Tag rate

اسلام آباد(ایمرا نیوز آن لائن)رواں مالی سال2018-19ء کے پہلے دس مہینوں میں جولائی تا اپریل کے دوران فیڈرل بورڈ آف ریونیو( ایف بی آر) کے ٹیکس محصولات میں3.09 فیصد کااضافہ ہوا ہے۔ ایف بی آرکے اعدادوشمارکے مطابق جاری مالی سال میں اپریل2019ء کے اختتام پر فیڈرل بورڈ آف ریونیو نی2.981 کھرب روپے کے ٹیکس وصول کئے ہیں جبکہ گذشتہ مالی سال کے ابتدائی دس ماہ کے دوران ایف بی آرکے ٹیکس محصولات کا حجم 2.922 کھرب روپے رہا تھا۔ اس طرح گذشتہ مالی سال کے مقابلہ میں رواں مالی سال کے دوران ٹیکسز کی وصولی کے حجم میں59 ارب روپے یعنی3 فیصد سے زائد کا اضافہ ریکارڈ کیا گیا ہے۔

لاہور(ایمرا نیوزآن لائن) عالمی مارکیٹ میں سونے کی قیمت میں اضافہ ہوگیا جبکہ ملکی سطح پر سونے کی قیمت میں کوئی تبدیلی نہیں ہوئی۔سندھ صرا فہ بازار ایسوسی ایشن کے مطابق ملک میں سونے کی فی تولہ قیمت 68 ہزار 900 روپےپر برقرار ہے، 10 گرام سونےکی قدر 59 ہزار 71 روپے پر برقرار ہے۔دوسری جانب عالمی مارکیٹ میں سونےکی فی اونس قیمت 4 ڈالر اضافے سے 1281 ڈالر ہوگئی ہے۔

اسلام آباد(میڈیا نائن ٹو ڈاٹ ٹی وی ) ڈالر کے مقابلے میں روپے کی قدر میں کمی کے بعد پاکستانی حکام اور عالمی مالیات فنڈ (آئی ایم ایف) کے مابین ملکی معیشت پر بات چیت کا پہلا دور اختتام پزیر ہوگیا جبکہ دنوں فریقین 2 روز بعد معاملات کو حتمی شکل دیں گے۔واضح رہے کہ جمعہ کو روپے کی قیمت میں کمی کا فیصلہ سامنے آیا تھا جس کے بعد ڈالر کی قدر میں اچانک 3 روپے اضافہ دیکھنے میں آیا تھا۔بعدِ ازاں پاکستانی حکام اور آئی ایم ایف کے درمیان معاشی پالیسی سے متعلق بات چیت کا سلسلہ شروع ہوا۔اسٹیٹ بینک آف پاکستان (ایس بی پی) کے اعلیٰ عہدیدار نے ڈان کو بتایا کہ ‘مرکزی بینک نے کئی مہینوں بلکہ کئی برسوں تک مارکیٹ کی توقعات کو پورا کرنے کے لیے حالیہ دنوں میں روپے کی قدر میں کمی کےبعد شرح مبادلہ (ایکسچینج ریٹ) کے تبادلے کا ارادہ کیا۔ان کا مزید کہنا تھا کہ اس مقصد کے لیے جمعہ 8 دسمبر کا انتخاب کیا گیا تھا تاکہ 2 ماہ قبل متعارف کرائے گئے نئے بین الاقوامی بانڈز سے حاصل ہونے والے 2 ارب 50 کروڑ ڈالر کے اثاثون کو یقینی بنا یا جائے۔ذرائع کا کہنا ہے کہ آئی ایم ایف کو پاکستان کے بیرونی سیکٹرز کی کارکردگی پر خدشات لاحق ہیں جبکہ حکومتی انتظامیہ کے دعوے تصویر کا دوسرارخ پیش کررہے ہیں، تاہم اس حوالے سے آئی ایم ایف اور پاکستانی حکام کے مابین بات چیت کا سلسلہ جاری ہے اور 11 دسمبر کو ممکنہ طور پر آئی ایم ایف پالیسی کو حتمی شکل دے کر اس پر ردعمل اور تحفظات کے اظہار کے لیے پاکستانی حکام کو پیش کریں گے۔واضح رہے کہ پاکستان کی جانب سے سیکریٹری خزانہ شاہد محمود آئی ایم ایف کی رپورٹ کا جائزہ لیں گے جبکہ آئی ایم ایف کی ٹیم ہارالڈ فنگر کی سربراہی میں لاہور کا دورہ کریں گی جہاں وہ وزیراعلیٰ پنجاب شہباز شریف سمیت دیگر صوبائی عہدیداروں، آزاد مبصرین، کارروباری اداروں کے محققین، اور نجی جامعات کے نمائندوں سے ملاقاتیں کریں گے۔حکام نے امید ظاہر کی کہ کرنسی ایڈجسمنٹ سے نجی (تجارتی) بینکوں میں موجود غیر ملکی کرنسی ہولڈنگ میں نمایاں فرق آئے گا جن کا حجم اس وقت 6 ارب ڈالر تک ہے تاہم اسے اپنی پرانی سطح پر لانے میں مدد ملے گی۔ذرائع نے بتایا کہ دونوں فریقین کے درمیان پاک چین اقتصادی راہداری (سی پیک) کے حوالے سے متعلق بات چیت ہو چکی ہے۔خیال رہے کہ سی پیک میں مختلف نوعیت کے ترقیاتی پراجیکٹس کا تخمیہ 23 ارب ڈالر ہے جس میں 17 ارب ڈالر توانائی اور 6 ارب ڈالر شاہرواں کی تعمیر کے لیے مختص ہیں۔آئی ایم ایف اور وزارتِ خزانہ کے مابین بات چیت کے آخری دور میں آئی ایم ایف ڈائریکٹر برائے مشرقی وسطیٰ اور وسطی ایشیاء جھاد ازعود بھی شریک ہو نگے۔خیال کیا جارہا ہے کہ وزیراعظم شاہد خاقان عباسی سے بھی آئی ایم ایف مشن کی ملاقات کرائی جائے گی جس میں پالیسی پوزیشن میں حائل خلا پر بھی بات چیت کی جائے گی۔اس ضمن میں پاکستان سال 2023 تک آئی ایم ایف کے ‘پوسٹ پروگرام مانیٹرنگ (پی پی ایم)’ کے تحت مقررہ کردہ اہداف سے زیادہ قرض لیتا رہے گا۔پاکستان نے پی پی ایم کے تحت خصوصی منتقلی اختیار (ایس ڈی آر) کے ذریعے 1 ارب 40 کروڑ ڈالر وصول کرنا تھے تاہم اب اس کی حد بڑھ کر 4 ارب 30 کروڑ ڈالر تک پہنچ چکی ہے۔ جب سیکریٹری خزانہ شاہد محمود سے رابطہ کیا گیا تو انہوں نے بتایا کہ آئی ایم ایف کے وفد کے سامنے ملکی معیشت پر مفضل جائزہ پیش کیا جو مثبت اقتصادی اعشاریوں کی جانب ٹھیک رفتار سے بڑھ رہے ہیں۔سیکریٹری خزانہ کے مطابق پاکستان سوشل پروٹیکشن اور ترقی پر اخراجات کے بغیر مالی استحکام کا ہدف حاصل کرنے میں کامیاب رہا ہے جبکہ حکومت ملکی مجموعی پیداوار (جی ڈی پی) کی ترقی کی شرح کو 6 فیصد تک پہنچانے کے لیے کوشاں ہے۔شاہد محمود نے مزید بتایا کہ آئی ایم ایف وفد سے یورو اور سکوک (اسلامی) بانڈ کی حالیہ کامیابی پر بات چیت ہوئی۔