Tag pti

کراچی(نیٹ نیوز/ایمرا نیوز) سندھ میں پی ٹی آئی کے رہنماؤں نے وزیر اعلیٰ سندھ مراد علی شاہ سے استعفے کا مطالبہ کر دیا۔پاکستان تحریک انصاف کے رہنما خرم شیر زمان نے میڈیا سے گفتگو میں کہا کہ جے آئی ٹی رپورٹ آنے کے بعد ثابت ہوگیا کہ پیپلز پارٹی صوبے میں بدترین کرپشن کرتی رہی ہے۔سب سے پہلے وزیر اعلیٰ سندھ استعفیٰ پیش کریں ۔انہوں نے مزید کہا کہ وزیراعلیٰ کےاستعفے کامطالبہ صرف ای سی ایل میں نام آنے پرنہیں کیا بلکہ وزیراعلیٰ سندھ بہت سارے معاملے کے پیچھے ہیں، ہر محکمے میں اربوں نہیں کھربوں روپےکی کرپشن ہوئی ہے،ہم 5 سال تک انتظار نہیں کرسکتے، ہرفورم پران کےخلاف آوازاٹھائیں گے۔پی ٹی آئی رہنما رہنما حلیم عادل شیخ کا کہنا ہے پیپلز پارٹی کے خلاف موجود کیسز اور جے آئی ٹی تحریک انصاف نے نہیں بنائی،ادارےاپنے کام میں آزاد ہیں۔

اسلام آباد:(سپورٹس ڈیسک/ایمرا نیوز) تحریک انصاف کے رہنما جہانگیر ترین کے صاحبزادے علی ترین نے پاکستان سپر لیگ کی چھٹی ٹیم خریدنے میں دلچسپی ظاہر کی ہے۔ علی ترین نے تصدیق کی ہے کہ وہ پی ایس ایل کے چوتھے ایڈیشن کے لیے فرنچائز خریدنا چاہتے ہیں اور اس سلسلے میں انہوں نے پی سی بی ہیڈکوارٹر لاہور میں آفیشلز سے دو سے تین ملاقاتیں بھی کی ہیں۔علی ترین نے کہا کہ وہ پی ایس ایل فور کے ٹینڈر کے لئے باقاعدہ درخواست دینے کے لئے ابتدائی کام مکمل کر چکے ہیں۔

دوسری جانب پی ایس ایل میں کھلاڑیوں کے منیجر کی حیثیت سے کام کرنے والے عمران احمد خان نے جیو نیوز سے دبئی میں بات کرتے ہوئے بتایا کہ علی ترین نے پی سی بی سے چھٹی ٹیم کے حوالے سے ضرور بات کی ہے، البتہ چھٹی ٹیم کے مالک کا فیصلہ ٹینڈر کے ذریعے ہوگا جو دسمبر کے پہلے ہفتے میں جاری کر دیا جائے گا۔عمران احمد نے کہا کہ ہماری کوشش ہے کہ آئندہ ماہ پی ایس ایل کی چھٹی ٹیم کے مالکانہ حقوق فروخت کردیے جائیں۔یاد رہے کہ پاکستان سپر لیگ کے تیسرے ایڈیشن میں شامل ہونے والی ‘ملتان سلطان’ 52 کروڑ میں فروخت ہوئی تھی، اس سال ڈرافٹ سے قبل پی سی بی کو بینک گارنٹی اور فرنچائز فیس نہ دینے کے باعث مالکانہ حقوق سے دست بردار ہو چکی ہے۔جہانگیر ترین کے فرزند علی ترین اس عزم کا اظہار کرچکے ہیں کہ اگر انہیں پی ایس ایل میں چھٹی ٹیم لینے کا موقع ملا تو وہ جنوبی پنجاب میں کرکٹ کے حوالے سے اب بھی کام کر رہے ہیں اور اس اقدام کے بعد مزید بہتر انداز میں ڈومیسٹک سطح پر کھیل کے فروغ کے لیے بہت کچھ کرنے کا ارادہ رکھتے ہیں۔

لاہور:(نیٹ نیوز/ایمرا نیوز) ہائیکورٹ نے مسلم لیگ (ن) کے رہنما خواجہ سعد رفیق اور ان کے بھائی سلمان رفیق کی پیراگون ہاؤسنگ اسکینڈل کیس میں درخواست ضمانت میں 5 دسمبر تک توسیع کرتے ہوئے چیئرمین نیب کو ہدایت کہ ہے کہ وہ تبدیلی تفتیش کی درخواست پر جلد از جلد قانون کے مطابق فیصلہ کریں۔لاہور ہائیکورٹ کے جسٹس طارق عباسی کی سربراہی میں 2 رکنی بنچ نے خواجہ برادران کی پیراگون ہاؤسنگ اسکینڈل میں ضمانت قبل از گرفتاری کی درخواست پر سماعت کی۔ درخواست گزاروں نے مؤقف اختیار کیا کہ کسی قسم کی کرپشن نہیں کی، نیب کی تفتیش میں مکمل تعاون کیا، درخواست ضمانت قبل از گرفتاری منظور کی جائے۔عدالت نے نیب کے وکیل سے استفسار کیا ‘کیا گرفتاری سے متعلق دستاویزات خواجہ برادران کو دے دی ہیں جس پر وکیل نے جواب دیا جب گرفتار کیا جائے گا، تب دستاویزات دی جائیں گی۔عدالت نے اظہار برہمی کرتے ہوئے کہا کیا وہ دستاویزات عدالت کو بھی نہیں دکھائی جا سکتیں جس پر وکیل کا کہنا تھا کہ گرفتاری کے جواز سے متعلق دستاویزات نیب آفس میں ہیں۔عدالت نے سوال پوچھا کہ کیا خواجہ سعد رفیق اور سلمان رفیق عدالت میں موجود ہیں جس پر عدالت کو بتایا گیا کہ وہ موجود ہیں، درخواست گزاروں نے کہا کہ خدشہ ہےکہ نیب کی جانب سےگرفتار کر لیا جائے گا۔عدالت نے فریقین وکلا کے دلائل سننے کے بعد خواجہ برادران کی درخواست ضمانت میں 5 دسمبر تک توسیع کردی جب کہ عدالت نے چیئرمین نیب کو بھی ہدایت کی کہ خواجہ برادران کی تبدیلی تفتیش کی درخواست پر جلد از جلد قانون کے مطابق فیصلہ کریں۔نیب پراسیکیوٹر کا مؤقف ہے کہ خواجہ سعد رفیق کے خلاف تین انکوائریز زیر التوا ہیں جن میں پیرا گون، آشیانہ اقبال اور پاکستان ریلوے میں کرپشن سے متعلق انکوائریز شامل ہیں۔ نیب کی جانب سے خواجہ سعد رفیق کے وارنٹ گرفتاری جاری کیے جا چکے ہیں اور اس حوالے سے نیب پراسیکیوٹر نے عدالت کو بھی آگاہ کر رکھا ہے۔

لاہور(ایم نائن ٹو)ایڈیشنل سیشن جج ریاض افضل چھینہ نے عمران خان کے خلاف بیان بازی کرنے پر عائشہ گلالئی کے وکیل کو17جنوری کو بحث کے لئے طلب کر لیاہے۔پاکستان تحریک انصاف کے رہنما جاوید بدر احسن جاوید نے وکیل کی وساطت سے عائشہ گلالئی کے خلاف دعوی دائر کر رکھا ہے، جس میں انہوں نے موقف اختیار کیا گیاہے کہ عائشہ گلالئی کی رکنیت پارٹی کے خلاف بیان بازی کرنے پر منسوخ کی گئی،عائشہ کوعمران خان نے ٹکٹ نہیں دیا اس وجہ سے وہ عمران خان اور پارٹی کے خلاف بیان بازی کررہی ہے،عائشہ گلالئی جھوٹی بیان بازی کرنے پر عمران خان سے معافی مانگیں،درخواست میں استدعا کی گی ہے کہ عمران خان کی ساکھ کو نقصان پہنچانے پر عائشہ گلالئی کے خلاف قانون کے مطابق کارروائی کی جائے۔

اسلام آباد(میڈیا نائن ٹو‌ڈاٹ ٹی وی) پی ٹی آئی چئیرمین عمران خان کا کہنا ہے کہ تحریک انصاف سندھ کو زرداری اور اسکے کرپٹ چیلوں کے چنگل سے چھڑوائے گی اور نواز کوکٹہرے میں لے آئے اب زرداری کی باری ہے۔چیئرمین تحریک انصاف عمران خان سے مرکزی سینئرنائب صدرعلی زیدی کی ملاقات ہوئی، جس میں علی زیدی کی جانب سے سندھ خصوصاً کراچی کے عوام کو درپیش بنیادی مسائل پربریفنگ دی گئی۔
ملاقات کے دوران عمران خان نے کہا کہ اگلے ہفتے کراچی آرہا ہوں، عوام سے مل کرزرداری اورٹولے کے مستقبل کا فیصلہ کریں گے، سندھ میں پیپلزپارٹی کی حیوانیت کی حد تک لوٹ کھسوٹ ناقابل قبول اورناقابل برداشت ہے، تحریک انصاف سندھ کوزرداری اوراسکے کرپٹ چیلوں کے چنگل سے چھڑوائے گی، نوازکو کٹہرے میں لے آئے اب زرداری کی باری ہے، سندھ پرخصوصی نظرہے، تبدیلی لائے بغیر چین سے نہیں بیٹھیں گے اورپاکستان اور سندھ کے وجود کو کرپشن سے پاک کرنے کیلئے کرپشن کے امام کا تعاقب کریں گے۔
رہنما تحریک انصاف علی زیدی نے کہا کہ سندھ پیپلز پارٹی کی بدترین انتظامی کارکردگی کی بھینٹ چڑھ رہا ہے، سندھ کے ظالم حکمران عوام سے پینے کے صاف پانی جیسا بنیادی حق بھی ہتھیا چکے ہیں، “روٹی، کپڑا، مکان” اور “جئے مہاجر”جیسے کھوکھلے نعرے لگا کر سندھ کے عوام کی رگوں میں زہر اتارا جا رہا ہے، محنتی، مخلص اور محب وطن سندھی عوام پر بدترین اور کرپٹ ترین ٹولہ مسلط ہے اسلیے شہری اور دیہی سندھ کی امیدوں کا واحد مرکز “تبدیلی” کا پیغام ہے۔

اسلام آباد(میڈیا نائن ٹو ڈاٹ‌ ٹی وی) پاکستان تحریک انصاف کے چیئرمین عمران خان کا کہنا ہے کہ وہ طاہر القادری کو مکمل تعاون کی یقین دہانی کراتے ہیں کہ اگر سانحہ ماڈل ٹاؤن پر انصاف کے لئے سڑکوں پر نکلے تو ہم ان کا ساتھ دیں گے۔اسلام آباد میں چیئرمین تحریک انصاف عمران خان نے میڈیا سے گفتگو سے کرتے ہوئے کہا کہ سب کو ماڈل ٹاون رپورٹ دیکھنی چاہیے، شہباز شریف اور رانا ثناء اللہ فوری استعفے دیں، رانا ثناء اللہ نے گولیاں چلانے کا حکم جاری کیا اور شہباز شریف کا جھو ٹ پکڑا گیا، مقدمہ شہباز شریف اورعابد شیر علی پر چلنا چاہیے، طاہر القادری کو مکمل تعاون کی یقین دہانی کراتا ہوں، طاہر القادری اگر سانحہ ماڈل ٹاؤن پر انصاف کیلئے سڑکوں پر نکلے تو ہم ان کا ساتھ دیں گے۔
عمران خان نے کہا کہ ہم نے صاف اور شفاف الیکشن کے لئے پرامن احتجاج کیا پھربھی ہم پر الزامات لگائے گئے، آمر کی گود میں پلنے والے میرے خلاف مقدمات درج کررہے ہیں۔ عمران خان نے نوازشریف سے ہاتھ ملانے کے سوال پر جواب دیا کہ میں مجرموں اور قوم کے دشمنوں سے ہاتھ نہیں ملاتا۔مقبوضہ بیت المقدس کے حوالے سے امریکی اقدام کی شدید مذمت کرتے ہوئے عمران خان نے کہا کہ فلسطینی مسلمانوں پر ظلم کی انتہا کردی گئی ہے، ٹرمپ جیسے لوگ مسلمانوں کو انسان ہی نہیں سمجھتے اور اس متعلق ہمارے کٹھ پتلی وزیراعظم کو طیب اردگان جیسا موقف اختیار کرنا چاہیے۔
اس سے قبل چیئرمین تحریک انصاف عمران خان انسداد دہشت گردی عدالت میں پیش ہوئے جہاں ان کی ضمانت قبل از گرفتاری میں 11 دسمبر تک توسیع دے دی گئی جب کہ مقدمہ سیشن عدالت بھجوانے کی استدعا پر نوٹس جاری کردیا گیا۔

پشاور (میڈیا نائن ٹو ڈاٹ ٹی وی ) تحریک انصاف کے چیئرمین عمران خان کی سابقہ اہلیہ سماجی کارکن ریحام خان نے کہا ہے کہ خیبرپختونخوا کی حکومت ووٹ بنک کے دباؤ کی وجہ سے خواتین کے حقوق کا بل پاس نہیں کروا سکی ۔ صوبے میں تعلیم کی کمی ‘ بے روزگاری اور تشدد کے واقعات میں اضافہ ہو رہا ہے ۔ ان خیالات کا اظہار ریحام خان نے پشاور میں صحافیوں سے گفتگو کے دوران کیا ان کا کہنا تھا کے پی کے میں بچے غیر محفوظ ہیں صوبے میںتعلیم کی کمی ‘ بے روزگاری اور تشدد کے واقعات میں دن بدن اضافہ ہوتا جا رہا ہے انہوں نے کہا کہ ڈی آئی خان میں لڑکی سے زیادتی کے واقعے کا وزیر اعلی پرویز خٹک کو فوری نوٹس لینے چاہئے تھا مگر انہوں نے اس پر کچھ بھی نہیں کیا ۔ صوبائی حکومت دباؤ کی وجہ سے خواتین کے حقوق اور ان کے تحفظ کا بل بھی پاس نہیں کروا سکی جس کی وجہ سے صوبے بھر میں خواتین غیر محفوظ اور بے یقینی کی صورت حال سے دوچار ہیں۔ ریحام خان نے کہاکہ کرپشن چھپانے اور ٹیکس نہ دینے پر سب کے خلاف یکساں کارروائی ہونی چاہئے تاکہ ملک سے کرپشن کا خاتمہ اور ملک آگے بڑھ سکے ۔ عمران خان کے گھر سے فلاحی کام نہیں کر سکتی تھی اب فلاحی کاموں میں مصروف ہوں کیونکہ فلاحی کام کر کے خدمت خلق کے لئے وقف کر دیا ہے ۔

لاہور (میڈیا نائن ٹو ڈاٹ ٹی وی )تحریک انصاف کے رہنما فواد چودھری نے کہا ہے کہ حکومت مدت نہیں، عدت پوری کررہی ہے،وزیراعظم اپنامنشی بھی فارغ نہیں کرپارہے،اپنے ایک بیان میں فواد چودھری کا کہناتھا کہ منتوں ترلوں سے حکومتیں نہیں چلتیں۔انہوں نے کہا کہ ملک کاوزیراعظم اوروزیرخزانہ کون ہے؟صحیح جواب پرکروڑ روپے انعام دیں گے،فواد چودھری کا کہناتھا کہ شریف خاندان کے پاس ہرسوال کاجواب سازش ہے،صرف اس سازش کانہیں بتارہے کہ 3ہزارکروڑان کے اکاؤنٹ میں کیسے آیا۔