Tag PLRA

ڈائریکٹر جنرل معظم اقبال سپرا کی زیر صدارت پنجاب لینڈ ریکارڈز اتھارٹی افسران کا تعارفی اجلاس

لاہور(میڈیا 92نیوز آن لائن)

ڈائریکٹر جنرل پنجاب لینڈ ریکارڈز اتھارٹی معظم اقبال سپرا کی زیر صدارت پی ایل آر اے افسران کا تعارفی اجلاس منعقد ہوا۔ افسران نے اپنے کام کی نوعیت اور پراگریس کے حوالے سے بریفنگ دی۔

ڈائریکٹر جنرل پی ایل آر اے نے کہا کہ افسران کے درمیان رابطوں کے فقدان کو ختم کر کے دفتری روابط بہتر بنا ئے جائیں اور تمام افسران کے ا دارے کی بہتری کیلئے ایک ٹیم کی صورت میں کام کرنے کی ٖضرورت پر زور دیا۔

معظم اقبال سپرا کا کہنا ہے کہ تمام کاموں کیلئے ایس و پیز بنانے جائیں اور تمام افسران اور سٹاف کے اثاثہ جات ظاہر کرنے کو لازمی قرار دیا گیا۔افسران کو سروس ڈیلیوری بہتر بنانے کیلئے تجاویز دینے اور شکایات کے بروقت و فوری ازالے کیلئے ہدایات جاری کیں۔

ڈی جی پی ایل آراے کا کہنا تھا کہ ان کے آنے کے بعد اراضی ریکارڈ سنٹرز پر خدمات کی فراہمی میں واضح تبدیلی دیکھنے کو ملے گی۔

ڈی جی پی ایل آر اے کا مزید کہنا تھا کہ عوام کی طرف سے خدمات کی فراہمی کو بہتر بنانے کیلئے دی جانے والی قابل عمل تجاویز کا بھی خیر مقدم کیا جائے گا۔

اجلاس میں ایڈیشنل ڈائریکٹر جنرل سجاد احمد، ڈائریکٹر ایچ آر رضوان نذیر، ڈائریکٹر فنانس کامران حفیظ، ڈائریکٹر آئی ٹی اسامہ بن سعید سمیت ایڈیشنل ڈائریکٹرز اور ڈپٹی ڈائریکٹرز شامل تھے۔

لاہور (میڈیا 92 نیوز آن لائن)

چیئرمین پنجاب لینڈ ریکارڈ اتھارٹی کی زیر صدارت پنجاب لینڈ ریکارڈز اتھارٹی بورڈ آف ڈائریکٹرز کا اجلاس منعقد ہوا۔ اجلاس میں ڈی جی پی ایل آر اے۔ ممبر ٹیکسز۔ ڈویژنل کمشنرز۔ سابق کمشنر یسرب ہنجرا۔ ایڈوکیٹ وقار مشتاق طور و دیگر نے شرکت کی۔ ڈائریکٹر جنرل پی ایل آر اے کی جانب سے بورڈ آف ڈائریکٹرز کو بریفنگ دی گئی اور 5 نکاتی ایجنڈہ پیش کیا گیا

بورڈ نے پنجاب لینڈ ریکارڈز اتھارٹی ملازمین کی تنخواہوں میں اضافے کی اصولی منظوری دے دی۔ اجلاس میں پی ایل آر اے سٹاف کے سروس سٹرکچر اور مستقلی کے حوالے سےقوانین اور رولز کی مطابقت مین ایگزیکٹیو کمیٹی کی سفارشات منظور کر لیں گئیں۔ حتمی منظوری کے لیئے کیس حکومت کو بھیجا جائے گا۔

لاہور(رپورٹ:شہباز بٹ) پنجاب لینڈ ریکارڈ اتھارٹی اور میٹروپولٹین کارپوریشن لاہور کے درمیان معاہدہ ہوگیا، جس کے تحت کمپیوٹرائزڈ لینڈ ویری فکیشن آن لائن ہوگئی۔ ڈی جی پنجاب لینڈ ریکارڈ اتھارٹی کے ترجمان کے مطابق کیپٹن ظفر اقبال اور لارڈ میئر کرنل ریٹائرڈ مبشر جاوید نے معاہدے پر دستخط کیے۔ اس معاہدے کے ذریعے تعمیراتی پرمٹ کے حصول کو مزید سہل اور شفاف بنایا جارہاہے۔حکومت پنجاب کی جانب سے تعمیراتی پرمٹ کے اجراء کے سلسلہ میں نئی اصلاحات متعارف کراوی گئی ہیں۔ تعمیراتی پرمٹ کے حصول کے لئے فرد کی تصدیق کی سہولت دستیاب ہوگی۔ انتہائی شفاف اور الیکٹرانک طریقہ کار کی بدولت کمپیوٹرائزڈ لینڈ ریکارڈ اب تصدیق کیلئے24گھنٹے دستیاب ہوگا۔ کرنل (ر) مبشر جاوید نے میڈیا کو بتایا کمپیوٹرائزڈلینڈ ریکارڈ کا نظام نا صرف عوام کی زندگی میں سہولت کا باعث بلکہ اس کے ساتھ مختلف محکموں کیلئے ڈیٹا کی فراہمی بہتر اور شفاف طریقے سے حکومتی اور انتظامی معاملات چلانے میں مددگار ثابت ہوگی۔

لاہور(میڈیا نائن ٹو ڈاٹ ٹی وی)پنجاب لینڈ ریکارڈ اتھارٹی کے شعبہ فنانس نے صوبے بھر کے اراضی ریکارڈ سنٹر میں صفائی کےلئے مختص کیے جانے والے فنڈز ریلیز کرنے سے ہاتھ کھینچ لیا، سروس سنٹر انچارج اور اے ڈی ایل آر ذاتی جیب سے صفائی فنڈز بھرنے لگے ۔ تفصیلات کے مطابق صفائی نصف ایمان ہے کے محاور ے پر عمل کرتے ہوئے پنجاب لینڈ ریکارڈ اتھارٹی نے بھی صوبے بھر میں ہر ماہ کی پہلی تاریخ سے 10دنوں تک کلینک ڈے منانے کی پریکٹس تو شروع کررکھی ہے مگر اراضی ریکارڈ سنٹرز میں صفائی پر خرچ ہونے والے اخراجات دینا بھول چکے ہیں جس کے باعث صوبے بھر ے سروس سنٹرز انچارج اور اے ڈی ایل آر اپنی مدد آپ کے تحت صفائی کے اخراجتا اپنی ذاتی جیب سے بھرنے پرمجبور ہوچکے ہیں نام ظاہر نہ کرنے کی شرائط پر ملازمین نے آگاہی دی ہے کہ جولائی2017ءسے (کلینک ڈے) کی پریکٹس کی آڑ میں تمام تر صفائی کے اخراجات ملازمین کے ذمے پڑچکے ہیں اور پنجاب لینڈ ریکارڈ اتھارٹی کی جانب سے کوئی فنڈ نہیں دیا جارہا ہے ہم کہاںسے سے اتنے اخراجات برداشت کریں ا یک طرف ہم سے ایماندار اور تنخواہ پرکام کرنے کی ذمہ داری بھی ہے اور دوسری طرف اس طرح کے اقدام سے مجبوراً ملازمین کو کرپشن کی طرف دھکیلا جارہا ہے یہاں ڈی جی پی ایل آر کے کیپٹن ظفر اقبال کو فوری نوٹس لینا چاہیے جس طرح وہ صفائی کے انتظامات کے نامکمل ہونے پر لیتے ہیں دوسری طرف پنجاب لینڈ ریکارڈ اتھارٹی کے ترجمان کا کہنا ہے کہ روزنامہ پاکستان کی نشاندہی پر فوری نوٹس لیا جائے گا اور ذمہ داروں کے خلاف قانونی کارروائی عمل میں لائی جائےگی۔

لاہور(میڈیا نائن ٹو ڈاٹ ٹی وی) پنجاب ریونیو اتھارٹی نے گوگل اور فیس بک کو پنجاب سیلزٹیکس سروسز 2012کے تحت پنجاب ریونیو اتھارٹی میں رجسٹرڈکروانے کے لیے نوٹسز جاری کئے ہیں ۔ اگرچہ دونوں کمپنیوں نے یہ درخواست کی ہے کہ وہ اس عمل کے کسی بھی معیار کے تحت اس ایکٹ میں نہیں آتے کیونکہ ان کے یہاں کوئی دفاتر اور ملازمین پاکستان میں موجود نہیں ہیں جبکہ پنجاب ریونیو اتھارٹی ان کو پنجاب میں اپنی تشہیری مہم چلانے پراس ایکٹ کے تحت ٹیکس دینے کا مجاز سمجھتا ہے ۔ کیونکہ وہ پاکستان میں اقتصادی سرگرمیوں کو ویب پورٹل اور ویب سائٹس کے ذریعے استعمال میں لا رہے ہیں ۔

لاہور(میڈیا نائن ٹو ڈاٹ ٹی وی)غیر واضع سروس سٹرکچر اور ٹائم کے بغیر روزانہ 13گھنٹے ڈیوس سروس سنٹر آفیشلز کومستقل کرنے کی بجائے کنٹریکٹ میں توسیع، عدالتی معاملات میں لیگل ایڈوائزکی عدم دستیابی، زیردستی رات 9بجے تک کام کرنے پر مجبور کرنا، سٹاف کی کمی ،سروس سنٹر انچارج اٹک سمیت تمام سٹاف کی اپنے مطالبات کے حق میں ہڑتال، ڈائریکٹر جنرل پنجاب کو تحریری طور پر آگاہ کردیا۔ تفصیلات کے مطابق پنجاب لینڈ ریکارڈ کے قیام کے بعد بھی پنجاب میں قائم کمپیوٹرائزڈ اراضی ریکارڈ سنٹر میں تعینات سٹاف اپنے مطالبات کے حق میں آئے روز ہڑتالوںا ور اعلیٰ افسران کو تحریری درخواستیں دینے میںمصروف نظر آتا ہے لیکن اعلیٰ اتھارٹی کے افسران کے کانوں پر جوں تک نہ رینگتی ہے ا ور صرف طفل تسلیوں سے کام لے کر سب کو خاموش کردیا جاتا ہے گزشتہ روز ضلع اٹک میں قائم کمپیوٹر اراضی ریکارڈ سٹاف نے اپنے مطالبات کے حق میں اراضی ریکارڈ سنٹر سے باہر آکر مظاہرہ کیا جس میں ان کا مطالبہ تھا کہ زیادہ تر سروس سنٹر آفیشل سال2012اور سال2013ءمیں لینڈ ریکارڈ انفارمیشن سسٹم میں بھرتی ہوئے لیکن سالہا سال کام کرنے بہترین کارکردگی دکھانے اور دن رات کا م کرنے کے باوجود ان کو مستقل کرنے کی بجائے ان کے کنٹریکٹ میں توسیع کردی گئی جس سے تمام سروس سنٹر آفیشل میں بددلی پائی جاتی ہے سروس سنٹر آفیشل ادار ے کی ریڑھ کی ہڈی ہیں لیکن سروس سنٹر آفیشل اور دوسرے سٹاف کو اعلیٰ افسران تک رسائی حاصل نہ ہے کہ وہ اپنے مسائل سے اعلیٰ اتھارٹی کو آگاہ کرسکیں۔نئے بھرتی ہونے والے سروس سنٹر آفیشل کی تنخواہ سالہا سال سے کام کرنے والے سروس سنٹر آفیشل نے برابر صرف30ہزار جو کسی طرح بھی مناسب اور انصاف کے تقاضوں کو پورا نہ کرتاہے۔ اس کے علاوہ اراضی ریکارڈ سنٹر میں سپورٹنگ سٹاف کی بھی شدید کمی ہے جس کی وجہ سے کام کابوجھ زیادہ ہونے کے باعث سروس سنٹر آفیشل انہی ڈیوٹی پوری تندہی سے انجام نہ دے سکتے ہیں۔ اس کے لیے آج تک ہمیں عدالتی معاملات میں کوئی ایسا لیگل ایڈوائزر بھی نہ دیا گیا ہے جو عدالتی معاملات اور قانونی پیچیدگیوں میں مدد فراہم کرسکے اس کے علاوہ ہمیں محکمہ میں مستقل کرنے کے بعد اتوار کی چھٹی بھی دی جائے کیونکہ دنیا کے کسی ملک میں بھی کوئی بھی سرکاری اہلکار روزانہ13گھنٹے ڈیوٹی اور ہفتہ میں91گھنٹے کام نہ کرتا ہے۔اس لیے ہماری پنجاب لینڈ ریکارڈ کے ڈائریکٹرجنرل کیپٹن(ر) ظفر اقبال سے اپیل ہے کہ ہمارے ان مطالبات پر غور وفکر فرمائیں تاکہ ہم اپنی ڈیوٹی پوری ایمانداری اورتوجہ سے کریں۔

پنجاب لینڈ ریکارڈ اتھارٹی کے ترجمان نے کہا ہے کہ تمام اراضی ریکارڈ سنٹر میں کام کرنے والے سٹاف اور سروس سنٹر آفیشل کے سروس سٹرکچر پر کام ہورہا ہے ان مطالبات پر غور ہورہاہے لیکن ہڑتالوں اور احتجاج سے سائلین کو خواری ہوتی ہے جوکہ پنجاب لینڈ ریکارڈ اتھارٹی کے لئے اچھا شگون ہے۔ مطالبات وصول ہوچکے ہیں جن پر غور ہورہا ہے تمام سروس سنٹر آفیشل اور سٹاف اپنا کام سائلین کو خواری سے بچانے کےلئے جاری رکھیں۔

لاہور(میڈیا نائن ٹو ڈاٹ ٹی وی)پنجاب لینڈ ریکارڈکی جانب سے 76اراضی ریکارڈ سنٹر ز میں لینڈ ریکارڈ سسٹم کی جگہ اپ گریڈ کیا جانے والا سنٹرلائزڈ لینڈ ریکارڈ سسٹم انٹرنیٹ کی سستی اور درجنوں تکینکی خرابیوںکے باعث پنجاب کی عوام کے لئے ذحمت بن گیا ،گزشتہ روز منڈی بہاﺅالدین اور نارووال میں معطل سروس تاحال بحال نہ ہو سکی،سسٹم انٹرنیشنل کی جانب سے مہیا کیا جانے والا سوفٹ ویئر بھی اغلاط سے بھرپور نکلا ،پنجاب لینڈ ریکارڈ اتھارٹی کے سسٹم انجینئرز نئے سسٹم کو درکار انٹرنیٹ سپیڈ اور صحح اعدادوشمار سے ہی عاری نکلے،سست انٹرنیٹ سپیڈ اور سروس کی بار بار معطلی کے باعث 76اراضی ریکارڈ سنٹرز میں 25ہزار سے زائد انتقالات زیر التوائ،عوام الناس کی جانب سے مسلسل خواری کے باعث پنجاب لینڈ ریکارڈ اتھارٹی پر شدید تنقید،تفصیلات کے مطابق پنجاب لینڈ ریکارڈ اتھارٹی کی جانب سے پنجاب کے 76کمپیوٹرائزڈ اراضی ریکارڈ سنٹر میں متعارف کروایا جانے والا نیا سوفٹ ویئر سسٹم بھی فیل ہو گیا ہے جس میں پنجاب کے 76اضلاع کے اراضی ریکارڈ سنٹرز میں بے شمار غلطیوں کے علاوہ دو اضلاع منڈی بہاﺅالدین اور اور نارووال میں سائلین کو مہیا کی جانے والی سروس تاحال مکمل طور پر معطل ہے سروس معطلی کے باعث نارووال اور منڈی بہاﺅالدین کے لوگوں کو شدید مشکلات کا بھی سامنا کرنا پڑ رہا ہے ،لینڈ ریکارڈ انفارمیشن سسٹم کی جانب سے پنجاب کی 143تحصیلوں میں کام کرنے والا سوفٹ ویئر ویب پر مشتمل نہیں تھا جس کو بعد میں نئی صدی کے تقاضوں کے مطابق 76تحصیلوں میں ویب پر منتقل کرکے اس کو اپ گریڈ کیا گیا ہے،ذرائع کے مطابق اس وقت ان 76کمپیوٹرائزڈ اراضی ریکارڈ سنٹرز میں 25ہزار سے زیادہ انتقالات پینڈنگ ہیں جس کی وجہ یہ ہے کہ سروس سنٹر آفیشل سوفٹ ویئر کی تکنیکی خرابی کی وجہ سے ان کا کمپیوٹر میں اندارج نہ کررہے ہیں ،اس کے علاوہ اس سوفٹ ویئر کے ناقص ہونے کے باعث کمپوٹرائزڈ اراضی ریکارڈ سنٹرز میں قائم بینک کاﺅنٹرز کو واجبات کی وصولی میں متعدد مشکلات کا سامنا ہے،اس سے قبل پنجاب لینڈ ریکارڈ اتھا رٹی پنجاب نے اس سال پنجاب بھر سے ملنے والی شکایات اور لوگوں کی منفی آراءکے باعث لینڈ ریکارڈ سسٹم کو اپ گریڈ کرکے سنٹرلائزڈ لینڈ ریکارڈ سسٹم میں ضم کردیا تھا جس کو اب سنٹرلائزڈ لینڈ ریکارڈ سسٹم کہتے ہیں لیکن پنجاب لینڈ ریکارڈ کے ذمہ داران کی نااہلی اس وقت عیاں ہو جاتی ہے جن کو یہ بالکل پتہ نہ ہے کہ سنٹرلائزڈ لینڈ ریکارڈ سسٹم کو چلانے کے لئے پاکستان میں قائم تمام بینکوں کی طرح 4جی بی سے 6جی بھی انٹرنیٹ سپیڈ درکار ہوتی ہے لیکن 76اضلاع میں مہیا کی گئی سروس میں انٹرنیٹ کی سپیڈ 4جی بی سے بھی کم ہے جس کی وجہ سے آئے دن سروس معطل ہو جاتی ہے یا پھر اس کی تلوار لٹکتی رہتی ہے اس کے علاوہ پنجاب بینک کے جو کاﺅنٹر قائم کئے ہیںتمام اراضی ریکارڈ سنٹرز میں ان کو بھی اپ گریڈ نہ کیا گیا ہے اس کے علاوہ ان اراضی ریکارڈ سنٹرز پنجاب بینک کی جانب سے تعینات عملہ بھی اس سوفٹ ویئر کی تکینکی خامیوںکو سمجھنے سے قاصر ہے ،اس کا نتیجہ یہ ہوتا ہے کہ بینک کا عملہ انتقالات کو فیس وصولی کے بغیر ہی آفیشل کو بھیج دیتا ہے اور آفیشل فیس وصولی کے بغیر موصول ہونے والے انتقال کو پینڈنگ کرتے جارہے ہیںجس کی وجہ سے اس وقت 25ہزار سے زائد انتقالات اس وقت زیر التواءہیں ۔دوسری جانب پنجاب لینڈ ریکارڈ اتھارٹی کے ترجمان نے کہا ہے کہ بدھ یا جمعرات تک اس تکینکی خرابی پر قابو پالیا جائے گا کیونکہ یہ سسٹم 76اراضی ریکارڈ سنٹر ز میں اپ گریڈ کیا گیا ہے اس لئے تھوڑی تکینکی خرابیوںکا بھی سامنا ہے جن پر بہت جلد قابو پا لیا جائے گا ۔

لاہور(میڈیا نائن ٹو ڈاٹ ٹی وی)پنجاب لینڈ ریکارڈ اتھارٹی انتظامیہ صوبے بھر کے اراضی ریکارڈ سنٹرز میں تعینات اسسٹنٹ ڈائریکٹر لینڈ سروس سنٹر انچارج سمیت دیگر سٹاف کے اثاثہ جات کی تفصیلات اکٹھی کرنے میں ناکام ہو گئی،اراضی ریکارڈ سنٹرز میں تعینات سٹاف نے اثاث جات کا ریکارڈ فراہم کرنے سے صاف انکار کر دیا،ہمارا سروس سٹرکچر بناﺅ،پھر ریکارڈ فراہم کریں گے،سٹاف کا انتظامیہ کو دو ٹوک جواب،انتظامیہ کی جانب سے خاموشی اختیار کر لی گئی،روزنامہ پاکستان کو ملنے والی معلومات کے مطابق پنجاب حکومت کی جانب سے صوبے بھر کے صوبائی دفاتر میں ملازمین کے اثاثہ جات کا ریکارڈ مرتب کرنے کی ہدائت کی گئی ہے اور اس حوالے سے چیف سیکریٹری پنجاب کیپٹن (ر)زاہد سعید نے پنجاب لینڈ ریکارڈ اتھارٹی کے ڈی جی کیپٹن (ر)ظفر اقبال کو بھی ہدایات کی تھیں کہ پنجاب لینڈ ریکارڈ اتھارٹی کے اے ڈی ایل آرز ،سروس سنٹرز انچارج اور دیگر سٹاف کے اثاثہ جات کا ریکارڈ مرتب کیا جائے جس پر پنجاب لینڈ ریکارڈ اتھارٹی کے صوبے بھر کے ملازمین کو اثاثہ جات کا ریکارڈ مرتب کیا جائے جس پر پنجاب لینڈ ریکارڈ اتھارٹی کے صوبے بھر کے ملازمین کو اثاثہ جات فارم بھی تقسیم کر دیئے تاہم چار ماہ سے زائد عرصہ گرزجانے کے بعد بھی اراضی ریکارڈ سنٹر میں تعینات سٹاف سے اثاثہ جات کے حوالے سے انتظامیہ معلومات لینے میں ناکام نظر آئی ہے،ذرائع سے معلوم ہوا ہے کہ اے ڈی ایل آرز اور سروس سنٹر انچارج کی کثیر تعداد نے اثاثہ جات کی معلومات مہیا کرنے کے حوالے سے انتظامیہ کے ساتھ ساتھ نئی شرائط رکھ دی،جس میں سر فہرست سروس سٹرکچر واضح کرنے اور مستقبل کرنے کا مطالبہ کرنے کا مطالبہ کیا گیا ہے،اس کے علاوہ سکیورٹی ،اورٹائم ،دیگر الاﺅنسز ز اور سابقہ ادائیگیاں بھی کلیئر کرنے کا مطالبہ کیا ہے اور اس حوالے سے شرائط کی منظوری کے بعد اثاثہ جات کی تفصیلات مہیا کرنے پر رضامندی ظاہر کی ہے جس پر انتظامیہ صوبے بھر کے ملازمین کے یکجا موقف کے سامنے بے بس لاچار نظر آرہی ہے دوسری طرف پنجاب لینڈ ریکارڈ اتھارٹی کے شعبہ ایچ آر کی ڈائریکٹر مس نادیہ چیمہ کا کہنا ہے کہ سٹاف کی کمی کے باعث تاخیر ضرور ہوئی ہے مگر اراضی ریکارڈ سنٹر سٹاف کی جانب سے آنے والی شرائط قابل قبول نہ ہیں اثاثہ جات فارم کی تفصیلات اور ریکارڈ ہر صورت لیں گے،اس حوالے سے آئندہ سخت اقدامات اٹھائیں گے بصورت دیگر ریکارڈ فراہم نہ کرنے والوں کے خلاف کارروائی کاآغاز کر دیا جائے گا۔

لاہور(M92)پنجاب لینڈ ریکارڈ اتھارٹی کے اسسٹنٹ ڈائریکٹر لینڈ ریکارڈ ز نے عدالت عالیہ کی جانب سے اراضی پر جاری حکم امتناعی کی کینسلیشن کے احکامات پر عملد رآمد کی آڑ میں رشوت وصولی اور بدعنوانی کا بازار گرم کر دیا،صوبے بھر میں حکم امتناعی کینسل ہونے کے بعد شہریوں کو تصدیق کے بہانے ایک ایک مہینے خوار کیا جانے لگا،پنجاب لینڈ ریکارڈ اتھارٹی کی جانب سے واضح ایس او پی کاجاری نہ کیا جانا بھی اسسٹنٹ ڈائریکٹر لینڈ ریکارڈ ز کے لئے نعمت ثابت ہوا،منہ مانگے داموں کی وصولی کے بعد سائل کی درخواست پر 24گھنٹے میں عمل درآمد کئے جانے کا بھی انکشاف،پنجاب لینڈ ریکارڈ اتھارٹی انتظامیہ سے نوٹس کا مطالبہ ،تفصیلات کے مطابق پنجاب لینڈ ریکارڈ اتھارٹی انتظامیہ کی جانب سے بنائے گئے قوانین وضوابط ادارے کے آئین اور اہلکاروں کے لئے جاری ایس او پی میں واضح خامیوں کا انکشاف ہوا ہے جس کے تحت صوبے بھر میں پنجاب لینڈ ریکارڈ کے زیر انتظام کام کرنے والے اسسٹنٹ ڈائریکٹر لینڈ ریکارڈ ز نے رشوت وصولی اور بدعنوانی کا بازار گرم کردیا ہے،سائلین کی اراضی پر عدالت عالیہ کی جانب سے لگے ہوئے ہوئے حکم امنتناعی اور پھر دوبارہ عدالت عالیہ کی جانب سے حکم امتناعی کے کینسل کئے جانے کے احکامات پر عمل درآمد کے لئے اسسٹنٹ ڈائریکٹر لینڈ ریکارڈ زنے اپنے مفادات پورے کرنے کے لئے ایک نیا راستہ نکال لیا ہے ،سائل کو یہ کہا جاتا ہے کہ کیونکہ عدالت عالیہ نے اراضی پر حکم امتناعی کینسل کر دیا ہے لیکن اس کو کمپیوٹرائزڈ ریکارڈ میں بعد از تصدیق اندراج کیا جائے گا،تصدیق کے اس مرحلہ میں سائل کو ایک مہینے تک خوار کیا جاتا ہے جس کا صرف مقصد یہ ہوتا ہے کہ سائل خواری سے بچنے کے لئے پیسے دے کر اپنے کام کو مکمل کروالئے ،ذرائع نے مزید انکشاف کیا ہے کہ عدالت عالیہ کی جانب سے کینسل حکم امتناعی کو ریونیو ریکارڈ میں اندراج کے لئے جو سائل منہ ما نگے دام دے دیتا ہے تو 24گھنٹے کے اندر ہی اس کا اندراج کر دیا جاتا ہے بصورت دیگر اس کو حسب صابق خوار کیا جاتا ہے ،پنجاب کے تمام کمپیوٹرائزڈ اراضی ریکارڈ میں دوہرے معیار کو اپنایا گیا ہے جس میں ایک طرف سائل کو ایک مہینے تک خوار کیا جاتا ہے اور دوسری طرف 24گھنٹے میں کام کو مکمل بھی کر لیا جاتا ہے،یہ بھی دیکھنے میں آیا ہے کہ عدالت عالیہ کی جانب سے کینسل کئے جانے والے حکم امتناعی پر عمل درآمد میں تاخیر کے باعث مخالف پارٹی دوبارہ اسی پراپرٹی پر حکم امتناعی لے آتی ہے جس سے لڑائی جھگڑے کا نیا سلسلہ شروع ہو جاتا ہے ،پنجاب لینڈ ریکارڈ کی جانب سے اگر واضح ایس او پی بنائے جاتے تو ایسی پریکٹس معمول نہ بن جاتی، جس سے یہ واضح ہوتا ہے کہ پنجاب لینڈ ریکارڈ کے آئین ،قوانین و ضوابط میں ابھی بھی سقم پایا جاتا ہے جس کا فائدہ پنجاب لینڈ ریکارڈ اتھارٹی کے اسسٹنٹ ڈائریکٹر لینڈ ریکارڈ اٹھار ہے ہیں ۔
اسسٹنٹ ڈائریکٹر لینڈ ریکارڈز نے اپنے موقف میں کہا ہے کہ عدالت عالیہ کی جانب سے حکم امتناعی کو کینسل کرنے کے احکامات پر عمل درآمد کرنے میں ہمیں کوئی قباحت نہ ہے ،تصدیق کے بعد حکم امتناعی کے اندراج کا مقصد صرف اور صرف اپنی سیکیورٹی ہے ،کیونکہ ماضی میں کئی ایسے واقعات رونما ہو چکے ہیں جب اراضی ریکار ڈ پر لگے حکم امتناعی جعلی ثابت ہوئے اس کے ساتھ ساتھ کینسلیشن کے احکامات بھی جعلی نکلے ،پنجاب لینڈ ریکارڈ اتھارٹی کی جانب سے ہماراابھی تک سروس سٹرکچر ہی نہیں بنایا گیا ہے ،جب تک ہمیں ہمارے سروس سٹرکچر کے واضح ایس او پی نہیں دیئے جاتے ہیں اس وقت تک ایسی صورتحال پیش آتی رہے گی ،تصدیق کی آڑ میں رشوت وصولی کے الزامات میں صداقت نہیں ہے۔
پنجاب لینڈ ریکارڈ اتھارٹی کے ترجمان نے کہا ہے کہ عدالت عالیہ کی جانب سے حکم امتناعی کینسل کئے جانے کے احکامات میں اگر جان بوجھ کر کوئی عمل درآمدنہیں کر رہاہے تو اس کے خلاف محکمانہ کارروائی عمل میں لائی جائے گی،وزیر اعلیٰ پنجاب کا یہ پراجیکٹ صاف شفاف ہے جس کو ہر صورت میں کرپشن سے پاک رکھا جائے گا۔