Tag price

اسلام آباد: (ایمرا نیوزآن لائن) پاکستان آئی ایم ایف کے درمیان قرضے پروگرام کا مسودہ آخری مراحل میں داخل ہو گیا۔ ذرائع کا کہنا ہے یکم جولائی سے بجلی مرحلہ وار مہنگی جبکہ 700 ارب روپے کے ٹیکس لگیں گے۔ذرائع کے مطابق آئی ایم ایف سے قرض کے حوالے سے مسودہ آخری مرحلہ میں داخل ہو گیا ہے، پاکستان آئی ایم ایف سے 7 سے 8 ارب ڈالر سے زائد قرض حاصل کرے گا۔ 3 سالہ پروگرام پر معاہدہ آج طے پا جائے گا جس کے تحت یکم جولائی سے بجلی مہنگی ہوگی، بجلی کی قیمتوں میں اضافہ 2 مراحل میں ہوگا۔

یکم جولائی سے 700 ارب سے زائد کے ٹیکس لگیں گے۔ گیس کی قیمتیں دوسرے مر حلے میں بڑھائی جائیں گی۔ذرائع کے مطابق ترقیاتی بجٹ گزشتہ سال کی سطح پر منجمد کیا جائے گا، خسارے میں چلنے والے اداروں کی نجکاری کی جائے گی، ایکسچینج ریٹ طے کرنے میں اسٹیٹ بینک خود مختار ہوگا، بجٹ خسارہ کم کر کے 3 سال میں 6.8 فیصد سے 4 فی صد تک لایا جائے گا، مالی نظم و ضبط پر عمل اور غیر ترقیاتی اخراجات محدود رکھے جائیں گے۔

کراچی:(ایمرا نیوزآن لائن) ہرسال کی طرح امسال بھی رمضان کے آغاز پرروزے داروں کو گراں فروشی کے طوفان کا سامنا ہے۔حسب روایت شہری انتظامیہ اورسندھ حکومت کی جانب سے مہنگائی کی روک تھام کیلیے بیانات توبہت دیے تاہم اس سلسلے میں کوئی عملی اقدامات نہیں کیے گئے ہیں جس کاخمیازہ عوام کومہنگائی کے صورت میں بھگتنا پڑرہا ہے، ناجائز منافع خوروں نے یکم رمضان سے ہی پھلوں کی قیمتوں میں ہوشربا اضافہ کردیا۔

شہری سندھ حکومت کے اعلان کردہ سستے پھلوں کے اسٹال ڈھونڈتے رہے جو سرے سے لگائے ہی نہیں گئے، شہری انتظامیہ عام بازاروں میں تو درکنار سبزی منڈی کی سطح پر بھی سرکاری قیمت کا اطلاق نہ کرسکی،پھلوں کے سرکاری نرخ نامے غیرموثرہوگئے،پھل فروش من مانی قیمتوں پر پھل فروخت کررہے ہیں۔

کراچی میں گزشتہ ماہ 50 روپے کلو فروخت ہونے والے خربوزے کی قیمت 120 روپے کلو تک پہنچ گئی، گرما بھی150روپے کلو فروخت کیا گیا،کیلوں نے بھی سینچری عبورکرلی،درجہ اول کیلا 150 روپے درجن جبکہ درجہ دوم 120 روپے درجن فروخت کیا گیا، آڑو کی شروعات ہی 200 روپے کلو سے کی گئی درجہ اول آڑو 250 روپے کلو فروخت کیا گیا درجہ اول چیکو 150 روپے درجہ دوم 120 روپے کلو فروخت ہوا ،فالسہ 80 روپے پاؤ فروخت کیا گیا، 150 سے 200روپے کلو فروخت کیا گیا، درآمدی سیب 250 سے 300 روپے کلو جبکہ مقامی سیب 150 سے 200 روپے کلو فروخت کیاگیا ،پپیتہ کی بھی قسمت جاگ اٹھی 60 سے70روپے کلو بکنے والا پپیتا اب 100سے کم دستیاب نہیں،500 گرام ایرانی کھجور کا پیکٹ جو 120 سے 150روپے میں فروخت ہورہا تھا پہلے روزے پر200 روپے تک فروخت کیا گیا ،کھلی ہوئی پاکستانی کھجور 200 سے 250 روپے کلو جبکہ ایرانی کھجور 300 سے350 روپے کلو تک فروخت ہوئی، کراچی سبزی اینڈ فروٹ منڈی میں بھی پھلوں کی قیمت آسمان سے باتیں کرنے لگی ہیں۔سبزی منڈی کے وائس چیئرمین آصف احمد کے مطابق رمضان میں پھلوں کی طلب 10 گنا بڑھ جاتی ہے اس لیے طلب و رسد کے مطابق قیمت کا تعین پھلوں کی نیلامی کے ذریعے کیا جارہا ہے جس کی نگرانی کمشنر کراچی،حکومت کا محکمہ بیورو آفس سپلائی اینڈ پرائسز اور مارکیٹ کمیٹی کرتی ہے،منڈی میں یکم رمضان کو کیلا درجہ اول 120 روپے درجن،فالسہ 300 روپے کلو،خربوزہ درجہ اول 120 روپے کلو مقامی کلو سیب 150 روپے کلو، ایرانی گولڈن سیب 250 روپے کلو،تربوز 50،چیکو 120 روپے پپیتہ 90 اور اڑو 200 روپے کلو قیمت پر فروخت کیے گئے۔

کمشنر کراچی کی جاری کردہ پرائس لسٹ میں کیلے درجہ اول کی قیمت 85 درجہ دوم کی قینت 67 روپے درجن مقرر کی گئی، درجہ اول پپیتہ 75 اور درجہ دوم کی قیمت 63 روپے مقرر کی گئی،سرکاری نرخ نامہ کے مطابق سیب درجہ اول 137 جبکہ درجہ دوم کی قیمت 105 روپے مقرر ہے۔سرکاری لسٹ کے مطابق خربوزہ درجہ اول 70 روپے فی کلع سے زائد قیمت پر فروخت نہیں کیے جاسکتے درجہ دوم خربوزہ کی قیمت 58 روپے مقرر ہے،درجہ اول چیکو 105 درجہ دوم 85روپے مقرر ہے، اڑو 166اور درجہ دوم 117 روپے مقرر ہے تربوز کی خوردہ سرکاری قیمت 42 روپے کلو مقرر کی گئی سرکاری لسٹ کے مطابق گرما 58 روپے کلو سے زاید قیمت پر فروخت نہیں کیا جاسکتا۔

لاہور(ایمرا نیوزآن لائن) ملک بھر میں سونے کی فی تولہ قیمت میں 300 روپے کا اضافہ کردیا گیا ہے۔سندھ صرافہ بازار جیولرز ایسوسی ایشن کےمطابق 300 روپے اضافےکے بعد ملک میں ایک تولہ سونے کی قدر 68 ہزار 900 روپے ہوگئی ہے۔دس گرام سونےکی قدر 258 روپے اضافے سے 59 ہزار 71 روپےہوگئی ہے، جبکہ عالمی عالمی مارکیٹ میں سونےکی قیمت 4 ڈالر اضافے سے 1277ڈالر فی اونس ہوگئی ہے۔

لاہور(ایمرا نیوزآن لائن) وزیر اعلیٰ پنجاب سردار عثمان بزدار نے کہا ہے کہ چینی کی قیمت میں بلاجواز اضافہ کسی صورت برداشت نہیں کیا جائے گا، پنجاب حکومت چینی کی قیمت میں استحکام کے لیے ہر ممکن اقدام کرے گی ۔لاہور سے جاری کیے گئے ایک بیان میں وزیر اعلیٰ پنجاب عثمان بزدار نے مزید کہا ہے عوام کو زیادہ سے زیادہ ریلیف فراہم کرنا ہماری حکومت کا ایجنڈا ہے۔

انہوں نے کہا کہ مجھے صوبے کے عوام کا مفاد بے حد عزیز ہے، کسی کو اس سلسلے میں من مانی نہیں کرنے دیں گے۔پنجاب کے وزیر اعلیٰ کا کہنا ہے کہ چینی کی قیمت میں بلاجواز اضافہ روکنے کے لیے ہر آپشن استعمال کیا جائے، متعلقہ محکمے چینی کے نرخوں میں استحکام کے لیے اقدامات اٹھائیں۔سردار عثمان بزدار نے یہ بھی کہا کہ اس سلسلے میں کسی کی پرواہ نہیں، صوبے کے عوام کو ریلیف دینے کے لیے ہر اقدام کیا جائے گا۔

لاہور(ایمرا نیوزآن لائن) ملک میں سونے کی فی تولہ قیمت میں 200 روپے کی کمی ہوئی ہے۔سندھ صرافہ بازار جیولرز ایسوسی ایشن کے مطابق 200 روپے کمی کے بعد ملک میں سونےکی فی تولہ قیمت 68 ہزار 600 روپے ہوگئی ہے۔دس گرام سونے کی قیمت 172 روپے کمی کے بعد 58 ہزار 813 روپے کا ہوگئی، جبکہ عالمی صرافہ بازار میں سونے کی قدر ایک ڈالر اضافے سے 1273 ڈالر فی اونس ہوگئی ہے۔

کراچی: (ایمرا نیوزآن لائن) انٹر بینک اور اوپن مارکیٹ میں آج ڈالر کے ریٹ میں استحکام دیکھنے میں آیا، انٹر بینک میں ڈالر کی 141 روپے 40 پیسے، اوپن مارکیٹ میں 142 روپے 20 پیسے پر ٹریڈنگ ہوئی۔مارکیٹ میں آج کاروبار کے آغاز پر انٹر بینک اور اوپن مارکیٹ میں ڈالر مستحکم رہا، انٹر بینک میں ڈالر 141 روپے 40 پیسے پر ٹریڈ ہوا جبکہ اوپن مارکیٹ میں ڈالرکا 142 روپے 20 پیسے میں لین دین ہوا۔

تجزیہ کاروں کے مطابق آئی ایم ایف سے 8 ارب ڈالر تک معاہدہ طے پانے کے حکومتی اعلان کے بعد مارکیٹ میں اعتماد کی فضا قائم ہو گی اور سرمایہ کاروں میں انویسٹ کرنے سے متعلق ہچکچاہٹ کی بجائے مثبت رجحان فروغ پائے گا۔

کراچی (ایمرا نیوز آن لائن) ڈالر کی آہستہ آہستہ پرواز گزشتہ چھ دنوں سے جاری ہے اور بدھ کے روز بھی ڈالرکی قدر میں 30 پیسے اضافہ ہو ااور مجموعی طور پر 6دنوں کے اندر ڈالر کی قیمت میں ایک روپیہ 16 پیسے اضافہ ہواہے۔ذرائع کے مطابق انٹر بینک میں ڈالر کی قیمت میں 30پیسے اضافہ ہو گیا ہے ،جس کے بعد ڈالر کی قیمت 141 روپے 40 پیسے پر پہنچ گئی ہے اور ہر طرف مہنگائی کا طوفان ڈیرے جمائے بیٹھا ہے۔

بلڈ پریشر کی دوا ایوسار پلس کی قیمت 180 سے بڑہ کر 480 ہو، ناروسک، ٹرائفوج، ایڈینال میں بھی 20 سے 30 فیصد کا اضافہ کردیا گیا
اسلام آباد(ایمرا نیوز آن لائن) ادویات کی قیمتوں میں ایک بار پھر اضافہ کردیا گیا ہے۔ذرائع کے مطابق بلڈ پریشر کی دوا ایوسار پلس کی قیمت 180 تھی اب بڑہ کر 480 ہوگئی جبکہ ناروسک، ٹرائفوج، ایڈینال میں بھی 20 سے 30 فیصد کا اضافہ کردیا گیا۔ذرائع نے بتایا کہ اسی طرح کچھ ادویات کی قیمتوں میں سو فیصد سے بھی زیادہ اضافہ ہوا ہے۔ادویات کی مہنگے داموں فروخت نے شہریوں کو پریشان کردیا ہے۔ 40 فیصد تک اضافے نے شہریوں کو خالی ہاتھ لوٹنے پر مجبور کردیا ہے۔ شہریوں نے حکمران وقت سے ریلیف کی اپیل کی ہے۔دوسری جانب بیماریوں سے لڑتے مریضوں کو ادویات کی قیمتوں میں اضافے نے دہرے کرب میں مبتلا کردیا ہے۔ بلڈ پریشر کی دوا کی نئی قیمت سن کر فشار خون کا نارمل رہنا ممکن نہیں رہا۔ جو کراچی میں ایک سواسی روپے سے بڑھا کر چارسواسی روپے کردی گئی ہے۔ایک بیماری، دوسرا آسمان کو چھوتی ادویات کی قیمتیں۔ حکومت نے دوائیں مہنگی کرکے مریضوں کے سر پر ایک اور پہاڑ توڑ دیا۔ ادویات کی قیمتوں میں ڈیڑھ سو فیصد سے زیادہ اضافہ کیا گیا ہے۔ادویات کی قیمتوں میں گزشتہ چند ماہ سے لگاتار اضافہ کیا جارہا ہے۔ جس کے باعث غریب شہری دوا کی قیمت سن کر میڈیکل اسٹور سے واپس لوٹ جاتے ہیں۔شعبہ طب سے تعلق رکھنےافراد کا کہنا ہے کہ ادویات کی قیمتوں میں حالیہ اضافے کی وجہ سے ایسے افراد سب سے زیادہ متاثر ہوں گے جو غربت کی لکیر سے نیچے زندگی بسر کرنے پرمجبور ہیں۔حکومت کی طرف سے ادویات کی قیمتوں میں اضافے کے بعد عوام نے سوشل میڈیا پر سخت ردعمل دیا ہے۔ لوگ ادویات کی نئی پرانی قیمتیں نیا اور پرانا پاکستان لکھ کر شیئر کررہے ہیں۔

نئی قیمت 140روپے 90پیسے ہو گئی
کراچی (ایمرا نیوز آن لائن)ملک بھر میں پیٹرولیم مصنوعات کی قیمتوںمیں اضافے کے بعد ڈالر کی قیمت میں بھی معمولی اضافہ ہو گیا ہے ۔سوموار کے روز انٹر بینک مارکیٹ میں ڈالر کی قیمت میں 11 پیسے اضافہ ہوا،جس کے بعد ڈالر 140 روپے 90 پیسے پر ٹریڈ کرتارہا ۔

(نیٹ نیوز/ایمرا نیوز)
انٹربینک میں ڈالر آٹھ روپے مہنگا ہو کر تاریخ کی بلند ترین سطح پر پہنچ گیا، انٹر بینک میں ڈالر 142 روپے کا ہو گیا۔کرنٹ اکاؤنٹ خسارے کے باعث روپے کی قدر میں مسلسل اضافہ ہو رہا ہے اور ڈالر تاریخ میں پہلی مرتبہ 142 روپے کی سطح پر پہنچ گیا۔معاشی تجزیہ کار محمد سہیل کا کہنا ہے کہ آئی ایم ایف نے ڈالر اور روپے کی قدر میں توازن لانے پر زور دیا تھا اور بظاہر لگ رہا ہے کہ حکومت کی جانب سے ڈالر میں اضافے کو مینج کیا جارہا ہے اور ہم آئی ایم ایف پروگرام کی طرف جارہے ہیں۔