطابق بھارتی سپریم کورٹ نے کیس کی سماعت کے دوران حکم جاری کرتے ہوئے کہا کہ کورٹ کی زیر نگرانی مصالحت کاری کی جائے اور اسی کے ذریعے تنازع کا مستقل حل نکالا جائے۔عدالت کا کہناتھا کہ مصالحت کاری سے متعلق سماعت ان کیمرہ کی جائےگی اور اس کا عمل بھی فیض آباد میں کیا جائے۔ حکم میں کہا گیا ہے کہ مصالحت کاری کا عمل کمیٹی آئندہ ہفتے شروع کرے گی اور یہ عمل آٹھ ہفتے میں مکمل کیا جائےگا۔

برآمد ہونے والی منشیات کی مالیت عالمی مارکیٹ میں 4کروڑ 20لاکھ روپے کے لگ بھگ ہے‘ ترجمان کوسٹ گارڈز
کراچی(ایمرا نیوز آن لائن )کوسٹ گارڈز نے گوادر (بلوچستان) کے ساحلی مقام کے قریب چھاپے کے دوران ایک ہزار کلوگرام چرس قبضے میں لے لی۔ترجمان کوسٹ گارڈز کے مطابق خفیہ ذرائع سے ملنے والی اطلاعات کے مطابق سمندر کے راستے منشیات کی اسمگلنگ کا خدشہ تھا جس کی بنا پرڈی کوسٹ گارڈز کی جانب سے متعلقہ علاقہ کمانڈرز کو سخت احکام جاری کیے گئے اور موبائل پارٹیاں تشکیل دی گئیں۔اسی دوران مشکوک مقامات کی نگرانی کے دوران گوادرکے علاقے نیاآباد میں ایک غیرآبادگھر میں منشیات کی موجودگی کی اطلاع پرکوسٹ گارڈ کی چھاپہ مارٹیم نے ایک ہزارکلو چرس برآمدکرلی۔

خواجہ سراوں کے مسائل پر بنائی جانے والی فلم”شناخت“ آج ریلیز کی جائیگی
مانگا منڈی(ایمرا نیوز آن لائن)ڈبل فائر پروڈکشن کے بینر تلے بنائی جانیوالی فلم”شناخت“ کو آج مقامی سینما گھروں میں ریلیز کردیا جائیگا،آن لائن کے مطابق ’شناخت“ خواجہ سراوں کی زندگی ،رہن سہن اور ان کے مسائل پر بنائیی جانے والی فلم ہے جسے نوجوان ہدائتکار ذبیر شوکت نے بنایا ہے اس فلم کی کہانی بھی ذبیر شوکت کی لکھی ہوئی ہے ایک ملاقات کے دوران ذبیر شوکت نے بتایاکہ اس فلم میں دکھایا گیاہے کہ ہیجڑا جو ہمارے معاشرے کا ایک اہم فرد ہے مگر اسے اپنی زندگی گزارنے کے لئے کن مشکلات کا سامنا کرنا پڑتا ہے اور معاشرے میں کتنی اذیتوں کا سامنا کرنا پڑتا ہے ایک سوال کے جواب میں ذبیر شوکت نے بتایاکہ اس فلم میں ایک خواجہ سرا کے جذبات اور اس کا معاشرے میں ایک اہم اور ذمہ دار فرد بننے کے لئے کی گئی محنتوں کو فلمایا گیاہے کیا وہ اپنی ان کوششوں میں کامیاب ہو پائے گا یہ دیکھنے کے لیئے آپ کو سینما گھروں میں آنا پڑے گااس فلم میں ذبیر شوکت نے مرکزی کردار اداکیا ہے جبکہ دیگر کاسٹ میں نیر اعجاز،فیض چوہان،وسیم اکرم اور شہزاد شوکی خان شامل ہیں،فلم کا میوزک اور بیک گراﺅنڈ خاورحسین نے ترتیب دیاہے۔فلم کے پروڈیوسر فواد علی ہیں۔

2 ماہ قبل بھی کسی نے فون پر جان سے مارنے کی دھمکیاں دی تھیں ‘کون ہے میں نہیں جانتی ‘تھانے میں مقدہ درج کروادیاہے:اداکارہ
مانگا منڈی(ایمرا نیوز آن لائن)اداکارہ وماڈل لائبہ خان کے گھر رات گئے فائرنگ،علاقہ میں خوف و ہراس پھیل گیا،تھانہ میں مقدمہ درج کروادیا گیا،آن لائن کے مطابق اداکارہ وماڈل لائبہ خان کے گھر والٹن میںرات 2.30 بجے کے قریب کسی نامعلوم افراد نے گولیاں چلادیں جس سے اہل خانہ خوف و ہراس کا شکار ہوگئے نامعلوم افراان پر گولیاں برسا کر فرار ہوگئے،لائبہ خان اور اہل خانہ نے فوراً15 پر کال چلائی جس سے پولیس نے موقع پر پہنچ کر شواہد اکٹھے کر لیئے گولیوں کی آواز سن کر اہل محلہ بھی اکٹھے ہو گئے۔لائبہ خان کے مطابق یہ مسلح افراد انہیں مارنے آئے تھے جب گولیاں چلیں تو وہ اٹھ کر باہرآئیں دروازہ کھولا تو سامنے کھڑے مسلح شخص نے ان پر ڈائریکٹ فائر کیا وہ دروازے کی اوٹ ہوگئیں جس سے انہیں معمولی خراشیں آئی ہیں اگر وہ بالکل سامنے ہوتیں تو انہیں گولیاں لگ جانی تھیں،لائبہ خان نے کہاکہ گلی میں دو افراد موجود تھے جنہوں نے گولیاں چلائیں اس سے قبل بھی انہیں دوماہ پہلے فون پر جان سے مار دینے کی دھمکیاں دی تھیں اوراکثر رات کو ان کے گھر کا دروازہ کھٹکھٹایاجاتا تھا جس سے گھر کے افراد میں بھی خوف وہراس تھا۔اس واقعہ سے تو وہ اور گھر والے بالکل ڈر گئے ہیں۔لائبہ خان نے کہاکہ گولیاں برسانے والے کون لوگ تھے یہ وہ نہیں جانتی مگر پولیس کو فوری مقدمہ درج کرکے ان کوقانون کی گرفت میں لانا چاہیئے۔لائبہ خان نے مذید کہاکہ اس واقعہ کے بعد وہ سخت خوفزدہ ہیں انہیں سیکیورٹی فراہم کی جائے۔اس واقعہ پر فنکاروں کی ایک کثیر تعداد نے اس پر اظہار برہمی کیا ہے اور پولیس اور انتظامیہ سے اس کا فوری نوٹس لینے اور ملزموں کو گرفتار کرنے کا مطالبہ کیاہے۔

راولپنڈی میں ڈکیتی کے دوران مزاحمت پرشہری قتل
راولپنڈی(ایمرا نیوز آن لائن)راولپنڈی میں تھانہ رتہ امرال کے علاقے میں ڈکیتی کے دوران مزاحمت پر شہری قتل کردی گئی۔ راولپنڈی میں تھانہ رتہ امرال کے علاقے میں ڈاکوؤں نے شہری سے موبائل فون چھیننے کے دوران مزاحمت کرنے پرشہری پر فائرنگ کردی۔پولیس کا کہنا ہے کہ فائرنگ کے نتیجے میں 25 سالہ شہری احتشام جاں بحق ہوگیا، جس کی لاش کو ہسپتال منتقل کردیا ہے جبکہ ڈاکوؤں کی گرفتاری کے لیے چھاپے مارے جارہے ہیں۔

خواتین کے عالمی دن پر گوگل کا ‘ڈوڈل’ تبدیل کر دیا گیا
گوگل نے ’عورت‘ لفظ کو 11 مختلف زبانوں میں لکھ کر ڈیزائن کیا
اسلام آباد(ایمرا نیوز آن لائن)پاکستان سمیت دنیا بھر میں جمعہ کو صنف نازک کی صلاحیتوں، خدمات اور معاشرے میں ان کی اہمیت کو اجاگر کرنے کے لیے خواتین کا عالمی دن منایا گےا گوگل نے خواتین کو خراج تحسین پیش کرنے کے لیے ڈوڈل پر’عورت‘ لفظ کو 11 مختلف زبانوں میں لکھ کر ڈیزائن کیا جن میں اردو، عربی، ہندی اور فارسی بھی شامل تھے۔ڈوڈل پر کلک کیا جائے تو اس میں خواتین کی حوصلہ افزائی کرنے کے لیے 14 عبارتیں بھی مختلف زبانوں میں تحریر کی گئیں جن کا انگریزی ترجمہ دائیں جانب موجود ہے۔خواتین کے عالمی دن کو منائے جانے کا مقصد صنفی امتیاز کے خاتمے اور خواتین کے مساوی حقوق کے لیے کوششوں کی اہمیت اجاگر کرنا ہے۔واضح رہے کہ خواتین کا عالمی دن ہر برس 8 مارچ کو منایا جاتا ہے جس کی بنیاد نیویارک میں امریکی سوشلست پارٹی کی جانب سے 28 فروری 1909 میں رکھی گئی تھی۔ بعدازاں 1910 میں سوشلسٹ ویمن کانفرنس میں یوم خواتین کو ہر سال منانے کا اعلان کیا گیا تاکہ معاشرے میں خواتین کی خدمات کو سراہا جاسکے۔

اسلام آباد(ایمرا نیوزآن لائن رپورٹ ظہیر الحق چیمہ) آرمی چیف جنرل قمر جاوید باجوہ نے کہا کہ طاقت کے حق کا استعمال صرف ریاست کا اختیار ہے ،کوئی بھی طاقت کے استعمال سے ڈرا دھمکا نہیں سکتا۔آرمی چیف جنرل قمر جاوید باجوہ نے جی ایچ کیو راولپنڈی میں کور کمانڈرز کانفرنس سے خطاب کے دوران کہا کہ پاکستان امن اور ترقی کی راہ پر گامزن ہے جبکہ مقبوضہ کشمیر میں قابض بھارتی فوج کے مظالم پر اظہار تشویش بھی کیا۔اجلاس میں بھارت کی کسی بھی مہم جوئی یا جارحیت کے خلاف مادر وطن کا بھرپور دفاع کا عزم کیا گیا۔آرمی چیف کاکہنا تھا کہ کوئی ہمیں کسی دھمکی یا طاقت کے زور پر اس راستے سے نہیں ہٹا سکتا،پالیسی اور طاقت کا استعمال صرف حکومت کی صوابدید ہے۔آئی ایس پی آر جاری اعلامیے کے مطابق آرمی چیف جنرل قمر جاوید باجوہ نے مسلح افواج کے جذبے، کارکردگی اور ملت پاکستان کی طرف سے مکمل حمایت و یکجہتی کو سراہا اور سب سے بڑھ کررب ذوالجلال کا شکر ادا کیا۔آرمی چیف نے ساتھ ہی کسی بھی خطرے کے پیش نظر ہر دم تیار و خبر دار رہنے کی ہدایت کی۔اجلاس میں پاک، بھارت کشیدگی کی وجہ سے پیدا شدہ صورت حال اور جیو اسٹریٹیجک ماحول کا جائزہ بھی لیا گیا۔اجلاس میں پلوامہ واقعے کے بعد مقبوضہ کشمیر میں بھارتی مظالم میں اضافے اور کنٹرول پر سویلین آبادی کو مسلسل نشانہ بنانے پر تشویش کا اظہار کیا گیا۔کور کمانڈرز کانفرنس میں اتفاق کیا گیا کہ بھارتی ظلم و بربریت کے تسلسل سے حالات مزید خراب ہوں گے، علاقائی امن کے مفاد میں بھارت کو کشمیریوں پر ظلم و جبر بند کرنے کی ضرورت ہے۔2014کے نشینل ایکشن پلان پر بھی بات چیت کی گئی اور آرمی چیف نے حکومتی فیصلوں کے مطابق نیشنل ایکشن پلان پر عمل درآمد کی کوششیں تیز کرنے اور اس سلسلے میں دیگر ریاستی اداروں کو مکمل تعاون کی بھی ہدایت کی۔

(ایمرا نیوزآن لائن رپورٹ رضا ملک سے) پیپلزپارٹی کے چیئرمین بلاول بھٹو نے کہا ہے کہ اس وقت پاکستان میں انسانی اور جمہوری حقوق کا بحران ہے۔چیئرمین پاکستان پیپلزپارٹی بلاول بھٹوزرداری نے برطانوی نشریاتی ادارے کو انٹرویو دیتے ہوئے کہا اگرنیشنل ایکشن پلان پربروقت عمل درآمد ہوتا توآج دنیا میں پاکستان کی پوزیشن کچھ اور ہوتی۔پھر بھارت کے پاس انتہاپسندی کےالزامات کا جواز نہ ہوتا۔بلاول بھٹو نے مزید کہاکہیہ اقدامات پہلے کرنے چاہیے تھے مگردیر آید، درست آید۔

لاہور(ایمرا نیوزآن لائن رپورٹ عمر خالد سے) آج پوری دنیا میں خواتین کا عالمی دن منایاجارہا ہے اور اس موقع پر وزیر اعظم پاکستان عمران خان کی جانب سے بھی پیغام جاری کیا گیا ہے۔وزیراعظم عمران خان نے ٹوئٹر پر پیغام دیا کہ ’خواتین کے عالمی دن کے موقع پر ہم مادرِملت محترمہ فاطمہ جناح کو خراج تحسین پیش کرتے ہیں جنہوں نے ہر لمحےبانی پاکستان قائداعظم محمد علی جناح کا ثابت قدمی سے ساتھ دیا‘۔انہوں نے کہا کہ مادرِملت نے پاکستان کے قیام اور ترقی کے لیے جدوجہد میں ایک اہم کردار ادا کیا۔وزیر اعظم نے کہا کہ ہم خواتین کی بہتری اور تحفظ کے لیے ایسا ماحول مہیا کریں گے جہاں وہ اپنی اور ملک کی ترقی کے لیےبھرپور کردار ادا کرسکیں۔

ٹریزا کو جیل کی روٹی راس آگئی، وزن میں اضافہ
منشیات کیس ، غیر ملکی ماڈل ملزمہ بڑھتے وزن سے پریشان
جیل میں 10کلو وزن بڑھ گیا، وطن جا کر پہلے جم جوائن کرونگی، ٹریزا
وکیل صفائی نے حتمی بحث مکمل کر لی، ساتھی ملزم کے وکلا بحث کے لئے طلب
لاہو(ایمرا نیوز) منشیات کے مقدمہ میں گرفتار غیر ملکی ماڈل کے کیس کی سماعت ہوئی،وکیل صفائی نے گزشتہ روز حتمی بحث مکمل کرلی جبکہ ملزمہ ٹریزا بڑھتے وزن سے پریشان ہو گئی۔ سیشن کورٹ میں ایڈیشنل سیشن جج شہزاد رضا نے کیس کی سماعت کی اور ساتھی ملزم حفیظ کے وکلا کو بحث کیلئے طلب کرلیا۔ کیس کی سماعت کے بعد کمرہ عدالت میں غیررسمی گفتگو کرتے ہوئے ملزمہ ماڈل ٹریزا کا کہنا تھا کہ وہ جیل میں بڑھتے وزن سے پریشان ہے۔ایک سال میں دس کلو وزن جیل میں بڑھ گیا۔ وطن واپس جا کر سب سے پہلے جم جوائن کروں گی۔گھر والوں کی بہت یاد آتی ہے۔ملزمہ کے وکیل سردار اصغر ڈوگر نے عدالت میں حتمی دلائل دئیے۔ عدالت نے مزید سماعت 9 مارچ تک ملتوی کردی۔