Tag pakistan

لاہور(نیٹ نیوز/ایمرا نیوز) لاہور پولیس نے سال نو کی آمد پر شہر کے لیے بنائے گئے سیکیورٹی پلان کی تفصیلات بتا دیں۔ڈی آئی جی آپریشنز محمد وقاص نذیر کا کہنا ہے کہ لاہور میں نیو ایئرنائٹ پر پولیس کے 10ہزار اہلکار ڈیوٹی انجام دیں گے۔انہوں نے مزید کہا کہ لاہور میں نیوایئرنائٹ پر قانون کی خلاف ورزی کرنے والوں کے خلاف سخت کارروائی ہو گی۔ڈی آئی جی آپریشنز نے مزید کہا کہ شہری آت شبازی ، ون ویلنگ اور ہوائی فائرنگ سے گریز کریں، نیو ایئرنائٹ کے سلسلے میں سابقہ ریکارڈ یافتہ ون وہیلرز سے ضمانتی مچلکے لیے جا رہے ہیں۔محمد وقاص نذیر نے یہ بھی کہا کہ نیوایئرنائٹ پر پولیس افسران سکیورٹی پلان پرعملدرآمد یقینی بنائیں۔

کراچی(نیٹ نیوز/ایمرا نیوز) پاکستان نیوی فلیٹ کی سالانہ ایفیشنسی کمپٹیشن پریڈ 2018ء کا کراچی میں انعقاد کیا گیا۔ترجمان پاک بحریہ کے مطابق چیف آف دی نیول اسٹاف ایڈمرل ظفر محمود عباسی تقریب کے مہمان خصوصی تھےجنہوں نے پاکستان فلیٹ کی 2018ء کے دوران آپریشنل سرگرمیوں پر اطمینان کا اظہار کیا۔نیول چیف کا اس موقع پر خطاب کرتے ہوئے کہنا ہے کہ گزشتہ سال کے دوران پاکستان فلیٹ نے مختلف بحری مشقوں بالخصوص سی اسپارک میں مختلف ویپن سسٹمز کی فائرنگ سے آپریشنل تیاریوں میں گراں قدر اضافہ کیا۔

انہوں نے کہا کہ اسٹریٹجک نوعیت کی بین الاقوامی اور دوطرفہ مشقوں میں پاکستانی فلیٹ کی بھرپور شمولیت قابل تحسین ہے، پاک بحریہ کے جہازوں نے پہلی بار جرمنی اور روس کی بندرگاہوں کے دورے کیے جو نیول ڈپلومیسی میں ایک اہم سنگ میل ہے۔نیول چیف نے مزید کہا کہ پاک بحریہ قومی دفاع کے علاوہ بین الاقوامی سمندروں میں امن اور سلامتی کی بحالی کے لیے بھی کوشاں ہے، پاک بحریہ نے گزشتہ سال سے ریجنل میری ٹائم سیکیورٹی پٹرول کے تحت بحر ہند میں اہم مقامات کی نگرانی اور خلیج عدن میں تجارتی جہازوں کی سیکیورٹی کا آغاز کیا۔انہوں نے مزید کہ کہ پاک بحریہ کی اس کاوش سے خطے میں معاشی سرگرمیوں کو موزوں سمندری ماحول اور علاقائی امن و سلامتی کو فروغ ملے گا، فلیٹ کی ضروریات پورا کرنے کے لیے جدید جنگی سازو سامان سے لیس 4نئے جہازوں کا معاہدہ چین اور چار کا ترکی سے طے پا چکا ہے۔نیول چیف ایڈمرل ظفر محمود عباسی نے 2018ء کے دوران دفاع وطن میں جانوں کا نذرانہ پیش کرنے والے افسروں اور جوانوں کو خراج تحسین پیش کیا۔قبل ازیں کمانڈر پاکستان فلیٹ ریئر ایڈمرل محمد امجد خان نیازی نے 2018ءکے دوران فلیٹ کی آپریشنل مصروفیات کا جائزہ پیش کیا۔

اسلام آباد(نیٹ نیوز/ایمرا نیوز) چیف جسٹس پاکستان میاں ثاقب نثار نے 172 افراد کے نام ای سی ایل میں ڈالنے پر برہمی کا اظہار کرتے ہوئے متعلقہ وزیر کو فوری پیش ہونے کا حکم جاری کردیا ،انہوں نے ریمارکس دیئے کہ جواب گزاروں کو جے آئی ٹی رپورٹ پر جواب داخل کرنے کا کہا، حکومت نے ان کے نام ای سی ایل میں ڈال دیئے۔چیف جسٹس پاکستان جسٹس میاں ثاقب نثار کی سربراہی میں 2 رکنی بینچ مبینہ جعلی بینک اکاؤنٹس کے ذریعے منی لانڈرنگ کے از خود نوٹس کیس کی سماعت کر رہا ہے۔مبینہ جعلی بینک اکاؤنٹس کے ذریعے منی لانڈرنگ کیس میں اظہار برہمی کرتے ہوئے چیف جسٹس نے ریمارکس دیئے کہ ملک کے دوسرے بڑے صوبے کے چیف ایگزیکٹو کا نام ای سی ایل میں کیسے ڈالا جاسکتا ہے ؟ وفاقی حکومت اس بات کی وضاحت کیسے دے گی۔ چیف جسٹس کا کہنا تھا کہ 172 لوگوں کے ساتھ اپنے وزیراعلیٰ عثمان بزدار کا نام بھی ای سی ایل میں ڈال دیں۔چیف جسٹس پاکستان نے 172 افراد کے نام ای سی ایل میں ڈالنے پر شدید برہمی کا اظہار کیا اور کہا کہ ‘یہ کام کس نے کیا ہے، جس پر اٹارنی جنرل نے کہا کہ میں اس معاملے کو دیکھ لیتا ہوں، چیف جسٹس نے کہا ہم خود اس معاملے کو دیکھ لیں گے۔چیف جسٹس نے اٹارنی جنرل کو مخاطب کرتے ہوئے کہا ‘172 افراد کے نام ای سی ایل میں ڈالنا کیا کوئی عام بات ہے؟ کل کو آپ کا اور چیئرمین نیب کا نام بھی ای سی ایل میں ڈال دیا جائے۔عدالت نے حکم دیا کہ متعلقہ وزیر 15 منٹ میں عدالت میں پیش ہوں، چیف جسٹس نے اٹارنی جنرل سے مکالمے کے دوران کہا مجھے تو اس سارے معاملے پر حیرت ہوئی ہے کیسے نام ای سی ایل میں ڈالے گئے، وفاقی حکومت اس کی کیسے وضاحت دے گی۔چیف جسٹس نے ریمارکس دیئے کہ جواب گزاروں کو جے آئی ٹی رپورٹ پر جواب داخل کرنے کا کہا اور حکومت نے ان کے نام ای سی ایل میں ڈال دیئے۔جسٹس ثاقب نثار نے استفسار کیا جے آئی ٹی رپورٹ کے مندرجات کیسے لیک ہو گئے جس پر تحقیقاتی ٹیم کے سربراہ احسان صادق نے کہا ہمارے سیکریٹریٹ سے کوئی چیز لیک نہیں ہوئی، میڈیا نے سنی سنائی باتوں پر خبریں چلائیں۔لطیف کھوسہ نے عدالت کو بتایا کہ آصف زرداری اور فریال تالپور کی جانب سے فاروق ایچ نائیک اب پیش نہیں ہوسکتے، ان کا نام بھی ای سی ایل میں ڈال دیا گیا ہے اور جے آئی ٹی نے فاروق ایچ نائیک کو بھی ملزم بنا دیا ہے جس پر چیف جسٹس نے کہا فاروق ایچ نائیک کو پیش ہونے سے کون روک سکتا ہے۔واضح رہے کہ جے آئی ٹی سربراہ احسان صادق نے 20 دسمبر کو جعلی اکاؤنٹس کیس کی حتمی رپورٹ سپریم کورٹ میں جمع کرائی جس کے بعد حکومت نے رپورٹ کی روشنی میں پیپلز پارٹی کی قیادت سمیت 172 افراد کے نام ایگزٹ کنٹرول لسٹ میں ڈال دیے جس کے بعد وہ ملک چھوڑ کر نہیں جاسکتے۔

کراچی(نیٹ نیوز/ایمرا نیوز) پاکستان کے سب سے بڑے شہر کراچی کے قریب گہرے سمندر میں تیل و گیس کی تلاش کی تیاریاں شروع ہوگئیں۔کراچی کے ساحل کے قریب تیل کی تلاش کے بڑے اسٹیشن کے لیے آلات کی سپلائی کے لیے جہاز کے پی ٹی پہنچ گئے۔یہ بحری جہاز ساحل سے 230 کلومیٹر دور ’مدرآف آل رگز‘ کو آلات پہنچائیں گے۔وفاقی وزیر علی زیدی اس ضمن میں کہتے ہیں کہ تیل کی تلاش کے لیے ایگزون موبل اور ای این آئی کا خیر مقدم کرتے ہیں۔انہوں نے مزید کہا کہ کراچی کے سمندر سے عالمی پیمانے پر تیل و گیس کی تلاش کے لیے دعاگو ہیں، ان شاء اللہ اس حوالے سے اچھی اور بڑی خبر ملے گی۔

لاہور(شوبز ڈیسک/ایمرا نیوز) اداکارہ میرا نے اپنے ایک انگلش ویڈیو بیان میں وزیر اعظم عمران خان کو ملک و قوم کا ایک عظیم لیڈر قرار دے دیا۔میرا نے اپنے انگریزی ویڈیو بیان میں کہا کہ وزیر اعظم عمران خان نے اپنے کام سے ثابت کر دیا ہے کہ وہ ایک عظیم لیڈر ہیں اور پاکستان کو ایسے لیڈر کی بہت ضرورت ہے۔ویڈیو میں میرا نے شوکت خانم اسپتال کے لئے عوام کو بھرپور چندہ دینے کی بھی اپیل کی ہے۔

PTA has warned that illegal, smuggled and unregistered devices will not work after January 15. Photo: File

The Pakistan Telecommunication Authority (PTA) has extended the deadline for mobile phone users to register their cellular devices with the authority.

PTA has warned that illegal, smuggled and unregistered devices will not work after January 15.

To register your cellular device, you have to send your IMEI number via SMS to 8484. You can check your IMEI number by dialing *#06#.

In response, PTA will send a reply confirming whether your phone is compliant.

In October, Information Minister Fawad Chaudhry had announced that the government had decided to crack down against smugglers of mobile phones in Pakistan.

Chaudhry had said the government had devised a framework to block illegal imports of mobile phones by the end of this year. “By this year’s end, [all] smuggled phones in the country will stop being operational,” he had said.

According to statistics released by the Pakistan Telecommunication Authority (PTA), the number of mobile phone users in the country reached 151 million by July 2018. The number of mobile broadband subscribers was around 60 million during the same period.

By 2017, over 30 percent of Pakistan’s population was covered by the 4G network. The country saw a dramatic increase in mobile broadband penetration over the past five years, with market penetration increasing from below one percent in 2012 to 24 percent in 2017, an IT official was quoted as saying earlier this year.

لاہور(نیٹ نیوز/ایمرا نیوز) سپریم کورٹ آف پاکستان میں ہیلتھ کیئر کمیشن کی تشکیل سے متعلق کیس کی سماعت کے دوران چیف جسٹس پاکستان میاں ثاقب نثارنے وزیر صحت پنجاب ڈاکٹر یاسمین راشد سے کہا ہے کہ ہمیں امید نہیں تھی کہ آپ سپریم کورٹ کے احکامات کی خلاف ورزی کریں گی۔چیف جسٹس پاکستان کی سربراہی میں تین رکنی بنچ نے ہیلتھ کیئر کمیشن کی تشکیل سے متعلق کیس کی سماعت کی۔جسٹس اعجاز الاحسن کا کہنا تھاکہ چیف سیکریٹری نے ہمیں تحریری جواب دیا ہے کہ انہیں اس معاملے میں مس گائیڈ کیا گیا ہے۔چیف جسٹس نے اپنے ریمارکس میں کہا کہ ہیلتھ کیئر سسٹم ڈائریکٹ زندگی کے ساتھ جڑا ہوا ہے، اس طرح کے بورڈز کو بالکل قبول نہیں کریں گے، اس بورڈ میں جید لوگوں کو ہونا چاہیے۔ایڈوکیٹ جنرل پنجاب نے کہ کہ اب جو کمیشن بنایا جائے گا اس کے نام فائنل کرنے سے قبل سپریم کورٹ سے منظوری لی جائے گی۔چیف جسٹس نے وزیر صحت یاسمین راشد سے استفسار کیا کہ آپ کو پتا ہے آپ کے اسپتالوں کی لفٹیں اور پانی کے مسائل عدالت حل کرا رہی ہے؟سپریم کورٹ آف پاکستان نے کیس کی سماعت 4 جنوری تک ملتوی کر دی۔

کراچی(نیٹ نیوز/ایمرا نیوز) شریک چیئرمین پیپلزپارٹی آصف علی زرداری کا کہنا ہے کہ اردو میں اس لئے بات کرتا ہوں کہ اسلام آباد میں گونگے، اندھے اور بہرے لوگ رہتے ہیں۔سابق صدر آصف علی زرداری خان گڑھ پہنچ گئے، وزیراعلیٰ سندھ مراد علی شاہ بھی ان کے ہمراہ بذریعہ ہیلی کاپٹر پہنچے۔خان گڑھ میں جلسےسےخطاب کر تے ہوئے آصف علی زرداری نے مزید کہا کہ ہم نے اٹھارہویں ترمیم میں صوبوں کو ان کا حق دیا۔انہوں نے سوال کیا کہ گھوٹکی کا کیا قصور ہے کہ اس کا حق اس کو نہیں ملتا ؟میری کوئلے کی کانیں نہیں ہیں، ہم نے کوئلے کی کانیں غریبوں کی ملکیت بنا دیں ۔آصف علی زرداری نے مزید کہا کہ ہم تو جیت کر بھی اپوزیشن میں رہتے ہیں، کسی چیز سے گھبرانے کی ضرورت نہیں؟سابق صدر نے یہ بھی کہا کہ بات نکلے گی تو دور تک جائے گی، آپ کی قیادت کو کوئی ڈرا سکتا ہے نہ جھکا سکتا ہے۔

کراچی(نیٹ نیوز/ایمرا نیوز) سندھ میں پی ٹی آئی کے رہنماؤں نے وزیر اعلیٰ سندھ مراد علی شاہ سے استعفے کا مطالبہ کر دیا۔پاکستان تحریک انصاف کے رہنما خرم شیر زمان نے میڈیا سے گفتگو میں کہا کہ جے آئی ٹی رپورٹ آنے کے بعد ثابت ہوگیا کہ پیپلز پارٹی صوبے میں بدترین کرپشن کرتی رہی ہے۔سب سے پہلے وزیر اعلیٰ سندھ استعفیٰ پیش کریں ۔انہوں نے مزید کہا کہ وزیراعلیٰ کےاستعفے کامطالبہ صرف ای سی ایل میں نام آنے پرنہیں کیا بلکہ وزیراعلیٰ سندھ بہت سارے معاملے کے پیچھے ہیں، ہر محکمے میں اربوں نہیں کھربوں روپےکی کرپشن ہوئی ہے،ہم 5 سال تک انتظار نہیں کرسکتے، ہرفورم پران کےخلاف آوازاٹھائیں گے۔پی ٹی آئی رہنما رہنما حلیم عادل شیخ کا کہنا ہے پیپلز پارٹی کے خلاف موجود کیسز اور جے آئی ٹی تحریک انصاف نے نہیں بنائی،ادارےاپنے کام میں آزاد ہیں۔

اسلام آباد(نیٹ نیوز/ایمرا نیوز) سپریم کورٹ آف پاکستان نے جعلی بینک اکاؤنٹس کیس سماعت کے لیے مقرر کر لیا۔چیف جسٹس میاں ثاقب نثار کی کی سربراہی میں سپریم کورٹ کا 2 رکنی بینچ پیر 31 دسمبر کو جعلی بینک اکاؤنٹس کیس کی سماعت کرے گا۔جعلی بینک اکاؤنٹس کیس میں سپریم کورٹ نے اٹارنی جنرل اور دیگر فریقین کو نوٹسز جاری کر دیئے۔اس سے قبل سپریم کورٹ آف پاکستان میں میگا منی لانڈرنگ کیس میں جے آئی ٹی کی رپورٹ جمع کرائی گئی جس میں کہا گیا کہ جعلی بینک اکاؤنٹس سے آصف علی زرداری کے ذاتی اخراجات کی ادائیگیاں کی گئیں۔جے آئی ٹی کی رپورٹ میں یہ بھی کہا گیا ہے کہ بلاول ہاؤس کے کتے کے کھانے اور صدقے کے 28بکروں کے اخراجات بھی ان جعلی بینک اکاؤنٹس سے دیے گئے۔ایف آئی اے نے سپریم کورٹ لاہور رجسٹری میں ہونے والی میگا منی لانڈنگ کیس کی سماعت کے دوران اس کیس کے تمام ملزمان کے نام ای سی ایل میں شامل کرنے کی استدعا کی تھی۔