Tag pakistan

رقوم پشاور منتقل ہوئی‘ ٹیکس گوشوارہ کبھی جمع نہیں کرایا، دونوں کے8بینک اکاؤنٹس ہیں‘نوٹس جاری
کراچی(ایمرا نیوز آن لائن)فیڈرل بورڈ آف ریونیو کے ماتحت ڈائریکٹوریٹ آف انٹیلی جنس اینڈ انویسٹی گیشن ان لینڈ ریونیوکراچی نے 6کروڑ روپے سے زائد مالیت کی ٹیکس چوری اور2 ارب کی منی لانڈرنگ کا سراغ لگالیا ہے۔فیڈرل بورڈ آف ریونیو کے مطابق 6کروڑ روپے سے زائد مالیت کی ٹیکس چوری اور2 ارب کی منی لانڈرنگ میں محمد رضوان اور محمداجمل نامی افراد غیرقانونی لین دین میں ملوث پائے گئے ہیں۔ دونوں کے8بینک اکاؤنٹس سے 2ارب روپے مالیت کی مشکوک ٹرانزیکشنزکی گئی ہیں۔ایف بی آرکے متعدد نوٹسز بھیجے جانے کے باوجوددونوں افراد روپوش ہوگئے ہیں۔ رضوان اور اجمل نے بینکو ں میں خشک میوہ جات، کان کنی اور برتنوں کاکاروبار ظاہر کیا ہوا ہے۔ دونوں افراد نے کپڑا، گھی، چائے اور جائیدادکی خریدوفروخت کی مدمیں ادائیگیاں کیں جو ان کے ظاہر کردہ کاروبار سے مطابقت نہیں رکھتیں۔ ایف بی آر نے ایف اے ٹی ایف کے تناظر میں مشکوک بینک لین دین پر کریک ڈاون سخت کردیا ہے۔ذرائع کا کہنا ہے کہ دونوں افراد نے بینک اکاؤنٹس کراچی میں کھولے اور رقوم پشاور کے مختلف بینکوں میں منتقل کی گئیں۔ ایف بی آر کے نوٹس کے مطابق محمد اجمل کے کاروباری ادارے سلطان کراکری کے بینک اکانٹ میں آنے والے 48 کروڑ 90 لاکھ روپے پشاور کے بالکل مختلف اور غیرمطابقتی اکاؤنٹ میں منتقل کی گئی یعنی یہ رقم جس کاروباری بینک کھاتے میں منتقل کی گئی وہ سلطان کراکری کے کاروبار سے بالکل مطابقت نہیں رکھتا تھا اسی وجہ سے ٹرانزیکشن کو مشکوک قرار دیا گیا۔اسی طرح محمد اجمل نے کول مائننگ کے کاروبار کے نام پردوسرے نجی بینک میں اکاؤنٹ کھولا جہاں انھوں نے اپنے دفتر کا پتہ وہی درج کیا جو سلطان کراکری کے دفتر کا تھا حالانکہ ان کے پاس متعلقہ ادارے کا کوئی لائسنس یا سرٹیفکیٹ موجود نہیں تھا، اس بینک کھاتے سے ماہانہ اوسط 2 کروڑ 50 لاکھ روپے کی ٹرانزیکشن کی گئیں، یہ بات بھی محسوس کی گئی کہ محمد اجمل کے بینک کھاتوں سے روزانہ پشاورکی بینک شاخوں میں متعدد مرتبہ فنڈ ٹرانسفر کیے جاتے رہے جس کی ستمبر 2015 تک مجموعی مالیت 14 کروڑ 70 لاکھ روپے ریکارڈ کی گئی۔بھاری رقوم کے برعکس محمد اجمل نے کبھی اپنا ٹیکس ریٹرن فائل نہیں کیا اور وہ ٹیکس نادہندگان میں شامل ہیں۔ اس نوٹس میں ان سے رقوم کا ذریعہ حصول کی دستاویز اور کاروبار کی تفصیلات طلب کی گئی ہیں کیونکہ ایف بی آر کی ابتدائی تحقیقات کے مطابق یہ رقم ٹیکس چوری کے زمرے میں شمار کی جارہی ہے اور اگر یہ وضاحت پیش نہیں کی گئی تو محمد اجمل کے خلاف کارروائی کی جائے گی۔ایف بی آر نے اسٹار ٹریڈرز کے محمد رضوان کو بھی اسی طرح کا ایک نوٹس ارسال کیا ہے اس نوٹس میں بھی ان60 کروڑ روپے کا حساب مانگا گیاہے۔

بے حسی کا مظاہرہ مت کریں، لاپتہ شہری بازیاب کرائے جائیں،جسٹس نعمت اللہ
کراچی(ایمرا نیوز آن لائن)سندھ ہائیکورٹ نے لاپتہ افراد کیس کی سماعت کرتے ہوئے سربراہ جے آئی ٹیز، صوبائی ٹاسک فورس اور ڈائریکٹر ایف آئی اے کو طلب کرلیا جب کہ عدالت نے پولیس، رینجرز، محکمہ داخلہ سندھ اور دیگر اداروں سے رپورٹ طلب کرلی۔ہائیکورٹ کے جسٹس نعمت اللہ پھلپھوٹو نے 70 سے زائد لاپتہ افراد کی بازیابی سے متعلق درخواستوں کی سماعت کی۔اس موقع پر بیٹے کی عدم بازیابی پر کمرہ عدالت میں خاتون رو پڑی جس پر جسٹس نعمت اللہ پھپلھوٹو نے کہا کہ بدقسمتی سے پولیس لاپتہ افراد کا سراغ لگانے میں ناکام رہی ہے، اہلخانہ عدالتوں میں رو رہے ہیں اور پولیس افسران کو ان پر ترس بھی نہیں آتا۔فاضل جج نے کہا کہ احکامات پر عملدرآمد نہ کرنے پر تفتیشی افسر آفتاب عالم کو جیل بھیجنا چاہیے، حکم دیا تھا کہ لاپتہ افراد کے معاملے پر پرنٹ اور الیکٹرانک میڈیا سے معاونت حاصل کی جائے۔عدالت نے استفسار کیا شائع کیے جانے والے اشتہارات کہاں ہیں جس پر تفتیشی افسر آفتاب عالم نے عدالت کو بتایا کہ اشتہارات شائع کرنے کے لیے مہلت دی جائے۔ جسٹس نعمت اللہ نے ریمارکس دیے ‘بے حسی کا مظاہرہ مت کریں، لاپتہ شہری بازیاب کرائے جائیں، عدالت پی ٹی ایف اور دیگر اداروں کے خلاف بھی حکم نامہ جاری کرسکتی ہے’۔عدالت نے اداروں سے لاپتا شہریوں کی ٹریول ہسٹری اور حراستی مراکز کا مکمل ریکارڈ طلب کرتے ہوئے پولیس، رینجرز، محکمہ داخلہ سندھ اور دیگر اداروں سے رپورٹ طلب کرلی۔

لاہور(ایمرا نیوزآن لائن)

میں ایک ذمہ دار شہر ی کی طرح قانون کی حاکمیت پر یقین رکھتاہوں‘استغاثہ درخواست گزار کی بدنیتی ثابت کرنے کیلئے کوئی گواہ بھی پیش نہیں کر سکا‘موقف
اسلام آباد(ایمرا نیوز آن لائن)پاکستان مسلم لیگ (ن ) کے رہنما طلال چوہدری نے اپنی نااہلی کے فیصلے کیخلاف سپریم کورٹ میں نظر ثانی اپیل دائر کر دی ہے ۔ طلال چوہدری کی جانب سے ان کے وکیل کامران مرتضیٰ نے سپریم کورٹ کے 9اکتوبر کے مفصل فیصلے کیخلاف نظرِ ثانی اپیل دائر کی۔درخواست میں طلال چوہدری نے مو¿قف اپنایا کہ وہ ایک لاءگریجویٹ ہیں اور قانون کی حاکمیت پر یقین رکھتے ہیں، ان کے مطابق آزاد عدلیہ جمہوری نظام میں ریڑھ کی ہڈی کی حیثیت رکھتی ہے، اور وہ ایک ذمہ دار شہری اور سیاسی کارکن ہونے کے ناطے اعلیٰ عدلیہ کا احترام کرتے ہیں۔سابق وزیر مملکت نے درخواست میں کہا کہ استغاثہ اس مقدمے میں کوئی گواہ پیش نا کر سکی جو درخواست گزار کی بدنیتی ثابت کرتی ہے۔اس کے علاوہ درخواست گزار کی جانب سے ایک سے زائد گواہان عدالت میں پیش ہوئے جبکہ عدالت درخواست گزار کی جانب سے پیش کیے گئے ثبوت زیر غور نہیں لائی، طلال چوہدری نے عدالت سے ایک مرتبہ پھر درگزر کی استدعا کی۔واضح رہے کہ اس سے قبل دیے گئے انٹر کورٹ اپیل خارج کرتے ہوئے دیے گئے فیصلے میں جسٹس سجاد علی شاہ نے کہا کہ توہینِ عدالت مقدمات نے عوام اور سائیلین کے عدالت پر اعتماد میں اضافہ کیا ،جس سے عدلیہ کے عزت و وقار کو ثابت کرنے مدد ملی۔عدالتی فیصلے میں کہا گیا کہ طلال چوہدری کی تقریر سے یہ بات واضح تھی کہ انہوں نے عدالت کو نشانہ بنانے کے لیے ان الفاظ کا استعمال کیا تا کہ اعلیٰ عدالت کے ججوں کےخلاف نفرت اور توہین کے جذبات پیدا کیے جاسکیں۔سپریم کورٹ نے کہا کہ توہینِ عدالت مقدمات کے آغاز کا حقیقی مقصد عدلیہ کے اعزاز و وقار میں اضافہ کرنا اور اس بات کو یقینی بنانا تھا کہ انصاف دینے والوں کی توقیر کم یا کمزور نہ ہو۔رپورٹ کے مطابق مسلم لیگ (ن) کے رہنما طلال چوہدری کے خلاف توہین عدالت کی فردِ جرم عائد کرنے کے حوالے سے جسٹس سجاد علی شاہ نے اپنے فیصلے میں لکھا کہ اس کو رائج کرنے کا مقصد ان ججز کو تحفظ فراہم کرنا نہیں، جو ججز توہین عدالت کے ملزم کو اپنی انا کی تسکین کے لیے سزا دے کر خود کونمایاں کرتے ہیں۔جسٹس سجاد علی شاہ سابق چیف جسٹس پاکستان جسٹس (ر)ثاقب نثار کی سربراہی میں قائم سپریم کورٹ کے اس 5 رکنی بینچ کا حصہ تھے ،جس نے گزشتہ برس 2 جولائی کو طلال چوہدری کو توہینِ عدالت کا مرتکب قرار دینے کے فیصلے خلاف دائر انٹرا کورٹ اپیل کو 9 اکتوبر کو مسترد کیا تھا۔واضح رہے کہ 2 جولائی کو جسٹس گلزار احمد، جسٹس سردار مسعود اور جسٹس فیصل عرب پر مشتمل بینچ نے طلال چوہدری کو توہینِ عدالت کا مرتکب قرار دے کر ایک لاکھ روپے جرمانہ جمع کروانے کا حکم دیا تھا اس کےساتھ وہ آرٹیکل 63 کے تحت 5 سال کے لیے نااہل بھی قرار پائے تھے۔

لاہور(ایمرا نیوزآن لائن) پنجاب اسمبلی میں قائد حزب اختلاف حمزہ شہباز نے کہا ہے کہ سابق وزیراعظم نوازشریف کی صحت سے متعلق علامات اچھی نہیں ہیں۔
کوٹ لکھپت جیل میں سابق وزیراعظم اور اپنے تایا میاں محمد نواز شریف کی عیادت کے بعد انہوں نے بتایا کہ نوازشریف سے اہل خانہ نے بہت اصرار کیا ہے لیکن اُن کا کہنا ہے کہ وہ اپنا معاملہ اللہ کی ذات کے سپرد کرچکے ہیں۔حمزہ شہباز کا کہنا تھا کہ حکومت خدا نخواستہ کسی حادثے کا انتظار کرنے کے بجائے قانون کے تحت فوری اپنا فرض پورا کرے۔

ٹنڈو جام(ایمرا نیوزآن لائن رپورٹ عمر خالد سے) ٹنڈو جام کے گائوں شاہنواز جونیجو میں پراسرار طور پر ہلاک ہونے والے ایک ہی خاندان کے 7 افراد کی نمازہ جنازہ کے بعد رات گئے عثمان شاہ قبرستان میں سپرد خاک کردیا گیا تمام افراد کی لاشیں ایک گھر سے ملی تھیں۔حیدرآباد کے نواحی علاقے ٹنڈوجام میں ایک ہی خاندان کے 7 افراد کی لاشیں ملی تھیں جن میں گھر کا سربراہ اسکول ٹیچر اشرف جونیجو اہلیہ مسمات شمشاد بچے علیزہ ،لارییبہ،فائزہ ،نشاء اور بیٹا جواد شامل ہیں ۔لاشوں کا پوسٹمارٹم لیاقت یونیورسٹی اسپتال حیدرآباد میں کیا گیا اور ان میتوں کو رات گئے ٹنڈوجام لایا گیا نماز جنازہ راھوکی کے مدرسہ ریاض العلوم میں ادا کی گئی جس میں علاقہ مکینوں کی بڑی تعداد نے شرکت کی ۔ایس ایس پی حیدرآباد سرفراز شیخ کا کہنا تھا کہ 7 افراد کی اموات زہر خورانی یا دم گھٹنے سے ہوئی ہے ، تاہم انہوں نے اس تاثر کو سختی سے مسترد کردیا کہ ان افراد کو قتل کیا گیا ہے۔

اداکارہ ماورا حسین گریجویشن کی ڈگری لیتے ہوئے جذباتی ہوگئیں
اداکارہ ماورا حسین نے اسکول آف لندن سے گریجویشن کی ڈگری حاصل کرلی
لندن (ایمرا نیوز آن لائن)نامور پاکستانی اداکارہ ماورا حسین گریجویشن کی ڈگری لیتے ہوئے جذباتی ہوگئیں۔اداکارہ ماورا حسین نے حال ہی میں اسکول آف لندن سے گریجویشن کی ڈگری حاصل کی ہے۔ انہوں نے اپنی زندگی کے خوشی بھرے لمحات کو اپنے چاہنے والوں کے ساتھ سوشل میڈیا پر شیئر کرتے ہوئے لکھا ہمیشہ اپنا سر جھکا کر رکھیں اور محنت کریں۔اس کے علاوہ انسٹاگرام پر بھی ماورا ان خوشی بھرے لمحات کی تصاویر شیئر کرتے ہوئے لکھا زندگی میں کچھ لمحات ایسے ہوتے ہیں جو آپ کو بہت خوشی دیتے ہیں اوران لمحات میں سمجھ نہیں آتا کہ کیا کریں، مجھے بالکل بھی اندازہ نہیں تھا کہ میں گریجویٹ ہوجاں گی لیکن آج اسٹیج پر چلتے ہوئے مجھے بہت خوشی ہورہی ہے اورمیں بہترین زندگی گزارنے پرشکر گزار ہوں۔اس کے ساتھ ماورا نے اپنے لیے دعائیں کرنے والوں کا شکریہ اداکرتے ہوئے کہا کہ میں اپنے اساتذہ کا بھی شکریہ اداکرنا چاہوں گی جنہوں نے مجھ پر بھروسہ کیا۔ماورا نے اس موقع پر اپنے والدین کے ساتھ بھی اپنی تصویر شیئر کرتے ہوئے لکھا میرے والدین کی آنکھوں میں آج کے دن جو چمک، خوشی اور جذبات ہیں آج سے پہلے میں نے کبھی ان کی آنکھوں میں محسوس نہیں کیے تھے میں خوش قسمت ہوں کہ مجھے اپنے والدین کو فخر محسوس کرانے کا موقع ملا۔واضح رہے کہ گزشتہ برس ماورا نے وکالت کا امتحان 85 فیصد نمبروں سے پاس کیا تھا اور یہ خبرمداحوں کے ساتھ شیئر کرتے ہوئے لکھا تھا کہ وہ شاندار نمبروں سے وکالت کا امتحان پاس کرنے پر بے حد خوش ہیں۔

شہریار سومرو نئے آنے والے پراجیکٹ غازی میں نظرآئیں گے جو29مارچ کو ریلیز ہو گی
کراچی (ایمرا نیوز آن لائن)پاکستانی اداکار اور پروڈیوسر شہریار منور نے منگنی کرلی۔اپنے کرئیرکے آغاز سے ہی ہزاروں دلوں پر راج کرنے والے پاکستان کے مشہوراداکارشہریار منور نے منگنی کرلی۔ اداکارکی منگیتر کا نام ہالہ سومرو ہو اوروہ ڈاکٹرہیں۔منگنی کی تقریب میں شہریارمنورتھری پیس سوٹ جب کہ دلہن نے ہلکا گلابی رنگ کا جوڑا زیب تن کیا۔شہریار سومرو نئے آنے والے پراجیکٹ غازی میں نظرآئیں گے جس کی کاسٹ میں ہمایوں سعید، سائرہ شہروزاورطلعت حسین بھی شامل ہیں جب کہ فلم 29 مارچ کو ریلیز کی جائے گی۔مداحوں کی جانب سے بھی اداکارکو ان کی منگنی پرمبارک باد اورنیک تمناں کے اظہار کا سلسلہ جاری ہے۔

میو ہسپتال کی بیشتر سی ٹی سکین مشینیں خراب، مریضوں کو پریشانی
لاہور(ایمرا نیوزآن لائن) شہر کے سب سے بڑے میو ہسپتال کی بیشتر سی ٹی سکین مشینیں خراب ہونے سے شہریوں کو شدید مشکلات کا سامنا، ہسپتال کی ایمرجنسی اور اولڈ ریڈیالوجی میں نصب مشینوں کی اب تک مرمت نا ہو سکی۔یہ بھی لازمی پڑھیں: یونائیٹڈ ورلڈ ریسلنگ نے بھارت کو دن میں تارے دکھا دیئے. شہر کے سب سے بڑے میو ہسپتال میں روزانہ مختلف شہروں اور صوبوں سے لوگ علاج کی آس لیے آتے ہیں، انتظامی غفلت کا یہ عالم ہے کہ ہسپتال کے شعبہ حادثات کے ساتھ لاکھوں کی لاگت سے بنائے گئے سی ٹی سکین ڈپارٹمنٹ میں مشین طویل عرصے سے بند ہے۔ جس سے ٹراما کے مریضوں کو مشکلات کا سامنا تھا اور ٹیسٹ کی سہولت حاصل کرنے کے لئے اولڈ ریڈیالوجی کا رخ کرنا پڑھتا تھا۔اب کئی ماہ سے اولڈ ریڈیالوجی میں نصب سی ٹی سکین مشین بھی خراب ہے جس سے مریضوں کا کوئی پرسان حال نہیں۔ ہسپتال میں صرف نیوسرجیکل ٹاور میں نصب سی ٹی سکین مشین لوگوں سہولیات فراہم کر رہی ہے جبکہ دیگر مشینوں کی مرمت نا ہونے سے آنے والے مریضوں کو شدید مشکلات کا سامنا ہے ۔

لاہور(ایمرا نیوزآن لائن) مولانا ثاقب رضا مستافائی کا ایمان افروز بیان