Tag plane

ماسکو: (ایمرا نیوزآن لائن) ماسکو میں کریش لینڈنگ کے دوران روسی مسافر طیارے میں آگ بھڑک اٹھی، حادثے میں 41 افراد ہلاک ہوگئے، مرنے والوں میں دو بچے اور فلائٹ اٹینڈٹ بھی شامل ہیں۔روس کے دارالحکومت ماسکو میں مسافر طیارہ زمین پر اترتے ہی آگ کی لپیٹ میں آگیا۔

حادثے میں دو بچوں اور فلائٹ اٹینڈینٹ سمیت 41 افراد لقمہ اجل بن گئے، طیارے میں 78 افراد سوار تھے جن میں سے 37 کو بچا لیا گیا۔حکام کےمطابق روسی مسافر طیارے کو تکنیکی خرابی کے باعث ماسکو کے شیر میٹیوووا ہوائی اڈے پر ہنگامی لینڈنگ کرنا پڑی، طیارہ پہلی کوشش میں لینڈنگ میں ناکام رہا تھا۔

چین اور انڈونیشیا سمیت کئی ممالک نے 737 میکس کو گراؤنڈ یا اس کے لیے فضائی حدود بند رکھنے کا اعلان کر دیا
عدیسا با با (ایمرا نیوز آن لائن)ایتھوپیا میں طیارہ حادثے کے بعد متحدہ عرب امارات، عمان، چین اور بھارت سمیت کئی ممالک نے بوئنگ 737 میکس طیاروں پر پابندی لگادی۔متحدہ عرب امارات کی ایئر لائنز ایمرٹس اور اتحاد ایئر لائنز بھی بوئنگ 737 میکس طیاروں کا استعمال کر رہی ہیں تاہم ایتھوپیا میں جہاز حادثے کے بعد یو اے ای نے بوئنگ 737 میکس پر پابندی لگادی۔اماراتی حکام کا کہنا ہے کہ حفاظتی اقدامات کے پیش نظر بوئنگ 737 میکس پر پابندی لگائی گئی ہے۔ اسی طرح بھارت نے بھی تمام بوئنگ 737 میکس گراؤنڈ کر دیے جب کہ چین اور انڈونیشیا سمیت کئی ممالک نے 737 میکس کو گراؤنڈ یا اس کے لیے فضائی حدود بند رکھنے کا اعلان کیا ہے۔دوسری جانب امریکا کی فیڈریل ایوی ایشن اتھارٹی ( ایف اے اے) نے ورکرز یونین اور سینیٹرز کی جانب سے بڑھتے دباؤ کے باوجود بوئنگ 737 میکس طیاروں پر پابندی لگانے سے صاف انکار کردیا۔ ایوی ایشن اتھارٹی کا کہنا ہے کہ ہمارے جائزے کے مطابق بوئنگ 737 میکس طیارے کی کارکردگی میں کوئی نقص موجود نہیں اور ایئر کرافٹ کو گراؤنڈ کرنے کی بھی کوئی وجہ نہیں ہے۔ یاد رہے کہ 10 مارچ کو ایتھوپیا میں بوئنگ 737 میکس طیارہ اڑان بھرنے کے 6 منٹ بعد گر کر تباہ ہوگیا تھا جس کے نتیجے میں 149 مسافروں سمیت عملے کے 8 افراد ہلاک ہوگئے تھے.

طیارے ایئر شو کی ریہرسل کے دوران بنگلور کے ہوائی اڈے پر گرکر تباہ ہوئے
ممبئی (ایمرا نیوز آن لائن) بھارتی فضائیہ کے 2 طیارے گر کر تباہ ہو گئے ہیں ۔ تفصیلات کے مطابق بھارتی فضائیہ کے طیارے ائیرشو کی ریہرسل کے دوران پائلٹ کی غفلت کی وجہ سے گر کر تباہ ہوگئے ، طیارے بنگلورو کے ہوائی اڈے پر گر تباہ ہوئے، حادثے کے نتیجے میں تاحال کسی جانی نقصان کی اطلاع موصول نہیں ہوئی۔دوسری جانب بھارتی فضائیہ کے پائلٹ کی غفلت کہ وجہ سے طیارے حادثے کو سوشل میڈیا پر بھر پور مذاق کیساتھ پیش کیا جا رہا ہے ۔ صارفین کا کہنا ہے کہ پاکستان کو جنگ کی دھمکیاں دینے والے بھارت سے اپنے دو طیارے تک سنبھالے نہیں گئے۔

اوہائیو(نیٹ نیوز/ایمرا نیوز) امریکا میں چھوٹا طیارہ ایک مکان کے صحن میں گر کر تباہ ہو گیا جس کے باعث طیارے کے دو پائلٹ ہلاک ہو گئے ۔امریکی حکام کے مطابق حادثہ ریاست اوہائیو کے رہائشی علاقے میں پیش آیا جب نجی ائیر فیلڈ سے اڑنے کے کچھ دیر بعد ہی طیارہ علاقے کے ایک گھر کے یارڈ میں جا گرا۔

ابتدائی رپور ٹس کے مطابق طیارے کے انجن میں خرابی ہوئی اور درخت سے ٹکرانے کے بعد اس کے اگلے حصے کو نقصان پہنچا۔حادثے میں گھرکے لوگ محفوظ رہے جبکہ طیارے کے دونوں پائلٹ ہلاک ہوگئے۔ طیارے میں سوار دیگر افراد سے متعلق کوئی اطلاع نہیں ملی۔

لاہور(نیٹ نیوز/ایمرا نیوز) اطالوی نوجوان نے اپنی محبوبہ کو دوران پرواز درجنوں مسافروں کے سامنے شادی کی پیشکش کرڈالی۔اٹلی سے تعلق رکھنے والے نوجوان نے اپنی محبوبہ کو دوران پرواز درجنوں مسافروں کے سامنے شادی کی پیشکش کرڈالی۔محبوبہ جو کہ ایئرلائن میں اسٹیورڈکے فرائض انجام دے رہی تھی۔نوجوان نے دوران پروازعملے کے ساتھ ملکر سرپرائز دیا جس پر اُسکی محبوبہ حیران رہ گئی اورپھر خوشی و حیرت کے ملے جلے تاثرات کے ساتھ ہاں کردی۔

نیویارک (ایم نائن ٹو) جہاز وں کی اکثر ہی ہنگامی لینڈنگز ہوتی دیکھی گئی ہیں لیکن باتھ روم کی خرابی کے باعث جہاز کی ہنگامی لینڈنگ نے سب کو حیران کر دیا ۔تفصیلات کے مطابق سئٹل جانے والی ایک پرواز میں باتھ رو م خراب ہو گیاجس کے باعث مسافر وں کو شدید مشکلات کا سامنا کرنا پڑااور مسافروں کی مشکل کے پیشنظر پا ٗئلٹ نے جہاز کی ہنگامی لینڈنگ کروائی۔تاکہ مسافروں کا اس مشکل سے نکلا جا سکےاور وہ باتھ روم کا استعما ل کر سکیں۔ایک پہلی پرواز نہیں ہے جس کو باتھ روم کی خرابی کے باعث ہنگامی طور پر لینڈ کرنا پڑا یہ ایک ہی ہفتے میں دوسری پرواز ہے جس کو باتھ روم کی خرابی کے باعث ہنگامی لینڈنگ کرنی پڑی ہے۔

کوئٹہ(ایم نائن ٹو ڈاٹ ٹی وی ) پاکستان اور عوامی جمہوریہ چین دو طرفہ دوستانہ تعلقات کی مزید مضبوطی اور پائیداری کیلئے پاک فضائیہ نے پی اے ایف بیس سمنگلی(کوئٹہ) پر ایک مسحور کن فضائی مظاہرے کے انعقاد کیا۔ جہاں پاکستانی تاریخ میں پہلی مرتبہ پاک فضائیہ کےF-7PG اور پیپلزلبریشن آرمی ائیرفورس کے ہمہ جہت اور کم وزن J-10 طیاروں نے ایک دلچسپ فضائی مظاہرہ پیش کیا۔وزیر اعلیٰ بلوچستان ثناء اللہ زہری اس تقریب کے مہمان خصوصی تھے۔دونوں ممالک کے اعلیٰ سول اور عسکری حکام کے علاوہ شا ئقین کی بہت بڑی تعدادنے یہ شاندار فضائی مظاہرہ دیکھا۔ ائیر وائس مارشل حسیب پراچہ ، ائیر آفیسر کمانڈنگ سدرن ائیر کمانڈ نے ان تمام معزز مہمانوں کا استقبال کیا۔ ونگ کمانڈر ارمغان کی قیادت میں چارکی فارمیشن میں F-7PGطیاروں نے شو کے آغاز میں قابل دید فضائی مظاہرہ پیش کیا۔ F-7PG طیاروں کے منظر سے اوجھل ہوتے ہی آرمی کے ہیلی کاپٹرز نے فلائی پاسٹ پیش کیا۔ ان کے جاتے ہی پاک فضائیہ کا نیا آگسٹاویسٹ لینڈAW-39 افق پر نمودارہوا جس نے فضائی کرتب کا مظاہرہ کیا۔ کرنل کاؤ زن زونگ کی قیادت میں 6ارکان پر مشتمل J-10 ٹیم نے وہاں موجود حاضرین کو اپنے فضائی کرتبوں سے مبہوت کر دیا۔ قبل ازیں J-10 کے پائلٹس نے پاک فضائیہ کے پائلٹس اور سکول اور کالجز کے طلبہ و طالبات سے ملاقات کی۔ چینی دستے کی قیادت میجر جنرل لیو چن کنگ کر رہے تھے۔ پاک فضائیہ اور پیپلزلبریشن آرمی ائیرفورس کے درمیان باہمی دوستانہ تعلقات ہیں اور یہ تقریب ان 68سالہ گہرے تعلقات کا مظہر ہے۔ فضائی افواج کے درمیان تعلقات مزید مضبوط بنانے کیلئے دونوں طرف سے اعلیٰ سطحی وفود اکثر و بیشتر دورے کرتے رہتے ہیں۔