Tag pm

کینیڈا(ایمرا نیوزآن لائن) کینیڈین وزیر اعظم جسٹن ٹروڈو نے حسب معمول ماہ رمضان کی آمد پر مسلمانوں کو مبارکباد پیش کرتے ہوئے اپنی نیک خواہشات کا اظہار کیا۔ایک ویڈیو پیغام میں مکمل اسلامی طریقے سے سلام کرتے ہوئے ٹروڈو نے کہا کہ رمضان کا مہینہ نعمتوں کا شکر ادا کرنایاد کرواتاہے اور ساتھ ہی ساتھ مستحق لوگوں کی مدد کا درس بھی دیتا ہے۔

اپنے پیغام میں ان کا کہنا تھا کہ کینیڈین مسلمان ہر روز ملک کی ترقی میں اپنا کردار ادا کرتے ہیں اس لیے یہ ضروری ہے کہ ان کے اس کام کو سراہا جائے۔پیغام کے اختتام پر اپنی اہلیہ اور فیملی کی جانب سے رمضان کی مباکباد دیتے ہوئے اپنی نیک تمناؤں کا اظہار کیا۔

اجلاس میں آئی پی ایل میچیز دیکھنے پر پابندی ،غربت مٹاؤ پروگرام کیلئے ڈویژن، فاٹا کا ترقیاتی بجٹ صوبائی حکومت کو منتقل کرنے نیپرا کا نیا ٹیرف مقرر کرنے ،نئے پی آئی اے چیف ایکزیکٹو تقرری کی منظوری دی جائےگی
اسلام آباد(ایمرا نیوز آن لائن )وزیر اعظم عمران خان نے وفاقی کابینہ کا اجلاس آج منگل کو طلب کر لیا ہے جس میں 19نکاتی ایجنڈے پر غور کیا جائے گا تفصیلات کے مطابق وزیر اعظم عمران خان نے آج منگل کو دن 11:30 بجے وفاقی کابینہ کا اہم اجلاس وزیر اعظم ہاؤس میں طلب کیا ہے جس میں وفاقی کابینہ پاکستان میں آئی پی ایل میچیز دیکھنے پر پابندی کی منظوری دے گی اور غربت مٹاؤ پروگرام کے تحت کابینہ سے ڈویژن کے قیام کی منظوری بھی دی جائے گی اشیاءضروریہ کی قیمتوں سے متعلق بھی اجلاس میں کابینہ کو بریف کیا جائے گا اس کے علاوہ کابینہ فاٹا کے ترقیاتی بجٹ خیبرپختونخواہ حکومت کو منتقل کرنے کی بھی منظوری دے گی اجلاس نیپرا کی جانب سے ٹیرف مقرر کرنے کے فیصلے اور پی آئی اے کے نئے چیف ایکزیکٹو کی تقرری کی بھی منظوری دی جائے گی جبکہ بورڈ آف انویسمنٹ کے سیکرٹری کی تقرری بھی کابینہ کے ایجنڈے میں شامل ہے (اشفاق خان صدام)

دنیاانتہاپسندی سے متاثرہے لہٰذا اسے مل کرختم کرناہوگا،سانحہ کرائسٹ چرچ نے ہمیں
عاجز بنادیا، جیسنڈا آرڈرن
نیوزی لینڈ(ایمرا نیوز آن لائن) نیوزی لینڈ کی وزیراعظم جیسنڈا آرڈرن نے کہا ہے کہ تشدد، نفرت انگیزی اورنسل پرستی کیلیے نیوزی لینڈ میں کوئی جگہ نہیں۔بین الاقوامی خبررساں ادارے کے مطابق نیوزی لینڈ میں سانحہ کرائسٹ چرچ کے شہدا کی یاد میں تقریب منعقد کی گئی جہاں متاثرین سے اظہاریکجہتی کیلیے شہریوں کی بڑی تعداد نے شرکت کی جب کہ متاثرین سےاظہاریکجہتی کیلیے تقریب میں دیگرمذاہب کےلوگ بھی شریک ہوئے۔ اس موقع پر سانحہ کرائسٹ چرچ میں شہید 50 افراد کو خراج عقیدت پیش کیا گیا۔شہدا کی یاد میں تقریب سے خطاب کرتے ہوئے وزیراعظم نیوزی لینڈ جیسنڈا آرڈرن نے کہا کہ سانحہ کرائسٹ چرچ نے ہمیں عاجز بنادیا اور متحد کردیاہے، 15 مارچ کا واقعہ ہمارے الفاظ، اعمال اور رحمدلی کوطاقت بخشنے کا پیغام ہے۔ انہوں نے کہا کہ ہم اپنے سیاہ ترین وقت کے 14 روزبعد پھر اکٹھے ہوئے ہیں۔وزیراعظم نیوزی لینڈ کا کہنا تھا کہ ان 50 افراد کی موت کا دکھ الفاظ میں بیان نہیں کیاجاسکتا، مسلم کمیونٹی کاغم مٹانےکیلیےالفاظ ہوبھی کیاسکتے ہیں؟ انہوں نے کہا کہ ہم اپنی قوم کے آنسو یاد رکھیں گے۔جیسنڈا آرڈرن نے اپنے خطاب کے دوران کہا کہ دہشتگردی کاجواب ہماری انسانیت میں ہے لہٰذا تشدد اورنفرت کیلیےنیوزی لینڈمیں کوئی جگہ نہیں اور نہ ہی نسل پرستی کیلیے کوئی گنجائش۔ ان کا کہنا تھا کہ ہمیں ملکر تشدد اورنفرت انگیزی کوختم کرنا ہوگا۔وزیراعظم جیسنڈاآرڈرن نے کہا کہ دنیا انتہا پسندی سے متاثر ہے، اسے مل کر ہی ختم کیا جا سکتا ہے جس کیلیے ہمیں دہشتگردی کو شکست دینا پڑے گی۔ وزیراعظم نیوزی لینڈ کو تقریرکا اختتام اسلام وعلیکم کے الفاظ سے کرنے پرتقریب کے شرکا نے کھڑے ہوکرخراج تحسین پیش کیااس سے قبل میئرکرائسٹ چرچ نے کہا کہ مساجد پر حملہ ہمیں تقسیم کرنے کی سازش ہے۔ واضح رہے کہ 15 مارچ کو 2 مساجد پر حملے میں 50 نمازی شہیداور40زخمی ہوئےتھے۔

گوادر(ایمرا نیوزآن لائن رپورٹ اظہر محمود سے) وزیر اعظم پاکستان عمران خان آج بلوچستان کے ایک روزہ دورے پر کوئٹہ اور گوادر جائیں گے جہاں وہ گوادر انٹرنیشنل ائیرپورٹ کا سنگ بنیاد رکھیں گے ۔،،، وزیر اعظم دورہ کوئٹہ میں نیشنل یو نیورسٹی آف سائنس اینڈ ٹیکنالوجی (نسٹ) کوئٹہ کیمپس،، کوئٹہ ژوب شاہراہ اور امراض قلب کے ہسپتال اور گوادر میں گوادر انٹرنیشنل ائیرپورٹ کا سنگ بنیاد رکھیں گے ،،سرکاری ذرائع کے مطابق وزیر اعظم پاکستان عمران خان صبح گیارہ بجے دورہ بلوچستان کے پہلے مرحلے میں کوئٹہ پہنچیں گے، جہاں وہ نیشنل یونیورسٹی آف سائنس اینڈ ٹیکنالوجی کوئٹہ کیمپس کا افتتاح کریں گے۔اس کے علاوہ وزیر اعظم کچھ موڑ پر سی پیک کے تحت تعمیر کی جانے والی کوئٹہ ژوب شاہراہ کا سنگ بیناد بھی رکھیں گے، اس کے ساتھ ہی نواکلی میں وفاقی حکومت کے تعاون سے تعمیر کئے جانے والے امراض قلب کے اسپتال کا بھی سنگ بنیاد رکھیں گے۔کوئٹہ سے وزیر اعظم عمران خان گوادر روانہ ہوں گے جہاں وہ گوادر ائیرپورٹ کی تعمیر کے منصوبے کا سنگ بنیاد رکھیں گے۔واضح رہے کہ گوادر ائیرپورٹ پاکستان کا سب سے بڑا اور جدید ائیر پورٹ ہو گا، جو 4800 ایکڑ کے بڑے رقبے پر بنایا جا رہا ہے، اس منصوبے پر ابتدائی طور پر تقریبا 22 ارب روپے لاگت آئے گی اور یہ 3 سال میں مکمل ہو جائے گا۔وزیر اعظم گوادر میں منعقدہ دوروز ایکسپو 2019 کی اختتامی تقریب میں بھی شرکت کریں گے ۔

سرکاری ادارے حکومت سے اپنی زمینیں چھپا رہے ہیں،اسلام آباد سمیت پورے ملک میں بڑے بڑے قبضہ گروپ ہیں،بدقسمتی سے ملک ایلیٹ کلاس کا بن چکا ہے،ہاؤسنگ اسکیم میں کچی آبادیوں کو ریگولرائز کرنے کے لیے پوری منصوبہ بندی کررہے ہیں، ہم نے کثیرالمنزلہ عمارت بنانی ہیں جبکہ ہاو¿سنگ اسکیم میں نجی سیکٹرز کو کام کرنا چاہیے اور ہم چاہتے ہیں نوجوان آئیں، اپنی کمپنیاں بنائیں اور کام کریں،عمران خان
ورلڈ بینک نے تعاون کی یقین دہانی کرائی ہے، چین اور ملائیشیا کی کمپنیوں نے بھی ہاؤسنگ اسکیم میں کام کرنےکی دلچسپی ظاہر کی ہے، بین الا قوامی ہاﺅسنگ کا نفرنس کی تقریب سے خطاب
اسلام آباد(ایمرا نیوز آن لائن )وزیر اعظم عمران خان نے آئندہ ماہ اپریل میں 50 لاکھ گھروں کی تعمیر شروع کرنے کا اعلان کر دیا ،انہوں نے کہا کہ سرکاری ادارے حکومت سے اپنی زمینیں چھپا رہے ہیں،اسلام آباد سمیت پورے ملک میں بڑے بڑے قبضہ گروپ ہیں،بدقسمتی سے ملک ایلیٹ کلاس کا بن چکا ہے،ہاؤسنگ اسکیم میں کچی آبادیوں کو ریگولرائز کرنے کے لیے پوری منصوبہ بندی کررہے ہیں، ہم نے کثیرالمنزلہ عمارت بنانی ہیں جبکہ ہاؤسنگ اسکیم میں نجی سیکٹرز کو کام کرنا چاہیے اور ہم چاہتے ہیں نوجوان آئیں، اپنی کمپنیاں بنائیں اور کام کریں،عمران خان ورلڈ بینک نے تعاون کی یقین دہانی کرائی ہے، چین اور ملائیشیا کی کمپنیوں نے بھی ہاؤسنگ اسکیم میں کام کرنےکی دلچسپی ظاہر کی ہے۔جمعرات کے روز اسلام آباد میں بین الا قوامی ہاﺅسنگ کا نفرنس کی تقریب سے خطاب کرتے ہوئے وزیراعظم عمران خان نے کہا ہے کہ ہا ﺅسنگ ا سکیم کا افتتا ح اپریل میں کیا جا ئے گا ، ہم چاہتے ہیں نو جو ان آئیںاپنی کمپنیا ں بنا ئیں اورکا م شروع کر یں ، بہت سے سرکاری محکمے حکومت کو اپنی زمین سے متعلق معلومات نہیں دے رہے تھے اور ایسا نظام بن گیا ہے کہ ادارے حکومت سے اپنی زمینیں چھپا رہے ہیںزمین پر قبضہ کر انے والے افسران جیلو ں میں جا ئیں گے ، چین اور ملائیشیا کی کمپنیوں نے بھی ہاؤسنگ اسکیم میں کام کرنےکی دلچسپی ظاہر کی ہے،۔ وزیراعظم عمران خان نے کہا کہ پاکستان میں ایک کروڑ گھروں کی کمی ہے اور 50 لاکھ گھروں کا ہدف انتہائی مشکل چیلنج ہے، ہماری ٹاسک فورس بڑی محنت سے کام کررہی ہیں اور یہ ٹاسک فورس میرے ماتحت ہے، لو گ سمجھتے ہیں 50لاکھ گھروں کی تعمیر ہما را سیا سی نعرہ ہے پہلے پا کستان میں کسی نے 50لاکھ گھر بنانے کا فیصلہ کیا ہے ؟ ہم اسٹیٹ بینک کی مد د سے ہا ﺅسنگ اسکیم کی تیا ری کر رہے ہیں ہم نے خیبرپختونخوا میں درخت لگا نے کا منصوبہ شروع کیا تھا ا س کے انفرااسٹرکچر میں 2سال لگے بعد میں 3سال کی ہما ری رفتار کو وعالمی اداروں نے سراہا اس منصوبے کی افتتاح میں اس وجہ سے تخیر ہو ئی ہے کیو نکہ اس کے نفرااسڑکچر پر کا م کر رہے تھے ۔انہوں نے کہا کہ ہاؤسنگ اسکیموں میں نجی سیکٹر کو کام کرنا چاہیے، جب ہاؤسنگ شروع ہوتی ہے تو اس سے جڑی چالیس انڈسٹریز بھی شروع ہوجاتی ہیں، ہاؤسنگ اسکیم سے چالیس صنعتوں کو فائدہ ہوگا۔وزیراعظم کا کہنا تھا کہ بدقسمتی سے ملک ایلیٹ کلاس کا بن چکا ہے، غریبوں کو اوپر لائے بغیر کوئی بھی معاشرہ ترقی نہیں کرسکتا، اسلام آباد میں غریبوں کے لیے کوئی منصوبہ بندی نہیں کی گئی، ہم ہاؤسنگ اسکیم میں کچے آبادیوں کو ریگولرائز کرنے کے لیے پوری منصوبہ بندی کررہے ہیں، ہم نے کثیرالمنزلہ عمارتیں بنانی ہیں۔وزیر اعظم نے تقریب سے خطاب میں مزید کہا کہ سرکاری محکموں میں بہت زمینیں ہیں، ان زمینوں سے متعلق معلومات لیں، بہت سے سرکاری محکمے حکومت کو اپنی زمین سے متعلق معلومات نہیں دے رہےتھے، ایسا نظام بن گیا ہے کہ ادارے حکومت سے اپنی زمینیں چھپا رہے ہیں، سرکاری زمینیں چرانے والوں کو جیلوں میں ڈالیں گے، اہلکا روں نے سرکا ری زمینیں ذاتی ملکیت سمجھ کر قبضے کر وا رکھے تھے قبضے کو جرم قرار دینے کے لیے قانون سازی کررہے ہیں، اسلام آباد میں ہی 500 ارب روپے کی زمین واگزار کراچکے ہیں، اسلام آباد سمیت پورے ملک میں بڑے بڑے قبضہ گروپ ہیں۔ان کا کہنا تھا کہ ہاؤسنگ اسکیم نچلے طبقے کے لیے ہے، ورلڈ بینک نے ہاؤسنگ پروگرام میں ہمارے ساتھ تعاون سپورٹ کرنے کا کہاہے، چین اور ملائیشیا کی کمپنیوں نے بھی ہاؤسنگ اسکیم میں کام کرنےکی دلچسپی ظاہر کی ہے، حکومت نے گھروں کی تعمیر نہیں کرنی بلکہ نجی سیکٹر کو آسانی فراہم کرنی ہے۔وزیراعظم عمرا ن خان نے کہا کہ ٹیکس ہم نہیں دیتے لیکن خیرات سب سے زیادہ دیتے ہیں، حکومت پر بھروسہ نہیں ہوتا لوگ اس وجہ سے ٹیکس نہیں دیتے جب عوام کو حکومت پر یقین آجاے گا تو عوام ٹیکس بھی دیں گی اور معاشرہ ترقی بھی کر ئے گا ۔( درانی )

لاہور(ایمرا نیوز)

لاہور(ایمرا نیوزآن لائن) وزیر اعظم نے پنجاب حکومت کو گندم خریداری کیلئے موثر اقدامات کرنے کی ہدایات کردی ۔ پنجاب میں گندم کی کٹائی شروع ہونے میں دو ہفتے باقی ہیں جس کیلئے وزیر اعظم نے پنجاب حکومت کو ہدایات جاری کی ہیں کہ گندم کی خریداری کیلئے بہتر اقدامات کیے جائیں گے تاکہ کسان کو کسی قسم کی پریشانی کا سامنا نہ کرنا پڑے ۔وزیر اعظم نے پنجاب میں گندم خریداری کے حوالے سے انتظامات کے حوالے سے بریفنگ لینے کے بعد احکامات جاری کیے کہ تمام سٹیک ہولڈرز کے ساتھ میٹنگ کی جائے جس سے گندم کی خریداری کیلئے موثر اقدامات کیے جائیں اور گندم کی برآمد کیلئے لائحہ عمل تیار کیا جائے تاکہ پنجاب میں اضافی گندم کو بیرون ملک فروخت کیا جا سکے ۔ کسان کو گندم خریداری مراکز پر پہنچانے اور مراکز پر بہتر ماحول فراہم کیا جائے ۔صوبہ میں بڑی فصلوں جن میں گندم،چاول،گنا،مکئی کی پیداوار بڑھانے کیلئے اقدامات کیے جائیں کیونکہ پاکستان ایک زرعی ملک ہے اور زرعی پیداوار میں اضافہ سے ملکی معیشت کی مضبوطی میں مدد ملے گی۔ اس کیلئے پنجاب حکومت کو اقدامات اٹھانے کیلئے احکامات دئیے گئے ہیں تاکہ کم لاگت سے زیادہ پیداوار حاصل کی جا سکے ۔واضح رہے اس وقت صوبہ میں 35لاکھ ٹن سے زائد گندم پڑی ہے اور نئی گندم آنے سے ذخیرہ کرنے کے ساتھ ساتھ دیگر مسائل پیدا ہو جائیں گے ۔ محکمہ خوراک پنجاب کے پاس گندم محفوظ کرنے کیلئے 36اضلاع میں 6442 چھوٹے بڑے گودام موجود ہیں جن میں محض 21لاکھ76ہزار ٹن گندم محفوظ کی جا سکتی ہے ۔گزشتہ مالی سال میں پنجاب حکومت نے 36لاکھ23ہزار میٹرک ٹن گندم خریدی کی جبکہ رواں مالی سال 38لاکھ ٹن گندم خریداری کاہدف زیر غور ہے ۔گزشتہ سال خریداری کے بعد پنجاب میں 72لاکھ ٹن گندم ذخیرہ کر لی گئی تھی ۔

کرائسٹ چرچ(ایمرا نیوزآن لائن) کرائسٹ چرچ کی مساجد میں دہشت گرد حملوں کے بعد نیوزی لینڈ میں پہلا نماز جمعہ ادا کیا گیا، وزیر اعظم جسینڈا آرڈرن خطبہ جمعہ کے دوران اشکبار ہوگئیں۔نیوزی لینڈ میں نماز جمعہ دہشت گردی کا نشانہ بننے والی مسجد النور کے سامنے ہیگلے پارک میں ادا کی گئی جس میں ہزاروں افراد نے شرکت کی۔جمعے کی اذان کے بعد شہدا کی یاد میں 2 منٹ کی خاموشی اختیار کی گئی، اس موقع پر دیگر مذاہب سے تعلق رکھنے والے افراد نے بھی بڑی تعداد میں شرکت کی اور مسلمانوں سے عقیدت اور محبت کا اظہار کیا۔نماز سے قبل خطبہ جمعہ میں خطیب نے کہا کہ دہشت گرد نے ہمیں تقسیم کرنے کی کوشش کی لیکن ہم شکستہ دل ہونے کے باوجود ٹوٹے نہیں بلکہ متحد ہیں، پرعزم ہیں اور کسی کو اجازت نہیں دیں گے کہ وہ ہمیں تقسیم کرے۔انہوں نے کہا کہ جو لوگ جان سے گئے وہ عام نہیں، ان کی شہادت نیوزی لینڈ کے لیے نئی زندگی ہے، ہماری یکجہتی کی علامت ہے، انہوں نےنیوزی لینڈ کے لوگوں اور خاص طور پر وزیراعظم نیوزی لینڈ جسینڈا آرڈرن کی محبتوں کا شکریہ ادا کیا۔خطیب مسجد کا کہنا تھا کہ دہشت گردی کی کوئی نسل، رنگ یا مذہب نہیں ہوتا، دہشت گردی عالمی خطرہ ہے اور اس سے نمٹنا ہوگا، آخر میں انہوں نے عالم اسلام کے مسلمانوں، نیوزی لینڈ اور دنیا بھر میں امن و سلامتی کی دعا مانگی۔نماز جمعہ کے بعد نیوزی لینڈ کی وزیراعظم جسینڈا آرڈرن نے بھی خطاب کیا، انہوں نے حدیث نبوی بیان کی اور کہا کہ ہم ایک ہیں، مسلمانوں کے غم میں برابر کے شریک ہیں، سارا نیوزی لینڈ غمزدہ ہے۔ا س سے قبل جمعے کی اذان براہ راست سرکاری ٹی وی پر نشر ہوئی، نیوزی لینڈ کی وزیراعظم جسینڈا آرڈرن بھی اظہاریکجہتی کے لیے نماز جمعہ کے اجتماع میں موجود رہیں، انہوں نے اسکارف پہنا ہوا تھا۔واضح رہے کہ نیوزی لینڈ کی تاریخ میں یہ پہلی بار ہے کہ اذان جمعہ اور نماز جمعہ و خطبہ سرکاری ٹی وی پر براہ راست نشر کیا گیا۔

اسلام آباد(ایمرا نیوزآن لائن رپورٹ ظہیر الحق چیمہ) ملائیشیا کے وزیر اعظم مہاتیر محمد کے اعزاز میں وزیر اعظم ہاوس میں استقبالیہ تقریب کا انعقاد کیا گیا۔وزیر اعظم ہائوس میں ملائیشیا کے وزیر اعظم مہاتیر محمد کے اعزاز میں استقبالیہ تقریب کا انعقاد کیا گیا جہاں وزیر اعظم عمران خان نے ملائیشین وزیر اعظم کا بھرپور استقبال کیا اور مسلح افراد کے چاق و چوبند دستے نے معزز مہمان کو سلامی پیش کی۔ وزیر اعظم ہائوس میں دونوں ممالک کے قومی ترانوں کی دھنیں بجائی گئیں۔وزیر اعظم عمران خان نے وفاقی وزراء اور سرکاری حکام سے معزز مہمانِ کرام کا تعارف کروایا۔ دوسری جانب وزیر اعظم عمران خان کا بھی ملائیشیا کے وفد سے تعارف کرایا گیا۔ملائیشیا کے وزیر اعظم مہاتیر محمد نے وزیر اعظم ہاوس میں پودا بھی لگایا۔ واضح رہےکہ ملائیشیا کے وزیراعظم کی گذشتہ رات پاکستان آمد ہوئی تھی۔

اچھا نیک انسان اپنے پیاروں کی جان لینے والوں کیلئے بھی رحمدلانہ سوچ رکھتا ہے ،کرائسٹ چرچ حملے میں شہید ہونے والے نعیم راشد کی اہلیہ کے انٹرویو پر ردعمل
اسلام آباد(ایمرا نیوز آن لائن) وزیراعظم پاکستان عمران خان نے کرائسٹ چرچ حملے میں شہید ہونے والے نعیم راشد کی اہلیہ کے انٹرویو پر اپنے ردعمل میں کہا ہے کہ اللہ اور رسول پر ایمان انسانی کے دل کو اتنا رحم دل بنا دیتا ہے، ایک اچھا اور نیک انسان اپنے پیاروں کی جان لینے والے کیلئے بھی رحمدلانہ سوچ رکھتا ہے۔وزیراعظم نے سماجی رابطے کی ویب سائیٹ پر ٹویٹ کیا کہ نعیم راشد کی اہلیہ کے الفاظ مسلم دنیا کے اندر اور باہر سب کو سمجھنے چاہئیں کہ اللہ اور رسول صلی اللہ علیہ وسلم پر ایمان کتنی بڑی طاقت ہے۔کرائسٹ چرچ حملے میں پاکستانی شہری نعیم راشد دوسردے نمازیوں کی جان بچاتے ہوئے شہید ہوگئے تھے۔ وزیراعظم نے ان کیلئے قومی اعزاز کا بھی اعلان کیا تھا۔وزیراعظم نے کہا تھا کہ پاکستان کو نعیم راشد پر فخر ہے جو متعصب سفید فام دہشت گرد کو روکنے کی کوشش میں شہید ہوئے۔نعیم راشد کی قربانی کو عالمی میڈیا میں بھی سراہا گیا ہے اوربہادری کا اعتراف کرتے ہوئےاسے ہیروقرار دے دیا گیا۔ نیوزی لینڈ کی مساجد پر حملے کے دوران دہشت گرد کو روکنے کی کوشش کرنے والے قابل فخر پاکستانی سپوت نعیم راشد نے اپنے بیٹے طلحہ نعیم کے ہمراہ جام شہادت نوش کیا۔